مالذ وطاب في نكت اهلنا الرباطاب

مالذ وطاب في نكت اهلنا الرباطاب


04-01-2006, 08:46 PM


  » http://sudaneseonline.com/cgi-bin/sdb/2bb.cgi?seq=msg&board=50&msg=1143920807&rn=81

Post: #1
Title: مالذ وطاب في نكت اهلنا الرباطاب
Author: Mutwali Malik
Date: 04-01-2006, 08:46 PM
Parent: #0

اولا لابد ان نتفق انها مامساخة وانما رد سريع وسرعة بديهة لاي سؤال مافي محلو
واحد رباطابي راكب القطر قاعد جنب الشباك فطلب منه الشخص الجالس جنبو ممكن اقعد جنب الشباك عشان انا بسف السـعوط وبتف فقال له وانا بسف وببلع
Post: #2
Title: Re: مالذ وطاب في نكت اهلنا الرباطاب
Author: Mutwali Malik
Date: 04-02-2006, 09:27 AM
Parent: #1

عمنا الفنان الكبير احمد عمر الرباطابي له الرحمة له العديد من الطرائف مرة بياكل مع ولدو فقال ليهو يابوي الفار ردة ليه ياود انا كديسة قال ليه ياابوي انا قلت ليك اكلوا
Post: #3
Title: Re: مالذ وطاب في نكت اهلنا الرباطاب
Author: عبدالكريم الامين احمد
Date: 04-02-2006, 11:46 AM
Parent: #2

وينك..يا متولي...

قالوا في واحد ادروب شاحن ليهو عربية بتاعة (جداد)..وبعدين جاي من بورتسودان

للخرطوم..فقاموا ناس القبانة في اول محطة قالوا ليه :يا زول الجداد ده بتاكلو شنو

سمين كده..ادروب حبة يقشر قال ليهم (جداد بياكل قمح) الجماعة قاموا كسروا ليك

ادروب كسر شديد..وقالوا ليهو الناس ماقادرة تاكل انت تاكل الجداد قمح..

في المحطة التانية سالوه (ها الجداد سمين كده..بياكل شنو)..ادروب فكر كده.وقال ليهم

عيش(جداد ياكل عيش)..برضو كسرو ليك ادروب كسر شديد..

في المحطة التالتة في مدني برضو سالوه(جداد ده بياكل شنو يا اردوب)...

ادروب عاين كده..وقال ليهم والله انا ماعارف..انا بصحي الصباح بدي كل جدادة

حق الفطور جداد يتصرف براهو!!!
Post: #4
Title: Re: مالذ وطاب في نكت اهلنا الرباطاب
Author: Mutwali Malik
Date: 04-02-2006, 05:01 PM
Parent: #3

اخي كريم شكرا علي المشاركة ولكن الظاهر لخبطت شوية المقصود اهلناالرباطاب مش الادروبات وبرضو حلوة منك
شافع من شفع الرباطاب جابو ليهم استاذ راسو مطاول شكل غريب جدا وقال ليهم الاستاذ اسالكم سوال المابجاوب بطردو من الحصة فرد الشافع اسعلني فقال الله كم واحد ولا اثنين فضحك الشافع ضحك شديد فقال ليه البضحك شنو فزاد الشافع في الضحك وقال ليهو لو كانو اثنين ماكانو اتشاورو في راسك دا
Post: #5
Title: Re: مالذ وطاب في نكت اهلنا الرباطاب
Author: الجيلى أحمد
Date: 04-02-2006, 05:21 PM
Parent: #1

وينك..يا متولي...

قالوا في واحد ادروب شاحن ليهو عربية بتاعة (جداد)..وبعدين جاي من بورتسودان

Quote: للخرطوم..فقاموا ناس القبانة في اول محطة قالوا ليه :يا زول الجداد ده بتاكلو شنو

سمين كده..ادروب حبة يقشر قال ليهم (جداد بياكل قمح) الجماعة قاموا كسروا ليك

ادروب كسر شديد..وقالوا ليهو الناس ماقادرة تاكل انت تاكل الجداد قمح..

في المحطة التانية سالوه (ها الجداد سمين كده..بياكل شنو)..ادروب فكر كده.وقال ليهم

عيش(جداد ياكل عيش)..برضو كسرو ليك ادروب كسر شديد..

في المحطة التالتة في مدني برضو سالوه(جداد ده بياكل شنو يا اردوب)...

ادروب عاين كده..وقال ليهم والله انا ماعارف..انا بصحي الصباح بدي كل جدادة

حق الفطور جداد يتصرف براهو!!!



الجماعه كرهو أدروب الChikchen
Post: #6
Title: Re: مالذ وطاب في نكت اهلنا الرباطاب
Author: Sobajo
Date: 04-02-2006, 05:40 PM
Parent: #5



طبعا مع اني فلاتي ... ابكرونا ...
لكن مكسر في أهلنا الرباطاب شديد ..!!

و بتعجبني سرعة بديهتم ....!!!

مستنين المزيد ....!!!

ضحكتونا و فرقتو علينا ....!!!
Post: #7
Title: Re: مالذ وطاب في نكت اهلنا الرباطاب
Author: Mutwali Malik
Date: 04-02-2006, 08:11 PM
Parent: #6

شكرا لجميع المتداخلين الجيلي وسوباجو
رباطابي قاعد في مطعم وكلما حضر زبون يطلب حاجة صاحب المطعم عندو حلة واحدة يفتحها ويغرف منها وتكرر المشهد عدة مرات ونفس الحلة عايز فول عايز كباب عايز عدس عايز كبدة وبرضو نفس الحلة اخونا الرباطابي مشي لصاحب المطعم وقال يااخونا حلتك دي فيها ادراج ولاشنو
Post: #8
Title: Re: مالذ وطاب في نكت اهلنا الرباطاب
Author: Mutwali Malik
Date: 04-03-2006, 09:09 AM
Parent: #7

نكتة
واحد قريبي رباطابي جوهم الجماعة وهم يهللون ابشر ياحاج ولدك الليلة عريس في جنان الخلد وسمعت امه وجات جارية وينو ولدي فقال ليها احدهم ياحاجة ولدك عريس الجنة الليلة ياحاج الحاجة دي بتعمل كدة ليه فما كان منه الا ان قال اديها طلقة عشان تحصل الجرتق
Post: #9
Title: Re: مالذ وطاب في نكت اهلنا الرباطاب
Author: Mutwali Malik
Date: 04-03-2006, 07:46 PM
Parent: #8

رباطابي راكب القطر بتاع الشمالية من غير قصد وعشان مافي نور وطاء رجلين احد الجالسين وكان من جنوب السودان فرد عليه بزهج شديد انت مابشوف ولا شنو تطلع في كراع الناس احسه انت ماشي وين فرد عليه الرباطابي انا ماشي عند اهلي انت ماشى وين
Post: #10
Title: Re: مالذ وطاب في نكت اهلنا الرباطاب
Author: كوليل
Date: 04-03-2006, 07:59 PM
Parent: #1

بالغت لاكن فى الجرتق دى
Post: #11
Title: Re: مالذ وطاب في نكت اهلنا الرباطاب
Author: خالدة البدوي
Date: 04-04-2006, 06:24 AM
Parent: #1

اخونا متولي

لك التحية

اهلنا الراطاب الله يذكرهم بالخير دائماًيسعدونا بسرعة

البديه وليست مساختهم كما اشرط

رباطابي عنده فرن جاهو مسكين قال ليهو ( لي يومين ما ضقت

طعم الرغيف ) الرباطابي قال ليهو : ( ياهو طعمو زاتو ما اتغير ) .
لك التحية ،،،
Post: #12
Title: Re: مالذ وطاب في نكت اهلنا الرباطاب
Author: طرقوش
Date: 04-04-2006, 07:10 AM
Parent: #11

أحمد عمر الرباطابى غفر الله له جا راكب حمارو فى المحطة القطر قامت واحدة من شباك القطر قالت ليهو يا حاج داير تركب بى حمارك دا؟
قام قاليها هو انتى ركبتى بى جملك البحمينى اركب بى حمارى شنو؟
Post: #13
Title: Re: مالذ وطاب في نكت اهلنا الرباطاب
Author: Mutwali Malik
Date: 04-04-2006, 07:12 AM
Parent: #11

الاخ كوليل شايف حكاية الجرتق دي عجبتك وشكرا للمرور
الاخت خالدة والله انا رباطابي لي اربعين سنة اول مرة اسمع النكتة دي وضحكت حتي وقعت لك التحية
رباطابي راكب القطر وجالس جنبو واحد شايقي كل ماتجي محطة يقيف ويقول دي ما ابوحمد قاصد محطة الرباطابي وعمك ماسائل فيهو كرر الحكاية عدة مرات وبرضو عمك ماهببو ليهو واخيرا جات محطة الرباطابي ولملم حاجاتو واستعد للنزول فقال ليهو الشايقي دي ابوحمد قال ليهو لا دي ابوظبي انزل اشتغل
Post: #14
Title: Re: مالذ وطاب في نكت اهلنا الرباطاب
Author: Mutwali Malik
Date: 04-05-2006, 07:20 AM
Parent: #13

الشكر موصول لكل من تصفح هذا البوست ولك شكري اخي طرقوش ولطفا بالقوارير
ودي واحدة حصلت بالجد وهي كنا في رحلة بالقطر للرباطاب لحضور زواج احد الاقارب وعند وصولنا الي ابوحمد اراد اخي صلاح مالك ان يثبت ان اهلنا الرباطاب سريعي الرد فذهب الي احدهم وكان يبيع البرتقال وسالوا ياحاج الدستة بي كم فقال ليهو خمسة الاف جنيه فقال حرام عليك ياحاج انا جاي اسع من الخرطوم وهناك الدستة بي الفين ونص ويدوك معاه برتقالتين زيادة فرد عليهو الحاج طيب ياولدي ماجبت معاك دستتين لي شنو
Post: #15
Title: Re: مالذ وطاب في نكت اهلنا الرباطاب
Author: Khalid Saeed
Date: 04-05-2006, 01:31 PM
Parent: #14

