Post: #1
Title: وصية نادية عثمان لإبنتها بمناسبة يوم المرأة ..
Author: عمر الفاروق
Date: 03-13-2006, 08:12 AM
مدخل:
هو إيميل اهديه للأخت نادية بمناسبة يوم النسوان وعشان بت نادية تبقى انجض من بت بت الأحفاد وتسفسف ليك نبقا كلللللللللللو 
يابت هوي فتحي عينك و ابقي نجيضة وفالحة..... قدر ما اجي داخله عليكم
القاكي .... هي هي .... و قر قر قر ..... تضحكي مع عبد الله دا....
الراجل ما تضحكي لو كتير..... يسعالني الله يحقر بك....الراجل اديهو
العين الحمرا.... وان قدرتي لعند ايدك تلحقيها ليهو لحقيها...ابقي
نجيضة.....أ ية..... زي امك.....الله بسعلني وقت ابوكي يقول حاجة
تضحك.... امشي اتحشر في الاوضة واضحك زين واجي مارقة صارة وشي.....و
بعدين اوعك ثم اوعك ثم ايضا اوعك... تقولي لو الجلابية دي سمحة والله
العمه اللابسها دي سمحة... نفسو تقوم تعجبو يعرس فوقك.... وبعدين
تشربي ما تروي....واكربيهو بالطلبات.... اوعي تخلي لك قرش يبيت في
جيبو...واوعك تخليهو يشوف المسلسلات.... بيخربن الرجال.... وقت
المسلسل داك.... شفتي جيبي فندكك...واقعدي دقي أي حاجة جنبو ويا ريت
لوكانت شطة... والله كان عندك شافع بيرضع وجيعان وبيبكي خليهو في
بكاءهو داك لمن المسلسل ينتهي....وبعدين ما يجي داخل يلقاكي تغني
حتى ان بقيتي دايرة تغني.... اوعك من الغنا
الخايس ناس حبيبي حبيبي.... امسكي في الغنا الحار...... زي البيجري
نسيبتو و مرتو طلقانة......والله اندب حظي ام امالي...... والله
دفاعنا الشعبي ياهو ديل.....والله النار ولعت بقلبي بطفيها.....
اااااااااااي.... عشان تربي لو الزلعة .....والخلعة....بس اوعك تغني
لو الليلة يوم الرجال.... بيقوم يصدق و يتحنفش فوقك ساكت........
واوعك تشكري لو حاجةجابها.... ان جاب لك لحم.... ختي ايدك فوق
راسك...وقولي ليهو ووب علي ووب علي ووب علي....غشوك وادوك الجلافيط.....وان
جاب لك فتيل ريحة...اول ما تفتحيهو... وتشميهو.... طوالي كشري وقبلي
غادي وابصقي..... وقول ليهو ..... دا شنو يا عبدالله؟......
الريحةالمتل ريحةالفسيخ دي جايبها من وين؟......غايتو انت مغستك
تقد.......
وان جنك نسوان والله بنات....ما تخليهو يقعد
وسطن....ويتونس.... طيريهو من البيت....وان ابى يمرق... قدرمايقولو
نكته والله يخفف دمو قدامن صري ليهو وشيك.... وقول لي لو انت يا عبد
الله ما عندك غير النكتة دي؟ يا خي
عملت لنا بها وجع... وش......اصلهم الرجال عارفاهم... الواحد فيهم من
يشوف لو لمت بنات يقعد يخفف في دمو ويعمل فيها ودنفاش.....وتلقيهو
يضحك بلا سبب... حتى ان واحدة قحت ساكت ... يقعد يضحك ويصفق
اديهو....واوعك تخليهو معاهن وتدخلي المطبخ تسوي لك شربات...... وحات
الله بنات الزمن دا ان غفلت من راجلك دقيقة بس تلقيها عرستو
|
Post: #2
Title: Re: وصية نادية عثمان لإبنتها بمناسبة يوم المرأة ..
Author: فيصل نوبي
Date: 03-13-2006, 08:20 AM
Parent: #1
عمر
مبالغة حد العوارة
| Quote: وحات الله بنات الزمن دا ان غفلت من راجلك دقيقة بس تلقيها عرستو |
|
Post: #3
Title: Re: وصية نادية عثمان لإبنتها بمناسبة يوم المرأة ..
Author: Hussein Mallasi
Date: 03-13-2006, 08:26 AM
Parent: #1
Quote: وان جاب لك فتيل ريحة...اول ما تفتحيهو... وتشميهو.... طوالي كشري
وقبلي غادي وابصقي..... وقول ليهو ..... دا شنو يا عبدالله؟ |
اوعك تعملي كدا يا بت الناس؛
لانو دي حتكون آخر مرة يجيب
ليكي فيها عبد الله فتيل ريحة .. في هذه الفانية!
|
Post: #4
Title: Re: وصية نادية عثمان لإبنتها بمناسبة يوم المرأة ..
Author: عاصم ابوبكر حامد
Date: 03-13-2006, 08:42 AM
Parent: #1
السلام عليكم
يا عغمر الفاروق دا شنو الحركات المسلحة البتعمل فيها دى ...
اسمعنى انت متاكد انت قلت الكلام دا
Quote: يابت هوي فتحي عينك و ابقي نجيضة وفالحة..... قدر ما اجي داخله عليكم
القاكي .... هي هي .... و قر قر قر ..... تضحكي مع عبد الله دا....
