Post: #1
Title: من علامات (العوارة) الكبرى !!!!!
Author: نادية عثمان
Date: 03-11-2006, 02:11 PM
Parent: #0
فى المبتدأ
من أين جاءت كلمة (عوارة) وهل لها اصول فى اللغة العربية ؟!!
وهل المذكر منها (عوير) والمؤنث (عويرة) ؟!!
ام ان (عوير ) وحدها تصلح للحالتين ؟!!
اما من علامات (العوارة) الكبرى بحسب فهمى للمصطلح وهو (الهبالة او الطيابة ) ربما !!
هو ان تبكى نادية حين مشاهدتها للافلام بمختلف جنسياتها عربيا واجنبيا .. بكاء حار كمن مات لها عزيزا ولم يخرج (عنقريبه) باتجاه احمد شرفى بعد !!
وتصيح شقيقتى التى يزعجها صوت نحيبى وتشنجى ..(نادية انتى عويرة ولاشنو ده تمثيل ساى )!!
ورغم ذلك لااكف عن البكاء !!
فهل هذه من علامات (العوارة) الكبرى ؟!!
|
Post: #2
Title: Re: من علامات (العوارة) الكبرى !!!!!
Author: saif massad ali
Date: 03-11-2006, 02:23 PM
Parent: #1
لا دي من علامات الحنكشه الصغري العوارة انت تبري منها
|
Post: #4
Title: Re: من علامات (العوارة) الكبرى !!!!!
Author: نادية عثمان
Date: 03-11-2006, 02:54 PM
Parent: #2
سيف مساعد العزيز
Quote: لا دي من علامات الحنكشه الصغري |
اهاااااااااااا
جيت لى للكلمة الانا بفتش عن معناها !!
الحنكشة هل هى الفلهمة ؟!!
|
Post: #3
Title: Re: من علامات (العوارة) الكبرى !!!!!
Author: khaleel
Date: 03-11-2006, 02:25 PM
Parent: #1
..(نادية انتى عويرة ولاشنو ده تمثيل ساى
نادية دي ما عوارة
دي رقة ساكت
وقالو العوارة ما بشارة
وقالو البكر عوير
لكن اطرشني كلمة عوارة الا في السودان
ما اظن عندكم في مصر
ولا في الخليج
لكن ناس العراق بقولو انت خطيئة
وناس الخليج بقول انت مو بصاحي
والعوارة بعد الاحيان مطلوبة
وزي ما بقولو اهلك المصريين
سائق العبط علي الشيطنة
|
Post: #5
Title: Re: من علامات (العوارة) الكبرى !!!!!
Author: نادية عثمان
Date: 03-11-2006, 03:06 PM
Parent: #3
خليل الغالى
قلت لى بالله العوارة دى ماركة سودانية مسجلة ؟!!
يعنى مافى زول بيستخدم المصطلح غيرنا انت متأكد ؟
Quote: سائق العبط علي الشيطنة |
بيقولوا سايق الهبل على الشيطنة !!
يعنى هل العبط عند المصريين يساوى العوارة عندنا ؟!!
|
Post: #6
Title: Re: من علامات (العوارة) الكبرى !!!!!
Author: Mohammed Haroun
Date: 03-11-2006, 03:17 PM
Parent: #1
على حد علمي كلمة (عوير) منسوبة إلى ذلك النبات الطفيلي شديد الخضرة إلا أنه عديم الفائدة ويقال في السودان للشخص (عوير) تشبيها له بذلك النبات وللدلالة على السذاجة.
وأنت يا أيتها الشاعرة المحلقة في عوالم الجمال لا أظنك إلا مرهفة الحس ليس إلا.
فتك بعافية لأني من الصباح مشغل الدفاية ومستكين في الغرفة - يعني طالع أشم هوا شوية.
|
Post: #7
Title: Re: من علامات (العوارة) الكبرى !!!!!
Author: WAD ELGAALI#4
Date: 03-11-2006, 03:40 PM
Parent: #6
ناديه السمحه كيفك وانشاء الله بخير والله عندى أخواتى برضو نفس عوارتك دى وديل كمان ببكو وجعرو الغريبه فى المشاهد الفرايحيه برضو إضطريت بقيت لما يكون فى فليم شديد أمشى أحضرو عند الجيران لكن تصدقى عندهم بت راجله عديل كده مابتبكى كلو كلو المهم من كتر جيتى ليهم مرات فى أوقات مزعجه عديل كده وما عندى معاهم قرابه إلا انهم جيرانا وأخوهم بلعب معانا كوره اطورت المعرفه وعرفتهم باهلى وبتهم بقت صاحبتى أقصد صاحبة أخواتى والله صدقينى يا ناديه وماك طالبانى حليفه البت بقت لو حكوليها الفليم وفيهو موقف مؤثر تبكى بكاء عواره دا كلو بوريك العوارة برضو ممكن تكون مكتسبه وفعلا تمخول الراس
حاشية...........
وبالمناسبه دى وين صورتك مالك طفيتها أول حاجه قبلتيها بالجنبه قلنا كويس بقت أشنا شويه كلنا الكحه ولا صمة الخشم هسى طفيتها مره واحده مع تحياتى والموده
|
Post: #11
Title: Re: من علامات (العوارة) الكبرى !!!!!
Author: نادية عثمان
Date: 03-11-2006, 04:29 PM
Parent: #7
Quote: حاشية...........
وبالمناسبه دى وين صورتك مالك طفيتها أول حاجه قبلتيها بالجنبه قلنا كويس بقت أشنا شويه كلنا الكحه ولا صمة الخشم هسى طفيتها مره واحده |
شلت الصورة شوية عشان وصلنى كلام انو فى ناس قالوا البت دى خاتة صورتها وعاجباها نفسها وفاكاها فى روحها قمت انا زعلت واتعاورت وشلت الصورة وماعرفت اختها تانى !!
شفت العوارة دى كيف ؟!!
|
Post: #98
Title: Re: من علامات (العوارة) الكبرى !!!!!
Author: WAD ELGAALI#4
Date: 03-15-2006, 05:32 PM
Parent: #11
تعرفى ياناديه صورتك دى أحلى بكتير من الفاتو لكن وكت ظهرتى فى التلفزيون كنتى أحلى بكتير من خطيبتى ما عندك صوره من ديك تختيها محل دى لأنك أحلى بكتير من الصوره الحاليه دى ودا مامعناهو الصوره شينه لكن شكلك كدا دايره مصوراتى بارع زى أخوك الكاشف لكن مشكله تب مافى أنا جاى القاهره بعد 6شهور سياحه فى دربى للخرطوم وجايب معاى كميرا لخطيبتى القديمه الادتنى شاكوش المهم لوداير أخودلك صوره ماعندى مانع وحنزل مع الشفيع خدر فى بيتو شوفتى السقاله دى مضايفه حتى فى الشقق الصغيرونات ديل المهم ما تقومى تزعلى وتتعاورى وتشيلي الصوره برى سمح
|
Post: #8
Title: Re: من علامات (العوارة) الكبرى !!!!!
Author: نادية عثمان
Date: 03-11-2006, 04:14 PM
Parent: #6
محمد هارون سلامات
Quote: على حد علمي كلمة (عوير) منسوبة إلى ذلك النبات الطفيلي شديد الخضرة إلا أنه عديم الفائدة ويقال في السودان للشخص (عوير) تشبيها له بذلك النبات وللدلالة على السذاجة. |
فى نبات عندنا اسمو العوير ؟!!
اول مرة اسمع بيهو .. قصدك العشر ؟!!
|
Post: #9
Title: Re: من علامات (العوارة) الكبرى !!!!!
Author: Rashid Elhag
Date: 03-11-2006, 04:18 PM
Parent: #8
غايتو يا نادية أكان في زول واحد عوير....إياهو عمر العوير...مابعرف لي زولآ تاني عوير...
|
Post: #12
Title: Re: من علامات (العوارة) الكبرى !!!!!
Author: نادية عثمان
Date: 03-11-2006, 04:35 PM
Parent: #9
الاخ الاكرم راشد الحاج
مرحب بالطلة
Quote: ....إياهو عمر العوير...مابعرف لي زولآ تاني عوير... |
عمر العوير الواحد ده عضو معانا هنا فى المنبر ؟!!
|
Post: #10
Title: Re: من علامات (العوارة) الكبرى !!!!!
Author: عاصم ابوبكر حامد
Date: 03-11-2006, 04:20 PM
Parent: #1
الاستاذة الرائعة نادية
لكى التحية
اسمعينى يا ماما اختارى واحد من الاثنين
عويرة
ولا حنكوشة
اولا انا لا اقبل بان تكونى عويرة مهما كانت الاسباب
اما حنكوشة ممكن وفى هذا الامر سوف اجرى بعض التحليلات
تسلمى يا ستاذ
|
Post: #13
Title: Re: من علامات (العوارة) الكبرى !!!!!
Author: نادية عثمان
Date: 03-11-2006, 04:39 PM
Parent: #10
عاصم ولدى واخوى الغالى
Quote: اسمعينى يا ماما اختارى واحد من الاثنين
عويرة
ولا حنكوشة |
عاصم
تفتكر استعين بالجمهور ؟!!
ولا احذف اجابة ؟!!
ولا اتصل بعوير ؟!!!
|
Post: #14
Title: Re: من علامات (العوارة) الكبرى !!!!!
Author: عاصم ابوبكر حامد
Date: 03-11-2006, 05:09 PM
Parent: #1
الاخت الغالية وست البنات
Quote: تفتكر استعين بالجمهور ؟!! |
الاستعانة بجمهور هنا صعب لان البعض يحب الاكشن
Quote: ولا احذف اجابة ؟!! |
هذا اقرب الى الواقع واضم صوتى لكى
Quote: ولا اتصل بعوير ؟!!! |
اما هنا الوارة فى حدى زاتها كيف الاتصال بيه
تسلمى
|
Post: #16
Title: Re: من علامات (العوارة) الكبرى !!!!!
Author: نادية عثمان
Date: 03-11-2006, 05:20 PM
Parent: #14
عاصم
Quote: الاستعانة بجمهور هنا صعب لان البعض يحب الاكشن |
الاكشن مافيهو بكاء فا بالتالى الناس البحبو الاكشن ديل ماعوارا وطبعا انت بما انك والدك زول ميادين حروب واكشن تكون مامريت بمرحلة العوارة دى قبل كده صاح ؟!!
|
Post: #19
Title: Re: من علامات (العوارة) الكبرى !!!!!
Author: عاصم ابوبكر حامد
Date: 03-11-2006, 06:12 PM
Parent: #16
يا استاذة
انتى عارفة انا زول ما بحب الاكشن اطلاقا ولكن وقت ما يقع على ولدك صعب جدا جدا فى الاكشن وجربتها مرة ووقتها كنت طالب فى الجامعة ومن يومها قررت الابتعاد عن الاكشن وخطورتها ..
اما مرحلة العوارة الانا مريت بيها عوارة من طور اخر وليس كعوارتك ولكن مازالت فى راى اختارى
تسلمى يا استاذة ....
|
Post: #15
Title: Re: من علامات (العوارة) الكبرى !!!!!
