نطالب بحق تقرير المصير لشعب دارفور السامى

ياجماعه بسبب دارفور دى حيتخرب البلد كلو يعنى أهلنا فى الشماليه والجزيرة ذنبهم شنو فلتنفصل دارفور كما سينفصل الجنوب وكل زول ياكل نارو بلا لمه

الأخ ود الجعلى رقم أربعة
أسئلة
ــ لماذا تأتى أصوات الإنفصال دائماً من الشمال " الطيب مصطفى و عصابته مثالاً " ؟؟
ــ أراك تجاوزت الجيلى جنوباً و شملت الجزيرة .. هل عشيرتك أحق بالجزيرة من أهل دارفور أو الجنوب ؟؟؟ هل الجعلى الذى يقطن دكة الجعليين أو المناقل أو حتى مدنى هو أحق بالجزيرة من التاماوى أو المسلاتى الذى يقطن الكمبو فى أطراف القرى بالجزيرة نفسها ؟؟؟؟!!!!!!!!! أتى الجعلى من الشمال و أتى التاماوى من الغرب , فما الفرق ؟؟؟
ــ كم يبلغ عدد الجعليين و معهم سكان محافطة نهر النيل و كم يبلغ عدد سكان دارفور ؟؟ من هم الأغلبية و من هم الأقلية ؟؟؟ و من يحدد مصير من ؟؟؟؟؟؟؟؟
ــ هل ضياع السلطان من فئة عرقية معينة يعنى تفتيت دولة بحالها ؟؟ يعنى كما يقول المثل الشعبى " يا فيها يا أطفيها " ؟؟؟ و هل طالب الأمهرا بتقسيم إثيوبيا عند ذهاب السلطة منهم علماً بان عددهم لا يتجاوز ركاب ركشة مقارنة بالأرومو ؟؟
ــ و السؤال الأهم ... هل أنت مستعد نفسياً بأن ترى أحد أبناء دارفور رئيساً لك و نائبه من الشرق و رئيس وزرائه من جبال النوبة ووزير دفاعه من الأنقسنا ؟؟؟ إذا كانت الإجابة لا .... فأنت الذى عليك أن تاكل نارك و تطالب بحق تقرير مصيرك لتكوين دولتك التى تقع من الجيلى و شمالاً . و لا أقول لك بلا لمة فهذا هو خيارك و هو رفض الجميع و أنت حر فيه, قشة ما تعتر ليك يا أخونا فى الإسلام و القارة .

يا جماعة


الانفصال حجة الانهزاميين

حجة من لا يدري تاريخ هذا الشعب

لا يدرون ما يقولون وليس لهم اي احساس وطني

افاقهم ضيقة ضيق رويتهم للحياة

كيف يخطر لة ان يفصل اخي في نمولي

او الفاشر

عزرا صديقي يجب ان تعيد النظر في وطنيتك

فيصل محمد خليل

هي الحياة كدة يا جماعة--- في جميع بلدان الدنيافي ناس فوق وفي ناس تحت دة لو اصلا في ناس فوق في السودان جراء إحتكار الثروة أو السلطة -وبعدين الشعوب بتسموا مكانتهاليس فقط بثروة يقتسمونهاأو سلطة يأخذون منها نصيب -- في حاجات أخري مهمة بترفع من قدر الشعوب - يعني المجموعات البشرية المصنفة في السودان كمجموعات بشرية مدمنــه للعنف والفوضي لا يمكن ان يرتقي حالها لمجرد أن منحوهااو اعطوها ما يعرف بحق تقرير المصير أو حتى أدوها 200 % من ثروة السودان أو دشليون في المائة من سلطة السودان - حكاية إرتقاء الشعوب دة عملية طويلةوصعبة

واهم من يظن بان عملية تقرير مصير في نيفاشا أو ابوجا أو حتى تحويل كافة ثروات البلاد إلي تلك المجوعات البشرية سوف ينقلهم إلي شواطئ السلام والإستقرار المجتمعي فالوصول إلي الإستقرار المجتمعي لاية جماعة بشرية مدمنة للعنف هو عبارة عن process طويل وشاق قد يستغرق ألاف السنوات
واختم كلامي الذي سوف أوصف بسببة حتما من بعض مدمني العنف بالعنصري أو الجهوي أو المتعالي قائلا : ليس بالثروة والسلطة وحدها ترتقي أقدار الشعوب

ًPeople should have try to look into such other important issues prior to talk
about self determination , power sharing or wealth sharing ..etc

