Post: #1
Title: جامعة الخرطوم - تحى ذكرى الانسان مصطفى سيد احمد العاشره
Author: اسلام عبد الرحمن عمر
Date: 03-13-2006, 08:19 AM
فى تمام الخامسةمساءً وانا مارق من الشغل تلفون للشعاعر سامى عبدالرحمن
مجموعة الشعراء المغنين الجوالة
الو...........................
سامى ازيييييييييك مشتاقين
انا هنا فى الجامعه
انا : بتسوى فى شنوا
سامى :انت تعال علينا هنافىالجامعه فى مفاجئه تعال سريييييييييييع
انا :اسمع انا جاى عليكم
خلاص حتلاقى علاء سنهورى فى الباب اناماشىادخل العود لانوا شكلوا الحرس
معكلتين فى العود ...
انا : اسمع العود ؟؟؟؟ وعلاءسنهورى ؟؟؟؟فى شنوا انت
قلت ليك تعال بسرعة بس ولم تصل اعمل تلفون كويس ....سلام
انا : سامى دقيقه ... اسمع
التلفون :بيب بيب بيببيب بيب ( المكالمه انتهت )
|
Post: #2
Title: Re: جامعة الخرطوم - تحى ذكرى الانسان مصطفى سيد احمد العاشره
Author: اسلام عبد الرحمن عمر
Date: 03-13-2006, 08:45 AM
Parent: #1
الساعه خمسه ونص انا كنت فى باب هندسه
الجامعه فيها حركة طلبه خفيفه واحساس فى الدم بالسودان ...الهنا ...
جامعةالخرطوم رمزالنضال ...نفس الشارع ... ام الشهداء إيييييييييييه
ياجامعة والله زمان ..
حبة كده ولاقيت الشاعر سامى عبدالرحمن فى اداب وسلامات وكيف ياحبة
اسمع الليله عاملين احياء لى ذكرى الراحل مصطفى سيد احمد وانا ماشى
للمسرح عندى باقى كراسى ماجاءت وضيوف جايين امشى رابطة علوم بتعرفا تلاقى علاء
هناك ومعاهوا مفاجئة ....؟
دقيقةدقيقةيا سامى البرنامج ده عاملوا منوا والجاى منوا
اييييييييييك اسكت ساى كلهم جايين .الربنامج عاملينوا نحن ناس التربادور
ومعانا نادى الصحافه فى الجامعه
***********************************************************************
شويتين كده ......
علاء سنهورى ايييييييييييييييك ازيك ياحميم معالك منوا
الاستاذ مدنى النخلى ...
( سلام باحترام شديد والعين فىالواطه ) ازيك يا استاذ وحمد الله على السلامه
وونسه والجامعه وزمان وهسع والطلبه والغناء والشعر ومصطفى ووووووووووووووو
***************************************************************************
شويتين كده ... (من بعض الطلبة) يا اساتذه ممكن نمشى على المسرح البرنامج
حيبداءهسع
***************************************************************************
احاسيس كتيييييييييييره بتجيك وانت شاقى الجامعه بعد سنييييييييين طويله
شارع المين ...نجيلة اداب وجييل عملاق ووشوش نبيله وزمن ؟؟؟؟؟؟؟
|
Post: #3
Title: Re: جامعة الخرطوم - تحى ذكرى الانسان مصطفى سيد احمد العاشره
Author: اسلام عبد الرحمن عمر
Date: 03-13-2006, 09:11 AM
Parent: #1
المكان : جامعةالخرطوم كلية الاداب (نجيلةاداب الجنب اقتصاد
بى قادى )
الزمان : منااااااااسب وانسانى خالص
المناسبة: احياء ذكرى الفنان الاستاذ الراحل المقيم مصطفى
سيد احمد
المنظمين : مجموعة الشعراء المغنين الجوالة بالتعاون مع نادى الصحافة
المشاركين : الفنان علاء سنهورى ...الفنان ابوعرب (من الجامعه) مجموعه من
الشعراء اللذين تغنى لهمالراحل مصطفى سيداحمد
**********************************************************************************
الربنامج اوبداية الكرنفال ...
اعتلى المسرح مقدم الربنامج وسط حضور كثيييييييييييف من الجمهور والطلبة والفنانيين
والمهتمين وعشاق الراحل مصطفى وحضور مميز ايضا من الصحافة
ترحيب حار بالضيوف من الاستاذ سامى عبدالرحمن وشكر لهم ....
وتقديم الاستاذ مدنى النخلى فى قرايه شعرية فى استهلال الحفل ....