Author: Isa
Date: 03-11-2006, 05:10 PM
Parent: #1
سـلام يا ناديـة والجمـيع؛ تعـرفي انا حبوبتي كانت (أرجـل مرة) في الحلة، من كونها صاحبة شخصية قوية وكلمة مسموعة ومهابة.. لكن كانت بتبكي لو وحدة طلقوها في المسلسل، لـكن في نفس الوكت لامن تشـاهد معانا المصارعة الحـرة لا تزيد على التعليق: هـه، ديل شواطين ساكت!!، وقـدر ما حاولنا نقنعها إنو دي كـلام جد وحقيقي ما صدقت زي ما ما نقدر نقنعها إنو داك تمثيل ساكت!، أما صاحبي وهو متخصص فيني بحكاية النكات البايخة، وهي دايما عن العورا أو العويرين، هو في الحقيقة يفتكر إنو العالـم دا كلو عبارة عن (طغمة) من العـويرين.. ولامن يخلص من حكي النكتة، و طبعا أنا بكـون لسع مستني النكتة عشـان أضحك.. يقـوم يقول لي: ما تضحك يا عـوير! مسـتني شنو!.. ولامن أسـترد حقي وأحكي ليه وحدة زيها، يقوم ينظر لي (شزرن) ويعـلّق: عـوير!، طبعا المقصود أنا مش صاحب النكتة! يعني بالنسبة ليه (في الحالتين انا العـوير)... على فكـرة النبات الإسمـو العـوير إنتو ناس العـواصم بتسموه صباح الخـير!لكي الشـكر الجـزيل عيسـى
|
Post: #17
Title: Re: من علامات (العوارة) الكبرى !!!!!
Author: نادية عثمان
Date: 03-11-2006, 05:57 PM
Parent: #15
عيسى تتبارك انت ان شاء الله
وعجبتنى شددددددددددددديد قصة حبوبتك وصحبك الماعوير والله
لكن حيرتنى دى
Quote: على فكـرة النبات الإسمـو العـوير إنتو ناس العـواصم بتسموه صباح الخـير |
صباح الخير ده ورد جميل رغم انو ماعندو ريحة حلوة لكن عوير دى يطرشنى اول مرة اسمعها !!!
|
Post: #18
Title: Re: من علامات (العوارة) الكبرى !!!!!
Author: نادية عثمان
Date: 03-11-2006, 06:04 PM
Parent: #17
ومن علامات العوارة الكبرى ايضا :
انى اسمع اى اغنية سودانية اقعد ابكى لحدى ماتنتهى الاغنية وماعارفة السبب شنو .. لانو مرات بتكون الاغنية ماعاطفية ولاشئ ؟!!!!
|
Post: #20
Title: Re: من علامات (العوارة) الكبرى !!!!!
Author: Yassir Tayfour
Date: 03-11-2006, 06:26 PM
Parent: #18
الرقيقة
استاذة نادية
تصدقى من كتاباتك فى المنبرده فكرتى عنك انك رقيقة وحساسة لدرجة "العوارة"؛ و البوست الطلبتى من بكرى يوديهو الخور داك، حزنت ليك فى "خاطرى" شديد؛ وحزنت اكتر من "نفسى" لانها عجزت فى ان تفعل شيء سواء ذاك الحزن الكسيح.
كونى كما انت Just be yourself
|
Post: #21
Title: Re: من علامات (العوارة) الكبرى !!!!!
Author: jini
Date: 03-11-2006, 06:35 PM
Parent: #20
حكى هذه الواقعة الحاج وراق عن الشاعر محجوب شريف فى السجن قبل سقوط نميرى قال لى محجوب شريف إن مايو إنتهت فقلت له من أين لك هذا اليقين! فإنتهرنى بعفويته قلت لك إنتهت فقلت ليه كيف! فأجاب عندنا جارنا عوير طلع فى المظاهرة الأخيرة وإذا خرج العورا فى المظاهرات فماذا بقى للنظام من سند!! جنى
|
Post: #22
Title: Re: من علامات (العوارة) الكبرى !!!!!
Author: bint_alahfad
Date: 03-11-2006, 06:57 PM
Parent: #21
ندويه العويره...قصدى العسوله ![](http://www.sudaneseonline.com/db/smilies/smile.gif)
عارفه انا وأختى عندنا نفس عوارتك ده وبنبكى فى أقل شئ
لو فى فلم بنبكى, لو فى زول زعلان ولا مات ليهو زول ولا اثنين احباب اتفارقوا بنبكى
لو سمعنا شريط دينى بنبكى لحدى ما يقرب يغمى علينا, عارفه اخوى زمان كان بجيب لينا شرايظ دينيه وانا واحتى نبكى كأنوا مات لينا زول قامت امى شاكلتو وقالت ليهو البنات العويرات ديل ما تجيب ليهم شريط دينى
وبمناسبه العواره مره طفله صغيره فى العياده جات مع امها يقلعوا ليها ضرسها وكانت بتبكى شديد قمت انا قعدت ابكى بكا شديد خلاص لحدى ما أمها استغربت وقالت لى انا امها مابكيت تبكى انتى البكا ده كلو, تعرفى ياندويه انا قاعده ابكى لحدى ماقلعوا للبت ضرسها وسكت حتى سكت
شفتى ياندويه جنس العواره ده
وفى امان الله
لا اله الا الله
|
Post: #29
Title: Re: من علامات (العوارة) الكبرى !!!!!
Author: نادية عثمان
Date: 03-11-2006, 08:35 PM
Parent: #22
الحبيبة الغالية الحاجة بت الاحفاد
Quote: عارفه انا وأختى عندنا نفس عوارتك ده وبنبكى فى أقل شئ
لو فى فلم بنبكى, لو فى زول زعلان ولا مات ليهو زول ولا اثنين احباب اتفارقوا بنبكى
لو سمعنا شريط دينى بنبكى لحدى ما يقرب يغمى علينا, عارفه اخوى زمان كان بجيب لينا شرايظ دينيه وانا واحتى نبكى كأنوا مات لينا زول قامت امى شاكلتو وقالت ليهو البنات العويرات ديل ما تجيب ليهم شريط دينى
وبمناسبه العواره مره طفله صغيره فى العياده جات مع امها يقلعوا ليها ضرسها وكانت بتبكى شديد قمت انا قعدت ابكى بكا شديد خلاص لحدى ما أمها استغربت وقالت لى انا امها مابكيت تبكى انتى البكا ده كلو, تعرفى ياندويه انا قاعده ابكى لحدى ماقلعوا للبت ضرسها وسكت حتى سكت
شفتى ياندويه جنس العواره ده |
اقايتو الحمد لله البوست ده ورانى انى مابراى العويرة فى الدنيا دى !!
وياارق حجة فى الدنيا انا عارفة والله انك زولة بكاية شديد
لكن الرسول صلى الله عليه وسلم زاتو قال انو الدموع رحمة .. لكن اظن كترتها عوارة وربنا الشافى ياحجة حنكوشة !!
|
Post: #27
Title: Re: من علامات (العوارة) الكبرى !!!!!
Author: نادية عثمان
Date: 03-11-2006, 07:54 PM
Parent: #21
جنى
جنون الحنون
ليك وحشة ياابو الشباب والله
كيفك كده .. عساك طيب
Quote: حكى هذه الواقعة الحاج وراق عن الشاعر محجوب شريف فى السجن قبل سقوط نميرى قال لى محجوب شريف إن مايو إنتهت فقلت له من أين لك هذا اليقين! فإنتهرنى بعفويته قلت لك إنتهت فقلت ليه كيف! فأجاب عندنا جارنا عوير طلع فى المظاهرة الأخيرة وإذا خرج العورا فى المظاهرات فماذا بقى للنظام من سند!! جنى |
ههههههههههههههههههههههههههههههههههههههههههههههههههههههههههههه
جنى
معنى كده كل الشعب الطلع فى الانتفاضة ديك وكانوا بيقولوا السفاح شرد لابت لاولد عورا؟!!
بالمناسبة اليوم ده كنت ببكى عشان الشعب شمت فى الراجل وعايروه بعدم الولادة !!
حتى لو عوارة منى لكن ده الحصل !!!
|
Post: #23
Title: Re: من علامات (العوارة) الكبرى !!!!!
Author: نادية عثمان
Date: 03-11-2006, 07:13 PM
Parent: #20
المهذب ياسر طيفور
سعيدة بمرورك من بوست العوارة لدرجة العوارة والله !!
Quote: الرقيقة
استاذة نادية
تصدقى من كتاباتك فى المنبرده فكرتى عنك انك رقيقة وحساسة لدرجة "العوارة"؛ |
والله العظيم حساسيتى لدرجة العوارة دى سبب شقائى فى الدنيا ام قدود لكن اسوى شنو الطبع بيغلب التطبع ؟!!!
Quote: و البوست الطلبتى من بكرى يوديهو الخور داك، حزنت ليك فى "خاطرى" شديد؛ وحزنت اكتر من "نفسى" لانها عجزت فى ان تفعل شيء سواء ذاك الحزن الكسيح. |
يكفينى احساسى بنبلك هذا ايها الرجل الشفيف ويكفينى ان تسعدتى بمرورك الاخضر عبر بيوتاتى .
Quote: كونى كما انت Just be yourself |
وكن انت ايضا كما انت رائع وجميل الدواخل
وكن بالف خير
|
Post: #24
Title: Re: من علامات (العوارة) الكبرى !!!!!
Author: ودرملية
Date: 03-11-2006, 07:36 PM
Parent: #23
سلامات وعوافي نادية عثمان ازيك وانشاء الله كويسة وبهنيك بيومكم العالمي.... فكوني سعيدة سيدتي الجميلة ...
|
Post: #25
Title: Re: من علامات (العوارة) الكبرى !!!!!
Author: Adrob wad Elkhatib
Date: 03-11-2006, 07:41 PM
Parent: #24
Quote: فى نبات عندنا اسمو العوير ؟!!
اول مرة اسمع بيهو .. قصدك العشر ؟!! |
ده اسمها الحنكشه.........
العشر يختلف تماما عن العوير
مع تحياتى
|
Post: #35
Title: Re: من علامات (العوارة) الكبرى !!!!!
Author: نادية عثمان
Date: 03-11-2006, 09:23 PM
Parent: #25
اهلا بيك ادروب
Quote: ده اسمها الحنكشه.........
العشر يختلف تماما عن العوير |
والله مابتحنكش لكن بالجد ماشفت العوير ده .... بس شفت العشر العامل زى الحنبوكة وبيطلع لبن صاح ؟!!
حنكشة زاتها يعنى شنو ؟!!
|
Post: #33
Title: Re: من علامات (العوارة) الكبرى !!!!!
Author: نادية عثمان
Date: 03-11-2006, 09:14 PM
Parent: #24
النبيل ود رميلة
Quote: نادية عثمان ازيك وانشاء الله كويسة وبهنيك بيومكم العالمي.... فكوني سعيدة سيدتي الجميلة ... |
ان شاء الله تتبارك يارب
وكل لحظة وانت بالف خير وسلامة
|
Post: #26
Title: Re: من علامات (العوارة) الكبرى !!!!!
Author: Mohammed Haroun
Date: 03-11-2006, 07:46 PM
Parent: #1
Quote: فى نبات عندنا اسمو العوير ؟!!
اول مرة اسمع بيهو .. قصدك العشر ؟!! |
الأخت نادية نعم في نبات إسمه العوير وبتواجد أكتر حاجة في شرق السودان وزمان لما كنا في الإبتدائي كنا بنقطع سيطان العوير ونعبي الشكلة لا من البوليس يجي يفرقنا. العشر ده يانادية كنا بنقطع منه البتاعات العاملة زي الكورة ديك وبنعمل بيها حركات إستعراضية وبيطلع منه سائل لونه أبيض بنسميه (لبن العشر) ولا مش كده؟؟ وفي شجرة كما اسمها السيسبان ونحن بنسميها (تمر أبونا) ياسلام على أيام الصبا.
