Post: #1
Title: مسابقة لماذا يرفض بقال توقيع معاهدة سلام في دارفور؟
Author: اساسي
Date: 05-06-2006, 04:07 AM
الخيارات:
1- ظهوره علي بعض المنابر السودانية ارتبط بقضية دارفور ووجد تلميعا شخصيا ما كان سيدركه طيلة حياته ويظل نكرة لولا حرب دارفور لذا يبكي علي المجد الذي سيضيع
2- حرمانه من موائد مؤتمرات الكيزان التي يعقدونها لمناقشة قضية دارفور
3- حرمانه من (الرقع) التي يرسلها له بعض مناضلين الكيبورد الذين يرون بان له قضية
4- حرمانه من دعم وحماية السفارة الامريكية  ( والله يا بقال دي ابت تقسم كلو كلو)
5- عدم موافقة الجناح الذي ينتمي اليه من الكيزان ( المؤتمر الشعبي) علي اتفاقية السلام
الغريبة انه بقال بتهم اكوي مناوي بانه (باع ) وخان القضية رغم انه مناوي الشال السلاح وقدم نفسه مقاتلا من اجل القضية وطيلة الوقت كان في حروب
وجبال ومناطق وعرة وحياة قاسية ... بينما بقال( المؤتمرجي الشعبي) الذي يبرم الخرطوم بفركة كعب من مؤتمر كيزان الي اخر متربعا علي مؤائدهم متصدرها
متالقا في حفلات البورداب وحفلات الروابط الجامعية التي يدعمها الكيزان وبعد هذا مناوي خاين وبقال عنده قضية سيقاتل من اجلها؟
هل اصبح الفول المدمس والبلح والتانج قضية كبري؟ ام ماذا؟
|
Post: #2
Title: Re: مسابقة لماذا يرفض بقال توقيع معاهدة سلام في دارفور؟
Author: عبدالله
Date: 05-06-2006, 04:12 AM
Parent: #1
ممكن تحزف اجابتين
|
Post: #3
Title: Re: مسابقة لماذا يرفض بقال توقيع معاهدة سلام في دارفور؟
Author: اساسي
Date: 05-06-2006, 04:17 AM
Parent: #2
اصلا يا عبد الله ضمنيا قبل ما انزل الخيارات حزفت خيارين :
الاول : انه خاله حسن برقو (الموتمرجي) قال ليهو واصل نضال
الثاني : ما عايز يخزل تراجي
|
Post: #4
Title: Re: مسابقة لماذا يرفض بقال توقيع معاهدة سلام في دارفور؟
Author: صلاح الدين عبدالله محمد
Date: 05-06-2006, 04:18 AM
Parent: #2
مسابقة لماذا يرفض (الكيبورتجيه) توقيع معاهدة سلام في دارفور؟
ممكن تعدل المسابقه كده
انا خايف اقول
يردوا( زفت الطين) قال
ويقولوا سامع ياشنو كده ماعارف
عشان كده رد يا اساسى انت
|
Post: #5
Title: Re: مسابقة لماذا يرفض بقال توقيع معاهدة سلام في دارفور؟
Author: اساسي
Date: 05-06-2006, 04:21 AM
Parent: #4
تعرف يا صلاح انا عملت فيها بتاع بلاغة نظام انه الواحد اطلق الجزء وهو يريد الكل
ما هم كلهم عينة بقولي العسولي
بقال دا في مرحلة اليرقة من الكيبوردجية وفي رواية البيضة
|
Post: #6
Title: Re: مسابقة لماذا يرفض بقال توقيع معاهدة سلام في دارفور؟
Author: اساسي
Date: 05-06-2006, 04:25 AM
Parent: #5
لزوم ما يلزم :
في ظل تخاريف الحقائق والوطاويط السواد
انبطح النضال على عناقريب الغسيل
وكتبت عنك سكة الوهم الرحيل
يا لوري هوستن جر فينا نور طويل
وين ناس ابراهيم بقال الخليل؟
الليل لبس لون السواد لي جزمتو
البلد عدمت الرجال
وجدي جكس جواهر وامثال
جيتنا يا بقالي زي ديك عدة مطارد بالعكاكيز والهواجس
وجوني بيتين من شعر
واحد اجار والتاني فسحة فيها نيمة
نيمة من زمن الاذاعة على الهوى
وياهوى سرحت ليك شعري اتكوى
وكواني ليك شوق البنفسج للزبرجد
واعتبرتك مستحيل
اختفيت من الفتيحاب عديل
ورحلت ام بده السبيل
وسمعت مني شعر جميل
يا علة الزول العليل
ضربوا دارفور يا وهم
وانحنا مشغولين بي شباشب سنا الشول البيض
جونا عابرين الحدود
يا خروف جلد القدود
اتمكيج الضب بالدلال
حتى الضبابين في في نضالك اتحنكشت
كل البنات اتشلخت
|
Post: #7
Title: Re: مسابقة لماذا يرفض بقال توقيع معاهدة سلام في دارفور؟
Author: banadieha
Date: 05-06-2006, 04:36 AM
Parent: #6
