Post: #1
Title: حبيبنا المهندس شيخ الجيلي (راجل سيسيليا) ألـف أهـلآ بك في سودانيز أون لاين..
Author: الطيب بشير
Date: 03-28-2006, 09:33 AM
Parent: #0
جنى و سغير ..لكنّـو في الحضرات مدير
درس الهندسة في فلاديفيستك
يعمل و يقيم في قعر إيطاليا الآن ..صقلية..
أدرك علوم الحضارات في مدن و قطارت أوروبا في عطلات الصيف
و وقف على حوار الأديان في مثاقفاته مع أهلها
و تلقّـى جرعات التقدّم بالوريد
كتب في سودانيات كثيرآ..و ..لا يزال يفعل
الجــيــلـي أحــمــد
زول كتّاب و حلو..
و مسـيخآ، إن دعا الداع، يخلّـي اللئيم يندم
مرحبتين تلاتة بالحبيب
الجــيــلـي أحــمــد
|
Post: #2
Title: Re: حبيبنا المهندس شيخ الجيلي (راجل سيسيليا) ألـف أهـلآ بك في سودانيز أون لاين..
Author: عبد الله عقيد
Date: 03-28-2006, 10:19 AM
عزيزنا ود البشير
لك التحية والتقدير
ومعك نرحب بالأخ الجيلي احمد
ونأمل أن يضيف الكثير لقراء المنبر
وأن يجد المجال رحبا للتحاور والنقاش
وإتاحة ما اكتسب من علم ومعرفة للجميع.
ونعده بأن نتلقف منه (حلو) الحديث
وأن نسعى للنأي بأنفسنا عن (مسيخه)
وعسى ألا يضطر لهذا الخيار.
لك وله خالص التقدير
|
Post: #3
Title: Re: حبيبنا المهندس شيخ الجيلي (راجل سيسيليا) ألـف أهـلآ بك في سودانيز أون لاين..
Author: الطيب بشير
Date: 03-28-2006, 11:22 AM
Parent: #2
شيخنا ود عقيد كيف حالك
شكرآ ليك على الترحيب الحار بالصديق البار
و الله الجيلي ماهو هويّّن
أنا من عندي قلت حكاية المساخة دي
ان شاالله ما يحتاج ليها في العام
لكن معاك انتا مؤكّـد لا ..مؤكّـد لا
و حباب الجيلي تاني
|
Post: #4
Title: Re: حبيبنا المهندس شيخ الجيلي (راجل سيسيليا) ألـف أهـلآ بك في سودانيز أون لاين..
Author: بكري اسماعيل
Date: 03-28-2006, 02:31 PM
Parent: #3
أساذ الطيب
لك التحايا والود
يا أهلاً وسهلاً بالباشمهندس شيخ الجيلي الزول
الكتاب وحلو والدار منورة بيهو أكيد
|
Post: #5
Title: Re: حبيبنا المهندس شيخ الجيلي (راجل سيسيليا) ألـف أهـلآ بك في سودانيز أون لاين..
Author: الطيب بشير
Date: 03-29-2006, 08:06 AM
Parent: #4
مرحبتين قريبي بكري اسماعيل
الباشمهندس الجيلي بدأ بالفعل ببعض الردود
نقدّرها عاليآ
و ننتظر موضوعات نعلم أنه يجترحها بدراية و كثير (شــدّة)
مراحب الجــيلــي أحـمـد
|
Post: #9
Title: Re: حبيبنا المهندس شيخ الجيلي (راجل سيسيليا) ألـف أهـلآ بك في سودانيز أون لاين..
Author: الجيلى أحمد
Date: 03-29-2006, 10:49 AM
Parent: #4
الأخ بكرى أسماعيل
شكرى الجزيل..
وعميق الموده والأعزاز
|
Post: #8
Title: Re: حبيبنا المهندس شيخ الجيلي (راجل سيسيليا) ألـف أهـلآ بك في سودانيز أون لاين..
