Post: #1
Title: " وإلى الدوحه أخاهم بلولاً..." الى فائزوبدر الدين الامير ريثما تصفو الدواخل بالقيام!!
Author: محمد امين مبروك
Date: 05-04-2006, 02:51 AM
وهذا الذي بينكم
الان
مستلقيا " متأكد"
كان في طريقه الى المطار يتوعد البطحاني بمقالات تسير بها الركبان بعد ان يصل الدوحة سالماً
مستلقيا الان بينكم ناسيا (توعداته)
" ريثما"
ينشط عليها......
ومن ثم
هذا الذي بينكم هو ضمن طلائع الموجه (الكم؟؟؟) للهجرات السودانيه
لما وراء بحر القلزم
* ساعود
|
Post: #2
Title: Re: " وإلى الدوحه أخاهم بلولاً..." الى فائزوبدر الدين الامير ريثما تصفو الدواخل بالق
Author: معتصم الطاهر
Date: 05-04-2006, 08:42 AM
Parent: #1
بدر الدين يوم الحميس بفتح النت متأخر
وكذا فايز
دخلنا معاك
نقوم بالواجب ..
ونتوعده منزلة ( يوقوم ) يوفى بكتابته ..
|
Post: #3
Title: Re: " وإلى الدوحه أخاهم بلولاً..." الى فائزوبدر الدين الامير ريثما تصفو الدواخل بالق
Author: محمد امين مبروك
Date: 05-04-2006, 10:42 AM
Parent: #2
الاستاذ معتصم الطاهر.....
سلام.... اشكرك
الود دا ممكون صبروا!!!
انا عار ف قلبو طيب بس (....) ضللوا!!!
|
Post: #4
Title: Re: " وإلى الدوحه أخاهم بلولاً..." الى فائزوبدر الدين الامير ريثما تصفو الدواخل بالق
Author: محمد عبدالرحمن
Date: 05-04-2006, 05:44 PM
Parent: #3
يامحمد امين
تحياتى ...
كان لى لقاء معهم مساء اليوم بكورنيش
الدوحة ...واقصد حمزه وفائز وآخرين..
(ياهو حمزه ذاتو ) ..بس (مخلوع ) شوية
ماعارف (الخالعو ) شنو ...لكن بينى وبينك
يادوب حيعرف حاجة ..واديهو كم شهر كدا واتصل
عليهو ..سوف تلاحظ مااقول ..هنا ياسيدى تضيع
كل (القضايا ) فى (تلافيف ) الغربة التى لاتراعى
(حبيب ) او (شقيق ) ..
لكن يامحمد فائز ودخالتى ماخذلنى (خذلان العدو )
اتخيل والناس ماشه وجاية والكورنيش (ضاج ) بالحركة
اذا بفائز يستلقى على ظهره ..قلت ليهو ياودخالتى
(السترة والفضيحة متباريات ) ونحن فائلنا عند العرب
ديل وسخان ...وبقولوا علينا كسالى ..(دحين ) ياخوى
اقعد زى (خيانك) ديل ..وماتجيب (لينا الهوا) ..
وغفلت عنه بالحديث مع حمزه اذا به يدخل فى نومة عميقة..
اى والله نام ..الله يسالنى نام ..نوم عديل كدا ...
واصبح على ان اتدارك ا لموقف ..وحاولت ان اجعل من
جلابيتى (الانصارية ) ساترا له حتى لايراه احد ..
وبينى وبينك غير انو النوم فى المكان دا مامناسب
فائز دا كمان نومو بعرف براهو ..تحتاج لجهد
جهيد حتى تتكمن من معرفة اجزاء جسمه وهو نائم ..
الزول يامحمد (ملخبت ) خلقة ..ومرت الساعة واكثر
وفائز يغط فى نومه ..وجلابيتى تفشل فى مدارة ( سوأة )
النوم فى كورنيش عام يضج بالخلوق من كل الجنسيات ..
واخيرا قررنا ان ننصرف ..وبذلنا جهدا خارق لايقاظ
المدعو فائز الامير ..واخيرا نجحنا ..وخرجت من الكورنيش
وانا العن اليوم الذى قررت فيهو الخروج مع فائز لمكان عام..
اما عن حمزه ..فقد تحدثنا كثيرا وتذكرنا الجميع ..
تذكرناك يامحمد ..وتذكرنا محمد مصطى السنى وعبدالهادى وايمن خالد
والتعايشى وحسن اسماعيل وعمر تقراى ووائل عابدين وجوده
بشرى وسعد سعيد ومحمد عثمان البدرى ومحمد الزين آدم عديلة
وودالاعيسر ..باختصار كدا ماخلينا زول مااتذكرناه ..حكينا
كتير وكتير ..وقررنا ان نكمل الحكى فى شقة بدرالدين غدا ..
