قروب نسائي البحصل فيه انو بجيبو صورة رجل او شاب وسيم او قيافه او مهندم المهم انو حاجة تعجب و بطلبن معرفة معلومات عنه و طبعا ليهن عبارات خاصة بالكلام دا ... دي فكرة القروب و الغرض منو .... و القروب فيه عضوية كبيرة جدا .... افتكر كدا اسم القروب بقى واضح ... (المنبرشات)
Post: #2 Title: Re: ***** قروب (المنبرشات) في الفيس و الثورة ***** Author: ABUHUSSEIN Date: 01-01-2019, 07:44 AM Parent: #1
فكرة البوست جات من راس الزول دا :- Yousuf Taha و دي مداخلتو في بوست سابق:-
Quote: ابو حسين كيفك انا داير من بوستك دا اهني بنات قروبات الفيس بوك ياخ بنات قروبات منبرشات والدعم السريع شغالات شغل لايقل اهمية المتظاهرين بالله ترسل ليهم صورة واحد بس من المجارمة ديل دقيقتين بحيبو خبره برقم تلفونه وعنوان سكنه
و هو يتحمل نتيجة فشل البوست لو فشل و انا اتحمل نتيجة نجاح البوست لو نجح ... 😂😂😂😂
Post: #3 Title: Re: ***** قروب (المنبرشات) في الفيس و الثورة ***** Author: محمد البشرى الخضر Date: 01-01-2019, 07:46 AM Parent: #2
دقيقة دقيقة!! هو قروب نسائي يعني مغلق على النساء انت شن عرفك بتفاصيلو وغرضو ونشاطو اوعى تكون عامل فيه درويشة هناك!! الشي التاني ضربت المسيرة الكبرى كمان عايز تضرب القروب! يا كوز يا مندس
Post: #4 Title: Re: ***** قروب (المنبرشات) في الفيس و الثورة ***** Author: ABUHUSSEIN Date: 01-01-2019, 07:56 AM Parent: #3
Quote: دقيقة دقيقة!! هو قروب نسائي يعني مغلق على النساء انت شن عرفك بتفاصيلو وغرضو ونشاطو اوعى تكون عامل فيه درويشة هناك!! الشي التاني ضربت المسيرة الكبرى كمان عايز تضرب القروب! يا كوز يا مندس
عين و صابتك يا فقر ... حالتك بقت تحننن .... خليني اتعمق في الموضوع و بعدين عضي عراقيك و تعال جاري جريتك دي ... اسي انت زااااتك بقيت (منبرش) .... كر عليك يا (ودالشري) ارسل ليك بخور تيمان و محايات ...؟ الكلام القلتو دا كلو معروف و قلتو عشان الناس تعرف القروب قبل ما ندخل في (صلب) الموضوع .. اهدأ ....
Post: #5 Title: Re: ***** قروب (المنبرشات) في الفيس و الثورة ***** Author: محمد البشرى الخضر Date: 01-01-2019, 08:10 AM Parent: #4
طيب
Post: #6 Title: Re: ***** قروب (المنبرشات) في الفيس و الثورة ***** Author: ABUHUSSEIN Date: 01-01-2019, 08:10 AM Parent: #4
قروب (المنبرشات) اصبح لامي عضوية كبيرة و من مناطق كتيرة فمن السهولة انو لم تنزل صورة و تطلب معلومات عنها بتلقى البتعرف الشخصية دي سواء في الحي او الشغل او حتى صداقة وكدا ... و فعلا بجيبوا معلومات عنو و احيانا رقم الموبايل ...
Post: #7 Title: Re: ***** قروب (المنبرشات) في الفيس و الثورة ***** Author: جلالدونا Date: 01-01-2019, 08:14 AM Parent: #6
اها صلب موضوع المنبرشات شنو غايتو بوست زوى علوق الشدة والله يستر من ديك
Post: #8 Title: Re: ***** قروب (المنبرشات) في الفيس و الثورة ***** Author: ABUHUSSEIN Date: 01-01-2019, 08:16 AM Parent: #6
Post: #9 Title: Re: ***** قروب (المنبرشات) في الفيس و الثورة ***** Author: ABUHUSSEIN Date: 01-01-2019, 08:24 AM Parent: #8
Quote: اها صلب موضوع المنبرشات شنو غايتو بوست زوى علوق الشدة والله يستر من ديك
قلت (صلب) الموصوع ما تحرف الكلام رجاءا .... الكلمة البين بوست و علوق دي استعصت علي ...
غايتو مستحيل افتح لي بوست ما يجوني الوهم ديل يقطعو لي حبل افكاري و اطلعو لي نفسي من الكتابة الجادة الرصينة ... 😂😂😂
Post: #10 Title: Re: ***** قروب (المنبرشات) في الفيس و الثورة ***** Author: Yousuf Taha Date: 01-01-2019, 08:24 AM Parent: #8
🤣🤣🤣 غايتو بنبر بكري بالتلفون ولادة بس
Post: #11 Title: Re: ***** قروب (المنبرشات) في الفيس و الثورة ***** Author: جلالدونا Date: 01-01-2019, 08:26 AM Parent: #10
سمح
Post: #12 Title: Re: ***** قروب (المنبرشات) في الفيس و الثورة ***** Author: ABUHUSSEIN Date: 01-01-2019, 08:33 AM Parent: #11
Quote: غايتو بنبر بكري بالتلفون ولادة بس
قعدت تتعذر لي من اسي ... الموضوع دا موضوعك اتصرف و تعال احرس البوست دا .. 😂
Post: #15 Title: Re: ***** قروب (المنبرشات) في الفيس و الثورة ***** Author: ABUHUSSEIN Date: 01-01-2019, 08:48 AM Parent: #12
انطلقت الثورة و كل واحد او واحدة اتجه للمكان اللي ممكن يقدم فيه شي للثورة و كل واحد متسلح بالمعرفة و الخبرة اللي اكتسبها و الهدف واحد (إسقاط النظام) .. (المنبرشات) إكتسبن خبرة كبيرة في جمع بيانات الاشخاص من صورهم المتظاهرين مع التكنلوجيا المتطورة و المنتشرة كانو بصورو مقاطع فيديو و صور لي امنجية مارسو الضرب و القتل و التنكيل بالمتظاهرين في السابق كانت بتنشر صورهم للتشهير... اها قومن يا (المنبرشات) شيلن الصور و انشروهن في القروب و اطلبوا معلومات عنهم ... النتيجة كانت مذهلة جدا جدا .... جابو خبر كل الامنجية اللي ظهروا في الصور الإسم الرتبة اصلا من وين السكن و كتير جدا رقم الموبايل و في كتير من الحالات صور اوضح ليهم ...
و الله ما قصرن
Post: #13 Title: Re: ***** قروب (المنبرشات) في الفيس و الثورة ***** Author: حاتم إبراهيم Date: 01-01-2019, 08:37 AM Parent: #1
Quote: هو قروب نسائي يعني مغلق على النساء انت شن عرفك بتفاصيلو وغرضو ونشاطو
شلاقة الزمن الجابت العنج أب زيت في الفقرة.
___ الطبع غلاب.
Post: #14 Title: Re: ***** قروب (المنبرشات) في الفيس و الثورة ***** Author: جلالدونا Date: 01-01-2019, 08:42 AM Parent: #13
اقترح الباص و يا ريت يكون باض ارضى عالى فى التمانيات
Post: #16 Title: Re: ***** قروب (المنبرشات) في الفيس و الثورة ***** Author: حامد بدري Date: 01-01-2019, 09:03 AM Parent: #14
غايتو الامنجي ابو فلجة هيييج الناس والمنبرشات حاليا ناس الامن بقو يتلطمو ويتغتغتو واتعكست الاية اولاد ام زقدة
ابو حسين تحياتي
Post: #17 Title: Re: ***** قروب (المنبرشات) في الفيس و الثورة ***** Author: ABUHUSSEIN Date: 01-01-2019, 09:03 AM Parent: #14
ما توصي حريص يا جلجل ... إنه كالأجرب في نظري ......
Post: #18 Title: Re: ***** قروب (المنبرشات) في الفيس و الثورة ***** Author: حاتم إبراهيم Date: 01-01-2019, 09:05 AM Parent: #17
كان الأولى تحرص على فقرتك من المحط.
__ قدام الناس.
Post: #19 Title: Re: ***** قروب (المنبرشات) في الفيس و الثورة ***** Author: حاتم إبراهيم Date: 01-01-2019, 09:06 AM Parent: #17
فلا يجلد إلا البعير الأجرب.
__ لا يعدي السليم.
Post: #20 Title: Re: ***** قروب (المنبرشات) في الفيس و الثورة ***** Author: حاتم إبراهيم Date: 01-01-2019, 09:12 AM Parent: #1
Post: #21 Title: Re: ***** قروب (المنبرشات) في الفيس و الثورة ***** Author: جلالدونا Date: 01-01-2019, 09:14 AM Parent: #20
جنس هضربة هى
Post: #22 Title: Re: ***** قروب (المنبرشات) في الفيس و الثورة ***** Author: جلالدونا Date: 01-01-2019, 09:19 AM Parent: #21
اى محاولة لانتزاع جانب مضيئ من حالة اختلال نفسى هى فى نهاية الامر تطبيق ثابت لحالة سريرية قد تتعدد جوانب فهمها و اختزالها و طريقة عرضها للاشياء فمثل هذا الخلل النفسى يحتاج الى اعمال الفهم فى منتج العلة العقلية سواء من باب السلوك او الفعل لنصل الى تشخيص يحدد ابعاد العلة النفسية لحالة قد لا تجد مقابل لها فى خارطة الخلل النفسى عليه التعامل مع مثل هذه الحالات بمفهوم طبّى ثابت قد لا يجدى بل قد يزيد من تفاقم الحالة و الدليل ازدياد الحالة العدوانية للاستاذ حاتم ابراهيم و توسّع دائرة اعدائه المتوهمين _____ النجاعة فى الباص كمصل اثبت نجاحه التجرية ____ يا ابو حسين ممكن تشجينا بى شن اسو
Post: #23 Title: Re: ***** قروب (المنبرشات) في الفيس و الثورة ***** Author: ABUHUSSEIN Date: 01-01-2019, 09:24 AM Parent: #21
Quote: غايتو الامنجي ابو فلجة هيييج الناس والمنبرشات حاليا ناس الامن بقو يتلطمو ويتغتغتو واتعكست الاية اولاد ام زقدة
ابو حسين تحياتي
حامد يا بدري اهلا بيك ... غايتو اشتغلن شغل مجيه و منظم و مرتب شديد و فوق كدا سريع جهجهو الامنجية و على قولك بقوا الامنجية مبلمين ظاهرة العيون بس خوفا من (المنبرشات) 😂😂 دا غير حاجات تانية نخليها لي قدام
تسلم يا حبيب
Post: #24 Title: Re: ***** قروب (المنبرشات) في الفيس و الثورة ***** Author: ABUHUSSEIN Date: 01-01-2019, 09:57 AM Parent: #23
Quote: يا ابو حسين ممكن تشجينا بى شن اسو
اشجيك و اشجي حبوبتك لمياء زاتا .... بس اصبر لي شوية .... الاجرب ما تديه اكتر من حجمو .... قال ليك الشهب و النيازك بتعكس الضوء ... 😂😂😂😂😂
Post: #25 Title: Re: ***** قروب (المنبرشات) في الفيس و الثورة ***** Author: ABUHUSSEIN Date: 01-01-2019, 10:14 AM Parent: #24
(المنبرشات) جابن خبر كم امنجي كل بياناته و صور اوضح و إنفضح امرهم ... اها بقو الامنجية بغطوا وشوشهم كتير ... خوفا من (المنبرشات) ... 😂😂 و ظهرت كتير من الصور و مقاطع الفيديو فيها الامنجية و هم مغطيين وشوشهم بي شال او عمة او طاقية البرد البتغطي كل الراس ما عدا العيون و الفم .... اها و الله ما قصرن (المنبرشات) ....
Post: #26 Title: Re: ***** قروب (المنبرشات) في الفيس و الثورة ***** Author: عبدالله ود البوش Date: 01-01-2019, 10:39 AM Parent: #25
Quote: شلاقة الزمن الجابت العنج أب زيت في الفقرة.
أستغرب في تكرارك وترويجك يا حاتم إبراهيم لحادثة مؤسفة وقعت في لحظة تهور تمنيت بعدها لو خسفت بي الأرض وارتحت من عذاب ضميري فارجوك انت وغيرك من الأعضاء أن ترحموني فاني بعدت تماما من المنبر بسبب هذه الحادثة فرحمة الغائب من مكارم الاخلاق
Post: #27 Title: Re: ***** قروب (المنبرشات) في الفيس و الثورة ***** Author: ABUHUSSEIN Date: 01-01-2019, 10:40 AM Parent: #25
(المنبرشات) لمن في صورة واحد امنجي .. جابن خبرو الإسم عنوان السكن صورة واضحة رقم الموبايل ما وقفوا هنا ... إعلان لي منتجات بشرة و عليها خصم و في الإعلان (رقم تلفون الأمنجي) إعلان مكتب للتقديم للدراسة في عدة دول و في الإعلان (رقم تلفون الأمنجي) إعلان مكتب عقار و لديه عروض على اراضي و منازل و عمارات و فلل و في الإعلان (رقم تلفون الأمنجي) اكثر من 30 إعلان و كلها فيها (رقم تلفون الأمنجي) غايتو دا بكون رمى التلفون و قدم استقالتو .... 😂😂😂😂😂😂
#تسقط_بس
Post: #28 Title: Re: ***** قروب (المنبرشات) في الفيس و الثورة ***** Author: Salah Zubeir Date: 01-01-2019, 10:41 AM Parent: #25
Quote: ما قصرن (المنبرشات)
ممكن ترسل طلب إحالة القرادة .. خليهو يفلفلوهو ...
Post: #29 Title: Re: ***** قروب (المنبرشات) في الفيس و الثورة ***** Author: ABUHUSSEIN Date: 01-01-2019, 10:47 AM Parent: #28
Quote: ممكن ترسل طلب إحالة القرادة .. خليهو يفلفلوهو ...
(القرادة) دي خلينا ننبرش فيها نحن .... 😂😂😂😂
Post: #30 Title: Re: ***** قروب (المنبرشات) في الفيس و الثورة ***** Author: سفيان بشير نابرى Date: 01-01-2019, 12:50 PM Parent: #29
تحياتي يا ابو حسين و عام سعيد عليك و على أسرتك و الجميع... بوست في السلك و الله بس عبرك خليني اسلم على العزيز جداً ود البوش و اقول ليهو مشتاقين ياخي و سنتك طيبة و ايامك سعيدة و ياحبيب الدنيا هي شنو غير لمة اخوان و اخوات و انت زي ما قلته ندمته وقدمته اعتذارك و نحنا قريناهو و الزول اب رويس دا قبلو فياخ تعال راجع ياخ انتو اخوان و نحنا اخوانكم برضو.