الأخ فيصل
لنسمى الأشياء بأسمائها

Quote: المجموعات البشرية المصنفة في السودان كمجموعات بشرية مدمنــه للعنف والفوضي

من هم هؤلاء المجموعات البشرية المصنفة التى تدمن العنف و الفوضى ؟؟
و من الذى قام بتصنيفها ؟؟؟؟ و هل هو مؤهل أخلاقياً بتصنيف الآخرين ؟؟؟ بمعنى أدق هل يخلو الذى يقوم بالتصنيف من داء العنصرية و التعالى و الفوقية و الكراهية العرقية ؟؟؟؟
أما عن قولك

Quote: واهم من يظن بان عملية تقرير مصير في نيفاشا أو ابوجا أو حتى تحويل كافة ثروات البلاد إلي تلك المجوعات البشرية سوف ينقلهم إلي شواطئ السلام والإستقرار المجتمعي

هل ساهمت حكومات المركز فى توطيد دعائم السلام و الإستقرار المجتمعى فى الأطراف ؟؟؟
هل مارست سياسة " فرق تسد " و قامت بتدمير النسيج الإجتماعى فى تلك المناطق ؟؟؟
أما عن هذه النقطة

Quote: ًPeople should have try to look into such other important issues prior to talk about self determination , power sharing or wealth sharing ..etc

هذا ما نادى به أهل الهامش , فكانت المذابح و الانتنوف و القمع و التشريد فى إنتظارهم
و تحولت أراضيهم لساحات حرب و جهاد بدعوى أن

Quote: حكاية إرتقاء الشعوب دة عملية طويلةوصعبة

هذه الشعوب لا تريد إرتقاءاً و لا سفن فضاء
إنما تريد الحياة ... فقط الحياة
ـــــــــــــــــــــــــــــــــــ
و نأسف للخروج من النص
و نرجع لموضوع البوست ... و الأسئلة الموجهة للجعلى نمرة أربعة

الأخ حماد .. المسألة ما محتاجة لتعريف واللبيب بالإشارة يفهم ولو يعني مصر علي معرفة المجموعات البشرية المدمنة للعنف والفوضي خليني اقول ليك انو اي مجموعة بشرية تعاني من مرض نقص الحضارة المكتسبة acquired civilization deficiency syndrome يمكن تصنيفها ضمن ذلك الإطار
وشكرا

المهذب جدا حيدر ياخى صدقنى المسألة بقت متاجرة سياسية من كل الاطراف والمؤسف حقا انو بعض ولاحظ كويس لكلمة بعض دى بعض ابناء دارفور يمسكون بالعصا من نصفها وما ذلك الا لكيد سياسى معين ومدروس
انت عارف ياحيدر الضحيه حتكون البلد كلها لكن صدقنى الخاسر الاكبر هم اهلنا فى دارفور الناس السكان الحقيقيين البسطاء الذين لا ناقة لهم ولا

Quote: جمل

فى هذا الذى يحدث
إذا كان الانفصال سيجلب لهم السلام ويجعلهم يعيشون مطمئنين فى بلادهم فلماذا لا يكون خيارا مع كل تقديرى اخى الفاضل

الأخ العزيز ود الجعلى
بحثت فى كل أدبيات و دساتير و مواقع الحركات المسلحة بدارفور عن كلمة " إنفصال " فلم أجد , رغم أنه حق مشروع , بحثت أيضاً عن تصريحات قادة تلك الحركات فلم أجد منهم ما يتماشى مع أسطرك :

Quote: إذا كان الانفصال سيجلب لهم السلام ويجعلهم يعيشون مطمئنين فى بلادهم فلماذا لا يكون خيارا

و أشكرك على ردك المهذب رغم أن أسئلتى أعلاه تقف من دون إجابة

انت يا اخوي امشي اتعلم سياسيه ثم تعال ارفع بوستات _ عندك فكره امدرمان اسمها جاي من وين عندك فكره عن الثروه الحيوانيه عندك فكره عن الصمغ العربي عندك فكره عن زراعة التمباك _ بتسف ولا ما بتسف _بتعرف الزول الوقع استقلال السودان منو _ بتعرف احمد باص ومكائيل الضوء _

سلام يا جماعة

بل حق تقرير المصير الى كل أقاليم السودان


لكل أقاليم السودان الحق فى تقرير المصير سوى كان ذلك فى خيار الوحدة او فى خيار الاِنفصال
فلن يكون هناك وحدة بالقوة دى واحد - اِتنين دارفور تم ضمها لبقية البلاد مؤخرا فى عام1916
أيام الحكم البريطانى و هى اِقليم معروف بى تاريخو و حدودو و قبايلوا و لا جدال فى ذلك
و بقية البلاد أيضا معروف من فيها و معروف حدودها و الشمال ليس من الجيلى الى حلفا


