الى متى تحل مشاكل السودان بالقطاعي ورزق اليوم باليوم؟؟

حبيبي امسك لي وانا بقطع ليك.....حبيبي وقع لي انابوقع ليك......حبيبي اهرشني انابسمع ليك ....حبيبي جاملني وانا مخلص ليك.......حبيبي عاهدني وانا منبر ليك
حبيبي لا تحاسبني ولاتسالني اناحامد ليك......حبيبي واليني انا بدفع ليك....حبيبي
صالحني اناشاكر ليك؟؟؟؟؟؟؟؟؟؟
ـــــــــــــــــــــــــــــــــــــــــــــــــــــــ

اعلاه هي استراتيجية حكام اخر الزمان في سودان الضياع والضباع وتقبلها الاخرون قدرا مقدرا وليس في الابداع افضل مما كان وهي باختصار استراتيجية لا تخرج عن دائرة وعي صغارالسبابة والتشاشة في ابسط اسواق السودان.....لك الله يا شعب السودان التعيس..



هباني ظاااطو

شئ محبط أخى هبانى..

فهذا النظام ممسك بتلابيب السلطة

ويتعامل مع الوطن كالكعكة ومع المواطنين

كالدجاج الجائع..ما أن يرتفع صوته ويكاكى

حتى يرمى له بقطعة لاسكاته .


متى يدرك من فى السلطة ان الوقت قد حان

للتغيير للحفاظ على وحدة الوطن وحقن الدماء

.. وان الأمر يتعدى المكاسب الآنية.

ولكن لا حياة لمن تنادى ..

الجسورة امنة

لك التحايا والود

المصيبة فينا عندما نرفض ونقاوم..(نفس) النضال لدينا قصير ولا نحتمل الصبر علي النزال لفترات طويلة بل يكون همنا في الحصول على نتائج انية وليست مطالب استراتيجية بقدر حجم اليافطة التي نرفعها فقط للاستهلاك والدعاية...اجسام بغال واحلام عصافير ....والانكى ان نتقبل الامر واقعا مقدرا عندما نعترف بالاخر غير الشرعي ونفاوضه ونحاوره ونحن نعطيه شرعية التصرف في مقدرات البلاد ليوزعها ويتصدق بها كانه مالكها وسيدها ونحن نستجديه فتات الحلول وننسى اننا اصحاب الحق واصحاب الشرعية لاننا نراهن علي رضا الشعب المقهور ولا نراهن علي ذواتنا المشروخة...ولله في خلقه اقزام...

هباني