Post: #1
Title: الانطباعية والعدائية بغير سابق معرفة عميقة فى المنبر أو خارجه .. لماذا ؟!!
Author: نادية عثمان
Date: 03-04-2006, 11:17 PM
المشهد الأول :
البت دى زولة فارغة ساى .. والود العامل رياااد داك برضو سايب دارفور والقضايا المصيرية وقاعد يكتب لى فى خواطر رومانسية ناس وهم ساى ياخ بلا يخمهم .. ماعندهم وطنية ولااحساس بالمسئولية !!!!
مجرد انطباع
ثم !!!!!
|
Post: #2
Title: Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!!
Author: نادية عثمان
Date: 03-04-2006, 11:21 PM
Parent: #1
المشهد التانى :
ياعباس
ياخ كدى لاقينى فى الماسنجر ايوة انا اسماعين عايز اتناقش معاك فى موضوع خاص بالبند الرابع من لائحة بكرى !!
ثرثرة
وانطباع !!
ثم !!!
|
Post: #3
Title: Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!!
Author: نادية عثمان
Date: 03-04-2006, 11:27 PM
Parent: #2
المشهد التالت :
اوووووووووووب على ياسمية ماشفتى الليلة عاد ماوصلتنى جنس شمارات عن حياة فلانة الفاكاها فى روحها فى المنبر دى ..!!
شمار زى الورد يافردة أدق التفاصيل .. اتصلت بتلاتين يورو تصدقى ..ده كلو بس عشان خاطرك لانك صحبتى وشايفاك فلانة دى مكجناها قمت كجنتها تضامنا معاك بس !!!
صديق صديقى صديقى وعدوه اقرقشو بسنونو !!
هكذا !!
انطباعية وتضامن وانصر صديقك ظالما !!
ثم !!
|
Post: #4
Title: Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!!
Author: نادية عثمان
Date: 03-04-2006, 11:34 PM
Parent: #3
المشهد الرابع :
شفت بالله الزول داك طلع ماتبعنا كيف ؟.. تصدق الزول عندو رأى فى موضوع القوات الاممية وقال رافض المسألة دى عديل كده ؟!! والله نكرهو ليك حياتو زاتها كل يوم بوست نهزرة لحدى مايرتد عديل كده !!
وشفت سميحة كمان قالوا طلعت من ناس حزب العجب امو .. خلاص دى تخت تحتها خط احمر ..طلعت من الملّة عديل كده!!
الويل لهما معا !!
صراخ
بوستات صاخبة يذهب معظمها الى الخور !!
انطباعية !!
ثم !!
|
Post: #5
Title: Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!!
Author: نادية عثمان
Date: 03-04-2006, 11:41 PM
Parent: #4
المشهد الخامس :
قلت ليك انا خلافى معاك فى الطرح انتى طرحك فطير وكسرة مرة عديل كده ماعاجبنى موش على كيفى ؟!!
ثم على استحياء بعد جدال عقيم ومعارك ضروس !!
ياهووى مافى زول هنا فوق النقد فاهم الكلام ده ولامافاهم ؟!!
لو ابوى سجّل فى بوست بكرى ده بنتقدوا لانو ولدنى من غير يشاورنى !!
جدااااااااااااااااااال
ثم
اجاويد ربما !!
ثم اختلاف الرأى لايفسد للود (الذى غالبا مزعوم) اى قضية !!
انطباعية
ثم !!
|
Post: #7
Title: Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!!
Author: نادية عثمان
Date: 03-04-2006, 11:49 PM
Parent: #5
المشهد السادس:
المنبر ده دخل الكونجرس عديل كده بسببنا نحنا ديل موش بسبب الانكسارات العاطفية بتاعة المواهيم الفاكنها فى روحهم ديل فاهم الكلام ده ياحاج النعيم ولامافاهم ؟!!
مطاعنة
غمز
ولمز
انطباااااع
ثم !!
|
Post: #6
Title: Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!!
Author: عاصم ابوبكر حامد
Date: 03-04-2006, 11:49 PM
Parent: #1
شنو يا ماما
متين اصبحنا
واقول ليك صباح الير اولا
واضيف فى المشاهد
واحد يجى طاير لا يعرفك لا تعرفه ويقول ليك علاقتك بداك شنو وماادراك ماداك...
وتانى يقوم يجى ناطى واحد ار وهو لا فاهم شئ ولا عارف شئ ولا عارف الناس بناقش فى شنو وغايب عن المنتدى سته اشهر
يجى يقول ليك اسمعنى انت عملت كدة وفعلت كدة وييكون قابض على كلمة واحدة لا فهم ولا عارف ....
زول زى دا يعملوا ليه شنو بالضبط ..
كدة افيدونا على شان نعرف نتعامل مع هذا النوع من البشر
تشكرى استاذة على هذا الطرح
|
Post: #8
Title: Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!!
Author: نادية عثمان
Date: 03-04-2006, 11:52 PM
Parent: #6
عاصم الجميل
| Quote: تشكرى استاذة على هذا الطرح |
تسلم ياغالى من كل شر وخليك متابع .. سمح ؟!!
|
Post: #10
Title: Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!!
Author: نادية عثمان
Date: 03-04-2006, 11:58 PM
Parent: #8
المشهد السابع :
راجع ايميلك رسلت ليك فيهو كل المعلومات عن الزول ده جبتها من مصادرى الخاصة !!
ثم رد فى الايميل
لاحولااااااااا
هو بالله الزول الخلاقة ده بيسوى كده ؟... لا خلاص خلى على بوضبو ليك تب مافى عوجة طول مامنبر بكرى دى مسجلين فيهو بمجهودنا الكبير ده فى تقصى المعلومات !!!
مناكفة
بوستات باسم المتهم !!
تهديد مبطن!!
عنف لفظى يصل حد الاشتباك بالالسن !!
ارهاب عديل كده !!
والدليل
الانطباع الاولى !!
ثم !!
|
Post: #148
Title: Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!!
Author: adam khatir
Date: 03-30-2006, 02:56 PM
Parent: #10
الاستاذة نادية سلام
اشكرك كثيرا على هذا التجسيد الموضوعى لواقع الحال فيما عرضتى من مشاهد ولوحات تصويرية تعكس احطتك بما يدور بقصد ودون قصد ، وتكشف عن جهل او ربما سوء فهم لمقاصد المنبر ومراميه وما يطرح من موضوعات وقضايا واخبار وتحليل ، فالجدية مطلوبة وهنالك فسحة للمزاح والدعابة البريئة والمنضبطة بل الترويح مطلوب والتعارف وسيلة للخروج من دائرة الى اخرى اكثر رحابة وسعةبسعة الوطن وقضاياه وسعة الصدر فيها مندوبة فى مثل هذه المنتديات والسمو بالنفس فضيلة والعفو والاعتذار قيم تنافسية لابد منها ، ولكن الخروج عن اللياقة والعرف والتجنى والاسفاف والارجاف يجعلنا فى كثير من الاحايين امام ازمة تحط من قدر المكان وسعته وادب الحوار والخلاف واحترام الاراء والافكار للغير ، ليتك بالمقابل اوجدتى من المشاهد والصور الاخرى ما يضيق هامش الانطباعية والسطحية الجالبة للكراهية والاستعلاء لنجعل الود مكان العداء هو شعار لمن يريد بناء امته ووطنه بالكلمة والحجة كيفما كان طرحه ورؤيته ....مع عاطر الود ...آدم خاطر
|
Post: #9
Title: Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!!
Author: عاصم ابوبكر حامد
Date: 03-04-2006, 11:55 PM
Parent: #1
Quote: ياهووى مافى زول هنا فوق النقد فاهم الكلام ده ولامافاهم ؟!!
لو ابوى سجّل فى بوست بكرى ده بنتقدوا لانو ولدنى من غير يشاورنى !! |
هل هناك اشاص بهذا الاسلوب بيننا
| Quote: ثم اختلاف الرأى لايفسد للود (الذى غالبا مزعوم) اى قضية !! |
هؤلاء كثر ولكن لا يحتاجون الى تعريف
الله يستر من عواصف كترينا
|
Post: #11
Title: Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!!
Author: نادية عثمان
Date: 03-05-2006, 00:04 AM
Parent: #9
| Quote: الله يستر من عواصف كترينا |
متعودين عليها ياعاصم اخوى الغالى
اسمع انت الليلة طبعا فرحان بالتسجيل الجديد وماجييك نوم صاح ؟!!
انا برضو اول ايام سجلت فى منبر بكرى من الفرحة ماكنت قادرة انوم وهسة برضو ماقادرة انوم لكن من الغصة للاسف !!
|
Post: #14
Title: Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!!
Author: bayan
Date: 03-05-2006, 00:17 AM
Parent: #9
مشهد تاسع
ايوة صاح كلامك من مصدر موثوق به عرفنا كل سكناتها وحركاتها من ولودوها ..
ياخي دي كوزة وفي الامن.برضو نفس المصدر دا قالينا انه هي كانت شيوعية
لما كنت بتدرس في المعهد..
الله كيف ما تغالط ياخي.. الزول القالينا دل صاحبهم عديل بيعرفهم
وقالينا انه ناس السفارة بيدفعو ليهم ايجار الشقة
وكل شهرين بتمشي السودان تقدم تقرير كافي
عن البورد...بيدفعو ليها قروش التذاكر ..
الكلام دا بقوليك قالو لي زول صاحبهم..
وزوجها عاطل يجلس في البيت اصلا مشى معها
مرافق وكدا...وهو اصلا ما متعلم..
اكاذيب وافتراءات
يتكون منها انطباعات
ثم
قصص و قصص
ثم مواقف
رغم انك لم تكتب يوما ما يثبت انك كوز او في الامن
تتحول الى بوق للنظام
وضد ناس دارفور
انطباعات
مبنية على افتراءات
وتسود
وتنتشر
وتتحول الى حقائق
..
العقلية السودانية الجديدة..
|
Post: #19
Title: Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!!
Author: نادية عثمان
Date: 03-05-2006, 00:36 AM
Parent: #14
Quote: مشهد تاسع
ايوة صاح كلامك من مصدر موثوق به عرفنا كل سكناتها وحركاتها من ولودوها ..
ياخي دي كوزة وفي الامن.برضو نفس المصدر دا قالينا انه هي كانت شيوعية
لما كنت بتدرس في المعهد..
الله كيف ما تغالط ياخي.. الزول القالينا دل صاحبهم عديل بيعرفهم
وقالينا انه ناس السفارة بيدفعو ليهم ايجار الشقة
وكل شهرين بتمشي السودان تقدم تقرير كافي
عن البورد...بيدفعو ليها قروش التذاكر ..
الكلام دا بقوليك قالو لي زول صاحبهم..
وزوجها عاطل يجلس في البيت اصلا مشى معها
مرافق وكدا...وهو اصلا ما متعلم..
اكاذيب وافتراءات
يتكون منها انطباعات
ثم
قصص و قصص
ثم مواقف
رغم انك لم تكتب يوما ما يثبت انك كوز او في الامن
تتحول الى بوق للنظام
وضد ناس دارفور
انطباعات
مبنية على افتراءات
وتسود
وتنتشر
وتتحول الى حقائق
..
العقلية السودانية الجديدة.. |
لا لا
انتى معلوماتك دى مخرمجة ساى ياباشمهندسة !!