الراجل ما تضحكي لو كتير..... يسعالني الله يحقر بك....الراجل اديهو
العين الحمرا.... وان قدرتي لعند ايدك تلحقيها ليهو لحقيها...ابقي
نجيضة.....أ ية..... زي امك.....الله بسعلني وقت ابوكي يقول حاجة
تضحك.... امشي اتحشر في الاوضة واضحك زين واجي مارقة صارة وشي.....و
بعدين اوعك ثم اوعك ثم ايضا اوعك... تقولي لو الجلابية دي سمحة والله
العمه اللابسها دي سمحة... نفسو تقوم تعجبو يعرس فوقك.... وبعدين
تشربي ما تروي....واكربيهو بالطلبات.... اوعي تخلي لك قرش يبيت في
جيبو...واوعك تخليهو يشوف المسلسلات.... بيخربن الرجال.... وقت
المسلسل داك.... شفتي جيبي فندكك...واقعدي دقي أي حاجة جنبو ويا ريت
لوكانت شطة... والله كان عندك شافع بيرضع وجيعان وبيبكي خليهو في
بكاءهو داك لمن المسلسل ينتهي....وبعدين ما يجي داخل يلقاكي تغني
حتى ان بقيتي دايرة تغني.... اوعك من الغنا
الخايس ناس حبيبي حبيبي.... امسكي في الغنا الحار...... زي البيجري
نسيبتو و مرتو طلقانة......والله اندب حظي ام امالي...... والله
دفاعنا الشعبي ياهو ديل.....والله النار ولعت بقلبي بطفيها.....
اااااااااااي.... عشان تربي لو الزلعة .....والخلعة....بس اوعك تغني
لو الليلة يوم الرجال.... بيقوم يصدق و يتحنفش فوقك ساكت........
واوعك تشكري لو حاجةجابها.... ان جاب لك لحم.... ختي ايدك فوق
راسك...وقولي ليهو ووب علي ووب علي ووب علي....غشوك وادوك الجلافيط.....وان
جاب لك فتيل ريحة...اول ما تفتحيهو... وتشميهو.... طوالي كشري وقبلي
غادي وابصقي..... وقول ليهو ..... دا شنو يا عبدالله؟......
الريحةالمتل ريحةالفسيخ دي جايبها من وين؟......غايتو انت مغستك
تقد.......
وان جنك نسوان والله بنات....ما تخليهو يقعد
وسطن....ويتونس.... طيريهو من البيت....وان ابى يمرق... قدرمايقولو
نكته والله يخفف دمو قدامن صري ليهو وشيك.... وقول لي لو انت يا عبد
الله ما عندك غير النكتة دي؟ يا خي
عملت لنا بها وجع... وش......اصلهم الرجال عارفاهم... الواحد فيهم من
يشوف لو لمت بنات يقعد يخفف في دمو ويعمل فيها ودنفاش.....وتلقيهو
يضحك بلا سبب... حتى ان واحدة قحت ساكت ... يقعد يضحك ويصفق
اديهو....واوعك تخليهو معاهن وتدخلي المطبخ تسوي لك شربات...... وحات
الله بنات الزمن دا ان غفلت من راجلك دقيقة بس تلقيها عرستو |
يا اخى خليك محضر خير وانا حجزت البنت واتكلمت معاها ومع ابوها زامها والامور انتهت...
وجاى تخرب لينا الرصة بتاعتنا لينا 3 شهور بنرتب فيها مرة انا اكسر للبنت ومرة من هناك اخلى صحبى يكلمها تجى انت وتقول الكلام الكلاد دا ...
حرام عليك ....
ماعارف اقبلها المرة دى كيف لكن بقول ليك كدا حاول خفف من اللهجة دى لان اخوك قرب وبالطريقة دى بتخرب لاخوك المواضيع وبالجد يا فاروق ...
سمح
تسلم
|
Post: #5
Title: Re: وصية نادية عثمان لإبنتها بمناسبة يوم المرأة ..
Author: عمر الفاروق
Date: 03-13-2006, 08:45 AM
Parent: #1
فيصل يا نوبي:
وين الحي بيك ..
بركة بت نادية دي المرقتك وخلتك تضحك في بنات الزمن ده ..
مالك يا اللخو مبسوط من بنات الزمن ده ؟؟؟؟ اوعا تكون قعدت في نصهن وواحدة حنكتك ..
مدد يا شيخ نوبي مدد ..
|
Post: #6
Title: Re: وصية نادية عثمان لإبنتها بمناسبة يوم المرأة ..
Author: نادية عثمان
Date: 03-13-2006, 02:16 PM
Parent: #5
عمر الفاروق العزيز
والله بوستينك العسل ده ماشوفته علا هسة بواسطة صديق مشترك !!
Quote: وان جنك نسوان والله بنات....ما تخليهو يقعد
وسطن....ويتونس.... طيريهو من البيت....وان ابى يمرق... قدرمايقولو
نكته والله يخفف دمو قدامن صري ليهو وشيك.... وقول لي لو انت يا عبد
الله ما عندك غير النكتة دي؟ يا خي |
المشكلة عبد الله طوالى يقول لى
خلاص كان دى بايخة بحكى ليك واحدة تانية ويقوم يحكى واحدة ابيخ من الاولى ..والغريبة النسوان والبنات يضحكن ساااااااااى !!
داير تطفش من بتى العرسان مالك ياعمر ياخ ؟!!
|
|