Post: #31 Title: Re: ***** قروب (المنبرشات) في الفيس و الثورة ***** Author: محجوب البيلي Date: 01-01-2019, 02:15 PM Parent: #29
Quote: أستغرب في تكرارك وترويجك يا حاتم إبراهيم لحادثة مؤسفة وقعت في لحظة تهور تمنيت بعدها لو خسفت بي الأرض وارتحت من عذاب ضميري فارجوك انت وغيرك من الأعضاء أن ترحموني فاني بعدت تماما من المنبر بسبب هذه الحادثة فرحمة الغائب من مكارم الاخلاق
ما أنبلك يا صديق.
Post: #32 Title: Re: ***** قروب (المنبرشات) في الفيس و الثورة ***** Author: Yousuf Taha Date: 01-01-2019, 04:54 PM Parent: #31
الفكرة شنو من تخريب البوست ياحاتم ؟ ياخي عيب عليك البتسوي فيو دا حادثة وانتهت الاجترار دا مافي داعي ليو
ابو حسين ياعمك في قروب تاني اسمه الدعم السررريع ديل شكلن ثنائي عجيب مع منبرشات ياخ
Post: #34 Title: Re: ***** قروب (المنبرشات) في الفيس و الثورة ***** Author: حاتم إبراهيم Date: 01-01-2019, 05:50 PM Parent: #32
وين التخريب؟ أب فقرة عليهو ديون.
____ بتشوف بعين واحدة؟
Post: #33 Title: Re: ***** قروب (المنبرشات) في الفيس و الثورة ***** Author: حاتم إبراهيم Date: 01-01-2019, 05:48 PM Parent: #1
لو منك أجاملوا بأربعة تاني في الفقرة. ملحق.
___ واجب.
Post: #36 Title: Re: ***** قروب (المنبرشات) في الفيس و الثورة ***** Author: Biraima M Adam Date: 01-01-2019, 06:00 PM Parent: #33
بالله دا شغل رجال .. يتجسس علي البنات ..
صاحب البوست أخو أخواته!
بريمة
Post: #38 Title: Re: ***** قروب (المنبرشات) في الفيس و الثورة ***** Author: حاتم إبراهيم Date: 01-01-2019, 06:06 PM Parent: #36
الخلا عادته قلت سعادته. الرجال دناقر.
Post: #35 Title: Re: ***** قروب (المنبرشات) في الفيس و الثورة ***** Author: حاتم إبراهيم Date: 01-01-2019, 05:58 PM Parent: #1
شلاقة الزمن الجابت العنج أب زيت في الفقرة ومحنة الهمج المرقت النخوة وبلدت العقل والفكرة أدب المدايح البعدل القبايح ويقعد للزمن ذكرى عفيت منك وريت العمل وسط العوين حكرة
Post: #37 Title: Re: ***** قروب (المنبرشات) في الفيس و الثورة ***** Author: حاتم إبراهيم Date: 01-01-2019, 06:04 PM Parent: #1
شلاقة الزمن الجابت العنج أب زيت في الفقرة ومحنة الهمج المرقت النخوة وبلدت العقل والفكرة أدب المدايح البعدل القبايح ويقعد للزمن ذكرى عفيت منك وريت العمل وسط العوين حكرة المأصل في الرجال باين وصافية الخيبان عكرة
Post: #39 Title: Re: ***** قروب (المنبرشات) في الفيس و الثورة ***** Author: حاتم إبراهيم Date: 01-01-2019, 06:07 PM Parent: #1
ومع كل سخف تجي تضيفه في أي بوست حأضيف ليك بيت جديد.
Post: #40 Title: Re: ***** قروب (المنبرشات) في الفيس و الثورة ***** Author: Arif Nashed Date: 01-01-2019, 06:16 PM Parent: #39
Quote: بالله دا شغل رجال .. يتجسس علي البنات ..
صاحب البوست أخو أخواته!
بريشة
فرحانة تركب. اعزروه أصلوا الفهم اقسام.. قال يتجسس علي البنات. هههههههههه
Post: #42 Title: Re: ***** قروب (المنبرشات) في الفيس و الثورة ***** Author: عمر التاج Date: 01-01-2019, 06:23 PM Parent: #40
التحية والمجد للمنبر شات والمجكسات والدعم السريع فكل ميسر لما خلق له الا القراد بشقيه العادي والالكتروني، فهو مخلوق للعسر فقط
Post: #41 Title: Re: ***** قروب (المنبرشات) في الفيس و الثورة ***** Author: ABUHUSSEIN Date: 01-01-2019, 06:18 PM Parent: #39
Quote: ابو حسين ياعمك في قروب تاني اسمه الدعم السررريع ديل شكلن ثنائي عجيب مع منبرشات ياخ
همتك يا يوسف و جيب ما قام به قروب الدعم ...
Post: #43 Title: Re: ***** قروب (المنبرشات) في الفيس و الثورة ***** Author: Arif Nashed Date: 01-01-2019, 06:44 PM Parent: #41
Quote: الدليل ازدياد الحالة العدوانية للاستاذ حاتم ابراهيم و توسّع دائرة اعدائه المتوهمين _____
حيرتونا زاتو.
Post: #44 Title: Re: ***** قروب (المنبرشات) في الفيس و الثورة ***** Author: ABUHUSSEIN Date: 01-01-2019, 08:21 PM Parent: #43
Quote: تحياتي يا ابو حسين و عام سعيد عليك و على أسرتك و الجميع...
اهلا سفيان و كل سنة و كل احبابك طيبين
Post: #45 Title: Re: ***** قروب (المنبرشات) في الفيس و الثورة ***** Author: ABUHUSSEIN Date: 01-01-2019, 08:38 PM Parent: #44
Quote: بالله دا شغل رجال .. يتجسس علي البنات ..
صاحب البوست أخو أخواته!
البقاري الكضاب عقلك صغير دا غير التخلف الواضح فيك و حا ارد عليك على اساس الحاجات الفوق دي انا فعلا اخو اخواتي و الحمد لله و اخواتي ديل اقسم بالله ارجل منك قبل كدا قلت ليك نجيب الطشت هربت و قبل كم يوم سألتك بتلعب حارس مرمى هربت برضو ... كان واجعك شي قول لينا عشان نساعدك ما بيناتنا يا بقاري يا كضاب ...
Post: #46 Title: Re: ***** قروب (المنبرشات) في الفيس و الثورة ***** Author: ABUHUSSEIN Date: 01-02-2019, 09:16 AM Parent: #45
Quote: التحية والمجد للمنبر شات والمجكسات والدعم السريع فكل ميسر لما خلق له الا القراد بشقيه العادي والالكتروني، فهو مخلوق للعسر فقط
اخونا عمر التاج ما قدمنه (المنبرشات) لا يعد و لا يحصى و جرسن الامنجية عديل (القراد) ليس لديه ما يقدمه او ليست لديه القدرة على تقديم شيء او انه مسخر لغرض غير معلن .... التحية ل(المنبرشات) و الخزي و العار ل(القراد)
#تسقط_بس
Post: #47 Title: Re: ***** قروب (المنبرشات) في الفيس و الثورة ***** Author: Biraima M Adam Date: 01-02-2019, 11:55 AM Parent: #46
Quote: و اخواتي ديل اقسم بالله ارجل منك
[ما في زول قال ليك أخو أخوات .. قلنا ليك "أخو أخواته" .. أفهم يا غاغ!
بريمة
Post: #48 Title: Re: ***** قروب (المنبرشات) في الفيس و الثورة ***** Author: ABUHUSSEIN Date: 01-02-2019, 02:30 PM Parent: #47
Quote: ما في زول قال ليك أخو أخوات .. قلنا ليك "أخو أخواته" .. أفهم يا غاغ!
البقاري الكضاب عارف فهمك مش و لا بد ...... سمعت بي حكاية الشافع الزنقم العسكري في زقاق ضيق و شايل ليه خرطوش ... ؟؟؟ ما قلنا ليك سلمية يا (بقاري) ....😂😂😂😂
Post: #49 Title: Re: ***** قروب (المنبرشات) في الفيس و الثورة ***** Author: محمد حمزة الحسين Date: 01-02-2019, 04:02 PM Parent: #48
Quote: أستغرب في تكرارك وترويجك يا حاتم إبراهيم لحادثة مؤسفة وقعت في لحظة تهور تمنيت بعدها لو خسفت بي الأرض وارتحت من عذاب ضميري فارجوك انت وغيرك من الأعضاء أن ترحموني فاني بعدت تماما من المنبر بسبب هذه الحادثة فرحمة الغائب من مكارم الاخلاق
شكراً يا ود البوش منكم تعلمنا مكارم الأخلاق وبكم نتشبه... : : : مع التحيات لله الزاكيات.
Post: #50 Title: Re: ***** قروب (المنبرشات) في الفيس و الثورة ***** Author: جلالدونا Date: 01-02-2019, 04:39 PM Parent: #49
هوى ها بريمة ده فوق انّو بقارى كاوبوى كمان بفكك بى رصاصة فى راسك و هو يمضغ سيجارو
Post: #52 Title: Re: ***** قروب (المنبرشات) في الفيس و الثورة ***** Author: ABUHUSSEIN Date: 01-02-2019, 05:12 PM Parent: #50
Quote: هوى ها بريمة ده فوق انّو بقارى كاوبوى كمان بفكك بى رصاصة فى راسك و هو يمضغ سيجارو
كاو نعم .... بوي دي إلا يشتريها....... 😂😂
Post: #51 Title: Re: ***** قروب (المنبرشات) في الفيس و الثورة ***** Author: محمد حيدر المشرف Date: 01-02-2019, 05:11 PM Parent: #1
ده دور مهم جدا يا ابوحسين تواتر صور القتلة وعناوينهم في صفحات الفيسبوك رسالة واضحة جدا لكلاب أمن المؤتمر الوطني .. يكفي اضطرارهم لتلثيم وجوههم في 31 ديسمبر المجيد ..
.. ثم لا يراودك أدنى شك أن الادوار مرسومة لهم كل في مجاله .. القاء الضوء على أهمية التوثيق وبآليات بسيطة وملهمة مسألة مقلقة جدا لهم
Post: #53 Title: Re: ***** قروب (المنبرشات) في الفيس و الثورة ***** Author: ABUHUSSEIN Date: 01-02-2019, 10:17 PM Parent: #51
Quote: ده دور مهم جدا يا ابوحسين تواتر صور القتلة وعناوينهم في صفحات الفيسبوك رسالة واضحة جدا لكلاب أمن المؤتمر الوطني .. يكفي اضطرارهم لتلثيم وجوههم في 31 ديسمبر المجيد ..
.. ثم لا يراودك أدنى شك أن الادوار مرسومة لهم كل في مجاله .. القاء الضوء على أهمية التوثيق وبآليات بسيطة وملهمة مسألة مقلقة جدا لهم
غايتو المكيفني كل واحد او واحدة ابدع في الحاجة البجيدها ... حيرو ليك الامنجية خلوهم ليك يجارو يمين و شمال و يطاقشو في بعض الثورة اظهرت إبداعات جيل طمنا كتير .... الله يديهم العافية و ينصرهم
Post: #54 Title: Re: ***** قروب (المنبرشات) في الفيس و الثورة ***** Author: ABUHUSSEIN Date: 01-02-2019, 10:31 PM Parent: #53
طلعت واحدة في مقطع فيديو عرفت نفسها بالفنانة نسمة تاجوج قالت:- الشعب السوداني حاسد و فاشل و ما مفروض يطلعو مظاهرات و نص الشعب كريزي و النص التاني سايكو ....😂 و قالت هي العيش بجيها لغاية بيتها و كذلك الغاز بتمشي محطة البنزين بتملأ التنك و مافي صف بتمشي البنك بتصرف المبلغ اللي هي عايزاه و قالت الصفوف دي مافي السودان المهم فورت دم الناس البعض استنجد بي (المنبرشات) .. ما قصرن دقايق و جابن خبرها ... عاملة فنانة في دبي ......... ........... .............
و حاجات تانية حامياني .... 😂😂😂😂😂 و ظهرت في لقاء في واحدة من الجرايد قالت حا تكون اول رئيسة للسودان ... !!!!!!!!!!!
Post: #55 Title: Re: ***** قروب (المنبرشات) في الفيس و الثورة ***** Author: ABUHUSSEIN Date: 01-29-2019, 07:30 AM Parent: #54
قروب الردمية دخل في الخط ......
Post: #56 Title: Re: ***** قروب (المنبرشات) في الفيس و الثورة ***** Author: ABUHUSSEIN Date: 01-29-2019, 07:42 AM Parent: #55
قروب الردمية أبى إلا أن يشارك في الثورة كيف كانت مشاركته واحدة أمنجية (أنثى) جنس ناعم شافوها بعض المعتقلات و هي بتضرب و بتنبز في المعتقلات جابو صورتها و كل المعلومات عنها :-
- عزة دفع الله - اقتصاد وعلوم سياسية/ جامعة الخرطوم ٢٠١٠ - ملازم في جهاز الأمن - عربيتها مورنينق بيضاء مظلله تظليل خفيف لوحتها خ٣ ٨٩٤١٩ - شغاله في فيض التميز الفي الكيلو - عندها مكتبه خدمات في جامعه بحرى مجمع الكدرو - بتمشي أتني مع بنات بمشو معهد الإنجليزي - ساكنة الحلفايا - محطة ٧ شرق الظلط، بيتهم فاتح غرب في الميدان، بابهم لونو تركوازي - رقم جوالا: 0928080313
Post: #57 Title: Re: ***** قروب (المنبرشات) في الفيس و الثورة ***** Author: Yousuf Taha Date: 01-29-2019, 08:44 AM Parent: #56
ياعمك كيفك ان شاء الله طيب جابوا اسم امها واختها واخوها ياخ منبرشات ديل شفاتيات ياخ الشباب مسمنهم امن الثورة الظريفة في شباب ايام كان بطلعوا وبنزلوا معاها ايام الحامعة اندهشوا انو الزولاية دي كيف بتعذب وكانت لقوية ظريفة وانيقة في الجامعة
Post: #58 Title: Re: ***** قروب (المنبرشات) في الفيس و الثورة ***** Author: ABUHUSSEIN Date: 01-29-2019, 09:05 AM Parent: #57
Quote: ياعمك كيفك ان شاء الله طيب جابوا اسم امها واختها واخوها ياخ منبرشات ديل شفاتيات ياخ الشباب مسمنهم امن الثورة الظريفة في شباب ايام كان بطلعوا وبنزلوا معاها ايام الحامعة اندهشوا انو الزولاية دي كيف بتعذب وكانت لقوية ظريفة وانيقة في الجامعة
بخير و الحمد لله إنت مشيت وين ....؟؟؟؟ غايتو إجتهدن شديد و عذبو الأمنجية عذاب شديد الأمنجية قبضوها و فضحوها و عاين دي رمت نفسها براها :-
قالت ليك كلنا أمنجية .... و إتردمت ردم الجن .....
