انا داير حقي .. مفروض اعمل شنو. ؟!

Post: #1
Title: انا داير حقي .. مفروض اعمل شنو. ؟!
Author: HAIDER ALZAIN
Date: 02-24-2019, 10:57 AM
Parent: #0

09:57 AM February, 24 2019 سودانيز اون لاين
HAIDER ALZAIN-
مكتبتى
رابط مختصر

(adsbygoogle = window.adsbygoogle || []).push({});

قال حميد رحمه الله :

حقك تحرسو ولا بيجيك
حقك تلاوي وتقلعو ..
امسك شباطين الصراع
والمابتحصلوا جدعو...

فترنا من الجديع..

دا بوست للتساؤل والمعلومة والمشورة .. والعشم في اي زول عندو راي والا معلومة يفيدني بيها..

وسط العتمة والفوضي والفساد القانوني والعدلي البشوفها في السودان مدى تلاتين سنة... بيبقى في جهل كبير بالقانون والدستور البيسند حقوقي
انا كمواطن في ناتج العملية الاقتصادية الدائرة في البلد.. لي حقوق تتمثل في أمن .. تعليم.. صحة .. فرص وظيفية.. خدمات مدنية .. تساهيل مالية .. طرق .. نظافة.. خدمات تكافلية الخ
مما يُفترض للدولة اها تقدمه لمواطنيها ..مقابل اسهاماتهم في الناتج القومي وفي تسديد الضرائب والايفاء بالالتزمات المالية ..
الكلام دا مُفترض يحصل في بيئة سليمة والا حالم ساي؟

طيب اذا نعم.. وما حصل باسباب تتمثل في الفساد وسوء إستغلال وتبديد للموارد وسرقة بفعل حزب سياسي ممسك بالسلطة وحكومات متعاقبة برئاسة واحدة ..
هل من حقي كمواطن فرد انه اطالب برد حقوقي دي بصفتي انا المتضرر ولا اتكلم باسم مجموعة او كيان او حزب سياسي..

طيب اذا كان نعم .. ماهي الخطوات القانونية !

الشق التاني ودا الاهم عندي ..

اذا كانت في جماعة او نخبة او تكتل او كيانات سياسية حتى لو كنت انا مؤيد او عضو في احدها.. هل من حقها توقع او تبرم او تتفق مع الحزب او النظام السياسي القائم الانا متضرر منه
وتقدم مبادرات او اتفاقيات صلح مما يُتيح لهذه الجماعة الافلات من المساءلة او العقوبة او إرجاع الحقوق - بما فيها حقي !

انا بإختصار شديد داير حقي... مازي هاني رمزي والا منو بتاع الفيلم..
لكن بمعنى دستوري انه لا اوافق اي جماعةضمن الثورة الآن او مستقبلاً حزباً او تجمعاً ... تحاول او تجلس او تحاور النظام واحدى اتفاقياتها تتمثل بعدم المساءلة المستقبلية للرئيس او احد موظفيه او حزبه..
داير محاسبة ومعرفة حقي في التلاتين سنة الفاتت .. وما بفوض الا زول يطالب بيهو..

في دبارة والا نحقب عكاز مضبب ونقيف للقدام والجايين :؟!

ويسقط بس#

Post: #2
Title: Re: انا داير حقي .. مفروض اعمل شنو. ؟!
Author: sadig mirghani
Date: 02-24-2019, 11:02 AM

انزل الشارع
نحن مرقنا ليييه
عشان كلامك دا

Post: #3
Title: Re: انا داير حقي .. مفروض اعمل شنو. ؟!
Author: abdulhalim altilib
Date: 02-24-2019, 11:45 AM
Parent: #2

سلام يا حيدر يا أخوي

أخونا الصادق ميرغني أداك النجيضة .

بس .. قرض على كده .. وألا .. تسقط بس !!؟؟

مودتي ،،،

( ليمو )

Post: #4
Title: Re: انا داير حقي .. مفروض اعمل شنو. ؟!
Author: الشفيع وراق عبد الرحمن
Date: 02-24-2019, 01:45 PM
Parent: #3

غايتو الا كان ينزل شارع الملك عبد العزيز :)

Post: #5
Title: Re: انا داير حقي .. مفروض اعمل شنو. ؟!
Author: HAIDER ALZAIN
Date: 02-24-2019, 02:59 PM
Parent: #3

الاخوان الصادق ميرغني وليمو .. سلامات

مشكورين..
لكن
سؤالي ما ممكن تكون اجابتو انزل الشارع.. لانه هو سؤال متكون من نتاج نزول الشارع .. البيتيح ليك تسأل وتطالب وتنتظر سماع صوتك
واجابتكم على وزن - العندو دليل فساد يقدمه المحكمة بتاعت الجماعة :)

بعد نزلت وهتفت عاوز حقي ...
وسقطت...
وماذا ..
ما علي " كمواطن " حتى اضمن ان لا يتم التفريط في حقوقي - السابقة والقادمة - لي وللأجيال من بعدي..

