Post: #1
Title: عدت للمنبر هذه المرة يا جماعة عشان اديكم قصيدة كتبتها انا .. لكن ما عارف شاعرها منو؟!
Author: قيقراوي
Date: 02-07-2019, 07:57 AM
06:57 AM February, 07 2019 سودانيز اون لاين
قيقراوي-
مكتبتى
رابط مختصر
سلام لجميع الاحباب هنا
|
Post: #2
Title: Re: عدت للمنبر هذه المرة يا جماعة عشان اديكم ق
Author: عمر أبوعاقلة
Date: 02-07-2019, 08:32 AM
Parent: #1
يا سلالالالالام ياخ
العود أحمد والله
زمان كنّا نقرأ لكم من النفاج
لما دخلنا سحبتوا كيبورداتكم ومشيتو
شئ محزن والله
ربنا يسهل عودة الباقيين
مودتي
|
Post: #3
Title: Re: عدت للمنبر هذه المرة يا جماعة عشان اديكم ق
Author: MOHAMMED ELSHEIKH
Date: 02-07-2019, 08:40 AM
Parent: #2
علي الطلاق بالتلاتة امبارح بدون مناسبة بالليل افكر في قيقراوي
ياربي الزول دا دحين مش غير اسمو لاحمد حمودي؟؟؟؟
انا بقيت فكي
مرحبا بك
وتسقط بس
|
Post: #26
Title: Re: عدت للمنبر هذه المرة يا جماعة عشان اديكم ق
Author: قيقراوي
Date: 02-12-2019, 09:10 AM
Parent: #3
Quote: علي الطلاق بالتلاتة امبارح بدون مناسبة بالليل افكر في قيقراوي
ياربي الزول دا دحين مش غير اسمو لاحمد حمودي؟؟؟؟
انا بقيت فكي |
سماتا .. ديل اهل الواتا!
اهل العلب .. والفاتحين بقدرة رب العالمين .. على الله وعليه
بشربوا دخانهم .. وببينوا برهانهم في العدو .. والبشيل حاجة ما حقتو
بي دستورهم اولاد ماما .. يعفوا .. يرضوا
|
Post: #22
Title: Re: عدت للمنبر هذه المرة يا جماعة عشان اديكم ق
Author: قيقراوي
Date: 02-12-2019, 07:09 AM
Parent: #2
Quote: يا سلالالالالام ياخ
العود أحمد والله
زمان كنّا نقرأ لكم من النفاج
لما دخلنا سحبتوا كيبورداتكم ومشيتو
شئ محزن والله
ربنا يسهل عودة الباقيين
مودتي |
البرتقالة أنت .. وانا بعض الرحيق
ما نفاج هو .. كنت بشاغلكم بي يا معاين من الرقراق
شغلتنا أموالنا -المافي- واهلونا الفي عن التواصل ..
ركن رجعنا بأمر الثورة والثوار ..
وكان حيين بنتلاقى تحت ضل شجرة الحرية ام همبريباً طااالق قريييب 
|
Post: #4
Title: Re: عدت للمنبر هذه المرة يا جماعة عشان اديكم ق
Author: هاشم الحسن
Date: 02-07-2019, 08:54 AM
Parent: #1
وينا القصيدة؟
يا أيها العائد تصلي وتغني بذات اللسان،
ساهرتا بينا ياخ!!
|
Post: #5
Title: Re: عدت للمنبر هذه المرة يا جماعة عشان اديكم ق
Author: محمد البشرى الخضر
Date: 02-07-2019, 09:03 AM
Parent: #4
والله يا قيقا غيابك كان مبلوع ومفهوم إلى حد ما في الأيّام العادية, لكن بعد انطلاق ثورة ديسمبر المباركة كان في شي ناقص, معقول يا قيقا!
تنجز ثورتك الشخصية و ترعاها براك ايّام ثورة تونس و يناير و لامن يحين أوان ثورة السودان المنتظرنها العمر دا كلّه تغيب!