انا فى الماسنجر لمن حلوم اخت كلتوم حكت لى كلام ود السنوسى فى قصتك قالت انتى اصلا زاتك مازول .. انتى لادكتورة لادرستى هندسة ..يابيان يابيان ياحرف الاتش !!
اها وعارفة كمان .. العربية حقتكم زاتها قدييييييييييييييمة موديل سنة دو !!
وراجلك ببيع طعمية فى سوق الشعبية تقولى لى محامى ؟!!
خلاص يازولة موش لندن دى خليناها ليكم بيث !!
كلام فارغ!!
بحث مستميت وراء سى فى الاخرين!!
محاولات ايجاد الثغرات وبالعدم اختراعها !!
انطباعات خاطئة تسود وتسود وتسود وتنتشر ويصدقها البعض للاسف !!!
ثم !!
|
Post: #12
Title: Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!!
Author: عاصم ابوبكر حامد
Date: 03-05-2006, 00:10 AM
Parent: #1
Quote: متعودين عليها ياعاصم اخوى الغالى
اسمع انت الليلة طبعا فرحان بالتسجيل الجديد وماجييك نوم صاح ؟!!
انا برضو اول ايام سجلت فى منبر بكرى من الفرحة ماكنت قادرة انوم وهسة برضو ماقادرة انوم لكن من الغصة للاسف !! |
والله طبعا ولدك
ما متعود عليها شديد لكن الانسان ممكن يجرب
ويجب ان نتعود على كل الاجواء والعواصف لكى نستطيع ان نعيش فى الحياة ...
والله الليلة انا سعيد جدا جدا
النوم فى لكن الحوار مع عملاقة الاون لاين يطير النوم من العيون والجفون بقت تنطق عديل كدة
اما نتى يا ماما
نومى ساى وختى بطيخ صيف الحكاية ما بتستاهل اطلاقا ....
|
Post: #13
Title: Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!!
Author: نادية عثمان
Date: 03-05-2006, 00:12 AM
Parent: #12
| Quote: نومى ساى وختى بطيخ صيف الحكاية ما بتستاهل اطلاقا .... |
بطيخ صيف شنو ياعاصم انت ناسى اننا فى الشتاء ولاشنو ؟!!
|
Post: #16
Title: Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!!
Author: نادية عثمان
Date: 03-05-2006, 00:20 AM
Parent: #13
المشهد التامن:
ياخ الزول ده والله مامفروض مايكون معانا فى مكان واحد تصدق؟!!
عارف ليه؟!!
الزول ده ماعندو ولابوست فى الصفحة الأولى عن الاتية اسمائهم :
دارفور
الشرق
اللاجئين
القوات الاممية
البشير (فى روايات الهبيل) !!
الانتخابات
الاسلحة النووية
وغيره وغيره !!
اها يبقى زول .. مقاتل ؟!!
طبعا لا وبالتالى
يبقى نعمل شنو ؟!!
نقاطع بوستاتو مقاطعة المسلمين للمنتجات الدنماركية عديل كده !!
زول وهم !!
انطباع !!
ثم !!
|
Post: #15
Title: Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!!
Author: بدرالدين شنا
Date: 03-05-2006, 00:18 AM
Parent: #1
العفيفة نادية عثمان
سلامي وإحترامي
كيتاً عليك عشان تاني تحومي بالبوستات
ولا دا خيال خصب من زولة رائعة؟؟؟
غايتو إنتي نزلي البوستات وأنا (بنبست) شديد
خالص معزتي
وجميل إنطباعي
|
Post: #20
Title: Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!!
Author: Muna Khugali
Date: 03-05-2006, 00:40 AM
Parent: #15
حـبيبتي نـادية...
مشاهـدك تسـاهم في ايقـاظ الضـمائر.... تفتح خـلايـا العقل علي مشـاهـد قـد تبـدو غـريبة علي بعضـنا...اسـتمري فيها...
أمـا عـن هـذا
انا برضو اول ايام سجلت فى منبر بكرى من الفرحة ماكنت قادرة انوم وهسة برضو ماقادرة انوم لكن من الغصة للاسف !!
فـلا تسمحـي لأي شـئ أن يعطـلك عـما ترغـبين!
مـني
|
Post: #23
Title: Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!!
Author: نادية عثمان
Date: 03-05-2006, 00:49 AM
Parent: #20
منى خوجلى الجميلة شكلا وموضوعا
بت ماما جارة الغالية علينا
| Quote: مشاهـدك تسـاهم في ايقـاظ الضـمائر.... تفتح خـلايـا العقل علي مشـاهـد قـد تبـدو غـريبة علي بعضـنا...اسـتمري فيها... |
حاااااااااضر ياحبيبة .. وانتى خليك متابعة فلوجودك طعم الطمأنينة يامنى ..
Quote: انا برضو اول ايام سجلت فى منبر بكرى من الفرحة ماكنت قادرة انوم وهسة برضو ماقادرة انوم لكن من الغصة للاسف !!
فـلا تسمحـي لأي شـئ أن يعطـلك عـما ترغـبين! |
فى هذه فانا معك واحمد الله العظيم الذى منحنى ثقة بالنفس يزيدها تعامل الراقيين امثالك ..
|
Post: #21
Title: Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!!
Author: نادية عثمان
Date: 03-05-2006, 00:43 AM
Parent: #15
الحبوب بدر الدين حلا
Quote: العفيفة نادية عثمان
سلامي وإحترامي |
تسلم من كل شر ياود الاصول
Quote: كيتاً عليك عشان تاني تحومي بالبوستات
ولا دا خيال خصب من زولة رائعة؟؟؟ |
حبة كده وحبة كده !!
Quote: غايتو إنتي نزلي البوستات وأنا (بنبست) شديد
خالص معزتي
وجميل إنطباعي |
تسلم من كل شر وماتبعد ..سمح ؟!!
|
Post: #17
Title: Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!!
Author: Ahmed Abdallah
Date: 03-05-2006, 00:28 AM
Parent: #1
المشهد العاشر
التسوي بأيدك يغلب أجاويدك
|
Post: #24
Title: Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!!
Author: نادية عثمان
Date: 03-05-2006, 00:51 AM
Parent: #17
الاخ الكريم احمد عبد الله شكرا للمرور الكريم
Quote: المشهد العاشر
التسوي بأيدك يغلب أجاويدك |
برضو
انطباع
ثم !!
|
Post: #153
Title: Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!!
Author: adam khatir
Date: 04-02-2006, 02:15 PM
Parent: #24
وكاترينا برضو انطباع ؟ !
لكن العدائية من الصحفى اظن تسونامى بتكون !
أنا قلت فى نفسى ما استعجل على الحكم ...
|
Post: #18
Title: Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!!
Author: aosman
Date: 03-05-2006, 00:31 AM
Parent: #1
مشاهد واقعية يا نادية
|
Post: #25
Title: Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!!
Author: نادية عثمان
Date: 03-05-2006, 00:54 AM
Parent: #18
الاخ العزيز الدين
تسلم من كل شر يارب
| Quote: مشاهد واقعية يا نادية |
وشهد شاهد من أهل المنبر !!
وقد يأتى من يقول لنا معا
مجرد
انطباع
ثم !!
|
Post: #22
Title: Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!!
Author: فيصل نوبي
Date: 03-05-2006, 00:48 AM
Parent: #1
ندوية
صباح الخير ..
الحاصل شنو ..
الزعلك منو من الصباح !!!
المشاهد للاسف حقيقة مرة ، لكن نعمل شنو !!!
الله يديكي العافية ..
|
Post: #27
Title: Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!!
Author: نادية عثمان
Date: 03-05-2006, 01:07 AM
Parent: #22
الود ساكن فى بوستات الزولة دى سكنة .. يكون هو الود الغياظ الكرهتنا بيهو ده وصل الصفحة الخرتومية هسة ؟!!
ايوة ياخ انا عبد اللطيف رسل لى فى ماسنجر المنبر الداخلى وورانى ليك القصة ايوه طلع هو زاتو وبرضو هى البترسل ليهو الرسائل البتاعية القالها فى بوستيهو الجديد داك وعمل ليها قصيدة وغناها وسماها ست الودع !!
لخبطات
خلط اوراق
تخيلات
امنيات مريضة !
انطباع!!
ثم !!
|
Post: #26
Title: Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!!
Author: ايوب عبدالرحيم
Date: 03-05-2006, 01:06 AM
Parent: #1
العزيزة نادية
سرناقمندو ...
صباح الخير
اولا اسمحي لي ان اعبر عن عميق تقديري لطرحك هذا الموضوع الحساس ( جدا )
فعلا هو سؤال هام لماذا الانطباعية او العدائية دون سابق معرفة
واود ان اطرح بعض الاسئلة على نفسي اولا
* ماهو اثر تركيبتنا النفسية السودانية لهذا الموضوع اقصد بعض صفاتنا ومن اهمها الانتقادية لكل ماهو خارج عن ثقافاتنا .
* الاختلافات السياسية الواضحة بالمنبر رغم وجود الكثير دون اي توجهات سياسية فمثلا قد يحدث توجس من اي شخصية لسبب بسيط هو انه لا توجد اي معلومات عنه وبسرعة يتم الافتراض ( x = كوز ) و (y = يسار )
*لماذا يلاحظ ان الكثير من البوستات يوجد بها تشابه في الردود والمتداخلين والمجاملين ( الحزم البوردية ).
عزيزتي نادية هذه مجرد تساؤلات قد تكون لها صلة بهذه الانطباعية او العدائية ...
ولكن الجميل ان تتعامل مع الكل بطيبة وبنقاء بغض النظر عن من هو الذي تتعامل معه ...
وبغير ان تفكر عن توجهاته او خلفياته العامة والاسرية وتاريخه السياسي وووووو الخ ...
لماذا لا نتفق على ان اختلاف افكارنا وتوجهاتنا هو ميزة وليس عيبا ؟؟؟؟؟
ان الاختلاف ينير عقول الجميع ويجعل الكل يتعرف على ثقافات وافكار وتوجهات اخرى
وفي النهاية نحن نتكامل ونخلق ( الانسانية )
لي عودة لمواصلة الحديث
وتسلمي
|
Post: #28
Title: Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!!
Author: نادية عثمان
Date: 03-05-2006, 01:21 AM
Parent: #26
الغالى ايوب عبد الرحيم
اللهى ادو باريكريو يالهى
تسلم على المداخلة الثرة جدا والموضوعية جدا ولازم تعود للمواصلة
Quote: عزيزتي نادية هذه مجرد تساؤلات قد تكون لها صلة بهذه الانطباعية او العدائية ...
ولكن الجميل ان تتعامل مع الكل بطيبة وبنقاء بغض النظر عن من هو الذي تتعامل معه ...
وبغير ان تفكر عن توجهاته او خلفياته العامة والاسرية وتاريخه السياسي وووووو الخ ...
لماذا لا نتفق على ان اختلاف افكارنا وتوجهاتنا هو ميزة وليس عيبا ؟؟؟؟؟
ان الاختلاف ينير عقول الجميع ويجعل الكل يتعرف على ثقافات وافكار وتوجهات اخرى
وفي النهاية نحن نتكامل ونخلق ( الانسانية ) |
اما هذه الكلمات فهى قد اثلجت صدرى والله.. ولو تحققت لكان منبر بكرى هذاجنة الله على شبكة النت !!
|
Post: #29
Title: Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!!
