Post: #1
Title: ميلاد عصيب لرجُلٍ ما ..!!!!!!!!!!!!!!!!!!!!!!!!!
Author: نادية عثمان
Date: 03-18-2006, 07:32 PM
ميلاد عصيب لرجُلٍ ما!!!
عشان بريدك وما بريد غيرك حلفتَ
أبقى شريان نبض قلبك وضخَّة الدم للوريد
اقتحمتك بي عواطفي ونار حواسي اللَّهْلَبَتْ فيك نار شبابك
وذوّبت فيك الجليد
ما سألتك لو بتقبل
لو بترفض
وما شغلت البال بأنك:
قد تفكِّر بَِي تأنِّي وتُبدي أو يمكن تعيد
* * * *
استلمتك هادي طبعك.. واختزلت الحُزن مِنَّك
نور حروفك عِقْد أنجُم.. والهلال في سماكَ عِيد
بطني شالت ريدتي ليكَ نُطفة كبرت
وجيت ولدتك
وكان مَخَاضَكْ طلقو زي ثَكَلِي الشهيد
جيت ولدتك واحتضنتك.. زندي لُولاي ليك يَهَدْهِد
صدري زي شهد الخلية.. ورفرف القلب السعيد
* * * *
إنتَ حَقِّي وما بهمني غيرك إنتَ
لا العوازل ينفو حُبِّي
لا الظروف تلوي لي إيد
أنا حملتك في فؤادي.. زولي وحدي ..
حُر كما الطير في البراري
وزي جموح خيلا عنيد
خيل كَسَر حافرو وتمرَّد.. وطار جناحو الحب يرفرف
وحطم أصفاد الحديد
جوّه في أعماقي شلتك.. وجيت ولدتك زول جديد
* * * *
صافي يا بحر النوارس.. بارك الحب وهَدِّي رَوْعَك
ورِغْوَة الزبد الوعيد
كرنفالات سيرة تَقْدِل... القمر فرحان يلالي
القماري تَقَُوقي لينا... والمراكب شايلة غِيد
إبتسامتك.. وغمزة العين المشاكسة
ونور جبينك.. وضمة الإيد في سلامك.. وقُبلة الحب في الخديد
همستك.. لمستك.. قَُولَةْ حَبَابِكْ.. وكلُّ ما فيك قال ده ريد
قولها بي نبضك وقلبك.. بي لسانك في سكونك.. قلبي غرقان في غرامك
يا البحبك حب شديد
قولها يا جنا قلبي قولها
قول بَحِبِّك واني أُولَى
نجمة ما حان يوم أُفُولَها
قولها يا طفلي الوليد
إنت حَقِّي أنا عِشِقْتَكْ
وجُوَّة في أعماقي شِلتَكْ
وجيت ولدتك زول جديد!!
من ديوان ميلاد عصيب لرجل ما .. الصادر بالقاهرة !
|
Post: #2
Title: Re: ميلاد عصيب لرجُلٍ ما ..!!!!!!!!!!!!!!!!!!!!!!!!!
Author: bob
Date: 03-18-2006, 07:55 PM
Parent: #1
Quote: وكان مَخَاضَكْ طلقو زي ثَكَلِي الشهيد
جيت ولدتك واحتضنتك.. زندي لُولاي ليك يَهَدْهِد
صدري زي شهد الخلية.. ورفرف القلب السعيد
|
sweety / nadi
I just Loved what you wrote earlier, there above
this is my flower for those words
|
Post: #4
Title: Re: ميلاد عصيب لرجُلٍ ما ..!!!!!!!!!!!!!!!!!!!!!!!!!
Author: نادية عثمان
Date: 03-18-2006, 08:16 PM
Parent: #2
الغالى بوب
ياخ انت وين مسجل غياب يازول ياراقى ؟!!
لو كانت عارفة ميلاد الراجل العصيب ده بجيبك كنت ولدتو من زماااااااااااااان!! ههههههههه!
والله سعيدة بمرورك الشهد وبورودك الفواحة
هدية مقبولة وربنا يديك العافية يارب
كن بالف خير ابدا اخى الجميل
|
Post: #3
Title: Re: ميلاد عصيب لرجُلٍ ما ..!!!!!!!!!!!!!!!!!!!!!!!!!
Author: عماد شمت
Date: 03-18-2006, 08:07 PM
Parent: #1
يااستاذه ناديه مشيت بي غادي لقيت شليل راح
جيت بي جاي لقيت الجليد ..اه عاينت بالشباك لقيت الجليد مكوم لسع !!
قلت في سري والله لا نار العواطف ولا نار الشباب الا بس نار الله ..
للامام... الحب +الخير+الجمال = الحياة
متعك الله بالعافيه..
|
Post: #5
Title: Re: ميلاد عصيب لرجُلٍ ما ..!!!!!!!!!!!!!!!!!!!!!!!!!