Post: #59 Title: Re: ***** قروب (المنبرشات) في الفيس و الثورة ***** Author: محمد البشرى الخضر Date: 01-29-2019, 11:00 AM Parent: #58
يا بتاع قروب المنبرشات انت! يعني اسي المعلومات دي مية مية موثوقة وحصل ليها فيرفيكيشن ولا اي منبرشة تكتب اي هراء و الناس تشيلو وتقدل بيه!!
Post: #60 Title: Re: ***** قروب (المنبرشات) في الفيس و الثورة ***** Author: Asim Ali Date: 01-29-2019, 11:45 AM Parent: #59
Quote: وكانت لقوية ظريفة وانيقة في الجامعة
بارك الله فى القروب دا نحنا العلاقات واللباقه الاجتماعيه بتعمينا من شوف الوجه الاخر لنوع زى دا من الشباب - اولاد وبنات - .لكن لما تلاحظ بهدوءلطبيعه حياتهم والتغييرات البتحصل ليهم و........ بتفهم حاجات كتير خاصه ايام العصره الشديده دى.
Post: #61 Title: Re: ***** قروب (المنبرشات) في الفيس و الثورة ***** Author: ABUHUSSEIN Date: 01-29-2019, 12:56 PM Parent: #60
Quote: يا بتاع قروب المنبرشات انت! يعني اسي المعلومات دي مية مية موثوقة وحصل ليها فيرفيكيشن ولا اي منبرشة تكتب اي هراء و الناس تشيلو وتقدل بيه!!
يا رمادي اللون ..... ياخ الثورة دي أظهرت بلاوي و أظهرت إبداعات للشباب و الشابات ما عادية ..... الفيس متعة الأيام دي حسابات إتقفلت هروباً و موبايلات إتكسرت بعد معرفتها و إنتشارها للعامة أما الصور للسادة الأمنجية ما تديك الدرب ما شايف الجماعة بقوا ملثمين ...؟؟؟؟ إنت قايلهم خايفين من الحسد ...؟؟؟؟
تعال بي هناك و حا تشوف العجب زاتو ....
Post: #62 Title: Re: ***** قروب (المنبرشات) في الفيس و الثورة ***** Author: ABUHUSSEIN Date: 01-29-2019, 01:03 PM Parent: #61
Quote: بارك الله فى القروب دا نحنا العلاقات واللباقه الاجتماعيه بتعمينا من شوف الوجه الاخر لنوع زى دا من الشباب - اولاد وبنات - .لكن لما تلاحظ بهدوءلطبيعه حياتهم والتغييرات البتحصل ليهم و........ بتفهم حاجات كتير خاصه ايام العصره الشديده دى.
يا عاصم ظهروا زملاءها في الجامعة و فيهم اللي ما قابلوها بعد الجامعة أدوها كلام زي السم
Post: #63 Title: Re: ***** قروب (المنبرشات) في الفيس و الثورة ***** Author: Yousuf Taha Date: 01-29-2019, 01:10 PM Parent: #61
Quote: إنت مشيت وين ....؟؟؟؟
مشيت الدوسان وجيت يازول الشباب منجضين الشغلة ومورمين ليك الهفق ديل ورم شديد، شغالين ليك بفهم سهر الجداد ولا نومه ياخ مرة لقيتهم حارقين لستك الساعة 1 صباحا في شارع الصحافة شرق مزاج بس تشغيلة للبوكس الفي الناصية تقاطع شرق هههههه. في عرس صاحبنا اي اغنية شغالين تسقط بس في الكتمات و الزنقات. يازول بانت والعباسية وشارع الاربعين دي قصص براها ياخي ديل شفتنة الشفتنة زاتو صراحة
Post: #64 Title: Re: ***** قروب (المنبرشات) في الفيس و الثورة ***** Author: ABUHUSSEIN Date: 01-29-2019, 02:29 PM Parent: #63
Quote: مشيت الدوسان وجيت يازول الشباب منجضين الشغلة ومورمين ليك الهفق ديل ورم شديد، شغالين ليك بفهم سهر الجداد ولا نومه ياخ مرة لقيتهم حارقين لستك الساعة 1 صباحا في شارع الصحافة شرق مزاج بس تشغيلة للبوكس الفي الناصية تقاطع شرق هههههه. في عرس صاحبنا اي اغنية شغالين تسقط بس في الكتمات و الزنقات. يازول بانت والعباسية وشارع الاربعين دي قصص براها ياخي ديل شفتنة الشفتنة زاتو صراحة
ما تلخبت لينا الكيمان .... الحاجات دي مخلنها لي وكت تاني د... 😂😂 ناس العباسية بالليل بشركو للكجر .... يرسلو ليهم كم واحد في الشارع الرئيسي و الوهم يجو ساكينهم اول ما يدخلو الزقاقات البيوت كلها بتطفي النور.... الجماعة فجأة يلقو ليك نفسهم في ضلام دامس ... اها شي رجم بالحجار و شي جماعة جروهم ليك من البكاسي نزلوهم ليك .... لغاية الآن الجماعة ما عارفين الطفا النور منو .. 😂😂😂😂😂😂😂😂😂😂
Post: #65 Title: Re: ***** قروب (المنبرشات) في الفيس و الثورة ***** Author: جلالدونا Date: 01-29-2019, 02:34 PM Parent: #64
سبحان الله كل ما يكتب مداخلة تشم ريحة بوخة المرقة شغلو كلو خديج
Post: #66 Title: Re: ***** قروب (المنبرشات) في الفيس و الثورة ***** Author: محمد عمر جبريل Date: 01-29-2019, 03:03 PM Parent: #65
هسي البسخن قروب (ما منكن مدسة)
قايم بي نمرة خمسة
تحياتي أبو حسين
Post: #67 Title: Re: ***** قروب (المنبرشات) في الفيس و الثورة ***** Author: محمد البشرى الخضر Date: 01-29-2019, 07:37 PM Parent: #66
Quote: تعال بي هناك و حا تشوف العجب زاتو ....
كدي اديني رابط او اتنين, اخوك في الفيس معرفته حبه زي كورتك
Post: #68 Title: Re: ***** قروب (المنبرشات) في الفيس و الثورة ***** Author: ABUHUSSEIN Date: 01-29-2019, 08:23 PM Parent: #67
Quote: هسي البسخن قروب (ما منكن مدسة)
قايم بي نمرة خمسة
تحياتي أبو حسين
اهلا اخونا محمد عمر انت غاطس وين يازول ... ؟؟؟؟ قروبك البسخن دا جيتنا منو فاضي مالك .. ؟؟؟ كدي شوف لينا منو حاجة ...
تحياتي
Post: #71 Title: Re: ***** قروب (المنبرشات) في الفيس و الثورة ***** Author: Salah Zubeir Date: 01-29-2019, 08:32 PM Parent: #68
Quote: كدي شوف لينا منو حاجة ...
هههههههه ... core ولا extra بوست غير نضالي بالمرة ....
Post: #69 Title: Re: ***** قروب (المنبرشات) في الفيس و الثورة ***** Author: Mohamed Foto7li Date: 01-29-2019, 08:25 PM Parent: #60
التحيه لي منبرشات ولي صاحب البوست
Post: #70 Title: Re: ***** قروب (المنبرشات) في الفيس و الثورة ***** Author: ABUHUSSEIN Date: 01-29-2019, 08:30 PM Parent: #69
Quote: كدي اديني رابط او اتنين, اخوك في الفيس معرفته حبه زي كورتك
يا رمادي يا فقر خليك من كورتي امشي شوف صفحة تمبس او كيكي او اي واحد من النشيطين ... بتاقيق في كم موضوع بس انت ادخل الفيس ...
Post: #72 Title: Re: ***** قروب (المنبرشات) في الفيس و الثورة ***** Author: ABUHUSSEIN Date: 01-30-2019, 05:52 AM Parent: #70
Quote: هههههههه ... core ولا extra بوست غير نضالي بالمرة ....
حاج الطيب بتاع الكبانيات .... و من هو الضلالي الذى وصف بوستي بأنه نضالي و العياذ بالله
Post: #73 Title: Re: ***** قروب (المنبرشات) في الفيس و الثورة ***** Author: osama elkhawad Date: 01-30-2019, 06:07 AM Parent: #72
Quote: ياخ الثورة دي أظهرت بلاوي و أظهرت إبداعات للشباب و الشابات ما عادية ..
Post: #74 Title: Re: ***** قروب (المنبرشات) في الفيس و الثورة ***** Author: ABUHUSSEIN Date: 01-30-2019, 06:14 AM Parent: #73
Quote: التحيه لي منبرشات ولي صاحب البوست
يديك العافية أخونا محمد ....
Post: #75 Title: Re: ***** قروب (المنبرشات) في الفيس و الثورة ***** Author: ABUHUSSEIN Date: 01-30-2019, 08:38 AM Parent: #74
Post: #76 Title: Re: ***** قروب (المنبرشات) في الفيس و الثورة ***** Author: ABUHUSSEIN Date: 01-30-2019, 09:18 AM Parent: #75
Post: #77 Title: Re: ***** قروب (المنبرشات) في الفيس و الثورة ***** Author: ABUHUSSEIN Date: 01-30-2019, 09:21 AM Parent: #76
Post: #78 Title: Re: ***** قروب (المنبرشات) في الفيس و الثورة ***** Author: محمد البشرى الخضر Date: 01-30-2019, 11:49 AM Parent: #77
لكن يا معلّم سؤالي لازال قائم, ممكن اجيب ليك المعلومات الشخصية عن اي زول وساكن وين ورقم تلفونه وكدا لكن معلومة انه في الامن الفلاني او القسم العلاني زي البت اعلاه مثلا منو البتأكد من معلومة زي دي! ممكن اكون شامي لي واحد أو واحدة ساي واقوم اقول عليه امنجي واطلع فيه معلومات من راسي بتجي انت خامي ساي بلا فرز نهوزز راسك ومبسوط! اها دي يحلوها كيف!
Post: #79 Title: Re: ***** قروب (المنبرشات) في الفيس و الثورة ***** Author: ABUHUSSEIN Date: 01-30-2019, 01:03 PM Parent: #78
Quote: لكن يا معلّم سؤالي لازال قائم, ممكن اجيب ليك المعلومات الشخصية عن اي زول وساكن وين ورقم تلفونه وكدا لكن معلومة انه في الامن الفلاني او القسم العلاني زي البت اعلاه مثلا منو البتأكد من معلومة زي دي! ممكن اكون شامي لي واحد أو واحدة ساي واقوم اقول عليه امنجي واطلع فيه معلومات من راسي بتجي انت خامي ساي بلا فرز نهوزز راسك ومبسوط! اها دي يحلوها كيف!
يا رمادي يا فقر البت أعلاه دي عرفتها واحده أظنها من عندكم في الأمارات قابلتها في مكتب الأمن بتاع موقف شندي و هي معتقلة و بعد كدا كم واحدة أكدوا أن المعلومة صحيحة و كلهن كانن معتقلات في نفس الوقت و فيهم اللي ما بعرفن بعض و ذكروا أشياء حصلت ليهن اليوم دا و تأكدن إنهن كانن معتقلات في نفس اليوم و كلهن حكن اللي حصل و لم عرضو صورتها أكدن المعلومة حتى بعد كدا تم نشر صورتها لجمع البيانات عنها ... يعني لو مشيت تعمل ليهن حركاتك دي بجيبو زيتك إنت زاتك .... ما سمعت بي إنو إتهمو واحد بالخطأ لأن أغلب الصور بجيبوها من صور المظاهرات و مقاطع الفيديو و من ضمنها الأمنجية اللي دخلو في بيت و نهرزوا ناس البيت و قلو أدبهم و كانت وجوههم واضحة ديل برضو جابو زيتهم يعني حكاية إنو أمنجية دي ما المعلومة اللي هم بفتشوها .... هم بفتشو معلومات عن إسمه و عنوانه و كل الـCV حتى المتزوج 2 و 3 عرفوه ... و فيهم واحد متزوج 2 و زوجته الأولى ما عارفه المعلومة دي ...
Post: #80 Title: Re: ***** قروب (المنبرشات) في الفيس و الثورة ***** Author: محمد البشرى الخضر Date: 01-30-2019, 01:59 PM Parent: #79
وانت يا خوي قاعد ومتحكّر وسط القروب (النسائي) و (المغلق) دا وحاضر النقاشات دي كلها ما شاء الله الله يخيّبك
Post: #81 Title: Re: ***** قروب (المنبرشات) في الفيس و الثورة ***** Author: ABUHUSSEIN Date: 01-30-2019, 02:57 PM Parent: #80
Quote: وانت يا خوي قاعد ومتحكّر وسط القروب (النسائي) و (المغلق) دا وحاضر النقاشات دي كلها ما شاء الله الله يخيّبك
الله يخيبك انت الطلعت مخك قدر مخ بريمة .... 😂😂😂😂 انا لو قاعد في نصهن بجي بحكي ليك انت يا العشا اب لبن ... 😂😂😂 الكلام دا مفروش في واطات الله و الاسكرين شوت دي حايمة عن قصد في الدنيا كلها و ل انت قايل الناس زيك كدا تنتظر الاخبار تجيها في مكانها و تغالط كمان ...