خالص ودى يامحمد ..,ونلتقى ..
|
Post: #5
Title: Re: " وإلى الدوحه أخاهم بلولاً..." الى فائزوبدر الدين الامير ريثما تصفو الدواخل بالق
Author: بدر الدين الأمير
Date: 05-04-2006, 06:58 PM
Parent: #2
محمد يا امين ومبروك
سعيد جدا بوضعك لى بعد حمزه وفائز وهم اكبر منى تجربة وتجريب ومعرفة ومعارف
وهل تعلم انهم بالمقابل مصنفين كخوارج داخل اسرة الامير وعلى مستوى الهم العام هم ايضا خوارج
حمزه يدعى انه منحاز للحق العام من غير السيد وفائز يود ان يؤكد للناس انه غادر حق
من غير اوراق وليس وراق من يحج له فائز معرفيا ام بدرالدين فحدث ولا حرج يبدأ متمردامع الخاتم
وينتهى اكثر تمردا على من هو الخاتم وليس له فى ذلك اى ه000000
هل هى صوفية ام صوفة معاوية 000000000
|
Post: #6
Title: Re: " وإلى الدوحه أخاهم بلولاً..." الى فائزوبدر الدين الامير ريثما تصفو الدواخل بالق
Author: Muna Khugali
Date: 05-05-2006, 03:43 AM
Parent: #5
وهـذه أيضـا بقعـة جميلة بونستها وتصـويراتها...شـكـرا علي الجمـال وعلي نـوم الشـواطـئ و شـعاع الابتسـامات الحلوة ...
مـني
|
Post: #7
Title: Re: " وإلى الدوحه أخاهم بلولاً..." الى فائزوبدر الدين الامير ريثما تصفو الدواخل بالق
Author: ريهان الريح الشاذلي
Date: 05-05-2006, 01:41 PM
Parent: #6
سلامات مبروك والبركة فيكم وفينا في فقدنا العظيم
حمزة بلول فليوفقك الله ويبدو ان احدي معجزاته في طريقها للتحقق...............
|
Post: #8
Title: Re: " وإلى الدوحه أخاهم بلولاً..." الى فائزوبدر الدين الامير ريثما تصفو الدواخل بالق
Author: أيزابيلا
Date: 05-05-2006, 05:36 PM
Parent: #7
حمزة بلول؟
ود المبروك:يبدو أن في الأمر تواطأ" ما
_بس أنشالله الزول ده أديتوه الوصايا العشرة؟
|
Post: #9
Title: Re: " وإلى الدوحه أخاهم بلولاً..." الى فائزوبدر الدين الامير ريثما تصفو الدواخل بالق
Author: محمد امين مبروك
Date: 05-06-2006, 07:10 AM
Parent: #8
عفواً يا حبايب
محمد سلامات اخبارك ايه بهناك:
لحدي ما ارجع ليك اسمح لي بأعادة تركيب بعض مداخلاتك لزوم ما لا يلزمك منه سوى ضحكة:
Quote: وحاولت ان اجعل من
جلابيتى (الانصارية ) ساترا له حتى لايراه احد |
ف......
| Quote: اذا بفائز يستلقى على ظهره |
_________ضاحكاً
لذلك تكون :
| Quote: (السترة والفضيحة متباريات ) |
___________بين ابناء الخالات .
|
Post: #10
Title: Re: " وإلى الدوحه أخاهم بلولاً..." الى فائزوبدر الدين الامير ريثما تصفو الدواخل بالق
Author: محمد امين مبروك
Date: 05-06-2006, 07:58 AM
Parent: #9
استاذنا بدر الدين كتبت تقول:
Quote: سعيد جدا بوضعك لى بعد حمزه وفائز وهم اكبر منى
تجربة وتجريب ومعرفة ومعارف |
عنوان البوست ملئ بالملاحظات... نبهني الى ذلك عدد من الاصدقاء
ومن ذلك
بداية العنوان" وإلى الدوحة...الخ"
يحتاج لأن يكون وحده لأن المقطع الاخير ايضاً اعتبروه عنواناً "ريثما تصفو الدواخل بالقيام" والعبرة الاخيرة لها ظلالها في ادبيات الاتحاديين الجدد مثلاً لذلك وجتني ضمن طلاب البروف معز يدرسون في كورسه المنبري (كيف تصبح كاتباً مميزا
ثم :لو وضعت فائزاًً الفائز بنوط الموقف النبيل في النهاية فمن يضمن لي ألا أختزل متابعي البوست على ( الحقانيين)+ مهندسي موبيتل +أعضاء حزب حمزه ود عمي.
وانت طبعاً تعرف انو الواقفين مع ال(حق) في هذا الزمن بسيطين شويه............
لذا قدرت ان اقفل الاهداء بك لأنك:
اكبر منهم
تجربة وتجريب ومعرفة ومعارف................وعمرأ !!!
وإن زعمو غير ذلك.
|
Post: #11
Title: Re: " وإلى الدوحه أخاهم بلولاً..." الى فائزوبدر الدين الامير ريثما تصفو الدواخل بالق
Author: محمد امين مبروك
Date: 05-06-2006, 09:47 AM
Parent: #10
مني خوجلي.......سلام
كان انتهازي رد الله غربته يحدثني عنك كثيراً وايام لندن الوريفة بالنضال
رهام .................
آلا سلام عليهم في الخالدين
ايزابيلا_______________________________سيمور
المتواطؤون ادناه يحلمون ايضاً
ب" نهايات درامية في اقصى الشمال، في ليلة جليدية عاصفة"!!!
|
|