Author: نادية عثمان
Date: 03-18-2006, 09:18 PM
Parent: #3
النبيل عماد شمت
Quote: يااستاذه ناديه مشيت بي غادي لقيت شليل راح
جيت بي جاي لقيت الجليد ..اه عاينت بالشباك لقيت الجليد مكوم لسع !!
قلت في سري والله لا نار العواطف ولا نار الشباب الا بس نار الله ..
للامام... الحب +الخير+الجمال = الحياة
متعك الله بالعافيه.. |
ياسلام على كلام المشاعر الدافئة من زول بيحمل روح شاعر وابداع رسام يلون بالكلمات المدى !
تسلم يارب
ولتكن قريبا فلوجودك طعم الفرح
|
Post: #6
Title: Re: ميلاد عصيب لرجُلٍ ما ..!!!!!!!!!!!!!!!!!!!!!!!!!
Author: إدريس محمد إبراهيم
Date: 03-19-2006, 01:13 AM
Parent: #5
استلمتك هادي طبعك.. واختزلت الحُزن مِنَّك
نور حروفك عِقْد أنجُم.. والهلال في سماكَ عِيد
بطني شالت ريدتي ليكَ نُطفة كبرت
وجيت ولدتك
وكان مَخَاضَكْ طلقو زي ثَكَلِي الشهيد
جيت ولدتك واحتضنتك.. زندي لُولاي ليك يَهَدْهِد
صدري زي شهد الخلية.. ورفرف القلب السعيد
الأخت الأثيرة جداً/ ناديه عثمان ...
تحية مترعة بالحب والتجلة ...
حقيقة تهرب الحروف وتنزوي المعاني خجلاً وحياءً عندما ترغب في التعليق على هذا الإبداع .. هل قال لك أحداً قبلي إنك قصيدة حب مترعة بالصدق وتنضح بالوميض .. فالتغفري جرأتي التي مردها حبي الشديد لابداعك الصارخ .. ولك كل الود والتحية ...
|
Post: #9
Title: Re: ميلاد عصيب لرجُلٍ ما ..!!!!!!!!!!!!!!!!!!!!!!!!!
Author: نادية عثمان
Date: 03-19-2006, 10:35 AM
Parent: #6
النبيل ادريس محمد ابراهيم
Quote: الأخت الأثيرة جداً/ ناديه عثمان ...
تحية مترعة بالحب والتجلة ... |
تحية تشبه ذاتك الشفيفة العاشقة لمعانى الخير والجمال اخى ادريس
| Quote: حقيقة تهرب الحروف وتنزوي المعاني خجلاً وحياءً عندما ترغب في التعليق على هذا الإبداع .. هل قال لك أحداً قبلي إنك قصيدة حب مترعة بالصدق وتنضح بالوميض .. فالتغفري جرأتي التي مردها حبي الشديد لابداعك الصارخ .. ولك كل الود والتحية .. |
لم يقل لى قبلك (اننى قصيدة حب مترعة بالصدق وتنضح بالوميض)! هكذا بمثل هذه الحروف الدافئة !!
كلماتك البازخات وسام ازين به جيدى وعاجزة عن الشكر لضخك كل هذا التشجيع والحماس فى شرايينى ايها الرجل النبيل!
شكرا كثيفا وكن بالف خير
|
Post: #7
Title: Re: ميلاد عصيب لرجُلٍ ما ..!!!!!!!!!!!!!!!!!!!!!!!!!
Author: قرشـــو
Date: 03-19-2006, 02:01 AM
Parent: #1
الاستاذة الشاعرة ندو
ياخى انا بحب الفرح والله
الفرح فى عمرى طلَّ ... بعد ما كان استحال
ضحكة من جُوَّه المشاعر ... جات إجابة عن السؤال
السعادة التايهة رجعت ... عيد ظهر قبل الهلال
***
من زمان ما عشنا فرحة .. وضُقنا طعم الإبتسامة
الإشارة الجاتنا منك ... لى بداية الريد علامة
قُلنا للأحزان وداعاً ... ولى همومنا مع السلامة
***
أشرقت شمس المحبة .. وفى العيون الظامئة شوق
السُفن فى الضفة راسية .. ورفرفت أعلامها فوق
جيت بقيت لى عمرى واحة .. ولى غريق أحلامى طوق
***
جد كثير حُبَّك عليّ .. وبالفرح أعماقى عامرة
همستك فى دمى جارية ... زوًّدتنى ببهجة غامرة
عايزة أعيش عمرى فى عيونك .. وطول ليالى حياتى سامرةQuote:
من ديوان ميلاد عصيب لرجل ما .. الصادر بالقاهرة ! |
|
Post: #8
Title: Re: ميلاد عصيب لرجُلٍ ما ..!!!!!!!!!!!!!!!!!!!!!!!!!
