Post: #1
Title: شـخبتات على جدار الوطن الجميل
Author: إدريس محمد إبراهيم
Date: 03-22-2006, 02:14 AM
Parent: #0
بعد إحدى الأمسيات الشعرية بدار مدني بالرياض أذكر إنني شاركت فيها والأخوة الشعراء بدرالدين حسن ويوسف حمد النيل .. بالصدفة كان معي آلة عود لأحد الأصدقاء أحضرتها معي لزوم وزنها بواسطة أحد الأخوة الفنانين .. ركب معي بعض الأصدقاء لإيصالهم ومن ضمنهم شاب في مقتبل العمر أعطيته العود ليكون بجواره في المقعد الخلفي ... سألني هلى بتعزف يا أستاذ .. فقلت لا والله لا بعرف أعزف ولا أرسم ... فرد علي .. لكن والله بتعزف على وتر المشاعر ... ألجمني الصمت تأثراً ... وفي المنزل أخذت اسأل نفسي .. هل بتعزف .. وأردد الواقعة .. وفي الصباح كانت هذه القصيده ... والتي نشرت بصحيفة الخرطوم اليومية .. وألقيتها في ندوة تجليات الأجناس الأدبية بفندق القصر الأبيض بالرياض ضمن فعاليت الخرطوم عاصمة الثقافة العربية ... أهديها إليكم علها تلامس شيئاً ما بوجدانكم العطر أحبتي ...
شخبتات على جدار الوطن الجميل ...
هل بتعزف ...؟!!
لاني بعزف لاني برسم ...
لاني فنان صوتو مليان بالطلاوه ..
بس بتعزف ياخي في وتر المشاعر ...
أصلي مسكون بالخواطر...
ديمه في الدفتر بشخبت ...
كوني مجنون قالوا شاعر ...
***
ديمه تأثرني وتكبّل ...
بحة الشجن الجميل ...
ديمه بسبح في شغاف ...
رقة المعنى الجميل ..
زول مودّر ديمه تايه ..
في دروب المستحيل ...
***
ديمه منحاز للمساكين التغرّز ...
جور ظروفهم فيها نابه ...
للطيور الساكنه غابه ...
وخوفها من قسوة زناد وحشاً يكوّن زيفو من دم الغلابه ...
والحزن خيّم صدورهم بالكآبه ...
للحناجر الحره تهتف بالحقيقه المره زي طعن الخناجر ..
في أساس كل الطواغيت البتنهب ديمه في عرق المساكين والتعابه ...
أصلي منحاز للبلد ...
وكل يوم بحلم جبينها ...
تاج فخار مسكون مرصّع ... عزه كاسياها المهابه ...
واعشق الزول البيركّز ...
شان يزيل قسوة صعابها ..
والسلام الدرتو ليها ..
بكره يتوشح صدورنا ...
ورده في عزة ترابه ..
برضي بعشق هلة النور في بلادي ..
والصبايا بريده يابه ...
زي نغم مفتون محكّر ...
في انسياب وتر الربابه ...
إلا واحده فريده فيهن ...
ريدي زايد فيها مره ...
زوله حلوه جميله مره ...
شايله من طهر الصحابه ...
والشقاوه الفيها زي نحلاً مشبع بالرحيق ...
كون مضمخ من شهد صافي ومصفى ...
من ندى الرقه المذابه ...
حاجه زي حرف الكتابه ...
لمه يكره للرياء ...
لمه يختال هامه تتقطّر إباء ...
ويمشي يلعن كل معاني الزيف والتزلف ... والتملق.. والتسلق ... والرياء ..
والتسوّل في متاهات القصور ...
هن أساس معنى الغلوّ الماصي شريان الضهابه ...
شفتوا كيف بهرة حبيبتي الساطعه تقتل في الرتابه ...
زي معاني فريده تبرق ...
في صدى الغربه وعذابه ...
***
شفت يا زول لاني بعزف .. لاني برسم ...
لاني فنان صوتو نديان بالطلاوه ...
أصلي مسكون بالخواطر ...
