Post: #1
Title: بالعـديل والزين.. شباب وشابات إقتصاد 91 بجامعة الخرطوم.
Author: إسماعيل وراق
Date: 03-19-2006, 05:46 AM
صديقي ياسر بامسيكا رجل ودود، لم ألتق به منذ أن فرقت بنا السبل وكان آخر عهدي به ونحن لم نزل طلاب بجامعة الخرطوم، بعث لي هذا الجميل برسالة تبعث التفاؤل والأمل في حياة طابعها الرتابة والملل سيما ونحن خارج أرض الوطن، رسالة فيها رجع لصدى ذكريات جميلة وأيام رائعة قد خلون..
يقول ياسر أنهم إحتفلوا يوم أمس السبت بزواج عدد مقدر من شباب وشابات دفعة إقتصاد 91 بجامعة الخرطوم..
ننشر هذا الخبر ليشاركنا الجميع الفرحة خاصة أخواننا دفعة 91 إقتصاد..
التهنئة الخالصة والصادقة لكل هؤلاء الجميلين..
1 محمد الحسن عز الدين
2 ياسر بامسيكا
3 مبروكة احمد التيجانى"ميمى"
4 يسين يحيى الشين
5 الصادق ابراهيم ابو القاسم
6 محمد الامين حبيب
7 عادل عبد الباقى
8 بابكر حامد
9 عبد اللطيف طه
10 الفاضل موسى"تكت"& معتزة
11 زهير حمدنا الله
12 طارق عبد القادر
13 عبدالله باشر
14 بدر الدين احمد عثمان
15 نزار عبدالله
16 عبد المحسن حسين
17 لطفى حبيب
18 وهيب ابراهيم عباس
20 امير سالم
21 امير مصطفى
22 هارون احمد هارون
23 كمال عبد المنعم
24 بدر الدين حسين جبر الله
25 مدثر يحيى
26 اسماعيل ابراهيم مختار
27 عبد الرحمن محمود
28 المعز حسن محجوب
29 كمال يوسف عبد الله
30 عزت عثمان جعفر
31 عبد الماجد ميزان
32 جمال شمس الدين
|
Post: #2
Title: Re: بالعـديل والزين.. شباب وشابات إقتصاد 91 بجامعة الخرطوم.
Author: حمزاوي
Date: 03-19-2006, 06:22 AM
Parent: #1
اخي الحبيب اسماعيل (ابومحمد)
مسكاقمي
اولاً مبروك لكل الدفعة
ولكن شكلها كدا عرس الزهراء
يعني عرس جماعي البيسوها الجماعة ( والفنان قيقم )
الجبهجية يعرسو ليك في عرس الزهراء
وبعدين يعملوا ليك عرس الشهيد
|
Post: #4
Title: Re: بالعـديل والزين.. شباب وشابات إقتصاد 91 بجامعة الخرطوم.
Author: إسماعيل وراق
Date: 03-19-2006, 06:34 AM
Parent: #2
حمزاوي
سلام
مسكاقمي
لا ليس بزواج جماعي ولكنه إحتفال جماعي
هؤلاء تزوجوا عبر فترات متباعدة ولكن رأي بعض الأخوة جمعهم والإحتفاء بهم في مناسبة جامعة..
|
Post: #3
Title: Re: بالعـديل والزين.. شباب وشابات إقتصاد 91 بجامعة الخرطوم.
Author: البحيراوي
Date: 03-19-2006, 06:29 AM
Parent: #1
مبروك لي ناس الإقتصاد وإنشاء الله يا إسماعيل يكون عملوه أمام كافتريا إقتصاد
بس عليك الله إتأكد لينا من ملفات الطريق الجاي من البوابة وماشي من عند شعبة التاريخ
وكتر لينا من الحراسة في ذاك المكان
بحيراوي
|
Post: #5
Title: Re: بالعـديل والزين.. شباب وشابات إقتصاد 91 بجامعة الخرطوم.
Author: إسماعيل وراق
Date: 03-19-2006, 07:15 AM
Parent: #3
الحبيب البحيراوي
سلام وتحية
إنت عارف ناس إقتصاد ديل ناس فنانيين وحلويين، الجماعة ديل قاموا بحصر أغلب الأعضاء الذين تزوجوا خلال الفترة السابقة، أها قاموا عملوا ليهم حفل كبير وجميل وكمان فكروا في عمل جمعية أو رابطة إجتماعية..
Quote: بس عليك الله إتأكد لينا من ملفات الطريق الجاي من البوابة وماشي من عند شعبة التاريخ
وكتر لينا من الحراسة في ذاك المكان |
الله يجازي محنك يا حبيب، الطريق دا بيودي لي تورا بورا طوالي..
|
Post: #6
Title: Re: بالعـديل والزين.. شباب وشابات إقتصاد 91 بجامعة الخرطوم.
Author: البحيراوي
Date: 03-19-2006, 08:32 AM
Parent: #1
غايتو يا الحبيب الطريق دا بالنهار كدا بمشي بية دكتور الحردلو والغول وناس وحدة الكمبيوتر .
علا بالليل الله يستر والله تورا بورا ذاتها ما تمسك الواحد
بحيراوي
|
Post: #7
Title: Re: بالعـديل والزين.. شباب وشابات إقتصاد 91 بجامعة الخرطوم.
