Post: #2 Title: Re: إرشيف أشعار أهل السودان ، ثورة 19 ديسمبر 2018 Author: عمران حسن صالح Date: 02-05-2019, 10:48 AM Parent: #1
مش كدا يااااا وداد : 👀
فاطرين سمك وشاربين عصير وغدانا كفته مع جداد .. مش كدا يا وداد ؟ نشيل قروشنا من البنوك عشان تتحفظ بره البلاد .. مش كدا يا وداد ؟
دقو الدكاتره المارقين واعتقلو استاذ العلم ما تخلو اي مهندسين سلمني روحو واستلم حقا حقيقه مجاهدين وحدك تعذب وتنتقم خدعونا بالدين كم سنين ما خافو من رب العباد .. مش كدا يا وداد ؟
انشرو الخوف في صدورهم واضربوهم بالرصاص في عزاهم حاصروهم مافي ديه ولا قصاص في المواكب فرقوهم شككوهم في الخلاص خرشه بنقو وغيبوهم سهلو الزنا للولاد .. مش كدا يا وداد ؟
مفروض تكون فاهم الدرس درس الشعوب المستفاد .. لغه التهكم ما بتفيد سيب التكبر والعناد .. كبر حشودك بالغصب لملم موالين الفساد .. باكر بنهتف في القصر وتتوكل انت مع وداد ..
Post: #3 Title: Re: إرشيف أشعار أهل السودان ، ثورة 19 ديسمبر 2018 Author: عمران حسن صالح Date: 02-05-2019, 10:49 AM Parent: #2
من أين أتى هؤلاء ؟
أتوا من ظهور الظلم من أرحام القساوة والجفاء من عمق أجحار الأفاعي من دروب البؤس حلوا في الخفاء
أتوا من حيث يأتي كل قطاع الطريق من كل القلوب البور جاءوا من هباء
أتوا بعد التداعي يلبسون الدين تاجاً ويئدون الأماني والهناء
يحملون المعول الهدام يستبيحون بلادي وحليب الطفل وجرعات الدواء
يسلبون النوم من أجفان أمي بعد أن ضاقت الدنيا وهاجر الأبناء
أتوا من كل فج مظلم لم يذوقوا طعم حب بلادي لم يعيشوا عشقها وعزة أهلها الشرفاء
أتوا كأشعب الأكول لا يعرفون الصوم لا يتورعون عن النهب وعن سفك الدماء
أتوا يمتطون صهوة الحقد وهمهم حب الأنا وأحلام الثراء
أتوا والكل يعرف كان ذاك اليوم شر وكانت ليلة غبراء
فعلوا ببلادي أضعاف ما فعل الأعادي لا يقر الدين ما فعلوا وثور وحراء
أتجول فى شوارع بلدتي لا أجد غير البؤس وغير نظرة الغرباء ومدارسي صارت مراتع للثعابين المميتة للعقارب لكل أسباب الفناء
سموك أركان وكسوك تيجان وبيانك خايب بس ليه يا جيش لا لاقي العيش ولا شفت مطايب متغتغت ليش ودفاعك سايب تحمي الرقاص الكلو معايب مهزوم في الفشقة مكسور في حلايب يا حليل الجيش كان ياكلوا دبايب ويخوضوا النار وحدات وكتايب والليلة الجيش في صفو عجايب اهل الواسطات ود عم وقرايب جنبات وكروش ودقون و مصايب من وين جايين أغراب وغرايب ما كلين شاربين نايمين في زرايب ناعمين وسمان من لِوا لي نايب في كل مكان غير عار ما جايب لو راجل جد اهي ديك حلايب واهي ديك الفشقة روح جيب الغايب.