ماسك الدفتر بأصل كونّي شاعر ...
يلهب الكون بالمشاعر ..
وفوق جدار وطني الجميل ...
بس بشخبت شخبتات ...
إدريس محمــد إبراهيم
الرياض 12/04/2004م
|
Post: #2
Title: Re: شـخبتات على جدار الوطن الجميل
Author: غدى
Date: 03-22-2006, 05:06 AM
Parent: #1
تسجيل اعجاب بهذا الجمال
|
Post: #3
Title: Re: شـخبتات على جدار الوطن الجميل
Author: إدريس محمد إبراهيم
Date: 03-22-2006, 05:20 AM
Parent: #2
الأخ العزيز / غدي
تحية تقدير ومودة ...
شكراً لك كثيراً على مرورك الجميل ... وأتمنى أن أكون دائماً عتد حسن الظن ... ولك خالص مودتي
|
Post: #4
Title: Re: شـخبتات على جدار الوطن الجميل
Author: إدريس محمد إبراهيم
Date: 03-25-2006, 03:23 AM
Parent: #3
الأخت العزيزة / غدي ..
تحية عطرة مع خالص التقدير والاحترام ...
دعيني أقدم لكم خالص إعتذاري عن مخاطبتك بصيغة "الأخ" .. فألف معذرة ...
وأكرر شكري على مرورك الجميل ...
مع خالص ودي وتقديري ...
|
Post: #5
Title: Re: شـخبتات على جدار الوطن الجميل
Author: فيصل محمد خليل
Date: 03-25-2006, 05:55 AM
Parent: #4
ادريس سلام
روعة والى الامام
فيصل محمد خليل
|
Post: #6
Title: Re: شـخبتات على جدار الوطن الجميل
Author: إدريس محمد إبراهيم
Date: 03-25-2006, 06:38 AM
Parent: #5
الأستاذ الكريم / فيصل محمد خليل ...
تحية عطرة ...
لك كل الشكر والتحايا على تشجيعك .. وأتمنى أن أكون دائماً عند حسن الظن ...
ولك الود والتحية ..
|
Post: #7
Title: Re: شـخبتات على جدار الوطن الجميل
Author: إدريس محمد إبراهيم
Date: 03-28-2006, 01:01 AM
Parent: #6
يا مترة جدودي الطاله صبحيه ...
يا عمي الجمع نفس العزاز في حسو ...
أنفاس غيمه فجريه ...
ويا خالي الوقف على ارض الجدود مختال ...
أنغام فاس وطوريه ...
ويا سمحة حسان الحيّ يوم ضميتي زولاً تاه ...
لهيب نفسك مع الدمعه السقت ...
سهاد ايامو مرثيه ...
سته سنين .. تلاته شهور .. وكم من يوم ...
تشيل الغيبه من بلدك ...
حرام ما نحنا أهليه ...
مقطع من قصيدة يا بلد .... مع حبي للجميع
|
Post: #8
Title: Re: شـخبتات على جدار الوطن الجميل
Author: إدريس محمد إبراهيم
Date: 04-12-2006, 08:51 AM
Parent: #7
أصلي منحاز للبلد ...
وكل يوم بحلم جبينها ...
تاج فخار مسكون مرصّع ... عزه كاسياها المهابه ...
واعشق الزول البيركّز ...
شان يزيل قسوة صعابها ..
|
Post: #9
Title: Re: شـخبتات على جدار الوطن الجميل
Author: Mohamed Abdelgaleel
Date: 04-12-2006, 09:48 AM
Parent: #1
Quote: ويمشي يلعن كل معاني الزيف والتزلف ... والتملق.. والتسلق ... والرياء ..
والتسوّل في متاهات القصور ...
هن أساس معنى الغلوّ الماصي شريان الضهابه ...
شفتوا كيف بهرة حبيبتي الساطعه تقتل في الرتابه ...
زي معاني فريده تبرق ...