Author: ودقاسم
Date: 03-05-2006, 01:30 AM
Parent: #1
Quote: راجع ايميلك رسلت ليك فيهو كل المعلومات عن الزول ده جبتها من مصادرى الخاصة !!
ثم رد فى الايميل |
نادية
الرسالة ما وصلتني ،،، يمكن اتهكرت ،
وإيميلك ما عندي عشان أرد عليك ...
|
Post: #30
Title: Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!!
Author: نادية عثمان
Date: 03-05-2006, 01:41 AM
Parent: #29
الغالى ود قاسم
بركة بالشوفة يازول رائع
Quote: نادية
الرسالة ما وصلتني ،،، يمكن اتهكرت ،
وإيميلك ما عندي عشان أرد عليك ... |
لا لا ياخ
انا عرفت ليك القصة .. مشيت لى زول بتاع هكر متخصص قام ورانى ليك الاى بى بتاع فتحية طلع فى حلة خوجلى جنب عمارى اولاد مزاج !!
الاى بى بوديهو فى داهية عشان تانى يعمل فيها شفت !!
اتهامات متبادلة
بحث واستعانة بخبراء
ضياع اموال
انطباع
ثم!!
|
Post: #31
Title: Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!!
Author: نادية عثمان
Date: 03-05-2006, 01:52 AM
Parent: #30
مشهد عاشر :
اسمع كلامى ياخ انا زول خمستاشر سنة حوامة فى المنابر دى ..لمن مايكروسفت زاتو كرهنا وكره يوم النت زاتو !!
تدخل بوستات المثقفين بتكون زول جهبذ ومحترم !!
تدخل بوستات السياسيين بتكون زول مقاتل من الطراز الاول وليك كاريزمتك المعتبرة !!
تدخل اى بوستات تانية انت زول طرور ساى وبتتخنا فى حضيض المنابر !!
ثم !!
دخول للبوستات وفوق دون معرفة محتوى البوست !!
يارائع يامبدع انحنا كتاباتك بتأثرنا !!
يامقاتل سدد الله خطاك فى طريق السؤدد والنصر المبين
هتافات
مداخلات مشاكسة من اخرين !!
انطباع
ثم !!
|
Post: #33
Title: Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!!
Author: banadieha
Date: 03-05-2006, 02:33 AM
Parent: #31
الحقيقة عنوان البوست كفاني لأوجز بالقول - رغم قراءتي للمشاهد التي سقتيها يا أخت نادية: أن تجارب العمر علمتني أن من يعاديك أو يكجنك بالإنطباعية بس عليك أن تبعد منه ولا تصالحه أصلو بينما من يشاكلك لموقف معين فتوقع يوما ما المحبة بعد العداوة..لأن الأخير صادق بينما الإنطباعي هوائي آريال ليس إلا.
|
Post: #37
Title: Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!!
Author: نادية عثمان
Date: 03-05-2006, 03:39 AM
Parent: #33
الاستاذ الحكيم بناديها (دى حقيقة موش انطباع لان كلامك يشبه حكمتك)!!
| Quote: الحقيقة عنوان البوست كفاني لأوجز بالقول - رغم قراءتي للمشاهد التي سقتيها يا أخت نادية: أن تجارب العمر علمتني أن من يعاديك أو يكجنك بالإنطباعية بس عليك أن تبعد منه ولا تصالحه أصلو |
عن نفسى اكثر مايؤلمنى هو ان يحكم على احدهم من خلال انطباع وعيون اخر وهذا الاخر نفسه ليس لديه عنى سواء مجرد انطباع من كلمة ربما او ملامح صورة او شمار طاير او غيره !!
| Quote: بينما من يشاكلك لموقف معين فتوقع يوما ما المحبة بعد العداوة..لأن الأخير صادق بينما الإنطباعي هوائي آريال ليس إلا. |
ارتاح جدا لمن يختلف معى بادب .. ولاانتظر ممن يختلف معى ودا لايفسد القضايا بقدر مااحتاج منه احتراما وتناولا موضوعى لوجهة نظرى او كتاباتى بعيدا عن الانطباعات من نوع (فاكاها فى روحها)!! التى لااعرف لها معنا حتى الان !!
|
Post: #32
Title: Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!!
Author: سامي عبد الوهاب إدريس
Date: 03-05-2006, 02:14 AM
Parent: #1
الأستاذة نادية عثمان
لك التحية
كتير من الأخوان كتبوا عن بعض الممارسات في هذا المنبر ومعظم الآراء كانت صائبة لما في المنبر من صراعات لا أرى لها مبررا...
وها أنت تكتين عن السبب الرئيسي وراء معظم هذه الممارسات ألا وهو (الإنطباعية)
عمر الشعب السوداني ما كان إنطباعي لكنه أصبح كذك... لماذا لا أدري!!!
أما العدائية فحدث ولا حرج... فهي بقت موجودة في كل مناحي الحياة
إبتداءا من: يازول مالك بتعاين لي كدا...
إلى الحجر على رايك البتكتبو...
مابين الإنطباعية والعدائية ما ننسى الإستعجال (الشفقة) في فهم ما تكتب دون فهم المغزى والمعنى... هنا طوالي تلاقي (متلقين الحجج) نطوا ليك..
لازم نعتدل في حكمنا على الناس... إذا جاز لنا أن نحكم عليهم
لازم نحترم الرأي الآخر
لازم نعرف بأن معظمنا ليس بكاتب ولا أديب ولا مفكر وإنما نعبر عن رأينا فقط (نفضفض)
ولك جزيل الشكر على ما طرحتي
سامي عبد الوهاب إدريس
[email protected]
|
Post: #34
Title: Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!!
Author: نادية عثمان
Date: 03-05-2006, 02:35 AM
Parent: #32
الاخ الاكرم سامي عبد الوهاب إدريس
لك التحية بحجم وطن نحلم ان يكون معافى فى بدنه وشعبه !!!
شكرا كثيفا على المداخلة الثرة الحقيقية والمفيدة والهامة جدا
Quote: لازم نعتدل في حكمنا على الناس... إذا جاز لنا أن نحكم عليهم
لازم نحترم الرأي الآخر
لازم نعرف بأن معظمنا ليس بكاتب ولا أديب ولا مفكر وإنما نعبر عن رأينا فقط (نفضفض) |
القول ماقلته يااخى الاكرم سامى .. وليت البسيط من حسن النية يسود العالم والمنبر لتكون الحياة بشكل افضل الى حد ما..
| Quote: ولك جزيل الشكر على ما طرحتي |
ولك جزيل الشكر على مرورك الطيب وكلماتك البلسم
|
Post: #35
Title: Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!!
Author: الأمين عثمان صديق محمد
Date: 03-05-2006, 02:57 AM
Parent: #1
المحترمة بنت الناس
نادية عثمان
اسمك دا تشوفي ليهو طريقة ولّل انا اشوف لي طريقة لي اسمي دا
كل ما اشوف اسم نادية عثمان للوهله الاولى يتخيل لي انو الامين عثمان بعدين يطلع نادية عثمان والله اسمك دا قاعد يجهجني مع انو في فرق كبير بين حروف الامين وحروف نادية بس ما عارف ليه
وبي مناسبة الجهجة دي يا نادية كنت متوقعك تكتبي عن حكاية الجهجة والكبكبة الحقيقية البتحصل في المنبر
يعني ما في جكسوية تنزل ليها بوست انشاء الله ما فيهو أي موضوع وتعالي شوفي الكبكبة
بوست رائع يا استاذة
ولي قدام
والنسيم يحي العليا
وكامل مودتي بي دسمها
وكان غابت تعالي شوفي
اين الشفيفة النضيفة الظريفة بتاعة النيفة فلانة
واليومين ديل في كلمات جديدة زي الوريف والوريفة
وناس انا احب نادية بنت عثمان واكجن اللمين ود عثمان
والشعر البقى يتناثر يمين وشمال
|
Post: #43
Title: Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!!
Author: نادية عثمان
Date: 03-05-2006, 12:05 PM
Parent: #35
الاخ المحترم الامين عثمان صديق
Quote: المحترمة بنت الناس
نادية عثمان
اسمك دا تشوفي ليهو طريقة ولّل انا اشوف لي طريقة لي اسمي دا
كل ما اشوف اسم نادية عثمان للوهله الاولى يتخيل لي انو الامين عثمان بعدين يطلع نادية عثمان والله اسمك دا قاعد يجهجني مع انو في فرق كبير بين حروف الامين وحروف نادية بس ما عارف ليه |
انا اى عثمان حايم فى المنبر ده غير عثمان ابوى بيعمل لى جهجهة !!
Quote: وبي مناسبة الجهجة دي يا نادية كنت متوقعك تكتبي عن حكاية الجهجة والكبكبة الحقيقية البتحصل في المنبر
يعني ما في جكسوية تنزل ليها بوست انشاء الله ما فيهو أي موضوع وتعالي شوفي الكبكبة
بوست رائع يا استاذة
ولي قدام
والنسيم يحي العليا
وكامل مودتي بي دسمها
وكان غابت تعالي شوفي
اين الشفيفة النضيفة الظريفة بتاعة النيفة فلانة
واليومين ديل في كلمات جديدة زي الوريف والوريفة
وناس انا احب نادية بنت عثمان واكجن اللمين ود عثمان
والشعر البقى يتناثر يمين وشمال |
ده زاتو مشهد !!
وحانواصل
دون فواصل
وانطباع !!
|
Post: #36
Title: Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!!
Author: saadeldin abdelrahman
Date: 03-05-2006, 03:38 AM
Parent: #1
فوق و ( قد اسمعت لو ناديت حيا)
|
Post: #45
Title: Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!!
Author: نادية عثمان
Date: 03-05-2006, 07:53 PM
Parent: #36
الزول النقى سعد الدين عبد الرحمن
| Quote: فوق و ( قد اسمعت لو ناديت حيا) |
فى الماسنجر الزول داك قال ليها ..هى دى مالها كمان جنها قايم ماتمشى على شعرها وعوارتها ديك بلا انطباعية بلا كلام فطير !!
ترقب!!
متابعة من بعيد لبعيد !!
استعداد للانقضاض!!
انطباع
ثم !!
|
Post: #38
Title: Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!!
Author: bashir adam abdalla
Date: 03-05-2006, 04:43 AM
Parent: #1
الاخت الغالية نادية
كلام جميل جدا..اها واصلي
كل الود..
|
Post: #42
Title: Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!!
Author: Elawad Eltayeb
Date: 03-05-2006, 09:53 AM
Parent: #38
العزيزة نادية،
كتاباتك رائعة ومعبرة .. وفي السلك.
بالإضافة لسوء الظن والانطباعية هنالك داء آخر مستشري في البورد هو "حب الظهور" حتى ولو على حساب الآخرين. ومعظم الأقلام التي تتطاير للظهور كالبالونات سرعان ما تطرشق وما تلقى زول يحاول يلمها.
أحيي من خلالك كل الأقلام التي تزرع الأمل هنا وهناك وتزيح الأشواك. تتسلح بحسن النوايا مع نفاذ البصيرة.. والحكمة مع الشجاعة.. والإبداع مع معايشة لواقع الناس البسطاء...
ولا يهمها إلاّ أن يسود الخير والجمال.
ودمتي،
العوض الطيب
|
Post: #49
Title: Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!!