نسيت أقول ليك دي الصورة ولا بلاش (قال الموناليزا قال).
|
Post: #28
Title: Re: من علامات (العوارة) الكبرى !!!!!
Author: HOPEFUL
Date: 03-11-2006, 08:04 PM
Parent: #26
ندوية وحات ولدي "الفي خاطري" صورتك دي باقة بق .. يحفظك الرسمك وابدع
اها بمناسبة "العوارة" دي أنا عاوز أعترف لأول مرة "بعوارة" كثيرا ما سببت لي الحرج والضيق بكل أمانه أنا ما عندي كنترول على دموعي لما أشاهد مقطع حزين كان في الحقيقة أو في التلفزيون اها بتلاقيني دايما لو معاي ناس وفي مقطع حزين بقوم اخلي المكان امشي بعيد عشان دموعي بتكون بدت تنزل وما قادر اعمل عليها كنترول وما عاوز احد يشوفني بالحالة "العويرة" دي.. والشئ دا معقدني كثير كثير صدقيني .. والحمد لله انه لقيت البوست دا عشان اشوف ليه علاج من المشكلة دي ..
اها في انتظار وصفة تزيل العوارة
|
Post: #30
Title: Re: من علامات (العوارة) الكبرى !!!!!
Author: mohamed osman bakry
Date: 03-11-2006, 08:36 PM
Parent: #28
ليه البت الحلوة دايما عويرة والشينة تلقاها لديحة لداحة
|
Post: #31
Title: Re: من علامات (العوارة) الكبرى !!!!!
Author: نادية عثمان
Date: 03-11-2006, 08:43 PM
الاكرم محمد عثمان بكرى
Quote: ليه البت الحلوة دايما عويرة والشينة تلقاها لديحة لداحة |
وكلاهما مر !!
ايهما يفضل الرجل ياترى ؟!!
|
Post: #32
Title: Re: من علامات (العوارة) الكبرى !!!!!
Author: Gazaloat
Date: 03-11-2006, 08:51 PM
Parent: #31
Quote: ليه البت الحلوة دايما عويرة والشينة تلقاها لديحة لداحة |
انت يابنيةاخوى ماسمعتى جدك العبادى قال شنو؟
كان بوصف فى صورة بت جميلة...قال
أنظُر لى عِيونَا ودَعَجَتَا وتَحْوِيرَا من كُتْر الدَلال تِتْشَافْ عَويرة عَويرة
منعم الجزولى
|
Post: #34
Title: Re: من علامات (العوارة) الكبرى !!!!!
Author: مدثر محمد ادم
Date: 03-11-2006, 09:17 PM
Parent: #32
Quote: هو ان تبكى نادية حين مشاهدتها للافلام بمختلف جنسياتها عربيا واجنبيا |
استاذة نادية تحياتي
ان تبكي عندا مشاهدة موقف مؤثر دي قمة الانسانية
ولكن العوارة عندما تصدق قصة الفلم
مع معزتي
تيف تيف
|
Post: #58
Title: Re: من علامات (العوارة) الكبرى !!!!!
Author: نادية عثمان
Date: 03-12-2006, 09:46 PM
Parent: #34
النبيل مدثر محمد أدم
Quote: ان تبكي عندا مشاهدة موقف مؤثر دي قمة الانسانية
ولكن العوارة عندما تصدق قصة الفلم |
طيب وانت لو مامصدق الفيلم الباكى ليها شنو ؟!!
دى بتكون العوارة الكبرى زاااااااااتها !!
|
Post: #57
Title: Re: من علامات (العوارة) الكبرى !!!!!
Author: نادية عثمان
Date: 03-12-2006, 09:38 PM
Parent: #32
العزيز منعم الجزولى
مرحب بالطلة الباهية
Quote: انت يابنيةاخوى ماسمعتى جدك العبادى قال شنو؟
كان بوصف فى صورة بت جميلة...قال
أنظُر لى عِيونَا ودَعَجَتَا وتَحْوِيرَا من كُتْر الدَلال تِتْشَافْ عَويرة عَويرة |
والله كلام العبادى ده عجبنى جنس عجب اقايتو فى الدنيا دى !!
والغريبة فعلا لمن تكون الواحدة خاتها كحلها سايل من عيونها من كترتو تتشاف عويرة عويرة (زى كده)!!
الله على على العبادى وعليك وعلى العوارة زاتها ياخ !!
|
Post: #36
Title: Re: من علامات (العوارة) الكبرى !!!!!
Author: Yassir Tayfour
Date: 03-11-2006, 09:28 PM
lool@mohamed osman bakry
Quote: ليه البت الحلوة دايما عويرة والشينة تلقاها لديحة لداحة |
no, this is not true but from my "experience" lool highlight and underline experience that, more often, beauty comes with "attitude", and ugliness comes with "sense of humor"; therefore, it takes no efforts to convince un ugly one, but it takes ALOT to convince the beautiful one.
convince meant here to have a conversation with(very coward face). lol
|
Post: #37
Title: Re: من علامات (العوارة) الكبرى !!!!!
Author: Tumadir
Date: 03-11-2006, 10:28 PM
Parent: #36
ياجماعة قبل ما تطلعوا قوانين ساى.....
نحن شينين نعم ...لكن ما حصل ما بكيت فى فيلم...كل الافلام الشفتها فى الدنيا بكتنى ...حتى البتخوف والبتضحك..بتكون فى حتة صغيروووووونة كده بيعملها المخرج مخصوووووص للناس "الهبل" الزينا ديل ...ونحن بنبكى ..
فهى يا نادية ما عوارة ، لعلمك، هى ..هبـــــــــــــــــــــــــــــــــــالة!!!
وأكبر منك ..اعرف منك....فاهمة؟؟
هباااااالة.
وانا كبيركم "هبل" ...ابكى من مشى على ...مقلتين..........
|
Post: #40
Title: Re: من علامات (العوارة) الكبرى !!!!!
Author: bayan
Date: 03-12-2006, 00:21 AM
Parent: #37
التحية لست اللهيج السكري![](http://www.sudaneseonline.com/db/attention/110_Idea.gif) تعرفي انا قصة دراسة النقد افسدت علي بهجة المشاهدة.. دائما بكون بقوم في الممثل وهل اجاد الدور ولا لع. اها بالطريقة دي ما بقدر ابكي ودي من عيوب المهنة... اما قصة " شدر" العوير الذي يقوم قرب البلاعات كلما زاد عفانة البلاعة كلما زاد اخضرارا عشان كدا اسمه عوير.. قالو في بت لميضة في واحد بيشاغل فيها قاليها انت الورد الا في الجنينة؟ قامت قالت ليه: انت العوير دا الا يزرعو. ..
عجبتني فكرة انه البت الشينة لميضة لانه لي زمن دايرة اعرف سبب "سقالتي" شنو؟ والان عرفت.... لكن انا عندي انطباع ان لجمال المرأة سطوة كلما كانت جميلة كلما كانت ذنوبها مغفورة لكن العندها "ميتين شنة" طوالي الرجال في حالة زفتنة ليها وتجاهل..صديقي السر السيد الله يطراه بالخير في ايام" ضلاله المؤقت"* طلع بنظرية كاملة اسماها النظرية الجمالية.. حيث قسم اشكال البنات الى مجموعات مجموعة الشكل الغلامي (دي كانت مجموعتي) والجميلة ومستحيلة الخ الخ ثم العلاقات العاطفية الى مجموعات رمز اليها بعبارات ذي العلاقة المستحيلة الممكنة و يا انت يا اغرق . ثم اخرج مصطلحات مثل الحمام الجمالي والانقطاع الجمالي والفجوة الجمالية و تغبيش الذاكرة الجمالية الخ الخ.. كنت اتمنى انه يشرحهاعندما حضر الى المنبر قبل ان تتم مهاجمته ممن لا يعرفه ولم يراه كعادة ناس المنبر ولذلك فقدنا الجمالي الاعظم في السودان.. لانها جد نظرية متكاملة وممنهجة تماما...والمحبة كلها والود للصديق الاخ العزيز السر السيد .. ويا ريت يجي المنبر راجع...اما اوسكار هذا البوست يذهب الى ابو الجنون في قوله هذا
Quote: حكى هذه الواقعة الحاج وراق عن الشاعر محجوب شريف فى السجن قبل سقوط نميرى قال لى محجوب شريف إن مايو إنتهت فقلت له من أين لك هذا اليقين! فإنتهرنى بعفويته قلت لك إنتهت فقلت ليه كيف! فأجاب عندنا جارنا عوير طلع فى المظاهرة الأخيرة وإذا خرج العورا فى المظاهرات فماذا بقى للنظام من سند!! جنى |
بس نخت بدل المظاهرات المعارضة,, وتحياتي ليك يا جني بعودتك اتخذ البورد رونقه * ترك التنظيم الاسلامي لفترة مؤقتة ثم عاد اليه في فترة الديمقراطية. وكان لقبه الكوز الديسكو.. كتبت له المرحومة نعمات هارون ورقة في دعايته الانتخابية ايام انتخابات المعهد اذ انه الطالب الوحيد من الاتجاه الاسلامي." كتبت له انتخبوا السر السيد المكيس جيد"..وكان قد نال اصوات عالية جدا...ودخل الاتحاد..
|
Post: #60
Title: Re: من علامات (العوارة) الكبرى !!!!!
Author: نادية عثمان
Date: 03-12-2006, 10:36 PM
Parent: #40
الحبيبة ام القليب ابيض زى اللبن بيان ام الزهرات الثلاثة
Quote: التحية لست اللهيج السكري |
طبعا انا اللقلب ده متكيفة منو شديييييييد وكلمت راجلى واصحابى وبتى بي انو بيان لقبتنى (ست اللهيج السكرى)!
Quote: تعرفي انا قصة دراسة النقد افسدت علي بهجة المشاهدة.. دائما بكون بقوم في الممثل وهل اجاد الدور ولا لع. اها بالطريقة دي ما بقدر ابكي ودي من عيوب المهنة... |
يعنى مابتبكى ولاحتى بكية حتى لو الفيلم هندى ؟!!
صنديدة والله !!
Quote: اما قصة " شدر" العوير الذي يقوم قرب البلاعات كلما زاد عفانة البلاعة كلما زاد اخضرارا عشان كدا اسمه عوير.. قالو في بت لميضة في واحد بيشاغل فيها قاليها انت الورد الا في الجنينة؟ قامت قالت ليه: انت العوير دا الا يزرعو. .. |
الغريبة جنب بلاعتنا اصلو ماشفت لى عوير مخضر اخضرارا .. انتو جنب بلاعتكم كان فى عوير يابنونة ؟!!
Quote: عجبتني فكرة انه البت الشينة لميضة لانه لي زمن دايرة اعرف سبب "سقالتي" شنو؟ والان عرفت.... |
تبرى من الشنة والسقالة .. والله انتى لو فى لذاذة روحك وجمال خلقتك واخلاقك ستة كان الدنيا تبقى شئ تااااااااااااانى !! تسلم ياعسل !
Quote: لكن انا عندي انطباع ان لجمال المرأة سطوة كلما كانت جميلة كلما كانت ذنوبها مغفورة لكن العندها "ميتين شنة" طوالي الرجال في حالة زفتنة ليها وتجاهل.. |
اتارى راجلى يتشاكل ويتزفتن فينى ليلو ونهارو .. لكن الله فى !!
