Post: #2
Title: Re: ألبِـــل: دوبيـت ..سَـمَع.. ومحاولات في الشــوف ..
Author: احمد العربي
Date: 03-27-2006, 04:10 AM
Parent: #1
المبدع قيسان انها واحه للاسترخاء
والتأمل
زيدنا جمالا فخريفك يورف افراحنا
مودتي
|
Post: #3
Title: Re: ألبِـــل: دوبيـت ..سَـمَع.. ومحاولات في الشــوف ..
Author: سفيان بشير نابرى
Date: 03-27-2006, 05:08 AM
Parent: #1
الاخ الجميل ...
قيسان ،،
تحية وتقدير واحترام،،
سا نتظرك فى هذه الواحة كثيراً .
هذه مساهمة صغيرة فى سيرة الابل وتقديرها
واحترامها لدى اصحابها.
يقول الطيب ود ضحوية (وهو همباتى معروف بشجاعته وكرمه) وهو يصف بعيره:-
الليل برد والنعسان جرايده بِدحن
كبس الهم على السلط القلوبِن وحن
كاضم الجِرة ساحر القروب اتمحن
نعود سالمين ياطه الظنون إن صحن
سعيد جداً بهذا البوست.
ــــــــــــــــــ
الليل برد :- مابعد منتصف الليل.
النعسان:- اسم بعير الطيب ود ضحوية.
جرايده:- سيقانهِ.
بدحن:- يضرب الارض بقوة.
كبس:- هجم
السلط :- الطريق المعتم الطويل.
القلوبن :- القلوب.
وحن :- شاحن او جفلن وفزعن.
كاضم الجِرة :- طعام تخرجه الحيوانات من جوفها وتعيد مضغه كراراً .
ساحر الغروب :- اسم بعير رفيقه فى هذا المسير.
اتمحن:- اى ساحر الغروب تعجب وانذهل من قوة النعسان وعزمه فى الانطلاق.
طه :- هو رفيقه فى السفر والهمبته طه الضرير وهو احد مشاهير الهمباتة فى السودان.
الظنون إن صحن:- أن صدقت حساباتهم وظنونهم.
|
Post: #4
Title: Re: ألبِـــل: دوبيـت ..سَـمَع.. ومحاولات في الشــوف ..
Author: معتصم الطاهر
Date: 03-27-2006, 06:27 AM
Parent: #1
معاك
لآخر المسدار ..
قيسان أنت جميل
|
Post: #5
Title: Re: ألبِـــل: دوبيـت ..سَـمَع.. ومحاولات في الشــوف ..
Author: Adil Osman
Date: 03-27-2006, 07:15 AM
Parent: #1
شكرآ يا قيسان على هذا الجمال. اهديك هذا المسدار فى وصف البل:
http://al-nafitha.com/songs/gagla.mp3
|
Post: #6
Title: Re: ألبِـــل: دوبيـت ..سَـمَع.. ومحاولات في الشــوف ..
Author: nazar hussien
Date: 03-27-2006, 09:47 AM
Parent: #5
قيسان الفنان
ربي يير بالك متل ما سريت بالنا بهذا الابداع
عادل عثمان....شكرا ان اهديتنا يوسف البنا وجقلته
|
Post: #7
Title: Re: ألبِـــل: دوبيـت ..سَـمَع.. ومحاولات في الشــوف ..
Author: عبد الله عقيد
Date: 03-27-2006, 10:12 AM
Parent: #1
الفنان عبد العزيز قيسان
لك التحية
| Quote: ولن أخفي أن بي حنيناً ما زال "يتاورني "كلما جات السِيرة" .. |
نشاركك هذا الحنين
ونستمتع معك بهذا الجمال البادي على محيا (الجِمال) ألبل..
ود ضحوية كان يعيش حالة صداقة خاصة مع الجمل
يناجيه ويؤانسه ويستشيره ويشكو له أحاسيسه..
أنظر إلى هذا المقطع من شعره الذي ورد في مطلع البوست
| Quote: "أمسيت يا جمل حاس بي طَعِنةً شافية" |
فهو يشتكي له آلامه طلبا للسلوى..
