Post: #1
Title: كارثه تسببها( سوداني) قبل بدايه انطلاقها
Author: مشتاق
Date: 04-26-2006, 06:08 AM
اول امس دشنت شركه سوداني للهاتف السيار حملتها التلفزيونيه لانطلاق هاتفها الجوال
من الجيل الثالث للاتصالات الحديث ببرنامج تلفزيوني في التلفزيون القومي تم خلاله تكريم
نفر غير قليل من المبدعين على راسهم الفنان العطبراوي نسبة لاغنيته انا سوداني انا
لكن الكارثه والفادحه في نفس الوقت كانت ان ترحم المذيع التلفزيوني على روح شاعر
الاغنيه الشاعر المتميزمحمدعثمان عبدالرحيم ذلك العملاق الذي نعوه
والمفاجاه يااخوتي انه حي يرزق نعم حي يرزق يسكن جارنا وله من البنين والبنات
ومازال نبع الشعر عنده ينبض بالشعر ولم يندثر
فهل توجد كارثه اكبر من هذه؟
كان حريا بهؤلاا ن يسالو عنه قبل ان ينعوه او علي الاقل يكرموا اهله
لقد تملكنى الغضب كثيرا حينما سمعت هذا الكلام حاولت كثيرا اناتصل بالتلفزيون ولكن
لم استطع ارجو من من له معرفه بالتلفزيون ان يدلني على طريقه لتصحيح هذا الخطأ الفادح
واناشد شركه سوداني بمعالجة هذه الكارثه
اللهم لاتجعل مصيبتنا في مثقفينااو من يدعوا ذلك
|
Post: #2
Title: Re: كارثه تسببها( سوداني) قبل بدايه انطلاقها
Author: maia
Date: 04-26-2006, 06:14 AM
Parent: #1
الاخ مشتاق
عادي جدا في في السودان الاتجاه طوالي الى الترحم على الواحد ، دون تكلفة مشقة معرفة معلومة الزول حي ولا ميت
في البورد ده قبل كده ،في بوست كان في ترحم على الاستاذ حسن خليفة العطبرواي نفسه
|
Post: #4
Title: Re: كارثه تسببها( سوداني) قبل بدايه انطلاقها
Author: عاصم ابوبكر حامد
Date: 04-26-2006, 06:20 AM
Parent: #2
ربنا يكون فى عون السودان والشعر السودانى
اخى مشتاق
اتمنى ان يصل خطابك الى الجهات المحتصة ...
تسلم اخى
|
Post: #10
Title: Re: كارثه تسببها( سوداني) قبل بدايه انطلاقها
Author: مشتاق
Date: 04-26-2006, 07:08 AM
Parent: #4
عاصم
شكرا للمرور اتنمي ان تجد اذا صاغيه عند الجهات المختصه
|
Post: #5
Title: Re: كارثه تسببها( سوداني) قبل بدايه انطلاقها
Author: مشتاق
Date: 04-26-2006, 06:22 AM
Parent: #2
مايا
الي متى ندعي الثقافة والتطور؟ الي متى نصبح امه عظيمه؟
اسئله تصيبك بالدوار؟
|
Post: #3
Title: Re: كارثه تسببها( سوداني) قبل بدايه انطلاقها
Author: saif massad ali
Date: 04-26-2006, 06:16 AM
Parent: #1
مشتاق
والله انها الكارثة
لايتعلمون ابدا من الاخطاء الفادحة التي يرتكبوها
يتمنون طول العمر للموتي ويترحمون علي الاحياء
كان الله في العون
|
Post: #6
Title: Re: كارثه تسببها( سوداني) قبل بدايه انطلاقها
Author: مشتاق
Date: 04-26-2006, 06:27 AM
Parent: #3
سيف
حضرت محاضره للاستاذ والشاعر هاشم صديق تعرض فيها عن مشاكل المبدعين وخصوصا الشعراء
لقد قال كلاما يدمي القلب ولكن لا حياة لمن تنادي
|
Post: #7
Title: Re: كارثه تسببها( سوداني) قبل بدايه انطلاقها
Author: قرشـــو
Date: 04-26-2006, 06:32 AM
Parent: #1
الأخ مشتاق
لك التحية
يا صاحبى ما تابع الحاجات دى لانها حاتعمل ليك ضغط دم خاصة مع ناسنا ديل
وصدقنى مهما تقول ليهم برضو ما حاتغير اى حاجة والشكية لى اب ايدا قويه
ومع كل هاك رقم التلفزيون 249187572955 ده تلفون المنوعات
وقبلك دمى فار عشان اتصل لتصحيح معلومة ولا فائدة ترجى منهم
منهم لله زى ما بقولوا جيراننا فى الشمال
|
Post: #8
Title: Re: كارثه تسببها( سوداني) قبل بدايه انطلاقها
Author: مشتاق
Date: 04-26-2006, 06:52 AM
Parent: #7
العمده قرشو
الليله نورت بوردنا
ولكن ياعمده الواحد خلاص وصلت معاه الحد
نحن نحاول والباقي علي الله.
