مرحبتين.....ومرحب..معتز تروتسكي..

هاتف نهاري...من صديقي التاريخي خليل.. الذي يفيدني باخبار المنبر..في منتصف النهار..

وكما للجزيرة...(الجزيزة منتصف النهار)...لدينا نحن هنا (المنبر منتصف النهار)...

تلفون خليل عنوانه الكبير...

اسمع خبر سمح والله..

شنو..

ياخ تروتسكي رجع..ورجعت اللغة العالية..

..فرحت..وتذكرت ذلك التلفون الحميم للاخ تروتسكي في اول ايام عيد الاضحي..لاول مرة يبرمج هاتفي

الي الصين..

لاهني تروتسكي بالعيد..ونتعافي كما يفعل كل اهلنا في السودان..في الاعياد..

مرحب تروتسكي ..وشكرا سودانيز اون لاين..الذي جعلنا نفرح عند الحضور...ونفتقد بعضنا

البعض...اختلفنا او اتفقنا...

تروتسكي ظاااااااااااتو

خالص التحايا
العزيز
عبدالكريم الامين احمد

ياخ مشكور كتير عزيزى على الحديث اعلاه..
واعلم سيدى باننى لم احمل على احد هنا بقدر الخلاف الطافح هو طريق لابد منه..
ولم يكن الاختلاف يوما فى حياتى شيئا لحمل الحقد كما يطفح بالاخرين لكن هناك ايضا اشياء تربينا عليها يبدو انها لاتصلح فى هذا الزمن ان لاتسكت فى الغلط وانا تتضرت من هذا فى حياتى الجامعية حيث كنت لكما ارى خطا اثور واجوط وهكذا ..
كذلك الكضب وقلت الادب والسفافه اشد مايدعنى امتعض..
ايضا هنا شى ملاحظ داعنى الى عدة تسؤلات (ماهو الاحترام؟؟!!)..
مرات بلقى احدهم يطفح بالكلام البذئ فى موضوع ويتحاشاه الاخرون
ثم يفتح موضوع اخر تجدهؤلاء القوم ينسون ماكان يقوله قبل لحظات ويتدافعون يمجدون فيه (المحترم والمبجل وو الخ)
علام هذا النفاق والحديث
بالجد استغرب عزيزى..
بالفهم البسيط هذا لو صديقى لابد ان يكون لي معه موقف محدد فى ان مايقوم به فى النهاية يُنسب اليا ويمسنى وبالتى يصل الى اعتاب الاسر..
هذا عنى الرجل فما بالك الانثى التى تصادق هؤلاء الرجال ذوى السمعه المهترئه والكلام البذئ!!!
شفت كيف عزيزى شكل الحاصل قبح كيف..
نحن بالجد شعب مسكين ..وطيب لمن ساذج...

المهم ما اطيل عليك واطمم ليك بطنك ساى الناس فى الزمن ده بتخاف من الكلام الزى ده وهذا مالمسته...

بخصوص حديثنا وتصافينا اعلم بانى اكن لك كل الحب وبعتبرك جزء من ممتلكاتى علي ان اقوم وانت بى نفس الحال...
ارسلت لك قبلها عن يجب ان نتصافح مطالبا منك الاعتذار وانت كنت اجود مايكون فقد قمت بالاتصال ومشكور اقدر لك هذا واعلم انه لن يتمحى من الذاكره..
دمت اخ وصديقا وفيا...
ساتيك لاحقا اسكب لك بعض هترشاتى فى ماتتملك من بوستات..
ولكن ليس هنا حتى لابكون الحديث ارتجاليا بمفهوم رفعت من هامتى اقوم انا ارد ها لك فى حينها ولكن اعلم بان كل شخص يقدم لى معرف لن انساهو ولست بناكر للجميل...
والى ذالك الحين قيل بعافية عزيزى وسلامى الى (ابو خليل) الخليل..

والعفو والعافية..

----------------------------------------------
ناصر ود خالتى..
ياهو ظاااااااااااااااااتو...

-----------------------------------
ملحوظه الشى الدايرو منكم ان تتركو البوست ده يذهب للاعماق بقدر المستطاع ونتلاقى فى مساحات بوستات اخرى...

هلا بمقدم الاهزوجة معتز

ملك المفردة الانيقة من غير حذلقة

فليعد تروتسكي بما لم يستطعه الاوائل,

فمن بلاد الصين إلي كردفان تابعنا مسيرته,

ولعلعها ستكون ظافرة باذن الله.

وشكراً عبد الكريم لتنبيهنا, فصديقنا معتز بعض من فرح

هنا..وسرور هناك.. لا أدام الله غربته المجاورة للتبت

فببلادنا تنتظره. ولا أسكت الله حسا ًً له.

معتز (تروتسكي)

صاحب قلم جدير بالاحترام ، وصاحب كلمة واعية تقدر مسئولية الحرف .. وتعرف موطأ سطرها جيداًُ ... أعتز بمعرفتي به .. وأتمنى له التوفيق في حياته ... وعقبال ما نشوفو عريس يا رب

اهلا بتروتسكي ليمشي في السكة يمد ...........

khaleel
براي ياخله النوم من عينى قلا..
اخبارك ابو خليل كفينك واليوم الحار ...
تشكر وونشيلك فوق عنينا..

-----------------------------------------------------------------------------------

صلاح شعيب
يااااااااااااااااه ود شعيب مره واحده (ايه الهنا الانا فيهو ده)..
وحاتك ياصديقى ماعارف لكن شعرت بعبره اجتاحتنى فجاءة
انت كيف وكيف اخبارك وصحتك نعلك طيب وزين..
بواصلك قريب ياراقى ياحساس..
(وطار قلبى منى)..


-----------------------------------------------------------------------

هشام آدم
ابو الشوش ..ياخ انت زاتك موهين بعدين انت بتقدم لى خدمه بدون ماتشعر باستفزازك الكتابى لى ده عشان شويه بتنتشلنى من حالة الكسل الفينى دى الواحدب قى روتينى كيف
الكتب الجامده ديك-الاكل -النوم- مرات الtv- والنت والعكس..
يعنى احتمالات الواحد يبقى خامل ويحصل ليهو بيات فى جزء من دماغو لولاكم لحصل بسرعة شديده..
بعدين انت مصر تعرس لي مالك داير تدفنى بالحياة.وتورطنى يانمس انت. .
خلاص انا اقول ليك الحل انا منتظرك تعرس والبنيه احجزها لي اها شن قولك. .
وقيل بعافية..


----------------------------------------------------------------------------------


ريهان الريح الشاذلي
ريرى- ياقهوتها وشهقة النفس المزاج...وفى رواية اخرى (انثى ولا دستة رجال)
بعدين بمناسبة انثى وما انثى هشام ده عندو البوست ده .خطوات إلى عشتار . دايرن كوادر نسائية. ..
يديك العافية لكن انتى بتكتلى ليك يوم زول يابت العم . .
ممسوخه..وايضا فى رواية اخرى على حد قول صديقى (حبيب نورة) رد الله غربته اليا (النسوان ديل يضرهن الله). .


يااااااااااااااااه
لقد اهدرتم احاسيسنا حين كنا نبحث عن الطرب المطعم بالنشوة فى نصوص الفراغ وحروف البعث وقوافى الخواء..
وعندما دلفتو دخولا فينا ترعرعت اضرحتنا العاطفية وعادت بنا لمشروع التنقيب عن كلمة لاتغيب عنها الحواس نابعه من الاحساس بكم..
ويااااااااااااااااااااااااه..
(عبدو- ابو خليل- ودشعيب - ابو الشوش - ريرى)

التحايا النواضر..