Post: #1
Title: عيدروس......!!!!!
Author: حافظ عبدالعاطى احمد
Date: 04-29-2006, 07:39 AM
اجازة خفيفة فى مدنى
ياعيدروس
خميس وجمعة لكن نشأت الامام
شخت لينا وعمل مشغول
لكن استمتعنا
ومن الليلة دايرين نعمل حصار اجتماعى لنشأت
ورينا معانا والا مع االتانين..........................
|
Post: #2
Title: Re: عيدروس......!!!!!
Author: نادية عثمان
Date: 04-29-2006, 05:41 PM
Parent: #1
حافظ ازيك كده
Quote: ومن الليلة دايرين نعمل حصار اجتماعى لنشأت
ورينا معانا والا مع االتانين.......................... |
انا اغايتو مع نشأت .. انت مع التانيين ؟!!!
|
Post: #3
Title: Re: عيدروس......!!!!!
Author: حافظ عبدالعاطى احمد
Date: 04-30-2006, 00:08 AM
Parent: #2
الاستاذة....
الغالية.....
انتى ابعدى ....... من محل الشكلة دى......
لانو.....
نحن مابنحب ناذى الملايكة.....
خلينا ناس نشات ديل..
تسلمى....
|
Post: #4
Title: Re: عيدروس......!!!!!
Author: معتصم عيدروس
Date: 04-30-2006, 05:05 AM
Parent: #3
يا حافظ يا ولدنا
الحال من بعضه ..
نحبها ولكنها عصية علينا ..
لا نحب مفارقتها ولو للحظة ولكننا مضطرون لذلك..
مدني في حدقات عيوني وباقية في جواي اثر .. ولكن الاقامة بها اصبحت مستحيلة ..
بحثاً عن العيش ولقمته ارتضينا بالخرطوم مكاناً..
وحالي من بعضه مع نشأت .. اردد كثيراً مع الرائع عبدالعال السيد
تسألني عن حالي
وانا حالي ما بسرك
حالي علي يا جميل
خليه في سرك..
رجاء اعف عن نشأت فهو يتمثل نفس الابيات سابقها ..
==========
يا حافظ يا حنين
انت وين
قلنا تعالوا جاي يا اولاد مدني
حضرتم ثم غبتم
فاصبحت مدني خاوية تبحث عن ابنائها
فهل من عودة هل؟؟؟؟؟؟؟؟؟؟؟؟
|
Post: #5
Title: Re: عيدروس......!!!!!
Author: حافظ عبدالعاطى احمد
Date: 04-30-2006, 05:28 AM
Parent: #4
العزيز جدا.....
عيدروس......
والله قصدنا نجيبك........بس بيجاى....
عسى ولعل ...نشتم رايحة مدنى.......
وما بعدنا ولكن زى مابقولو ناس السوق المعايش جبارة
ولكن..........!!!!!!!!!!!!!
تبقى مدنى فى الدواخل ونظل نتصيد المناسبات ونتسبب بالخفسة لحدى هناك.........
واحداها كانت يوم الخميس........
حيث افتقدنا نشات........
اها.......وهسى دايرين نعمل الشكلة......
|
Post: #6
Title: Re: عيدروس......!!!!!
Author: نادية عثمان
Date: 04-30-2006, 09:27 AM
Parent: #3
حافظ ياعزيز
| Quote: نحن مابنحب ناذى الملايكة..... |
ملاك انت
وعيدروس
ونشأت
وعموم اهالى مدنى الحبيبة
تسلم يارب
وماتشوف شر ابدا
قول امييييييييييييييين
|
Post: #7
Title: Re: عيدروس......!!!!!
Author: معتصم عيدروس
Date: 04-30-2006, 03:20 PM
Parent: #6
ما تقول آمين يا حافظ
وبالمرة ورينا المكنة مشت فيك ولا ما مشت..
كان مشت اعفي عنو عليك الله
|
Post: #8
Title: Re: عيدروس......!!!!!