شكرا علي المرور الجميل
|
Post: #9
Title: Re: كارثه تسببها( سوداني) قبل بدايه انطلاقها
Author: وجدي الكردي
Date: 04-26-2006, 07:03 AM
Parent: #8
يا مشتاق
مشتاقون
ممكن تديني عنوان للشاعر محمد عثمان, حتى اتمكن من تفديمه للقراْء عبر "الرأي العام"
علني ارد بعضا من دينه
|
Post: #11
Title: Re: كارثه تسببها( سوداني) قبل بدايه انطلاقها
Author: Al Sunda
Date: 04-26-2006, 07:10 AM
Parent: #9
| Quote: ممكن تديني عنوان للشاعر محمد عثمان, حتى اتمكن من تفديمه للقراْء عبر "الرأي العام |
صحفي بدرجة امتياز
|
Post: #12
Title: Re: كارثه تسببها( سوداني) قبل بدايه انطلاقها
Author: مشتاق
Date: 04-26-2006, 07:23 AM
Parent: #9
اخي وجدي
الشاعر مقيم في مدينة رفاعه حي الحله الجديده
سوف احضر لك تلفون المنزل بعد اتصالات اقوم بها
شكرا على سرعة الاستجابه
ولك الود الشفيف
|
Post: #13
Title: Re: كارثه تسببها( سوداني) قبل بدايه انطلاقها
Author: toona
Date: 04-27-2006, 06:06 AM
Parent: #1
الأخ مشتاق :
الغلطة الفادحة التي رفعت ضغطك كانت واحدة من عدد من الغلطات الاعلامية والتصويرية للتدشين ، حقيقة انا ما تابعت تلفزيون السودان من فترة ، لي حظي الغريب ، فتحتو اليوم داك في الوقت داك بالذات ، والله حاجة تخجل ، المستوى بتاع التواصل بين المذيع والمنتجين والمصورين والنقل الخارجي ، المستوى بتاع الحوار نفسو ضحل ضحالة تغري بالبكاء ... الله يكون في عون التلفزيون والشعب المسكين علي حد سواء ... يا رب ، لطفك !
|
Post: #21
Title: Re: كارثه تسببها( سوداني) قبل بدايه انطلاقها
Author: مشتاق
Date: 05-01-2006, 11:43 AM
Parent: #13
العزيزه تونا
تلفزيونا اصبح (اسماء في حياتنا) (من الامس)ولايوجد فيه (مايطلبه
المشاهدون)
|
Post: #14
Title: Re: كارثه تسببها( سوداني) قبل بدايه انطلاقها
Author: amara
Date: 04-27-2006, 06:32 AM
Parent: #1
سلام مربع للجميع
يا جماعة أي عمل تلفزيونى حتى فى القنوات العالمية مثل الجزيرة والعربية لا يخلو من الخطأ خفوا على التلفزيون شوية أنا كنت متابع تدشين سوداني وكان اكثر من رائع وتكريم الفنان العطبراوي بأول رقم مميز أيضاً كان أكثر من رائع .