******************************************************************************
ونواصل ......................
|
Post: #4
Title: Re: جامعة الخرطوم - تحى ذكرى الانسان مصطفى سيد احمد العاشره
Author: اسلام عبد الرحمن عمر
Date: 03-14-2006, 03:05 AM
Parent: #1
الاستاذ /
مدنى النخلى يشق الحضور وسط هدير وتصفيق عارم ويعتلى خشبة المسرح
وانا معاى البوردابى الصديق (سفيان ) قلت ليه الليله ربك يستر ياسفيان
الانبياء ديل حيكتلونا بالروعة والجمال ، بعد داك فجاءة كده لقيت روحى بدافر
وسط الطلبة قدااااااااام ولقيت لى محل واتحكرت
***********************************************************************8
مدنى النخلى امتع الحضور بقراياتوا الانيقة وزكر انوا ده اول احتفال بى ذكرى
مصطفى يشارك فيه لظروف الغياب الجبرى ......
كان وسيم فى حرفوا كالعاده وهادى وبراااااااااحه جدا .....
***************************************************************************
قابلت من البورداب الكانوا حضور فى الليله ده :
الاستاذ الفنان التشكيلى عصام عبد الحفيظ
الصديق الشاعر عاصم الحزين
الاستاذ الصديق سفيان ابونابرى
الفنان علاء سنهورى
الاستاذ ابو يسرا
سامى عبد الرحمن الشاعر ومنظمى الاحتفالية
وغيرهم من البورداب
**************************************************************************
ونواصل
|
Post: #5
Title: Re: جامعة الخرطوم - تحى ذكرى الانسان مصطفى سيد احمد العاشره
Author: خدر
Date: 03-14-2006, 03:09 AM
Parent: #4
وين الصور طيب
|
Post: #6
Title: Re: جامعة الخرطوم - تحى ذكرى الانسان مصطفى سيد احمد العاشره
Author: ابو يسرا
Date: 03-14-2006, 03:29 AM
Parent: #5
شكراً للاستاذ علاء سنهوري الذي قدم لنا الدعوة
شكراً اخي وحبيبي سامى عبدالرحمن على الترحيب وحسن الكرم
تم الترحيب في الحفل بسودانيزاون لاين
النخلي تحدث عن جوانب مخفية للراحل المقيم مثل انه رغم ظروف مرضة وضيقه المادي كان يصرف على بعض الطلاب في الدوحة والناس ماعرفت الكلام دة الا بعد وفاتة ومدني قال نحن مامصديقين زول بالظروف الشفناها يصرف على شخص آخر
الاخ سامي كان رائع فى التقديم
سنهوري اتفش في الحفل وقال انا عدت للغناء فى الجامع كيتاً للمنعوني من قبل
غني سنهوري يافطون للرائع ازهري محمد علي وغني كذلك زيتك طالع وكان رائع كعادته ووجب استحسان من الجمهور
القدال اقول شنوجعل اكفنا تدمي من التصفيق المتواصل تحدث عن مصطفي كلام لايقوله الا مثل القدال قرأ التصفيق والدهشة فينا جعلته يكرر كل مقطع صوته بح شرب موية واصل انتهي من وصلته قال المنبر للشاعر عبدالقادر الكتيابي ونزل من المنبر الكتيابي حضنه طويلاً وقال ليهو ترجع تاني ياقدال لازم ترجع ونسمع منك تاني رجع قدالنا وغني حليوة وهاك يافرحة وهاك يادهشة وهياج وتفيق متواصل وحاجات تانية حامياني كما يقول البوني
بقية اليوم نترك للاخ إسلام الحديث عنه
مااروع طلاب الآداب جامعه الخرطوم
شكراً لكم شكراً تاني اخي سامي
شكراً مصطفي الذي جعل ذلك اللقاء ممكناً
|
Post: #7
Title: Re: جامعة الخرطوم - تحى ذكرى الانسان مصطفى سيد احمد العاشره
Author: سفيان بشير نابرى
Date: 03-14-2006, 03:30 AM
Parent: #1
اسلام عبد الرحمن ،،
سلام من لدن قلب يعزك كتير ،،
وخدر ابو لقاء سلام ليك وللبنية الحلوه ولى بارعه يجدكم كما احب لكم،،
واللهى العظيم لاحولىىىىىىىىىى ده كان يوم عجيب
ياخ ياناس حميد لما طلع فوق المسرح قال:- انو ده اول يوم يشارك فيهو
طلال دفع الله والكتيابى ، وانو هو سعيد بانو لماهم مصطفى ود سيد احمد
يوم ولا فى الاحلام،،
عبد القادر الكتيابى ابداع شديد
حميد شعر عالى الجودة والسودانية والشعبية والثورية
طلال دفع الله شعر شعر مرتب وهادى وحبيب واحساس مفرده جميله
الله الله وياسلام ياسلام ياسلام على نجاة عثمان شعر صح الصح
القدال عجيب مرة واحده
الحضور ومن بدرى خالص احتشد واصطفه ورفض يغادر مكان الاحتفال
الشباب المنظمين الحفل مجتهدين وودودين ويسارعون لخدمة الجميع
بشوشين الوجه نضرين العمر ، على ما اعتقد ان لهم فهم كويس لدعوى هذا
الاحتفال.