العود أحمد و ان شا الله الفال طيب على قدومك
اشتقنا ليك وللغلاط معاك :)
وهاك دي عينة: من اسي القصيدة وزنها مكسور محتاجة مراجعة 
|
Post: #8
Title: Re: عدت للمنبر هذه المرة يا جماعة عشان اديكم ق
Author: Haytham Ghaly
Date: 02-07-2019, 09:10 AM
Parent: #5
اهلاً ؤ بس
فياخي ابقى قاعد ؤ بس
وهم يسقطو ؤبس
|
Post: #30
Title: Re: عدت للمنبر هذه المرة يا جماعة عشان اديكم ق
Author: قيقراوي
Date: 02-12-2019, 03:54 PM
Parent: #8
Quote:
اهلاً ؤ بس
فياخي ابقى قاعد ؤ بس
وهم يسقطو ؤبس |
هي لسة ما سقطت؟
يا حبيب أكيد سوف نبقى فوق هذه الأرض ريثما تصفو السماء
----------
جاييك لطعمية البطل 
|
Post: #29
Title: Re: عدت للمنبر هذه المرة يا جماعة عشان اديكم ق
Author: قيقراوي
Date: 02-12-2019, 02:11 PM
Parent: #5
| Quote: والله يا قيقا غيابك كان مبلوع ومفهوم إلى حد ما في الأيّام العادية, لكن بعد انطلاق ثورة ديسمبر المباركة كان في شي ناقص, معقول يا قيقا!تنجز ثورتك الشخصية و ترعاها براك ايّام ثورة تونس و يناير و لامن يحين أوان ثورة السودان المنتظرنها العمر دا كلّه تغيب!العود أحمد و ان شا الله الفال طيب على قدومك اشتقنا ليك وللغلاط معاك :) وهاك دي عينة: من اسي القصيدة وزنها مكسور محتاجة مراجعة |
اوو حبيبنا ود البشرى ...ثورة زي تفوتني مفلق انا ..
في نص الثورة انا .. سادي ثغر في ساحة تانية بس .. في وادي الفيسبوك المقدس انا وسط الثوار الاحرار
ياخي دي ثورة ترد الروح .. وقادرة على بث الأمل واستخلاص كل الخير والحب والجمال الجوة الشعب السوداني
اذا كانت ثورة تونس ثورة الياسمين .. فثورتنا ثورة الحب ..بإذن الله ستنتصر في شهر الحب 
في فبراير .. طاير .. طاير
#تسقط_بس
|
Post: #27
Title: Re: عدت للمنبر هذه المرة يا جماعة عشان اديكم ق
Author: قيقراوي
Date: 02-12-2019, 10:37 AM
Parent: #4
بركة في الشوفة يا CD الحسن
تعرف ياداب وقع لي ليه تشي جيفار دا كان بريد اللطام ومتلقي حجج
ياخي الفعل الثوري دا فيهو متعتة غير متوفرة في اي نوع من المتع التقليدية .. إيفن الجنس ذاتو
خليط مشاعر عجيب ومدهش .. رغبة ورهبة وجلال .. خوف وفرح غبطة وسرور .. آمال الآم .. شي عجيب كلو كلو
يا حليكم .. بعد تنجزوا ثورتكم دي برحل اشوفي لي بلد قايمة فيهو ثورة جديدة
|
Post: #6
Title: Re: عدت للمنبر هذه المرة يا جماعة عشان اديكم ق
Author: محمد حيدر المشرف
Date: 02-07-2019, 09:06 AM
Parent: #1
يا سلاااااام
|
Post: #7
Title: Re: عدت للمنبر هذه المرة يا جماعة عشان اديكم ق
Author: فتحي عباس نقد
Date: 02-07-2019, 09:10 AM
Parent: #6
حمد لله على رجوعك البورد يا قيقراوي وانا متابع قديم وبرلوم من 2013 ههههه
المهم زي ما قال ود البشرى
| Quote: وهاك دي عينة: من اسي القصيدة وزنها مكسور محتاجة مراجعة |
انت جيب نص القصيدة وانا بتمها ليك ههههههه
|
Post: #37
Title: Re: عدت للمنبر هذه المرة يا جماعة عشان اديكم ق
Author: قيقراوي
Date: 02-13-2019, 01:49 PM
Parent: #7
Quote:
انت جيب نص القصيدة وانا بتمها ليك ههههههه
|
فتحي نقد يا سمي مرحب بيك وبينا في حوش بكري (زمان كنا مسمنه السرايا الصفراء )
يلا يدك معانا كان كنت من العواجيز
|
Post: #9
Title: Re: عدت للمنبر هذه المرة يا جماعة عشان اديكم ق
Author: معاذ حسن
Date: 02-07-2019, 09:13 AM
Parent: #6
سلام عليكم جميعا
عودا حميدا مستطاب يا قيقا
ود البشرى ما شاء الله صامد في المنبر خرتمية سنة الله يديك العافية
زي البشير بس
|
Post: #10
Title: Re: عدت للمنبر هذه المرة يا جماعة عشان اديكم ق
Author: عباس محمود
Date: 02-07-2019, 09:29 AM
Parent: #9
السلام عليكم
ألف مرحب وعودا حميدا
|
Post: #11
Title: Re: عدت للمنبر هذه المرة يا جماعة عشان اديكم ق
Author: قيقراوي
Date: 02-07-2019, 09:45 AM
Parent: #10
والله يا شباب كمية من الكلام و الأشجان والأشواق وحاجات تانية ذاتو ما عارف كيف يقولوها ..
