Post: #1
Title: بصراحــة كــدا..
Author: tmbis
Date: 03-20-2006, 10:25 AM
والصراحــة دي ح اوافيكم بيها بعد قليل*
بعد قليل* اقصد بها ..عامل الاثارة بالواضح كدا ..
زي ما بكري قاعد يعمل
يعني بتصريف من صاحب المكان وكدا ..
ما اظن في واحد\هـ  عندو \هـا أعتراض
ملحوظة:
ممكن تنتظروا لو بتريدو .. الما عايز .. عادي جدا ممكن يمشي
|
Post: #2
Title: Re: بصراحــة كــدا..
Author: salamat
Date: 03-20-2006, 10:27 AM
Parent: #1
Take your time we can wait 
|
Post: #3
Title: Re: بصراحــة كــدا..
Author: انعام عبد الحفيظ
Date: 03-20-2006, 10:30 AM
Parent: #1
Quote: ما اظن في واحد\هـ عندو \هـا أعتراض
ملحوظة:
ممكن تنتظروا لو بتريدو .. الما عايز .. عادي جدا ممكن يمشي |
المتواجدون الان بالمنبر العام 195 شخص » (3 )عضو و (192) زائرا
»salamat
»tmbis
»انعام عبد الحفيظ
اها يا تمبس نحنا منتظرين
|
Post: #7
Title: Re: بصراحــة كــدا..
Author: salamat
Date: 03-20-2006, 10:43 AM
Parent: #3
Quote: »salamat
»tmbis
»انعام عبد الحفيظ
|
in3am I didn't realize that
|
Post: #9
Title: Re: بصراحــة كــدا..
Author: tmbis
Date: 03-20-2006, 12:37 PM
Parent: #3
سلامات.. ياسلامات
ويا انعام عب الحفيظ كيفك ؟
Quote:
المتواجدون الان بالمنبر العام 195 شخص » (3 )عضو و (192) زائرا
»salamat
»tmbis
»انعام عبد الحفيظ |
انا ممكن كان اتلكم بي صراحة في لحظته .. لكن مغيوظ من البوست بتاع بكري القبل كم يوم نزلو وكل دقيقه اعمل رفريش واشوفو عايز يقول شنو ؟؟
لكن المشكلة اني طلعت فجأة من البيت
وانا في الطريق اتزكرته اني نسيت الجهاز مفتوح والاتصال شغال وانا اون لاين .. قلت ومالو خليهم ينتظرو وراهم حاجة ؟؟
بس اوعه اكون أتاخرته عليكم ...
|
Post: #4
Title: Re: بصراحــة كــدا..
Author: Tabaldina
Date: 03-20-2006, 10:30 AM
Parent: #1
..
.
أفتو!!؟
ولا انتظر بعد قليل ..
تسلم؛
|
Post: #6
Title: Re: بصراحــة كــدا..
Author: نادية عثمان
Date: 03-20-2006, 10:33 AM
Parent: #4
اوووووووووووعك تكون ماشى من المنبر ؟!!!!!!
|
Post: #11
Title: Re: بصراحــة كــدا..
Author: tmbis
Date: 03-20-2006, 12:52 PM
Parent: #6
ياتنقــا..
..
انا اتوقعتك تفتو .. قدرته تصبر كيف ؟؟
ما من عوايدك .. يا مرأة ياعاكسة
شكرا ياتنقا .. احياناالناس الكبار بكونوا حكمة ..
الناس الكبار دي مجازية طبعا
نادية عثمان ..
ماشي وين ؟؟
عليك الله دا منبر بمشو منو ، منبر فيهو اي حاجة بمشو منو
ياخ انا ما متذكر متين عملت لي مشكلة .. يفكوك من دا تمسك في دا وتقولي لي ماشي ؟؟
قاااعد ياغالية...
|
Post: #5
Title: Re: بصراحــة كــدا..
Author: طارق عبد اللطيف نقد
Date: 03-20-2006, 10:33 AM
Parent: #1
العزيز تامبا
بصراحة كدة
انامندهش فيك
بعد ما جيت من الاجازة
لقيتك انحرفتة
كنت زول جميل وهادي ودائم الابتسامة
لكن شايفك اليومين ديل
مصعبة شوية
عليك الله فكها
وخليك
تامبا اللذيذ البنعرفوا
|
Post: #8
Title: Re: بصراحــة كــدا..
Author: محمد خليل إسماعيل
Date: 03-20-2006, 11:06 AM
Parent: #5
أخوي علاء تمبس
كيفنك وأخبارك , تحياتي
شايفك اليومين ديل مفرغ ( للشكل )
طبعا أنا بوستات ( الشكل ) ما بدخل فيها
رغم محاولاتي للدخول ( فقط للسلام ) ولكن
أخوي تمبس شنو حكايتك اليومين ديل ماسك
كرباجك ونازل ضرب في خلق الله .
أسي حيرتنا قلنا نشوف يمكن نلقي الرد الصريح
وبصراحة لقيناك بتقول ( بيان هام بعد قليل )
بصراحة كدا ..... خليك تمبس الزمان لاني أعرفك
قبل أن أقابلك من خلال ( جمالياتك الماليه البورد)
وبصراحة كدا ..... انا كلما ألقاك في بوست من
البوستات إياهم طوالي أطلع وأمشي للمكتبة عشان
أشوف تمبس الفنان تمبس ناشر الجمال بسودانيز أون لاين
وبصراحة كدا ..... يا خوي جننتنا كمل القصة وورينا
الحكاية شنو ...................