Author: الجيلى أحمد
Date: 03-29-2006, 10:43 AM
Parent: #2
الأخ عبد الله عقيد
شكرآ للحفاوه والكلام الجميل,
صديقنا أبوبشير رجل يمتلك فكاهه نادره,
وماقوله بالمساخه إلا إشاره (لمكواة) و(عنقده) قديمه
بيننا فرضتها الصداقه والنقاش المتواصل بيننا عن
جمال الإنسان ووجهه الآخر وخارطة الكون..
ولك تقديرى وشكرى
وكل الود
|
Post: #6
Title: Re: حبيبنا المهندس شيخ الجيلي (راجل سيسيليا) ألـف أهـلآ بك في سودانيز أون لاين..
Author: الجيلى أحمد
Date: 03-29-2006, 08:38 AM
الزول وسيم الروح والمحيا
أبوبشير..
أخجلتنى ياصديقى بكرمك ونبل حديثك (وشيل الحال ),
أوصتنى الخطى لهذه الدار العامره بالمعرفه والثقافه والحوار على أختلافاته..
طرقت الباب,فكان صاحب الدار الباشمهندس بكرى أبوبكر مضيافآ سريع النهمه
وكم أنا له ممتن..
ليك المحبه (أبو بشير وموحى)
ودار أنت بها والكرماء من بلادى ,أعتز وأباهى بوجودى فيها..
مخرج:
فلادفستك دى طبعآ نجره من طيب القوم (عشان الرتم)
الصحيح ليننغراد ..
محبتى
|
Post: #7
Title: Re: حبيبنا المهندس شيخ الجيلي (راجل سيسيليا) ألـف أهـلآ بك في سودانيز أون لاين..
Author: الطيب بشير
Date: 03-29-2006, 10:07 AM
Parent: #6
Quote: مخرج:
فلادفستك دى طبعآ نجره من طيب القوم (عشان الرتم)
الصحيح ليننغراد ..
|
الحبيب الغالي الجيلي
لينين غراد دي يعني زي التكلة لينين؟
أو العمارة لينين؟
تبدأ الرحلة من فلاديفستك و منها الى نفوسبرسك..تتذكروا يا شباب جغرافية منهج نميري الأحمر؟
لووول..
مرحب جيلي القوم..
|
Post: #10
Title: Re: حبيبنا المهندس شيخ الجيلي (راجل سيسيليا) ألـف أهـلآ بك في سودانيز أون لاين..
Author: الزوول
Date: 03-29-2006, 12:58 PM
Parent: #7
السلام عليكم
ومعك أيضاً ايها الطيب نرحب بشيخنا الجيلي
ونرجو له طيب الإقامة
........................
وما الناس إلا هالك وأبن هالك *** وذو نسب في الهالكين عريق
|
Post: #11
Title: Re: حبيبنا المهندس شيخ الجيلي (راجل سيسيليا) ألـف أهـلآ بك في سودانيز أون لاين..
Author: الجيلى أحمد
Date: 03-29-2006, 02:44 PM
Parent: #10
الزوول الزين أب حالآ زين
ليك الشكر موفور والمحبه ..
مقامكم طيب ياطيب
يديك العافيه
|
Post: #13
Title: Re: حبيبنا المهندس شيخ الجيلي (راجل سيسيليا) ألـف أهـلآ بك في سودانيز أون لاين..
Author: الطيب بشير
Date: 03-29-2006, 02:53 PM
Parent: #10
الزوول يا راجل يا بركــة
ركّـز معاي
الجيلي دة مرحب بيهو و أي حاجة
و شكرآ ليك على الترحيب
لكن (شيخ) دي أنا بقولها تأدّبـآ للإسم فقط..لأنو أنا شيخي اسمو الشـيخ الجيلي..و ما عاوز أردد الإسم حاف كدة..لكن (شيخ) الجيلي راجل سيسيلسيا دة ما (شيخ) بالضبط..و ما يقدر ينفخ كيس داندرمة ..مرحب بيهو على كل حال..
|
Post: #14
Title: Re: حبيبنا المهندس شيخ الجيلي (راجل سيسيليا) ألـف أهـلآ بك في سودانيز أون لاين..