في صدى الغربه وعذابه ...
|
بالله شخبت طوالي يا إدريس .. وأعزف على وتر المشاعر والوطن
|
Post: #10
Title: Re: شـخبتات على جدار الوطن الجميل
Author: إدريس محمد إبراهيم
Date: 04-13-2006, 00:46 AM
Parent: #9
شكراً محمد عبد الجليل الرائع ...
الوطن للجميع وفي حدقات العيون .. وفي اعتقادي يا عزيزي محمد أن كل هذه الضجة والتراشق بالألفاظ التي يحدثها المختلفون لا داعي لها فكلهم يحبون السودان ويحرصون على مصلحته .. فطالما اتفقنا كلنا على الغاية النبيلة فإن ما يأتي بعدها من تعارض في التفعيل والممارسه هو اختلاف على الوسيلة ...
كل واحد بما ملكه المولى عز وجل من قدرات أرى أن يساهم ويدلو بدلوه من غير تجريح وإلغاء للآخر ... "مش ؟" ... تختلف ونأتلف على حب الوطن وتحقيق أهدافه الساميه حاجة طبيعية وجميله .. أما إذا تناحرنا ضاع الوطن الملاذ ...
مع خالص حبي وتقديري ؛؛؛
|
Post: #11
Title: Re: شـخبتات على جدار الوطن الجميل
Author: إدريس محمد إبراهيم
Date: 04-15-2006, 01:26 AM
Parent: #10
برضي بعشق هلة النور في بلادي ..
والصبايا بريده يابه ...
زي نغم مفتون محكّر ...
في انسياب وتر الربابه ...
إلا واحده فريده فيهن ...
ريدي زايد فيها مره ...
زوله حلوه جميله مره ...
شايله من طهر الصحابه ...
|
Post: #12
Title: Re: شـخبتات على جدار الوطن الجميل
Author: siddieg derar
Date: 04-15-2006, 02:15 AM
Parent: #1
جميل جميليا
إدريس محمد إبراهيم
على جدران حجرات الوطن الجميل
جمال الشعر مع التزام بالإنتماء
والتزام بقضية المغلوبين من أهله
ونعم الرجل الفارس
|
Post: #13
Title: Re: شـخبتات على جدار الوطن الجميل
Author: إدريس محمد إبراهيم
Date: 04-15-2006, 03:14 AM
Parent: #12
الأستاذ / صديق ضرار
(على جدران حجرات الوطن الجميل
جمال الشعر مع التزام بالإنتماء
والتزام بقضية المغلوبين من أهله)
مثل هذا الكلام الجميل لا يصدر إلا من فارس نبيل ...
لك التحية وعاطر الثناء
|
Post: #14
Title: Re: شـخبتات على جدار الوطن الجميل
Author: عبدالرحمن الحلاوي
Date: 04-15-2006, 04:50 AM
Parent: #13
بذاكر النص وبجيك راجع
|
Post: #15
Title: Re: شـخبتات على جدار الوطن الجميل
Author: إدريس محمد إبراهيم
Date: 04-15-2006, 05:12 AM
Parent: #14
الأستاذ / عبد الرحمن الحلاوي ...
تحية الندى والرياحين والصبابه ..
تخيل !!... زي واحد داخل غرفة العمليات ... تجدني أنتظر مبضع الجراح الماهر حتى أرتاح ...
مع كل حبي ...
|
Post: #16
Title: Re: شـخبتات على جدار الوطن الجميل
Author: عبدالرحمن الحلاوي
Date: 04-15-2006, 05:29 AM
Parent: #1
القصيدة دي غنائية ، ولحنها سهل الانسياب ، لو ريحتها من الأبيات الطويلة في المقاطع ( 2 و3) . والزول اللي سألك دا ، تاني ما يسألك لأنك لزمته حده في الجواب .
|
Post: #17
Title: Re: شـخبتات على جدار الوطن الجميل
Author: Mohamed Abdelgaleel
Date: 04-15-2006, 09:18 AM
Parent: #16
| Quote: أما إذا تناحرنا ضاع الوطن الملاذ ... |
|
Post: #18
Title: Re: شـخبتات على جدار الوطن الجميل
Author: إدريس محمد إبراهيم
Date: 04-16-2006, 00:55 AM
Parent: #17
أخي / محمد عبد الجليل ....