Author: نادية عثمان
Date: 03-05-2006, 09:24 PM
Parent: #42
النبيل الاخ العوض الطيب
شكرا على مرورك الذى يحمل طيبة واريحية فى الطرح
| Quote: كتاباتك رائعة ومعبرة .. وفي السلك. |
شهادة اعتز بها ولك موفور تقديرى على الكلم الطيب فى حق شخصى المتواضع
| Quote: بالإضافة لسوء الظن والانطباعية هنالك داء آخر مستشري في البورد هو "حب الظهور" حتى ولو على حساب الآخرين. ومعظم الأقلام التي تتطاير للظهور كالبالونات سرعان ما تطرشق وما تلقى زول يحاول يلمها. |
وهذه حالة ايضا قد تكون حقيقية عن الشخص المعنى او انها قد تكون ايضا مجرد انطباع خاطئ عن الشخصية التى تعتقد ان هدفها الظهور ايضا !!
كن متابعا ولك منى كل التقدير
|
Post: #48
Title: Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!!
Author: نادية عثمان
Date: 03-05-2006, 08:42 PM
Parent: #38
الاكرم bashir adam abdalla
شكرا على المرور الطيب والمتابعة وتسلم من كل شر يارب
وخليك متابع .. سمح ؟
|
Post: #39
Title: Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!!
Author: adil rahman
Date: 03-05-2006, 08:49 AM
Parent: #1
الأخت نادية
كل الأمثلة التي تفضلت بسردها صحيحة والإنطباعية موجودة حتى في سلوكنا العادي علي سبيل المثال إذا وجدت مجموعة من الناس أمامك وأردت الأستفسار عن موضوع ما من أحد الأشخاص الماثلين أمامك ففي هذه الحالة سيكون تصرفك إنطباعي لأنك ستختارين الشخص الذي أنطبع في ذهنك بأنه الأقدر على الإجابة عن أستفسارك هذه إنطباعية تلقائية لا غبار عليها ولكن الإنطباعية تكون مدمرة وظالمة حين تكون مبنية على حكم سلبي على الآخرين دون معرفة مسبقة عنهم وهذا النوع من الإنطباعية هو الوارد في أمثلتك.
ولكن السؤال يبقى كيف نتعامل مع الأنطباعيين الذين يحكمون على الآخرين ظلماً؟ مما يضطرنا في كثير من الأحيان لمواجهتهم وأيقافهم عند حدهم ، وأحياناً أخرى نلوذ بالصمت عندما نحس أن أنطباعاتهم لا تؤثر في تعاملنا مع الآخرين ولا ضرر فيها لأن الزمان كفيل بتغيير كثير من هذه المفاهيم في عقولهم ومن خلال تجربتي الشخصية وجدت أن كثير من الذين أتعامل معهم بشكل يومي أوشبه يومي يعودون ويقولون لي نحن كنا فاهمينك خطأ ويعودون زملاء أتعامل معهم والعود أحمد. ولكن إلى متي سنظل نصمت عن هؤلا الإنطباعيين فلربما لا تحين لهم الفرصة لمعرفة خطأ تعاملهم الإنطباعي؟
أعرف عشرات الأشخاص المؤهلين مهنياً وعلمياً ولهم خبرة ودراية بمهنتهم ويمتازون بقوة الشخصية ولكنهم لم يفوقوا في الحصول على وظيفة ما بسبب أنهم في المعاينة لم يعطوا أنطباعاً قوياً بأنهم أجدر بهذه الوظيفة وتم أختيار أشخاص أقل درجة منهم في كل المعايير المذكورة لأنهم وبإختصار منحوا الآخرين هذا الإنطباع.
أختي نادية
هنالك أسئلة عديدة تحيرني فيما يتعلق بالإنطباعية وربما أعود مرة أخرى لهذا البوست
مع تحياتي
عادل عبدالرحمن
|
Post: #50
Title: Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!!
Author: نادية عثمان
Date: 03-05-2006, 09:49 PM
Parent: #39
الاكرم adil rahman
شكرا على مرورك ومداخلتك الثرة والمفيدة وقد استوقفتنى هذه الفقرة
| Quote: ولكن إلى متي سنظل نصمت عن هؤلا الإنطباعيين فلربما لا تحين لهم الفرصة لمعرفة خطأ تعاملهم الإنطباعي؟ |
السؤال هو هل يعرف الانطباعى انه انطباعى وبانيا لعداءات على انطباعات قد يكون معظمها غير صحيح تماما ؟!!
|
Post: #40
Title: Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!!
Author: عبد الله عقيد
Date: 03-05-2006, 09:05 AM
Parent: #1
الأستاذة نادية
صدقتِ والله
واصلي المشاهد
خلينا النشاهد
ونتعلم
يديكِ العافية
|
Post: #41
Title: Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!!
Author: saif massad ali
Date: 03-05-2006, 09:28 AM
Parent: #40
والله ياهو
كمان انا اصدق فلان لانو مصدر موثوق بيهو لكن فلان ده زي الزئبق طالع نازل ما تعتمد عليهو
|
Post: #54
Title: Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!!
Author: نادية عثمان
Date: 03-06-2006, 09:56 AM
Parent: #41
سيف مساعد العريس
عساك طيب اخوى الطيب
اها نسرين العروس وصلت بالسلامة ان شاء الله
وشكرا للمرور الطيب
|
Post: #51
Title: Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!!
Author: نادية عثمان
Date: 03-05-2006, 10:09 PM
Parent: #40
الرجل النبيل بحق
عبد الله عقيد
Quote: واصلي المشاهد
خلينا النشاهد
ونتعلم |
تعال واصل مشاهدك فى الجنة وهنا كمان ادلو بدلوك وضع مشاهد واهو كلو علااااااااااااااااام !!
|
Post: #44
Title: Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!!
Author: انعام عبد الحفيظ
Date: 03-05-2006, 12:49 PM
Parent: #1
ندوية الغالية
واصلي المشاهد (حتى تفرغين مابداخلك من استياء والم)
وارجو ان لا تطول (حتى لايستمر المك كثيرا)
فانتي عزيزة وغالية ولا نستطيع رؤيتك متألمة
سلمتي من كل اذى
|
Post: #46
Title: Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!!
Author: القلب النابض
Date: 03-05-2006, 08:36 PM
Parent: #44
حذف للتكرار
|
Post: #47
Title: Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!!
Author: القلب النابض
Date: 03-05-2006, 08:36 PM
Parent: #44
العزيزة نادية
تحكين الواقع بعينه
ليتهم يعقلون ...
ودمت ايتها الرائعة بيننا
وخليك غياظة كدة ...لووووووول
تحياتي
|
Post: #72
Title: Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!!
Author: نادية عثمان
Date: 03-06-2006, 08:05 PM
Parent: #47
القلب النابض حبا وخيرا وذكاءا وقادا
تسلمى على الكلام الطيب وخليك متابعة ياغيااااااااااااااااظة !!
Quote: العزيزة نادية
تحكين الواقع بعينه
ليتهم يعقلون ...
ودمت ايتها الرائعة بيننا
وخليك غياظة كدة ...لووووووول |
يازولة طلعتى غياظة شديد انتى وماكنتش اعرف !!
الرسول فيك دى صورتك ولا لا ؟!!
عشان الانطباع وكده يعنى !!!
|
Post: #55
Title: Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!!
Author: نادية عثمان
Date: 03-06-2006, 10:34 AM
Parent: #44
انعام عبد الحفيظ
البت الحديقة والقلب الطاهر
بفرح لمن الاقى اسمك فى اى مكان والله
Quote: ندوية الغالية
واصلي المشاهد (حتى تفرغين مابداخلك من استياء والم)
وارجو ان لا تطول (حتى لايستمر المك كثيرا)
فانتي عزيزة وغالية ولا نستطيع رؤيتك متألمة
سلمتي من كل اذى |
عارفة يانعومة
فى ناس كتير اعتقدتو انى فتحت البوست ده لانو فى شئ زعلنى انا شخصيا او لانى عندى مشكلة !!
الحقيقة ان البوست ده فتحتو بعد رصد كببببببببببببير لحالات مختلفة حصلت لغيرى ولى فى المنبر ده ودى مشاهد انا وانتى وكلنا عارفين انها بتحصل للاسف !!
وبيتظلموا ناس كتار عشان مجرد انطباع وتتخلق عداءات ماليها اول من اخر ومعارك فى غير معترك والمحصلة زيادة معدل الكراهية والشر فى النفوس البشرية وياريت لو بحق وانما مجرد انطباع !!
وده شئ مؤلم للجميع اكيد!!
|
Post: #52
Title: Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!!
Author: Mohammed Haroun
Date: 03-06-2006, 06:42 AM
Parent: #1
الأخت العزيزة نادية
سلام من عروس البحر جده
أيتها النيلية النبيلة لا تنسي إنني في إنتظارك على قارب قرب الشاطيء لنجدف معا إلى شطآن المحبة.
(وجه ضاحك)
|
Post: #53
Title: Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!!
Author: مجدي شبندر
Date: 03-06-2006, 07:20 AM
Parent: #52
الاستاذة نادية
يجب ان تكون مساحة التوقع لحدوث الاشياء كبيرة جدا كما يجب علينا ان نفرش الارض زهور وورود لاستقبال ما هو مختلف .
هذا البورد يا نادية عبارة عن سوق تعرض فيه مختلف الاراء كما تعرض فيه بضائع شتئ ولذلك لا بد من توقع ان يكون هنالك ضعاف المفاهيم والرؤي .
لابد من النظرالي ذلك النصف الملئ من الكوب .اما النصف الفارغ سوف يمتلئ لاحقا .
يجب علينا ممارسة التمريض لاولئك الذين يعانون من انفلونزا ..........
لكم عاجل ودي
مجدي شبندر
|
Post: #57
Title: Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!!
Author: نادية عثمان
Date: 03-06-2006, 12:25 PM
Parent: #53
الغالى مجدى شبندر
التحايا البواسق لشخصك المحترم جدا
| Quote: يجب علينا ممارسة التمريض لاولئك الذين يعانون من انفلونزا .......... |
شفاهم وايانا الرب العظيم من كل امراض البشرية المستعصية يارب !!
كن متابعا هنا وهناك فلوجودك طعم الفرح ياشقيقى ..
|
Post: #56
Title: Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!!
Author: نادية عثمان
Date: 03-06-2006, 11:06 AM
Parent: #52
النبيل محمد هارون
| Quote: سلام من عروس البحر جده |
يازول اسبوعك ده لسة ماانتهى عند العروس دى ؟!!
(وجه ضاجك شديد)!!
|
Post: #58
Title: Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!!
Author: maia
Date: 03-06-2006, 12:27 PM
Parent: #1
العزيزة نادية
ما عارفة توارد خواطر ولا شنو لكن لي فترة نفسي افضفض واقول فقلت في بوست كده انه الانطباعية هي سيدة الموقف والبعض يكتب ليس من اجل الكتابة بل تمرير اشياء بيعرفوها براهم
وسياسة الكيمان المفروزة
بس في مشهد (بيغيظ)
البعض قائلا : ازيك يا شفيف /ة
الاديب/ة
ويضيع المعنى الحقيقي للكلام في المجاملات
|
Post: #59
Title: Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!!