الأخ متولي تحياتي لك ..
قالوا رباطابي ولده أتفلق في راسوه .. وكان الوقت ليل ساقوا وراح العيادة
الدكتور عاين ليه كده وقال ليه كان تجي بدري شوية ياحاج .. الرباطابي قال
ليه بدري متين قبل مايتفلق .
قالوا رباطابي ببيع خرفان .. جاهو واحد إشتره منه خروف .. وبعد مارفع الخروف في العربية .. رجع للرباطابي وقال ليه وين القش بتاع الخروف ..
الرباطابي قال ليه أنا بعته ليك مكيف .
ولك التحية ،
Post: #16
Title: Re: مالذ وطاب في نكت اهلنا الرباطاب
Author: Gamal Abayazid
Date: 04-05-2006, 01:40 PM
Parent: #15

الاخ متولي
قالو واحد سافر لابوحمد واول ما نزل من القطر لقى شافع رباطاب بيببع في ليمون قام قال ليهو يا ولد ليمونك ده فيهو موية قام الشافع رد عليهو بسرعة - نان قالوك ساقنوا بالتيمم
Post: #17
Title: Re: مالذ وطاب في نكت اهلنا الرباطاب
Author: Gamal Abayazid
Date: 04-05-2006, 01:52 PM
Parent: #16

قالو واحدة من حريم الرباطاب كانت بتبيع زلابية وطعمية للركاب في محطة ابوحمد بعدين الايام ديك شغلو القطر الاكسبرس وكان ما بيقيف في اي محطة المهم الحاجة دي القطر جا ماشيفيها بووووو وماباعت اي حاجة وقامت رجعت البيت قام الراجل قال - انشاء الله بعتي كويس الليلة
قامت ردت قالت ليهو- بعت شنو الشئ ما جا ماشي فيني زي ترجمة الفلم الاجنبي
Post: #18
Title: Re: مالذ وطاب في نكت اهلنا الرباطاب
Author: Mutwali Malik
Date: 04-05-2006, 02:08 PM
Parent: #17

الشكر لكم اخي خالد سعيد وجمال ابايزيد
رباطابي جزار جاو واحد قال ليهو عايز راس نيفة بس صلحو كويس فردعليهو اصلحو كيف يعني البسو نظارة
Post: #20
Title: Re: مالذ وطاب في نكت اهلنا الرباطاب
Author: Tragie Mustafa
Date: 04-05-2006, 02:40 PM
Parent: #18

الفاضل متوكل مالك

شكرا لك وكل الاخوة فقد اضحكتونا.

ودي واحده عن الرباطاب ايضا:

قالوا كان في رباطابي مستني قطر الشماليه,قامت سألته أمراه برضها عايزنه نفس القطر

لكنها طرشها,قالتالقطر ده قطر كريمه)رد عليها ايوه.

ثاني سألت لانه لم تسمعه(القطر ده قطر كريمه) رد عليها ايوه.

ثالثا سألتهالقطر ده قطر كريمه) فصرخ بوجهها قائلا: (انت القطر ده الا يشلخوها لك

حتى تعرفيه قطر كريمه).

تراجي.
Post: #45
Title: Re: مالذ وطاب في نكت اهلنا الرباطاب
Author: maia
Date: 04-08-2006, 07:47 AM
Parent: #16

Quote: قالو واحد سافر لابوحمد واول ما نزل من القطر لقى شافع رباطاب بيببع في ليمون قام قال ليهو يا ولد ليمونك ده فيهو موية قام الشافع رد عليهو بسرعة - نان قالوك ساقنوا بالتيمم


ابدعت فيها دي
Post: #19
Title: Re: مالذ وطاب في نكت اهلنا الرباطاب
Author: الناظر
Date: 04-05-2006, 02:21 PM
Parent: #1

يا متولى اخوى قالو فى واحد من عندكم راكب القطر و شايل ديك و احد سالو ماشي تبيعو قالو لا ماشي اغير نغماتو
Post: #21
Title: Re: مالذ وطاب في نكت اهلنا الرباطاب
Author: Sobajo
Date: 04-05-2006, 02:45 PM
Parent: #19

Quote: الاخت خالدة والله انا رباطابي لي اربعين سنة





دي براها نكتة ...

عملت زي الولد السألوه في المدرسة .. قالوليه ابوك عمرو كم ...
قاليهم : و الله ما عارف لكن طول معانا ...!!!

و تسلم يا حبيبنا ..!!!
Post: #22
Title: Re: مالذ وطاب في نكت اهلنا الرباطاب
Author: Ahmed El Gasim
Date: 04-05-2006, 03:01 PM
Parent: #21

متولي
Quote: Quote:والله انا رباطابي لي اربعين سنة

طيب انت ما قدري عدييييل كدة...
شكرا....نيابة_ عن نسايبي - من حيكم في ام درمان الرباطاب....
نسيبتي قالت انو انا بقيت ردي سريع...الظاهر عدوتكم زي بديهتكم...سريعة
وحاجة تانية...
زواجكم....
...
تابيدة......
غايتو الليلة... يا متولي...جهزوالاجاويد لي انا .....
لهم الحب
اهلي ابناء رباط...
ولكم
احمد القاسم
Post: #23
Title: Re: مالذ وطاب في نكت اهلنا الرباطاب
Author: Sobajo
Date: 04-05-2006, 03:14 PM
Parent: #22





يا جماعة انا بفتش لي حميدة ...

ما جاكم بي جاي ...!!!
Post: #24
Title: Re: مالذ وطاب في نكت اهلنا الرباطاب
Author: Mutwali Malik
Date: 04-05-2006, 09:55 PM
Parent: #23

الشكر لكل المتداخلين والمتداخلات تراجي- الناظر- احمد القاسم - سوباجو
واهلنا الرباطاب ديل لذيذين خالص
مرة في واحد جاو ضيف رباطابي وكان مستعجل فقال لي ولدو الضيف دا جيب ليهو الشاي انا ماشي مشوار وراجع وعند روجوعو قال لولدو الضيف تنيت ليهو الشاي يعني اديتو الكباية التانية فرد الرباطابي قالو لك لو اداني التالتة ماشي اسكر واترتح
Post: #25
Title: Re: مالذ وطاب في نكت اهلنا الرباطاب
Author: Khalid Saeed
Date: 04-06-2006, 04:48 AM
Parent: #24

الأخ متولي تحياتي ..
يظهر أنو الرباطاب ديل حيقلونا نسكن في البوست ده .
أسمع دي ..
قالوا رباطابي نزل ضيف عند جماعة .. جابو ليه الفطور سليقه .. والغداء سليقة
والعشاء سليقه .. سأل صاحب البيت إنته شغال شنو .. قال ليه جزار .
الرباطابي قال ليه الليله ضابح ليك صهريج .
أخوك خالد سعيد
Post: #26
Title: Re: مالذ وطاب في نكت اهلنا الرباطاب
Author: hatim
Date: 04-06-2006, 05:21 AM
Parent: #25

Quote: الرباطابي قال ليه الليله ضابح ليك صهريج






دي بالغت فيها...
Post: #27
Title: Re: مالذ وطاب في نكت اهلنا الرباطاب
Author: Mutwali Malik
Date: 04-06-2006, 07:54 AM
Parent: #26

اخي خالد سعيد البوست ملك حر ليك ودي اول مرة اسمعها حكاية الصهريج دي
وهاك دي مرة في واحد رباطابي جاء الخرطوم لزواج وفي الغداء هو بحب اللحمة شديد المهم مركز في الصواني وعايز يختار واحدة تكون فيها ضلعة كبيرة المهم كل ماتطلع صينية يشوفها يلقاها رقبة البعدها برضو رقبة البعدها برضو رقبة المهم حوالي عشرة صواني وبرضو رقبة قال ليهم ياجماعة انتو ضابحين زرافة ولا شنو
شكرا اخي حاتم علي المرور وتسلم
Post: #28
Title: Re: مالذ وطاب في نكت اهلنا الرباطاب
Author: Mutwali Malik
Date: 04-06-2006, 08:30 AM
Parent: #27

رباطابي مشي الجزارة اشتري ليهو عفشة كمونية وماشابه المهم شايلة في كيس ومتحاشي انها توسخ الجلابية شافو ادروب وحبا يمازحو قال ليهو يا الليلة رباطابي كلاب عازم فرد ليهو ايي كرتكم ماجاكم
Post: #29
Title: Re: مالذ وطاب في نكت اهلنا الرباطاب
Author: عامر تيتاوى
Date: 04-06-2006, 10:07 AM
Parent: #28

صديقى متولى الفنان .. بوست جميل

طبعا انا اعتبر اهلنا الرباطاب اناس يتمتعون بالذكاء وسرعة البديهة التى تعبر عن نفس

تجيد التعامل مع كل المواقف بالرد المناسب وهذه ليست مساخة او طريقة جافة فى التعامل

مع الاخرين وانما تعبير حقيقى عن الرد المناسب لاشياء تعتمد على المبالغة السودانية مثلا

الواحد يلقاك شايل بشكيرك ومويتك تنقط يقول ليك استحميت زى ده الرباطابى بقول ليهو

لا طقتنى مطرة جوة ..