لك التحية وخالص الود ...
أكيد يا أبو حميد .. سلمت يداك ودمت لنا أباً أستاذاً في لم الشمل ...
|
Post: #19
Title: Re: شـخبتات على جدار الوطن الجميل
Author: Dr. Abdalla Siddig
Date: 04-16-2006, 03:38 AM
Parent: #18
ادريس محمد ابراهيم
صديق ضرار
عبدالرجمن الحلاوي
ماشاء الله مايسحروكم
لا نسطيع قول اي كلمة غير( متعكم الله بالصحة والعافية وربنا يخليكم للوطن)
مع خالص تقديري
|
Post: #20
Title: Re: شـخبتات على جدار الوطن الجميل
Author: إدريس محمد إبراهيم
Date: 04-16-2006, 03:46 AM
Parent: #18
الصديق الذي أعتز به .. وأرجو صادقاً ألا يعكر صفو هذه الصداقة الوليدة ما يعكرها ... عبد الرحمن الحلاوي ...
تحية ملؤها الإعزاز والمودة ...
* خارج النص : ينتابني شعور بإنك ماخد على خاطرك شويه من جراء مداخلتي في موضوعك الشيق "بحبك" وقصيدة دوغلة المنبجي ومسألة الوصف الحسي بها .. يا راجل هكذا دنيا الأدب ما تاخد فيها حاجه .. وأنا السباق لذلك عندما باغتني في موضوع "بعض رجاء" حتى بدون تحيه باستفسارك واستغرابك عن النيروز والأضداد..وكيفية استقاء المعني بين نقيضين .. بلعتها وأصبحنا أصدقاء رغم أن صاحبنا هذا صاحب القصيدة اليتيمة قال فيما أذكر:
"ضدان لما اجتمعا حسنا ... والضد يظهر حسنه الضد"
| Quote: القصيدة دي غنائية ، ولحنها سهل الانسياب ، لو ريحتها من الأبيات الطويلة في المقاطع ( 2 و3) . والزول اللي سألك دا ، تاني ما يسألك لأنك لزمته حده في الجواب . |
شكراً على هذا التحليل المموسق لموسيقى هذه القصيدة كعهدك دائماً ... ولكن يا عبد الرحمن الواحد منا محتاج لبعض الأسئلة المحفزة .. لولا سؤال هذا الشاب العزيز لما كانت هذه الشخبتات ...
لك خالص مودتي وإعزازي ؛؛؛
|
Post: #21
Title: Re: شـخبتات على جدار الوطن الجميل
Author: إدريس محمد إبراهيم
Date: 04-16-2006, 04:50 AM
Parent: #1
الدكتور / عبدالله صديق
تحية تتيه إجلالاً ومحبة ...
Quote: ادريس محمد ابراهيم
صديق ضرار
عبدالرجمن الحلاوي
ماشاء الله مايسحروكم
لا نسطيع قول اي كلمة غير( متعكم الله بالصحة والعافية وربنا يخليكم للوطن) |
أولآً والله أعجيتني مداخلتك الحميمة الحريصة على حب هذا الوطن في موضوع الأخت الشاعرة / نادية عثمان بقصيدتها عن دارفور ... ولولا الخوف من إتهامي بالشللية التي لا أحبها، كنت عايز أرد وأشكرك ... وأكيد نادية صاحبة الموضوع أقدر مني علي ذلك ...
ثانياً : د. عبد الله ونحن لا نستطيع قول أي كلمة غير (أكثر الله من أمثالكم من الحادبين على مصلحة الوطن والمتسلحين بالعلم النافع إن شاء الله ... المتحسسين دروبهم من وهج نور الإيمان بالمولى عز وجل)
سلمت يا رعاك الله أخي الحبيب ....
|
Post: #22
Title: Re: شـخبتات على جدار الوطن الجميل
Author: adil rahman
Date: 04-16-2006, 10:02 AM
Parent: #1
الأخ إدريس
Quote: ديمه تأثرني وتكبّل ...