Author: نادية عثمان
Date: 03-06-2006, 12:42 PM
Parent: #58
maia
شكرا على المرور الطيب
Quote: ما عارفة توارد خواطر ولا شنو لكن لي فترة نفسي افضفض واقول فقلت في بوست كده انه الانطباعية هي سيدة الموقف والبعض يكتب ليس من اجل الكتابة بل تمرير اشياء بيعرفوها براهم
وسياسة الكيمان المفروزة |
ده كلام سليم جدا فى الغالب تكون الانطباعية هى سيدة مواقف الكثيرين هنا سلبا وايجابا !!
فلو الانطباعى بقى مبسوط منك بيرفعك سابع سماء ولا مارقت ليهو بيخسف بيك الارض !!
نعم هى سياسة الاكوام والشلليات .. ولله فى خلقه شئون !!
|
Post: #60
Title: Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!!
Author: Hisham Amin
Date: 03-06-2006, 01:57 PM
Parent: #1
نادية عثمان
تحياتى :
كلامك صاح شديد وبصراحة اشدا كان عندى تعليق تبادر لزهنى عندما قراءت
عنوان البوست لكن عندما قراءت الموضوع قررت ان اسئالك بعيدا عن التعليق
ما هو الحل فى رائيك وما هو الدواء الذى ينفى العدائية بين البعض دون سابق معرفة؟
وتحياتى
هشام امين
|
Post: #61
Title: Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!!
Author: نادية عثمان
Date: 03-06-2006, 02:12 PM
Parent: #60
المحترم هشام امين
التحايا النواضر
ومرحبا بك فى هذا البوست
Quote: كلامك صاح شديد وبصراحة اشدا كان عندى تعليق تبادر لزهنى عندما قراءت
عنوان البوست لكن عندما قراءت الموضوع قررت ان اسئالك بعيدا عن التعليق
ما هو الحل فى رائيك وما هو الدواء الذى ينفى العدائية بين البعض دون سابق معرفة؟ |
الحل ببساطة من وجهة نظرى المتواضعة اننايجب ان نفترض فى الاخر انه (كويس )الا اذا ثبت العكس بالادلة القاطعة وليس بالانطباعات والقيل والقال من الاخرين الذين هم ايضا لايعرفون عنك اى شئ غير بعض الخيالات التى يصورها لهم البعض او التى تنقل لهم !!
|
Post: #62
Title: Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!!
Author: Hisham Amin
Date: 03-06-2006, 02:35 PM
Parent: #61
الا اذا ثبت العكس بالادلة القاطعة وليس بالانطباعات والقيل والقال من الاخرين الذين هم ايضا لايعرفون عنك اى شئ غير بعض الخيالات التى يصورها لهم البعض او التى تنقل لهم !!
وهذا مربط الفرس لذا ادعوا واسجل اقتراحا علة يجد القبول ان لا يتوانى
المحترمون من اظهار ارقام تلفوناتهم لمن يريد ان يسال عنهم فى المسنجر الداخلى
منعا للقيل والقال والمزايدة فى المعلومات وكثرة (البهارات)
ولك تحياتى مرة اخرى
|
Post: #63
Title: Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!!
Author: نادية عثمان
Date: 03-06-2006, 03:14 PM
Parent: #62
Quote: ان لا يتوانى
المحترمون من اظهار ارقام تلفوناتهم لمن يريد ان يسال عنهم فى المسنجر الداخلى
منعا للقيل والقال والمزايدة فى المعلومات وكثرة (البهارات) |
انا شخصيا ماعندى ادنى مانع ..وهى فكرة مابطالة ابدا ..بس برضو الماداير خصوصياتو وعلاقاتو بناس المنبر تتعدى العام للشخصى هو حر ومافى زول من حقو يتجسس ويفتش على تفاصيل حياتو للغمز واللمز والتشهير كما يحدث هنا للاسف !!
انا نفسى الناس تكون بتعرف بعضها كويس ومافى زول خالى من العيوب ولاكامل لكن من حق الجميع تحديد شكل علاقاتهم مع الاخر ولاانت رائك شنو ياهشام ؟!!
|
Post: #64
Title: Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!!
Author: Hisham Amin
Date: 03-06-2006, 03:54 PM
Parent: #63
كلام فى الصميم يا نادية
بس البسمع منوا ؟؟
وبكتب ليك التعليق الكنت عاوز اكتب لامن شفتا عنوان البوست لو الله سهل
تحياتى
|
Post: #68
Title: Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!!
Author: نادية عثمان
Date: 03-06-2006, 05:26 PM
Parent: #64
هشام
انا على يقين انو المنبر ده فيهو ناس حقانية جدا وعاقلة جدا .. ومعتمدة على ديل البيسمع منهم يسمع التانى وياريت نقدر نحقق ولو حتى الحد الادنى من التعامل المحترم بينا كسودانيين فى المنبر ده ..ياريت !!
|
Post: #65
Title: Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!!
Author: مصدق مصطفى حسين
Date: 03-06-2006, 03:59 PM
Parent: #1
ناديه عثمان
Quote: الحل ببساطة من وجهة نظرى المتواضعة اننايجب ان نفترض فى الاخر انه (كويس )الا اذا ثبت العكس بالادلة القاطعة وليس بالانطباعات والقيل والقال من الاخرين الذين هم ايضا لايعرفون عنك اى شئ غير بعض الخيالات التى يصورها لهم البعض او التى تنقل لهم !!
|
هو الحل بكل بساطه ،
و لكن الصعوبه فى القدره على فعل ذلك ،
فالذين لا يملكون أدوات :
( حسن الظن و حسن النيه و حسن الإفتراض )
هم سبب ( الأذيه ) ،
كونى بخير دوما .
|
Post: #66
Title: Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!!
Author: Hisham Amin
Date: 03-06-2006, 04:07 PM
Parent: #65
هو الحل بكل بساطه ،
و لكن الصعوبه فى القدره على فعل ذلك ،
فالذين لا يملكون أدوات :
( حسن الظن و حسن النيه و حسن الإفتراض )
هم سبب ( الأذيه ) ،
مصدق تعليقك جد ظريف وصادق
هشام امين
|
Post: #67
Title: Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!!
Author: waleed500
Date: 03-06-2006, 04:59 PM
Parent: #66
الانطباعية او التاثيرية حركة ادبية وفنية خرجت من اكمام حركة الطبيعية
وعاصرتها ولكن وسعت مجالها وقد استخلص انصارها الاوائل فى فرنسا منهجهم
من منهج المدرسة الانطباعية فى السوبر الزينى التى اسسها كلود جونيه
واشتق اسمها من عنوان لوحة التى عرضها عام 1874 م وصور فيها منظرا طبيعيا
وجعل عنوانها (انطباع عن الشمس الشرقية) ومنهجهم يقوم على عدة مبادى منها.
البعد عن التامل فى الاشياء والتفكير فيها والاكتفاء بالاثر والانطباع الفورى الذى
يخلقه فى الاديب الى فرض الانطباع على حواس القارى بطريقة تجعله يشارك يشارك
فى تجربة الكتاب....
اما العدائية......خايف استرسل يا استاذة نادية تقومى تقولى لى حنكك
بيش......بس هم بيعملو كده ليه؟؟؟؟؟؟؟؟؟؟؟؟؟؟
|
Post: #70
Title: Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!!
Author: نادية عثمان
Date: 03-06-2006, 07:02 PM
Parent: #67
Quote: اما العدائية......خايف استرسل يا استاذة نادية تقومى تقولى لى حنكك
بيش......بس هم بيعملو كده ليه؟؟؟؟؟؟؟؟؟؟؟؟؟؟ |
وليد خمسمائة المحترم
كدى ورينى ياود الخالة انت كوزنتك دى انطباع ولااعتراف ؟؟
شايفة ناس هنا شابكينك ياكوز ياكوز !!
وبعدين انت الكلام البيشبه التحليل ده (كلام كبار كبار ) حقك ولامنقول ؟!!
اعترف لانو ده حاينبنى عليهو انطباع ثم عداء ثم ..ربك يستر بس !!
اعترف قوام اخير ليك !!
|
Post: #69
Title: Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!!
Author: نادية عثمان
Date: 03-06-2006, 06:24 PM
Parent: #65
الفنان الجميل مصدق مصطفى حسين
سعيدة جدا بوجودك هنا ..تسلم يارب
Quote: هو الحل بكل بساطه ،
و لكن الصعوبه فى القدره على فعل ذلك ،
فالذين لا يملكون أدوات :
( حسن الظن و حسن النيه و حسن الإفتراض )
هم سبب ( الأذيه ) ، |
اهاااااااااااااااااااا
كده رجعنا لنقطة البداية ..طيب والحل شنو من وجهة نظرك انت ؟
هل نستسلم ونقول ده قدرنا فى المنبر ده ولا نحاول تجميل الصورة يافنان ؟!
كن كذلك بالف خير وعافية
|
Post: #71
Title: Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!!
Author: عاصم ابوبكر حامد
Date: 03-06-2006, 07:30 PM
Parent: #1
الاخت الرائعة
الاستاذة نادية
لكى منى الاحترام والتقدير
الاخ مصدق
لك السلام والتحية
دعنى اقتبس هذا التعبير
Quote: فالذين لا يملكون أدوات :
( حسن الظن و حسن النيه و حسن الإفتراض )
هم سبب ( الأذيه ) |
لااكثر يا استاذة
الذين لا يملكون الادوات هم سبب مشاكل المنابر وعدم الموضوعية ...
تسلموا ياشباب
|
Post: #73
Title: Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!!
Author: نادية عثمان
Date: 03-06-2006, 09:36 PM
Parent: #71
عاصم
عارفة انك عندك مشاهد كتيرة
فضفض يااخوى ..واهو بنحاول نعمل شئ كويس ..ايمكن!!!
|
Post: #74
Title: Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!!
Author: Hisham Amin
Date: 03-06-2006, 09:47 PM
Parent: #73
شغل الصحافة متعب يا نادية
شايفك اون لاين وعلى حسب ما انا عارف اسى الساعة عندكم5:30 صباحا
يعنى يا تفانى فى العمل وبشدة يا صاحيا تجهزى البت للمدرسة
الله يديك العافية بس .....
|
Post: #76
Title: Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!!
Author: نادية عثمان
Date: 03-07-2006, 07:55 PM
Parent: #74
هشام العزيز
| Quote: شغل الصحافة متعب يا نادية |
اها ده ماانطباع دى حقيقة مائة فى المائة ياهشام والله .. وربنا يرحمنا برحمته بس
Quote: شايفك اون لاين وعلى حسب ما انا عارف اسى الساعة عندكم5:30 صباحا
يعنى يا تفانى فى العمل وبشدة يا صاحيا تجهزى البت للمدرسة |
عندى حوارات للجريدة بجهز فيها وبرضو بصحى البت وانوم بعدها وانا دايرة اموت من التعب ..ربنا يدينا روح للشقاء ده يارب...
| Quote: الله يديك العافية بس ..... |
والله دى احلى دعوة وربنا يديمها عليك ياهشام اخوى يارب
|
Post: #75
Title: Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!!