Post: #6 Title: Re: إرشيف أشعار أهل السودان ، ثورة 19 ديسمبر 2018 Author: عمران حسن صالح Date: 02-05-2019, 10:51 AM Parent: #5
Post: #7 Title: Re: إرشيف أشعار أهل السودان ، ثورة 19 ديسمبر 2018 Author: Kostawi Date: 02-05-2019, 11:09 AM Parent: #6
Post: #8 Title: Re: إرشيف أشعار أهل السودان ، ثورة 19 ديسمبر 2018 Author: عمران حسن صالح Date: 02-07-2019, 10:22 AM
تقول لي ما سقطت؟؟؟ الهتافات الجديدة وصلت:
قال نحن شماشة
داير ابقى شماشي.. ثورة شماشي تفتيحة .. ثورة شايل مفاتيحا .. ثورة عرف الدقن زيفا .. ثورة يا الشيخ ويا المبروك .. ثورة بي كم شروك واغروك.. ثورة ساقوكا زي عنزة .. ثورة حبل العشم ربطوك .. ثورة والكاكي يتعادى .. ثورة شأن ابقى شماشي .. ثورة شماشي تفتيحة. .. ثورة
_andandandandand___andandandandand
اسمع كلامنا هنا .. وافهم بعد تسقط .. ثورة مافيش فرق بينم .. لما القلم خطط .. انا خاطري شماشي .. في بالي اتكلم .. تسقط نولع نور .. شان يقرا يتعلم .. باكر يكون دكتور .. نتصافى نتعافى ثورة نتعافى نتلملم .. من حلفا لي دارفور .. ... انا اصلي شماشي ؟ .. بس انت ياخ مظلوم .. مسكين وحات امك .. ثورة يا العسكري الموهوم .. ما يشتريك الكوز .. ما تبقى زول مخموم .. .. يا عسكر الكيزان . البقتل الثوار .. ثورة جيب لي معاك بمبان .. ارميهو في الشارع .. لا فاضي لا كملان .. قسما ح نطفيهو .. قدامي جردل مان .. ما تنسى جيب رصاص .. دي عيون ملانة شرار .. قدااام وحات الله .. والروح مولعة نار .. راكزين بنات وبنين .. زي الحجر في الساس .. يا كل بنات الناس .. زغرودة للثوار .. ادينا روح وحماس .. ... قلناها تسقط بس .. سامحنا يا استاذ .. والامنجي الكاتل .. تحت الرجل ينداس .. اقسمنا بس تسقط .. ترجع حقوق الناس.. .. تسقط وحات الله .. وانا لي زمن سامع .. صوت باقي في الحلة .. قلناااهو بالواضح .. قسما حتندلى .. ويا لستك الثوار .. ولع عليك الله .. احرق وقود النار .. ادي الشرف طلة .. قول بي واري تسقط .. تسقط وحات الله .. لي متين تعيش بالدين .. تتهان وتنزلة .. بنقولا تسقط بس .. ما بننكتم الا .. تسقط عديل تسقط.. ثورة تسقط يمين تسقط .. ثورة تسقط في كل مكان.. ثورة تسقط هنا في بحري .. ثورة أركز وما تجري .. ثورة تسقط من الخرطوم .. ثورة تسقط من امدرمان .. ثورة تسقط هنا السودان .. ثورة
Post: #9 Title: Re: إرشيف أشعار أهل السودان ، ثورة 19 ديسمبر 2018 Author: عمران حسن صالح Date: 02-07-2019, 10:23 AM Parent: #8
Post: #10 Title: Re: إرشيف أشعار أهل السودان ، ثورة 19 ديسمبر 2018 Author: عمران حسن صالح Date: 02-11-2019, 10:13 AM Parent: #9
مايقيف في صف بنزيين يا الله حضرني يتحدى الفاتح عزالدين .. يا الله حضرني
يخش التجمع و يخاطب كبارو يشتغل دكتور يعالج ثوارو ما يبقى لي امني ولامن عساكرو يا الله حضرني ما اسمع الكوزه تقول لي جكستو بس اسمع كنداكه تقول لي عرستو يا الله حضرني اخوي البريدو احضر جديدو يا الله حضرتي 😂 😂
منقولة باسم *احمد الجيلى* للامانة الادبية.. عايزنها غنيوة حلوة يا المبدعين
Post: #11 Title: Re: إرشيف أشعار أهل السودان ، ثورة 19 ديسمبر 2018 Author: عمران حسن صالح Date: 02-11-2019, 10:15 AM Parent: #10
نجاة عثمان شن نفرك؟؟ ومن وين جايي بى صبرك؟؟! نسيناك وانقطع خبرك.. بعير من العمالة برك.. فتن منسوجة من وبرك.. أنحنا لهيب شرارنا شبك.. بلاك بيكون..فجر أبرك.. ولابنعيد..قبر طمرك.. كسر..يالمافي زول جبرك..
