Post: #1
Title: الشوايقه الحنينين عيشوا معاي الغنيه دي عليكم الله
Author: ايهاب نميري
Date: 03-23-2006, 03:38 AM
عليكم الله شوفو الجنا بيقول في شنو
http://www.sudaneseonline.com/amlnalbagi/collection/7obby_zady.wmv
حـبـى أنــا لـيــك كـان زادى وكـان جوه الحنايا دفين
كـتّ بـضـــارى مـن الـنـاس وخايفه عليهو من العين
عـلـيــهــــو كــت بصــوم وافطر عليهو بكابد النارين
كـــت بـحــســب سنـيـن الغربة لما تعود تجينى متين
وكـــت بــــرجــاك فــوق الـنــار لما وكت لقانا يحين
نونس فــى بـراءة أطفال وفى الحب نروى ننهل زين
وكـلــمــا يــوم يـــزيـــد البـيــنا لـمـا بقينا قاب قوسين
اتارى أنا كت فيك مخـــدوعه وكم من زي مخدوعين
مــا قــايــلاك حـبــيـــب آلاف وقـلـبـــك قبله للضالين
ومــا قــايــلاك بتـنسي حبيب صبر راجيك سته سنين
وســاهـــر كـم لــيـــالــى طــوال يـتقلب شمال ويمين
كـيــفــن يـهــون عـليك تنساهو زولاً كان عليك حنين
وتـشــغــل بــالـك الأشــواق لــمــّن تـزبــــل الياسمين
كــت دايــراك بـسـمة عريضة فى وجه الزمان الشين
وكــت دايــراك سـاعة الحاجة تبقى ليّ دخرى خزين
كــت دايــراك مـقــنــع حـوبــه وكتين المضارى يبين
وكــت دايــراك فـارس احـلامى تـشاركنى ونتم الدين
وكــت دايــراك أمــل بـســام يــزيــل ألم البعاد والبين
كــت دايـــراك شـريـك الروح واخدمك حافية القدمين
وكــت بـحــلــم بك انت معاي مجرتق بالعديل والزين
جنـبـك فـى يــمــيـنــك قــاعــده نـسمع فى دقر يا عين
تـبــشـــر زيــن مــع الأصحــاب وتتشـبـل من الوزين
أنا الأبـحــرت راكــبه الموج اكيد مرسايا بين موجتين
وداعــاً يـا زمـن ظــالـــــم وبــالأفــــراح عـليّ ضنين
وداعــاً يـا قـــلــب قـــاســـي لا بـيــحـــــــن ولا بيلين
وداعــاً يـا ســراب خــداع محال ما بيروي عطشانين
وداعــاً يـا كــلام معـســول حــدو ومكـمـنـــو الشفتين
وداعــاً يـا سحـابـة صيــف شايلى مطر ضليلا رهين
تبـشــر بـى خـريف جايـيـنا ياما الناس رجوهو سنين
كل زولاً يـفـكــر فـيــهــا مـا مـعـــروفـة تـنــزل وين
وألف سلام عليك يا قلبي المـسـالم وديمه طبعو حنين
يتـاورو الـشــوق ويلعـب بيـهو تنحر فى حشا السكين
تـعــاودو الـذكــري تــنــتـر جوا حالو يحنن المسكين
أخــيــراً مــى لـيــك سلام وقبل ما تجف دموع العين
وقـبــال مـنــى مــا تـعـــدى وقــبــال الفـراق ما يحين
بخيت وسعيد عليك إن شاءالله يـبـقالـك عـمــار وبنين
وقـلـبى أنـــا خـلــى فـى أنـاتو بـعـدك ياما راجى أنين
ولو كــان يــا قـلــب حـبـيـت بـعـدو بعـد قسمت يمين
مـا يـنــتـــمّ لــيــك مــراد لا تضـوق لا حلو ولا زين
وتفضل طول حياتك تبكى طول عمرك تعيشو حزين
وعـمـرك مــا تجـيـك سـعــادة مـا تـتـهـنــا قـول آمين
وتـــانـى الحـب عليك حرمان ووعد الحر أمانه ودين
|
Post: #2
Title: Re: الشوايقه الحنينين عيشوا معاي الغنيه دي عليكم الله
Author: keiga2000
Date: 03-23-2006, 04:10 AM
Parent: #1
عجيب والله ياود نميري
وخاصة بصوت هذا الفتي الرائع ربنا يحفظوا
|
Post: #3
Title: Re: الشوايقه الحنينين عيشوا معاي الغنيه دي عليكم الله
Author: ايهاب نميري
Date: 03-23-2006, 04:31 AM
Parent: #1
فعلا الواحد لمن يتمعن في الكلمات ويعيش القصح دي الصراحه فيها احساس عجيب وشعور غريب جدا جدا
والشاب الموهبه دا الصراحه قدم شغل جميل جدا جدا جدا
|
Post: #4
Title: Re: الشوايقه الحنينين عيشوا معاي الغنيه دي عليكم الله
Author: فرح
Date: 03-23-2006, 05:08 AM
Parent: #3
يا سلاام عليك
يا حنين
|
Post: #5
Title: Re: الشوايقه الحنينين عيشوا معاي الغنيه دي عليكم الله
Author: ايهاب نميري
Date: 03-23-2006, 05:11 AM
Parent: #4
عشته يا سيد الناس
|
Post: #6
Title: Re: الشوايقه الحنينين عيشوا معاي الغنيه دي عليكم الله
Author: ibnaof
Date: 03-23-2006, 05:30 AM
Parent: #4
حبك خلي زاد لليلي الحب لسع دربوا طويل
|
Post: #7
Title: Re: الشوايقه الحنينين عيشوا معاي الغنيه دي عليكم الله
Author: wadah taber
Date: 03-23-2006, 05:40 AM
Parent: #1
شكرا ليك يارايع الاحساس
يا ريت لو تنزل غنية يا مولاي
|
Post: #8
Title: Re: الشوايقه الحنينين عيشوا معاي الغنيه دي عليكم الله
Author: ايهاب نميري
Date: 03-23-2006, 05:45 AM
Parent: #7
حاضر من عيونا موجوده
|
Post: #9
Title: Re: الشوايقه الحنينين عيشوا معاي الغنيه دي عليكم الله
Author: Walid Safwat
Date: 03-23-2006, 10:08 AM
Parent: #1
غايتو نحنا ما شوايقه لكن دخلنا لاحفلة دي واستمتعنا - بولوتاريا
|
|