شبكة سوداني بدأ بالولايات والشركات الأخري الى الآن لم يذهبوا الى الولايات رغم أعلانهم أي مكان وأي زمان شمال السودان من حلفا الى المحس مش أي مكان ولا أي زمان أقل شئ شبكة سودانى منصف مع المواطنين .
مموشى
|
Post: #15
Title: Re: كارثه تسببها( سوداني) قبل بدايه انطلاقها
Author: إدريس محمد إبراهيم
Date: 04-29-2006, 02:03 AM
Parent: #14
الأخ الأستاذ / مشتاق ...
تحية الود والأخاء ...
أولاً وبصراحة قبل مداخلة الأخ / مشتاق أنا كنت أعتقد أن هذا الشاعر الفذ / محمد عثمان ليس على قيد الحياة ..
وبعدين يا جماعة وليس دفاعاً عن التلفزيون .. أنا كنت حاضر الحلقة موضوع النقاش .. وكان المقدم هو الأستاذ / عبد الله محمد الحسن .. وبصراحة هذا الرجل واحد من أميّز المذيعين عندنا .. لدرجة أن أستعانوا به لتقديم منتدى الفكر العربي الذي أقيم مؤخراً في الأردن .. ولكن لكل جواد كبوة ...
شكراً مشتاق على المعلومة المفيدة جداً ... وأرجو أن يصل صوتك لمن يهمه الأمر لتكريم هذا الرجل ... وصدقني لو كان يعيش في أوروبا أو في بلدان أخرى تحترم مبدعيها لأسكنوه فوق السحاب ...
لقد زرت الشاعر الكبير محي الدين فارس في منزله قبل ثلاث سنوات ... ورغم أن
لسانه ظل يلهج بالشكر للفريق الزبير محمد صالح الذي قام بشراء المنزل له ... إلا إنني خرجت من عنده والعبرة تحنقني مما رأيت ... إلى متى نهمل هذه القامات التي قلما يجود الزمان بمثلها ؟؟!!! سؤال حائر .. ما زال يبحث عن إجابه ...
|
Post: #16
Title: Re: كارثه تسببها( سوداني) قبل بدايه انطلاقها
Author: على محمد على بشير
Date: 04-29-2006, 02:36 AM
Parent: #15
| Quote: لقد زرت الشاعر الكبير محي الدين فارس في منزله قبل ثلاث سنوات |
يابختك ويا سعدك ...
وليتنى كنت معك ..
|
Post: #23
Title: Re: كارثه تسببها( سوداني) قبل بدايه انطلاقها
Author: مشتاق
Date: 05-02-2006, 05:19 AM
Parent: #15
اخي ادريس
غلطة الشاطر بألف
التحيه لكل المبدعين المغموريين
وربنا يعطي شاعرنا الصحه وطولة العمر
|
Post: #22
Title: Re: كارثه تسببها( سوداني) قبل بدايه انطلاقها
Author: مشتاق
Date: 05-01-2006, 11:47 AM
Parent: #14
amara
علي الاقل يسألوا من الشاعر حي ولا ميت مايترحموا عليه قبل مايموت
وبعدين دي ما غلطه دي كارثه!
|
Post: #17
Title: Re: كارثه تسببها( سوداني) قبل بدايه انطلاقها
Author: Ridhaa
Date: 04-29-2006, 03:04 AM
Parent: #1
شكرا الأخ مشتاق للمعلومة المفيدة ...
الأخ ادريس ...كيف حال الاستاذ محي الدين فارس .. في أي منطقة يسكن
مع خالص تقديري
|
Post: #18
Title: Re: كارثه تسببها( سوداني) قبل بدايه انطلاقها
Author: إدريس محمد إبراهيم
Date: 04-29-2006, 03:15 AM
Parent: #17
الأخ العزيز / رضــا ..