في جنس الورطة الانا فيها دي خلوني ابدأ بالقصيدة .. وهي كانت ضاااربة وسارت بها الركبان والعربان الماشين كداري ساي في ثمانينات القرن المنصرم ...
هي دعوة لعجايز الثوار -وعجائز لغوياً تنطبق على الجنسين- وقدامى المحاربين للمساعدة في تذكر النص وصاحبه من باب حفظ الحقوق الادبية.
ح اسرد المتذكره منها في مقطعين .. والباقي ذهبت به السنون والزهايمر .. الى المقطعين اذن دون إبطاء:
(1)
بالامسِ زارني الشهيد .. عاصباً جبينه بهالة النضال
يشعُ من جبينه الجلال ...
(2)
مددت يدي .. أردتُ ضمه ...
ففضني في انكسار نفسي الواجفة
لا أنسى حين فضني مودعاً وقال:
أرواحنا تزوركم .. لتطرد النعاس من جفونكم
غاية أن تكون .. ألا تنام .. أو .. تهون
---------
اذكر - من ثقب ذاكرة زلقة- اني كنت استمع للقصيدة من شريط TDK فيه مجموعة من الافذاذ ..
اذكر منهم محمد طه القدال .. ومحمد الجاك الصراف
وانا متهم الاخير صراحة!
ورود بقدر الشباب هنا
|
Post: #21
Title: Re: عدت للمنبر هذه المرة يا جماعة عشان اديكم ق
Author: Munir
Date: 02-08-2019, 05:43 PM
Parent: #11
قلت لى كتبتها انت لكين ماعارف شاعرها منو ؟🙂
دى زى قصيدة حصلت لى حكاها لى واحد 😁😁
مرحبتين يا رجل 🍁🍎🌿
|
Post: #43
Title: Re: عدت للمنبر هذه المرة يا جماعة عشان اديكم ق
Author: قيقراوي
Date: 02-18-2019, 02:23 PM
Parent: #21
Quote:
دى زى قصيدة حصلت لى حكاها لى واحد 😁
|
منير حبيبنا ..
اكيد هي مستقاة من السخف الابداعي للكوميديان عمر موز 😁
------------
تحت تحت كدا سمعت انو (الواحدين) القاعدين يحكوما ليو ديل قرروا تاني ما يحكوا ليو اي شي .. لانه حرامي بسرقا وبدعى البطولة لنفسو😁
|
Post: #12
Title: Re: عدت للمنبر هذه المرة يا جماعة عشان اديكم ق
Author: محمد عمر جبريل
Date: 02-07-2019, 09:46 AM
Parent: #10
حبابو .. حبابو ياخ
|
Post: #13
Title: Re: عدت للمنبر هذه المرة يا جماعة عشان اديكم ق
Author: عبد الوهاب المليك
Date: 02-07-2019, 10:35 AM
Parent: #12
يااااااه
فتح الرحمن عاد من جديد وعقبال عودة بقية العقد النضيد .. بالجد ليكم وحشة ..
ما تقطع واصل كفاحك خليك حريص .. أقصد واصل ظهورك ..