اسمع دى يامتولى

قالوا فى جماعة بحفروا فى المقابر وعنقريب الجنازة جنبهم قاليك جا واحد مارى وقال

ياجماعة انشا الله خير بتحفروا مالكم.. الرباطابى رد عليهو قال ليهو خير .. بس بنطلع فى صارقيل
Post: #30
Title: Re: مالذ وطاب في نكت اهلنا الرباطاب
Author: Mutwali Malik
Date: 04-06-2006, 10:20 AM
Parent: #29

اخي عامر بي زيارتك بوستنا نور
رباطابي في اثناء الطواف في الحج عفص ليهو مراة عفصة غير مقصودة فقالت ليهو شنو انت مجنون فرد ليهاايي عريان وبفلع في الحجار
Post: #31
Title: Re: مالذ وطاب في نكت اهلنا الرباطاب
Author: على محمد على بشير
Date: 04-06-2006, 11:16 AM
Parent: #29

Quote: قالوا فى جماعة بحفروا فى المقابر وعنقريب الجنازة جنبهم قاليك جا واحد مارى وقال

ياجماعة انشا الله خير بتحفروا مالكم.. الرباطابى رد عليهو قال ليهو خير .. بس بنطلع فى صارقيل



عامر تيتاوى

الله يجازى محنك !!
Post: #32
Title: Re: مالذ وطاب في نكت اهلنا الرباطاب
Author: Hani Arabi Mohamed
Date: 04-06-2006, 11:29 AM
Parent: #31

Up
Nice
Post: #33
Title: Re: مالذ وطاب في نكت اهلنا الرباطاب
Author: Abdelrahman Elegeil
Date: 04-06-2006, 02:22 PM
Parent: #32

قالوا في حاجة اهلها ركبوها قطر كريمة وحذروها انه في محطة ابوحمد لا تفتح شباك القطر ولاتتكلم مع زول

القطر جاء في محطة كدي الساعة اربعة صباح وفي صوت بنت ينادي شاي اللبن شاي باللبن الحاجة فتحت شباك القطر وقالت هوي يا بنية شايك دا بي لبن شنو؟ ردت البنت بلبن عشر
الحاجة ردت اجي هي دي تاريها ابوحمد ردت عليها بنية الرباطاب لا دي ابوظبي
Post: #34
Title: Re: مالذ وطاب في نكت اهلنا الرباطاب
Author: khaleel
Date: 04-06-2006, 03:43 PM
Parent: #33

واحد قابل رباطابي قال ليهو

عمو عمو الشايلو دها جنزير

الرباطابي

قال ليهو

لا يا ولدي


دها جن قلة
Post: #35
Title: Re: مالذ وطاب في نكت اهلنا الرباطاب
Author: Tumadir
Date: 04-06-2006, 03:55 PM
Parent: #34

الرباطابى شاف ليه زول عطشان بيشرب فى موية بخشم الجك

قال ليهو الشى بالع لك بشكير؟؟
Post: #36
Title: Re: مالذ وطاب في نكت اهلنا الرباطاب
Author: فضيلي جماع
Date: 04-06-2006, 05:05 PM
Parent: #35

الأخ العزيز/ متولي مالك

شكرا على كسر الرتابة وتقديمك هذا البوست الناجح. ولعل أكثر ما أعجبني في الفكرة أن يتناول شخص من نفس العشيرة أو المنطقة أو الإقليم هذه الطرائف ودون تعقيدات أو إحساس بمركبات نقص . أذكر أيضا أن أحد الإخوة من أحبابنا الجعليين قدم قبل عام أو كذا قفشات عنهم‘ فكان بوست ناجح للغاية. مثل هذه الطرائف ليس بالضرورة أنها حصلت ولكنها جزء من عبقرية المكان وأهله. نكتة الرباطاب لاذعة السخرية وسريعة الإيقاع وهي وثيقة الصلة بسرعة البديهة والذكاء كما يذهب معظم الناس -وأنا منهم. ونكتة الجعلي مثلا ( رغم الصورة الكاريكاتيرية التي ترسمها للجعلي وحماقته ) إلا إن خلاصتها دائما تلك الحصيلة النورانية للإنسان الشهم والشجاع إلى درجة التهور. مثل هذه النكات تتنوع وتكاد في بعض أقاليم السودان تكون متبادلة بين مجموعات متجاورة تحاول كل منها النيل من الأخري إما بمدح الذات أو القدح في الآخر. هذا مخزون ثقافي لو أحسنا الإستفادة منه لقدمنا لدفتر الثقافة السودانية الكثير.
Post: #37
Title: Re: مالذ وطاب في نكت اهلنا الرباطاب
Author: Mutwali Malik
Date: 04-06-2006, 06:23 PM
Parent: #36

شكرا لجميع المتداخلين والمتداخلات والله اثلجتوا صدورنا
علي محمد- هاني عربي - عبدالرحمن- خلي الفردة- تماضر - واستاذي فضيلي جماع وفعلا اهلنا الرباطاب ناس رائعيين ومرة واحد عاوز يمازح واحد رباطابي قال ليهو انتو اصلكم من وين فرد ليهو انحنا جدنا جاب ولديين ربيط وبريط ربيط دا جد الرباطاب وبريط جد البريطانيين
Post: #38
Title: Re: مالذ وطاب في نكت اهلنا الرباطاب
Author: munswor almophtah
Date: 04-06-2006, 06:26 PM
Parent: #36

حلفاوى عايش فى بلد الرباطاب ومتدين جيرانو حصل عندهم بكاء فى قريه خارج أبوحمد والمقابر بتاعة القريه بعيده شديد الحلفاوى مشى مع الجيران ولحقو العنقريب مارق يادوب الجماعه ختو العنقريب وشالوا الفاتحه طوالى الحلفاوى مسك كراع العنقريب ومافى أى زول شهدو أو غيرو فجاة صاح يا جماعه ختو العنقريب الجماعه قايلين يمكن الحلفاوى عاوز يشيل فاتحه للجثمان فصاح الحلفاوى يا جماعه إنتو فطيس بتاعكم دا رايحين تدفنوه والله مودنوا الآخره طوالى........



منصور
Post: #39
Title: Re: مالذ وطاب في نكت اهلنا الرباطاب
Author: Ibrahim Adlan
Date: 04-06-2006, 06:39 PM
Parent: #1

رباطابي مرتو قالت ليهو اشتري لي قميص نوم قال ليها ليه اللابسا دا مساهر بيك؟

شكرا لكسر الرتابة
Post: #40
Title: Re: مالذ وطاب في نكت اهلنا الرباطاب
Author: بدرالدين شنا
Date: 04-07-2006, 00:16 AM
Parent: #1

الراجل راكب في القطر بالليل وجيعان جوعة كافرة ومنتظر الدنيا تصبح والقطر يقيف في أي محطة عشان يشرب ليهو شاي بي لقيمات يسد بيهن جوعتو .. لسوء حظو كانت المحطة هي أبو حمد وكان في رباطابي يبيع في حبال ويكورك حبال حبال حبال الراجل حسب جوعتو إفتكرو بتاع الشاي وقعد ينادي فيهو المهم الراطابي لمن قررررررب منو الجيعان تبين الصوت ولقاهو بقول حبال حبال حبال فصاح فيهو
ياخي أنا جيعان والدنيا الصباح في زول ببيع حبال من الدغش
فغير الرباطابي الصياح قائلاً
حبال بي لبن .. حبال بي لبن
Post: #41
Title: Re: مالذ وطاب في نكت اهلنا الرباطاب
Author: Mutwali Malik
Date: 04-07-2006, 10:47 AM
Parent: #40

الاخوان منصور - ابراهيم - بدالدرين لكم التحية
بدرالدين شنا دي شكلها من محطة التلفزين الاهلية
دكتور رباطابي جاتو امراة كبيرة وقالت ليهو عيانة شديد وعايزة لي دواء سريع فكشف عليها واعطاها حبوب وقال ليها ابلعي اتنين ويتبقي كويسة فطلعت برة ومن زير العيادة بلعت الحبتين ورجعت للدكتور الحبوب بلعتهم ومابقيت كويسة قال ليها ياحاجة انا اديتك اسبيرات
Post: #42
Title: Re: مالذ وطاب في نكت اهلنا الرباطاب
Author: Mutwali Malik
Date: 04-07-2006, 10:24 PM
Parent: #41

دكتور رباطابي جاتو عمتو شاكية وقالت ليهو ياولدي الحتة دي تحت البطن لمن ادوسها بتوجعني فرد ليها ياعمتي ماتدوسيها
Post: #43
Title: Re: مالذ وطاب في نكت اهلنا الرباطاب
Author: Mutwali Malik
Date: 04-08-2006, 07:17 AM
Parent: #42

رباطابي جاء الخرطوم لحضور زواج وكان متوقع في العشاء مالذ وطاب من الصواني الكبيرة زي مابيحصل في البلد المهم وقت العشاء عمك جابو ليهو صحن ورق وحاجة باردة وبعد ما اكل لمو منو صحانة الورق فعلق علي ذلك قائلا العرس زي امتحان الشهادة جابو الورق ولمو الورق
Post: #44
Title: Re: مالذ وطاب في نكت اهلنا الرباطاب
Author: Mutwali Malik
Date: 04-08-2006, 07:39 AM
Parent: #43

عمنا الفنان احمدعمر الرباطابي مرة حصلت عنده وفاة الصباح حوالي الساعة الرابعة المهم الوقت بدري وعندو جارو فكر انو ما حايدققو في الناس الدفنو منو المهم قال يجي الصباح ومعاهو كفتيرة شاي ويقوم بالواجب واول زول قابلو الصباح كان احمد عمر فقال ليهو كيف اصبحتو فرد عليهو اصبحنا ابونا مات
Post: #46
Title: Re: مالذ وطاب في نكت اهلنا الرباطاب
Author: Mutwali Malik
Date: 04-08-2006, 09:48 AM
Parent: #44

مرة في بيت بكاء والناس شغالة تعمل في الشاي جاء عمنا وهرج وجاط وقال انتو بتتاخرو ليه والناس مشو وماشربو الشاي فرد ليهو واحد ياعمي انت قائل الخرطوش دا بجيب لنا موية فائرة
دي حصلت جد بين اهلناالرباطاب مع بعضهم يعني رد في محلو
Post: #47
Title: Re: مالذ وطاب في نكت اهلنا الرباطاب
Author: Khalid Saeed
Date: 04-08-2006, 10:18 AM
Parent: #46