Author: Dr. Moiz Bakhiet
Date: 03-19-2006, 03:34 AM
Parent: #7
|
Post: #10
Title: Re: ميلاد عصيب لرجُلٍ ما ..!!!!!!!!!!!!!!!!!!!!!!!!!
Author: مدثر محمد ادم
Date: 03-19-2006, 10:52 AM
Parent: #8
Quote: إنتَ حَقِّي وما بهمني غيرك إنتَ
لا العوازل ينفو حُبِّي
لا الظروف تلوي لي إيد
أنا حملتك في فؤادي.. زولي وحدي ..
حُر كما الطير في البراري
وزي جموح خيلا عنيد
خيل كَسَر حافرو وتمرَّد.. وطار جناحو الحب يرفرف
وحطم أصفاد الحديد
جوّه في أعماقي شلتك.. وجيت ولدتك زول جديد |
الجيلة الرقيقة نادية
نتابع من دون تعليق
وما اروعك
مع معزتي
مدثر تيف تيف
|
Post: #18
Title: Re: ميلاد عصيب لرجُلٍ ما ..!!!!!!!!!!!!!!!!!!!!!!!!!
Author: نادية عثمان
Date: 03-20-2006, 09:57 PM
Parent: #10
الشاعر المرهف مدثر محمد ادم
Quote: الجيلة الرقيقة نادية
نتابع من دون تعليق
وما اروعك
مع معزتي
مدثر تيف تيف |
كل هذه الروعة فى كلماتك الطيبة هى اروع تعليق وهى وسام على صدرى ولك منى ملايين الورود لجميل متابعتك الغالية جدا
|
Post: #14
Title: Re: ميلاد عصيب لرجُلٍ ما ..!!!!!!!!!!!!!!!!!!!!!!!!!
Author: نادية عثمان
Date: 03-19-2006, 07:27 PM
Parent: #8
البروفسير الجميل
د. معز عمر بخيت
مجرد مرورك وان كان دون حديث الا من اكليل الورود الذى ابت روحك المترعة جمالا الا ان تصطحبه معها فان فى هذا شرف لايماثله شرف ومتعة لا تضاهيها متعة فمرحبا بمرورك العبير ايها الرجل النبيل!
|
Post: #12
Title: Re: ميلاد عصيب لرجُلٍ ما ..!!!!!!!!!!!!!!!!!!!!!!!!!
Author: نادية عثمان
Date: 03-19-2006, 11:17 AM
Parent: #7
الغالى قرشو
Quote: الاستاذة الشاعرة ندو
ياخى انا بحب الفرح والله |
وانت عشان شبه الفرح
الفرح زااااااااتو بيحبك يارائع !!
وسعيدة جدا لنقلك هذه القصيدة من الديوان وسعيدة اكثر لان مكتبتك تحوى بعض من حروفى ونبض وجدانى وصدق انفعالاتى !!
(وصورتى كمان فى الكتاب يعنى وجع وش شديد داخل وخارج المنبر ..هههههه)!!
|
Post: #11
Title: Re: ميلاد عصيب لرجُلٍ ما ..!!!!!!!!!!!!!!!!!!!!!!!!!
Author: عنيده
Date: 03-19-2006, 11:06 AM
Parent: #1
Quote:
قولها بي نبضك وقلبك.. بي لسانك في سكونك.. قلبي غرقان في غرامك
يا البحبك حب شديد
!
|
ندويه النديه
قبيل شاركت في البوست دا اظنها معلقه كامله
اها هسي جيت مالقيتا
وبرضو روعه
|
Post: #17
Title: Re: ميلاد عصيب لرجُلٍ ما ..!!!!!!!!!!!!!!!!!!!!!!!!!
Author: نادية عثمان
Date: 03-20-2006, 09:10 AM
Parent: #11
عنيدة الجميييييييييييييلة شكلا ومضمونا
مرورك فرح الدنيا ياغالية
بس تصدقى متغاظة جدا انو مداخلاتك راحت !!!!!!!!
ياخ تعالى اكتبيها تانى ..الفضول كااااااااااتلنى جدا!!
|
Post: #13
Title: Re: ميلاد عصيب لرجُلٍ ما ..!!!!!!!!!!!!!!!!!!!!!!!!!
Author: تيسير عووضة
Date: 03-19-2006, 11:41 AM
Parent: #1
نادية يا نادية ..
أحب أشعارك جداً
بسيطة وعميقة و تلمس القلب من جوة ..
يديك العافية يا جميلة برة وجوة ..
|
Post: #15
Title: Re: ميلاد عصيب لرجُلٍ ما ..!!!!!!!!!!!!!!!!!!!!!!!!!