بحة الشجن الجميل ...
ديمه بسبح في شغاف ...
رقة المعنى الجميل ..
زول مودّر ديمه تايه ..
في دروب المستحيل |
مقطع رائع وراقي أسرني كثيراً وتوقفت عنده و كأن الزمان معي توقف
مع تحياتي
عادل عبدالرحمن إبراهيم
|
Post: #23
Title: Re: شـخبتات على جدار الوطن الجميل
Author: إدريس محمد إبراهيم
Date: 04-17-2006, 01:08 AM
Parent: #22
الأستاذ الكريم / عادل عبد الرحمن
لك التحية وخالص الشكر على هذه الطلة الجميلة ...
| Quote: مقطع رائع وراقي أسرني كثيراً وتوقفت عنده و كأن الزمان معي توقف |
وهذا دائماً ديدن الناس الرائعين يأسرهم كل ما هو صادق وجميل ... دعواتك أخي عادل أن يوفقني الله في رحلة البحث عن الأجمل ... ومزيداً من هذا الحضور البهي ...
ولك خالص تقديري واحترامي ؛؛؛؛
|
Post: #24
Title: Re: شـخبتات على جدار الوطن الجميل
Author: Khalid Saeed
Date: 04-17-2006, 04:25 AM
Parent: #23
الأخ الحبيب الصديق الأستاذ/ ادريس
في حضرة جمالك يطيب لي الإنصات بهدوء .
أخوك / خالد سعيد الأرباب
|
Post: #25
Title: Re: شـخبتات على جدار الوطن الجميل
Author: Muna Khugali
Date: 04-17-2006, 06:52 AM
Parent: #24
Quote: ديمه منحاز للمساكين التغرّز ...
جور ظروفهم فيها نابه ...
للطيور الساكنه غابه ...
وخوفها من قسوة زناد وحشاً يكوّن زيفو من دم الغلابه ...
والحزن خيّم صدورهم بالكآبه ...
للحناجر الحره تهتف بالحقيقه المره زي طعن الخناجر ..
في أساس كل الطواغيت البتنهب ديمه في عرق المساكين والتعابه ...
أصلي منحاز للبلد ...
وكل يوم بحلم جبينها ...
تاج فخار مسكون مرصّع ... عزه كاسياها المهابه ... |
|
Post: #26
Title: Re: شـخبتات على جدار الوطن الجميل
Author: إدريس محمد إبراهيم
Date: 04-18-2006, 01:27 AM
Parent: #25
الأخت المبدعة / منى خوجلي ...
تحية المحبة الصادقة ... والامتنان الكثيـــر ...
بقدومك بيتنا نؤّر .. وأشعلت فيه قناديل الفرخ البهي يا منى ...
* يعني شنو يا منى كنت أطمع في تعليق من قلمك الباذخ ... لكن المره دي سماح لأنك مشغوله بالتحضير للرحله ... وهناك عندي معاك كلام تاني...
مع خالص الشكر والتجلة ...
|
Post: #27
Title: Re: شـخبتات على جدار الوطن الجميل
Author: إدريس محمد إبراهيم
Date: 04-18-2006, 01:27 AM
Parent: #25
الأخت المبدعة / منى خوجلي ...
تحية المحبة الصادقة ... والامتنان الكثيـــر ...
بقدومك بيتنا نؤّر .. وأشعلت فيه قناديل الفرخ البهي يا منى ...
* يعني شنو يا منى كنت أطمع في تعليق من قلمك الباذخ ... لكن المره دي سماح لأنك مشغوله بالتحضير للرحله ... وهناك عندي معاك كلام تاني...
مع خالص الشكر والتجلة ...
|
Post: #28
Title: Re: شـخبتات على جدار الوطن الجميل
Author: إدريس محمد إبراهيم
Date: 04-18-2006, 01:32 AM
Parent: #24
صديقي الأستاذ بهي الدواخل دوماً / خالد ود الأرباب ...
تحية الصباح الجميل السعيد يا صديقي ابو سعيد ...