الأخ العزيز / علي محمد بشير
تحية حب وتقدير ...
الأستاذ الشاعر / محي الدين فارس بخير حيث شاهدته الأسبوع الماضي في التلفزيون في حفل تكريم ... هو يسكن في أم درمان ، الثورة ، لكن بصراحه ما مذكر رقم الحارة حيث صحبني إليه شقيقي الأصغر أبو القاسم ... ويا أخ رضا أود أن أقول أنه تربطني أنا بالذات من بين أفراد اسرتي علاقة خاصة جداً بالأستاذ الشاعر / محي الدين فارس تمتد إلى نشأتنا الأولى بمدينة الإسكندرية حيث كنا نقطن بالإيجار في منزلهم بحي القباري ...ولكن أول مرة أراه فيها كانت في منزله بأم درمان ...حيث كان في ذلك الوقت قد انتقل للعمل بالسودان، ولا أود التصريح عن سر هذه العلاقة لأسباب خاصة ... ولك الشكر على سؤالك .. والشكر موصول للأستاذ / علي محمد بشير الذي غبطني علي تلك الزيارة .. ويا ليته كان معنا .. ...والشكر والتحايا لكم جميعاً...
|
Post: #19
Title: Re: كارثه تسببها( سوداني) قبل بدايه انطلاقها
Author: برير اسماعيل يوسف
Date: 04-29-2006, 03:21 AM
Parent: #17
العزيز/ مشتاق
تحية طيبة يا زول
الناس ديل يا مشتاق يا اخوي منهج حياتهم قائم علي اللقف و الخطف ... فكل ما في الامر هو العمل علي انجاح الدعاية التسويقية للبضاعة المعروضة في الجهاز الاعلامي !!(القومي)!! ... و لا يهم من بعد ذلك ان يكون شاعر او مغني انشودة انا سوداني ميت او حي ... و صدقني لو كان مكان حسن الخليفة العطبراوي غير معروف لقرووضه و شربوا و اكلوا من موتو... الناس ديل يا مشتاق يلفحون الناس لفحا جما... الله يديك العافية يا مشتاق يا اخوي ... اهو انت حاولت ان تعمل ما في وسعك لايقاف عجلة لهط هؤلاء نامل ان تنجح في مسعاك.
|
Post: #24
Title: Re: كارثه تسببها( سوداني) قبل بدايه انطلاقها
Author: مشتاق
Date: 05-02-2006, 06:58 AM
Parent: #19
برير الراقي
ياريت كل الناس لو كانت زيك
كان العالم بقي غير ,
الله يكون في عون مبدعينا
|
Post: #20
Title: Re: كارثه تسببها( سوداني) قبل بدايه انطلاقها
Author: عنيده
Date: 04-29-2006, 03:47 AM
Parent: #1
يامشتاق
ما اول ولا اخر مره
اتزكرت موقف (بايخ) بياخة ابتسامة
المزيع (المزيفه)تلك...
في برنامج صباحي قدم التلفزيون اغنيه
للراحل خوجلي عثمان رحمة الله
فما كان من المزيع عادل فارس
الا وان قال( نتمني لك دوام الصحة والعافيه استاذنا خوجلي عثمان)
اها زي دا يقولو ليو وعليو شنو( وش محتار)
بالله لو ناس (سوداني)اعتزرو كلمونا
عشان نقول بث كتر خيركم
متع الله الشاعرمحمدعثمان عبدالرحيم بالصحه العافيه
|
Post: #25
Title: Re: كارثه تسببها( سوداني) قبل بدايه انطلاقها
Author: مشتاق
Date: 05-03-2006, 06:27 AM
Parent: #20
عنيده
لحدي الان مافي زول قال بغم
وكأن الموضوع لايهمهم
بعدين انت تلفزيونا دا حيغيروا متين ؟
|
|