|
Post: #14
Title: Re: عدت للمنبر هذه المرة يا جماعة عشان اديكم ق
Author: محمد البشرى الخضر
Date: 02-07-2019, 10:51 AM
Parent: #13
معاذ الجنريتر دا ما عرفتك شكرتني ولا لخيتني لكن للضمان كدا
تسقط بس
😁
|
Post: #15
Title: Re: عدت للمنبر هذه المرة يا جماعة عشان اديكم ق
Author: جمال ود القوز
Date: 02-07-2019, 10:52 AM
Parent: #13
بالأمس جأني الشهيد عاصباً جبينه بهالة النضال
بصدره إرتعاشة الفداء نازفة
ملفحاً بجزوة الكفاح يكسو وجهه الجلال
***
فركة أعيني أردت ضمه فصدني صغرت مرتين
ثم غصت في إنكسار نفسي الواقفة
تقلصت مسرتي تناثر إندفاعي الخجول في الهموم الزاحفة
وجمت إذ عجبت ما أكون قد فعلت للرفاق
لعلني لم اخفض اللواء أو أداعب النفاق
نظرت في شحوب ماذا يريد زائري الغضوب
***
قال لي وكفه تصد دمه المراق:
أرواحنا تزوركم لتطرد النعاس من جفونكم
***
فركة أعيني كبيرة كبيرة
فتحتها ثم استطلت ... تمخر السحاب قامتي
سحقت غيمة الركود دستها
تراقص انتعاش صحوي فوق راحتي
دعاني الشهيد مد يده حضنته
توازت القامات في إعتدال مدة طويلة
شددت كفه نظرت في عيونه رأيت واحة ظليلة
جبينه يصوغ كبرياء وصدره يشع في إزدهاء
ثم استدار بعد حين باسماً ووجه يعانق السماء
حين غاب في الماضي انتفضت في انفعال لن أنسي
حين هزني مودعاً وقال :
غاية أن تكون
أن لا تنام أو تخون ....
أنزالها العضو محمد يسين علي بدر ... 30/8/2009
لم يذكر شاعرها ...
الشاعر الأستاذ المعلم / عبد العظيم عبد القادر
زيارة تفقدية ...
هلا قيقراوي ..
حضرنا حضورك الدهشة في أيام خلت ..
فهلا بنبض حروفك من جديد ...
ــــــــــــــــــــــــــــــــــــــــــــــــــــــــــــــــــــــــــــــــ
تسقط بس ...
|
Post: #16
Title: Re: عدت للمنبر هذه المرة يا جماعة عشان اديكم ق
Author: الطيب رحمه قريمان
Date: 02-07-2019, 11:08 AM
Parent: #15
تحياتى و تقديرى .. اخى فتح الرحمن ..
|
Post: #45
Title: Re: عدت للمنبر هذه المرة يا جماعة عشان اديكم ق
Author: قيقراوي
Date: 02-19-2019, 06:04 AM
Parent: #13
Quote:
فتح الرحمن عاد من جديد وعقبال عودة بقية العقد النضيد .. بالجد ليكم وحشة
|
المليك يا ملك قلبي الشمال
يدك معانا نرجع الزمن اللكان
|
Post: #44
Title: Re: عدت للمنبر هذه المرة يا جماعة عشان اديكم ق
Author: قيقراوي
Date: 02-19-2019, 06:01 AM
Parent: #12
| Quote: حبابو .. حبابو ياخ |
اي والله .. ديسمبر الاخضر مليون حبابو
قد ترقبانه أعواماً عجافًا
وحبابك انت يا حبوب
|
Post: #42
Title: Re: عدت للمنبر هذه المرة يا جماعة عشان اديكم ق
Author: قيقراوي
Date: 02-18-2019, 08:13 AM
Parent: #10
Quote:
ألف مرحب وعودا حميدا
|
عباس محمود (العقاد)
تسلم حبيبنا من كل شر
|
Post: #41
Title: Re: عدت للمنبر هذه المرة يا جماعة عشان اديكم ق
Author: قيقراوي
Date: 02-14-2019, 03:16 PM
Parent: #9
معاذ حسن حبيب ألبي .. غاية الاشواق ياخي
Quote: عودا حميدا مستطاب يا قيقا
ود البشرى ما شاء الله صامد في المنبر خرتمية سنة الله يديك العافية
زي البشير بس |
ؤ غاية الطعمية الحامضة مع ود البشرى
قالوا في مرا قالت عاوزا عريس زي البشير بس .. قدر ما يقولوا ليو ارحل هو زايد كنكشة.
|
Post: #35
Title: Re: عدت للمنبر هذه المرة يا جماعة عشان اديكم ق
Author: قيقراوي
Date: 02-13-2019, 08:52 AM
Parent: #6
يا سلام على الشعب الجميل يا رفيق المسافات
لاحت بشاير انقشاع العتمة عن جبين الوطن
أكيد ح نعود قريب أحرار
ونبارك فرحة الثوار ..