الحبيب متولي ...
قالوا رباطاب قاعدين يحفروا في قبر في المقابر .. جاء واحد قال ليهم السلام عليكم
قالوا ليه عليكم السلام .. قال ليهم خير مالكم .. قالوا ليه عندنا واحد مات .. قال ليهم مات هنا ولا خبر .. قالوا ليه خبر .. قال ليهم سمح بتحفروا ليه ..
قالوا ليه دايرين ندفن التلغراف .
لك التحايا .. ياجميل .. والتحايا لي أهلنا الرباطاب .. بالمناسبة .. جيرانا في عطبرة
ونسايبنا .. وحبايبنا .. فلهم الحب .
أخوك / خالد سعيد
Post: #48
Title: Re: مالذ وطاب في نكت اهلنا الرباطاب
Author: Mutwali Malik
Date: 04-09-2006, 11:42 AM
Parent: #47

الشكر لك اخي خالد سعيد وانا والدي كان ناظر سكك حديد عطبرة ولدي اهلي الكثيريين عمنا رحمة الله عليه مجذوب احمد المهدي وكذلك هاشم الحسين وسيداحمد الشيخ
كذلك اهلنا الرباطاب عندهم دقة الوصف مثال
مرة واحد رباطابي جاء زيارة لامدرمان وعند نزوله عند احد اقاربه كان عندهم عتود صغير ينط من جهة لي جهة وعمل دوشة صاحبنا الموضوع ماعاجبو المهم العتود ركب في تربيزة ووقف فقال ليهو الرباطابي انزل عامل زي مكاينة الخياطة السنجر
Post: #49
Title: Re: مالذ وطاب في نكت اهلنا الرباطاب
Author: Mutwali Malik
Date: 04-09-2006, 12:26 PM
Parent: #48

قطار الوحدة كان قطر سريع بين الخرطوم وعطبرة له راسيين يصل عطبرة يقلب علي طول للخرطوم الرباطابي شاف القطر قال ليهم دا شنو الزي شريط الكاسيت
Post: #50
Title: Re: مالذ وطاب في نكت اهلنا الرباطاب
Author: serenader
Date: 04-10-2006, 05:56 AM
Parent: #1

شكراً لك لإضافة مسحة من الهدوء على هذا المنبر.. وإفساحك متكئاً للترويح بدلاً عن التلويح والتكتيح.. هاك ديل:

* رباطابي قالوا له الدابي لمن يعضي زول بخلي سنونو في مكان العضة.. قال ليهم: طيب وكان بعد دقيقتين لاقا ليهو زول تاني وعايز يعضيهو؟ قالوا له: بتكون قامت ليهو سنون تاني.. قال ليهم: هو دابي ولا دباسة؟

* حمار اتعود يحك راسو بشباك فصل في مدرسة.. الاستاذ قال لي الطلبة: الحمار ده كل يوم بعمل كده عندو ود عم هنا ولا شنو؟رد عليهو تلميذ رباطابي: والله ما بجي إلا في حصتك يا أستاذ..!!

(للأمانة: وصلوني على الموبايل)
Post: #51
Title: Re: مالذ وطاب في نكت اهلنا الرباطاب
Author: Sobajo
Date: 04-10-2006, 06:13 AM
Parent: #50





متولي البوست بتاعك ظريف و انا متابعو لي كم يوم ..

بس عندي اقتراح .. ما دام الموضة الايام دي فتح الباب للجمهور ...

أقصد بيهم غير الاعضاء علق الميل بتاعك ... و خلي الجماعة يرسلو مشاركاتهم ...

انا متأكد هتثري البوست بتاعك جداً ...

بس ما تنسى الحق الادبي و تذكر صاحب النكتة ...

و دمت ..
Post: #52
Title: Re: مالذ وطاب في نكت اهلنا الرباطاب
Author: Yahia Abd El Kareem
Date: 04-10-2006, 06:17 AM
Parent: #50


رباطابى نزل ضيف عن جماعة وكان عندهم تيس فى الزريبة جنب الصالون عنده نزلة الليل كله

يعطس...الصباح بدرى سيد البيت جا وسال الرباطابى" ان شا الله نمت كويس؟؟ اجاب الرباطابى

بى وين انوم لى تيسك التقول مكوجى مقابل العيد....
Post: #53
Title: Re: مالذ وطاب في نكت اهلنا الرباطاب
Author: Mutwali Malik
Date: 04-10-2006, 08:40 AM
Parent: #52

الشكر لجميع من تصفح وكتب وشارك
يحي - سريندر- سوباجو اقتراحك علي العين والراس
مرة في رباطابي راكب القطر ومافي نور المهم عفص ليهو واحد ولسوء الحظ طلع من الجنوب اعتذر ليهو وقال منو انت فرد ليهو انا اسمي روب فمشي لي قدام وبرضو عفص ليهو رجل فسال منو انت فرد بزهج روب قلنا ليك قال ليهو معليش المهم مشي مسافة في القطر وبرضو عفص ليهو رجل فسال منو فرد ليهو انا روب فرد ليهو روب الحاصل شنو انت اندفقت ولا شنو
My E.Mail: [email protected]
Post: #54
Title: Re: مالذ وطاب في نكت اهلنا الرباطاب
Author: زول ساكت
Date: 04-10-2006, 08:49 AM
Parent: #52

أضحك الله سنكم
Post: #55
Title: Re: مالذ وطاب في نكت اهلنا الرباطاب
Author: Mutwali Malik
Date: 04-10-2006, 09:05 AM
Parent: #54

دكتور رباطابي شغال في الجنوب اول يوم ليهو في العيادة جابو ليهو واحد النمر اكل نص جسمه وقالو للدكتور شوف لينا حل للزول دا فرد ليهم عندكم حل واحد رجعو الزول دا للنمر يتمو بي الغداء
Post: #97
Title: Re: مالذ وطاب في نكت اهلنا الرباطاب
Author: سجيمان
Date: 04-15-2006, 10:12 AM
Parent: #50


Quote: رباطابي قالوا له الدابي لمن يعضي زول بخلي سنونو في مكان العضة.. قال ليهم: طيب وكان بعد دقيقتين لاقا ليهو زول تاني وعايز يعضيهو؟ قالوا له: بتكون قامت ليهو سنون تاني.. قال ليهم: هو دابي ولا دباسة؟

ههههههههههه
ههههههههههه

خطيييييييييييييييييييييييييرة
Post: #56
Title: Re: مالذ وطاب في نكت اهلنا الرباطاب
Author: زياد جعفر عبدالله
Date: 04-10-2006, 09:48 AM
Parent: #1

الشكر الجزيل للاخ Mutwali Malik على هذا البوست الممتاز
هذه حصلت حقيقة:
في احد ايام الجامعة كان الجو شديد الحر وكنا واقفين في الصف لشرب الماء و معي صديقي الرباطابي. وكان كل من يشرب يملا الكوز للذي خلفه, كنوع من اللياقة. المهم الفتاة امام صديقي الرباطابي شربت و ناولته الكوز فارغ, فرد عليها بغضب:
(مدياني ياهو فاضي اسويبو شنو؟؟ اقرمشو؟)
Post: #57
Title: Re: مالذ وطاب في نكت اهلنا الرباطاب
Author: hatim
Date: 04-10-2006, 03:49 PM
Parent: #56

واحد رباطابي سايق ليهو خروف في السوق
لاقاهو جعلي وقال ليهو الخروف ده ماشي تضبحو.؟
الرباطابي قال ليهو لا.
بس مدرستو فتحت ماشي أحلق ليهو..
Post: #58
Title: Re: مالذ وطاب في نكت اهلنا الرباطاب
Author: Mutwali Malik
Date: 04-10-2006, 06:46 PM
Parent: #57

وصلتني هذه الطرائف من شقيقي صلاح مالك
القطر عند وصوله مدينةالشريك بيلف كان الراس مع اخر القطر يتلاصقو المهم الرباطابي شاف المنظر دا وقال عامل زي العجل العايز يلحس ضنبو
- واحد رباطابي عندو بنطون تعطل فجراهو خلي نص في البحر والنص الفيهو الماكينة خارج البحر لتصليحه جاء واحد شليق وقال ليهو البنطون دا خاتنوا كدا ليه فرد عليه ماجايب همه في البحر قلنا نشغلوا خط جوة الحلة
- رباطابي شاف نفق جدة والسيارات فووووو بسرعة فقال عامل زي ماكينة
الفوتو كوبي
Post: #59
Title: Re: مالذ وطاب في نكت اهلنا الرباطاب
Author: نادية عثمان
Date: 04-10-2006, 07:01 PM
Parent: #57

ياسلاااااااااااااااااااااااااااام

والله جزاكم الله عنا كل خير اضحكتونا وازحتو عنا الهم والغم !!

Quote: ومرة واحد عاوز يمازح واحد رباطابي قال ليهو انتو اصلكم من وين فرد ليهو انحنا جدنا جاب ولديين ربيط وبريط ربيط دا جد الرباطاب وبريط جد البريطانيين



واقايتو دى مبالغة عديييييييييييييييييل كده !!

بالمناسبة سجيمان كان اول رباطابى اتعرف بيهو وانت التانى ياسيد البوست الجمييييييييييييل !!