Author: حافظ عبدالعاطى احمد
Date: 05-01-2006, 00:43 AM
Parent: #7
اااااااااااميييييييييييييييييييييييييييييييييييييييييييييييييييييييييييييييييييين....يارب.....
لكن ما خقتك يا عيدروس....
حقت الغالية....
وبعدين المكنة الشنبرا خفيف دى مابتقسم فينى يا عيدروس.....
صاحبك دا قول ليهو الخلا .....بس
|
Post: #9
Title: Re: عيدروس......!!!!!
Author: معتصم عيدروس
Date: 05-01-2006, 03:21 AM
Parent: #8
Quote: اااااااااااميييييييييييييييييييييييييييييييييييييييييييييييييييييييييييييييييييين....يارب.....
لكن ما حقتك يا عيدروس....
حقت الغالية.... |
ما قلنا حاجة يا حافظ ..
عشان خاطر عيون حلوين
|
Post: #10
Title: Re: عيدروس......!!!!!
Author: nashaat elemam
Date: 05-01-2006, 05:29 AM
Parent: #9
الحبيب حافظ عبد العاطي
ياخي تسلم.. وانا كل ما الليل يضلم اغني مع العميري:
جُن ليلي وهاجت أعراضي
سح دمعي وطاشت اغراضي
هذا بعض البي عدا امراضي
وانت داري وبالعلي راضي
ودوماً ما يلبسنا الليل هنا في الخرطوم ثوباً من الشجن المضني..
وفعلاً كما قال نزار قباني: الليل يضخم أحزان الغرباء..
ونحن غرباء هنا في الخرطوم برغم كثير من ود نحفظه لها..
لكن تبقى مدني تمتلك من القلب سويداءه وتتمدد فيها بدلال.. كعروس تنهض كسولة يوم »الصبحية«..
حافظ.. تسآلني: هل أنت مذنب؟
اجيبك بوجع: نعم.. لاني لم اذهب إلى مدني يوم الخميس..
ولكن.. يوم الخميس ده بالذات البقولوا عنو: خميسك .. لو تبيع قميصك..
انا اسوأ يوم لي في ايام العمل.. ففيه عدد من الدوامات ما يكفي ثلاثة رجال بالغين وراشدين..
غايتو ربك يسهل.. وقول يا لطيف..
بعدين ياخي البوست الجاب ليك نادية عثمان ده.. يفترض تضبح ليهو عديل كده.. وعشان خاطر ندويه.. السماح يا غالي.. نحنا قاصدين السماح
واخونا عيدروس حاول يبرر لينا.. ولانو هو حاسي بالاحنا فيهو.. والجمرة البتحرق الواطيها.. واطيها معانا معتصم.. لذا فهو اقرب للاحساس بمدى حُرقتها..
ولك المودة تاني وتالت
|
Post: #11
Title: Re: عيدروس......!!!!!
Author: نادية عثمان
Date: 05-01-2006, 06:27 AM
Parent: #10
البوست الجميل بى لمتو وقول ناسو
الاهل الكرام ديل منقتو واناناسو
ازهار الخميل دوح مدنى انتو اساسو
مفتاح العلم قلمو وبديع كراسو !!
|
Post: #12
Title: Re: عيدروس......!!!!!
Author: حافظ عبدالعاطى احمد
Date: 05-01-2006, 10:50 AM
Parent: #11
اللوم الكتير ما نحن اهلو وساسو
بس بنلوم شديد احبابنا لمن يقاسو
ما الغربة حارة المر مدور كاسو
وكتين نمش لدارنا الزول بفتش ناسو
يقعد طيبة فى نص شلتو واناسو
تسلمو لينا يا الغالين وماتنداسو
|
Post: #13
Title: Re: عيدروس......!!!!!
