الله الله عودة دومة لعمرى هو العود الأحمد بشحمه ولحمه وعظمه

قلم سيال وسلس العبارةأنيق ورشيق وصادق متمكن من العربية والإنجليزية والمانية
سعادتى بعودتك لا توصف أيتها الرائعة!
كسب للمنبر لا يضاهيه كسب
جنى

Quote: قلم سيال وسلس العبارةأنيق ورشيق وصادق متمكن من العربية والإنجليزية والمانية سعادتى بعودتك لا توصف أيتها الرائعة! كسب للمنبر لا يضاهيه كسب جنى

ياسلاااااااااااااااااااااااااااااااااااااااااااااااااااااااام

صدقت يا جني
عليك الله مش لازمنا الضبيحة عديل

سلام جني ولنا والجندرية..

ومرحب بالأخت دومة.. وسلامي لها...


ياسر

جني بطل حركات أبريل دي

عندك أي دليل إنو حبوبة دومة معانا هنا?

هات الدليل...

Quote: متمكن من العربية والإنجليزية والمانية

والصينية كيـــف؟!

مرحبـــآ بــ دومــا في دارهـــــا
بقلمها القوي الجرئ ..
والعود احمدين

مرحبتين حبابك

واليوم السعيد الليلة جابك

العزيز جني
تحايا الورد
ده اجمل خبر
شوف حتى لو كذبة ابريل انا ضابح ضابح
مراحب بي دوما
فتشت وسألت عن تلفونك لكن !
لكن حتما سأجده ولو في الصين !!!
تحياتي

ما كذبة أبريل ياخالد... شاهدت الأخت دومة في الموقع قريب
تعظيم سلام

حبابكم حبابكم حبان القسا
زادالروح وبلسم الجروح

الشوق ليكم عمره ما انطفئ
وحاتكم بشم فيكم عبق الارض البهاتي بيها يوماتي
وبشوف فيكم املي العنيد وطن كبير شامخ وانسانه راسه مرفوع ومتعافي .
ما في منكم مدسه جرح الشريف ما زال نئ ما التئم وانكسار نظرات نورا في معسكر قريضه لف الروح بوشاح الحزن والوجع في الجوف كتير.
يعلم بي الخلقني بحبكم وبعزكم .بفرحني فرحكم ويعجبني سمحكم.
وبطعني في القلب ما يحزنكم ان شاء الله ما تشوفوا شر .
فتكم بي عافيه يا حبان

احبابي الحلوين والله اقول شنو عاد متلومه معاكم لوم الشوم الا امسحوها لي في وشي الشين دا اللوم بجي بالغفلات .
ود العمده ولدي الزين مبروك عجبني سمحك ان شاء الله بالبنات والبنيين شفتوا التحيز الجندري دا كيف .
مشكورين كلكم كتييييييييير مهر تنا حره وكنانيه سيفك قاطع يا بت ملوك ام در.
تماضر البنت الحديقه متابعه اشراقاتك ونجاحاتك وبفاخر بيك كتير .
الجندريه امانينا قريت كتاباتك وامتعتني كتير .
ام واصل ومرافئ بلسم الروح يا وريفه بجيك هناك قريب .

سلوي صيام الغاليه مرحب بيك ومبروك الف مبروك وموصول للمشاء مالو مسجل غياب لعله بخير ؟؟
الابنوسه تاج راسي فرحت بي نجاحك والوظيفه فانت اهل لها يا بختهم ناس الجزيره , بناغمك فوق للحيطه بس وريني زمنك كيفك ؟؟
ام بشير النسمه الفي عز الهجير حبي ليكم كتير اسم البنيه غلبني قالوا الموت كان خلاك الكبر ما بخليك مممممم.... الحقني يا الطيب بشير مممممممممم... موحي موحي شايله اسمها وتربي في عزكم .بعدين في ناس غايبيينليهم حبي وشوقي الكتير شيري , بت قضيم , شايننق استار, اوت كاست , ريم , ندي مصطفي ,وندي امين الساره, بنات قوته, بنات العباسي وهميمه .اعتذر مقدما لمن سقط اسمها سهوا .
اها بعد الجنس اللطيف نجي للجنس الظريف ان شاء الله عامرين ودايما لامين وتامين.
العزيز ياسر الشريف الزول الحبوب ونقي تحياتي وحبي موصوليين للحبيبه الهام , والاحباء بطرفكم ربنا يحفظكم لبعض .
ابو الجنون الذي كثيرا ما يكفيني تعليقه شر القرايه ام دق تحياتي ليك وللاسره الكريمه .
ابا جهينه يا ودود ليك القومه وتحياتي عبرك لود قاسم .