Quote: صديقي السر السيد الله يطراه بالخير في ايام" ضلاله المؤقت"* طلع بنظرية كاملة اسماها النظرية الجمالية.. حيث قسم اشكال البنات الى مجموعات مجموعة الشكل الغلامي (دي كانت مجموعتي) والجميلة ومستحيلة الخ الخ ثم العلاقات العاطفية الى مجموعات رمز اليها بعبارات ذي العلاقة المستحيلة الممكنة و يا انت يا اغرق . ثم اخرج مصطلحات مثل الحمام الجمالي والانقطاع الجمالي والفجوة الجمالية و تغبيش الذاكرة الجمالية الخ الخ.. كنت اتمنى انه يشرحهاعندما حضر الى المنبر قبل ان تتم مهاجمته ممن لا يعرفه ولم يراه كعادة ناس المنبر ولذلك فقدنا الجمالي الاعظم في السودان.. لانها جد نظرية متكاملة وممنهجة تماما...والمحبة كلها والود للصديق الاخ العزيز السر السيد .. |
السر زول حلو من جوة قلبو قابلتو فى القاهرة وماعارفة انو عضو معانا هنا !!
ياالسر عشان خاطرنا ترجع وتشرح لينا النظريات بتاعتك عليك الله.. فى انتظارك ..
سمح ؟!!
Quote: ..اما اوسكار هذا البوست يذهب الى ابو الجنون في قوله هذا |
ياجنى الجنون
بختك بيان ادتك اوسكار العوارة عن جدارة !!
|
Post: #59
Title: Re: من علامات (العوارة) الكبرى !!!!!
Author: نادية عثمان
Date: 03-12-2006, 10:10 PM
Parent: #37
تماضر النخلة حبابك الف بعد طول غياب عن بيوتاتى
(ظننتها مقاطعة للمنتجات الناديوية لكن ربنا ستر وخاب ظنى بحمد الله)!!
Quote: ياجماعة قبل ما تطلعوا قوانين ساى.....
نحن شينين نعم ...لكن ما حصل ما بكيت فى فيلم...كل الافلام الشفتها فى الدنيا بكتنى ...حتى البتخوف والبتضحك..بتكون فى حتة صغيروووووونة كده بيعملها المخرج مخصوووووص للناس "الهبل" الزينا ديل ...ونحن بنبكى .. |
ياطمطم السمحة ..جوة وبرة
وكت انتو شينين طيب الله خلق السماحة لمنو اساسا ؟!! والله سمممممممممممحة وقلبك وروحك ووشك وكلك سمح يعلم الله ..
Quote: فهى يا نادية ما عوارة ، لعلمك، هى ..هبـــــــــــــــــــــــــــــــــــالة!!!
وأكبر منك ..اعرف منك....فاهمة؟؟
هباااااالة. |
تفرق كتير العوارة من الهبالة ياطمطم ؟!!
والله انتى يااااااااااااااااااما بكيتينى زى العورا فى مسلسلاتك !!
انتو برضو دموعكم فى المسلسلات جلسرين ولا جد جد زى بعض الممثلين المصريين ؟!!
Quote: وانا كبيركم "هبل" ...ابكى من مشى على ...مقلتين.......... |
بل انتى كبيرنا عسل .. الذ من خلق فى العالمين !!
|
Post: #56
Title: Re: من علامات (العوارة) الكبرى !!!!!
Author: نادية عثمان
Date: 03-12-2006, 09:22 PM
Parent: #28
العزيز جمال هبفول
Quote: ندوية وحات ولدي "الفي خاطري" صورتك دي باقة بق .. يحفظك الرسمك وابدع |
هسة كان ماعوارة منك ياجيمى بتحلف بولدك البكر قبال يجى الدنيا مالك ؟!!
Quote: اها بمناسبة "العوارة" دي أنا عاوز أعترف لأول مرة "بعوارة" كثيرا ما سببت لي الحرج والضيق بكل أمانه أنا ما عندي كنترول على دموعي لما أشاهد مقطع حزين كان في الحقيقة أو في التلفزيون اها بتلاقيني دايما لو معاي ناس وفي مقطع حزين بقوم اخلي المكان امشي بعيد عشان دموعي بتكون بدت تنزل وما قادر اعمل عليها كنترول وما عاوز احد يشوفني بالحالة "العويرة" دي.. والشئ دا معقدني كثير كثير صدقيني .. والحمد لله انه لقيت البوست دا عشان اشوف ليه علاج من المشكلة دي .. |
عارف؟
انا دموع الرجل بالذات بتكتلنى عديل موش بتبكينى بس ..وماعارفة ليه ..هل الدموع عند الرجل بتتكون من نفس مادة الدموع عند المرأة ؟!!
طيب ليه الرجل بيخاف نزول الدموع ياجمال ويدسها زيك كده لمن تنزل ؟!!
Quote: اها في انتظار وصفة تزيل العوارة |
وانا زاتى !!
|
Post: #55
Title: Re: من علامات (العوارة) الكبرى !!!!!
Author: نادية عثمان
Date: 03-12-2006, 08:49 PM
Parent: #26
محمد هارون سلام
وان شاء الله تكون وصلت الى هناك سالما معافى ..
Quote: الأخت نادية نعم في نبات إسمه العوير وبتواجد أكتر حاجة في شرق السودان وزمان لما كنا في الإبتدائي كنا بنقطع سيطان العوير ونعبي الشكلة لا من البوليس يجي يفرقنا. |
اها فى زول معاى هنا فى القاهرة قال لى الموطن الاصلى لنبات العوير هو غرب السودان .. وليس فى الشرق ..لكن قال ايوة هو نبات طرى ويمكن صنع السياط (للجلد النضيف)!!
|
Post: #38
Title: Re: من علامات (العوارة) الكبرى !!!!!
Author: بدرالدين شنا
Date: 03-11-2006, 11:54 PM
Parent: #1
الغالية نادية العوارة الثانوية بنات تحياتي
Quote: هو ان تبكى نادية حين مشاهدتها للافلام بمختلف جنسياتها عربيا واجنبيا .. بكاء حار كمن مات لها عزيزا ولم يخرج (عنقريبه) باتجاه احمد شرفى بعد !! |
والله كان دي ياها العوارة ... كان كدي أنا خليقة ودلاهة عديل كدي كان شفت فلم ولا مسلسل ببكي (إن شاء الله سوداني) حتى كان إعتذرت لي زول ببكي كان ودعت زول ببكي
في بكيات أنا حكيت مناسباتهن في البورد دا قبل كدا ألخِّصن بسرعة يوم ولدت غادة بتي الكبيرة بكيت وجات أمي تحكي لي مرة في حلتنا قالت ليها والله يا فاطنة ولدي البدري دا حنيييييييين يوم ولدو بتو غادة بكا جنس بكا قامت المرة قالت ليها (عواليق وبس الببكيهو شنو) أها يا نادية أخير ليك عويرة ولا عواليق القالوها لي أنا دي
البكية التانية واحد هندي غرق في بير (السبتنق تانك) وأنا قعدت أبكي في بنات مصريات شافن المنظر وقالن (هو المتوفي يأربلو "يقربلو")؟؟؟
البكية التالتة لمن سمعت أغنية (ياطير يا ماشي لي أهلنا) ولي هسع لمن أسمعها ببكي
أها ريك شنو
|
Post: #63
Title: Re: من علامات (العوارة) الكبرى !!!!!
Author: نادية عثمان
Date: 03-12-2006, 10:59 PM
Parent: #38
بدر الدين حلا
Quote: الغالية نادية العوارة الثانوية بنات تحياتي |
العوارة الثانوية بنين
تقديراتى
Quote: والله كان دي ياها العوارة ... كان كدي أنا خليقة ودلاهة عديل كدي كان شفت فلم ولا مسلسل ببكي (إن شاء الله سوداني) حتى كان إعتذرت لي زول ببكي كان ودعت زول ببكي |
والله انت كان كده اخوى ود امى وابوى عديل كده !!
ياحلا
هى العوارة دى ممكن تكون وراثة فى عيلة الانسان ؟!!
Quote: في بكيات أنا حكيت مناسباتهن في البورد دا قبل كدا ألخِّصن بسرعة يوم ولدت غادة بتي الكبيرة بكيت وجات أمي تحكي لي مرة في حلتنا قالت ليها والله يا فاطنة ولدي البدري دا حنيييييييين يوم ولدو بتو غادة بكا جنس بكا قامت المرة قالت ليها (عواليق وبس الببكيهو شنو) أها يا نادية أخير ليك عويرة ولا عواليق القالوها لي أنا دي
البكية التانية واحد هندي غرق في بير (السبتنق تانك) وأنا قعدت أبكي في بنات مصريات شافن المنظر وقالن (هو المتوفي يأربلو "يقربلو")؟؟؟
البكية التالتة لمن سمعت أغنية (ياطير يا ماشي لي أهلنا) ولي هسع لمن أسمعها ببكي
أها ريك شنو |
كل البكيات دى انا دخلتها قبل كده من ستة لتسعة فى الوطنية بحرى .. متزكرها ؟!!
|
Post: #39
Title: Re: من علامات (العوارة) الكبرى !!!!!
Author: bashir adam abdalla
Date: 03-12-2006, 00:14 AM
Parent: #1
الاخت نادية عثمان ازيك
العوارة معناها..الحنيه او القلب الشفاف
يعني انسان بيحب الخير حتي للطير..
كلاميك ذكرني زمان في مسلسل اسمو (الشهد والدموع)
اتعرض في السودان اها كل النسوان كانو بتعاورو تعطفا معا زينب
كل الود..
|
Post: #42
Title: Re: من علامات (العوارة) الكبرى !!!!!
Author: Adil Al Badawi
Date: 03-12-2006, 01:32 AM
Parent: #39
سلامات يا أستاذة نادية وسلام للبكائين والبكاءات،
أكان دايرين تتنخجو جد جد هاكم ديل:
1. بنات (خصوصاً بنات) أبواتِم وقيل أولاد أبواتُم يشوفو الفلم: Hanging Up لديان كيتون، ميغ رايان، ليزا كيردو والأبو الغتيت الاسمو راح لي هسَّع.
2. بنات وأولاد أماتُم وحِبَّانُم/حبيباتُم يشوفو الفلم: Shadow Lands لأنتوني هوبكينز...السر إنُّو أنتوني هوبكينز اللي هو أنتوني هوبكينز (هانيبال ليكتر آكل لحوم البشر في "صمت الحملان") يبكي بكاء طفل مشاركاُ طفلاً في بكائه.
3. أولاد حبيباتُم (خصوصاُ أولاد حبيباتُم) وقيل بنات حِبَّانُم يشوفو The English Patient وركِّزوا لي بالله على مشهد نهاية الفلم وفيه، بالمناسبة، جزء من مشهد بداية الفلم. تحديداً ركِّزوا على المشهد الفيهو الكونت ليزلي ألماشي يخرج من كهف السباحين حاملاً، على ذراعيه، محبوبته كاثرين ...لا حول ولا قوة إلا بالله العلي العظيم وبه نستعين.
كتِّرو المناديل بَسْ. أها نسيت، البندول...البندول ما تنسوهو...انا هسَّع علي الريحة ساكت محتاج لي لي طن بتاع بندول.
تحيَّاتي
|
Post: #75
Title: Re: من علامات (العوارة) الكبرى !!!!!
Author: نادية عثمان
Date: 03-13-2006, 11:43 AM
Parent: #42
العزيز عادل البدوى
Quote: كتِّرو المناديل بَسْ. أها نسيت، البندول...البندول ما تنسوهو...انا هسَّع علي الريحة ساكت محتاج لي لي طن بتاع بندول. |
ياخ تكتلنا من البكاء وتقول لى بندول ؟!!