Author: nashaat elemam
Date: 05-02-2006, 02:53 AM
Parent: #12
الزول السمح راقي ورقيق احساسو
نسام الزهور شال طيبو من أنفاسو
يا ناديه الجمال باقيالو انتي اساسو
ونحنا طلاق تلاته نبقى ليك حراسو
ياحافظ اخوي الزول عزيز بي ناسو
والماعندو خوه قمحان وخربان ساسو
والزول النجيض بأهلو برفع راسو
وفي يوم الدواس غير اهلو مين بيواسو؟
|
Post: #14
Title: Re: عيدروس......!!!!!
Author: nashaat elemam
Date: 05-02-2006, 05:31 AM
Parent: #13
فيك يا مدني احلى ايام عمرنا الزاهيه
فيك شبينا قمنا وكت العقول تب لاهيه
من فارقنا دربك ضبلنت النفوس الزاهيه
والفات من حداك تراهو فات في داهيه
|
Post: #15
Title: Re: عيدروس......!!!!!
Author: nashaat elemam
Date: 05-02-2006, 05:36 AM
Parent: #14
ما بننسى الصحاب وايام معاهم ضُمه
وولهانا النفوس كايسا حداكم جمه
في ضل شجره او موية بحر تنحمه
تغسل للوجع وبيكم الفرح ينتمه
|
Post: #16
Title: Re: عيدروس......!!!!!
Author: nashaat elemam
Date: 05-02-2006, 05:43 AM
Parent: #15
في مدني الشباب فرسان علم وسيوف
لي عينك تملي يملوها حد الشوف
ما بتلقى الجبان او البسوقو الخوف
وان درتا الفهم تغرف وتملا كفوف
|
Post: #17
Title: Re: عيدروس......!!!!!
Author: nashaat elemam
Date: 05-02-2006, 05:56 AM
Parent: #16
في مدني الجمال بنوتنا ديل ستاتو
من قومة الجهل راضعنو وبيهو يتاتو
شالن احلى شي وخلن للبقيه فتاتو
يميّلن النسيم زي جرفاً رهاف شتلاتو
|
Post: #18
Title: Re: عيدروس......!!!!!
Author: حافظ عبدالعاطى احمد
Date: 05-02-2006, 09:14 AM
Parent: #17
اه من مدنى من نارا البتوقد جوفنا
منها يطلع الغبن المولد بوخنا
من فتناها تب مالقينا البكمل شوفنا
حت مانطوف نشوف ذكراها مالية رفوفنا
منها قمنا واتربينا نلنا قطوفنا
ومن خيرات هالة عليناا مالية كفوفنا
|
Post: #19
Title: Re: عيدروس......!!!!!
Author: حافظ عبدالعاطى احمد
Date: 05-02-2006, 09:25 AM
Parent: #18
يكمل فيها جملة حبنا الفايت مرامى حروفنا
وويتلقاها زى نسمة هجير فى جروفنا
يداوى قليبا من الامو دفقات شوقنا
يضم احضانا نمسح فيها زلات خوفنا
وتتلفانا بلهفة وتداعب فينا تروق روحنا
|
Post: #20
Title: Re: عيدروس......!!!!!
Author: حافظ عبدالعاطى احمد
Date: 05-02-2006, 09:34 AM
Parent: #19
من همساتا نسمع نغمة الفرحة وتلاقى دفوفنا
وترسم فينا احلى فنون نغم فى جوفنا
ولو الدنيا تمشى معانا رغبة كيفنا
كان اهدينا مدني روحنا وشوفنا
|
Post: #21
Title: Re: عيدروس......!!!!!
Author: حافظ عبدالعاطى احمد
Date: 05-03-2006, 02:48 AM
Parent: #20
up
|
Post: #22
Title: Re: عيدروس......!!!!!
Author: nashaat elemam
Date: 05-04-2006, 08:18 AM
Parent: #21
فراق مدني ده الكان مكتر خوفنا
ورافعين للاله راسنا ومعاهو كفوفنا
يجي يوماً نعود لمدني لو بطيوفنا
نسمع للهديل وبالنيل نمتعو شوفنا
|
|