أســــرة البشــير وتهجــير أهالى كافــــورى

إنتو ياأخوانا سر العلاقه بين التهجير والبشير شنو . تحادثت قبل يومين مع أحد أصدقائي الغبش فى كافورى بعد أن قام قصى وعدى السودان وأعنى أخوان رئيس دولة السودان بطرد أهله من منطقه كافورى والسبب ليس سكن عشوائي أو أماكن رزيله فالسبب هو إنتهاء الحكر وطبعآ المبلغ المطلوب لتجديد الحكر لايستطيع هؤلاء الغبش دفعه فكانت الأرض من نصيب أخوان أمير المؤمنين وزوج شقيقته فشيدوا عليها قصور كسرى وحدائق بابل ( إن شاء الله تتهنوا بيها).
حكى لى والد صديقى بأن آبائه ولدوا فى هذه الأرض وذلك قبل أن يعرف أهل البشير مدينة صراصر وحوش بانقا .
من على البعد التحايا لأهلى فى أمرى والمجد والخلود لشهداء أمري.
واللهم أنصرنا أهلنا فى السودان على الطواغيت

ود كسلا اخوى ...
مساك الله بالخير ...
البلد بقى ما فيا قانون و لا شنو ؟؟؟؟
قلع سااااى عينك عينك كدى !!! و جربنديه ؟؟؟
كسره :
يعنى البشير ما شبع من ارسال زملاو عشان اموتو فى الجنوب و عشان هو ارس نسوانم .. كمان بقى فيا قلع طين و شفتنه كمان ... دى دولة المشروع الحضارى البشر بيا البشير و شيخو ؟؟؟ و لا دولة كبير أخوانو ؟؟؟؟؟ عشنا و شفنا !!!
تحية و احترامى
أخوك
عبدالماجد

ود كسلا
سلام
ديل سرقوا بلد
لكن الله يمهل ولا يهمل
تخريمه
جذبني الاسم اولا
والمنظر البديع لمعشوقتي ثانيا
وكلنا اولاد كسلا

العزيز ود كسلا


لك التحايا ايها الهميم


هذه دولة( الهمبتة والقلع) فمن احتل وطنا تهون عليه هذه السفاسف و( القزقزات) فاخوة امير المؤمنين ابدعوا في النهب المصلح بلا ادني حياء وهم ابناء صراصر و( كوبر الفقيرة) ويعرفهم اهل كوبر جيدا ولكنه بعد عصر امير المؤمنين عمر الخازوق تغيرت وتبدلت الاحوال وسخر الناس عندما اصبحوا ذات صبح ليجدوا ان (حوش بانقا) صار جزءا من حي كافوري الثرية وقالوا مسبحلين: سبحان الذي اسرى بعبده من ودبانقا الي كافوري ليلا.....تشكر علي هذا البوست القيم وهو اضافة لسجل الفساد العامر والذي حققته دولة المشروع الهراري
محبتي واحترامي


هشام هباني