Author: إدريس محمد إبراهيم
Date: 03-20-2006, 03:43 AM
Parent: #13
الشاعرة الشفيفه / ناديه عثمان ...
تحية ود واحترام ...
صدقيني أختي ناديه أن هذه القصيدة الروعة "ميلاد عصيب لرجل ما.. " أثارت في نفسي شجون كثيرة .. قرأتها مرات عدة ... وأحسب أنه قد قال لك في ساعة البوح الوجداني المتألق تلك .. كما قلت في ساعة مماثلة لها ما أسوقه إليك هنا عله يحد في وجدانك الندي بعض الصدى ...
يا بهجة وميض عينيّ
كونك إنتي باقيه عليّ...
ودايماً شايله في جوّاك...
إحساس دافي يسعد بيّ...
صداي يملك حشاشة الريد..
واشع جوّاك فرحة عيد..
بتتأصل وتنمو تزيد...
بقول يا ست حسان الكون...
ويا بهجة وميض عينيّ...
بعيش واحلم بيوم لقياك...
وكل البيكي حاصل بي...
***
وحات زمناً وقف مشدوه...
من روعة جمال عينيك...
وحات القسمه يوم اختارت...
مصير أبعدني من واديك...
يوم طليتي هالة نور..
جمال أخجل بنات الحور...
وإشعاع بسمة البللور...
ويل السنين العشتو ممزوج بالألم..
في لحظه بس راح وانهزم...
كل العذاب الشلتو ليل ويلات وهمّ...
أصبح مدارات من وهم...
واتلاشى في درب السعاده الكامنه فيك..
واتوارى في لمسة حناناً عشتو في رعشة ايديك...
يا أغلى من زفة نغم مفتونه بيك...
ياني البحبك ومشتهيك...
ياني البحبك ومشتهيك...
إدريس محمد إبراهيم
الرياض 07/12/2004م
|
Post: #22
Title: Re: ميلاد عصيب لرجُلٍ ما ..!!!!!!!!!!!!!!!!!!!!!!!!!
Author: نادية عثمان
Date: 03-26-2006, 11:27 AM
Parent: #13
تيسير يامعنى الجمال والروح الطيبة جدا
Quote: نادية يا نادية ..
أحب أشعارك جداً
بسيطة وعميقة و تلمس القلب من جوة ..
يديك العافية يا جميلة برة وجوة |
وانا احب مرورك وافرح بيهو فرحة طفلة بفستان العيد البمبى والشرائط الملونة
اياك والغياب عن بيوتاتى فانه يسبب لى الحزن بكل تأكيد !
ويارب دائما بخير وسعادة
|
Post: #16
Title: Re: ميلاد عصيب لرجُلٍ ما ..!!!!!!!!!!!!!!!!!!!!!!!!!
Author: Ahmed Mohammed Osman
Date: 03-20-2006, 08:42 AM
Parent: #1
Quote: إنتَ حَقِّي وما بهمني غيرك إنتَ
لا العوازل ينفو حُبِّي
لا الظروف تلوي لي إيد |
اخخخخخخخخخخخخ
وقعتي لي في جرح عميييييييييييييق
حلاوتك يا بت انو بالرغم من فقدان هذه العبارات لمصداقيتها
وعلي الرغم من تسرب محتواها ومقاربته الي الفراغ في زمننا هذا
علي الرغم من هذا
تراني ابستم مصدقا لما بين يديك من قول
لكم رائعة انت في بث احساس الصدق
لمن هم حولك
والله لا يلوي ليك وايانا واياهم ايد ابدا
التعديل لخظاء مطبعي في كلمة رائعة
|
Post: #26
Title: Re: ميلاد عصيب لرجُلٍ ما ..!!!!!!!!!!!!!!!!!!!!!!!!!
Author: نادية عثمان
Date: 04-02-2006, 11:26 PM
Parent: #16
النبيل احمد محمد عثمان
Quote: تراني ابستم مصدقا لما بين يديك من قول
لكم رائعة انت في بث احساس الصدق
لمن هم حولك |
اتمنى ان اكون عند حسن الظن بى دوما
وان تلامس مفرداتى وجدانك المرهف !
كن بالف خير اخى الاكرم احمد
|
Post: #19
Title: Re: ميلاد عصيب لرجُلٍ ما ..!!!!!!!!!!!!!!!!!!!!!!!!!
Author: بدرالدين شنا
Date: 03-20-2006, 11:58 PM
Parent: #1
نادية بنت عثمان بن مختار
سلام فارع
إنتي الكلام السمح دا (بتلديهو) وين؟؟؟
|
Post: #20
Title: Re: ميلاد عصيب لرجُلٍ ما ..!!!!!!!!!!!!!!!!!!!!!!!!!