Quote: نعتقد بان القائد منى اركو مناوى رئيس حركة تحرير السودان هو صمام امان الثورةوحاميها لا يمكن على يوقع على البياض هناك حقوق واستحقاقات لاهل دارفور اتية لامحال بضمانات دولية قوية فلم الاستعجال ، ان القائد منى اركو مناوى حارب وحيدا معرفاقه الميامين فهم قلبا واحد ويد واحدة ، والبيان الذى ظهر على سودانيز اون لاينمدسوس والقائد العام جمعة محمد حقار الان بابوجا جنبا الى جنب مع القائد منى اركومناوى هم اكثر الناس معرفة بالتضحيات الجسام التى قدموها خلال فترة الثلاثة سنواتالماضية فقد فقدوا رفقاء الدرب ، وربنا يتقبل شهادتهم ، ان الحرب لا يعرفه الذينيطلقون التهديدات الجوفاء عبر القنوات الفضائية وعبر الشبكة العنكبوتية ، للحربرجالها،هم الذين يعرفون كيف يتخذون قراراتهم لانهم يتخذون قرارات واقعة وليستقرارات حالمة ووردية، نحن كل يوم نحتسب اعز ما لدينا فى هذه الدنيا ، يجب ان يعرفالجميع ذلك ،
مفجر الثورة وصمام امان الثورة القائد منى ارمو مناوى رئي...مع رفاقه هل يوقع ؟؟؟
|
|
Post: #8
Title: Re: مسابقة لماذا يرفض بقال توقيع معاهدة سلام في دارفور؟
Author: عصام دهب
Date: 05-06-2006, 04:55 AM
Parent: #7
يا شوق مواكب ..
الزيف للهتاف ..
المقرّش ..
لما يزبد من زور
زول
محرش ..
ما بكاتل
ما بكاتل
بس يرندق ..
في ..
البنات الشالن هم شبالو
و فنجَطن ..
|
Post: #11
Title: Re: مسابقة لماذا يرفض بقال توقيع معاهدة سلام في دارفور؟
Author: اساسي
Date: 05-06-2006, 11:52 AM
Parent: #8
شوف دي يا عصام دهب :
واكتشفتك يا ضهب النضال
يا بوق المصايب للمحن
كل الكلام رقص في سلك الكهربا العريان
يا دقسة النضال الكبير
في زقاقات حلتنا والخور الكبير
كل المنابرجرت منو في فزع
يا حلة ملاح القرع
بقيت زي قرد ساكيه شافع بنبلتو
ينطط من فرع لي فرع
خايف حجر الفلس الشرفان يغدرو
انخفض صوت الغنا
وبقال ختم حفلتو
وما لحقك يا زمن النضال و الضهب
وما لحق حتى العشا
وين القبيل خطفوا الوليد
كل الكوابيس شاركت
وفي الحفلة جات باركت
الا بقال ماسك في وهم
لابس جرايد مهلهلة من زمن اخبارها انتهت
|
Post: #10
Title: Re: مسابقة لماذا يرفض بقال توقيع معاهدة سلام في دارفور؟
Author: اساسي
Date: 05-06-2006, 11:42 AM
Parent: #7
شكرا للرابط يا بندة
المشكلة زي بقال دا اتعلم الشغلانة دي كلها قدامنا هنا في البورد دا
واريتو اتعلم شئ؟
|
Post: #9
Title: Re: مسابقة لماذا يرفض بقال توقيع معاهدة سلام في دارفور؟
Author: Osama Ahmed
Date: 05-06-2006, 06:05 AM
Parent: #1
نسيت خيار أساسي
6- حتى أستلم اللجؤ السياسي.
|
Post: #12
Title: Re: مسابقة لماذا يرفض بقال توقيع معاهدة سلام في دارفور؟
Author: ajaj
Date: 05-06-2006, 11:59 AM
Parent: #9
عشان لزوم الطالبة امريكية والنضال والمحاضرات
ما سمعت انو امتحن التوفل
بت عجاج
|
Post: #14
Title: Re: مسابقة لماذا يرفض بقال توقيع معاهدة سلام في دارفور؟
Author: اساسي
Date: 05-06-2006, 12:02 PM
Parent: #12
تعرفي يا بت عجاج
ولا انا سمعت
|
Post: #13
Title: Re: مسابقة لماذا يرفض بقال توقيع معاهدة سلام في دارفور؟
Author: اساسي
Date: 05-06-2006, 11:59 AM
Parent: #9
والله يا اسامة ما ظنيت دا خيار عند بقال قول لي كيف؟
بقال دا اللاقيها في السودان والله اجعص بروفسور في الشتات ما لاقيها
مؤتمرات جرايد منابر بقال حاضر اساسي (كيس نايلو بس)
الاهل موزعين بين الموتمر الوطني والشعبي والحركات
يعني كسبان بي كل اتجاه
بعدين بقال دا عادي بنط من كلامو
ما تستغرب لو رسل لي بكري الان حزف بوسته داك ونزل بي قناعات جديدة
زول مواكب السوق وعايش اونطة
تقول لي لجو؟
لجو دا يا سيدي للمناضلين اهل الصفة
|
|