ابو شهد
في إنتظار وعدكم لى بالزيارة ....
|
Post: #10
Title: Re: بصراحــة كــدا..
Author: خدر
Date: 03-20-2006, 12:48 PM
Parent: #8
تامبا
جنيت !!
في زول يتكلم بي صراحة في منبر عام !!
|
Post: #14
Title: Re: بصراحــة كــدا..
Author: tmbis
Date: 03-20-2006, 01:25 PM
Parent: #10
خدر
.
تعرف هي اصلها خربـــانة .. خربانة
عشان كدا الواحد يتكلم بي صراحة خالص
خالص والواحد يطلع باقل خسارات ممكنة
|
Post: #13
Title: Re: بصراحــة كــدا..
Author: tmbis
Date: 03-20-2006, 01:18 PM
Parent: #8
محمد خليل اسماعيل ..
كيف أخبارك ؟
اليومين الفاتو فعلا .. كنت جعان نت حد الشارهة بالاضافة لي انو كانت في لياقات كانت لازم تتحرق بي نوع من الجري والمساككة ..
واتمنى انو بوستات المشاكل ما تدخل ليها على حسب كلامك ، لكن كمان كان جاتك ما تزوغ منها .. ودي نصيحة انترنتية ما ليها علاقة بالواقع .. زي ما اتضح لي ..
بالمناسبة انا لحدي الآن ما قلت العايز اقولو
لن ح اقولو ..
..
وفي انتظار انو نجيك
بعدين كلام زي دا ما تقولو هنا بتاع نجيك دا بجيب ليك هوا وبفتح ليك بوستات
|
Post: #12
Title: Re: بصراحــة كــدا..
Author: tmbis
Date: 03-20-2006, 01:07 PM
Parent: #5
طارق
حمد الله مليون على السلامة ..
بصراحة كدا..
انا برضو مندهش فيني .. لكن المسالة عادية جدا
فقه الضرورة وكدا،
سالت عليك اكتر من مرة خاصة وأنو ( الجيو ) مواعدني بيك اكتر من مرة
على العموم
البوست دا عايز امارس فيهو نرجسية ، وانصرافية مع بعض في ناس ما ح تقع ليهم في جرح انا متأكد من الحتة دي
لكن ما شغال بيهم كتير ، وفي ناس زي بي صراحة بتاعتك الفوق دي ممكن تريحني
..
الانطباعيات ، والقوالاب وحاجات كتيرة
ح نتلاقى عشان حاجات كتيرة .. معلقة
حمد الله على السلامة تاني وتالت
|
Post: #15
Title: Re: بصراحــة كــدا..
Author: نادية عثمان
Date: 03-20-2006, 09:53 PM
Parent: #12
| Quote: الانطباعيات ، والقوالاب وحاجات كتيرة |
ده شنو ياتمبس ؟!!
عايز تفتح بوست انطباعاب وقولاب وتبور على بوستينى ؟!!؟!!
اعمل بوست اى شئ تانى انا سويت بوست الانطباعاب ده خلاص!!
|
Post: #16
Title: Re: بصراحــة كــدا..
Author: بدرالدين شنا
Date: 03-20-2006, 10:47 PM
Parent: #1
إنت
على المشاكل شنو؟؟؟
|
Post: #17
Title: Re: بصراحــة كــدا..
Author: زول ساكت
Date: 03-21-2006, 00:14 AM
Parent: #16
كلناحنتكلم بي بي صراحة بعد دا
كدي انت ابدأ
وين الموضوع بتاعنا ياخ
|
Post: #18
Title: Re: بصراحــة كــدا..
Author: saadeldin abdelrahman
Date: 03-21-2006, 00:31 AM
Parent: #1
تامبا سلام
اخيرا الواحد لقاك بره الدافوري و الكبع داك..
دايرين نصلك و نسلم عليك الا الكتاحة و العكاكيز
حمونا...الله يعين.
| Quote: سالت عليك اكتر من مرة خاصة وأنو ( الجيو ) مواعدني بيك اكتر من مرة |
سلم لينا على ود حلتنا ده اللي طلع خلانا شفع و هسة بقينا نسمع بيهو
و نقرا ليهو في المنابر و بلغو تحياتنا لأولاد السوق و أولاد ازرق عموم.
المحبة لك يا خلوق.
و الله كنت عايز انزل بوست قريب من مسألة الأخلاق والتهذيب دي و اهديك
فيه اغنية (مشحودة) لكن خفت يجينا ديك عدة كمان بي هناك و الواحد
يلقى نفسو بتبن في ضراعو...عاد كمان يهبشونا في تمبس و مزيكة كمان!
دمت و هدئ اعصابك.
|
Post: #19
Title: Re: بصراحــة كــدا..
Author: banadieha
Date: 03-21-2006, 00:39 AM
Parent: #18
تمبس..سلام على "واحد" من معارف البورد لن أنساه بسجاياه السمحة التي تلمسها بل تلامسك عبر سماعة الهاتف.
|
Post: #20
Title: Re: بصراحــة كــدا..
Author: قرشـــو
Date: 03-21-2006, 01:35 AM
Parent: #1
تمبس
الله يجازى شيطانك ياخى
امبارك من بوستيك بتاع الخور مشيت الخور
رميتنى فى الخور ومشيت
يا سااااااااااااااااااتر
دى خور غريق خلاص ياخى
=@=@=@=@=@=@=@=@=@=@=@=@=@=@=@=@=@
خليهم ينتظروا
ما ليهم 16 سنة منتظرين
يعنى شنو .......
=@=@=@=@=@=@=@=@=@=@=@=@=@=@=@=@=@
|
|