Author: bob
Date: 03-21-2006, 00:22 AM
Parent: #19
up
|
Post: #21
Title: Re: ميلاد عصيب لرجُلٍ ما ..!!!!!!!!!!!!!!!!!!!!!!!!!
Author: إدريس محمد إبراهيم
Date: 03-26-2006, 03:20 AM
Parent: #20
الأخت العزيزة / نادية عثمان ..
تحية تفيض بالشذى والرياحين ...
فالتسمحي لي أختى ناديه أن أتساءل ... لماذا هجرت عشك الجميل هذا .. صدقيني حراكك الجميل لهذه البحيرة الزاخرة بأصداف اللؤلؤ المتألق سوف يملأها بالقوارب التي تدمن السباحة في بحر الإبداع ...
مع خالص حبي وتقديري؛؛؛
|
Post: #23
Title: Re: ميلاد عصيب لرجُلٍ ما ..!!!!!!!!!!!!!!!!!!!!!!!!!
Author: معاذ الدخري
Date: 03-26-2006, 03:39 PM
Parent: #21
العزيزة نادية / كما النسمة تهب علينا و تنعشي الخيال بالكلام السمح .. ألف و أدور يمين شمال و إنتي علي طول في البال ... إحساسي أنه هذه القصيدة تخاطبني أنا .. متعك الله بالعافية يا نادية .
|
Post: #32
Title: Re: ميلاد عصيب لرجُلٍ ما ..!!!!!!!!!!!!!!!!!!!!!!!!!
Author: نادية عثمان
Date: 04-08-2006, 03:52 PM
Parent: #23
النبيل معاذ الدخرى
| Quote: العزيزة نادية / كما النسمة تهب علينا و تنعشي الخيال بالكلام السمح .. ألف و أدور يمين شمال و إنتي علي طول في البال ... إحساسي أنه هذه القصيدة تخاطبني أنا .. متعك الله بالعافية يا نادية . |
منتهى سعادتى عندما تداعب احرفى (على تواضعها) وجدان المرهفين امثالك واشعر اننى قد قمت بعمل فى منتهى الروعة !!
شكرا لكلماتك التى طوقتنى باكاليل النرجس !!
كن بالف خير وسعادة
|
Post: #27
Title: Re: ميلاد عصيب لرجُلٍ ما ..!!!!!!!!!!!!!!!!!!!!!!!!!
Author: نادية عثمان
Date: 04-07-2006, 08:08 PM
Parent: #21
النبيل ادريس محمد ابراهيم
| Quote: فالتسمحي لي أختى ناديه أن أتساءل ... لماذا هجرت عشك الجميل هذا .. صدقيني حراكك الجميل لهذه البحيرة الزاخرة بأصداف اللؤلؤ المتألق سوف يملأها بالقوارب التي تدمن السباحة في بحر الإبداع ... |
انا لم ولا اهجر اعشاشى وبيوتاتى هنا ابدا ولكنها تنزاح الى القاع فى غمرة المعارك الدائرة فى وطن لا يعرف الهدؤ اليه سبيلا !!
ثم اغوص الى القاع فأجد بيوتاتى وبيوتات اخرى لاخرين قد غطست بعيدا فى انتظار اصحابها او من هم امثالك من الذين يفضلون الابحار فى انهار الطمأنينة والهدؤ لينتشلوها ويخرجوا بها الى سطح الدنيا مرة اخرى !!
كن فى الجوار دوما فلوجودك طعم الطمأنينة !
|
Post: #24
Title: Re: ميلاد عصيب لرجُلٍ ما ..!!!!!!!!!!!!!!!!!!!!!!!!!
Author: نادية عثمان
Date: 03-26-2006, 08:17 PM
Parent: #19
الغالى ود الغاليين بدر الدين حلا
عارف ؟؟
بفرج جنس فرحة لمن الاقيك فى بيوتاتى !!!!!!!!!!!
Quote: نادية بنت عثمان بن مختار
سلام فارع
إنتي الكلام السمح دا (بتلديهو) وين؟؟؟ |
الكلام ده بلداهو فى وطن الحب جنب شارع الوريد لفة صيدلية القلب العامر بالخير والنقاء !!!
بتعرف العنوان ده ؟!!
|
Post: #25
Title: Re: ميلاد عصيب لرجُلٍ ما ..!!!!!!!!!!!!!!!!!!!!!!!!!
Author: إدريس محمد إبراهيم
Date: 03-28-2006, 00:39 AM
Parent: #24
الأخت العزيزة / نادية ...
تحياتــي ....
|
Post: #28
Title: Re: ميلاد عصيب لرجُلٍ ما ..!!!!!!!!!!!!!!!!!!!!!!!!!