تسلم يارب
Post: #60
Title: Re: مالذ وطاب في نكت اهلنا الرباطاب
Author: Mutwali Malik
Date: 04-10-2006, 10:15 PM
Parent: #59

اخجلتم تواضعنا والواحد لو كان عارف الموضوع حايحلوا كدة كان فتح البوست دا قبل ما بكري يدينا الباسوورد
لكم الشكر زول ساكت- زياد- حاتم - العزيزة نادية عثمان
رباطابي عندو حافلة كل شئ مظبوط تمام الاشارات الانوار المهم وقفوا بوليس المرور وماوجد اي مخالفة فقال ليهو الحافلة دي خط فرد ليهو لا اسكراتش
Post: #61
Title: Re: مالذ وطاب في نكت اهلنا الرباطاب
Author: بدرالدين شنا
Date: 04-11-2006, 00:09 AM
Parent: #1

إتنين كانو بصلو الظهر جماعة إمام ومأموم وجاء واحد تالت وما عارف الإمام اليمين ولا الشمال فالصحيح هو أن يسحب المأموم ليرجع معاهو وراء ويبقى الإمام قدام ولكنه بدلاً من ذلك بدأ يسحب في الإمام يسحب يسحب يسحب والإمام واقف تُج وكان في رباطابي واقف بعيييييييييد ويشاهد في الموقف في النهاية صاح في الزول وقال ليهو
هوي الضلفة دي مقفولة جر التانية
Post: #62
Title: Re: مالذ وطاب في نكت اهلنا الرباطاب
Author: Mohamed Omar Salem
Date: 04-11-2006, 02:10 AM
Parent: #1

صلاح كرار زار ابوحمد لابس لبس البحريه الآبيض مع الخطوط السوداء فشافوا واحد من اهله, فسالون ده منوا...؟ قالولوا ده صلاح كرار ...قال ليهم مالوا عامل زي الكرسيده
Post: #63
Title: Re: مالذ وطاب في نكت اهلنا الرباطاب
Author: Mohamed Omar Salem
Date: 04-11-2006, 02:25 AM
Parent: #1

رباطابي شاف ولدوا إيتسوك واثر المعجون ليسه علي فمه, قال ليه " ياولد مالك متل العجل الوضعان دابوا
Post: #64
Title: Re: مالذ وطاب في نكت اهلنا الرباطاب
Author: Mohamed Omar Salem
Date: 04-11-2006, 02:25 AM
Parent: #1

رباطابي شاف ولدوا إيتسوك واثر المعجون ليسه علي فمه, قال ليه " ياولد مالك متل العجل الرضعان دابوا
Post: #65
Title: Re: مالذ وطاب في نكت اهلنا الرباطاب
Author: عاطف عبدالله
Date: 04-11-2006, 03:04 AM
Parent: #64

رباطابى وشايقى سكاهم مرفعين وقاموا جاريين والمرفعين وراهم وبعد مسافة قام الشايقى قال للرباطابى ياخوى ما تشوف ليك تراب تكشح المرفعين دة قام الرباطابى قال ليه- وانت جارى فى برش ؟
Post: #66
Title: Re: مالذ وطاب في نكت اهلنا الرباطاب
Author: عاطف عبدالله
Date: 04-11-2006, 03:08 AM
Parent: #65

رباطابى عنده لورى مسافر بيه وفى الطريق اللورى اتقلب قام جاء واحد شايقى ماشى قام سأل الرباطابى قال ليهو يا زول انت اللورى ده اتقلب قام الرباطابى قال ليهو لا لا أنا متاكيهو عشان أقعد فى ضله
Post: #67
Title: Re: مالذ وطاب في نكت اهلنا الرباطاب
Author: Mohamed Omar Salem
Date: 04-11-2006, 03:36 AM
Parent: #1

رباطابي سايق قطار و صدم ليه ثور, أخدوه المحكمه..و القاضى سالوا .. التور ده صدمتوا كيف ...؟ وقف الرباطابي و قال ليه "مشيتلوا في زريبتوا و صدمتوا"
Post: #68
Title: Re: مالذ وطاب في نكت اهلنا الرباطاب
Author: Khalid Saeed
Date: 04-11-2006, 03:54 AM
Parent: #67

العزيز متولي / يظهر أنوا نحنا أهل ( المرحوم هاشم الحسين والمرحوم مجذوب والمرحوم محمد) ديل أهلنا عديل كده ... عشان كده البوست ده أنا لي فيه النص ..
أسمع دي ..
رباطابي مركوبه إتقطع .. شاله وداه يصلحه ... الراجل خيط ليه المركوب .. الرباطابي قال ليه حسابك كم .. قال ليه 10 ألف .. الرباطابي قال ليه أصلك خيطته بي بنـــــج .
تحياتي لك وللجميع ..
أخوك / خالد سعيد الأرباب
Post: #69
Title: Re: مالذ وطاب في نكت اهلنا الرباطاب
Author: عاطف عبدالله
Date: 04-11-2006, 04:15 AM
Parent: #68

قطر كريمة كان زحمة شديدة جدا ، واحد معاه ولدوا الصغير يادوب لقي ليهو مساحة نام في الممر ،وولدونام جنبو ، والدنيا ليل ، قام الرجل صحي فجأة ما لقي ولدو الصغير راقد جنبو ، فقام يفتش عليهو والدنيا ظلام شديد ، ولسؤ حظه قام لكز واحد رباطابي نايم جنبو وصحاه من النوم ، فقام الرباطابي زعل وقال للراجل :- يازول بتلاكز مالك ؟ قام الراجل قال ليهو :- ياخوي بفتش علي ولدي ..... قام الرباطابي رد عليهو بزعل :- ولدك دا إبريق ؟ ماتكوركلو
Post: #70
Title: Re: مالذ وطاب في نكت اهلنا الرباطاب
Author: عاطف عبدالله
Date: 04-11-2006, 05:16 AM
Parent: #69

روباطابي مسكو أبو الشهيق قال لي والدو يا جني اجر جيب موية ولدو قال ليهو يابا موية شراب , قال ليهو لا موية كبسولات.
Post: #71
Title: Re: مالذ وطاب في نكت اهلنا الرباطاب
Author: Mutwali Malik
Date: 04-11-2006, 07:03 AM
Parent: #70

الشكر لجميع المتداخلين من رباطاب وماجاورهم
قطر الوحدة من القطارات السريعة جدا لذلك منعو التسطيح فيها اي الركوب في ضهرها المهم القطر شغلوا بين عطبرة والشمالية فمرة واحد رباطابي سطح في القطر من عطبرة لمن وصل ابوحمد شافوا واحد فقال الله الله الليلة الدحشة روضوها
Post: #72
Title: Re: مالذ وطاب في نكت اهلنا الرباطاب
Author: خالدة البدوي
Date: 04-11-2006, 07:09 AM
Parent: #1


بوست جميل متولي

لك التحية ،،،

رباطابي جالس بجوار احد راكبي القطار المتجه إلى الشمال جارة قال ليه انت من الجزيرة

الرباطابي قال ليه لا من ال MBC .



تنوية للسؤال عندما يكون ليس في مكانه ،،،
Post: #73
Title: Re: مالذ وطاب في نكت اهلنا الرباطاب
Author: زياد جعفر عبدالله
Date: 04-11-2006, 07:10 AM
Parent: #1

UP
Post: #74
Title: Re: مالذ وطاب في نكت اهلنا الرباطاب
Author: Mutwali Malik
Date: 04-11-2006, 07:36 AM
Parent: #73

رباطابي قاعد يصطاد في البحر من الصباح السنارة ماغمزت المهم اخر حاجة اصطاد ليهو سمكة صغيرة المهم زهجان وشايل السمكة ومافكاها من السنارة قابلوا واحد قال ليهو السمكة دي صايدة قال ليهو لا نطت من البحر فوق سنارتي
Post: #75
Title: Re: مالذ وطاب في نكت اهلنا الرباطاب
Author: Mutwali Malik
Date: 04-11-2006, 08:54 AM
Parent: #74

رباطابي مربي جداد في البيت المهم في صقر مجننو جن كل ماتظهر سوسيوة الصقر يختفها ويطير الحكاية مزهجا الرباطابي يوم انتظر الصقر ومع نزولو كف قبضوا وقام جاب مقص كبير وقطع منقار الصقر وفكا وقال ليه شوف ليك زول يسوي ليك شوربة
Post: #76
Title: Re: مالذ وطاب في نكت اهلنا الرباطاب
Author: saifkeli
Date: 04-12-2006, 05:51 AM
Parent: #75

الفنان أحمد عمر الرباطي عليه رحمه الله .. عندما حضر إلى الاذاعة لإجازة صوته .. وغني قدام اللجنة وأطربهم بما فيه الكفاية .. الجماعة حبوا يطلعوا منو نكته ، قام رئيس اللجنة قال ليه :
والله يا أحمد صوتك حلو وغناك جميل لكن للأسف ما حنقدر نجيز صوتك عشان الشيالين بتاعين الكورس عندك تلاثة والمفروض يكونوا أربعة .
قال ليهم : ليه هم حا يشيلوا أغنية ولا عنقريب جنازة ..