تسقط بس #

Post: #6
Title: Re: انا داير حقي .. مفروض اعمل شنو. ؟!
Author: HAIDER ALZAIN
Date: 04-14-2019, 12:41 PM
Parent: #5

كما قلت

عودة الي ما قد سلف..

احذر الجميع من التفريط في حقي الذي سرقته عصابة حكومة الكيزان والانقاذ..

وأرفض اي دعوة او اتفاق بأسمي - كفرد ومواطن من الشعب السوداني - يُتيح للمجرمين والحرامية والقتلة الافلات من المحاسبة والعقوبة ورد الحقوق تحت اي مسمي او مبرر

ولا اقبل ان تتم تسوية بأسمي بدعوى الواقع السياسي او الراهن الواقعي او فذلكات

وسأسعى للتنوير القانوني والدستوري لإبقاء حقي نصب عيني ..

والثورة مستمرة#

Post: #7
Title: Re: انا داير حقي .. مفروض اعمل شنو. ؟!
Author: عصام الدين نصر ابراهيم
Date: 04-14-2019, 12:58 PM
Parent: #6

اقيف في الصف

Post: #8
Title: Re: انا داير حقي .. مفروض اعمل شنو. ؟!
Author: محمد مجيدو
Date: 04-14-2019, 01:23 PM

الاخ حيدر .. وضيوفك الكرام ,,,
السلام عليكم ,,

في فيلم مصري كوميدي موضوعو زي موضوعك دا .. بطلو هاني رمزي
الفيلم اسمو عايز حقي ....
وباختصار هو قراء في الدستور انو اي مصري ليهو حق في البلد..
اها البطل مفلس .. فكر يبيع حقو .. عشان يشتري شقة يتزوج فيها ..
واقنع كل اهل الحي انو يبيعو حقهم .. ومشوا الشهر العقاري عشان يعملوا ليو توكيل بالبيع..
المهم .. الراجل لبسو قضية .. ودخل السجن ... لا يدو لا كراعو ... ههههههه
هاك شاهد لقطة المحاكمة في الفيلم ..

تحياتي ,,

Post: #9
Title: Re: انا داير حقي .. مفروض اعمل شنو. ؟!
Author: عزالدين عباس الفحل
Date: 04-14-2019, 07:41 PM
Parent: #8

HAIDER ALZAIN

سلام الفاضل ود الزين.
حقك خذو .
من ال expatriation
التحايا المعتقة لك.
والانوار المعلقة .
في متاهات الزمن.

***
الاخ الفاضل مجيدو سلاااااااام .

،،،،

عزالدين عباس الفحل
ابوظبي

Post: #11
Title: Re: انا داير حقي .. مفروض اعمل شنو. ؟!
Author: HAIDER ALZAIN
Date: 04-15-2019, 12:03 PM
Parent: #8

سلامات الاخ مجيدو.. لك التحية

الفيلم طبعاً لقطة اساسية في عنوان البوست دا ومن الافلام المصرية القليلة البتكيفني بالاضافة للبخيت وعديلة ههههههههههه
رغم اننا ماعاوزين نبيع .. عاوزين نسترد حقوقنا ونشتري الوطن..

كل الامر يا حبيب اننا نذكر تجربة ابريل والاطاحة بنميري وكيف سيأتي التسويف والتراخي ثم يجوك جماعة باركوها وعفا الله عما سلف..

غايتو شخصياً اصلي ما عافي شئ ..

Post: #10
Title: Re: انا داير حقي .. مفروض اعمل شنو. ؟!
Author: محمد مجيدو
Date: 04-15-2019, 07:34 AM

Quote: الاخ الفاضل مجيدو سلاااااااام .

الاخ العزيز - حبيبنا عزالدين ... حفظك الله ,,

تحياتي واشواقي لك ولجميع اسرتك الكريمة ..
واتمنى لكم حياة سعيدة ..
وان شاء الله نلتقى دائما في الافراح

شكرا جزيلا .. وبارك الله فيك ..