يـا تـماضر يـا مفرحة... مموسقة...

كلمات لحن وأداء صديق منصوري

مناحل عسل الشفا

يامنصوري يسلم فنك..عبرت عننا كلنا.مناحل عسل الشفا هي ثروة قوميه في متحف المحبه,وتمن تزكرة الدخول بلد بي حالها.عافي منك.محبتي

الأخ محم بهنس.. سلام يا راجل.. شكرا ليك كثير ما إنت اصلو زولنا وتتداخل معنا من زمان.. انت رجل ذواقة وفنان..
.........
صدقت يا محمد القصد هو ان أعبر عنكم كلكم.. أنا هنا وفي هذا الموقع ملك للجميع.. اشرب بإنائهم.. وآكل من قصعتهم ولا يدخل جوفي إلا ما أكلته أنا خاصة..أو ما اغرورق داخل جوفي من مياه غير آسنة..
كلماتك طيبة يا محمد..ما عارف كلما أشوفك واشوف صورتك هنا تفرحني وأتذكر قدامى المحاربين من كبار المتصوفة وأتذكر بعض من أعرفهم من صافيي النفوس.. لا أجد قرينة لذلك بس إحساس كدة

انا زول مطرطش ;وهذه قيمتي كما اعرفها.اما والله العظيم يا هذا المنصوري,فراستي فيك انك صاحب سر,وشاعر بالطبيعة والطبع,وقلبك يشع محبة كما اتابعك في هذا البورد,اقول ليك بس:ماتنقطع مننا يامنصوري,وزيدنا; انا واحد من الناس بتعلم منك( دون اي قصد تواضع او تملق),واظن ان الكثيرين امثالي يتابعونك في صمت,ويتعلمون منك بساطة وعمق هما الدنيا بحالها.محبتي

يااااااااااااااااااااااااااااه


امبارح سمعتها..

اول حاجة جبت الاولاد جنب الكمبيوتر...

قلت ليهم اسمعوا الكلام ده..عشان تانى اقول ليكم اعملوا حاجة تعملوها......


اخدت لى نقزة شايقية كدى ..لى قدام وجيت راجعة
أديتك شبال فى الكمبيوتر

اختى ضربت تلفون ..ختيت السماعة جنب اسماعة الكمبيوتر وقلت ليها اسمعى غنيتى

التلفون ده رن زى خمس مرات والجماعة ديل كلهم سمعوا الغنية بالسماعة

يعنى باختصار كده ..ما عارفة اسوى شنو ..من الفرحة..

اها قال كدى ناس المهرجان رسلوا التذاكر بى جايى

حاسافر يوم الخميس واصل يوم الجمعة عن طريق امستردام....

التحيات..ما اظن القى زمن اكتب تانى ..

شكرا يا منصورى وشبالك جاييك فى الشارقة ..وبعدين نتفاهم فى الاغنية المفاجئة دى....... محبتى الفائقة