Post: #1
Title: هشام حقانى ابن هبانى
Author: wesamm
Date: 05-05-2006, 05:43 PM
Parent: #0
هشام هبانى اسلوب ومدرسة متميزة فى الكتابة وفى النضال اليومى فى مواجهة اعداء الانسان ينطلق قلمه الشجاع ويصيب اعين الجبناء مهما تواروا فى جحورهم كسهم الدرويش الأنصارى عندما انطلق واصاب" تمرة" قلب غردون.
هذا البطل المشاكس أرهق كاهلهم وأقلق مضاجعهم بقلمه السنين وحرارة قلب مفقودة فى السودانيين منذ زمن( وبالله هسى انتو ليكم سنين شفتو ليكم زول حقانى زى هبانى دا)
فهذا الرجل وطنى وغيور ومن معدن أصيل ينوم ويصحوا على هم الوطن مشغول الفؤاد والبال بالوطن الهم والوطن المشكلة ناسيا ومتناسيا همه الذاتى وطموحاته الشخصية والتى تتضاءل أمام قضية الوطن الهم.
وأصل سعيك واصل وابدع وانطلق وأطلق سهامك النارية وفى كل اتجاه وبنفس الدقة “Precision” فقضية الوطن ياهشام لاتسمح بالمجاملات والكلام الظريف ومؤدب ومنمق وفاضى. فهؤلاء (الخريات) أى الكيزان وبالمناسبة هذه أول مرة أسنعمل هذا اللفظ فى منبر عام ولكنى لاأجد حرجا اطلاقا فى وصف هؤلاء بهذا اللفظ.
قد أباحوا واستباحوا كل الحرمات ومنذ زمن بعيد ولا ارى هنالك اى سبب يجعلنا ان نتعامل معهم ونغدق عليهم بنعمة التعامل بالأخلاق السودانية الكريمة.
لا والف لا والف لا سوف نعاملهم باسلوبهم القذر بل باسواء منه وسترد لهم الصاع مليون صاع ونذيقهم العذابات المريرة فساعة الحساب آتية لاريب فيها والغضب الساطع آت سيمر على الأبواب والتحية لود هبانى ظاتوووو.
محمد محمود أبو العز.
|
Post: #2
Title: Re: هشام حقانى ابن هبانى
Author: بكرى ابوبكر
Date: 05-05-2006, 05:46 PM
Parent: #1
الاخ و الصديق ابو العز خريج بيوت الاشباح مرحب بيك و بقلمك
|
Post: #3
Title: Re: هشام حقانى ابن هبانى
Author: saif massad ali
Date: 05-05-2006, 05:48 PM
Parent: #1
الناظر هباني ظاتو
لي فوق عشان هبان بن الحبان بكسر الحاء
وتسلم يازول
|
Post: #4
Title: Re: هشام حقانى ابن هبانى
Author: خالد عبد الله محمود
Date: 05-06-2006, 00:54 AM
Parent: #3
أدخل الي الموقع كل صباح و أنا أتمني أن أجد بوست لهشام
فالقراءة له متعه حقيقية
الله يديهوا العافية
خالد
|
Post: #5
Title: Re: هشام حقانى ابن هبانى
Author: فيصل محمد خليل
Date: 05-06-2006, 02:13 AM
Parent: #4
ماهو الفافنوس ماهو الغليد البوص
فيصل محمد خليل
|
Post: #6
Title: Re: هشام حقانى ابن هبانى
Author: هشام هباني
Date: 05-07-2006, 09:28 AM
ابو العز
اهلا بيك يا جميل والمنبر نور بوجودكم وحبابك الف والف
... وبعدين يا زول من قولة تيت ما في داعي تكبر لاخوك ( دوماتو) علي كبرن
اخوك مجرد طكاسي بائس غلبان وحاير بيهو الدليل وصدق انو كاتب من كترة النفيخ وكبير الدومات..من اخوانا الطيبين الزيك؟؟
عموما مرحب بيك يا الفنجري وانت زولا تب عارفين قدراتك النجيضة في الردم والكرفيس .......وناس الضلام جاهم بلا الانكربوا واتحزمو واتلزمو من هسع....عشت
خالد وسيف وفيصل
ليكم التحايا ايها الرائعون اكثر مني
لنبقي جميعا يدا واحدة لاجل الوطن وقهر الضلام...........عشتم
هباني
|
Post: #7
Title: Re: هشام حقانى ابن هبانى
Author: Yassir Tayfour
Date: 05-07-2006, 10:22 AM
Parent: #6
فوق
عشانك وعشان الاسد ود هبانى
hats offffffff
|
Post: #8
Title: Re: هشام حقانى ابن هبانى
Author: AMNA MUKHTAR
Date: 05-07-2006, 10:34 AM
Parent: #1
Quote: هذا البطل المشاكس أرهق كاهلهم وأقلق مضاجعهم بقلمه السنين وحرارة قلب مفقودة فى السودانيين منذ زمن
( وبالله هسى انتو ليكم سنين شفتو ليكم زول حقانى زى هبانى دا) |
لا ما شفنا..يعمينا
ماهو الفافنوس ماهو الغليد البوص
على قول أخونا فيصل.
معلومة أخرى أود ايرادها هنا
أعرف الكثيرون فى السودان
يتابعون ما يكتب هبانى بشغف
خصوصا قصائده النارية ..
|
Post: #9
Title: Re: هشام حقانى ابن هبانى
Author: Tragie Mustafa
Date: 05-07-2006, 09:31 PM
Parent: #8
هباني
تاج رأسنا
Quote: أعرف الكثيرون فى السودان
يتابعون ما يكتب هبانى بشغف
|
التحيه لك ولهم هؤلاء الذين يتابعون هباني.
تراجي.
|
Post: #10
Title: Re: هشام حقانى ابن هبانى
Author: ABDELMAGID ABDELMAGID
Date: 05-07-2006, 09:43 PM
Parent: #9
| Quote: هشام حقانى ابن هبانى |
كسره :
هذا فقط قليل من كثير ....
شكرا أخ وسام
تحيتى و احترامى
عبدالماجد
|
Post: #11
Title: Re: هشام حقانى ابن هبانى
Author: saif massad ali
Date: 05-08-2006, 02:51 AM
Parent: #10
فوق من اجل الناظر
|
Post: #12
Title: Re: هشام حقانى ابن هبانى
Author: wesamm
Date: 05-09-2006, 11:14 AM
Parent: #11
UP
|
|