Author: Isa
Date: 03-07-2006, 12:11 PM
Parent: #1
أختنا ال ما فاكّـاها في روحها نادية، تحية صادقة لكي.. وبعـدين تدفعي كم عشـان أوريك معنى فاكيها(فاكاها) في روحو/ها شـنو؟، وبيني وبينك أنا زااتي ما عارفو، لكـن ما مشـكلة هسـع بشـغل ال MSN وبجيب ليك خبرو، ولاّ كمان ممكن أخسـر عليهو تلفـون بي 15 يورو (لاحظي خمسطاشر مش تلاتين) وصححي معلوماتك بالله!!..وبعـدين الحسـاب يجمع! أوكي، شـوية جـدية: أنا عـندي تجـربة مع الانطباعية تعلمت منها أنها (الانطباعية) وتعميم الأحكام من أسوأ العادات أو الوسائل في تعاملنا مع الآخـرين.. كان ذلك قبل سنوات طويلة، بالتحـديد بداية العـام 92، وأنا جاي الخـرطوم للدراسة، طلب مني صديقي العـزيز في الثانوي وهو يودعني في محظة البص، طلب ان أكتب له عن الجـو الجامعي الجديد الذي سأجـده، وعن الأصدقاء الجـدد الذين سأعـرفهم الخ (طبعا الزمن داك ما كان في تلفونات كتيرة زي دي ولا عادية خليك من الموبايلات لكن كانت في بوسطة بمستوى معقول).. المـهم، بعد أسبوعين فقط كتبت ليه: لم أجـد شي اسمو الجـو الجامعـي أصلا.. فقط وجـدت أطفال (كبار) تنقصهم البراءة الخ ..(كان ذلك هو انطباعي، وربما ساهم فيه إنو أنا جيت من مدرسة ثانوية (كانت) متميزة، وتربي طلابها بصورة فيها الكثير من النضج، هي خـورطقت).. المـهم بعـد فترة قصيرة تعـرفت بشكل أكـبر على بعض أولئك (الأطفال)، وأصبحنا أصدقاء بحق، سواء من الآولاد والبنات.. والآن وبعـد 14 سنة.. فأنا مازلت أراهم أجمـل وأفضل مخلوقات جـادت بها الأرض على السـماء! طبعا انطباعي الأولاني داك برضـو خلاني اتعامل مع كثير من الزملاء بشكل مختلف في الأيام الأولى، أقصد فقط ببعض التحفظ والانغلاق..وعموما، ولأنك إنتي برضـو دفعة! (راجعي تواريخ التسـجيل)، فما قمت طوالي أخـدت عنك انطباع زي الأخدتو عن ناس مجموعتي في الدراسة.. عايـز أقول حقو وببساطة نحـكم على الناس بعـد التعامل المنفتح والمحايد معاهم، وليس لمجـرد إنو في شخص لم تعجـبنا طريقتو في الكتابة أو أسلوبو أو ميولو السياسية أو الدينية الخ (هنا في المنبر)، أو لم تعجبنا طريقتو في الكـلام أو اللبس او غيرو (خارج المنبر).. فربما، أو غالبا في الحقيقة، سنكتشف ومتأخـر خالص أن حكمنا الانطباعي (السـلبي) ذاك قد جانبه الصواب... ولكي الشـكر الكتير...
|
Post: #77
Title: Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!!
Author: نادية عثمان
Date: 03-07-2006, 08:53 PM
Parent: #75
Isa
| Quote: أختنا ال ما فاكّـاها في روحها نادية، تحية صادقة لكي.. وبعـدين تدفعي كم عشـان أوريك معنى فاكيها(فاكاها) في روحو/ها شـنو؟، وبيني وبينك أنا زااتي ما عارفو، لكـن ما مشـكلة هسـع بشـغل ال MSN وبجيب ليك خبرو، ولاّ كمان ممكن أخسـر عليهو تلفـون بي 15 يورو (لاحظي خمسطاشر مش تلاتين) وصححي معلوماتك بالله!!..وبعـدين الحسـاب يجمع! أوكي، |
فوق الخمستاشر بدفع ليك عشرين يورو بس ورينى حرفيا كده (فاكاها فى روحها يعنى شنو وفاكة شنو تحديدا)؟!!
اخوى قال لى معناها الفاكة شعرها وبتتفلهم بيهو صحى ؟!!
قصتك حلوة شديد
والحكمة دى بمائة الف يورو
| Quote: عايـز أقول حقو وببساطة نحـكم على الناس بعـد التعامل المنفتح والمحايد معاهم، وليس لمجـرد إنو في شخص لم تعجـبنا طريقتو في الكتابة أو أسلوبو أو ميولو السياسية أو الدينية الخ (هنا في المنبر)، أو لم تعجبنا طريقتو في الكـلام أو اللبس او غيرو (خارج المنبر).. فربما، أو غالبا في الحقيقة، سنكتشف ومتأخـر خالص أن حكمنا الانطباعي (السـلبي) ذاك قد جانبه الصواب... ولكي الشـكر الكتير... |
يديك الف عافية يارب
|
Post: #78
Title: Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!!
Author: قرشـــو
Date: 03-08-2006, 07:28 AM
Parent: #1
العزيزة نادية
الحكاية والله فعلا عجيبة
والأعجب ان تكون هناك تكتلات ولوبيز
والحكاية تبقى قبائل وشلليات
وعييييييييييييييك
وزى ما قالوا
خليها على الله
|
Post: #79
Title: Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!!
Author: نادية عثمان
Date: 03-08-2006, 07:49 AM
Parent: #78
قرشو الغالى
تسلم على المرور الباهى
ومن عندى برضو واحد
عييييييييييييييييييييييك !!
الحكاية جد مؤلمة ياقرشو اخوى والله
|
Post: #80
Title: Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!!
Author: سجيمان
Date: 03-08-2006, 08:47 AM
Parent: #79
نضم في التنك.....وما تنسي الايميلات لمقاطعة اعداء الديمقراطية والتقدمية والتحرر
|
Post: #81
Title: Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!!
Author: بكري اسماعيل
Date: 03-08-2006, 03:51 PM
Parent: #80
الأستاذة / نادية عثمان
لك ولضيوفك التحايا العطرة
هوني عليك يا أختي فالمسألة ما مستاهلة دة كلو
مفتاح الحل يكمن في اللاءات التلاتة :
لا نحب لا نكره لا نحزن
ومن راقب البورد مات هماً ( دة شعاري أنا )
عميق ودي ،،
|
Post: #86
Title: Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!!
Author: نادية عثمان
Date: 03-09-2006, 11:07 PM
Parent: #81
الاكرم بكرى اسماعيل
| Quote: ومن راقب البورد مات هماً ( دة شعاري أنا ) |
كلامك صاح مائة المائة
بس المشكلة انا مامراقبة البورد وانما البورد هو المراقبنى !!
|
Post: #87
Title: Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!!
Author: Ahmed Abdallah
Date: 03-10-2006, 03:07 AM
Parent: #86
بس المشكلة انا مامراقبة البورد وانما البورد هو المراقبنى
غايتوا أنا ما واحد من ديل !!!!!!!!!!!!!!!! ??
  
|
Post: #88
Title: Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!!
Author: نادية عثمان
Date: 03-10-2006, 09:30 AM
Parent: #87
احمد عبد الله
| Quote: غايتوا أنا ما واحد من ديل !!!!!!!!!!!!!!!! ?? |
احلف !!!!!
|
Post: #91
Title: Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!!
Author: Ahmed Abdallah
Date: 03-10-2006, 08:24 PM
Parent: #88
وحيات عيونك
|
Post: #93
Title: Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!!
Author: نادية عثمان
Date: 03-10-2006, 11:11 PM
Parent: #91
احمد عبد الله
عيونى ماغاليات عليك وممكن تحلف بيهم كضب ساااااااااااااى !!
احلف بى الله الخلقنى وخلقك !!
|
Post: #82
Title: Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!!
Author: نادية عثمان
Date: 03-08-2006, 08:01 PM
Parent: #80
سجيمان اخوى العزيز
نورت البوست بالطلة الغالية والله
عساك طيب يازول ياابو قلب طيب
| Quote: نضم في التنك.....وما تنسي الايميلات لمقاطعة اعداء الديمقراطية والتقدمية والتحرر |
الرسول فيك ياسجيمان كان فاهم تفهمنى ..العلاقة شنو بين الكتابات السجيمانية والناديوية والمنتجات الدنماركية ؟!!
جد محتارة لانو ايميلات التحريض لمقاطعة بوستاتى وبوستاتك كانت فى ايميل واحد وتوقيت متزامن مع مقاطعة المنتجات الدينماركية ..نكون جبنة لافاش كيرى ونحنا ماعارفين ولاشنو ياسى جى ؟!!
ده موش انطباع والله ده جن احمر عديل كده !!
ولا انت شن قولك ياسى جى اخوى ؟!!
المر خبارو قاطع الارسال ؟!! سلم عليهو كتييير !!
|
Post: #96
Title: Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!!
Author: سجيمان
Date: 03-11-2006, 07:31 AM
Parent: #82
| Quote: جد محتارة لانو ايميلات التحريض لمقاطعة بوستاتى وبوستاتك كانت فى ايميل واحد وتوقيت متزامن مع مقاطعة المنتجات الدينماركية |
ندوية..دا عشان انتي طلعتي اسمح منهن..وافهم منهم....وانا طلعت اضكر منهم كلهم....وهزمناهم شر هزيمة.....وهو بيفتكرو الناس غنم وممكن يسوقوهم محل ما دايرين
|
Post: #84
Title: Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!!
Author: نجود حسن عبد الرحمن
Date: 03-09-2006, 07:11 AM
Parent: #79
العسسسسسسسل ندوية
شوقنا كمياااااااااااااات
تعرفى البوست دة جا فى وقتو ..
تسلمى ..
|
Post: #90
Title: Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!!
Author: نادية عثمان
Date: 03-10-2006, 08:11 PM
Parent: #84
نجووووووووووووووووووووووود
| Quote: تعرفى البوست دة جا فى وقتو .. |
كدى تعالى وضحى لى تفصليا كده البوست جاء فى وقتو كيف وليه ؟!!!! (وجه مستهبل) !!
|
Post: #83
Title: Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!!
Author: مصدق مصطفى حسين
Date: 03-09-2006, 07:04 AM
Parent: #1
Quote: طيب والحل شنو من وجهة نظرك انت ؟
|
خلينى أحكى ليك طرفه صغنونه إمكن تلقى فيها الحل :
ود الشايقى كان مدافع فى فريق المريخ و تم إختيارو للفريق القومى ،
و فى أول مباراة له مع المنتخب دخلت فى شباك العملاق سبت دودو 3 أهداف نتيجة
أخطاء ود الشايقى .... كانت أول مره تحدث أنو تدخل 3 أهداف فى مرمى
سبت فى شوط واحد !!! يحكى ود الشايقى فيقول :
و نحن طالعين من الملعب فى نهاية الشوط الأول جيت قريب من سبت و انا
خايف من زعلو و داير لى منو كلمة تشجيع بحكم إنو دى اول مباراة لى مع
المنتخب القومى .. فسألتو : كيف أنا كنت يا كابتن سبت ؟
و تنصحنى بى شنو ؟؟
قال ليهو سبت :
أنسهك تبتل الكوره دى خالس خالس
أها إن شاالله يا ناديه عرفت الحل ؟
|
Post: #85
Title: Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!!