Author: إسماعيل وراق
Date: 03-20-2006, 00:11 AM
Parent: #6
| Quote: غايتو يا الحبيب الطريق دا بالنهار كدا بمشي بية دكتور الحردلو والغول وناس وحدة الكمبيوتر . |
ناس الحاردلو والغول علماء ما في شك
| Quote: علا بالليل الله يستر والله تورا بورا ذاتها ما تمسك الواحد |
وطيب.. زوار الليل ديل يسموهم شنو..
|
Post: #8
Title: Re: بالعـديل والزين.. شباب وشابات إقتصاد 91 بجامعة الخرطوم.
Author: البحيراوي
Date: 03-20-2006, 02:22 AM
Parent: #1
الحبيب وراق بالليل وفي ذاك المكان سُددت طعنة قاتلة للشهيد بشير الطيب
وبالنهار وفي ذاك المكان مر جثمان الشهيدة التاية من بعد أن طالتها رصاصة الوداع الأخير أمام بوابة الجامعة المواجهة لنادي الأساتذة وحملناها وبجانبي هشام يحي حتي الإقتصاد .
بحيراوي
|
Post: #12
Title: Re: بالعـديل والزين.. شباب وشابات إقتصاد 91 بجامعة الخرطوم.
Author: إسماعيل وراق
Date: 03-20-2006, 11:38 PM
Parent: #8
Quote: الحبيب وراق بالليل وفي ذاك المكان سُددت طعنة قاتلة للشهيد بشير الطيب
وبالنهار وفي ذاك المكان مر جثمان الشهيدة التاية من بعد أن طالتها رصاصة الوداع الأخير أمام بوابة الجامعة المواجهة لنادي الأساتذة وحملناها وبجانبي هشام يحي حتي الإقتصاد . |
الحبيب بحيراوي
رحم الله شهداء الوطن، طارق، سليم، بشير التاية..
هل من قصاص لهؤلاء.. و
هل تصدق لا يزال القتلة أحرار يتجولون في السودان
|
Post: #9
Title: Re: بالعـديل والزين.. شباب وشابات إقتصاد 91 بجامعة الخرطوم.
Author: JAD
Date: 03-20-2006, 06:51 AM
Parent: #1
الأخ العزيز إسماعيل وراق ..
خالص التهاني للعرسان ..
وعقبال بيك نفرح زينة الشباب ..
ما تقول لي متزوج بس 
جاد
|
Post: #10
Title: Re: بالعـديل والزين.. شباب وشابات إقتصاد 91 بجامعة الخرطوم.
Author: بكري اسماعيل
Date: 03-20-2006, 04:59 PM
Parent: #9
الأستاذ / إسماعيل وراق
إن شاء الله بيت مال وعيال لسنايرنا الرايعين
و العقيال عند الباقيين ودفعة 92
|
Post: #11
Title: Re: بالعـديل والزين.. شباب وشابات إقتصاد 91 بجامعة الخرطوم.
Author: عبدالكريم الامين احمد
Date: 03-20-2006, 05:04 PM
Parent: #10
سلام يا ناس اقتصاد يا احلي الناس...
وحبايبنا ومن زمان...مبروك اعراسكم...
بس مسووليين من الخير...
امير بابو عرس ولا لسع؟؟؟
(تحية من ناس بحبوكم وكانو بغلبوكم كتير خلاص في الكورة)
|
Post: #16
Title: Re: بالعـديل والزين.. شباب وشابات إقتصاد 91 بجامعة الخرطوم.
Author: إسماعيل وراق
Date: 03-29-2006, 01:51 AM
Parent: #11
الأخ عبد الكريم الأمين
شكراً على المرور والتهنئة
| Quote: (تحية من ناس بحبوكم وكانو بغلبوكم كتير خلاص في الكورة) |
يا ربي ديل ممكن يكونوا ناس هندسة.. هم يدعون ذلك
|
Post: #15
Title: Re: بالعـديل والزين.. شباب وشابات إقتصاد 91 بجامعة الخرطوم.
Author: إسماعيل وراق
Date: 03-25-2006, 04:43 AM
Parent: #10
Quote: إن شاء الله بيت مال وعيال لسنايرنا الرايعين
و العقيال عند الباقيين ودفعة 92 |
الأخ بكري إسماعيل
والله دفعت 92 ديل رايعين جداً، برالمة زي الياسمين..
عقبال لكل العذابة خاصة ناس 92
|
Post: #13
Title: Re: بالعـديل والزين.. شباب وشابات إقتصاد 91 بجامعة الخرطوم.
Author: إسماعيل وراق
Date: 03-21-2006, 00:23 AM
Parent: #9
Quote: وعقبال بيك نفرح زينة الشباب ..
ما تقول لي متزوج بس |
تاني يا جاد أو كما قال ود الأمين
إنت أبو محمد دي قايلها شارة كابتنية
يا حبيب عايز تجيب لي الهوا مالك.. (شفت الخوف دا كيف)
.
.
شكراً على المرور والتهنئة
|
Post: #14
Title: Re: بالعـديل والزين.. شباب وشابات إقتصاد 91 بجامعة الخرطوم.
Author: JAD
Date: 03-21-2006, 07:15 AM
Parent: #1
مبرووك بأثر رجعي يا أخي ..
آسف يا أبو محمد ..
تعرف لمن تلاقي ضابط بوليس وتتلخبط عليك الإشارات على الكتف تقوم تقول ليهو يا حضرة العميد
يعني تعلي الرتبة .. طبعاً لو رائد ولا كدا أكيد بنبسط عشان بتكون رفعتو شوية ..
لكت تخيل تقول لعقيد يا حضرة النقيب
|
|