وعلاقة مع الجمل تبدأ من اختيار الأسماء لجماله
(الغول، الساحر، ود المرّة) إلخ.
وفي ما قاله ود ضحوية في تعزية جمله الغول عندما أصيب في عينه
مثال يجعلك تحس أنه يؤنسن مشاعر الجمل ويرفعه إلى مرتبة الصديق
فهو يقول:
باتع في الدحيح.. يا الغول متيلك وين؟
ما تستاهل العَورَة وخسار العين
كتير مِن فارق النزهة ورضا الوالدين
الباقي الله.. يا هجام فريق ام زين
أنظر إلى اشتمال التعزية لكامل شروطها
بدأ بالمدح، والتأكيد للغول أنه باتع في المشي وأنه لا مثيل له
والانتقال إلى مرحلة (ما تستاهل) التي يستنكر بها الناس وقوع المصيبة
ولا يلبث المعزي أن يعود لرشده ويلحقها بأن ذلك قضاءا وقدرا لا ينجو
منه أحد (كتير مِن فارق النزهة) نزهة العافية والسلامة، وفارق والديه
الذين يمتعانه برضاهما وحسن معاشرتهما.. تأمل عمق الأنسنة في هذه المرحلة..
ويعود إلى الإيمان واليقين بأن الباقي الله، وقمة الشعور في مخاطبته
المباشرة المادحة (يا هجام فريق ام زين)..
لك التقدير
بالمناسبة.. لم أستطع الاستماع إلى التسجيل
|
Post: #9
Title: Re: ألبِـــل: دوبيـت ..سَـمَع.. ومحاولات في الشــوف ..
Author: Ibrahim Adlan
Date: 03-27-2006, 12:15 PM
Parent: #1
اجلس القرفصاء في محراب جمال الباديه وانتظر المزيد
شكرا قيسان
|
Post: #10
Title: Re: ألبِـــل: دوبيـت ..سَـمَع.. ومحاولات في الشــوف ..
Author: محمد امين مبروك
Date: 03-27-2006, 12:50 PM
Parent: #9
قسان
مساء الخير
عمل رائع من زول اروع
عجبي آللرقل هباش
وعجبي ام قجي واسيادها البقومو رشاش
عجبي الصر عينو وطير ام كلباش
وعجبي الشدًحيلو أكان كتل وكان عاش
|
Post: #11
Title: Re: ألبِـــل: دوبيـت ..سَـمَع.. ومحاولات في الشــوف ..
Author: gessan
Date: 03-28-2006, 02:50 AM
Parent: #1
اخونا النحات احمد عربي ..
وإنتا عارف ..مافي حل غير المواصلة في الفعل ..
تحياتي لك وللذين حولك ..
***************
عزيزي سفيان بشير ..
شكرا للمساهمة ..والطيب ود ضحوية واحد من الذين أعنيهم في هذا المسدار كونه
أنشد وهو على سرج "سحاره" او "غوله" وهي من أسماء أطلقها على جمله ..(كما اكدها اخونا عبد الله عقيد في مداخلته)..
عموماً يا عزيزي شاكراً لك بقائك بالبوست .. ومزيداً من الكتابة ..
*************
عزيزي معتصم الطاهر ..
تحايا وشاكراً لك مرورك ..
والمسدار يطول بمداخلاتكم ..
**********
وشكراً جزيلاً عزيزي عادل عثمان
على رابط مسدار "جقلة" فقد إختصر كل ما اردت قوله هنا ..
أعجبني تعداده لمحاسن وفوائد الإبل لدى اهل البادية ..
"و جقلة عزيزة في معناها"..
"و جقلة بتجرد البنك إن جرت مربيد .."
ياخي والله هديتك سمحة بالحيل ..
*********
الأخ نزار حسين ..
تحايا وسلام يا رفيق نم الخيمة القديمة ..
عارفك بتجي بي جاي ..
شكراً ليك وما تبعد ..
*********
اخونا عبد الله عقيد ..
يبدو ان غنوات ود ضحوية دي هبشتك برضو ..
خاصة وأن فيها رُبب "المكنية" ..وشَرفة جبل "ام علي" ..
ويازول المسدار مسدارك ..
شكراً لمداخلتك في إتجاه ألبل والدوبيت..