Author: الأمين عثمان صديق محمد
Date: 03-09-2006, 09:39 AM
Parent: #83
| Quote: أنسهك تبتل الكوره دى خالس خالس |
المحترم مصدق
سلام
ولحدي ما تجي نادية اقول ليك كلام سبت في الصميم وانا اتفق تماما معك ومعه
تصدق انا ذاتي تروادي فكرة تبطيل كورة المنبر دي رغم اني اعتبر لسه جديد في المنتخب زي ود الشايقي كدا وتاني اتراجع عشان ناس نادية ونجود وسعد الدين وناذر وميادة وبعض الذين يصنعون البهجة بمثل مداخلتك هذه
وود الشايقي وسبت بيناتهم طرائف كتيرة
مرة ود الشايقي في لقاء تلفزيوني قال بعد ما ترك المريخ وانتقل للهلال كان في مبارة بين الهلال وفريق تعبان كدا قال غلبنا الفريق دا يمكن سبعة وهو الباك جاب فيهم قون ومافي أي كورة جات لي سبت
قال سبت قال لي : شايقي شوت علي خلي نعمل لقطة الجمهور دا يصفق شوية
ود الشايقي قال مسكت لي كورة وعاينت لي سبت دا كويس وعلقت ليهو في الثمانية هناااااك قون !!!! قال سبت عاين لي كدا وقال لي
شايقي انت لسه مريخ !!!!!!!!
|
Post: #95
Title: Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!!
Author: نادية عثمان
Date: 03-11-2006, 07:19 AM
Parent: #85
الامين عثمان العزيز
لوجودك طعم الفرح فكن فى الجوار دوما
وكن بالف خير
|
Post: #94
Title: Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!!
Author: نادية عثمان
Date: 03-10-2006, 11:21 PM
Parent: #83
الفنان مصدق مصطفى
Quote: أنسهك تبتل الكوره دى خالس خالس
أها إن شاالله يا ناديه عرفت الحل |
فهمت ولو لقيت تشجيع شدددددددددددددددددددددددديد حااحتفل معاكم ببوست الاعتزال قريب كمان !!
اعتزال المنابر خسارتو الكبرى هى الابتعاد عن اخوة انقياء وجميلين امثالك واخرين كتاار يامصدق
وده البخلينا نتحمل سخف الانطباعات الخاطئة ونتمنى تزول !!!
|
Post: #89
Title: Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!!
Author: حسن الجيلى سعيد
Date: 03-10-2006, 11:00 AM
Parent: #1
نادية العزيزة
غايتو بعد كتاباتك وتعليقاتك دى انتى اتصنفتى خلاص ربنا اكون فى عونك اناخايفك تحصلى ناس فلانه اللطلعو مع الجماعة على حسب تحليلات الجماعة التانين..واكان فهمتى اشرحى لى ...
اديك العافية
|
Post: #97
Title: Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!!
Author: نادية عثمان
Date: 03-11-2006, 07:31 AM
Parent: #89
الاكرم حسن الجيلى سعيد
Quote: نادية العزيزة
غايتو بعد كتاباتك وتعليقاتك دى انتى اتصنفتى خلاص ربنا اكون فى عونك اناخايفك تحصلى ناس فلانه اللطلعو مع الجماعة على حسب تحليلات الجماعة التانين..واكان فهمتى اشرحى لى ...
اديك العافية |
اقايتو الحاجة الوحيدة الفهمتها من كلامك ده قولة الله يديك العافية !!
اها كده شوف لينا بوردابى محنك يشرح لينا كلامك ده وكت انت الكتبتو مافاهمو (وجه حاسى بانطباع ماهناى كده )!!
|
Post: #92
Title: Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!!
Author: عاصم ابوبكر حامد
Date: 03-10-2006, 08:27 PM
Parent: #1
سلامات يا شباب
قلت امر من هنا واقول السلام عليكم
سلامات يا استاذة
|
Post: #98
Title: Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!!
Author: نادية عثمان
Date: 03-11-2006, 09:16 AM
Parent: #92
مشهد :
يابهاء شفت الخور فيهو شنو الليلة ؟!!
لا والله لسة مادخلت الخور الليلة فيهو شنو بالله ؟!!
ياخ والله لو ما الخور ده انا كنت منعت سماح اختى تقرا منبر بكرى ده خالس خالس !!
كيف ؟!!
الحمد لله اختى زائرة ساى ومابتقدر تخش الخور لانو لو دخلت هناك حاتعرف كلمات وتجى تسألنى منها والبت برئية مابتعرف جنس الشفتنة دى ياخ !!
طيب دقيقة امشى اشوف اخر التطورات الراهنة فى الخور واجيك راجع
سمح ؟!!
ثم !!
|
Post: #99
Title: Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!!
Author: Dr. Moiz Bakhiet
Date: 03-11-2006, 09:21 AM
Parent: #98
وين يا حبيبو انت ياخ..
|
Post: #100
Title: Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!!
Author: نادية عثمان
Date: 03-11-2006, 09:42 AM
Parent: #99
عزووووووووووووووووووووووووووو
بسمع فى وردى وهسة بقول :
ماقادر اقول لك عن حبى الكبير
وصفو عليا قاسى وعايش فى الضمير
قدر الكون ده كلوووووووووو حبى واكبر بى كتير
مالكنى ومحيرنى
شوف قلبى الاسير
اسأل قلبى ايمكن يقدر يشرح حبى
انا محتاااااااااااااااااااااااااااار !!
انا موجودة بس لمن اكون زهجانة ببعد عن المنتدى بتاع عكس الريح بناسه الحلوين لانو هم ماليهم اى ذنب !!
منتظراك فى الماسنجر !!
|
Post: #102
Title: Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!!
Author: نادية عثمان
Date: 03-11-2006, 05:50 PM
Parent: #100
مشهد:
انت الزول ده مالو غائب ليهو كم يوم ؟
بينى وبينك احمد قال لى فى الماسنجر الداخلى انو بكرى ركبو التونسية !!
انتو التونسية دى شنو ؟!!!
|
Post: #101
Title: Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!!
Author: نادية عثمان
Date: 03-11-2006, 01:29 PM
Parent: #92
عاصم ولدى
انت وين مسجل غياب ياخ ؟!!
|
Post: #103
Title: Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!!
Author: نادية عثمان
Date: 03-11-2006, 06:49 PM
Parent: #101
مشهد:
فتحية زائرة من عشاق الاطلاع على المنبر العام وحافظة اسماء الناس الفيهو كلهم نفر نفر ..اها قامت سوسن صاحبة فتحية المشاركة فى المنبر قالت ليها انتى يافتحية اختى ماتجى اكلم ليك بكرى يسجلك معانا وكت اصلك مكسرة فى المنبر ده كدى !!
فتحية قالت لسوسن :
برى يايمة انتو البنات بالذات فى المنبر ده مابتريدوا بعض وبتكجنوا بعض ومقاطعين بوستات بعض بى الله واحد !!
سوسن قالت لفتحية لا ياخ ده انطباع خاطئ ساى .. انتى غلطانة !!
فتحية قالت لسوسن :
عاد يابت امى شوف عينى زول جابوا لى مافى ودايرة تغالطينى كمان ؟!!
سوسن صمتت لانها لا تدرى ان كان انطباع فتحية صديقتها الزائرة فى مكانه ام لا !!!!
|
Post: #104
Title: Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!!
Author: نادية عثمان
Date: 03-11-2006, 09:29 PM
Parent: #103
مشهد:
جابر قال لابتسام فى التلفون شفتى العويرة دى نزلت بوست عوير كده شوفتيه ؟!!
ابتسام قالت ليهو:
برى ياجابر الرسول تحكى لى قصتو !!
جابر قال ليها:
انتى عويرة ولاشنو انا بتكلم فى تلفون دولى بطلى عوارة وخشى الماسنجر اديك الرابط !!
|
Post: #105
Title: Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!!
Author: نادية عثمان
Date: 03-12-2006, 10:54 PM
Parent: #104
قيل ان :
العداء من غير سبب ..............!!!!
|
Post: #106
Title: Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!!
Author: AMNA MUKHTAR
Date: 03-17-2006, 11:42 AM
Parent: #1
*
|
Post: #107
Title: Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!!
Author: نادية عثمان
Date: 03-17-2006, 04:46 PM
Parent: #106
امنة مختار
شكرا على رفع البوست !!!
|
Post: #108
Title: Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!!
Author: نادية عثمان
Date: 03-17-2006, 06:01 PM
Parent: #107
سبحان الله !!
حتى بوست الانطباعية زاتو عندهم انطباع انو مكتوب عن انطباعاتهم !!
انطباع !!
ثم !!
|
Post: #109
Title: Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!!
Author: نادية عثمان
Date: 03-17-2006, 06:07 PM
Parent: #107
سبحان الله !!
حتى بوست الانطباعية زاتو عندهم انطباع انو مكتوب عن انطباعاتهم !!
انطباع !!
ثم !!
|
Post: #110
Title: Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!!
Author: نادية عثمان
Date: 03-17-2006, 06:30 PM
Parent: #109
مشهد:
اسمع ياعبدالله اخوى وده اخر كلام اقولو ليك
انت زول ظنك سئ وانا مابحب التبرير الكتير !!
لكن فى شئ وااااااااااااااحد لازم تعرفو كويس
انى للاسف الشديييييييييييييييييد
مابعرف اكره زول !!
|
Post: #111
Title: Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!!
Author: نادية عثمان
Date: 03-17-2006, 07:21 PM
Parent: #110
الظالم الله مابخليهو !!
وسؤ الظن بالناس اسوا شئ فى الخربانة ام قدود !!
واخرتها كوم ترااااااااااااااااااااااااب !!
|
Post: #112
Title: Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!!
Author: نادية عثمان
Date: 03-17-2006, 07:29 PM
Parent: #111
لو عرفت كيف الانسان ممكن يكره اخوه الانسان من وراء مجرد كى بورد !!
والله كنت ارتحت !!!
|
Post: #113
Title: Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!!
Author: Ahmed Abdallah
Date: 03-17-2006, 07:55 PM
Parent: #1
ندوووية ....
الولد معتصم ده قولي ليه إتخارج خلاص ...
Quote: مجرد انطباع
ثم !!!!! |
|
Post: #114
Title: Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!!
Author: نادية عثمان
Date: 03-17-2006, 08:03 PM
Parent: #113
حمااااااااااااادة
Quote: ندوووية ....
الولد معتصم ده قولي ليه إتخارج خلاص ... |
قول ليهو انت ايمكن يسمع كلامك !!!!
انطباع !!
ثم !!!
|
Post: #115
Title: Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!!
Author: Ahmed Abdallah
Date: 03-17-2006, 08:15 PM
Parent: #114
| Quote: قول ليهو انت ايمكن يسمع كلامك !!!! |
كلام القصير ما بتسمع ..... كان زمان
الليييييييييلة انا مااااااااالي ......
|
Post: #116
Title: Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!!
Author: نادية عثمان
Date: 03-17-2006, 09:05 PM
Parent: #115
Quote: كلام القصير ما بتسمع ..... كان زمان
الليييييييييلة انا مااااااااالي ...... |
منو القال انت قصير ؟!!
انت طويييييييييييييل وقدير جرب بس وكلامك مسموع باذن الله !!
|
Post: #117
Title: Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!!
Author: نادية عثمان
Date: 03-18-2006, 10:33 AM
Parent: #116
مشهد:
عارف يابكرى ؟!!