تخريمة

رباطابي سأل أخوه : على الله في أحسن من قولت هاك ؟
رد أخوي : أي .. قولت أقيف أزيدك

شكراً متوكل للبوست الرائع 00 المزيد من هذا الابداع
Post: #77
Title: Re: مالذ وطاب في نكت اهلنا الرباطاب
Author: عاطف عبدالله
Date: 04-12-2006, 06:21 AM
Parent: #76

واحد رباطابي لابس نظارة لاقاهو شافع في الشارع قاليهو :يا أبنظارة نظارتك دي نظر قاليهو لأ!!!شم.
Post: #78
Title: Re: مالذ وطاب في نكت اهلنا الرباطاب
Author: Mutwali Malik
Date: 04-12-2006, 10:59 AM
Parent: #77

الشكر لكم احبتي علي هذا الكرم الفياض
رباطابي حصلت ليهم وفاة وعندو واحد صديقو لم يحضر للعزاء في البلد المهم صديقو حصلت ليهو وفاة في الخرطوم فركب القطر وحضر للعزاء وعند قراءة الفاتحة وقف صديقو للفاتحة فقال ليهو الفاتحة دي مو ليك لي اخوك محمد فرد ليهو سمح خلي اخوي محمد يصرفها في البنك
Post: #79
Title: Re: مالذ وطاب في نكت اهلنا الرباطاب
Author: الأمدرمانية
Date: 04-12-2006, 11:04 AM
Parent: #78

رباطابي راكب حافلة 00جا ينزل طقطق للكمساري00الكمساري قال ليه داير تنزل الرباطابي قال ليه :لا بدور أجاوب00أطقطقلك انت مجرتك!؟
Post: #80
Title: Re: مالذ وطاب في نكت اهلنا الرباطاب
Author: Mutwali Malik
Date: 04-12-2006, 11:35 AM
Parent: #79

رباطابي التمساح اكل ولدو وفي البكاء واحد سالو التمساح اكل ولدك وين فرد ليهو اكلوا في مطعم السطح
Post: #81
Title: Re: مالذ وطاب في نكت اهلنا الرباطاب
Author: عامر تيتاوى
Date: 04-12-2006, 12:45 PM
Parent: #80

صديقى الظريف متولى

واحدة حنكوشة دخلت مطعم قراصة صاحبو رباطابى .. قالت ياعمو عليك الله ادينى سندويتش

قاليها يابتى عندنا قراصة كان دايرة سندويتش جيبى ابرة وخيط
Post: #82
Title: Re: مالذ وطاب في نكت اهلنا الرباطاب
Author: هشام آدم
Date: 04-12-2006, 12:59 PM

__________

الظريف متوكل مالك

تسلم ياخي على البوست ده .. فكرة جميلة لجمع نكات أخوتنا الرباطاب وأرجو أن تتسع صدورهم لما يقال هنا .. فالأخوة بالتأكيد لا يقصدون الاستهزاء أو السخرية .. أو هكذا أظنهم.

في واحد رباطابي جنننننو سكر .. وعندو جار أنصار سنة. جارو مشى ليهو ينصحوا وشبكو ليك: الخمرة دي بتودر العقل .. الخمرة دي بتعمل ليك تليف في الكبد يعني بالعربي كدا الخمر دي يعني ( موت بطيييييء ) قام الرباطابي اتلفت عليهو وقال ليهو ( أنا زاتي ما مستعجل ) !!!!!
Post: #83
Title: Re: مالذ وطاب في نكت اهلنا الرباطاب
Author: Mutwali Malik
Date: 04-12-2006, 06:59 PM
Parent: #82

اخي هشام ادم لك التحية اهلنا الرباطاب لهم الود يتمتعون بسعة الصدر وما فتح هذا البوست من رباطابي ياباني يعني اصلي الا دليل علي ذلك خدوا راحتكم وحقوق النشر محفوظة
رباطابي بتاع لبن المهم عندو زبون محامي مرة زوجتو غالطت الرباطابي في حق يومين مدعية انو كان في مطرة والرباطابي مصر انو اداهم اللبن في اليوم البعدو فتدخل زوجها المحامي وقال ليهو انحنا ماممكن تغالطنا ابدا فرد ليهو اغالطك كيف وانت الغلاط فاتح لو مكتب
Post: #84
Title: Re: مالذ وطاب في نكت اهلنا الرباطاب
Author: Mutwali Malik
Date: 04-13-2006, 07:52 AM
Parent: #83

شافع رباطابي ببيع البيض في محطة القطر فنادي عليه واحد مشلخ تعال اديني ثلاثة بيضات ولمن اداهو البيض قال ليهو دا شنو بيض مسلوق فرد الشافع اي مسلوق انا ماقائلك داير تركض فيهواي تحضنه
Post: #85
Title: Re: مالذ وطاب في نكت اهلنا الرباطاب
Author: Mutwali Malik
Date: 04-13-2006, 02:06 PM
Parent: #84

رباطابي في عزومة زواج لاحظ انو في زول نائم نومة عميقة جدا بس في اللحظة الختو صينية الاكل عمك تترب صحي وابتداء يلقلق فعلق الرباطابي زولكم دا كان مختوت في الشاحن
Post: #86
Title: Re: مالذ وطاب في نكت اهلنا الرباطاب
Author: عامر تيتاوى
Date: 04-13-2006, 03:52 PM
Parent: #85

اخونا الرباطابى شايلو ديك تحت برج البركة قدام محلات الموبايلات .. قام فى واحد قال ليهو

ياخونا الديك دا للبيع .. رد عليهو الرباطابى .. لا داير اغيرلو النغمات
Post: #87
Title: Re: مالذ وطاب في نكت اهلنا الرباطاب
Author: هشام آدم
Date: 04-13-2006, 04:18 PM
Parent: #86

________________

رباطابي مشى لدكتور أسنان ... بعد ما الدكتور كشف عليهو .. قال ليهو : أسنانك دي تعبانة شديد .. لازم أحشيهو .. قام الرباطابي قال ليهو : أخير ليك تختو في صحن !!!
Post: #88
Title: Re: مالذ وطاب في نكت اهلنا الرباطاب
Author: Mutwali Malik
Date: 04-13-2006, 10:02 PM
Parent: #87

شايقي عاوز يقرق علي رباطابي فقال ليهو ابوحمد دي شنو فرد ليهو ابوحمد دي راجل لي كريمة
Post: #89
Title: Re: مالذ وطاب في نكت اهلنا الرباطاب
Author: مزمل التريكى
Date: 04-14-2006, 05:25 AM
Parent: #1

أهاااااااااااااااااااااااااااااا
طالما هبشت الشوايقه .......... تللللبت نحن نطينا
قال ليك واحد شايقى شغال كمسارى فى القطر
ركبوا ليك معاو أربعه رباطاب من أبوحمد
جا مارى فيهم الشايقى قال ليهم: التزاكر
قالوا ليه تزاكر شنو يا زول نحن نازلين بربر هنا ما واصلين معاك
قال ليهم : كويس بيعفن وبنشم

تسلم يا كولا وشكرا وعلى البوست الممتع ده .... واصل........أنا ومعاى كميه من أصحابى متابعين متابعين بى شغف شديد جدا وبالمناسبه ببلغوك التحايا
Post: #90
Title: Re: مالذ وطاب في نكت اهلنا الرباطاب
Author: Mutwali Malik
Date: 04-14-2006, 09:14 AM
Parent: #89

اخي مزمل التريكي شكرا لمرورك الانيق وياكم اولادعمنا
اخوان رباطاب مشو المقابر يشيلوا الفاتحة في قبر ابوهم المهم في المقابر تشابهت عليهم القبور واتغالطوا في القبر دا لا ما دا اهو دوك
واثناء ذلك مر عليهم واحد رباطابي فسالهم عن المشكلة فذكروا ليهو انهم مختلفين في قبر ابوهم فرد ليهم انتو دايرين تحولولو مصاريف
Post: #91
Title: Re: مالذ وطاب في نكت اهلنا الرباطاب
Author: Mutwali Malik
Date: 04-14-2006, 06:01 PM
Parent: #90

رباطابي جاء ماشي في منطقة كلها ابل وصادف انها كلها راقدة ماعدا واحد فعلق قائلا الجمل دا الظاهر فايتاهو ركعة
Post: #92
Title: Re: مالذ وطاب في نكت اهلنا الرباطاب
Author: خالد
Date: 04-15-2006, 01:14 AM
Parent: #91

واحد رباطابى الجماعة قالوا ليه الشايقى الفى الحله دا مكرهنا بالمساخة
بعد شويه الشايقى جا ماشى ومناخيرو فى السما
الرباطابى قام سألوا : أها يا الشايقى ماشى وين جارى زى دا ؟
الشايقى قال ليهو : ماشى السما دا
الرباطابى: نان السما عندو مشرع ما تطلع من قبلك
Post: #93
Title: Re: مالذ وطاب في نكت اهلنا الرباطاب
Author: خالد
Date: 04-15-2006, 06:11 AM
Parent: #92

الشكر لكل من اضحكته طرفة من اهلنا الرباطاب
عمنا احمد عمرالرباطابي عليه رحمة الله مرة جماعة عندهم زواج فقرروا انو يجيبو فنان من كريمة يعني شايقي وقالوا احمد عمر دا اصلنا مابنجيبو المهم عمنا احمد عمر سامع كل الكلام وساكت المهم قدر الله انو الفنان المتفقين معاهو حصلت عندهم وفاة فرجع ليهم القروش فكان ماعندهم اي مفر سوي اللجوء الي احمد عمر وكلهم خائفين من ردو المهم في واحد تشجع وقال انا بكلمو طبعا عمنا احمد عمر عندو كل التفاصيل وعارف الزنقة المهم مشي ليهو ولازم المقدمات فقال طبعا انت فنانا الكبير والضفر مابتطلع من اللحم وانت وانت فرد عمنااحمد عمر قول للجماعة قالولكم انا داية
ولم يغني عمنا احمد عمر في الحفل
Post: #94
Title: Re: مالذ وطاب في نكت اهلنا الرباطاب
Author: Mutwali Malik
Date: 04-15-2006, 06:36 AM
Parent: #93

رباطابي عندو فكرة انو الخرطوم الخمرة والسكر في الشارع المهم جاء لزواج في العاصمة وقت العشاء جابو ليه صحن وقزازة بيزيانوس باردة فمسك الصحن ورجع القزازة وقال انا مابشرب الشراب
Post: #95
Title: Re: مالذ وطاب في نكت اهلنا الرباطاب
Author: Mutwali Malik
Date: 04-15-2006, 08:02 AM
Parent: #94

رباطابي سال واحد من وين يالاخو وكان زهجان جدا فرد ليهو من السماء فقال ليهو الرباطابي عشان كدا انا قلت مابشبه ناس ا##########الارض
Post: #96
Title: Re: مالذ وطاب في نكت اهلنا الرباطاب
Author: هشام آدم
Date: 04-15-2006, 09:25 AM
Parent: #95

_________________

مذيع داير يعمل حوار صحفي مع راعي أغنام ، فصادف إنو الراعي كان رباطابي. الرباطابي كان قايل المذيع داير يشتري ، ولمن عرف إنو الموضوع مخستك بقا يتماسخ معاهو:

المذيع: عند كم راس يا عمنا؟

الرباطابي: قاصد البيض؟ ولا السود؟

المذيع: لا البيض؟

الرباطابي: البيض عندي منهن 20 راس

المذيع: أها والسود؟

الرباطابي: نفس الشي

المذيع: وسعر الراس بي كم؟

الرباطابي: أنهي ؟ السود ولا البيض؟

المذيع: السود؟

الرباطابي: بـ50.000 جنيه

المذيع: أها والبيض؟

الرباطابي: نفس الشي

المذيع: طيب بيكلفوك كم أكلهم وشرابهم؟

الرباطابي: السود قاصد ولا البيض؟

المذيع: السود؟

الرباطابي: أتتقول 10.000 جنيه

المذيع: أها والبيض؟

الرباطابي : نفس الشيء

المذيع: يا زول طالما ما في فرق بين السود والبيض مفرزهن مالك؟

الرباطابي: لأنو السود ديل تبعي

المذيع: أها والبيض؟

الرباطابي: نفس الشي !!!!!!
Post: #98
Title: Re: مالذ وطاب في نكت اهلنا الرباطاب
Author: Mutwali Malik
Date: 04-15-2006, 10:50 AM
Parent: #96

رباطابي لابس جلابية بيضاء وعمة كبيرة ونظارة ماشي في السوق قابلو واحد شايلو جواب وطلب منو يقراءه ليهو والرباطابي نعم انو مستعجل خلاص فقال ليه انا مابعرف اقراء فرد ليهو ولابس لي عمة كبيرة ونظارة ومابتعرف تقراء فقام الرباطابي ملص العمة والنظارة ولبسا ليهو وقال لي هاك اقراء انت
Post: #99
Title: Re: مالذ وطاب في نكت اهلنا الرباطاب
Author: Mutwali Malik
Date: 04-15-2006, 02:46 PM
Parent: #98

وصلتني علي الايميل هذه الرسالة من الاخت نسمة علي لها التحية
البوست رائع جدا ... و احب كتاباتك البعيدة عن الشوشرة جداً ...
و احي من هذه الفرصة كل المتداخلين ... و اخص بهم سوباجو لإقتراحه ان تتاح هذه الفرصة لنا ...
واحي جميع المتداخلين ...
انا احب الرباطاب جداً ... و اطرب لمساختهم ...
و انا متابعة معاكم حتى النهاية ...

نسمة
Post: #100
Title: Re: مالذ وطاب في نكت اهلنا الرباطاب
Author: Mutwali Malik
Date: 04-15-2006, 03:53 PM
Parent: #99

رباطابي جاء ماشي جنب بيت عرس وكان الفنان مشلخ حرف الاتش وصوتو ما علي قدر كدا فقال ليهو انزل تحت وشك الزي كتاب الهاند رايتنج HAND WRITING
Post: #101
Title: Re: مالذ وطاب في نكت اهلنا الرباطاب
Author: Mutwali Malik
Date: 04-15-2006, 09:22 PM
Parent: #100

عمنا احمد عمر الرباطابي قالوا ليه الفنان النعام ادم اتكلم عنك كلام مافي محلوا فقال ليهم كمان مالو شنبو الزي الساعة ثلاثة الا ربع
Post: #102
Title: Re: مالذ وطاب في نكت اهلنا الرباطاب
Author: Mutwali Malik
Date: 04-16-2006, 08:21 AM
Parent: #101

واحد جاء ماري بي حلة رباطاب وصادف انو ختو صينية الغداء في الطريق وقالوا ليه اتفضل يازول المهم صاحبك كان جيعان جوعة كافرة ماصدق ونزل بي تقلوا في الاكل الجماعة ممكونيين وصابرين المهم قضي علي الصينية بسرعة فائقة قام غسل ايدو وقال شكرا ياجماعة بدور اصل حلة ناس فلان بعيدة من هنا فرد ليه الرباطابي اكان مشيك زي اكلك دا بتصل احسه
Post: #103
Title: Re: مالذ وطاب في نكت اهلنا الرباطاب
Author: Mutwali Malik
Date: 04-17-2006, 08:34 AM
Parent: #102

رباطابي شايلو كفتيرة شاي وماشي في السوق قابلو واحد حبا يمازحو سالوا يا اخونا الشاي دا للبيع فرد ليهو لا لا عندنا بكاء
Post: #104
Title: Re: مالذ وطاب في نكت اهلنا الرباطاب
Author: nazar hussien
Date: 04-17-2006, 09:34 AM
Parent: #103

رباطابي قال يشتغل سباك...شال عدتو ومشي قعد في محطة سبعة
اول الصباح جاهو شايقي قال ليه عندنا ...عندنا عندنا مكسوري

وقبال ما يتذكر يقول ماسورة الرباطابي قال ليه حالا دا
مك سوري لو بقت مك امريكي كان فقدت الذاكرة تب...ارح
ارح آ اخوي الله يدينا خيرك
Post: #105
Title: Re: مالذ وطاب في نكت اهلنا الرباطاب
Author: عمر صالح عمر
Date: 04-17-2006, 04:42 PM
Parent: #100

العزيز متولي لك الود


حقيقة فكرة جميلة لكسر الروتين ومن باب النكتةوالترويح



رباطابي عندو اخوانو راقدين في المستشفي الاول موصلين له درب والثاني قاعد يرجف من شدة الالم، خالو ضرب ليه ، قال ليه اخوانك كيف ، قال ليو واحد شغال هزاز والتاني جاري الشحن ..
Post: #106
Title: Re: مالذ وطاب في نكت اهلنا الرباطاب
Author: عمر صالح عمر
Date: 04-17-2006, 04:51 PM
Parent: #105

هاك دي يامتولي

.........
ولد رباطابي مشى لى سيد الدكان .. و قال ليه:" عندك

"حلاوة؟

"..سيد الدكان قال ليه:" أيوة

! "الولد قال ليه طيب أدينا ببسى

الولد مشى و جاء راجع تانى ..و قال ليه :" عندك

"طحنية ؟

".. قال ليه:" أيوة فى

! "الولد قال ليه:" طيب أدينا سكر

سيد الدكان زعل و مشى كلم أبو الولد ( الرباطابي الاب )

و قال ليه:" ولدك دة عذبنا.. يسأل من حاجة و

".. يقول داير حاجة تانية

أبو الولد زعل و قال ليه:" دة ولد قليل أدب

"و لازم يتجلد .. عندك بسطونة ؟

".. سيد الدكان قال ليه:" أيوة موجودة

"أبو الولد قال ليه:" طيب أدينا سوط عنج
Post: #107
Title: Re: مالذ وطاب في نكت اهلنا الرباطاب
Author: Mutwali Malik
Date: 04-17-2006, 07:27 PM
Parent: #106

وصلتني هذه النكتة من اخونا الرباطابي الاصلي بدرالدين دينو
رباطابي ببيع تلج واحد اشتري منو وبعد فترة جاء راجع قال ليهو ياحاج لوح التلج دا مشقوق فرد الرباطابي انت اصلك داير تعملبو عتب
Post: #108
Title: Re: مالذ وطاب في نكت اهلنا الرباطاب
Author: Mutwali Malik
Date: 04-18-2006, 06:41 AM
Parent: #107

مرة حصلت سرقة فلنكات السكة حديد الخشب التحت قضيب القطر المهم من ضمن المتهمين واحد رباطابي الموضوع ما عاجبو بس ساكت واستنكارا مشنق العمة فوق وكل مرة القاضي يقولو يازول نزل العمة تحت والرباطابي عامل ماسامع فكرر ليهو الكلام فرد عليهو عمتي دي انا بنزله بس انشاء تلقي الفلنكات تحتا
Post: #109
Title: Re: مالذ وطاب في نكت اهلنا الرباطاب
Author: Elmoiz Abunura
Date: 04-18-2006, 10:31 AM
Parent: #108

Dear Mutwali
Your post is one of the best post in this forum. Go ahead cousin, and tell more jokes about the Rubatab people. You need to re- visit Mugrat Island , and tell us why they still make jokes about my maternal family, Shibeika, after more than 130 years of their migration to Rufaa, and Omdurman
Regards to your family
Abu Ghassan
Post: #110
Title: Re: مالذ وطاب في نكت اهلنا الرباطاب
Author: فيصل محمد خليل
Date: 04-19-2006, 01:43 PM
Parent: #109

سلام يا متولي

جيت اودي ليك المصيبة دي بهناك


فيصل محمد خليل
Post: #111
Title: Re: مالذ وطاب في نكت اهلنا الرباطاب
Author: Mutwali Malik
Date: 04-20-2006, 06:44 PM
Parent: #110

التحايا للجميع
اخي المعز شكرا علي المرور
فيصل ما فهمت قاصد شنو
المهم نرجع تاني
واحد اتصل تلفون فرفع الرباطابي التلفون فسال المتصل انت من اهل البيت فرد ليهو لا لا من كفار قريش
Post: #112
Title: Re: مالذ وطاب في نكت اهلنا الرباطاب
Author: Mutwali Malik
Date: 04-20-2006, 10:55 PM
Parent: #111

استاذ دنقلاوي بيدرس في الرباطاب سال واحد ياولد اعرب الجملة دي
جاءت محمد
فرد ليه شافع رباطابي
جاء فعل ماضي ناقص
التاء تاء الدناقلة
محمد فاعل
Post: #113
Title: Re: مالذ وطاب في نكت اهلنا الرباطاب
Author: Mutwali Malik
Date: 04-21-2006, 06:41 AM
Parent: #112

رباطابي بيسقي في شجرة حنة قدام بيتو جاء واحد سالو دي حنة فرد ليهو لا لا
دي قيدومة
Post: #114
Title: Re: مالذ وطاب في نكت اهلنا الرباطاب
Author: إدريس محمد إبراهيم
Date: 04-22-2006, 02:16 AM
Parent: #113

الأخ العزيز / متولي مالك

تحية تفيض بهجة وسروراً

والله كل ما الواحد يكون زهجان يجري على هذا البوست ليخفف شويه من الآلام التي تسببها بعض مواضيع البورد ... فلك الشكر وخالص التحايا ... وإليك هذه المساهمة الخجوله ... والتي رواها لي أحد أصدقائي الرباطاب ...