اها بندول ده زاتو مافى فى القاهرة دى اسوى شنو انا هسة ؟!!
اههى اههى اهىههههى استغفر الله !!
شفت جنس ال دى كيف؟!!
|
Post: #64
Title: Re: من علامات (العوارة) الكبرى !!!!!
Author: نادية عثمان
Date: 03-12-2006, 11:07 PM
Parent: #39
الاكرم بشير ادم عبد الله
Quote: العوارة معناها..الحنيه او القلب الشفاف
يعني انسان بيحب الخير حتي للطير.. |
ياسلام والله لو كده ياريت كل الناس فى الدنيا دى يبقوا عورا والله!!
|
Post: #41
Title: Re: من علامات (العوارة) الكبرى !!!!!
Author: حمد فتح الرحمن
Date: 03-12-2006, 01:01 AM
Parent: #1
Quote: ايهما يفضل الرجل ياترى ؟!! |
انا مع العورا
|
Post: #43
Title: Re: من علامات (العوارة) الكبرى !!!!!
Author: فيصل محمد خليل
Date: 03-12-2006, 04:40 AM
Parent: #41
العوير دا نوع من الفلزات يا نادية
يتبربر بالحرارة
والمرة الجاية لازم تذاكري كويس
هو نحن السنة كلها نفضل نقضيها لعب
موش كفاية ناس الانقاذ
وبعدين با
فيصل محمد خليل
|
Post: #44
Title: Re: من علامات (العوارة) الكبرى !!!!!
Author: ابوحراز
Date: 03-12-2006, 05:02 AM
Parent: #43
عندنا مدير مدرسة ما كان بيضحك إلا ىخر الشهر عليك الله في عوارة أكثر من كده ؟؟ وعندنا واحد قطع أضنين الغنماية الأثنين عشان اكلت الدقيق أها دا يدوه نسبة كم من العوارة والعريس بتاع هشام يازول لمن سألوه بتجي راجع متين من شهر العسل شوفيه قال شنو ؟؟؟ ست النفر ماتبكي الا يوم اصرف الماهية ؟ في عوارة أكثر من كده قال أفلام قال !!!! والنوع البيكون ريالته سايلة والمخاته نازلة لحد رجليه ويجي يقول عاوز يتزوج بت عمه زي هيفاء وهبي دي أكثر عوارة بتغيظني وبترفع ضغطي !!! تلقي واحد معاه ماجستير وما يعرس الا واحدة مختونه دا أبو العوارة زاتووووووووووووووو مرات تهاجر لدولة عشان تشتغل فيها تلقى الزول البيرأسك امي عديل كده اها دي عوارة شنو دي ؟؟؟ تشيل مرات زوجتك منك الموبايل وتقول ليك عندي موضوع هام تقوم تكلم جارتها عن نوع الطبيخ وتلقاه بامية مفروكة 00 نوع العوارة دا بطمم بطني تعيش مع الواحدة لبن على عسل أول ماتتوحم تقوم تتعاور ليك تقول ليك عاوزة فول مصلح في صحن ألمونيوم مطفق !!! دا غير البتتعاور أكثر من كده وتقول ليك أنا بتحوم على الصلعة !!!
|
Post: #76
Title: Re: من علامات (العوارة) الكبرى !!!!!
Author: نادية عثمان
Date: 03-13-2006, 12:22 PM
Parent: #44
العزيز ابو حراز
Quote: تلقي واحد معاه ماجستير وما يعرس الا واحدة مختونه دا أبو العوارة زاتووووووووووووووو |
يازول الماجستير دخلو شنو بالختان هسة ؟!!
وبعدين يعنى المختونة المسكينة دى مفروض تبور وماتعرس كلو كلو .. ولا تكون دكتورة وتعرس ليها زول فاقد تربوى عشان اهلها زمان ظلموها وختنوها ؟!!
الختان عوارة صاح .. لكن الاعور من كده اننا نعاقب المختونة على جرم ارتكب فى حقها !!
ولا انت رأيك شنو ؟!1
|
Post: #65
Title: Re: من علامات (العوارة) الكبرى !!!!!
Author: نادية عثمان
Date: 03-12-2006, 11:12 PM
Parent: #43
فيصل محمد خليل
Quote: العوير دا نوع من الفلزات يا نادية
يتبربر بالحرارة |
كلامك صاح
ويتكرمش بالبرورة!!
|
Post: #62
Title: Re: من علامات (العوارة) الكبرى !!!!!
Author: نادية عثمان
Date: 03-12-2006, 10:50 PM
Parent: #41
حمد فتح الرحمن
جواب نهائى ؟!!!
|
Post: #45
Title: Re: من علامات (العوارة) الكبرى !!!!!
Author: Ahmed Mohammed Osman
Date: 03-12-2006, 05:05 AM
Parent: #1
العوارة تطير
هسي عليك الله جنس حلاتك دي ما عوارة؟؟؟
![](http://up4.w6w.net/upload/12-03-2006/w6w_200603120419527bd89d30.JPG)
الله يحفظ
بقولو برضو حفلة عوارة (للحفلة السمحة شديد) عربية عوارة (العربية البتقرب تكون طيارة) شي عوارة بس وتستخدم للتعبير عن الكثرة والبذخ في العطاء والكمال يعني لما تبكي في المسلسل دا بكون بذخ في الاحساس ولما يغشوك بكون بذخ في العطاء ولما يشوكشوك بي بساطة ووضوح بكون بذخ منك وافراط في الحب والثقة وكدا يعني
|
Post: #46
Title: Re: من علامات (العوارة) الكبرى !!!!!
Author: يازولyazoalيازول
Date: 03-12-2006, 05:57 AM
Parent: #45
نادية الرقيقة المرهفة
إنت زى ناس تماضر وجاى
يا جماعة بالجد أنا بتكيف للبت البكاية
يعنى قصدى بكاية من المواقف الزى حقت نادية دى وكده ، صدقينى دى ظاهرة صحية وما فيها أى عوارة ولا هبالة زى ما قالت تماضر فيها كمية حنية كده لا يخبرها الا الناس الرقيقين الحساسين المرهفين الزيك
يا نادية انا (بكر) يعنى (العواره زاتها) ويمكن ملاحظة (عوارتى) فى البوستات المخستكة البكتبها ، لكن تعالى احكى ليك الحكاية دى يوم أنا قاعد فى الكمبيوتر فى البيت بسمع فى اغنية بتاعت طمبور اسمها (أمونة) ، أمونة دى عرسوها لى زول بتريدو وعاشت معاه كويس خالص خالص وجابت ليها ولدين ، قام زولها ده مشى الجنوب مع ناس الدفاع الشعبى ، وغتس الغتسة الياها ، أربعة سنين ما رجع والجماعة قالوا خلاص الزول ده مات وقاموا عرسوا البت لى أخوه وعاش معاها سنة كمان وجاب منها ولد سموه أحمد على اسم المرحوم زوجها الغائب ، تصدقى يوم كده الباب دقّ قامت فتحت الباب لقتو ليك يا هو أحمد زااااتو راجلها الأولانى الغائب ، والمغنى يؤدى فى كل هذه الحكاية بكميات الحان شجية تقطع القلب ، انا يا نادية قاعد اسمع فى الأغنية دى ودموعى جارية ، بكى عديل والمدام واقفه بى وراى (تضحك جنس ضحك) فى بكاى وعوارتى وأنا ما قادر أوقف البكاء عشان أنهر المره ![](http://www.sudaneseonline.com/db/smilies/smile.gif)
وأديك دى كمان ، عندنا عضو فى البورد شاب لطيف ومرهف وحساس وصغير فى السن وتربطنى به علاقة نسب بالإضافة الى انه يعتبر (صديق) بالنسبة لى لما وجدته فيه من تهذيب وأدب عالى ولغة ذات مفردات مميزة ، والزول ده كتّاب كتابة مبالغة كده ، المهم صاحبى ده مغترب فى حتة بعيدة وكدا ، يوم بتونس معاه فى الماسنجر بتاع الهوتميل ، وجبنا سيرة الجماعة فى السودان و (أمو) قام زولك مما جبنا سيرة أمو بكى بكاء شديد خالص خالص وبقت دموعو تكب فى الكى بورد وقام قال لى كده أنه ساعتها هو يبكى وما قادر يوقف نفسو من البكا ، ورغم أنو فى العشرينات إلا أنه كان يقول لى لو قدر له الموت لأختار أن يموت هو قبل موت أمو ، ويقول كده (خوووووووض) يا دموع وانا فى الماسنجر اشيل وأحنس اشيل واصبّر فيه أشيل وألاغى أشيل وأدردق فيه عشان ينسى الموضوع ده وما قدرت كلو كلو لغاية ما اضطريت أفصل منو الماسنجر ولحدى ما لاقيتو تانى يوم حتى سكت
جنس ده يقولوا عليه شنو؟؟؟؟ محنة زائدة ولاّ رقة مدفقة ولاّ غربة صعيبة ولاّ عوارة؟؟؟؟؟
معليش طولت عليك ، لكن من جد موضوع جدير بالكتابة والتحدث حوله إذ أن أهلنا بالسودان فيهم كمية حنان كده ما عادية وقاموا (جبدونا) بيها
العشر هو العوير يا نادية ، ونادية هى (دفق الحنان) يا عُشر
|
Post: #47
Title: Re: من علامات (العوارة) الكبرى !!!!!
Author: jini
Date: 03-12-2006, 06:19 AM
Parent: #46
سمئل أحد العور ا ما ذا تفعل فقال: أخرج عتيقا وأدخل جديداوأقتل عدوا!! فإذ هو يتغوط ويأكل ويفلى ثوبه!! بالله الإنقاظ فيها كم من النوع دا! والله إنتوا شايلين حس العورا ساكت! جنى
|
Post: #88
Title: Re: من علامات (العوارة) الكبرى !!!!!
Author: نادية عثمان
Date: 03-15-2006, 12:00 PM
Parent: #47
جنى
جنون الحنون
Quote: والله إنتوا شايلين حس العورا ساكت! |
يعنى العورا ماشايلين حسنا باقيلك ؟!!
|
Post: #78
Title: Re: من علامات (العوارة) الكبرى !!!!!
Author: نادية عثمان
Date: 03-13-2006, 02:42 PM
Parent: #46
يازول يازول
سعيدة بطلتك حد العوارة يازول ياسمح
Quote: نادية الرقيقة المرهفة
إنت زى ناس تماضر وجاى |
حلو انو اكون مع تماضر المرهفة فى مركب وااااحدة ومن دواعى سرورى والله
Quote: يا جماعة بالجد أنا بتكيف للبت البكاية |
وانا بتكيف للراجل البكاى ..انت بكاى ؟!!
Quote: يعنى قصدى بكاية من المواقف الزى حقت نادية دى وكده ، صدقينى دى ظاهرة صحية وما فيها أى عوارة ولا هبالة زى ما قالت تماضر فيها كمية حنية كده لا يخبرها الا الناس الرقيقين الحساسين المرهفين الزيك |
تسلم يارب .. وحتى لو كانت عوارة المهم انها رحمة واحسن من القساوة !!
Quote: يا نادية انا (بكر) يعنى (العواره زاتها) ويمكن ملاحظة (عوارتى) فى البوستات المخستكة البكتبها |
انت ليه بيقولوا للبكر عوير اصلا ؟!!