عليه العوض و منو العوض
Post: #82 Title: Re: ***** قروب (المنبرشات) في الفيس و الثورة ***** Author: ABUHUSSEIN Date: 01-30-2019, 03:58 PM Parent: #81
دي اول مداخلة بعد الارشفة ... 😂😂😂
Post: #83 Title: Re: ***** قروب (المنبرشات) في الفيس و الثورة ***** Author: Asim Ali Date: 01-30-2019, 05:27 PM Parent: #82
Quote: وانت يا خوي قاعد ومتحكّر وسط القروب (النسائي) و (المغلق) دا وحاضر النقاشات دي كلها ما شاء الله
اسمو (منبر) (شات) مش (منبرشات) من الانبراش بصيغه المؤنث
Post: #84 Title: Re: ***** قروب (المنبرشات) في الفيس و الثورة ***** Author: Osama Mohammed Date: 01-30-2019, 06:28 PM Parent: #83
سلام يا شباب
القروب دة سمعت بيهو قبل مدة , واحد قريبنا اتقدم لواحدة رفضوهو بعد فترة وهو قاعد ف اوربا برضو مرة تانية اتقدم لي واحدة وحصل تعارف ووووو بعد قترة رفضتو .... المهم راسو ضارب كدة جاو الشمار نو صورتو نزلت ف القروب داك وفي (متبرعات ) جابن ليهو تاريخو كلو وبصرراحة تاريخ ما مشرف .....
قروب ممتاز شديد بس ان شاء الله ما يخربو ليهم بتاعات الامن ( الامنجيات).
Post: #85 Title: Re: ***** قروب (المنبرشات) في الفيس و الثورة ***** Author: علي عبدالوهاب عثمان Date: 01-30-2019, 06:31 PM Parent: #83
اسمو (منبر) (شات) مش (منبرشات) من الانبراش بصيغه المؤنث
========== شكراً الحبيب عاصم على الشرح رغم ضعف إمكانياتي في العامية ولكني كنت مستغرب من هذه التسمية كده الحكاية بقت واضحة
حبيبنا أبوحسين .. مودتي يا رب تنصر هؤلاء شباب ..
اقتربنا من الخلاص .. والفجر قد أتى
واصلوا بوستات التشجيع والحماس والتعبئة
مرة أخرى تحياتي لك أبو حسين الحبيب
Post: #86 Title: Re: ***** قروب (المنبرشات) في الفيس و الثورة ***** Author: محمد البشرى الخضر Date: 01-30-2019, 07:57 PM Parent: #85
هيا ببّا! كمان بلا خجلة نقلتو للمنبر الجديد!! بالله دا بوست يكنبو راجل وينقلوا كمان!
Post: #87 Title: Re: ***** قروب (المنبرشات) في الفيس و الثورة ***** Author: ABUHUSSEIN Date: 01-31-2019, 05:21 AM Parent: #86
أهلاً أخونا أسامة الخواض زارتنا البركة ....
Post: #88 Title: Re: ***** قروب (المنبرشات) في الفيس و الثورة ***** Author: ABUHUSSEIN Date: 01-31-2019, 06:48 AM Parent: #87
Quote: اسمو (منبر) (شات) مش (منبرشات) من الانبراش بصيغه المؤنث
أخونا عاصم أهلاً بيك اللي كان بحصل في القروب قبل الثورة هو أشبه بالمعنى الثاني .... الآن الجماعة بقولو عليه إستخبارات الثورة ...... قدم خدمات كبيرة للإطاحة بكثير من الأمنجية اللي كانو في وسط المتظاهرين ... و هن من أجبرن الأمنجية على تغطية وجوههم في المظاهرات و غيرها و جعلوهم يخافون كثيراً من تصويرهم ....
تحياتي
Post: #89 Title: Re: ***** قروب (المنبرشات) في الفيس و الثورة ***** Author: ABUHUSSEIN Date: 01-31-2019, 09:17 AM Parent: #88
Quote: سلام يا شباب
القروب دة سمعت بيهو قبل مدة , واحد قريبنا اتقدم لواحدة رفضوهو بعد فترة وهو قاعد ف اوربا برضو مرة تانية اتقدم لي واحدة وحصل تعارف ووووو بعد قترة رفضتو .... المهم راسو ضارب كدة جاو الشمار نو صورتو نزلت ف القروب داك وفي (متبرعات ) جابن ليهو تاريخو كلو وبصرراحة تاريخ ما مشرف .....
قروب ممتاز شديد بس ان شاء الله ما يخربو ليهم بتاعات الامن ( الامنجيات).
و عليكم السلام أخونا أسامة القروب كبير جداً علشان كدا لو طلبت أي معلومة عن أي شخص أكيد بتلقاها بسرعة و بالتفصيل الممل كمان ... علشان كدا صورة الأمنجي في دقايق على قولهن بجيبو ليك الزيت بتاعو ...
تحياتي
Post: #90 Title: Re: ***** قروب (المنبرشات) في الفيس و الثورة ***** Author: ABUHUSSEIN Date: 01-31-2019, 09:20 AM Parent: #89
Quote: حبيبنا أبوحسين .. مودتي يا رب تنصر هؤلاء شباب ..
اقتربنا من الخلاص .. والفجر قد أتى
واصلوا بوستات التشجيع والحماس والتعبئة
مرة أخرى تحياتي لك أبو حسين الحبيب
حبيبنا أستاذ علي التحايا و المودة الطيبة نعم الخلاص قريب بإذن الله و كل المؤشرات مطمئنة ....
تحياتي
Post: #91 Title: Re: ***** قروب (المنبرشات) في الفيس و الثورة ***** Author: Yousuf Taha Date: 01-31-2019, 10:57 AM Parent: #90
Post: #92 Title: Re: ***** قروب (المنبرشات) في الفيس و الثورة ***** Author: ABUHUSSEIN Date: 01-31-2019, 11:10 AM Parent: #91
Quote: المنبر دا مسكون واللا شنو؟
مسكون انت .... 😂😂😂 بقيت ما بتشوف و ل عشان كتبت اسمو بالعربي ... ؟؟؟ و الله حقو الواحد يشوف ليك صورة و يرسلها للمنبرشات .... و الباقي معروف 😂😂😂😂😂
Post: #93 Title: Re: ***** قروب (المنبرشات) في الفيس و الثورة ***** Author: Yousuf Taha Date: 01-31-2019, 12:44 PM Parent: #92
Quote: و ل عشان كتبت اسمو بالعربي ... ؟؟؟
هههههههههههههههههه دا اسامة محمد ما شايف اسامة الخواض هنا
كل شي ولا منبرشات ياخي ديل بينكتن ليك حق الابتدائي ع قول زول هنا هههههههههه
Post: #94 Title: Re: ***** قروب (المنبرشات) في الفيس و الثورة ***** Author: Yousuf Taha Date: 01-31-2019, 12:56 PM Parent: #93
تصدق ياداب شفت مداخلة الخواض
هههههههههه
Post: #95 Title: Re: ***** قروب (المنبرشات) في الفيس و الثورة ***** Author: عبدالحفيظ ابوسن Date: 01-31-2019, 01:00 PM Parent: #93
برضو فيهو محاققة شديدة المعلومة بتمحص وقابلة للشك لذا ما يخرج من المنبرشات يكون غالبا جدا صحيح
Post: #96 Title: Re: ***** قروب (المنبرشات) في الفيس و الثورة ***** Author: Yousuf Taha Date: 01-31-2019, 02:54 PM Parent: #95
Post: #97 Title: Re: ***** قروب (المنبرشات) في الفيس و الثورة ***** Author: Yousuf Taha Date: 01-31-2019, 02:56 PM Parent: #96
منقول من هنا https://www.facebook.com/shadia.abdelmoneimhttps://www.facebook.com/shadia.abdelmoneim
**المجموعات المنضوية تحت مظلة شابات سودان الغد **
" الجميلات هن القويات بأس يضئ ولا يحترق"
التحية لشهداء الشعب السوداني، المعتقلات والمعتقلين، لشابات وشباب السودان فى القرى و الحضر، للمصابات و المصابين منهم في أحداث ثورة ديسمبر، الشابات والنساء السودانيات في المهاجر.
التحية لجحافل المهنيات والمهنيين في كل المواقع. التحية لجماهير الشعب السوداني التي خرجت في الشوارع تهدر كالسيول مسطرة كلمتها ضد سياسات الظلم والقهر والتجويع والتشريد والتهميش والذل. نحن في المجموعات النسائية التي جمعتنا في الاسافير بعد أن ضيق علينا النظام القاهر المساحات على أرض الوطن كنا ولا زلنا في قلب هذا الحراك الجماهيري الذي انتظمت به جماهير الشعب الابي بكياناته المهنية واحزابه ومنظماته قلبا نابضا وإرادة لا تلين ضد القهر والفساد والطغيان.
نهب نحن نساء و شابات سودان الغد من داخل وخارج السودان نعلِنّ مناصرتنا لإعلان الحرية و التغيير ونشارك كتفا" بكتف مع القوى الموقعة على الاعلان ونؤكد اقتسام العبء الذي هبّت له الجماهير بلا توانٍ للنضال من أجل إسقاط نظام دمر الوطن واغرقه في العنف والفساد وكرس قبضته الباطشة لسحق النساء.
و نؤكد تأييدنا لموكب الزحف العظيم 31 وكل خطوات تصعيد النضال لإسقاط هذا النظام و نتعهد بأن نعمل مع كافة القوى الموقعة على إعلان الحرية والتغيير لأجل إسقاط هذا النظام و تأسيس دولة المواطنة و حكم القانون.
*مجموعات البنات التي إنضمت تحت مظلة شابات سودان الغد: 1. منبر شات 2. هواريزون 3. ماجيستي 4. الردمية 5. الدعم السريع 6. بالصراحة اكيد احلى 7.فسخ وجلخ 8. تنقد الرهيفة 9.رويحتي الحلوة 10.مهيرة 11. فينوس
*#عاش نضال الشعب السوداني* *#عاش نضال المرأة السودانية* *#والعزة للوطن*
*شابات سودان الغد 30 يناير ٢٠١٩*
Post: #98 Title: Re: ***** قروب (المنبرشات) في الفيس و الثورة ***** Author: ABUHUSSEIN Date: 01-31-2019, 05:10 PM Parent: #97
Quote: هيا ببّا! كمان بلا خجلة نقلتو للمنبر الجديد!! بالله دا بوست يكنبو راجل وينقلوا كمان!
اسمو المنبر الجديد .... !!!!!!! كان كدا بكري دا عندو كترت منابر ... 😂😂😂 آمنت بالله ... يا زول انت ما كنت كويس مالك الحصل ليك شنو ؟؟؟ غايتو ما فضل ليك الا تمشي تصور بالشماغ و العقال و تجي تعلقها لينا هنا 😂😂😂😂😂😂😂😂 داير اقول ليك قوم لف لكن حالتك صعبت علي ...😂😂
Post: #99 Title: Re: ***** قروب (المنبرشات) في الفيس و الثورة ***** Author: علي عبدالوهاب عثمان Date: 01-31-2019, 05:45 PM Parent: #98
7.فسخ وجلخ
=========== تحياتي للجميع .. حبيبنا أبوحسين .. ( فسخ وجلخ ) ربما تكون عبارات عادية في السودان ( نحن ناس ضواحي الدنيا ) ولكن لدى الخلايجة كلام خطير .. أحياناً بعض العبارات تكون عادية في مجتمعات وتكون معيبة في مجتمعات اخرى .. عبارة ( فسخ ) مستخدمة هنا لدى القانونيين ( مثال .. فسخ عقد العمل ) ولكن لدى العامة ( خلع الملابس) جلخ هي العبارة الأخطر لدى الخلايجة .. رغم السن وأنا خجلان ولكن لا حرج في المعرفة هي ( العادة السرية ) ربما معنى العبارة يختلف في مناطق اخرى في الخليج ..
تحياتي يا أبوحسين .. معليش قلنا فقط للمعرفة ..
Post: #100 Title: Re: ***** قروب (المنبرشات) في الفيس و الثورة ***** Author: ABUHUSSEIN Date: 02-01-2019, 06:39 AM Parent: #99
اخر القصص بطولة (إنتصار ملايات) .... 😂😂😂😂😂😂
Post: #101 Title: Re: ***** قروب (المنبرشات) في الفيس و الثورة ***** Author: Hamid Elsawi Date: 02-01-2019, 07:10 AM Parent: #100
Quote: غايتو مستحيل افتح لي بوست ما يجوني الوهم ديل يقطعو لي حبل افكاري و اطلعو لي نفسي من الكتابة الجادة الرصينة ...
أبو حسين مش انت براك نحن زاتنا كرهونا من المتابعة و كرهونا المنبر ...... أي زول بتساخف في بوستات زميلو في المنبر أو يحاول يحرف البوست لتصفية خلافات قديمة في المكان الغلط أكيد عندو مشكلة نفسية و يحتاج علاج و أي مداخلة بتكون خصم عليهم و علي رصيدهم لان فيهم ناس الواحد كان بحترم فيهم أشياء كثيرة لكن كده ح ينفروا الناس منهم فيهم واحد شخصياً كنت خاتيهو في مكانه طلع لا يستحقها تماماً غايو يا أبو حسين نقرا سطر و نفط سطرين. خليهم ينبرشوا ليك المنبرشين ديل الله معاك
Post: #102 Title: Re: ***** قروب (المنبرشات) في الفيس و الثورة ***** Author: محمد البشرى الخضر Date: 02-01-2019, 11:54 AM Parent: #101
غايتو انا اتحسست واخدت كلامك لي يا الصاوي .. المهم تعليقاتي في بوستات ابوحسين - اقصد عولاقاته فهي لا ترقى لأن تكون بوستات بالمعنى المفهوم - مردها ما بيني وبينه من مودة وبساط أحمدي ومساحة احترام تسمح بذلك وليس القصد منها التساخف او حرف البوست عن مقصده - دا اذا اساسا كان في بوست وفي مقصد- وإن بدت لك ولغيرك كذلك فا شنو .. إن كنت تقصدني بحديثك اتمنى ان اكون قدرت اوصل ليك الفكرة بسلاسة, وإن لم تكن تعنيني فأرجو اعتبار كلامي هذا كأن لم يكن.
ابو حسين يا فقر انت انتصار ملايات دي قصتها شنو؟ قوقل ما اداني حاجة
Post: #103 Title: Re: ***** قروب (المنبرشات) في الفيس و الثورة ***** Author: ABUHUSSEIN Date: 02-01-2019, 01:14 PM Parent: #102
اهلا بيك اخونا حامد الصاوي كلام الفقر الإسمو ود البشرى دا و زيو كدا كم واحد ... هظار خشن شديد انا و هم اتعودنا على كدا ... اغلب الناس بفتكرونا بنتشاكل و نحن بنكون بنهظر مع بعض ...
تحياتي ..
