Post: #1
Title: تعادل الهلال وهلال بورتسودان2/2
Author: مهدى الصادق السيد
Date: 03-27-2006, 03:05 PM
تعادل دوريا هلال الساحل وهلال امدرمان
وقد كان الساحلى متقدما حتى الزمن الاضافى والذى مده حكم اللقاء
الى زمن قياسى
الف مبروك لعمر الفاروق
|
Post: #2
Title: Re: تعادل الهلال وهلال بورتسودان2/2
Author: مهدى الصادق السيد
Date: 03-27-2006, 03:16 PM
Parent: #1
نهاية مباراة الهلال وهلال الساحل بالتعادل بعد اطول شوط فى تاريخ الكرة السودانية
By
Mar 27, 2006, 11:43
أرسل بالبريد الألكترونيّ هذا
صفحة الطّباعة
تعادل الهلال مع ضيفه هلال الساحل ليل الاثنين ضمن مباريات الاسبوع الخامس للدورى الممتاز وهو التعادل الثالث للهلال الذى لعب حتى الان اربع مباريات وله مباراة مؤجلة مع الموردة
بدأ اصحاب الارض اللقاء بقوة وتمكنوا من احراز الهدف الاول عن طريق حمودة فى الدقيقة الخامسة الا ان هلال الساحل تمكن من ادارك التعادل فى الدقيقة الثالثة من الوقت المحتسب بدلا عن الضائع فى الشوط الاول ومع بداية الشوط الثانى اضاف اكرم ديسى الهدف الثانى لهلال الساحل في الدقيقة 9 من هذا الشوط وانتظر الهلال حتى الدقيقة 33 ليدرك التعادل عن طريق ضربة جزاء نفذها هيثم طمبل وانتظر الجمهور حتى الساعة العاشرة وثلاث دقائق بتوقيت الخرطوم ليعلن الحكم عن نهاية اللقاء الذى انطلق شوطه الثانى فى اللدقيقة الثانية من الساعة التاسعة بتوقيت الخرطوم علما بان حكم اللقاء سبت لبرادوا كان قد اشار بخمس دقائق فقط كوقت محتسب بدلا عن الضائع
Email: [email protected]
©
|
Post: #3
Title: Re: تعادل الهلال وهلال بورتسودان2/2
Author: Dia
Date: 03-27-2006, 11:28 PM
Parent: #2
فليتفرغ رئيس نادى الهلال لمعاركه الشخصية مع دزكمال شداد ويترك الهلال ينزف النقاط من الان
|
Post: #4
Title: Re: تعادل الهلال وهلال بورتسودان2/2
Author: keiga2000
Date: 03-28-2006, 00:18 AM
Parent: #3
فعلا مبروك لاخونا عمر الفاروق وهذا هو المستوى الحقيقي للهلال
لكن بسأل السنة دي الابن العاق هلال بورتسودان مالو جاء مكشر من اوله كدا
الظاهر انو صلاح ادريس مع مشاكلو مع صلاح ادريس حتى ابناءه اندية الخرطوم ثلاثة وشمبات ياحليله وهلال بورتسودان قد خاصمهم وظهر الهلال بمستواه الحقيقي مع ابناءه انتو عارفين الهلال لو لا المجاملات من ابناءه حتى مركز الوصيف ذاتو مابلقاه
ومبروك الابن العاق وانشاء الله دائما وعقبال للباقين
ابومصطفى
|
Post: #5
Title: Re: تعادل الهلال وهلال بورتسودان2/2
Author: haleem
Date: 03-28-2006, 00:30 AM
Parent: #1
الابن العاق دة قاعد يرصعكم بتسعة لاعبين بس...ولا نسيتو
|
Post: #6
Title: Re: تعادل الهلال وهلال بورتسودان2/2
Author: على محمد على بشير
Date: 03-28-2006, 01:15 AM
Parent: #5
شئ محزن جدا والله
فنحن فى المريخ قوتنا من قوة الهلال
وكلنا نعلم بأن للهلال مباراه افريقيه على قدر عالى
من الاهميه وبعدها لديه الرجاء المغربى ومباراة رد الاعتبار
له وللكره السودانيه , ورغم ذلك الهلال مستواه الفنى فى النازل
دفاع مهلهل ووسط تائه وهجوم به محترفين لم يستطيعوا ان يقدموا
الى الان مايشفع لهم مئات الالوف من الدولارات التى لهفوها من مال
الارباب الذى يقاتل فى عنجهية كمال شداد وصلفه وغروره ويقاتل مع
الهلال افريقيا وعربيا .