........ رسالة للجزولي دفع الله
بعيد..عن حس شوارعنا.. هتافنا..بيبقى ليك شرك.. دحين أختانا..تسقط بس.. ومافي حرك.. تموت بس# والزمن مسحك.. ماك عارف البطولة محك؟؟!! وأبريل من قبل فضحك؟؟!!
Post: #12 Title: Re: إرشيف أشعار أهل السودان ، ثورة 19 ديسمبر 2018 Author: عمران حسن صالح Date: 02-11-2019, 10:16 AM Parent: #11
لا نغنيك ولكنا نناضل هذه الأوتار أعصاب شهيد كلفته الأرض أن يرحل فأستأذن راحل كشعاع بصراع هرب الدفء إلى الآتين من شم المراحل هذه الأنغام أهداها لنا بعد أن نازل بالمنشور أعواد المقاصل لا نمنيك بباطل كان ياما كان في مر الزمان كان سلطان وشرطي وكاهن ومغن هبت ألثوره والسلطان فر رجع الكاهن للمعبد يبكي عمل الشرطي فلاحا وكر يطلق الماء على صدر الجداول يضرب الأرض على صوت الكمان وهو يهتز مع خبط المعاول ... ... ... كلنا للأرض والأرض لنا ولنا متسع حتى السماء فإلاما ولما يغمر الأوطان طوفان الدماء يا أخا الأرض لمن هذه الحرب ومن ذا الذي يشقى ومن يعشق الأوطان أطلال دمار ودمن إنه البوم لذي يعجبه ليل الخراب إنه الشؤم الذي ينجبه ويل الحراب هل أتى اليوم الذي تعقبه خيل الصحاب فيحط الغيم في جوف أراضينا ويرتاح التراب هل أتى حين من الحلم على الإنسان يحيا مطمئنا للزمن تضع الحرب به أوزارها كرنفال السلم يجتاح مدى العالم إبداعا وقمحا والعصافير السلامية تبني دارها حبا وصدحا يا ورود الدرب يا أحجارها ليلا وصبحا يا خطى العمال يا أيارها خبا وكدحا لأتحاد الساعد الكوني مرحى لا خضروات الفنن لانغراز الإصبع الثوري في عين الدمار وارتفاع العلبعه البنبان كوبا من لبن لتجار الحرب تبا ... للخوازيق وتبا للبوار للسرابيات في تيه الفتن للذي يبحر غربا عن اماني الشعب تبا للدوار للخطابيات من دون فطن لأنطلاق الريح من غير لقاح دون خير وصلاح للتي تمطر موتا وجراح والتي تمرح من دون رسن في مراعي الشعب في حقل الشباب للذي بملأ كفيه يتبر وتراب يكشح التبر على حظوته والترابيات في عين الوطن ... ... ... ادعياء الحرب كالحرب تماما اولياء السلم لا خوف عليهم لا حزن واذا مروا بهم قالو سلاما وإذا غم بهم نادوا وطن هذه الحرب وثن وانا أؤمن بالحرب التي بين احشائي وتجويع الفجار الطواغيت إذن فلتكن يا عام عام الإنصهار بالذي ادعوه دربي بالحبيبه بالصديق من الوطن ولتكن يا شعب ضد الانكسار وليكن ما قد دفعنا من دماء لأنبلاج الفجر مهرا أوثمن نحن اقسمنا على صدر عموم الشهداء الفقراء ان نسويه بروح وبدن ونقويه على سوق النهار " ونضويه " وطن فلتكن يا عام عام الإنتصار للجماهير على بؤس الزمن قد كفاها ما دحاها من محار من عذاب ومحن فلتكن يا بحرا للبحار التي تنضج سلما دون من عاشت الأرض لنا .. لافتة ولأعداء العصافير كفن