Post: #104 Title: Re: ***** قروب (المنبرشات) في الفيس و الثورة ***** Author: محمد البشرى الخضر Date: 02-01-2019, 02:31 PM Parent: #103
هظار شنو يا بتاع المنبرشات انت! بتعرفني من وين عشان تهظر معاي! ما ترفع الكلفة ساي
Post: #105 Title: Re: ***** قروب (المنبرشات) في الفيس و الثورة ***** Author: ABUHUSSEIN Date: 02-01-2019, 02:36 PM Parent: #104
Quote: انتصار ملايات دي قصتها شنو؟ قوقل ما اداني حاجة
😂😂😂😂😂😂😂😂 قوقل زااااااتو كرهك يا فقر .... طالما قوقل زاتووو ما لقيت عندو الشمار .... خليك شوية ... 😂😂😂😂😂😂😂😂
Post: #106 Title: Re: ***** قروب (المنبرشات) في الفيس و الثورة ***** Author: Asim Ali Date: 02-01-2019, 06:03 PM Parent: #105
سلام عليكم القوربات دى خلقت نوع من الحصار والرعب خلت الجماعه يجروا المحاكم.
Quote: ضباط بجهاز الأمن يقيدون بلاغات ضد صفحات إسفيرية تقدمت مجموعة من ضباط جهاز الأمن والمخابرات الوطنى بعريضة إلى نيابة أمن الدولة ضد منتهكى خصوصياتهم وصفحات إسفيرية أساءت لهم أمس. ووفقاً للعريضة فإن الضباط يرون أن مجموعة من الأشخاص المتورطين وجهوا إليهم إساءة وتعليقات صادمة على صفحات التواصل الاجتماعى المختلفة. وحسبما نقلت مصادر مطلعة لـ (الإنتباهة) فإن نيابة أمن الدولة قيدت بلاغات وباشرت تحرياتها حول صفحات على فيسبوك وعدد من مرتادي مواقع التواصل الاجتماعى المختلفة، وستتم ملاحقتهم بالداخل والخارج. وكان مجموعة من ضباط جهاز الأمن قد تم نشر صور لهم على صفحات الفيسبوك والإساءة إليهم، وتم وصف منازلهم وكتابة أرقام هواتفهم، بجانب الإدلاء بمعلومات كاذبة عنهم، إضافة إلى تلقيهم تهديدات وإساءت بالغة طالت أسرهم وأشانت سمعة عدد منهم، ويذكر أن عدداً من مرتادي مواقع التواصل الاجتماعي (فيسبوك) قد نشروا العديد من الصور لضباط، ونسبوا إليهم أفعالاً ومعلومات غير صحيحة، حسبما حوت عريضة البلاغ. الانتباهه-31يناير2019
Post: #107 Title: Re: ***** قروب (المنبرشات) في الفيس و الثورة ***** Author: محمد البشرى الخضر Date: 02-01-2019, 09:01 PM Parent: #106
Quote: قوقل زااااااتو كرهك يا فقر ....
هههه صدّق بكون! كل مرةّ شايل مصيبة اقوقلها اشوف اصلها شنو وملفوحة من وين! و اغلبهن بطلعن مضروبات المهم اولاد الحلال الله يديهم العافية دلّوني على قصة انتصار و التبرع للمستشفى! على الرغم من ان الموضوع قديم لكن بالجد فيه عبط فايت الحد! المسؤولين ديل استمرؤوا مسألة الاستهوان بالشعب و بيع اي كلام فاضي على انه انجازات لكن بيني وبينك شعب فيه لفّاحين زيّك الواحد طويل عريض بي شنب يكتب بوست خيبان زي دا, يستاهل :)
Post: #108 Title: Re: ***** قروب (المنبرشات) في الفيس و الثورة ***** Author: ABUHUSSEIN Date: 02-02-2019, 06:09 AM Parent: #107
Quote: اولاد الحلال الله يديهم العافية دلّوني على قصة انتصار و التبرع للمستشفى! على الرغم من ان الموضوع قديم لكن بالجد فيه عبط فايت الحد!
دا زاتو شكلو كدا كرهتو حياتو قام كلفتك .... 😂😂😂😂😂 القصة بدأت لم الوالي كان بتكلم امام جماهير كسلا و امام البشير و قال للبشير حتى نساء كسلا كتبو بالحنة في يدهن (تقعد بس) و جابو صورة يدين فيهم الحنة بدون ما يجيبو الوش ... اها باليدين ديل بس تحركو المنبرشات .... ديل يدين انتصار .... انتصار دي كانت معتمد و كم منصب كدا في كسلا ... و هي معتمد اتبرعت بي ملايات لي مستشفى المنبرشات سموها انتصار ملايات ....
Post: #109 Title: Re: ***** قروب (المنبرشات) في الفيس و الثورة ***** Author: ABUHUSSEIN Date: 02-04-2019, 12:28 PM Parent: #108
المنبرشات و غضبتهن على إغتيال المعلم .....
Post: #110 Title: Re: ***** قروب (المنبرشات) في الفيس و الثورة ***** Author: يوسف الطيب احمد إدريس Date: 02-04-2019, 03:40 PM Parent: #109
المنبرشات و غضبتهن على إغتيال المعلم .....
هات يا أبو حسين إمكن يبردن بطننا شوية
لعنة الله على كل كوز من الترابي وحتى أصغر كوز تافه حقير واطني
Post: #111 Title: Re: ***** قروب (المنبرشات) في الفيس و الثورة ***** Author: ABUHUSSEIN Date: 02-04-2019, 08:58 PM Parent: #110
Quote: هات يا أبو حسين إمكن يبردن بطننا شوية
ببردن بطنك يا يوسف ... لانهن جابن زيت الامنجية المشاركين في تعذيب الشهيد معلم خشم القربة .... صور و اسماء و تلفونات ... بحاول اشوف سكرين شوت لكن لسه ما لميت فيها ....
Post: #112 Title: Re: ***** قروب (المنبرشات) في الفيس و الثورة ***** Author: MOHAMMED ELSHEIKH Date: 02-05-2019, 06:26 AM Parent: #111
اسرع
النايم ليها شنو لي هسع والناس بتموت ياخ
Post: #113 Title: Re: ***** قروب (المنبرشات) في الفيس و الثورة ***** Author: ABUHUSSEIN Date: 02-05-2019, 09:23 PM Parent: #112
إدارة قروب منبرشات نزلت البيان دا :-
Quote: #بيان_قروب_منبرشات :
" قل للذين ينتظرون سقوط راية الثورة أن ثورتنا ستستغرق أعماركم 🔥"
القروب بقي شغال حاليا لهدف معين وهو #إسقاط_النظام
ولن نرفع الراية البيضاء ✌️
ولولا دعمكم للقروب منذ البداية لما وصلنا لما نحن عليه الأن الثورجيات المواصلات معانا لأخر نفس اظهروا في البوست دا وورونا حماسكم 🔥
انا عايزة اي زولة شافت البوست دا تعلق ب 10 ملصقات نشوووف الحماس ✌️🔥🔥🔥
#منبر_الثورة #تسقط_بس ✌️🔥 #الادارة
البوست مداخلاته قربت من ال 10،000 مداخلة .... #مش_كدا_يا_وداد 😂😂😂
Post: #114 Title: Re: ***** قروب (المنبرشات) في الفيس و الثورة ***** Author: محمد البشرى الخضر Date: 02-05-2019, 09:44 PM Parent: #113
Quote: البوست مداخلاته قربت من ال 10،000 مداخلة ....
تلقاك قريتهن واحدة واحدة يا الناجح!
Post: #115 Title: Re: ***** قروب (المنبرشات) في الفيس و الثورة ***** Author: ABUHUSSEIN Date: 02-06-2019, 05:28 AM Parent: #114
Quote: اسرع
النايم ليها شنو لي هسع والناس بتموت ياخ
يا باشمهندس ما تستعجل ياخ في جدل حاصل و في أخذ و رد في بعض الأسماء و تطابق الصور مع أصحابها بعد ما الجداد خلق بلبلة فيهم .... لم تنجض تب بجيبها ما عايز أجيب حاجة نية و بعدين الشمات يعملوا لي كيتا هنا ....
Post: #116 Title: Re: ***** قروب (المنبرشات) في الفيس و الثورة ***** Author: ABUHUSSEIN Date: 02-06-2019, 05:30 AM Parent: #115
Quote: تلقاك قريتهن واحدة واحدة يا الناجح!
و دي شكلها واجعاك شديييييييد ......
Post: #117 Title: Re: ***** قروب (المنبرشات) في الفيس و الثورة ***** Author: محمد البشرى الخضر Date: 02-06-2019, 06:26 AM Parent: #116
لا يا أخوي ما واجعاني القراية لكن غايظاني كسرة الركبة في قروب نسائي ! من قلّة قروبات الرجال يعني!
Post: #118 Title: Re: ***** قروب (المنبرشات) في الفيس و الثورة ***** Author: MOHAMMED ELSHEIKH Date: 02-06-2019, 07:15 AM Parent: #117
Quote: من قلّة قروبات الرجال يعني!
توجه عنصوجندري من ابي حتوت
Post: #119 Title: Re: ***** قروب (المنبرشات) في الفيس و الثورة ***** Author: ABUHUSSEIN Date: 02-06-2019, 12:05 PM Parent: #118
المنبرشات جابن زيت الكثيرين ..... الغريبة العملنو المنبرشات في دقائق جماعة جعجعانين سنين ما عملوه ......
المنبرشات ...
Post: #120 Title: Re: ***** قروب (المنبرشات) في الفيس و الثورة ***** Author: محمد البشرى الخضر Date: 02-06-2019, 02:15 PM Parent: #119
Quote: جماعة جعجعانين سنين ما عملوه ......
كم سنة؟ تلاتة
Post: #121 Title: Re: ***** قروب (المنبرشات) في الفيس و الثورة ***** Author: ABUHUSSEIN Date: 02-06-2019, 04:23 PM Parent: #120
Quote: كم سنة؟ تلاتة
لا لا لا يا فقر ..... حوالي 9 سنة ... و انا اعني ما اقول .... 😂😂😂😂
Post: #122 Title: Re: ***** قروب (المنبرشات) في الفيس و الثورة ***** Author: محمد البشرى الخضر Date: 02-07-2019, 05:32 AM Parent: #121
خلاص اتصدّرت للغلاط! هو زاتو سيد الشي قال تلاتة عايز تغالطه في رقبته
Post: #123 Title: Re: ***** قروب (المنبرشات) في الفيس و الثورة ***** Author: ABUHUSSEIN Date: 02-07-2019, 05:45 AM Parent: #122
Quote: خلاص اتصدّرت للغلاط! هو زاتو سيد الشي قال تلاتة عايز تغالطه في رقبته
هو لاحق البشير في الكضب .....
Post: #124 Title: Re: ***** قروب (المنبرشات) في الفيس و الثورة ***** Author: ABUHUSSEIN Date: 02-12-2019, 05:51 AM Parent: #123
في تغريدة لي واحد على تويتر :-
Quote: في منبرشات وحدة نزلت صورة واحد قالت عايزة زيتو ، البنات سألوها:أمنجي قالت: لا! قاليها معليش مضربين عن الحالات الباردة، طوارئ بس 😂😂🔥
#تسقط_بس #مدن_السودان_تنتفض
Post: #125 Title: Re: ***** قروب (المنبرشات) في الفيس و الثورة ***** Author: muntasir Date: 02-12-2019, 06:37 AM Parent: #124
Post: #127 Title: Re: ***** قروب (المنبرشات) في الفيس و الثورة ***** Author: ABUHUSSEIN Date: 02-12-2019, 12:09 PM Parent: #126
Post: #128 Title: Re: ***** قروب (المنبرشات) في الفيس و الثورة ***** Author: Yousuf Taha Date: 02-12-2019, 05:05 PM Parent: #127
شمائل النور تكتب عن النقلة النوعية لقروب منبرشات النسائي https://www.facebook.com/221727744863504/posts/799455630424043/https://www.facebook.com/221727744863504/posts/799455630424043/
Post: #129 Title: Re: ***** قروب (المنبرشات) في الفيس و الثورة ***** Author: ABUHUSSEIN Date: 03-04-2019, 07:09 AM Parent: #100
قروب منبرشات أرسلن تحذير شديد اللهجة .... لكل مسؤل في الحكومة يقوم بمنع الموظفين من الخروج في المظاهرات أو يقوم بأي إجراء ضد المعتصمين أو المضربين عن العمل بأنهن سيقومن بالواجب تجاهه خاصةً و أنه قبل كم يوم إتلحن مامون حميدة و طلعن ليه بلاوي ...... أظن دي خطوة جيدة جداً ........
Post: #130 Title: Re: ***** قروب (المنبرشات) في الفيس و الثورة ***** Author: ABUHUSSEIN Date: 03-04-2019, 07:28 AM Parent: #129
Post: #131 Title: Re: ***** قروب (المنبرشات) في الفيس و الثورة ***** Author: ABUHUSSEIN Date: 03-04-2019, 09:17 AM Parent: #130
فتحوا حساب في تويتر بهذا الإسم:-
minbrchat
Post: #132 Title: Re: ***** قروب (المنبرشات) في الفيس و الثورة ***** Author: Yousuf Taha Date: 03-04-2019, 10:53 AM Parent: #131
Quote: minbrchat
غايتو اللغة الفي الحساب دا مي ياها ياعمك
Post: #133 Title: Re: ***** قروب (المنبرشات) في الفيس و الثورة ***** Author: ABUHUSSEIN Date: 03-04-2019, 04:24 PM Parent: #132
Quote: غايتو اللغة الفي الحساب دا مي ياها ياعمك
ياها بس هنا اللعب مكشوف اكيد اللغة بتختلف .... 😂😂😂😂
Post: #134 Title: Re: ***** قروب (المنبرشات) في الفيس و الثورة ***** Author: ABUHUSSEIN Date: 03-09-2019, 10:36 AM Parent: #133
😂😂😂😂😂😂😂 لا اخلاقية ..... !!!!!
Post: #135 Title: Re: ***** قروب (المنبرشات) في الفيس و الثورة ***** Author: ABUHUSSEIN Date: 03-09-2019, 01:00 PM Parent: #134
بالصوت ..... مصور مقطع الفيديو لحظة تحرير ميدان بري .... منبرشات بي صوتو جابو زيتو .... 😂😂😂😂😂😂
Post: #136 Title: Re: ***** قروب (المنبرشات) في الفيس و الثورة ***** Author: محمد البشرى الخضر Date: 03-09-2019, 01:44 PM Parent: #135
بي صوتو!! برضو أخير في قروب جات "بي ضلو" ما تباري الوهم دا ياخ وتشارك في صنع نمور ورق !
Post: #137 Title: Re: ***** قروب (المنبرشات) في الفيس و الثورة ***** Author: Osman Awoda Date: 03-10-2019, 04:18 AM Parent: #136
تنبرشوا بس انتوا الاتنين. قصة.