Author: طارق جبريل
Date: 04-07-2006, 08:23 PM
Parent: #1
استاذتنا الفاضلة نادية
ياخي الكلام السمح دا انا فتشتة ليه في المغرب مكتبة مكتبة ما لميت فيه
خصمناك بالبنية تورينا نشتري الدواوين دي من وين
|
Post: #29
Title: Re: ميلاد عصيب لرجُلٍ ما ..!!!!!!!!!!!!!!!!!!!!!!!!!
Author: نادية عثمان
Date: 04-07-2006, 08:47 PM
Parent: #28
العزيز طارق جبريل
| Quote: ياخي الكلام السمح دا انا فتشتة ليه في المغرب مكتبة مكتبة ما لميت فيه |
فتشت ليهو مكتبة مكتبة وين فى المغرب ؟؟؟؟؟؟؟؟؟؟؟
الكتاب فى مكتبات السودان تفتش ليهو فى المغرب ؟؟!! (وجه مصارينو مقطعة من الضحك)!!
| Quote: خصمناك بالبنية تورينا نشتري الدواوين دي من وين |
يااخوى البنية غااااااااااااااااالية وابوها زاتو غالى (وجه طافى عين ومولع التانية )!!
اقول ليك شئ ؟!!
مافى حل الا تجى القاهرة او تنتظرنى يكون فى شغل ولا حاجة فى المغرب اجى انا واجيبو ليك معاى قلت شنو ؟!!
|
Post: #30
Title: Re: ميلاد عصيب لرجُلٍ ما ..!!!!!!!!!!!!!!!!!!!!!!!!!
Author: طارق جبريل
Date: 04-07-2006, 08:55 PM
Parent: #29
الفاضلة نادية
| Quote: الكتاب فى مكتبات السودان تفتش ليهو فى المغرب ؟؟!! (وجه مصارينو مقطعة من الضحك)!! |
يعني انا قاعد في المغرب وغاتس فيها لي اضنيني عايزاني افتش عليه وين في ام مغت
| Quote: مافى حل الا تجى القاهرة او تنتظرنى يكون فى شغل ولا حاجة فى المغرب اجى انا واجيبو ليك معاى قلت شنو ؟!! |
انا ستي يمكن اجي القاهرة في الصيف بس جيتك انت للمغرب حا يكون عندها طعم تاني خصوصا نحن 5 بورداب بس..
تحياتي للبنية وابوها
|
Post: #31
Title: Re: ميلاد عصيب لرجُلٍ ما ..!!!!!!!!!!!!!!!!!!!!!!!!!
Author: إدريس محمد إبراهيم
Date: 04-08-2006, 00:58 AM
Parent: #30
أختي العزيزة / نادية ...
تحية الصباح المشرق الجميل ...
فاجأني صديقي الشاعر المرهف يوسف حمد النيل (أبو وجيده) وهو بوردابي محنك هجر المنبر لمسغولياته رغم إلحاحي وإلحاح الكثيرين عبر الرسائل والهاتف أن يعود .. فاجأني هذا الرجل بأن قال لي في نهاية الأسبوع الماضي هل تعرف أن ديوان ناديه عثمان "ميلاد عصيب لرجل ما .." كان ضمن الهدايا التي أتحفني بها بورداب الخرطوم وسط حفاوتهم البالغة أثناء تواجدي بالخرطوم مؤخرا.. وهو معي الآن ... بصراحه يا ناديه - وأنتي أم- فرحت كأم فقدت أبنها وسط زحمة المولد "الليلة الأخيرة" وبعد أن تقطع قلبها وهي تركض وتنادي في كل إتجاه وحدته أخيراً يلهو بأحد عرائس المولد.. فقال لها بكل براءة الأطفال : وين روحتي يا ماما تعالي اشتري ليّ العروسه الحلوه دي .. ومن فرحتها ضمته إليها واشترت له أربع عرائس " مثنى وثلاث ورباع" الحد الشرعي مره واحده ...
|
Post: #33
Title: Re: ميلاد عصيب لرجُلٍ ما ..!!!!!!!!!!!!!!!!!!!!!!!!!
Author: نادية عثمان
Date: 04-09-2006, 09:28 PM
Parent: #30
طارق جبريل
| Quote: يعني انا قاعد في المغرب وغاتس فيها لي اضنيني عايزاني افتش عليه وين في ام مغت |
ام مغت دى فى المغرب ولا بتقع وين فى الخريطة تحديدااااااااااااا كده ؟!!(وجه مسطح)!!
|
Post: #34
Title: Re: ميلاد عصيب لرجُلٍ ما ..!!!!!!!!!!!!!!!!!!!!!!!!!
Author: إدريس محمد إبراهيم
Date: 04-11-2006, 03:01 AM
Parent: #33
أختي العزيزة / نادية ...