آه لو كنت تعرف مدى فرحي بطلاتك الحلوه ... لما بارحت بيوتاتي تمنحها كل هذا التشجيع البهجة ... تماماً كما تسكن قلبي السعيد جداً بصداقتك الرائعة ...
خالص الحب وأطيب المنى .. وتحياتي عبرك لسعيد وسماح والسيده الفاضلة / أم سماح ...
|
Post: #29
Title: Re: شـخبتات على جدار الوطن الجميل
Author: إدريس محمد إبراهيم
Date: 04-19-2006, 02:55 AM
Parent: #28
Quote: واعشق الزول البيركّز ...
شان يزيل قسوة صعابها ..
والسلام الدرتو ليها ..
بكره يتوشح صدورنا ...
ورده في عزة ترابه .. |
|
Post: #30
Title: Re: شـخبتات على جدار الوطن الجميل
Author: Mohamed Abdelgaleel
Date: 04-20-2006, 05:57 AM
Parent: #29
(قبلتها قبلتني وهي قائلة
قبلت خدي فلا تبخل على عنقي
قلت العناق حرام في مذاهبنا
قالت: إن يك ذا
فأجعله في عنقي)
ما هي العلاقة بين العنق والمسؤولية .. أم أطلق الجزء وأراد الكل ..
أم هو إعادة تحديد لجغرافيا القبلة.
ألم تقل شخبتو على كيفكم يا إدريس المعانى الدقاق
|
Post: #31
Title: Re: شـخبتات على جدار الوطن الجميل
Author: إدريس محمد إبراهيم
Date: 04-22-2006, 00:03 AM
Parent: #30
Quote: ما هي العلاقة بين العنق والمسؤولية .. أم أطلق الجزء وأراد الكل ..
أم هو إعادة تحديد لجغرافيا القبلة. |
دعني أولاً أطبع قلة على جبينك الوضاء ... إمعانا في التعبير عن مودتي وإعجابي وحبي ... ببساطة هذا هو معني القبلة الذي أفهمه أيها الفيلسوف الخطير ...
أما العنق فهو الموضع الذي يشير إليه الناس بتحمل المسئولية ... والسودان أمانة في إعناقنا جميعاً علينا تحملها بكل مسئولية ونتشايل لوضع الوطن في المكان الذي يليق به ... وما عليك يا رجل هذه مجرد شخبتات على جدار الوطن الجميل ...
|
Post: #32
Title: Re: شـخبتات على جدار الوطن الجميل
Author: إدريس محمد إبراهيم
Date: 05-07-2006, 06:55 AM
ولك أيها الوطن الجميل كل محبتي وولائي ....
|
Post: #33
Title: Re: شـخبتات على جدار الوطن الجميل
Author: إدريس محمد إبراهيم
Date: 05-09-2006, 00:23 AM
Parent: #32
.
|
Post: #34
Title: Re: شـخبتات على جدار الوطن الجميل
Author: إدريس محمد إبراهيم
Date: 05-09-2006, 08:34 AM
Parent: #33
Quote: أصلي منحاز للبلد ...
وكل يوم بحلم جبينها ...
تاج فخار مسكون مرصّع ... عزه كاسياها المهابه ...
واعشق الزول البيركّز ...
شان يزيل قسوة صعابها ..
والسلام الدرتو ليها ..
بكره يتوشح صدورنا ...
ورده في عزة ترابه ..
برضي بعشق هلة النور في بلادي ..
والصبايا بريده يابه ...
زي نغم مفتون محكّر ...
في انسياب وتر الربابه ...
إلا واحده فريده فيهن ...
ريدي زايد فيها مره ...
زوله حلوه جميله مره ...
شايله من طهر الصحابه ... |
|
Post: #35
Title: Re: شـخبتات على جدار الوطن الجميل
Author: معتصم دفع الله
Date: 05-09-2006, 10:27 AM
Parent: #1
شكراً شاعرنا إدريس ..
وأنت تعزف على وتر احساسنا ..
سيمفونية العشق للوطن ..
فلنغني معك ..
للحب ..
وللجمال ..
دم بألف خير ..
|
|