عادل امين يا سوداني انت قاعد جنب البحر وانا متفنه في الارض قدامك وبقراءك
انت كالبحر عمقا وسحرا وعنفوانا اكتب ما تحرمني من لآلي صدفاتك .
خالد العبيد يا ناس النصف الجنوبي من الدنيا الشمال يشتاقكم سلامي الحار للجميع .
استاذ الموصلي طلتنا الافراح شكرا ليك يا لطيف المعشر .
تحيه خاصه لعمر علي لووووووول الا الصينيه دي جاءت بعد ان اصابتني الشيخوخه بستعين بالابن تروتسكي فيما صعب امره وبعض الشباب الظريفين بالصين


ابننا شماسي عافيه منك ورضيانه عليك رابط ما تتزحزح اعصروا علي بعض عشان نرفع كتف البناء الميل .
معتصم دفع الله حبابك يا وريف
وسيف خليل والله ليك زمن بركه بي الطله وعودا حميدا.
شنتير يا شنحيب بلش جلدنه طالباك تلفون شحمان وتحياتي عبرك لي نزار حسين واهل العوض وين اراضيهم؟؟؟

شكرا يا نوبا عينك نجيضه مرحب بيك شرفت
كوستاوي وين باقات الورود و الرد واين وين ميرفي وناس سودان نت الظريفين تحياتنا ليهم ولي كوستاويه .
اها شوق كتير لي ناس كتار وبالتاكيد لينا ما ناسين شفتوا الثقه دي كيف ؟؟؟؟ شتات ,ولياب والاسره الكريمه ,بناديها, صلاح درار والاسره الكريمه .والود تمبس
تحيات بعطر البرتقال وامنيات طيبه برضو لكل من
الشرير والبرتقاله العريس اساسي ومبروك بيت مال وعيال , ابن السودان البار دكتور الصاوي والدكتوره هاله . خالد الحاج واماني .قيسان سلم لي علي دبلاوي .خالد عويس ,حبيب نورا ,ود وراق ,عادل عثمان , كمال عباس الرجل المنضبط . خالد والريح كودي فتحي البحيري الرجل المثابر .
اها في ناس ولا بعرفوني لا شي لكين بريدهم بس كدي مش الريد قسم وهم محســـــــــــــــن خالد وعموم ناس بحري بقياده هشــــــــــام المجمر . استميحكم عذرا ان سقط اسم احد الاحباء عفوا .يا جماعه في نفرين من اهلي الشوايقي ما سقطت اسماءهم الا راح مني اسم القافيت الليلون ليهم عاطر السلام.

Quote: قلم سيال وسلس العبارةأنيق ورشيق وصادق

جنى الحقيقة
وماذا بعد الذى قلته عن دومة

اهلا بعودتها فى الزمن الصاح

العزيزة دومة..

تحية لك وللأسرة فردا فردا مني ومن إلهام..

Quote: ما في منكم مدسه جرح الشريف ما زال نئ ما التئم وانكسار نظرات نورا في معسكر قريضه لف الروح بوشاح الحزن والوجع في الجوف كتير.

لا زلنا نعالج أحزاننا ونشعر بكل أحساسيس أحبابنا..

عند بداية عودتي إلى المنبر مؤخرا فتحت هذا البوست:
( .. أبق قليلا ! )
ووجدت فيه أغنية وضعها الأخ خدر "طارق" ووجدت كثيرا من الصور المفرحة المليئة بالحياة والأمل ففرحت برغم أحزاني.. أحب الآن أن أهديك ذلك البوست من عصام عبد الحفيظ والأغنية التي لم أستطع أن أعرف الفنان الذي يؤديها.. وهاهي الأغنية بالكلمات برغم أنني لم أستطع أن أتبين بعض كلماتها وقد ساعدتني أختنا بثينة في كتابتها ولا تزال بعض الكلمات في شكل نقط:

الحزن ولى
الحزن ولّى .. كوكب الأفراح فى السما اتجلّى من فيضه
والحبيب الكان، النوّر الحلة قمر دورين في الارض ادلى
شفنا حبيب بنريدو غير علة من فيضه كالهلال هلّ
الحبيب جانا بنغيم الريدة المغري أشجانا من فيضه الهلا هلّ
من سهام العين المُبْرِحْ أنجانا والمحبة الطاهرة [.....] [.....]
يادوب سعادتنا بقدوم محبوبنا الرحمة[ ...تنا] من فيضه الهلال هلّ
سحب الحنان والعاطفة ظلتنا وبعد طول البين من تانى لمّتنا
كالهلال هلّ شفنا حبيب بنريدو غير عِلّة


واليوم ذكرى انتفاضة 6 أبريل.. ثورات السودان تنتظر من ينفض عنها الرماد فتعود شعلة ضوء تنير الطريق ونار تحرق الفساد..

والتحية لك يا جني..

ياسر

مرحب بالأخت دوما
وقد إفتقدتها قبل أن أزاملها فى هذا المنبر .

لك التحية يادومة ود حامد
والعزيز دايما مريود
إن كنت أنت فقد ضاع منى الهاتف فى زحمة عجاجة مكان آخر.