يا محمد الأمين كان فى أمدرمان قبل أن يأتى المهدى و يصنع منها عاصمة له و كان فيها
ناس و أراضى بتاعة بشر و نحن ما كنا منتظرين المهدى يجى يبنى لينا أمدرمان فقد سكن
أهل توتى و الجموعية(الجعليين) هذه الأرض قبل أن يولد جد جد جد المهدى نفسو - انت قالوا
ليك نحن كنا مرخمين ما عندنا شغلة و لا مشغلة و جاتنا الحضارة مع المهدى و جيوشو - بل كان
فى حياة فى أمدرمان كان فى صناعة مراكب و كان فى صيد سمك و كان فى زراعة على شواطى النيل
و كان مشرع أمدرمان و كان فى رعى حيوانات و كان كان ..............

و شكرا

طيب الرجال الناصروا المهدي لم ياتوا من دولة مجاوره اسمها دارفور 1961 ده كلام كتب ساي وتاريخ البلد دي كلو كضب في كضب اي زول مجد ناسو وبس منذ اقدم العصور دارفور جزء اصيل من السودان اناجزو من اهلي في امدرمان والاخرفي دارفور منذ دخول العرب السودان دي يحسبوها كيف يكون وزعوهم كوتشنه

زغت يا الجعلي حرم كان تجي

ايها الجعلي
محبا اولا
الم تستحي من قولك فكم عدد المهمشين الذين يرفعون السلاح الان وفي كم اتجاه من اتجاهات السودان ؟
هل مكتوب على السودان يحكمه فقط ابناء الشمال لوحدهم وعلى الاخرين القبول فقط دون ان يتحدثوا حتى في العيش الكريم ؟
فان لم يحكم اهل الشمال السودان يتقسم السودان لماذا؟ فاذا احتكمنا الى لغة الديمقراطية التي نسعى خلفها جميعا الا يجب على الاقلية ان تحترم راي الاغلبية وعلى الاغلبية ان لا تتسلط على لااقلية وهنا لا اعني الاقلية العرقية بل الاقلية وفقا لصندوق الاقتراع ام ان بعض اهل الشمال يخشون الديمقراطية لان فيها محاسبة ومنافسة وهم لا يستطيعون المنافسة الشريفة مع احترامي للكثير من ابناء الشمال الذين هم يقدرون دور الاخرين في الوطن .
عزيزي ان كل السودانيين لديهم حضارات ولكن هناك من تعامل مع المستعمر وسهل له الدخول الى السودان وساعده في السيطرة على البلاد وحكمها وبالتالي استفاد من تقديماته ومنها استلام السلطة منه عند خروجه ولكن تغيرت الاحوال لان دوام الحال من المحال.
رجاء لا تثيروا النعرات العنصرية كما نرجو التخلي عن لغة الاستعلاء والعنجهية التي لا مبرر لها فليس هناك شعب الله المختار في هذا الكون هناك فقط مفاهيم انسانية هي التي تربط بين شعوب العالم اجمع فهناك مواثيق وعهود تسعى البشرية الى تطويرها لحظة بعد اخرى فتل المفاهيم والقيم تجعله يتضامن من اجل التوحد في الشعور بالالم المتبادل والسعي الى التعاون بينها في حال الكوارث والمصائب والى خلق مجتمعات تنعم بالرفاهية في حال الامن والسلام .
فلا تدعو دعوى الجاهلية لان اهل دارفور انفسهم لم يطالبوا بما تطالب به انت فمن انت حتى تقرر مصير الوطن باكمله فلدارفور حضارة وتاريخ عريق .
مع عميق تقديري لكل المتداخلين

*





والله يا الجعلي لو الكلام دة حصل، "بتاكلوا نار"









الأخ حيدر، تحيات طيبات صالحات، وينك ياراجل.
ياخ ما تتعب نفسك مع الأمة دي وعلم الله ديل ما يفصلوا نبقة، قول ليهم كدي في البداية أرجعوا السودان وبطلوا الطباخة في خيام العرب ورعي أبل في الربع الخالي وبعدها "يصـــير خــــير"
لك الود.











دنقس.

الزول ده زاغ عديل قال الروووب قلت ارفع ليهو البوست