Post: #138 Title: Re: ***** قروب (المنبرشات) في الفيس و الثورة ***** Author: ABUHUSSEIN Date: 03-10-2019, 08:41 AM Parent: #137
Post: #139 Title: Re: ***** قروب (المنبرشات) في الفيس و الثورة ***** Author: ABUHUSSEIN Date: 03-10-2019, 08:52 AM Parent: #138
Quote: بي صوتو!! برضو أخير في قروب جات "بي ضلو" ما تباري الوهم دا ياخ وتشارك في صنع نمور ورق !
وهم أكتر منك يا فقر .....؟؟؟؟ قروب بي إنجازاتو تقول لي نمور من ورق ....؟؟؟؟
ما تجي نرسل ليهم صورتك ....
Post: #140 Title: Re: ***** قروب (المنبرشات) في الفيس و الثورة ***** Author: HAIDER ALZAIN Date: 03-10-2019, 09:03 AM Parent: #139
اول مرة اقرأ " جزء " من بوست للمدعو ابوحسين واحس انه فيهو فايدة واضاف جديد..
من ناحية أخرى شكلك كدة بقى مناضل مناضل ماباقي ليك الا تتصور مع لافتة :)
Post: #141 Title: Re: ***** قروب (المنبرشات) في الفيس و الثورة ***** Author: ABUHUSSEIN Date: 03-10-2019, 09:12 AM Parent: #140
Quote: تنبرشوا بس انتوا الاتنين. قصة.
هو الإنبراش عيب يا عمو ....؟؟؟؟ ما ننبرش .....
قوم لف
Post: #142 Title: Re: ***** قروب (المنبرشات) في الفيس و الثورة ***** Author: حامد محمد حامد Date: 03-10-2019, 09:27 AM Parent: #141
جيت المنبر بعد زمن لقيت بوست أبو الحسين طمم لى بطنى وقفلت راجعا يلا اجر وكفارة
Post: #143 Title: Re: ***** قروب (المنبرشات) في الفيس و الثورة ***** Author: Abdelrahim Mohmed Salih Date: 03-10-2019, 09:36 AM Parent: #142
سلام يا ابو حسين الصوره معبره جدا والتحيه ل منبرشات فرع الثوره ...القوه الناعمه المؤثره على مدار تاريخ الرجل السعيد بظاهر الاشياء:)
من فوائد الثوره تغير اولويات القروب من تضامن نسوى ضد الرجال المتلاعبين بمشاعر النساء وفضح كذبهم....الى عمل ثورى منظم اربك النظام من صغيرهم ل كبيرهم(جاهم السم القدر عشاهم)
منبرشات تضم الان طيف النسائي كامل التأهيل العلمى والعملى والاسم الساخر يعبر فقط عن بدايات محدوده الطموح فى معركه المراه والرجل الازليه
الكادر النسائي فى منبرشات لايقل كفاءه عن نساء مثل فاندرلاين وزيره دفاع المانيا واخربات يتصدرن ساحه العمل السياسى كظاهره عالميه إيجابيه تفسح للمراه مكان طبيعى فى دوائر صنع القرار اتمنى من منبرشات طرح تصور لحكومه على مستوى النت تقدم حلول عمليه استنادا على موهلاتهن الاكاديميه والميدانيه
وكما يقول الخواجات لم تنبت بعد عشبه طبيه ضد منبرشات ... الرباطه تلثموا جبنا ورغم ذلك تطالهم ايدى وعيون منبر شات ملاحظه على الهامش فيما عدا حاله الثوره وكشف المجرمين لا اتفق مع فكره منبرشات فى مرحله قبل الثوره ابدا ويمكن لاهل القانون فى المنبر التوسع فى شرح خطل الفكره وتداعياتها فى كشف خصوصيات الافراد وإرساء مبدأ خطير لمحاكمات اسفيريه تنصب فيها اعمده لكتائب الاعدام بحق افراد انتهكت حقوقهم بدوافع فرديه لاتبرر مهما كان السبب....
Post: #144 Title: Re: ***** قروب (المنبرشات) في الفيس و الثورة ***** Author: محمد البشرى الخضر Date: 03-10-2019, 10:46 AM Parent: #143
Quote: ملاحظه على الهامش فيما عدا حاله الثوره وكشف المجرمين لا اتفق مع فكره منبرشات فى مرحله قبل الثوره ابدا ويمكن لاهل القانون فى المنبر التوسع فى شرح خطل الفكره وتداعياتها فى كشف خصوصيات الافراد وإرساء مبدأ خطير لمحاكمات اسفيريه تنصب فيها اعمده لكتائب الاعدام بحق افراد انتهكت حقوقهم بدوافع فرديه لاتبرر مهما كان السبب....
ما على الهامش يا عبد الرحيم بل هي صلب الموضوع وأسّه! فكرة انتهاك الخصوصية, الخصوصية مفروض أمر مقدّس ولا انتماء له, ولا اعني هنا كشف ان فلان يعمل في الامن في الوظيفة الفلانية بل ما يتعدّى الشأن العالم للخاص قبل ايّام انتشرت في النت اسماء ابناء مدير الأمن وقبله اسم الزوجة الثانية لمدير جامعة العلوم الطبية و اليوم تهديد بنشر حبيب بنت أحد ضباط الأمن!! هل هذا يدعم او يفيد الثورة! هل تغيرت ادوات منبرشات التي تتبع العوارات وتهتك الاستار او تغير اسمها ووصفها فقط لأن المستهدفين صاروا من الأمن أو الحكومة! منبرشات في نظري و الاحتفاء به من محبي شمارات و عورات الناس تراجع مريع في الوعي الثوري الذي ظهر جليا الايام الماضية و سألت هذا السؤال في أحد القروبات كل من تم كشف عمله وتلفونه وعنوانه من الامن او النيابة وغيرهم حتى الآن منذ بداية الثورة ما ذا حل بهم؟ وكيف استفادت الثورة من هذه الكشوفات؟
Post: #145 Title: Re: ***** قروب (المنبرشات) في الفيس و الثورة ***** Author: Abdelrahim Mohmed Salih Date: 03-10-2019, 11:23 AM Parent: #144
اتفق معاك تماما الهامش الذى اقصده ادراج الملاحظه على التعليق لتوجسى من استمرار الفكره واستغلال الترحيب الشعبى لخدماتهم الثوريه:)
يا ود البشرى متابعتى ل منبرشات من خلال التعليقات على نشاطهم واحيانا صور بعض الرباطه لكن التعدى بنشر صور عائليه ومعلوماتهم الشخصيه ... كما اوردت فى تعليقك لم اكن اعلمه و اراه انحدار لايليق بشرف النضال ولايبرر بالثوره بل حرصا على سلامه الثوره يجب أن يكون السلوك منظبط ولانهلل بحماس جهول لافتضاح خصوصيه عائليه لان احد افرادها عنصر امن ادين بشده تطرف منبرشات واتمنى من القائمين والادمن فى هذه المجموعه الانتباه لهذا الانحراف من جانب اخر قروب منبرشات تضم كادر نسائي مؤهل للقيام بدور اساسى فى بناء دوله بعد الانقاذ اتمنى ان يوظف زخم الحراك الان لتطوير فكره المساهمه دون اختزالها فى (شمارات نسائيه ) وإن كانت مفيده الان لكنها تكرس نمطيه دمغت بها النساء فى مجتمع تقليدى الجوهر......
كما ترى منبرشات سلاح ذو حدين للخروج بأفضل النتائج يجب أن يتطور القروب الصراع الجندرى الايجابى لايعنى صراع مع عناصر الأمن وبقيه النظام بل حتى فى صفوف الثوار هناك من يرى مقعد النساء فى الصف الثانى وهناك من يوقرهم بكل إطمئنان ويختار لهن مطبخ وجوقه اطفال فقط:)
Post: #146 Title: Re: ***** قروب (المنبرشات) في الفيس و الثورة ***** Author: جلالدونا Date: 03-10-2019, 12:59 PM Parent: #145
اظن يا عبد الرحيم نشاط منبر شات الغالب قبل الثورة كان عن العلاقات الاجتماعية فى الحب و الخطوبة و الزواج, و هو استغلال جيد و تطوير لى عاده سودانية متجذرة و هى اهل العروس يسألون عن العريس و اهل العريس و كذا اهل العريس وذلك لتحديد رأى نهائى فى قبول او رفض الارتباط التطوّر النوعي الذى حدث بعد انطلاق الثورة بالمناسبة ساهم فى تخفيف درجة العنف لدرجة ان الامنجية و الرباطة صاروا يتنقبون اما الخطوه المتمثلة فى نشر صور عائلة المجرم صلاح قوش جاءت بعد ان انتهك صلاح قوش خصوصية البيوت و المدارس و الجامعات و مارس الترويع و القتل و اهان وضرب وحطّم بالمختصر يا عبدالرحيم صلاح قوش هو من بدأ التعدّى على خصوصية الاسر و جاءه الرد من جنس العمل و لا ارى انحطاطا فى ذلك و هو مبدأ تقرّه حتى الشرائع السماوية اما القول بأن من كشفت معلوماتهم من ناس الامن و ماذا حل بهم فهو قول لا ينتج الا من عقلية خاطفة لونين كما وصفها عالم النفس الذّري تيرى توماس برناردو فى احد تحليلاته و بأنه قول ظاهره الذكاء و باطنه الغباء الشديد يحمكه استعجال النتيجة لاثبات خطل العمل
Post: #147 Title: Re: ***** قروب (المنبرشات) في الفيس و الثورة ***** Author: محمد البشرى الخضر Date: 03-10-2019, 03:21 PM Parent: #146
واطي ليس إلّا و ح تظلّك واطي على الأقل ما تضّارى ورا عبد الرحيم ووجه لي الكلام كما أفعل لك بعد مغالبة القرف, لكن ح تجيب من وين! ياها قدرتك وياها عرفتك وياها شخصيتك كدا وانت بالطبع من المؤيدّين لأسلوب و شمارات منبرشات و تتبع عورات الناس فا الطبع يغلب التطبع
Post: #148 Title: Re: ***** قروب (المنبرشات) في الفيس و الثورة ***** Author: ABUHUSSEIN Date: 03-10-2019, 03:29 PM Parent: #147
الطريفي انت لسه حي .... ؟؟؟
Post: #149 Title: Re: ***** قروب (المنبرشات) في الفيس و الثورة ***** Author: Abdelrahim Mohmed Salih Date: 03-10-2019, 03:51 PM Parent: #146
تحياتى يا جلال وللنضال اوجه عديده:) فى هذا الإطار كانت مساهمه مبرشات فى فضح افراد الامن موضع ترحيب وحفاوه وماتزال وبالفعل اثبت اسلوبهم نجاعته فى تحجيم افراد الرباطه وكف أذاهم عن شرفاء الثوره هذا دور إيجابى لانمغطهم حقهم وكذلك لايمنع إبداء راى مخالف فى تناول الظاهره يا جلال مدير الامن فى شخصه لا اخلاق له ويديه ملطخه بدماء أبرياء طوال تاريخه الغير مشرف فى إرساء دعائم النظام ولابد من الإشاره ان معظم الضحايا كانوا من اهل دارفور سوا طلاب فى العاصمه او فى الاقليم المنكوب طيب شخص بهذه الوضاعه لايمكن ان يحدد للمناضلين سقف اخلاقى لايملكه لكيفيه النضال من راى أن الثوره فى مفهوها الواسع السامى يجب أن تحافظ على نظافه ثوبها وهو اكثر سلاح بجانب السلميه يهزم النظام
بل والحراك الان مطالب بافراد حيز فكرى ونقدى لسودان بعد الانقاذ بمقدار ماتوفره طاقه العمل فى ظرفها الراهن والمعنى بذلك ليس كيان رسمى او جسم سياسى بكل كل فرد ثبت الله قلبه على امر رشد من نساء ورجال يحركهم النبل ومحبه أوطانهم عوده إلى بدايه فكره منبرشات فى شأن الزواج ربما يختلف الناس حولها بين مؤيد ومعترض بحسب الذائقة و التقدير الشخصى وكذلك لخصوصيه طقوس الارتباط نفسها وأشياء اخرى ربما لو اسهبت فيها لتبعثرت فكره النقد المحدده لمساهمه منبرشات فى العمل الثورى اتمنى ل منبرشات تطوير الفكره وتقديم تصور اعم واعمق لسودان بعد الإنقاذ والخروج من عبائه الشمارات فقط إلى طرح جاد نرى فيه امثال فاندرلاين بينهم ....اتمنى ان يستمروا فى فضح افراد الامن وحصارهم اجتماعيا دون التعدى على اقاربهم يا جلال ربنا قال لايجرمنكم شنآن قوم على ألا تعدلوا بهذا المعنى ادين إنفلات منبر شات الثورى تجاه افراد بجرم إنتمائهم الاسرى لامنجيه
على العموم لست من انصار لاصوت فوق صوت المعركه حتى لا نؤسس بنيان دون اساس وحتى لا تتحول إلى مكارثيه جديده وصيد ساحرات لابد من وقفه نقديه ضد الذاتى ونشوه الإنتقام لسلامه المسار على مدى بعيد ومتعدد وسترى كيف شهوه الإنتقام ستحرق الدار على ساكنيها اقول هذا بالنظر إلى جروحات غائره لم تطمر بنسيان ولعلنا نتأسى بجيران حولوا القبح جمالا والان ارسلوا قمر صناعى ليصل نور العلم إلى قرى منسيه.... .......