يمشي الليل .. ويبقى نهار
وعلامة النصر تبقى لينا منار
بيييس V
|
Post: #17
Title: Re: عدت للمنبر هذه المرة يا جماعة عشان اديكم ق
Author: Kamal Alalla
Date: 02-07-2019, 07:38 PM
Parent: #1
حبيبنا فتح الرحمن
حمد الله ع السلامة
لعلك بخير
|
Post: #18
Title: Re: عدت للمنبر هذه المرة يا جماعة عشان اديكم ق
Author: علاء سيداحمد
Date: 02-08-2019, 01:01 AM
Parent: #17
سلام يا قيقا وحمدا لله على سلامة العودة
صدقنى كنت صايم لقيتك قلت لازم ادخل واسلّم
عودتك تعنى حتمية انتصار الثورة .. وسلام على السودان
وتسقط بس
|
Post: #19
Title: Re: عدت للمنبر هذه المرة يا جماعة عشان اديكم ق
Author: صلاح عباس فقير
Date: 02-08-2019, 11:46 AM
Parent: #18
قيقراوي والله أشواق شديدة.
وبقايا من اعتذارات قديمة.
|
Post: #20
Title: Re: عدت للمنبر هذه المرة يا جماعة عشان اديكم ق
Author: خضر الطيب
Date: 02-08-2019, 12:13 PM
Parent: #19
فتح الرحمن قيقا
و الله مرحب بيك و بعودتك .. حتى في الفيس ما لاقيك
أتمنى انك كنت بخير و الأسرة
محبتي
|
Post: #23
Title: Re: عدت للمنبر هذه المرة يا جماعة عشان اديكم ق
Author: Haytham Ghaly
Date: 02-12-2019, 07:42 AM
Parent: #20
| Quote: عودتك تعنى حتمية انتصار الثورة .. وسلام على السودان |
يا علاء ياخ ما تبالغ كمان هههههههههه
اي نعم الناس مشتاقة جداً لذلك الرجل الذي سند ظهره الى استار الكعبة او كما قالها البطل
ولكن كمان ما تكبرولو راسو شديد كدا عشان ما يرفع القزاز مننا ويختفي مرةً اخرى
--------
كلام البطل دا كان مضحك جداً يا قيقا وكل ما اتذكرو اضحك
فعذراً اذا نكأت لك جرحاً لم يحدث اصلاً
|
Post: #24
Title: Re: عدت للمنبر هذه المرة يا جماعة عشان اديكم ق
Author: زهير عثمان حمد
Date: 02-12-2019, 07:47 AM
Parent: #23
تحياتي وعودا حميد مع كل الود والاجلال أخي
|
Post: #25
Title: Re: عدت للمنبر هذه المرة يا جماعة عشان اديكم ق
Author: قيقراوي
Date: 02-12-2019, 08:17 AM
Parent: #24
محمد الشيخ وزهير وهيثم الغالي المغرض برجع ليكم نفر نفر ونحت الاشواق والمغارز زي زمان
حتى ذلك الحين عاوزين نعمل ورشة لتنقيح وتحقيق وتوثيق القصيدة الرائعة ادناه قمت ببعض اعمال الترميم على النص اعلاه .. اعتماداً على ذاكرة سماعية
بالأمسِ زارني الشهيد .. عاصباً جبينه بهالة النضا
لبوجهه إرتعاشة الفداء نازفة ... ملفحاً بجذوة الكفاح.. يكسو هامته الجلال
***
فركت أعيني أردت ضمه .. فصدني!
صغرت مرتين!! ..
ثم غصت في انكسار نفسي الواجفة
تقلصت مسرتي .. تناثر إندفاعي الخجول في الهموم الزاحفة
وجمت إذ عجبت ما أكون قد فعلت للرفاق
لعلني لم اخفض اللواء أو أداعب النفاق
نظرت في شحوب ماذا يريد زائري الغضوب
***
قال لي وكفه تصد دمه المراق:
أرواحنا تزوركم لتطرد النعاس من جفونكم
***
فركت أعيني كبيرةً.. كبيرةً فتحتها ثم استطلت ...
تمخر السحاب قامتي
سحقت غيمة الركود دستها
تراقص انتعاش صحوي فوق راحتي
دعاني الشهيد .. مد يدهُ .. حضنتها.. حضنته
توازت القامات في إعتدال مدة طويلةً.. طويلةً
شددت كفه
نظرت في عيونه .. رأيت واحة ظليلةً
جبينه يضوع كبرياء .. وصدره يشع في إزدهاء
ثم استدار بعد حين باسماً ووجهُ يعانق السماء
حين غاب في الماضي انتفضت في انفعال ..