Post: #13 Title: Re: إرشيف أشعار أهل السودان ، ثورة 19 ديسمبر 2018 Author: عمران حسن صالح Date: 02-14-2019, 10:34 AM Parent: #12
حمارنا يرقص وبلدنا ماشة تنقص أزهري محمد علي احكي ليكم عن بلاداً فيها كان الحال معذب .. (الحمار) كان فيها حاكم فوق وجيع الشعب راكب راكب السرج المضنب .. والحمار معروف بانو لا بفكر .... لا بقدر لا بحرك مخو يتعب .. شان يجيد فن القياده الحمار كان تحتو (ثعلب) !! يعني قاعد صوره ساكت وليهو كان الشعب ساكت الامور كانت صعيبه والسنين كل مره تصعب .. والبلد ماش حالا اصعب .. والمصيبه .. انو كل الشعب ساكت !! ناسي انو الدوله فيّا غول وثعلب وفيل مدغلب .. سفرو اموال الغلابه للبلاد الاجنبيه و البهايم ما شويه !! التماسيح البتبلع نيل وشارعين عنجهيه الكلاب الامنجيه .. والصقور الواقفه في شارع الحديه .. والجداد اللكتروني والذئاب الراس ماليه .. والدحش كان قدرو عالي يوم وزيراً في العلالي ويوم تقوم تلقاهو والي حالتو مبسووووطه وهنيه .. اما حال التيس حكايه كرشو اكبر من كبيره ودقنو ي ستّار خطيره .. عندو جلابيه لامعه فيهو مشدوده وقصيره .. تيس اكان تيس ود لزينه عادي يخطب في المساجد الله واحد ... الله واحد .. بالصباح تلقاو يسبّح وفي الضلام يقعد يضبّح .. لابس الدين فوق عبايه وعندو تحت اللبسه غايه .. تيس وظاهره حركتو شينه فاكر انو الدين دقينه !! وتوب قصّير وريحه زينه .. في نظام دين البهايم تيس اكان تيس ود لزينه .. والحمار القلنا حاكم مره راكب في المنصه .. وليهو كان الشعب يهتف..! يا كبيرنا ويا حمارنا سير ونحن وراك كتايب انت لينا كتاب وحصه .. ينبسط للاخر يضحك الحمار يديها رقصه .. ويقعد يرقص ! والبلد كل مره ناقصه ... وماشه تنقص ! والحمار يديها رقصه ... ويقعد يرقص ! والبلد كل مره ناقصه ... وماشه تنقص ! كل رقصه معاها نقصه .. وكل نقصه وراها نكسه .. واصلو ما هاميهو حاجه يبقي راكب في المنصه .. ويقعد يهتف في البهائم هل حصل غشيت عليكم ؟ قلتا ليكم داير أسوي حاجه.... ماسويتا ليكم؟؟ البهايم تبدأ تهتف : لا لا.. لا لا ما حصل غشيت علينا.. أنت قائدنا وشعارنا أنت ياكا حمار بلدنا ونحن جبناك بأختيارنا والحمار يديها رقصه... ويقعد يرقص !! والبلد كل مره ناقصه.. ولا مش كدة يا وداد...