Quote: العشر هو العوير يا نادية ، ونادية هى (دفق الحنان) يا عُشر |
يازول ماتلخبط معلوماتنا
قالوا العشر ياهو صباح الخير والخير ياهو الفى قلبك ياغالى !
احب وجودك الحلو
وكن بالف خير !
|
Post: #66
Title: Re: من علامات (العوارة) الكبرى !!!!!
Author: نادية عثمان
Date: 03-12-2006, 11:25 PM
Parent: #45
النبيل احمد محمد عثمان
Quote: بقولو برضو حفلة عوارة (للحفلة السمحة شديد) عربية عوارة (العربية البتقرب تكون طيارة) شي عوارة بس وتستخدم للتعبير عن الكثرة والبذخ في العطاء والكمال يعني لما تبكي في المسلسل دا بكون بذخ في الاحساس ولما يغشوك بكون بذخ في العطاء ولما يشوكشوك بي بساطة ووضوح بكون بذخ منك وافراط في الحب والثقة وكدا يعني |
وبقولوا ولد شرط لمن عوارة !!
وبت فايتة القمرة جمالها عوارة بس !!
وبقولوا ناس فلانة جايبين كترة شيلة عوارة مااكتر !!
وهكذا عوارة !!
|
Post: #48
Title: Re: من علامات (العوارة) الكبرى !!!!!
Author: عمر الفاروق
Date: 03-12-2006, 06:33 AM
Parent: #1
نادية بت عثمان : غايتو بكاك ده كان بي ريالتو تبقا دي ياها العوارة زوووووووووووووووووووووتا.. وكان بكاك ده من غير ريالة يكون دخ إستهبال ساي.. وكان ما بكيتي من اصلو تكوني جافية وقلبك حجر ... تخريمة : الموضوع عندو علاقة بي ملاح الأسود ؟؟؟؟
|
Post: #49
Title: Re: من علامات (العوارة) الكبرى !!!!!
Author: ابو جهينة
Date: 03-12-2006, 06:49 AM
Parent: #48
نادية
سلامات
عندنا واحد قريبنا إسمه سيد تلول يقولون عنه أنه مجنون .. و لكنه أذكى من مشى على إثنين .. له ردود لا يمكن لعاقل أن يأتي بها .. فهي تصب في خانة المعقول غير المتوقع حد الدهشة.
ذات مرة أتى من القرية إلى الخرطوم و سمع بوفاة أحدهم فذهب إلى بيت بكا .. رفع الفاتحة في الصيوان .. ثم ذهب إلى حيث النسوان ليجاملهن برفع الفاتحة .. فقابل أول من قابل فتاة جميلة جدا جدا عند الباب .. فأسرع إليها و عانقها عناقا حميما و راح يبكي بكاءا حاراً و يعدد مآثر الميت .. و يعصر البنية عليهو شديد ..واضعا خده على خدها .. و يضع قبلة لها صوت بين الفينة و الأخرى .. و يتمتم ( الله يرحمو و يرحمنا ) .. و البنت المسكينة مندهشة و تتململ تحاول التملص من بين يديه .. و لكن هيهات ..
فهرع إليه أحدهم من الصيوان و قال له : يا سيد البت دي ما عندها أي علاقة بالميت .. النسوان أهل الميت جوة ..خش عليهن
فقال سيد و هو لا يزال يعانق الفتاة بشدة و يبكي بحرقة : إنت أسكت ساكت و زح من هنا .. هو المسكينة دي ال ماتوا عندها شوية ..
***
أها يا نادية .. دي عوارة ولا غتاتة و لا حنية .. ؟؟؟ غايتو دي من علامات إصطياد الفرص الكبرى
أرقدي عافية
|
Post: #50
Title: Re: من علامات (العوارة) الكبرى !!!!!
Author: jini
Date: 03-12-2006, 07:08 AM
Parent: #49
احد أشقاء جدنا الخامس كان علامة فارقة فى العوارة يعنى A1 سئل عن سبب عزوفه عن الزواج فأجاب: اناكان كنت داير العرس بنات اللمين أخوى ما متل صيد الخلاء!!! اها زى دا عوارتو فى غينيس فى!! كان يخزن عيشه فى شوالات زوجيا ويعده دا أخودا ودا أخو دا ودا أخوهو ويت! يعنى تسرق منو عشرين شوال زوجى ما يعرفهم وتسرق شوال واحد فردى الله قال بى قولك! إتحدى أى واحد فيكم عندو عبد الرحيم محمد حسين زى دا!!! جنى
|
Post: #93
Title: Re: من علامات (العوارة) الكبرى !!!!!
Author: نادية عثمان
Date: 03-15-2006, 01:34 PM
Parent: #50
جنى
Quote: احد أشقاء جدنا الخامس كان علامة فارقة فى العوارة يعنى A1 سئل عن سبب عزوفه عن الزواج فأجاب: اناكان كنت داير العرس بنات اللمين أخوى ما متل صيد الخلاء!!! اها زى دا عوارتو فى غينيس فى!! |
والله يستحق يدخل موسوعة جينيس من اوسع ابوابها !!
|
Post: #89
Title: Re: من علامات (العوارة) الكبرى !!!!!
Author: نادية عثمان
Date: 03-15-2006, 12:50 PM
Parent: #49
ابو جهينة الغالى
مرحب بالطلة الحلوة يازول ياحلو الدواخل يامنتظم الايقاع يانغم
ده ممكن نسميهو المتسبب بتبكيهو السمحة فى بيت البكاء !!
ههههههههههههههههههههههه
اقايتو قصة الزول ده ضحكتنى زى العويرة !
|
Post: #79
Title: Re: من علامات (العوارة) الكبرى !!!!!
Author: نادية عثمان
Date: 03-13-2006, 06:25 PM
Parent: #48
عمر الفاروق سلام
Quote: الموضوع عندو علاقة بي ملاح الأسود ؟؟؟؟ |
لا ملاح الاسود ماعندو علاقة ده ملاح القرع !!
|
Post: #51
Title: Re: من علامات (العوارة) الكبرى !!!!!
Author: عمر الفاروق
Date: 03-12-2006, 07:53 AM
Parent: #1
اها يا نادية هاك حامض العواراتيك ده : واحد واقف جمبي قام سألني قال لي : ياخ عيني دي محمرة ؟؟؟؟ قلت ليهو : اي .. قال لي : طيب بتوجعني ؟؟؟
![](http://www.sudaneseonline.com/db/smilies/biggrin.gif) اها ده نسميهو شنو ؟؟؟؟ دع العواراتوز المقوى عديييييييييل كده ..
|
Post: #94
Title: Re: من علامات (العوارة) الكبرى !!!!!
Author: نادية عثمان
Date: 03-15-2006, 02:00 PM
Parent: #51
عمر الفاروق
Quote: يا نادية هاك حامض العواراتيك ده : واحد واقف جمبي قام سألني قال لي : ياخ عيني دي محمرة ؟؟؟؟ قلت ليهو : اي .. قال لي : طيب بتوجعني ؟؟؟ |
وجعت بطنى من الضحك .. الله يجازى محنك ياخ !!
|
Post: #52
Title: Re: من علامات (العوارة) الكبرى !!!!!
Author: عبد الله إبراهيم الطاهر
Date: 03-12-2006, 09:13 AM
Parent: #1
أول حاجة يا نادية زي ما أنت زعلانة بي فادي من وديدي أنا زعلان منك بي جاي ....
واحدة عويرة راكبة في البص واحد مشمع عاين ليها عاينة ليهو ... أبتسم ليها أبتسمة ليهو .... غمز ليها غمزت ليهو ... أشر ليها على المحطة نزلت ... قعد في محلها ....
دي ممكن نعتبرها عوارة رومانسية جداً ...
المهم ...
بالمناسبة في حاجة اسمها عوارة مؤقتة وبنسميها هبالة ... لما واحد ينادي بي إسم يكون زي اسمك تقوم تتلفت أو ترد ويكون المقصود ما أنت ....
كدي أفتوني في رؤياي دي ...
ولك الود يا نادية (رغم زعلي منك)
|
Post: #53
Title: Re: من علامات (العوارة) الكبرى !!!!!
Author: قاسم المهداوى
Date: 03-12-2006, 09:19 AM
Parent: #52
Quote: )يا جماعة بالجد أنا بتكيف للبت البكاية |
|
Post: #61
Title: Re: من علامات (العوارة) الكبرى !!!!!
Author: نادية عثمان
Date: 03-12-2006, 10:44 PM
Parent: #53
قاسم المهداوى
Quote: يا جماعة بالجد أنا بتكيف للبت البكاية |
وانا بتكيف للراجل البكاى !!
|
Post: #71
Title: Re: من علامات (العوارة) الكبرى !!!!!
Author: نجود حسن عبد الرحمن
Date: 03-13-2006, 06:16 AM
Parent: #61
والله ياندوووووويه
جنس بكا هو بى نحيبو ..
تحسى روحك بقيتى زى ده
|
Post: #99
Title: Re: من علامات (العوارة) الكبرى !!!!!
Author: نادية عثمان
Date: 03-15-2006, 06:06 PM
Parent: #71
نجود العسللى
Quote: جنس بكا هو بى نحيبو .. |
وفى رواية تانية سودانية برضو بقولوا (بكا بى دمعة ومخاتة)!!
انتى حكاية الكدايس المهنضباهم ديل شنو يختى ؟!!
|
Post: #95
Title: Re: من علامات (العوارة) الكبرى !!!!!
Author: نادية عثمان
Date: 03-15-2006, 02:21 PM
Parent: #52
الغالى جدا عبد الله ابراهيم الطاهر
Quote: اول حاجة يا نادية زي ما أنت زعلانة بي فادي من وديدي أنا زعلان منك بي جاي .... |
زعلان منى ليه ياعبد الله .. ياخ ان ان شاء الله اموت ولاانت تزعل يازول ياسمح ياود الاصول
Quote: واحدة عويرة راكبة في البص واحد مشمع عاين ليها عاينة ليهو ... أبتسم ليها أبتسمة ليهو .... غمز ليها غمزت ليهو ... أشر ليها على المحطة نزلت ... قعد في محلها ....
دي ممكن نعتبرها عوارة رومانسية جداً ... |
دى الذ عوارة فى الدنيا والله
Quote: المهم ...
بالمناسبة في حاجة اسمها عوارة مؤقتة وبنسميها هبالة ... لما واحد ينادي بي إسم يكون زي اسمك تقوم تتلفت أو ترد ويكون المقصود ما أنت ....
كدي أفتوني في رؤياي دي ... |
معاك منتظرة الفتوى !!
Quote: ولك الود يا نادية (رغم زعلي منك) |
يازول تبرى من الزعل انت
والله لو جيت للجد انا الزعلانة عشان مطنشنى لاتلفون لامسكول !!
|
Post: #54
Title: Re: من علامات (العوارة) الكبرى !!!!!
Author: اشرف السر
Date: 03-12-2006, 11:40 AM
Parent: #1
نادية عثمان
اولا بالتبادي، العوارة خشم بيوت.. وفي جنس عوارة كدا الزول يتمناها..
وبالنسبة لنبات العوير، ليس هو صباح الخير، هو نبات اشبه ما يكون بالعُشر إذ له ساق ويستخدم في صنع الأسيجة الفاصلة، وله زهرة بنفسجية اللون... واعتقد ان وجه الشبه بين العوير (النبات) والعوارة السلوك.. هو عدم الانضباط، لأن نبات العوير يمتد في نموه وينتشر بصورة عشوائية جدا ،،، وملعومة اضافية عن نبات العوير انه يصيب الأغنام بالكساح اذا أكلت أوراقه..