Author: الجيلى أحمد
Date: 03-31-2006, 07:48 AM
Parent: #13
| Quote: لكن (شيخ) الجيلي راجل سيسيلسيا دة ما (شيخ) بالضبط.. |
شيخ الطيب..
أنا لابتLake ..
يازول يانا ذاتنا البنروب المويه..
وتب ماك غلطان فى العنوان..
|
Post: #12
Title: Re: حبيبنا المهندس شيخ الجيلي (راجل سيسيليا) ألـف أهـلآ بك في سودانيز أون لاين..
Author: الجيلى أحمد
Date: 03-29-2006, 02:52 PM
Parent: #7
Quote: لينين غراد دي يعني زي التكلة لينين؟
أو العمارة لينين؟ |
الطيب ياحبيب
تعرف لو ترجمتها تطلع زى ماقلتا..
لينين- سيد الإسم
غراد- تعنى مدينه
يعنى (حلة لينين).. زييها زى (الحاج يوسف )..
يضحك مساك ويبتسم
|
Post: #15
Title: Re: حبيبنا المهندس شيخ الجيلي (راجل سيسيليا) ألـف أهـلآ بك في سودانيز أون لاين..
Author: عبدالكريم الامين احمد
Date: 03-31-2006, 05:51 PM
Parent: #12
حباب الجيلي ...ومرحب بيك..
وحباب روح السودان الاصيلة لمن تاخذ من نفحات روما..
والبيت بيتك يازول...مرحب
|
Post: #16
Title: Re: حبيبنا المهندس شيخ الجيلي (راجل سيسيليا) ألـف أهـلآ بك في سودانيز أون لاين..
Author: الجيلى أحمد
Date: 03-31-2006, 06:45 PM
Parent: #15
عبد الكريم
سلامات
كمبو الرى
سلام
من أى ذمان تأتون !!..
كدى ,جيب لى خليل وتعال..
كلام روما بدور الروقه..
وأنا باكر المساء بقعد ليكم , كلامآ مقعد ودقاق,
شكرآ ياكريم
|
Post: #17
Title: Re: حبيبنا المهندس شيخ الجيلي (راجل سيسيليا) ألـف أهـلآ بك في سودانيز أون لاين..
Author: الجيلى أحمد
Date: 04-01-2006, 04:07 PM
Parent: #15
عبد الكريم
سلام ياباش,
عن روما سنحكى قليلآ وعن زهراتها..
زيارتى الأولى لها كانت لخمسة أعوام خلت,نظرتها من سياج فرح
الزوجه والأصدقاء كانو فى إنتظارى..
إستهوتنى فى أوروبا عادة السفر (بالقطاره),فأدمنتها حتى أنه
لم يعد ضروريآ قصر المسافه أو طولها ..المسافه نحو روما من الأراضى
المنخفضه نقطعها عادة مرورآ بباريس,,بعض الساعات نقضيها فى التجوال
ومحاولة تحصيل الجمال الباريسى فى ثلاث ساعات..ثم تبداء الرحله الطويله
بالقطار (القريه) من باريس إلى روما..دون محطات ..دون توقف (إلا فى الحدود) ,حوالى أربعة وعشرون ساعه يقطع فيها القطار (المجهز بأسره النوم ومطعم وبار..الخ) المسافه إلى روما مرورآ بقمم الألب ثم ميلانو قبل أن يأتى
رجل مسن ,عادى الملامح,ليجمع الفوط والأغطيه والمخدات ,معلنآ أننا قاربنا
لروما..القطار الذى سار 24 ساعة يتراقص بإثاره على أعتاب روما و(سكته)
تتداخل وتتعرج ..قبل الوصول نلتقى أصدقاء البارحه,من قابلناهم فى المطعم
والبار وفى العرض المسرحى الذى إمتد لساعة باللغتين الفرنسيه والإيطاليه..
(هل تصدق عرض مسرحى يومى بسعر رمزى يقوم به طلاب المسرح بجامعتى روما وباريس )..
ثم نصل روما..
روما المستوحاة من أغنية حقيبه..