رباطابي مشى لصاحب دكان سمعو تقيل خالص ..فقا له : أديني معجون حلاقه وأمواس... فظل صاحب الدكان يستفهم والرباطابي يصيح إلى أن سمع أخيراً ... وأعطاه قلم ًرصاص وكراس ... أخذهم صاحبنا مضطراً حتى لا يدخل في دوامة أخرى معه وأعطاه ثمنها ... فسأله صاحب الدكان ... : أديك بالباقي شنو ؟ ... فقال له الرباطابي بدون تردد : أديني بيهو إملاء ...
Post: #115
Title: Re: مالذ وطاب في نكت اهلنا الرباطاب
Author: Mutwali Malik
Date: 04-22-2006, 06:53 AM
Parent: #114

لك الشكر اخي ادريس
رباطابي نادي بت بتبيع البيض في محطة القطر وسالها يابت هوي البيضة بي كم فردت ليهو الف جنيه فرد ليها في شان شنو يابت اصلو جدادكم دا بيلد في الدايات
Post: #116
Title: Re: مالذ وطاب في نكت اهلنا الرباطاب
Author: Mutwali Malik
Date: 04-22-2006, 09:34 AM
Parent: #115

رباطابي لقي بتو قاعدة سارحة فقال ليها قومي يابت انتي عاشقة قال ليه لا ياابوي انا3310
تخريمة للذين لا يعرفون هذه انواع من الموبايلات
Post: #117
Title: Re: مالذ وطاب في نكت اهلنا الرباطاب
Author: Mutwali Malik
Date: 04-22-2006, 12:56 PM
Parent: #116

رباطابي عايز يدخل دار الرياضة والصف طويل والحر شديد فجاء الي مسئول الباب وقال ليهو انا تعبان وكبير وجاي من بكان بعيد فقال ليهو لو جاي من السماء ما بتدخل فرد ليهو الرباطابي اول انا كان جاي من السماء بجي بي عندك ما كان نزلت توش جوة دائرة السنتر
Post: #118
Title: Re: مالذ وطاب في نكت اهلنا الرباطاب
Author: Mutwali Malik
Date: 04-23-2006, 05:48 AM
Parent: #117

رباطابي نقلتي بيصلح المراكيب وقبل ما يخيط المركوب بختو في الموية عشان يبقي لين المهم في واحد سالوا ياحاج المركوب خاتو في الموية لي شنو فرد ليهو بدور اعلمو العوم
Post: #119
Title: Re: مالذ وطاب في نكت اهلنا الرباطاب
Author: Mutwali Malik
Date: 04-23-2006, 07:10 AM
Parent: #118

رباطابي شاف عتود اسود واضنينو بيضاء قال العتود دا عامل زي البنطلون القالبين جيوبو
Post: #120
Title: Re: مالذ وطاب في نكت اهلنا الرباطاب
Author: Mutwali Malik
Date: 04-23-2006, 07:15 AM
Parent: #119

رباطابي لابس جزمة واصابعو طالعة برة الجزمة جاء بتاع ورنيش وقال ليهو تورنش فرد ليهو لا لا اطقطق
Post: #121
Title: Re: مالذ وطاب في نكت اهلنا الرباطاب
Author: Mutwali Malik
Date: 04-23-2006, 08:07 PM
Parent: #120

رباطابي قال لي ولدو جيب لي موية الولد اتاخر قام ابوه نادي عليهو ياولد وين الموية فرد ليه مشيت الزير لقيت الكوز مافيهو يد ابوه قال ليهو ياولد قالو لك انا داير اسالمو
Post: #122
Title: Re: مالذ وطاب في نكت اهلنا الرباطاب
Author: Mutwali Malik
Date: 04-24-2006, 07:47 AM
Parent: #121

رباطابي راكب البص والمكيف ضارب فقام اداها نومة ودون قصد اتكل في الشخص الراكب جنبو فقال ليه الدنيا رمضان ماتجرح لينا صيامنا المهم تكرر المشهد ونفس الرد المهم صاحبك ضربو المكيف واداها نومة بشخيرا فقام الرباطابي صحاوا وقال ليه قوم يااخونا العيد ثبتوا
Post: #123
Title: Re: مالذ وطاب في نكت اهلنا الرباطاب
Author: Mutwali Malik
Date: 04-25-2006, 07:01 PM
Parent: #122

واحد ببيع اطباق مزركشة لوضع الحلويات المهم الرباطابي سالوا بكم الطبق فرد ليهو 80 الف فرد الرباطابي طبقك دا معاهو ال اند بي L&B
Post: #124
Title: Re: مالذ وطاب في نكت اهلنا الرباطاب
Author: Mutwali Malik
Date: 05-02-2006, 10:21 PM
Parent: #123

رجعنالكم
طرفة من عمنا بابكر طراوة اضحكتني كثيرا
واحد رباطابي بعد انتهاء الصلاة قام سلم علي الشخص الجالس جنبو وقال ليهو تقبل الله وكان الشخص انصار سنة فرد ليهو يدو وقال السلام بعدالصلاة ما من السنة فرد الرباطابي نان مساختك ولاامتك دي من السنة
Post: #125
Title: Re: مالذ وطاب في نكت اهلنا الرباطاب
Author: Mutwali Malik
Date: 05-05-2006, 10:40 AM
Parent: #124

ختاما اتمني ان اكون قد اوفيت لاهلنا الرباطاب جزء ولو يسير من طرائفهم ما مساختكم كما يعتقد البعض وهذا غيض من فيض
والشكر اجزله لكل من تصفح وشارك في هذا البوست
ونشوفكم في بوستات قادمة
ودي اخر واحدة طرفة في شكل لغز
استاذ جاء لمنطقة الرباطاب لاول مرة لتدريس اللغة العربية فسال شافع بلغة فصيحة ابن من انت فرد ليهو الشافع ماتراكا عرفتني
Post: #126
Title: Re: مالذ وطاب في نكت اهلنا الرباطاب
Author: أبوالزفت
Date: 05-06-2006, 03:51 AM
Parent: #1


الجميل متولى


هذا البوست فى غاية الروعة والجمال

ضحكت لمن دموعى سالت من طرائف هذا البوست

اتمنى لك ان ما حجيت تحج

ولمن ترجع ينادوك حاج متولى

وبعد داك انت مخير اكان واحدة ولا اربعة


وبعدين تعال هنا اخيرا وين؟ان شاء الله البوست

ده ما يكون عندو اخر واطلب منك ان تطلب من الاخ بكرى

نقل هذا البوست بعد يوم عشرة مايو

مش انت قلت ده قيض من فيض

اها يا زول احنا راجين الفيض

لك التحية اخى متولى
Post: #127
Title: Re: مالذ وطاب في نكت اهلنا الرباطاب
Author: Adil Al Badawi
Date: 05-06-2006, 05:58 AM
Parent: #126

سلامات يا متولِّي،

عندي ليك تلاتة أظنَّهِن حقَّات رباطاب تايوان:

(1) الحاجَّة جات للدكتور في المركز الصحِّي وقالت ليهو دايراك تحوِّلني المستشفى عشان هناك بِكْشِفو علي بالسمَّاعة. الدكتور قال ليها: نان الشايفاها مدروعة في رقبتي دي قالو ليك نِبْلَة؟!

(2) مشجِّع متعصِّب قطع تذكرتو ومشى خمسة دقايق يجيب ليهو تسالي لما دخل الاستاد جماعتو قالو ليهو مغلوبين إتنين صِفِر، قال ليهم: لقيتوهِن بايتات في الشبكة وألا شنو؟!

(3) الشافع بِكُبْ لي عمَّك عشان يغسِّل إيديهو. عمَّك سألو: جَنى منو آولد إنتَ؟! الشافع قال ليهو: جنريتر.

تحياتي وإن شاء الله دايماً محرِّكين عضلات وشوشكم ولو تحريكة نُصْ كُم.
Post: #128
Title: Re: مالذ وطاب في نكت اهلنا الرباطاب
Author: Mutwali Malik
Date: 05-06-2006, 08:14 AM
Parent: #127

لكم الشكر علي هذا التشجيع الحار وهذه مسئولية كبيرة وقعت علي عاتقي اتمني ان اقدر عليها وهي جمع كل مالذ وطاب في نكت اهلنا الرباطاب في كتاب
اخي ابوالزفت سلامي لي ام الزفت ولسه ماحجيت بس عندي واحدة ما اربعة الحاج متولي
اخي عادل البدوي دي ما نكت رباطاب تايوان دي ياباني عديل وينك انتي من زمان
ودي حصلت بالجد واحد رباطابي جي الخرطوم لي زيارة قريبو راقد في المستشفي المهم لمن دخل عليهو لقي كمية من الوصلات رسم قلب - درب واسلاك ومونتر المهم رجع البلد والجماعة سالوا اهه كيف لقيت الزول فرد ليهم يمين بالله الدكتور ود عمران خله زي الكبانية
Post: #129
Title: Re: مالذ وطاب في نكت اهلنا الرباطاب
Author: Mutwali Malik
Date: 05-08-2006, 08:33 PM
Parent: #128

رباطابي عطشان
فواحد من الجماعة اداهوه موية والظاهر الموية كانت مالحة شوية فختوا في الموية تلج
عشان الطعم المالح ما يظهر والرباطابي قام شرب الموية لكن ما كمله بعد 10 دقائق شرب باقيها لكن لقاها مالحة شديد
فقال : ياخوانا هوي مويتكم دي بنجا فكه