- أتمنى ان يكون ملف الصوت إشتغل معاك ..
تحايا
*************
الأخ إبراهيم عدلان ..
مرحباً بك ..
وشكرا لحضورك ..
**************
عزيزي محمد اللمين مبروك ..
"وعجبي ام قجي واسيادها البقومو رشاش"..
مرحباً بك ثانية في رحاب البوادي ..
فلتمنحنا المزيد من دعاش باديتك..
---------
تحايا للجميع ..
|
Post: #12
Title: Re: ألبِـــل: دوبيـت ..سَـمَع.. ومحاولات في الشــوف ..
Author: عبد الله عقيد
Date: 04-02-2006, 01:15 PM
Parent: #11
سمعنا واستمتعنا يا قيسان
يديك العافية
|
Post: #13
Title: Re: ألبِـــل: دوبيـت ..سَـمَع.. ومحاولات في الشــوف ..
Author: المسافر
Date: 04-03-2006, 01:38 AM
Parent: #12
وا فلتنا الليلة ضونا مافي
وينو التام النفايل وللنقائص نافي
وين راكب التاتاي وجالب العنافي
وين أب سيفاً بقسم الزول محل ما يوافي
العنافي
المال
إلبل
نالت من الهم والهموم في نفوس البادية
أعمل حسابك الجمل لا ياخدك
الجمل لا ياخدك
أنت عارف الجمل إن جيتو من جنبة
ولفخك
بيأخد عقلك
لفخة واحدة وانت والجن أجاويد
|
Post: #14
Title: Re: ألبِـــل: دوبيـت ..سَـمَع.. ومحاولات في الشــوف ..
Author: قرشـــو
Date: 04-03-2006, 02:05 AM
Parent: #1
الأستاذ قيسان
قُت ليك يا جمل ماك عارف الفِي نِيتي
ناوي بيك مبيت رُبة دِكك مكنِيّتي
قال لي اسعلني وجمع الواسعة مو هِميتي
قُت لُو النايرة في قلدة وريدها هنيتي
لك الشكر وانت تعود بنا الى زمن كان للجمل القدح المعلى فى الترحال وفى الهمبته وتعود لبنا لمراتع الاهل فى الوطن الحبيب وذكر الأمكنة الحبيبة من خلال هذا السفر الجميل ..
ولك الشكر وانت تمزج بين هذا وذاك .. الحداء العميق والفن التشكيلى الرائع الجميل من خلال رسومات للجمل ...
ما اجمل ما خطته يداك سيدى وليتك تتمكن من انزال المزيد من الدوبيت الجميل الذى يزكرنا بايام جميلة ايضا كان للدوبيت شأن فى ثقافة السودانيين ..
|
Post: #15
Title: Re: ألبِـــل: دوبيـت ..سَـمَع.. ومحاولات في الشــوف ..
Author: تيسير عووضة
Date: 04-03-2006, 02:50 AM
Parent: #1
يا قيسان
يا فنان ..
زي ما قلت , بوست سمع وشوف
يسلم شوفك ..
الولد البجـيب كمـــش النقـو مُوهيــن
سايم دمـو في وقت الحديث مـطيّن
غصبـاً عنو يـا الساحر نسـوقن بيّن
إنت هسه قطعت الطريق على ود ضحوية
وأخدت الِبل حقينو قوة وجمال وجبت كمش النقو ..
|
Post: #16
Title: Re: ألبِـــل: دوبيـت ..سَـمَع.. ومحاولات في الشــوف ..
Author: Ibrahim Adlan
Date: 04-06-2006, 03:59 PM
Parent: #1
قال الشاعر احمد ود عوض الكريم في وصف الجمل
نعام دندر شمال الزاع و شاف الخيل
زراق ضله و خياله التابعو زادو جفيل
علي محياهو بدر ود يسه عاتم ليل
سلوك راديو و يمثل لفحو ابو ضليل
رد عليه ود شوراني
قارح العنز الاضحي و نعالو ضليل
لقي لو مليق علي اللحوي و عقد كانجيل
اطراف القماش احماهن اللديل
علي التبور خفيف لمسو ووهيطا سيل
|
|