وصدقونى الرجل لم يألوا جهدا مع الهلال , فقد اعطى من ماله وجهده
الكثير ومعركته مع شداد لايخوضها لحسابه الخاص بل من اجل الهلال
المستهدف من الاتحاد العام ورجالاته وليثبت ان اندية القمه هى القاطره
التى تجر من خلفها العربات وان اندية القمه بما تملك من امكانات وتاريخ
يجب ان تعامل بغير هذا الاسلوب وبغير هذه الطريقه ويجب ان يؤخز رأيها
عندما تعدل اللوائح العامه وليس استفزاز قادتها وومثلينها فى الجمعيه.
|
Post: #7
Title: Re: تعادل الهلال وهلال بورتسودان2/2
Author: عمر الفاروق
Date: 03-28-2006, 01:45 AM
Parent: #1
مهدي صادق:
| Quote: وقد كان الساحلى متقدما حتى الزمن الاضافى |
انت اظنك يا زول النوع الكان لاطش قناة النيل الازرق وجايب ليك هندي ركب ليك طبق المجد وبعد شفروا القناة بقيت ما متابع !!!!!!!
يا زول ما تخاف الله !!!!!!!!
هلال الساحل متقدم لحدي الزمن الاضافي ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
لا حول ولا قوة إلا بالله !!!!!!!!!!!!!!!!!!!
انا قاااااااااااعد وحضرت الكورة والهلال تعادل في الدقيقة 30 من الشوط التاني وطبعاً لأنو الشوط بعد قرار افيفا الجديد اصبح 31 دقيقة عشان كده الهلال جاب القون في الزمن الضايع !!!!!!
الكورة وقفت كتيييييييييييير جداً واكتر من 10 دقايق فما كان من الحكم إلا ان مد الزمن والذي نعتبره غير صحيح بل كان من المفترض يكون اطول لكن نسوي شنو !!!!!!!
الهلال لم يكن بذلك السوء والنتيجة طبيعي وإن شاء الله عائدون ...
ومهما حصل ولو المريخ فاز اليوم سيكون الفارق 7 نقاط ومباراة مؤجلة للهلال وإن شاء الله بعدها يكون الفارق 4 نقاط !!!!!!!
وطبعاً عندنا 3 نقاط مضمونة بتاعت المريخ بعدين (ده إذا استمر الوضع بهذا الشكل) وإنتو لسة عندكم غلبتين ثابتات تاخدوهم وإن شاء الله الدوري هلالي امدرماني ..
|
Post: #8
Title: Re: تعادل الهلال وهلال بورتسودان2/2
Author: على محمد على بشير
Date: 03-28-2006, 01:57 AM
Parent: #7
| Quote: الكورة وقفت كتيييييييييييير جداً واكتر من 10 دقايق فما كان من الحكم إلا ان مد الزمن والذي نعتبره غير صحيح بل كان من المفترض يكون اطول لكن نسوي شنو !!!!!!! |
ود الفاروق
خليك امين وقول لينا الكوره وقفت كتير ليييه لاكثر من 10 دقائق
|
Post: #9
Title: Re: تعادل الهلال وهلال بورتسودان2/2
Author: keiga2000
Date: 03-28-2006, 02:03 AM
Parent: #7
| Quote: وطبعاً عندنا 3 نقاط مضمونة بتاعت المريخ بعدين (ده إذا استمر الوضع بهذا الشكل) وإنتو لسة عندكم غلبتين ثابتات تاخدوهم وإن شاء الله الدوري هلالي امدرماني |
ماتطولو لسانكم والله دا اخر الزمن اصحاب المتواليات الثمانية واصحاب الكاسات المحموووله جوا يستهزاء بيهم اصحاب الصفر الدولي والفضائح المحمولة جواً والفضائح الداخلية واصحاب الحجارة ههههههههههههههههههههههههههههه هذا زمانك يامهازل فامرحي
اي هلال امدرماني
نحن مريخ السودان المعروف دوليا
وانتو هلال ام درمان لانكم لسع في مرحلة الكاسات الداخلية
ابومصطفى
|
|