ومن قصص قديمه لطالما داعبت أخيوله محبه للتاريخ..
..نواصل ياباش ...
|
Post: #18
Title: Re: حبيبنا المهندس شيخ الجيلي (راجل سيسيليا) ألـف أهـلآ بك في سودانيز أون لاين..
Author: ابو جهينة
Date: 04-02-2006, 01:06 AM
Parent: #17
مرحبا بالأخ الجيلي .. و حبابك بيننا ..
و مادام :
Quote: أدرك علوم الحضارات في مدن و قطارت أوروبا في عطلات الصيف
و وقف على حوار الأديان في مثاقفاته مع أهلها |
ياهو زولي تب ..
أبو بشير .. على سبيل التحية
|
Post: #19
Title: Re: حبيبنا المهندس شيخ الجيلي (راجل سيسيليا) ألـف أهـلآ بك في سودانيز أون لاين..
Author: الطيب بشير
Date: 04-02-2006, 02:26 AM
Parent: #18
مرحبتين يا ابا جهينة
ياهو زولك
زولنا
نبذله هنا للجميع
مع المحـبـّــة
|
Post: #20
Title: Re: حبيبنا المهندس شيخ الجيلي (راجل سيسيليا) ألـف أهـلآ بك في سودانيز أون لاين..
Author: يازولyazoalيازول
Date: 04-02-2006, 03:56 AM
Parent: #19
حباب الشيخ حبابو
|
Post: #22
Title: Re: حبيبنا المهندس شيخ الجيلي (راجل سيسيليا) ألـف أهـلآ بك في سودانيز أون لاين..
Author: الجيلى أحمد
Date: 04-02-2006, 02:57 PM
Parent: #20
يازول يازول
شكرآ ليك يازول..
وزولآ متوشح علم البلد شعار (الحبه مابتجيهو)..
سعيد بترحابك
وأبقى عوافى وطيب..
|
Post: #21
Title: Re: حبيبنا المهندس شيخ الجيلي (راجل سيسيليا) ألـف أهـلآ بك في سودانيز أون لاين..
Author: الجيلى أحمد
Date: 04-02-2006, 09:12 AM
أوووك.. حبيبنا أبوجهينه..
مراحب يازول يازين ,
والشوق من هنا لاعندك..
|
Post: #23
Title: Re: حبيبنا المهندس شيخ الجيلي (راجل سيسيليا) ألـف أهـلآ بك في سودانيز أون لاين..
Author: محمد بهنس
Date: 04-03-2006, 05:01 AM
Parent: #21
الافاضل الطيب والجيلي..
غايتو..نسمه كده فلعتني..لقيت نفسي خاشي في البوست ده.
ان لم يكن لدي ما اقوله,فلا اعدم في دواخلي ترحيبا مع الطيب بالجيلي.
محبتي تاتيكم تمام الصمت.
|
Post: #24
Title: Re: حبيبنا المهندس شيخ الجيلي (راجل سيسيليا) ألـف أهـلآ بك في سودانيز أون لاين..
Author: الطيب بشير
Date: 04-03-2006, 10:32 AM
Parent: #23
حبيبنا بهنس
أتذكر المسخوط، بحسب تعبير الجيلي، الذي قال
خطب النسيم و قال إنّـك في الطريق
رئتاي صـفّـقتا و صـفّـقتا
كأجنحة الحمام؟
و تأتي أنت الآن لتجعل من النسيم فالعآ
اللهم يا فالع الحب و النّـوى أغـثـنا
معزّتي
|
Post: #25
Title: Re: حبيبنا المهندس شيخ الجيلي (راجل سيسيليا) ألـف أهـلآ بك في سودانيز أون لاين..
Author: الجيلى أحمد
Date: 04-03-2006, 02:31 PM
Parent: #23
الفنان الجميل بهنس..
تحايا يارجل ووتشكرات..
تذكرنى بصديق Rasta فى هولندا إسمه رضوان ود البك..
شبه بيناتكم وهو برضوا راجل حبوب ومكمل سماحة الروح زييك..
|
|