هذا، ولك خالص المودة
|
Post: #67
Title: Re: من علامات (العوارة) الكبرى !!!!!
Author: Abulbasha
Date: 03-13-2006, 00:22 AM
Parent: #54
سأحكي طرفة جميلة - عن معاني الشتائم السودانية - مضي عليها زمان طوييييييييل حين كانت بداية إغترابي الأول في مدينة جدة بعد التخرج عام 1975م ، ولها علاقة بالتعبيرات السودانية ، فقد كنا ثلاثة زملاء محاسبين جدد بتوكيلات العطاس للملاحة ومدير القسم فلسطيني ، كنت أنا وزميل مصري وآخر هندي بالحسابات ، كنت دائما في تقريع وماكاواة مع زميلي المصري ، وأشتمه بالتعبيرات السودانية مثل : إنت عوقة ولاشنو ، إنت والله عوير عديييييل كده ومش عوقة وبس ، وقد كان دائما يستحلفني بأن اشرح له معاني هذه المفردات ، وأنا أرفض ، ولكنه ذات مرة قال لي : أنا حأعرف إزاي أحصل علي معاني شتائمك ، وخرج للتو من مكتب الحسابات بالشركة متجها صوب قسم المنافستو والبواخر ، حيث يوجد زميل سوداني لي بذلك القسم ، فأخبرت الزميل بالتلفون : إن جاك المصري ده وسألك عن معني كلمة أو كلمتين ، فأرجوك وزعه ، أي خليه مسطح، وفعلا ذهب ووجد الإجابة من الزميل السوداني بمفردة أيضا لا يستطيع فك طلاسمها ، فغضب ورجع لي قائلا: إنت السودانيين حتقننوني، حأتقنن. فذهبت للسوداني في مكتبه وسألته : ماذا قال لك أحمد المصري ، فأجاب: سألني قائلاً ، عوقة معناها إيه يابوكمال ؟ فقلت له :ها العوقة ده .. إنت ماعارف عوقة معناها شنو يابوحميد ؟ فقال : والله مش عارفها ، أصلو الأخ الباشا خاوتني بيها دائماً ياعوقة ياعوقة ، فقلت له : معناها تلوقة... فهز رأسه وأخرج زفيرا حاراً : ( أوففففف)وهرب مني بعد أن تعجب للكلمة ( إنتهت )
|
Post: #101
Title: Re: من علامات (العوارة) الكبرى !!!!!
Author: نادية عثمان
Date: 03-15-2006, 06:35 PM
Parent: #67
الرجل المتعدد الابداعات صلاح الباشا
مرحب بمرورك المفرح جدا
Quote: ها العوقة ده .. إنت ماعارف عوقة معناها شنو يابوحميد ؟ |
معناها شنو بالجد ؟!!
هل العوقة ايضا نبات اخو العوير يعنى ؟!!
حاجة تمخول جدا !!
|
Post: #91
Title: Re: من علامات (العوارة) الكبرى !!!!!
Author: نادية عثمان
Date: 03-15-2006, 01:25 PM
Parent: #54
الاكرم اشرف السر
Quote: اولا بالتبادي، العوارة خشم بيوت.. وفي جنس عوارة كدا الزول يتمناها.. |
ايوااااااااا طيب تعال ورينا انواع العوارة وياتها اكتر نوع الزول بتمناهو ؟!!
Quote: وبالنسبة لنبات العوير، ليس هو صباح الخير، هو نبات اشبه ما يكون بالعُشر إذ له ساق ويستخدم في صنع الأسيجة الفاصلة، وله زهرة بنفسجية اللون... |
وهل له اى فوائد طبية او غيرها ؟!!
Quote: واعتقد ان وجه الشبه بين العوير (النبات) والعوارة السلوك.. هو عدم الانضباط، لأن نبات العوير يمتد في نموه وينتشر بصورة عشوائية جدا ،،، |
وهل العوير الانسان كما النبات بقوم فى اى حتة برضو ؟!!(معليش احتمل اسئلتى العويرة )!!
Quote: وملعومة اضافية عن نبات العوير انه يصيب الأغنام بالكساح اذا أكلت أوراقه.. |
لاحولا كساح عديل ؟!!
والغنماية برضو بتأكلو طبعا بعواراتها !!
|
Post: #68
Title: Re: من علامات (العوارة) الكبرى !!!!!
Author: لؤى
Date: 03-13-2006, 05:06 AM
Parent: #1
نادية العزيزة سلام وأشواق
Quote: والله كان دي ياها العوارة ... كان كدي أنا خليقة ودلاهة عديل كدي كان شفت فلم ولا مسلسل ببكي (إن شاء الله سوداني) حتى كان إعتذرت لي زول ببكي كان ودعت زول ببكي |
والله يا بدر الدّين ريّحتني راحة ما عاديّة ..
ـــــ انا في البعيد مشتاق لهمسة من الوطن يانسمة [email protected]
|
Post: #97
Title: Re: من علامات (العوارة) الكبرى !!!!!
Author: نادية عثمان
Date: 03-15-2006, 02:37 PM
Parent: #68
لؤى شمت الغالى
Quote: والله يا بدر الدّين ريّحتني راحة ما عاديّة .. |
بس عشان تآآآآآآآآآآآآمنوا !!
|
Post: #69
Title: من اين ياتي هؤلاء .. نادية عثمان مثالاً
Author: Ahmed Mohammed Osman
Date: 03-13-2006, 05:37 AM
Parent: #1
ناسف
|
Post: #70
Title: Re: من اين ياتي هؤلاء .. نادية عثمان مثالاً
Author: عبدالرحمن عبدالله أبوشيبة
Date: 03-13-2006, 05:56 AM
Parent: #69
ندوووووووووووووووووووووووووية أخير ليك تبطلي العوارة دي لانو في ناس من شدة عوارتك يقومو يجيبو بنات يسمو الواحدة عويرة ولما امها تزعل من الاسم يقوليها بدون مايشعر سميتها عويرة تيمناً بنادية العويرة وعوارتك انشا الله عوارت البنات لي حدهن وأنا من اليوم عويييييييييييييييييييييييييييير للطيش .
|
Post: #82
Title: Re: من اين ياتي هؤلاء .. نادية عثمان مثالاً
Author: نادية عثمان
Date: 03-13-2006, 08:04 PM
Parent: #70
عويرة عبد الرحمن عبد الله ابو شيبة !!
كده كيف معاك موش حلو ؟!!
تيمنا بخالتو نادية العويرة !!
|
Post: #72
Title: Re: من علامات (العوارة) الكبرى !!!!!
Author: aosman
Date: 03-13-2006, 06:29 AM
Parent: #1
اِعْوَرَّ، يَعْوَرُّ، اِعْوِرَار
"اِعْوَرَّتِ العَيْنُ" : ذَهَبَ بَصَرُها
"اِعْوَرَّ الرَّجُلُ" : ذَهَبَ بَصَرُ إحْدَى عَيْنَيْهِ.
|
Post: #90
Title: Re: من علامات (العوارة) الكبرى !!!!!
Author: نادية عثمان
Date: 03-15-2006, 01:07 PM
Parent: #72
استاذ الدين سلام ومرحب بالطلة الحلوة جدا
Quote: اِعْوَرَّ، يَعْوَرُّ، اِعْوِرَار
"اِعْوَرَّتِ العَيْنُ" : ذَهَبَ بَصَرُها
"اِعْوَرَّ الرَّجُلُ" : ذَهَبَ بَصَرُ إحْدَى عَيْنَيْهِ. |
ده كلام مفيد ومهم جدا
لكن هل كلمة عوير اصلها اعور ؟!!
نرجو الرد لتعم الفائدة !
|
Post: #73
Title: Re: من علامات (العوارة) الكبرى !!!!!
Author: محمد الامين محمد
Date: 03-13-2006, 09:28 AM
Parent: #1
العوير هو الذي تاكل الغنمايه عشاهو او هو الخلاقه بالسوداني
|
Post: #80
Title: Re: من علامات (العوارة) الكبرى !!!!!
Author: نادية عثمان
Date: 03-13-2006, 07:32 PM
Parent: #73
محمد الامين محمد
Quote: العوير هو الذي تاكل الغنمايه عشاهو |
الحقيقة فى ظل الظروف الصعبة دى لو ساب عشاهو للغنماية يبقى عوير فعلا !!
|
Post: #74
Title: Re: من علامات (العوارة) الكبرى !!!!!
Author: محمد الامين محمد
Date: 03-13-2006, 09:33 AM
Parent: #1
العوير هو الذي تاكل الغنمايه عشاهو او هو الخلاقه بالسوداني
|
Post: #77
Title: Re: من علامات (العوارة) الكبرى !!!!!
Author: بلدى يا حبوب
Date: 03-13-2006, 12:40 PM
Parent: #1
نادية سلام
قال لها ليلة الامس شاعدت فى الحلم قالت بالله خلى العوارة ده قال وانت تسبحين فى بحر احلامى قالت وهى تغطى وجها بكفها هى عويرررررر قال وصحوت فجأة من النوم بعد ان غرقت وانا احاول انقاذك قالت والله ده جنس عوارتن تحياتى
|
Post: #81
Title: Re: من علامات (العوارة) الكبرى !!!!!
Author: munswor almophtah
Date: 03-13-2006, 07:46 PM
Parent: #77
يا ناديه فى واحد عوير طينه قال لعمه أنا داير بنت عمى إلهام فقال له عمه مى عزيزه عليك هديك أمش كلمها فذهب وقال لها يا بنت عمى أنا بدورك وكلمت عمى قالت ليهو والله يا فلان إنت نعم الأخ لكن عاوزه أقرأ فرجع لعمه أها بنت عمك قالت شنو قال والله قالت دايره تقرآ لكن والله أنا أمشى الشيخ حسن أجيبها بى جناها...........................
منصور
|
Post: #103
Title: Re: من علامات (العوارة) الكبرى !!!!!
Author: نادية عثمان
Date: 03-15-2006, 08:52 PM
Parent: #81
الغالى منصور المفتاح
تسلم على الطلة البهية الحلوووووووووووووووة التى اسعدتنا ايما سعادة والله
Quote: يا ناديه فى واحد عوير طينه |
انت الطينة دى موش بقولوها للسكران والبليد ؟!!
اها عوير طينة دى اول مرة اسمع بيها .. لكن زول النكتة دى عويرة لمن غلط موش طينة بس !!
|
Post: #102
Title: Re: من علامات (العوارة) الكبرى !!!!!
Author: نادية عثمان
Date: 03-15-2006, 07:25 PM
Parent: #77
بلدى ياحبوب
Quote: قالت والله ده جنس عوارتن |
عوارتن !!
هل هى الفعل المضارع من عوارة ؟!!
هههههههههههه
تسلم يازول يارائع
|
Post: #83
Title: Re: من علامات (العوارة) الكبرى !!!!!
Author: Omar Bob
Date: 03-13-2006, 11:58 PM
Parent: #1
الاستاذه ناديه عثمان:
صديقي الداف كات يقول عند اي لقطه مؤثره عند مشاهده مسلسل او فيلم " وهنـا تبكي مهـــــــاااا" ومها هذه شقيقته (وشقيقتنا ايضا) الكبري والمواقف المؤثره قد تشمل حتي: السلام بين البــطل والبـــطله
ولك كل الود
|
Post: #84
Title: Re: من علامات (العوارة) الكبرى !!!!!