لن أنسي حين هزني مودعاً وقال:
غاية أن تكون... ألا تنام أو.... تهووووون!
|
Post: #28
Title: Re: عدت للمنبر هذه المرة يا جماعة عشان اديكم ق
Author: HAIDER ALZAIN
Date: 02-12-2019, 01:42 PM
Parent: #25
الف مرحب بثورة الشباب المرقتك برة..
وكمان شاعر :)
زي القريت اسم محمد عمر جبريل برضو :) :)
|
Post: #31
Title: Re: عدت للمنبر هذه المرة يا جماعة عشان اديكم ق
Author: طلحة عبدالله
Date: 02-12-2019, 07:08 PM
Parent: #28
يا حياك يا قيقراوي المفضال مع الأشواق ما تعرفها وما لا تعرفها
وبالمرة حباب الزين حيدروف
...............
هاهاهاها
Quote: عدت للمنبر هذه المرة يا جماعة عشان اديكم قصيدة كتبتها انا .. لكن ما عارف شاعرها منو؟!
|
دا عنوان بوست واللا عمود رمضان أحمد السيد ؟؟ خخخخخخخخخ
على العموم فيهو هبة ظرافة وكتحة خفة دم .. بخ بخ
|
Post: #32
Title: Re: عدت للمنبر هذه المرة يا جماعة عشان اديكم ق
Author: علي دفع الله
Date: 02-13-2019, 06:34 AM
Parent: #31
عودا جميلا رائع الكلمة قيقراوي
وانشاء كراعك خدرا .
|
Post: #33
Title: Re: عدت للمنبر هذه المرة يا جماعة عشان اديكم ق
Author: Hafiz Bashir
Date: 02-13-2019, 06:40 AM
Parent: #32
مرحباً بعودتك يا زميل المنبر
|
Post: #34
Title: Re: عدت للمنبر هذه المرة يا جماعة عشان اديكم ق
Author: الشفيع وراق عبد الرحمن
Date: 02-13-2019, 08:47 AM
Parent: #33
نسلم بس
ومشتاقين يعلم الله
|
Post: #36
Title: Re: عدت للمنبر هذه المرة يا جماعة عشان اديكم ق
Author: Abdullah Idrees
Date: 02-13-2019, 09:04 AM
Parent: #34
سعركم (قزازكم) عالي يا حيدر الزين وقيقراوي ..
بركة موية الثورة المرقتكم
عودا حميدا
عقبال امين وحمور وياسر طيفور
|
Post: #38
Title: Re: عدت للمنبر هذه المرة يا جماعة عشان اديكم ق
Author: سيف النصر محي الدين
Date: 02-13-2019, 11:40 PM
Parent: #36
قيقراوي مرقتو الثورة .. الشفيع ده المرقتو شني؟ 😅
|
Post: #39
Title: Re: عدت للمنبر هذه المرة يا جماعة عشان اديكم ق
Author: الشفيع وراق عبد الرحمن
Date: 02-14-2019, 05:51 AM
Parent: #38
| Quote: قيقراوي مرقتو الثورة .. الشفيع ده المرقتو شني؟ |
قيقراوي
|
Post: #40
Title: Re: عدت للمنبر هذه المرة يا جماعة عشان اديكم ق
Author: حامد بدري
Date: 02-14-2019, 08:54 AM
Parent: #39
صباح الخير
بقولو الغايب عذرو معاو وفي غيابك ياما نشيل اللوم
بركة الثورة والثوار الجابوك لينا
|
Post: #46
Title: Re: عدت للمنبر هذه المرة يا جماعة عشان اديكم ق
Author: قيقراوي
Date: 02-19-2019, 06:10 AM
Parent: #20
| Quote: و الله مرحب بيك و بعودتك .. حتى في الفيس ما لاقيك |
حبيبنا خضر الطيب سلامات
متوفر ولاذع في ألسنة الشعب الفيسبوكي زي ريق الحمضيات
https://m.facebook.com/story.php؟story_fbid=2245647115704936andid=100007790073264https://m.facebook.com/story.php؟story_fbid=2245647115704936andid=100007790073264
-------------
اهبطتني ... ياخ انا عامل فيها من قادة الثورة السودانية - جناح الفيسبوك (تقرأ: سادي الفرقة هناك) ..
حتى اصحابي يكونوا ما شايفني .. يا للاحباط
|
Post: #47
Title: Re: عدت للمنبر هذه المرة يا جماعة عشان اديكم ق
Author: قيقراوي
Date: 02-19-2019, 06:17 AM
Parent: #46
https://m.facebook.com/story.php؟story_fbid=2245647115704936andid=100007790073264Giga Rawi
|
|