إن أوهن الحب فى بيت العنكبوت

كثر فى السنوات الاخيره التعارف عبر الشبكه العنكبوتيه ومن هذه العلاقات ما نما حتى أثمر عنه فتح بيوت لكن أغلب التعارف بنتهى بى نهايات غير محببه وغالبا ما يحدث ذلك لان أحد الطرفين أخفى بعض الحقائق فى بداية التعارف وصعب عليه التراجع عنها عندما نمت العلاقه خصوصا من جانب البت
حيث غالبا ما تخفى بعض الحقايق عن الولد خصوصا مسألة العمر وانا شايف ليهن مية حق لانو الاولاد مفترين تلقى الواحد عشان عملو قرشين عمرو كم وأربعين داير تمنتاشرات سااااكت لكن برضو فى واحدات كمان ببالغن عندنا صاحبنا عايش فى لندن اتعرف على بنيه من أمريكا ورسلت ليه الصور وقالت ليه انها بتدرس هنا فى السنه النهائيه من كليه الصيدله المهم اتعمقو شديد فى العشق وبقى هايم بيها تماما وأهمل أمتحان البورد بتاعو وبقى بس مافى فى رأسو حاجه الا يعرس
البت دى الراجل دا زول صادق جدا كل كلمة أداها ليها كانت مظبوطه مية المية
لكن البت كضبت عليهو فى أى حاجه حتى اسما الحاجة الوحيده الصحيحه الادتا ليهو
رقم تلفون بيتا المهم اخونا طبعا على إتصال بيها طوالى وبتكمو بكل صغيره
وكبيره فى حياتا لحدما كان فى مره قالت ليهو انها أهلا جاينها زياره ما حا أقول
من وين عشان فى ناس حاتتحسس وتزعل منى رغم انى بحكى بكل صدق وأمانه ومافى حاجه
جابرانى على اللف والدوران المهم أخونا فكر وقدر قال يفاجأ وأهلها معاها
ويجى يخطبا منهم لانو طبعا ماخد موافقتا المبدأئيه وحسب كلاما معاهو انو ماما
وبابا عارفين ومستنين يلاقوهو لكن فى الوقت المناسب البحددو هو بقى أخونا
الدكتور العبقرى والله صدقنى يا دكتور دى ما شماته قرر يفاجئ الجميع بما فيهم
نحن أصحابو
المهم لا أحرى لا ادرى تلفونى يضرب وكالعاده سمعت صوتو فى الطرف التانى يكلمنى
من المطار ولانو المطار فركة كعب منى كنت معاهو فى ظرف ساعه وبعد السلام والكلام
واللقاء الجميل لانو فعلا كانت مفاجأه حلوة شديد لكن المصايب زى ما قالو
لاتأتى فرادى
وأواصل