Post: #150 Title: Re: ***** قروب (المنبرشات) في الفيس و الثورة ***** Author: جلالدونا Date: 03-10-2019, 05:13 PM Parent: #149
شكرا عبدالرحيم على الرد الضافى و الوافى ومدخلى فى الرد قولك
Quote: بل والحراك الان مطالب بافراد حيز فكرى ونقدى لسودان بعد الانقاذ بمقدار ماتوفره طاقه العمل فى ظرفها الراهن والمعنى بذلك ليس كيان رسمى او جسم سياسى بكل كل فرد ثبت الله قلبه على امر رشد من نساء ورجال يحركهم النبل ومحبه أوطانهم
طيّب الحيز الفكري و النقدى بالضرورة لا بد ان يطول كل ما ينظم و يؤسس لرفاهة الانسان السودانى عبر منظومة متكامله من القيم تحرسها مؤسسات بشقيها المجتمعى الشعبي و الرسمي و على هذا ناخد قيمة العدالة مثالا. اول ما نحتاجه هو جمع المعلومات عن الحالة ثانيها تقييم هذه المعلومات و هذه بواسطة اشخاص يملكون القدرة على التمييز ثالثها التحقق من صدقها بعد التقييم ثم تقديمها كملف متكامل اما منصة القضاء الداير اقولو شنو ... الوضع الحالى هو مرحلة جمع المعلومة و بالتأكيد فيها ما يفيد و ما لا يفيد و فيها الشخصي و فيها العام لامن نصل مرحلة التقييم بالتأكيد سيستبعد التقييم ما تراه انحطاط و ان اسرة فلان او علان لن تضار ببساطة شديده لانه لا توجد معلومة تضعهم موضع الشبهة
Post: #151 Title: Re: ***** قروب (المنبرشات) في الفيس و الثورة ***** Author: جلالدونا Date: 03-10-2019, 05:24 PM Parent: #150
و أضاف برناردو ... ان اصحاب هذه الحالة يتفوقون بدرجة على اضحاب ال BPD بخلوهم من اى قيم انسانية ... و لتقريب المعنى قال ... كخلو رأس ابن المدير من الشعر
Post: #152 Title: Re: ***** قروب (المنبرشات) في الفيس و الثورة ***** Author: Elawad Ahmed Date: 03-10-2019, 06:31 PM Parent: #1
منبر... شات About This GroupDescription مفتوح للجنسين: كل ما ينشر علي منبر شات الاصلي سوف تجده هنا لان منبرشات الاصلي مجموعة سرية ولا يمكنك اجادها بالبحث عنها Group Type: ClubMembers · 20,026عماد and قدوره are members.Admins: Sharefa, M. and 3 other members منقول من صفحة المنبر.
Post: #153 Title: Re: ***** قروب (المنبرشات) في الفيس و الثورة ***** Author: محمد البشرى الخضر Date: 03-10-2019, 07:48 PM Parent: #152
التغريدة أدناه كاتباها واحدة في حسابها وناسبة الخبر لمنبرشات, غض النظر عن صحة النسبة أم لا الفكرة هنا عايز اشير للسلوك في رقبته ولا يهم صدر عن من, وأرجو قراءة التعليقات و خاصة تعليقات زميلنا محمد ابراهيم علي
الغايات النبيلة لا تخدم بوسائل حقيرة, هذا أولا وثانيًا الثورة الي بذل فيها الشهداء دماءهم ولم يبخلوا بها في سبيل وطن أفضل لا تستحق أن يتدّثر بها الساقطون وييرزون سوءاتهم على الملأ بإسمها! من يريد التشمّر و التعسّس و التحسّس وراء عورات الناس ليرضي شهوة أو يعطي على عقدة أو نقص فليفعل بإسمه و شخصه ويتحمّل مسؤوليته لا يتحوّى وراء الثورة ويسيئ إليها و لشهدائها!
Post: #154 Title: Re: ***** قروب (المنبرشات) في الفيس و الثورة ***** Author: Hafiz Bashir Date: 03-11-2019, 04:09 AM Parent: #153
Quote: ابو حسين يا فقر انت انتصار ملايات دي قصتها شنو؟ قوقل ما اداني حاجة
وين الاتساق يا عمك؟
________________
ردودكم للصاوي بيقول إنكم الإتنين مخكم تخين
Post: #155 Title: Re: ***** قروب (المنبرشات) في الفيس و الثورة ***** Author: جلالدونا Date: 03-11-2019, 04:31 AM Parent: #154
شنو يا حافظ ياخ دى طلقة ماسكنها عشان تكتل بوامة الزول هسى فكيتا فى الهوا ساكت
Post: #156 Title: Re: ***** قروب (المنبرشات) في الفيس و الثورة ***** Author: Hafiz Bashir Date: 03-11-2019, 05:22 AM Parent: #155
يا ابو الجل الطلقة ما بتكتل عندو منها مخرج هو أنا لو ما عارف إنو عندو منها مخرج بفكها في الهوا ساكت كدا
Post: #157 Title: Re: ***** قروب (المنبرشات) في الفيس و الثورة ***** Author: ABUHUSSEIN Date: 03-11-2019, 07:19 AM Parent: #156
قروب منبرشات قبل الثورة ما بهمني كتير .... بعد الثورة الدور القام بيه في إذلال و إرهاب الأمنجية دور ما ساهل أثر كتير على أداء الأجهزة الأمنية و العنف و الإرهاب الكان يمارسونه تجاه الثوار السلبيات موجودة نعم بس ما أي سكرين شوت حايم هو حقيقي أو يمثل القروب فالأمنجية يعملون ليل نهار لتدمير القروب و ضرب مصداقيته ...
Post: #158 Title: Re: ***** قروب (المنبرشات) في الفيس و الثورة ***** Author: عمر دهب Date: 03-11-2019, 07:56 AM Parent: #157
سلام ياعادل قلنا نمر نحيك ونحيى منبرشات . اعجابنا بهم بلا حدود.
Post: #159 Title: Re: ***** قروب (المنبرشات) في الفيس و الثورة ***** Author: محمد البشرى الخضر Date: 03-11-2019, 08:15 AM Parent: #158
اي مخارجة واي اتساق جاي تسأل عليه يا مولانا! أفا.. عهدي بك اذكى من ذلك لا تفجعني فيك ياخ
Post: #160 Title: Re: ***** قروب (المنبرشات) في الفيس و الثورة ***** Author: ABUHUSSEIN Date: 03-11-2019, 12:33 PM Parent: #159
أخونا عمر دهب و عليكم السلام الله يديك العافية و يكرمك ياخ
Post: #161 Title: Re: ***** قروب (المنبرشات) في الفيس و الثورة ***** Author: Hafiz Bashir Date: 03-11-2019, 01:42 PM Parent: #160
لاحولاااااااا إنت صدقت يا ود البشرى قصة مخرج الانا قلتها لأبو الجل دي ياخي دي وهمات الهدف منها تطهير الساحة الغُلاطية (تقرأ الغلاتية) من ناس ابو الجل وامثاله لكن ما متوقعة تشيل فيك إنت وتصدقها هو صحي عندك مراقة على مستوى فهم الاتساق عند ناس ابو الجل لكن في مستوى أعلى شوية مراقتك دي ذاتا عندها سقاطة المهم طالما مستواك بقى زي مستوى ناس ابو الجل أنا بمسك سقاطتي علي
Post: #162 Title: Re: ***** قروب (المنبرشات) في الفيس و الثورة ***** Author: محمد البشرى الخضر Date: 03-11-2019, 01:57 PM Parent: #161
ما فهمتني يا مولانا بت أخشى بالجد من الفجيعة!! قلت لك اي مخارجة واي اتساق! كلامي دا واضح انو استنكاري بما فيه قصة المرّاقة أو المخارجة! ما أنا الببحث عن مرّاقة أو مخارجة لكلام اكتبه أو موقف اتخذته إن كان سليم فبها, وإن تبيّن لي خطؤه بتراجع عادي ما عندي المكابرة أو البحث عن المراقات وإلّا ما الذي يفرقني من الـ subhumans ديل
Post: #163 Title: Re: ***** قروب (المنبرشات) في الفيس و الثورة ***** Author: Haytham Ghaly Date: 03-12-2019, 05:12 AM Parent: #162
Quote: أنا بمسك سقاطتي علي
Post: #164 Title: Re: ***** قروب (المنبرشات) في الفيس و الثورة ***** Author: جلالدونا Date: 03-12-2019, 05:29 PM Parent: #163
مولانا حافظ ياخى لو سمحت لى اسألك باعتبارك SUPER THINKER و انسان AUTHENTIC فى الحتة دى . درجات الاتساق دى كم و هل هى دواير ولّ مربعات ولّ خطوط؟ و هل اتساق الزول بنبع م شعورو ولّمن حتّة تانيه؟ لأنو بصراحة و من منطلق وضعي الاتساقى ك SUBHUMAN شايف فى ناس متسوبرين ثنكيّاً و متساسقين و حالتن حالة _____ قالوا فى واحد متسوبر ثنكيّاً تقول ليهو أى حاجة يقول ليك ثانكيو هرانا هرى بيها ... هرانا من هرى و جمعها هريات او كما قال* .... * القصة التحت السطر دى لدواعى الاتساق و كده
Post: #165 Title: Re: ***** قروب (المنبرشات) في الفيس و الثورة ***** Author: Hafiz Bashir Date: 03-12-2019, 09:52 PM Parent: #164
Quote: هنا عايز اشير للسلوك في رقبته ولا يهم صدر عن من
Quote: انتصار ملايات دي قصتها شنو؟ قوقل ما اداني حاجة
ويا ود البشرى هنالك عدم اتساق واضح، ما دايرليهو بطارية، بين اشارتك السالبة للسلوك وبحثك عن مخرجات تفس السلوك أياً كانت فائدتك من هذه المخرجات.
Post: #166 Title: Re: ***** قروب (المنبرشات) في الفيس و الثورة ***** Author: محمد البشرى الخضر Date: 03-12-2019, 09:55 PM Parent: #165
دخلت على التغريدة وشفت فيها شنو يا مولانا؟ لو ما فعلت فافعل وسف وقارن
Post: #167 Title: Re: ***** قروب (المنبرشات) في الفيس و الثورة ***** Author: Hafiz Bashir Date: 03-12-2019, 10:32 PM Parent: #166
لا بأس في ذلك بعض الفقهاء أجازوا ذلك وقد برروا حكمهم بأن المعدوم لا حكم عليه، فالمعلومة إذا كانت غائبة فلا يمكن إصدار حكم بصحتها او عدمه ما لم تتوفر
موقفك منطقي وسليم عند بعض الفقهاء ومخارجتك مقبولة
Post: #168 Title: Re: ***** قروب (المنبرشات) في الفيس و الثورة ***** Author: محمد البشرى الخضر Date: 03-12-2019, 10:46 PM Parent: #167
يا مولانا الموضوع ليس عني او اتسّاقي من عدمه فهذا أمر اكبر من ان يناقش في نطاق سودانيز وما يحتويه من عاهات و كرور الموضوع عن منهج و سلوك لا نريد له ان يكون عنوانا لثورة نبيلة بل هي الأنبل في تاريخنا وليس قاصرا على المنبرشات بالمناسبة
Post: #169 Title: Re: ***** قروب (المنبرشات) في الفيس و الثورة ***** Author: Hafiz Bashir Date: 03-12-2019, 10:51 PM Parent: #167
Quote: درجات الاتساق دى كم و هل هى دواير ولّ مربعات ولّ خطوط؟
اولاً يا ابو الجل هنالك فرق بين أن أقول درجات فهم الإتساق و أن تقول درجات الاتساق فنفس درجة الاتساق لها مستويات مختلفة من الفهم وعددها لا نهائي ويمكنك تشبيهها بالحلزون المخروطي
وبمناسبة ما تحت السطر دي، أنا مثل الأنبياء، الذين لا ينبغي أن تكون لهم خائنة الأعين، فأنا لا أقرأ ما تحت السطور.
Post: #170 Title: Re: ***** قروب (المنبرشات) في الفيس و الثورة ***** Author: Hafiz Bashir Date: 03-12-2019, 11:07 PM Parent: #169
تمام يا ود البشرى وأعتذر عن التناول الشخصي والخروج من العمومية في الحوار. فقط هو تساؤل: هل لنا أن نحلم بثورة مبرأة من العيوب؟ أم أن مثل هذا الحلم يخالف الواقع للحد الذي يًخل بحكمنا على الأشياء؟
او بمعنى آخر هل لا يحق لنا أن نثور ما لم نكن مثاليين في سلوكنا الثوري؟
Post: #171 Title: Re: ***** قروب (المنبرشات) في الفيس و الثورة ***** Author: محمد البشرى الخضر Date: 03-13-2019, 10:32 AM Parent: #170
افا يا مولانا اعتذار شنو, ما في بين البني آدمين الطبيعيين حساب خخخخ بالنسبة للتساؤل, أقول الآتي: لا بالطبع نثور من حقنا بل من واجبنا أن نثور وكل يثور على طريقته و بخطوطه الحمراء و سقفه الأخلاقي البعرفه لكن ليس من حق صاحب السقف المنخفض أو الخطوط الحمراء الباهتة أن يطبع ثورة الجميع بهذا الطابع وليس من حق الاخرين التهليل له و اعتباره ايقونة للثورة أنا لا يعجبني اسلوب منعم سليمان الابتزازي مثلا وارى لا فريق بينه وبين من نثور عليه, لكن لن اجعل من محاربة اسلوبه ابلغ همي أو أضعه في مصاف العدو الوحيد و الحقيقي الذي نقف في وجهه جميعنا لكن في نفس الوقت سأستنكر متى حانت المناسبة اسلوبه وارفض ان يُعمّده البعض دليلا و حاديا للثورة
ثورة قدّمت مثل الشهيد عبد العظيم أبوبكر تستحق افضل من ان تكون وسائل دعمها البحث عن تفاصيل الزوجة الثانية لفلان أو خالة علان القصيروونة!!
ثورة قدّمت مثل النبيل معاوية الذي فدى المستجيرين بداره بدمه من العار ان يكون الابتزاز و الأكاذيب نهجا لها و سلوكا مقبولا بل ومرحبّا به
Post: #172 Title: Re: ***** قروب (المنبرشات) في الفيس و الثورة ***** Author: HAIDER ALZAIN Date: 03-13-2019, 10:53 AM Parent: #171
سلامات لأصحاب البوست الجدد ..
تعليقاً على آخر خمسة او ستة مداخلات وعلى منوال الدرجات فبشوف انه الثورة نفسها بتعمل من خلال درجات ومسارات مختلفة ممكن تكون حلزونية برضو .. كل فعل ثوري في درجة ومسار لوحده لا تتقاطع فيما بيهنا لكنها في الاخير بتعمل للوصول لهدف واحد في قمة المخروط اقصد الحلزون.. ما ممكن تلغى فعل او تصادره لانه فيهو عيب او مخدوش والا حتلقي نفسك بتنقض في غزل الثورة ككل وحاتعترض مساراتها .. الثورات بتنبع من المجتمع نفسه طالحه وصالحه وعندما تكتمل اركانها بتلفظ لوحدها الشوائب والزبد ويبقى المفيد.. في حديث ما مستحضرو لكن فيما معناه ان الله ينصر الدين بالرجل الفاجر او الكافر.. فلا الدين يتبني سلوك الفاجر ولا الثورة بتتبني سلوك او تُدان بسلوك من يسير في تيارها .. كل تُذكر حسنة مُناصرته ويُحاسب مُنفردا ..