تحية الصباح المشرق الجميل ...
فاجأني صديقي الشاعر المرهف يوسف حمد النيل (أبو وجيده) وهو بوردابي محنك هجر المنبر لمسغولياته رغم إلحاحي الشخصي وإلحاح الكثيرين عبر الرسائل والهاتف أن يعود .. فاجأني هذا الرجل بأن قال لي في نهاية الأسبوع الماضي هل تعرف أن ديوان ناديه عثمان "ميلاد عصيب لرجل ما .." كان ضمن الهدايا التي أتحفني بها بورداب الخرطوم وسط حفاوتهم البالغة أثناء تواجدي بالخرطوم مؤخرا.. وهو معي الآن ... بصراحه يا ناديه - وأنتي أم- فرحت كأم فقدت أبنها وسط زحمة المولد "الليلة الأخيرة" وبعد أن تقطع قلبها وهي تركض وتنادي في كل إتجاه وحدته أخيراً يلهو بأحد عرائس المولد.. فقال لها بكل براءة الأطفال : وين روحتي يا ماما تعالي اشتري ليّ العروسه الحلوه دي .. ومن فرحتها ضمته إليها واشترت له أربع عرائس " مثنى وثلاث ورباع" الحد الشرعي مره واحده ...
|
Post: #36
Title: Re: ميلاد عصيب لرجُلٍ ما ..!!!!!!!!!!!!!!!!!!!!!!!!!
Author: ابو جهينة
Date: 04-11-2006, 03:40 AM
Parent: #34
نادية
Quote: صافي يا بحر النوارس.. بارك الحب وهَدِّي رَوْعَك
ورِغْوَة الزبد الوعيد
كرنفالات سيرة تَقْدِل... القمر فرحان يلالي
القماري تَقَُوقي لينا... والمراكب شايلة غِيد
إبتسامتك.. وغمزة العين المشاكسة
ونور جبينك.. وضمة الإيد في سلامك.. وقُبلة الحب في الخديد |
جمييييل
بتخيل بتمعن شديد .. و خاصة غمزة العين المشاكسة .. لأنو في عيون بالفعل مشاكسة في صمت صاخب .. و لغتها عالية الصوت بإيقاع متفرد..
أرقدي عافية
|
Post: #39
Title: Re: ميلاد عصيب لرجُلٍ ما ..!!!!!!!!!!!!!!!!!!!!!!!!!
Author: نادية عثمان
Date: 04-11-2006, 05:38 PM
Parent: #36
الزول الذى قد أجمع البورداب على منتهى روعته وطيبة قلبه
النبيل جدا أبو جهينة
سعدت جدا كما اسعد دوما لمرورك عبر بيوتاتى الاسفيرية !
Quote: جمييييل
بتخيل بتمعن شديد .. و خاصة غمزة العين المشاكسة .. لأنو في عيون بالفعل مشاكسة في صمت صاخب .. و لغتها عالية الصوت بإيقاع متفرد..
أرقدي عافية |
العين هى خيط البداية لنسج كثير من الحكايات الممتعة وللعين عندى اعتبارات خاصة جدا وهى دائما ماتشاكسنى عند ميلاد اى نص شعرى او قصصى واجدها بين حروفى تتلصص وهى غامزة وضاحكة وباكية وتخلد الى النوم فى بعض الاحيان !!
وتعال احكى لينا قصتك مع العيون ياابو جهينة .. سمح ؟!!
|
Post: #38
Title: Re: ميلاد عصيب لرجُلٍ ما ..!!!!!!!!!!!!!!!!!!!!!!!!!
Author: نادية عثمان
Date: 04-11-2006, 01:47 PM
Parent: #34
النبيل ادريس محمد ابراهيم
مساءاتك وردية الملامح دوما
| Quote: فاجأني صديقي الشاعر المرهف يوسف حمد النيل (أبو وجيده) وهو بوردابي محنك هجر المنبر لمسغولياته رغم إلحاحي الشخصي وإلحاح الكثيرين عبر الرسائل والهاتف أن يعود |
دعنى ايضا اناشده معك ومع الاعزاء ان يعود فهذا المكان يحتاج بالفعل الى دفقة اكبر من الابداع والجمال والحب !
| Quote: فاجأني هذا الرجل بأن قال لي في نهاية الأسبوع الماضي هل تعرف أن ديوان ناديه عثمان "ميلاد عصيب لرجل ما .." كان ضمن الهدايا التي أتحفني بها بورداب الخرطوم وسط حفاوتهم البالغة أثناء تواجدي بالخرطوم مؤخرا.. وهو معي الآن ... |
بورداب الخرطوم من اكارم القوم وحفاوتهم لا تتوقف عند اهداء الكتب وانما يصرون على العيش والملح والملح .. حقا بورداب الخرطوم اهل كرم وجمال وقلوب طيبة ..احبهم كثيرا .!