يا خدر
عند المعلم التشكيلى صاحبك عصام عب حفيظ
|
Post: #8
Title: Re: جامعة الخرطوم - تحى ذكرى الانسان مصطفى سيد احمد العاشره
Author: ابو يسرا
Date: 03-14-2006, 03:39 AM
Parent: #7
الاخ سامي مقدم الاحتفالية
|
Post: #9
Title: Re: جامعة الخرطوم - تحى ذكرى الانسان مصطفى سيد احمد العاشره
Author: اسلام عبد الرحمن عمر
Date: 03-14-2006, 04:00 AM
Parent: #1
كل الحبايب المتداخلين سلام
العزيز خدر ... شكرا كتير على المرور من هنا والصور ذى ماقال
سفيان عند الفنان عصام عبد الحفيظ بعض منها وكلها فى القلب
محفوره ...
**********************************************************************8
العزيز ابو يسرا تسلم يا جميل على المداخلة ويالله ساعدونا لو
نسينا حاجه ماقلنها او زول ما اتذكرناهوا ، سنهورى ماشى فى
السكه الصاح يا ابو يسرا والشبه كبير فى الحالتين ..
*****************************************************************888888888
سفيان يا صديقى مشتهيك ذى الامس مالاقيتك ... ( وياسلااااااااااام)
حقتك ديك ذاتا ماحلتنا فى اليوم داك ....
تعال احكى معاى وحرض صاحبك يجيب الصور
********************************************************************
|
Post: #10
Title: Re: جامعة الخرطوم - تحى ذكرى الانسان مصطفى سيد احمد العاشره
Author: اسلام عبد الرحمن عمر
Date: 03-14-2006, 04:27 AM
Parent: #1
طيب .........................
والاستاذ بيقدم فى مشاركتوا بداء العقد يكتمل وقبلا كانت حضور من بدرى الاستاذه
الفنانه نجاءة عثمان ... وحضوراً بقية الانبياء .. الاستاذ عبد القادر الكتيابى ..
الاستاذ محمد طه القدال ..... الدكتور الشاعر طلال دفع الله ... الاستاذ محمد الحسن
سالم حميد وحضر ايضا التشكيلى الرائع راشد دياب
**********************************************************************************
بعد مشاركة مدنى النخلى تغنى سنهورى باروع الاغنيات والهب اكف الجمهور بالتصفيق
ياخ والله الناس دى جميله بشكل خرافى .....
بعد داك جاءنا القدال تم الناقصة انا ما عارف لكن كنت قاعد وحاسى بى حالة غريبه حاس
ليك انوا قلبى بوحعنى شديييييييييييد وانوا ذى الداير اكورررررررررررك اصفر حالة حب و
وحالة غضب وهسترية فرح وووووووووووووووووووووووووووووووووووووو............
يا اخوانا زول يلحقنابى غنية لى مصطفى عشان نقدر نواصل ... بى ريحتو
عليكم الله انا ما بعرف انزل الاغانى هنا كيف لكن الحقونا بى غنية لى مصطفى
********************************************************************************
ونواصل
|
Post: #11
Title: Re: جامعة الخرطوم - تحى ذكرى الانسان مصطفى سيد احمد العاشره
Author: ابو يسرا
Date: 03-15-2006, 03:15 AM
Parent: #10
|
Post: #12
Title: Re: جامعة الخرطوم - تحى ذكرى الانسان مصطفى سيد احمد العاشره
Author: ابو يسرا
Date: 03-15-2006, 03:19 AM
Parent: #11
<a href="http://www.sudaneseonline.com/cgi-bin/sdb/2bb.cgi?seq=post&board=50&msg=1142234355&rn=11" target=_self>Re: جامعة الخرطوم - تحى ذكرى الانسان مصطفى سيد احمد العاشره
|
|