دا تنظيرة بصورة عامة .. مع تحياتي للكنداك الشرس ابوحسين
Post: #173 Title: Re: ***** قروب (المنبرشات) في الفيس و الثورة ***** Author: محمد البشرى الخضر Date: 03-13-2019, 11:46 AM Parent: #172
Quote: كل تُذكر حسنة مُناصرته ويُحاسب مُنفردا ..
بالضبط كدا يا ود الزين نقد أو الاعتراض على سوء السلوك كنهج و على صاحبه كفرد لا يعني نقد أو الاعتراض على الثورة الثورة اكبر من ان يتبناها او يمثلها او يصير رمزا لها فرد نقده او نقد سلوكه يعتبر ضدها في دي تمام الإتفاق, لكن اخالفك في الجزئية أدناه
Quote: كل فعل ثوري في درجة ومسار لوحده لا تتقاطع فيما بيهنا لكنها في الاخير بتعمل للوصول لهدف واحد في قمة المخروط اقصد الحلزون.. ما ممكن تلغى فعل او تصادره لانه فيهو عيب او مخدوش والا حتلقي نفسك بتنقض في غزل الثورة ككل وحاتعترض مساراتها ..
هنا لا يمكن القبول به على إطلاقه, اديك مثال اعظم شعار توافق عليه الجميع بلا استثناء هو سلمية الثورة يلّا لو قام البعض مع ايمانهم بأهداف الثورة بالخروج عليه واشتغلوا ملتوف واغتيالات و حرق و تكسير لا احد يستطيع ان ينازعهم ايمانهم بأهداف الثورة النهائية وحتمية التغيير لكن في نفس الوقت وسائلهم ضد رسالة الثورة وواقيعا تعمل ضدها وتسبب لها الضرر! يلّا قس على ذلك تاليف ونشر الأخبار الكاذبة و استخدام الوسائل الساقطة وكل ما من شانه منح العدو - المؤتمر الوطني و أمنه و دجاجه و طاهر تومه - مسّاكات للتشكيك و النقد و التخذيل عن الثورة.
Post: #174 Title: Re: ***** قروب (المنبرشات) في الفيس و الثورة ***** Author: ABUHUSSEIN Date: 03-13-2019, 07:52 PM Parent: #173
الثورة جاءت كرد فعل لهبالات و قذارات الحكومة و مؤسساتها و رد الفعل بختلف من شخص لآخر ممارسات الحكومة و مؤسساتها قذرة جدا و افضل مثال مقطع الفيديو الحايم من كم يوم و كلاب الأمن يدخلون احد البيوت بدون إستئذان و صاحبة البيت تطاردهم و كان ردهم (الطوارئ) .... !!!!!!
Post: #175 Title: Re: ***** قروب (المنبرشات) في الفيس و الثورة ***** Author: ABUHUSSEIN Date: 03-14-2019, 06:27 AM Parent: #174
Quote: مجلة جزائرية تكتب عن قروب (منبرشات) ونشطاء يطلق عليه اسم “استخبارات”
“منبرشات” مجموعة مغلقة على “فيسبوك”، تجمع أطياف من العنصر النسائي بنكهة نسوية خالصة حيث الشرط الأساسي والمشترك بينها هو(للنساء فقط) مع الحفاظ على سرية ممنوع دخول الرجال ونقل التعليقات إلى خارجها. كل شيء هناك كل امرأة تجد ضالتها في تلك القروب انه سوق لترويج كافة البضائع.
ووفقاً للمتابعات يعمل القروب أيضاً، على عرض المشاكل والبحث عن الحلول، وفضح التحرش ضد النساء بالأسكرين شوت(نسخ الرسالة أو البوست)، أو نشر صور الشاب، وتبادل المعلومات بينهن وبذلك يقين بعضهن جور الزمان وجور الوضع الاقتصادي وما انتجه من ارذل الصفات في المجتمع من ابتزاز وغش وظلم.
ومع اندلاع التظاهرات تحول قروب “منبرشات” إلى حراك ثوري وأطلق عليه البعض “الرجال” قروب (الاسستخبارات) وذلك للدور الذي لعبه القروب في كشف هوية جواسيس وامنجية النظام المندسين داخل التظاهرات وأربكت بعض النظاميين وشرعوا بفتح بلاغات في بعض صفحات فيسبوك التي تظهر معلوماتهم.
وبحسب متابعات محررة كوش نيوز اخذ قروب “منبرشات” شهرة واسعه خارج السودان وكتبت عنه المجلة الثقافية الجزائرية مقالاً بعنوان ( منبرشات والوعي النوعي) الذي وجد تفاعلاً واعجاباً واسعاً بالسوشيال ميديا.
كوش نيوز تنشر جزءً من مقال الكاتب عبد المنعم همت الذي كتبه بالمجلة الثقافية الجزائرية: (منبرشات مجموعة في الفيسبوك , تجمع أطياف من العنصر النسائي , تجمعهن اهتمامات الأنثي الموءودة برماد التناقضات العصرية التي جعلت النساء جسداً من غير روح أو روحاً دون جسد , وهي حالة انفصام الذات , وشقاء النوع . جاء في لسان العرب : الأَبرَش:” الأَرْقَط والأَنْمَر الذي تكون فيه بقعة بيضاء وأُخرى أَيّ لون كان ” أما في لسان أهل تلك المجموعة التي أطلقت على نفسها منبرشات فتعني فعل الحصول على صورة لشاب( أرقط و أنمر ) تكسوه وسامة , فيجتمعن حول الصورة تحليلاً وتشريحاً وتزداد الحالة لتصير تعلقاً وربما بكاءً على عتبات الفارس الذي يعتلي سيارة فارهة ويتعطر بالتفاخر بالأنساب والنرجسية . هكذا بدأت مجموعة منبرشات , كحالة إنسانية جديرة بالدراسة , قوامها من يمتلكن مقومات التغيير وصناعة الكمالات ولكن كثافة الرمال غطت على النصف الجميل من وعيهن ليبقى سؤال ابن السكيت: يقال: ما أدري أي البرْشاء هو؟ أيْ الناس هو؟ وظل هذا التيه حاضراً في زمان تضاء فيه الأنوار نهاراً وتطفى ليلاً . منبرشات مارسن لعبة الضياع بامتياز , فقط يتغزلن في الوسيم شكلاً وبذلك يختل معيار اختيار الإنسان والتعامل معه , لتسود ثقافة المظهر وتذوب قيمة الجوهر في بحر الغياب المالح . وهنا, في بلاد عرفت أن تزاوج بين الماء والصحراء فتضع جينات الحرية والسلام والعدالة على رحم الصمود , في هذه البلاد كل شيء يٌصنع على أعين الضياء , والنور مكون ثقافي عرفته كل ذرات السودان ولم تفلح كل ملوك الظلام أن تطفيه فأثرت أن تلعنه وتقدس الظلام باسم الروح الماكرة . منبرشات, أشعلن أصابعهن لتضيء من أجل رؤية الابن الأكبر حريه والتؤام سلام وعدالة . تحولن بفضل الوعي النوعي لتكون مجموعتهن رافداً يرصد كل عبدة الظلام , فهن يعرفن بعيونهن الفاحصة عابد الظلام , يأتين بعدد خلايا جسمه , والإيفاع الكاذب لساعته البيولوجية ويميزن الأرقط بذكاء . والانبراش تحول من اللزوجة إلى الصلابة الفاعلة للتغيير . كيف تحولت أدوات رصد الشاب الوسيم إلى ترصد كل معتد أثيم . إنه فرز داخلي بحدث للإنسان , فيستدعى مخزونه الفطري الوثاب إلى الخلق العظيم . الآن , وبكل فخر , تمثل مجموعة منبرشات منصة وعي نوعي , تعرف مواعيد الحصاد , فهن يحصدن ثمار ازاحة الأذى عن الطريق الظلام ملعون في قداس يوم نزع جلود الموتى , وملعون في صلوات الفجر الأخضر .. فانبرشوا فان الحرية تدوم).
وفي ذات السياق أقترح بعض النشطاء على تجمع المهنيين السودانيين عمل تعاون واتفاقية مشتركة لقروب”منبرشات” أو الاستخبارات كما اسموه لدعم الثورة.
الخرطوم (كوش نيوز)
https://www.alnilin.com/13021906.htmرابط الموضوع
Post: #176 Title: Re: ***** قروب (المنبرشات) في الفيس و الثورة ***** Author: عبدالحفيظ ابوسن Date: 03-14-2019, 06:47 AM Parent: #175
بلاشك القروب ساهم في انحسار موجات العنف السلطوي ضد الافراد والاسر في داخل القروب يبدو صراع خير . بعض المناديات بعدم الخوض في الشئؤن الاسرية . لكن يبدو لي ان من اقرأ عنهم لا يهمهم نظرتي فيهم كشخص خارج محيطهم ولكن يهمهم نظرة من يعيشون وسطهم بازدواج شخصية
Post: #177 Title: Re: ***** قروب (المنبرشات) في الفيس و الثورة ***** Author: ABUHUSSEIN Date: 03-14-2019, 07:35 AM Parent: #176
فعلاً يا حفيظ الصراع موجود دائماً بين الخير و الشر فكثيرات ينادين بعدم التعرض لخصوصيات الغير و الإكتفاء بالمعلومات التي تفضح الأمنجية و الكيزان عموماً و أيضاً هناك الكثير من التلفيق للقروب لضرب مصادقيته و الإساءة له و #تسقط_بس
Post: #178 Title: Re: ***** قروب (المنبرشات) في الفيس و الثورة ***** Author: HAIDER ALZAIN Date: 03-14-2019, 09:32 AM Parent: #177
طاف هسع ببالي سؤال ما عارف علاقته
الفنان داك الادريسي والا منو بتاع سارا رحمة كان في القروبات دي والا شئ مختلف !
ثم ...
اتفق معاك عامة ياودالبشرى كلامك في النقطة التانية صحيح .. وإن اختلفت السياقات والمسارات بين انه السلمية او العنف بتمثل خط سياسي بيستوجب اتفاق الاطراف كلها وبين الخط الاعلامي البيشمل ادوات متعددة ومنابر مختلفة..
غايتو مبروك عليك .. في تقدّم ملحوظ .. وجاتك ترقية من رمادي لي كنداك
وعشان ما تفهم حيدر غلط .. شوف الفيديو التحت دا كلو كنداكين
Post: #181 Title: Re: ***** قروب (المنبرشات) في الفيس و الثورة ***** Author: HAIDER ALZAIN Date: 03-14-2019, 09:52 AM Parent: #180
يحي الرميم ويكسو العظام لحما .. :)
شوف ابوالحسين ماكانش رمادي ولا يوصف بالرمادي. الرمادي بي سيدو :) ، ابوحسين كوز وقيل امنجي عديل ..
مشتاقين ياحبيب.. وشكرا للفيديو المعبر ..
ماعرفت فيهو زول لكن :)
Post: #182 Title: Re: ***** قروب (المنبرشات) في الفيس و الثورة ***** Author: ABUHUSSEIN Date: 03-14-2019, 03:13 PM Parent: #181
الطريفي كالعادة عايز يفهم الناس انو هو صاحبي و بهظر معاي و كدا ... ما للدرجة يا الطريفي .... الناس مقامات ... 😂
Post: #183 Title: Re: ***** قروب (المنبرشات) في الفيس و الثورة ***** Author: محمد البشرى الخضر Date: 03-15-2019, 09:02 PM Parent: #182
يا ابو حسين يا فقر! بمناسبة ان شمارات منبرشات اوقفت الانتهاكات او قللتها وكدا
كدي شوف تراجي هنا قالت سفالتها القالتها عن علي عثمان هي السبب في لجم كتائب الظل عن قتل الناس! زي ما السفالة و ال48 ساعة اوقفت بيع المينا وبرضوا شايف النصري قال ترامب هو الاوقف القتل كدي ابقوا علينا واحدة يا جماعة, منو الأوقف القتل و الانتهاكات, شمار المنبرشات, سفالة تراجي أم مسيرة واشنطن!
Post: #184 Title: Re: ***** قروب (المنبرشات) في الفيس و الثورة ***** Author: ABUHUSSEIN Date: 03-16-2019, 07:11 AM Parent: #183
Quote: منو الأوقف القتل و الانتهاكات, شمار المنبرشات, سفالة تراجي أم مسيرة واشنطن!
الكل شارك بما لديه و النتيجة كانت حفظ ارواح ابرياء .... و الشي المؤسف هو ان المواطنين اصبح همهم المحافظة على ارواح إخوانهم من سلاح حكومة يصرف عليها المواطنين لحمايتهم .. !!!!!! شايف ناس بري ملصو ليهم عسكري تاني ... 😂 طلعوا ليهم بي غنيمة (بنطلون) للمرة التانية ... يعني العسكري يدخل بري بي بنطلون و يطلع بدون .... 😂😂😂
Post: #185 Title: Re: ***** قروب (المنبرشات) في الفيس و الثورة ***** Author: محمد البشرى الخضر Date: 03-16-2019, 08:00 AM Parent: #184
Quote: الكل شارك بما لديه
لا حريف مافي كلام :)
Post: #186 Title: Re: ***** قروب (المنبرشات) في الفيس و الثورة ***** Author: خضر الطيب Date: 03-16-2019, 08:48 AM Parent: #185
هذا البوست خصم على كاتبه في تحسسه و تجسسه و دخوله على قروب نسائي مغلق .. , قمة السقوط
Post: #187 Title: Re: ***** قروب (المنبرشات) في الفيس و الثورة ***** Author: Abdelrahim Mohmed Salih Date: 03-16-2019, 12:42 PM Parent: #186
سلامات يا خضر منبر شات فرع الثوره قروب مفتوح ويمكن للرجال والنساء الاشتراك فيه وحتى لو ما مشترك معاهم تصل منشوراتهم عن الامنجيه بمختلف الطرق ربما تكون هناك قروبات منبرشات نسائيه فقط واكيد ما بعدموا الحيله للحفاظ على انثويته:)
Post: #188 Title: Re: ***** قروب (المنبرشات) في الفيس و الثورة ***** Author: ABUHUSSEIN Date: 03-16-2019, 03:02 PM Parent: #187
Quote: لا حريف مافي كلام :)
شكرا يا معجب ..... 😂😂😂😂
Post: #189 Title: Re: ***** قروب (المنبرشات) في الفيس و الثورة ***** Author: ABUHUSSEIN Date: 03-16-2019, 03:09 PM Parent: #188
Quote: هذا البوست خصم على كاتبه في تحسسه و تجسسه و دخوله على قروب نسائي مغلق .. , قمة السقوط
المنحط بالله انت بتعرف السقوط ... ؟؟؟؟ قوم لف بلا فقر معاك يا المنحط ...
. وشكرا للفيديو المعبر ..