Author: عبدالرحمن عبدالله أبوشيبة
Date: 03-14-2006, 00:44 AM
Parent: #83
Quote: عويرة عبد الرحمن عبد الله ابو شيبة !!
|
نادية صورتك سمحة لمن عويرة أرحمينا بواحدة شينة قبل ما ينفجر الشرياني فينا
|
Post: #85
Title: Re: من علامات (العوارة) الكبرى !!!!!
Author: نجود حسن عبد الرحمن
Date: 03-14-2006, 01:49 AM
Parent: #84
Quote: نادية صورتك سمحة لمن عويرة أرحمينا بواحدة شينة قبل ما ينفجر الشرياني فينا |
جنس هو لكن
|
Post: #86
Title: Re: من علامات (العوارة) الكبرى !!!!!
Author: عبدالرحمن عبدالله أبوشيبة
Date: 03-14-2006, 02:22 AM
Parent: #85
يانجووووووووووووود
شنو البخلي الواحد مايبكييييييييييييي تتفننو فينا زيما عايزين مرة صور بالجنبة ومرة اليد في الخد ومرة قدام كمبيوتر وآخر فنونك ياغزالة مسدس اصطاد لحدي الآن خمسة كدايس واحد أنا والتاني سجيمان والثالث ودالموج والرابع ودفايت والخامس ودعكر والسادس المحاصر hands up إيهاب جرستونا وبهدلتونا وهملتو عيالنا نتجارى وراكم زي الهبل لالقيناكم وفرحنا ولا نسيناكم واسترحنا. بكايييييييييييييييين بكايييييييييييييييين والمكابرنا يبكي معانا فمن هو ليس معنا فإنه ضدنا.
|
Post: #87
Title: Re: من علامات (العوارة) الكبرى !!!!!
Author: Hussein Mallasi
Date: 03-14-2006, 03:27 AM
Parent: #86
![](http://www.sudanhosting.com/cgi-bin/bandwidth.pl?type=pic&name=nnnn22.JPG) عوير ...
![](http://www.sudanhosting.com/cgi-bin/bandwidth.pl?type=pic&name=nnnnnnnn12.JPG) عوير ... جداً !
|
Post: #105
Title: Re: من علامات (العوارة) الكبرى !!!!!
Author: bayan
Date: 03-15-2006, 10:07 PM
Parent: #87
Quote: بختك بيان ادتك اوسكار العوارة عن جدارة !! |
لوووووووووووووووووووول يا نادية ما اوسكار العوارة انما اوسكار احسن تعليق..
يا زولة مالك عايز تفتيني مع ابو الجنون..
|
Post: #106
Title: Re: من علامات (العوارة) الكبرى !!!!!
Author: نادية عثمان
Date: 03-15-2006, 10:28 PM
Parent: #105
بيان الحبيبة ام الزهرات الثلاثة
Quote: لوووووووووووووووووووول يا نادية ما اوسكار العوارة انما اوسكار احسن تعليق..
يا زولة مالك عايز تفتيني مع ابو الجنون.. |
يادكتورة وانتى قايلة جنى عوير ..مااكيد فهمها وهى طاااااااااااااااايرة !!!
التحية لكما معا ياناس حلوين شديد !
|
Post: #104
Title: Re: من علامات (العوارة) الكبرى !!!!!
Author: نادية عثمان
Date: 03-15-2006, 09:31 PM
Parent: #83
النبيل عمر بوب
شكرا لاطلالتك الطيبة الحنينة
Quote: صديقي الداف كات يقول عند اي لقطه مؤثره عند مشاهده مسلسل او فيلم " وهنـا تبكي مهـــــــاااا" ومها هذه شقيقته (وشقيقتنا ايضا) الكبري والمواقف المؤثره قد تشمل حتي: السلام بين البــطل والبـــطله |
وكلنا فى البكاء مها والدموع رحمة الرب فى اعين العباد !
|
Post: #92
Title: Re: من علامات (العوارة) الكبرى !!!!!
Author: ود العجمى
Date: 03-15-2006, 01:25 PM
Parent: #1
سلام يا لطيفه
Quote: بكايييييييييييييييين بكايييييييييييييييين والمكابرنا يبكي معانا فمن هو ليس معنا فإنه ضدنا |
وانا معاكم
|
Post: #96
Title: Re: من علامات (العوارة) الكبرى !!!!!
Author: khaleel
Date: 03-15-2006, 02:22 PM
Parent: #92
ام ايمان
من علامات العوارة الصغري
ما عارفنا نتيجة امتحانك وايمان
ومن علامات العوارة الوسطي انك تكوني ما نجحت
ومن علامات العوارة الكبري انك تكوني نجحتي واكلتينا في الخروف
ولو الخروف غالي في مصر ادينا رقم الحساب بدينك والحساب ولد
|
Post: #100
Title: Re: من علامات (العوارة) الكبرى !!!!!
Author: عاطف محمد أحمد زكريا
Date: 03-15-2006, 06:22 PM
Parent: #96
الحمد لله كنت قايل رقبتى براى العوير زمان( هس الدموع زاتن كملن) اديك نصيحة نصحونى بيها زمان ونجحت لو بتتفرجى براك جعرى زى ما عاوزة لكن لو كنتى فى وسط ناس اول ما يجيك الاحساس ده حاولى مسابقةالدموع واقطعى حاجز الصمت بالكلام المباغت اسألى الجنبك عن اى حاجة او علقى على اللقطة لحدى ما يعدى الحدث لا يجتمع اثنان دموع ونضمى وفى كل الاحوال حاولى انك ما تتغمصى شخصيات الفيلم وادوارهم وانما ركزى على موضوع الفيلم جربى الروشتة دى وكان نفعت رسلى الحلاوة
|
Post: #113
Title: Re: من علامات (العوارة) الكبرى !!!!!
Author: نادية عثمان
Date: 03-25-2006, 10:29 PM
Parent: #100
النبيل عاطف محمد احمد زكريا
Quote: الحمد لله كنت قايل رقبتى براى العوير زمان( هس الدموع زاتن كملن) |
اريت دموعى انا زاتى يكملن ويريحونى !!!!!!!!
Quote: اديك نصيحة نصحونى بيها زمان ونجحت لو بتتفرجى براك جعرى زى ما عاوزة لكن لو كنتى فى وسط ناس اول ما يجيك الاحساس ده حاولى مسابقةالدموع واقطعى حاجز الصمت بالكلام المباغت اسألى الجنبك عن اى حاجة او علقى على اللقطة لحدى ما يعدى الحدث لا يجتمع اثنان دموع ونضمى وفى كل الاحوال حاولى انك ما تتغمصى شخصيات الفيلم وادوارهم وانما ركزى على موضوع الفيلم جربى الروشتة دى وكان نفعت رسلى الحلاوة |
الليلة دى كنت بتفرج على الحلقة الاخيرة من مسلسل عباس الابيض وكلهاااااااااااااا تقطع مصارين الزول من البكاء اها اتزكرت نصيحتك دى وحاولت اعمل بيها لقيت روحى ببكى زيااااااااااادة !!
جيب المناديل وخلى الحلاوة على !!!!!!
|
Post: #112
Title: Re: من علامات (العوارة) الكبرى !!!!!
Author: نادية عثمان
Date: 03-19-2006, 06:59 PM
Parent: #96
خليل اخوى الغالى
Quote: من علامات العوارة الصغري
ما عارفنا نتيجة امتحانك وايمان |
الحمد لله ايمان بتى نجحت وبمجموع مشرف كمان
لكن نادية اختك العويرة خااااااااااااااااااااااااااائفة تمشى تشوف النتيجة لى هسع والله!!!
مع انى كل سمستر كده بخاف وبكون ناجحة بحمد لله !!
بس تقول شنو على العوارة ؟!!
|
Post: #110
Title: Re: من علامات (العوارة) الكبرى !!!!!
Author: نادية عثمان
Date: 03-16-2006, 10:13 AM
Parent: #92
ود العجمى
مرحب بالطلة
يازول ابشر ونحنا زااااااااااااااتنا معاك !!
|
Post: #107
Title: Re: من علامات (العوارة) الكبرى !!!!!
Author: منصوري
Date: 03-16-2006, 03:18 AM
Parent: #1
( من علامات القيامة الكبرى)....
الحقيقة يا نادية وضيوفها.. أنا مرات عندي قراءات كدة فجأة ألطش العنوان.. فقريت ليك العنوان.. من علامات القيامة الكبري... قلتا ياساتر.. بعد دقايق ركزت.. عرفتا الحاصل بوست لذيذ أنت وضيوفك..تحياتي
|
Post: #114
Title: Re: من علامات (العوارة) الكبرى !!!!!
Author: نادية عثمان
Date: 03-27-2006, 10:07 PM
Parent: #107
Quote: ( من علامات القيامة الكبرى).... |
منصورى سلام
وبرضو من علامات العوارة الكبرى البكاء عند وداع ولقاء الاحباء والاهل والاصدقاء وبنفس الحرارة!!!
|
Post: #108
Title: Re: من علامات (العوارة) الكبرى !!!!!
Author: aosman
Date: 03-16-2006, 03:33 AM
Parent: #1
الاستاذة نادية
قبلي فترة هاتفني صديق عربي (مافي داعي لذكر أسم الدولة) مع العلم بانه لم يحصل لي من قبل ان زرتهم في منزلهم ولا علم لي عن مكان المنزل. المهم هذا الصديق قال لي: ياخي انا قاعد اصلي بس شاكي في أتجاه القبلة, ممكن توضح لي أتجاه القبلة؟ الراجل كتلني من الضحك, قلت ليهو: اتجه شمال غرب بخمسة واربعين درجة وهذه هي القبلة. قال لي : مش قادر احدد برضه؟ قلت ليهو: يا اخي في التلفون احدد ليك أتجاه القبلة كيف؟ تعال الي منزلي وانا عندي بوصلة ممكن تأخذها معك وعن طريقها يمكنك تحديد أتجاه القبلة. المهم بعد ما أخذ معه البوصلة ورجع الي منزله هاتفني مرة ثانية وقال لي : والله القبلة عندنا اتغيرت 90 درجة بالتمام والكمال. قلت ليهو خلاص الصلوات الصليتهم قبل كده كلهم لفهم بتسعين درجة عشان تصلحهم.
رأيك شنو ده مش نوع من العوارة والغباء ولا لا؟
|
Post: #109
Title: Re: من علامات (العوارة) الكبرى !!!!!
Author: عبد الله إبراهيم الطاهر
Date: 03-16-2006, 05:43 AM
Parent: #1
ندويتنا أزيك وصباحك قشطة (على وزن عوارة) ...
Quote: زعلان منى ليه ياعبد الله .. ياخ ان ان شاء الله اموت ولاانت تزعل يازول ياسمح ياود الاصول |
يااااااااااااااا ... تسلمي أنت يا رايعة ....
Quote: والله لو جيت للجد انا الزعلانة عشان مطنشنى لاتلفون لامسكول !! |
أوووووووووه .... أموت أنا يا ... تلفونك ما عندي ... الماسنجر ما بلاقيك ... أعمل شنو؟ أكان ما العوارة الأتعاورناها دي ما كان لاقيناك (هاهاهاهاهاهاها) ...
|
Post: #111
Title: Re: من علامات (العوارة) الكبرى !!!!!
Author: عبدالرحمن عبدالله أبوشيبة
Date: 03-19-2006, 06:17 AM
Parent: #109
فوووووووووووووق لمزيد من العواااااااااااااااااااره
|
|