| Quote: بصراحه يا ناديه - وأنتي أم- فرحت كأم فقدت أبنها وسط زحمة المولد "الليلة الأخيرة" وبعد أن تقطع قلبها وهي تركض وتنادي في كل إتجاه وحدته أخيراً يلهو بأحد عرائس المولد.. فقال لها بكل براءة الأطفال : وين روحتي يا ماما تعالي اشتري ليّ العروسه الحلوه دي .. ومن فرحتها ضمته إليها واشترت له أربع عرائس " مثنى وثلاث ورباع" الحد الشرعي مره واحده ... |
يآآآآآآآآآآه !!!
عندك خيال جامح وخصب وممتع الصور والله وانا سعيدة جدا ان اكون بين يديك حرفا اتمنى ان تجد فيه متعة لروحك المرهفة الشفيفة !
ولا تحرمنى اطلالتك الطيبة من بيوتاتى دوما وكن بالف الف خير !
|
Post: #35
Title: Re: ميلاد عصيب لرجُلٍ ما ..!!!!!!!!!!!!!!!!!!!!!!!!!
Author: منى أحمد
Date: 04-11-2006, 03:29 AM
Parent: #1
.
.
العزيزة نادية عثمان
ياااااه إنتى ما مبدعة بس
إنتى مرهفةو شفيفة
و شاعرة ذكية جداً
البحث عن ديوانك في السودان
حيكون من أولوياتى في الإجازة
إن شاء الله
المزيد و المزيد
مودتى لك
.
.
|
Post: #37
Title: Re: ميلاد عصيب لرجُلٍ ما ..!!!!!!!!!!!!!!!!!!!!!!!!!
Author: صلاح شكوكو
Date: 04-11-2006, 01:33 PM
Parent: #35
| Quote: من ديوان ميلاد عصيب لرجل ما .. الصادر بالقاهرة ! |
النادية / نادية
تهنئة معطرة بعبق الحروف الملهية بين يديك
كل الحروف تتراقص أمامي لتنال شرف التعبير لك
ألق وتأنق وتألق في محفل الكلمة ..
وإزاء كل هذا لا نملك إلا أن ننتظر شروق شمسك
بخيوطها الذهبية تحمل لنا بشريات القول
وأريج الحس .. وصدق المشاعر ..
ونحمد الله أن النيل ما زال يجري في بلادنا
تهنئة نيلية نبيلة
وتهنئة ندية نادية
=
|
Post: #41
Title: Re: ميلاد عصيب لرجُلٍ ما ..!!!!!!!!!!!!!!!!!!!!!!!!!
Author: نادية عثمان
Date: 04-13-2006, 01:24 PM
Parent: #35
العزيزة الودودة جدا منى أحمد
Quote: العزيزة نادية عثمان
ياااااه إنتى ما مبدعة بس
إنتى مرهفةو شفيفة
و شاعرة ذكية جداً |
حديثك هذا وسام وقلادة غالية تطوقين بها جيدى ايتها الفتاة الالق البهية الحرف .. شكرا جميلا وسعيدة انا لان حرفى المشاكس قد داعب اوتار روحك الشفيفة المترعة خيرا وجمالا يامنى النجوم !
Quote: البحث عن ديوانك في السودان
حيكون من أولوياتى في الإجازة
إن شاء الله
المزيد و المزيد |
يسعد قصائدى ان تحتضنها مكتبتك العامرة يارائعة ولو ان لى جناح لكان ديوانى بين يديك الان !!
وان وجدتى قادم اليكم من القاهرة فقط اخبرينى وسيصلك الديوان بامر الله اينما كنتى ياغالية !
الود كثيف الهطول من قلب محب لك ياشقيقتى العزيزة منى أحمد
وكونى بخير
|
Post: #40
Title: Re: ميلاد عصيب لرجُلٍ ما ..!!!!!!!!!!!!!!!!!!!!!!!!!
Author: طارق جبريل
Date: 04-13-2006, 05:51 AM
Parent: #1
العزيزة نادية عثمان
| Quote: ام مغت دى فى المغرب ولا بتقع وين فى الخريطة تحديدااااااااااااا كده ؟!!(وجه مسطح)!! |
تعرفي حا يجوك الجماعة بعد شوية ويقولوا ليك انت استئصالية وعنصرية و(ام مغت) دي قلب السودان النابض... شيلي شيلتك
ياخي حلفناك بالبنية وابوها عايزين دواوينك دي ونحن هنا في المغرب البعيدة ديك
نلقاها كيف (وش مكشر وزعلان وحردان ومرارته مفقوعة)
|
|
