Post: #1
Title: كيف سيبرر الانقاذيين للرئيس ورطة "الجمل".
Author: النصرى أمين
Date: 03-25-2006, 02:27 PM
المعروف عن الرئيس الامريكى جورج بوش " جلطاته" اللغويه
وتركيبه لجمل غير مفهومه و مبهمه ولكن عندما يكون الحديث
عن مسائل جوهريه نلاحظ ان اكثر دقه وحسم خاصة فى قضايا جوهريه
تهم المواطن الامريكى ..
وقد صارت جلطات الرئيس مواد دسمه للتندر فى برامج ديفيد لترمان وجو
لينو وغيرهم ..
رئيسنا المبجل "عداه العيب" لا يخلو من الجلطات والتهور فى الحديث
لكن ورطه "الجمل" سبق فيها "القبلو"
"مشكلة دارفور اصلها سرقه جمل"
يا للعبقريه البشيريه
يفكرر الانقاذيين بشده هذه اللحظات لايجاد تبرير لمنطق الرئيس "الجملى"
ويعمل ملايين من اساتذه و دارسى التاريخ لايجاد اصل للواقعه
واثباتها للشعب المؤمن
كمخرج للورطه اقترح ان ينفى الرئيس تصريحه ويحلف بالطلاق انو ما قالو
ويادار ما دخلك شر
|
Post: #2
Title: Re: كيف سيبرر الانقاذيين للرئيس ورطة "الجمل".
Author: Frankly
Date: 03-25-2006, 03:03 PM
Parent: #1
| Quote: كيف سيبرر الانقاذيين للرئيس ورطة "الجمل". |
أنا غايتوا ما حا أبرر ليهو
أها كدا كيف إنقاذي ولا حاجة تانية؟
قلنا نشاغل شوية
لكن بالجد جيت أسلم عليك ياهندسة
تحياتي
فرانكلي
|
Post: #3
Title: Re: كيف سيبرر الانقاذيين للرئيس ورطة "الجمل".
Author: النصرى أمين
Date: 03-25-2006, 03:16 PM
Parent: #1
سلام ياكمال
سعيد جدا والله بمرورك الكريم
طبعا كل واحد فى المنبر بحاول بوصل رساله معينه للقراء
منهم من يصادم تاخ ترااااخ
ومنهم من "يمنطق"
ومنهم من يكذب
ومنهم من "يشرع" بتشديد الشين
ومنهم من "يقص" (الذى لا يكتب بوستات لكنه يقص لخصومه)
ومنهم من "يلبت" وبوووووووووم يجى ناطى
ومنهم
ومنهم
الا ما لانهايه
المهم كلنا فى الاخر سودانيين
كل الود ياصديقى العزيز
ومرحب واهلا "بمشاغلتك"
|
Post: #4
Title: Re: كيف سيبرر الانقاذيين للرئيس ورطة "الجمل".
Author: Tragie Mustafa
Date: 03-25-2006, 03:41 PM
Parent: #3
النصري امين سلامات
ولسه صامد في سان كاثرين ولا لحقته ناس البرتا؟؟؟؟
يا سيدي
افضل حل هو ما قلته:
Quote:
كمخرج للورطه اقترح ان ينفى الرئيس تصريحه ويحلف بالطلاق انو ما قالو
ويادار ما دخلك شر |
هذا فعلا اسهل حل وكفى الله المؤمنين شر القتال.
وكثر الله خيرك بصصتهم الاجابه.
تراجي.
|
Post: #5
Title: Re: كيف سيبرر الانقاذيين للرئيس ورطة "الجمل".
Author: النصرى أمين
Date: 03-25-2006, 04:13 PM
Parent: #1
سلام يا تراجى
والله لسه صامدين فى سانت قاشرين كما كان يسميها اخونا عبدالمنعم
الكوارتى..وهى مدينه حنينه لكن ناشفه يسكنها مهاجرون من اصول
شرق اوربيه وهم بطبعهم ما بحبو صرف القروش
ساقوم بعمل بوست خاص بالصور من سانت كاثرينز حيث انها واحده
من اكبر تجمعات السودانيين فى شمال امريكا
بالنسبه لورطه السيد رئيس الجمهوريه ...الجماعه دلوقت
بفكرو يعملو معاها شنو
شكرا جزيلا على المرور
كل الود
|
Post: #6
Title: Re: كيف سيبرر الانقاذيين للرئيس ورطة "الجمل".
Author: النصرى أمين
Date: 03-27-2006, 01:48 AM
Parent: #1
up
|
|