انت حاتخش الجنة باذن الله
عارف ليه ؟
لانك والله جمعتنى انا شخصيا من خلال هذه المساحة باخوة واخوات اسعد واتشرف بأن عرفتهم والتقيتهم فى حياتى وده كلو بسبب مساحاتك الصغيرة فى حجمها الكبيرة فى معناها دى !! وفى واحدين ماالتقيتهم بس بحبهم من قلبى لانهم اهل لكل الحب والتقدير والصفاء الفى الدنيا واتمنى التقيهم !
بكرى
انت واحد من الناس الانا التقيتهم فى المنبر ده.. وبعد داك التقيتك فى ارض السودان الوطن الكبير خارج حدود المنبر .. وسعيدة باخوتك وصداقتك ومعرفتك الرائعة جدا
وانت فعلا زول
صبور
وكريم جدا
وروحك حلوة
وقلبك ابيض زى اللبن الحليب
ده موش انطباع وبس
لكن لانى على الاقل لاقيتك وقعدت معاك وكمان اكلنا العيش والملح والملاح سوة يابكرى
قلبى بيقول لى انك بعد عمر مديد باذن الله
حاتخش الجنة !
لو صدق احساسى ودخلت الجنة يابكرى عليك الله اتوسط لكل ناس سودانيز اون لاين يخشوا معاك !!
سمح ؟!!
|
Post: #118
Title: Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!!
Author: نادية عثمان
Date: 03-18-2006, 11:10 AM
Parent: #117
من الناس البحبهم واحترمهم جدا فى المنبر ونفسى الاقيهم ناس كتاااااااااااااااااااااااار
منهم الغالية الحبيبة ام الزهرات الثلاثة د. نجاة (بيان)
لانها والله زول حلو وقلبو طيب جدا وسودانية اصيلة وحقانية جدا وانا بحبها بدون اى انطباع لانى عاشرتها عشرة طويلة من خلال المنبر وبتمنى الاقيها فى اقرب فرصة باذن الله
لك منى كل الحب د. بيان الكاتبة والباحثة والمثقفة والانسانة الرائعة ..
|
Post: #119
Title: Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!!
Author: نادية عثمان
Date: 03-18-2006, 11:44 AM
Parent: #118
وبرضو من الناس الرائعين جدا
العرفتهم من خلال المنبر وقابلتهم فى السودان ولقيتهم احلى ناس
نجود الغالية
وعنيدة المثقفة
وملكة سبأالشاعرة المرهفة
بنات زى الورد ربنا يحفظهم ياااااااااارب
|
Post: #120
Title: Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!!
Author: نادية عثمان
Date: 03-18-2006, 12:23 PM
Parent: #119
لؤى شمت
الشهامة والرجولة الحقة تمشى على قدمين !!
يعرفنى من قبل ان اعرفه وقبل اشتراكى فى هذا المنبر من خلال مشاهدته لى فى سهرة تلفزيونية سجلها واحتفظ بها الى ان جمعنا الله هنا فى منبر بكرى وكان نعم الاخ الفاضل المهذب
وفى القاهرة التقيته ووجدته هو ذلك الرجل الرائع الذى تعجز الكلمات عن وصف معناه ومنتهى آدميته !!
يآآآآآآآآآآآآآآآآآآآه يالؤى يوصفوك بياتو حروف انت ياخ ؟!!
|
Post: #121
Title: Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!!
Author: نادية عثمان
Date: 03-18-2006, 12:47 PM
Parent: #120
سعد الدين عبد الرحمن
من خلال معرفتى به من هذا المنبر وجدته
رجل كالبلسم
طيب قلبه
طيب لسانه
لايخشى فى قول الحق لومة لائم !!
ربنا يحفظك ياسعد ويفرح بيك امك وابوك يارب ..
|
Post: #122
Title: Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!!
Author: نادية عثمان
Date: 03-18-2006, 01:20 PM
Parent: #121
تماضر شيخ الدين
ليس لكونها تلك الممثلة التى يحبها كل الشارع السودانى فحسب !
ولكن لكونها انسانة بكل معنى الكلمة ومن منتهى انسانيتها نبع جميل فنها وكانت تماضر شيخ الدين هذا الاسم الرنان المحترم لفنانة مخضرمة وناجحة ومحبوبة جدا !
لم التقيها الا من خلال مشاهدتى لها عبر اعمالها الدرامية والمسرحية ومن خلال هذا المنبر قبل اشتراكى فيه فقد كنت ومازالت من المتابعين لكل حرف تخطه بأناملها الرقيقة المترعة خيرا وحبا وانسانية وجمالا ..
احترم فيها احترامها لذاتها .. وطولة بالها .. ومنتهى رحمتها ودافق عطفها فلتماضر امومة زائدة تغدقها حتى على من هم أكبر منها سنا .. فامومة وحنية تماضر ليست لها اى حدود!
تماضر شيخ الدين من خلال معرفتى بها من خلال هذا الحوش خرجت بانطباع مفاده انها كائن جميل لا تستطيع الا ان تحبه جدا ..
وانا احبها جدا واتمنى ان تجمعنى بها الحياة والتقيها (فيس تو فيس) ففى ذلك مسرة لقلبى وتحقيق لامنية غالية .. ارجو من الرب تحقيها يوما من الايام ..!
قد يقول قائل :
ان الحب احيانا يكون من طرف وااااااااااااحد !!
حتى وان كانت هذه الحقيقة (المرة) ! فهذا لايجعلنى ابدا ارتكب جريمة اخفاء الحب وهو فى شريانى نابض ويضخه قلبى الى عقلى .. ومنه الى جميع اركان الروح فى الجسد !!
|
Post: #123
Title: Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!!
Author: نادية عثمان
Date: 03-18-2006, 06:41 PM
Parent: #122
اشمعنى صورتى العاملة لى بعض الناس داخل وخارج هذا الاطار قلق !!
ياربى عشان عاملة روج ؟!!
مائة واحدة فى المنابر خاتين صورهم ..ومائة واحد شايل وشو وحايم بيهو .. زول سالو مافى !!
اياها دى خلقتى الخلقنى بيها الله (اللهم الا حبة الروج والدلال ديل ختيتهم براى !!) وماخجلانة من خلقة الله انا ... كان سمحة احمد ربنا وكان شينة احمد ربنا واللهم لا اعتراض على امرك !!
مع انى والله ماشايفة روحى اسمح من زول ولا شايفة زول الله خلق وشو ده شين لكن الجمال بالجد جمال العشرة والقلب والاخلاق والتعامل بين الناس !!
سماحة شنو السماحة طايرة ياخ !!
|
Post: #124
Title: Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!!
Author: نادية عثمان
Date: 03-18-2006, 09:32 PM
Parent: #123
قاسم المهداوى
بوردابى القاهرة
هو رجل ملئ بالنشاط
والحيوية
يحمل فى دواخله انسان رائع ويرتدى قبعتين احداهما للفنان الذى مااستطاع اخراس صوته فى دواخله والاخرى للسياسى الناشط فى حركة حق والقيادى البارز
يعجبنى فيه انه رجل تقدمى لانه سعيد بأن ترأسه امراة هى النبيلة الاستاذة هالة الرئيسة الشرعية لحركة حق ..
قا
رجل فنان فى شكل سياسى وسياسى فى شكل فنان!!
يعجبنى جدا اعتزازه ببقاريته !!
|
Post: #125
Title: Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!!
Author: لؤى
Date: 03-20-2006, 02:27 PM
Parent: #120
أختي الحبيبة نادية
تحاياي ومحبّتي
لكلّ شخص في هذه الدّنيا صفات متباينة ، جوانب مضيئة وجوانب مظلمة ، يتحكّم في إظهار بعضها بوضوح على البعض الآخر في أغلب الأحيان المرآة التي يقف أمامها الإنسان .. وددت بإختصار القول بأنّك مرآة ناصعة الصّورة ، لذا بدا لكِ لؤي كما رأيتيه ..
لكِ منّي كلّ الإحترام والتقدير
ـــــ
انا في البعيد مشتاق لهمسة من الوطن يانسمة
[email protected]
|
Post: #126
Title: Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!!
Author: نادية عثمان
Date: 03-20-2006, 05:52 PM
Parent: #125
| Quote: وددت بإختصار القول بأنّك مرآة ناصعة الصّورة ، لذا بدا لكِ لؤي كما رأيتيه .. |
وانت رجل شفاف ابيض الضمير ونقى الاخلاق ولايمكن رؤيتك سوى هكذا ومن هذا المنظارالصادق !!!!!!!
كن بالف خير ايها الرجل المعافى من الامراض الخبيثة للبشرية !!
|
Post: #127
Title: Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!!
Author: نادية عثمان
Date: 03-20-2006, 06:48 PM
Parent: #126
دنيا ولا غابة ياربى ؟!!!!!!!!!!
|
Post: #128
Title: Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!!
Author: مصدق مصطفى حسين
Date: 03-20-2006, 07:12 PM
Parent: #1
| Quote: اعتزال المنابر خسارتو الكبرى هى الابتعاد عن اخوة انقياء وجميلين امثالك واخرين كتاار يامصدق |
شكرا أيها النقيه ،| Quote: دنيا ولا غابة ياربى ؟!!!!!!!!!! |
سؤال مشروع ،
و برضو ما حتلقى إجابه !!
مشكلتك مشكله
|
Post: #130
Title: Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!!
Author: نادية عثمان
Date: 03-20-2006, 07:32 PM
Parent: #128
مصدق الفنان الجميل
Quote: سؤال مشروع ،
و برضو ما حتلقى إجابه !!
مشكلتك مشكله |
ممكن طلب؟
عايزاك ترسمنى وانا فى الحالة دى وبرضو فى حالة العوارة ديك ممكن ؟!!
|
Post: #129
Title: Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!!
Author: ثابت محمد
Date: 03-20-2006, 07:13 PM
Parent: #1
نادية عثمان يانسمة
إنتي عارفة ناس الإنطباع والكراهية بدون سابق معرفة ديل
مابطلعو من الأسباب أدناه
= الحقد
= الحسد
= سيطرة الشللية ( التبعية )
= الفراغ
= حب السخرية من عباد الله
= الشعور بالنقص والدونية
= الحرمان
= الإفلاس
= مشكلة مستعصية ( يفكها في الناس )
= الفشل في الحياة فيستوي عنده الحق والباطل
لكن
كل الأســباب السابقة يلزمها
الخـــواء الفكــري لتكتمل دورة الكراهية
الخواااااء يا نادية تلك هي المصيبة الكُبــرى
أقول قولي هذا وأستغفر الله للجميع ولشخصي
قال ثابت كل هذا ثمّ ضغط مفتاح ( Enter ) وهو يطنطن
|
Post: #131
Title: Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!!
Author: نادية عثمان
Date: 03-20-2006, 09:18 PM
Parent: #129
| Quote: قال ثابت كل هذا ثمّ ضغط مفتاح ( Enter ) وهو يطنطن |
كل الكلام المهم جدا الكتبتو ده مفهوم بس لازم تورينى هسسسسسسسسسسسسسسسسسسسسسع دى كنت بتطنطن تقول فى شنو ؟!!
|
Post: #132
Title: Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!!
Author: نادية عثمان
Date: 03-22-2006, 08:37 PM
Parent: #131
معتصم دفع الله
الشقيق الذى لم تلده أمى
ان شاء الله يوم شكرك مايجى يازول ياسمح !!!!!!!!
|
Post: #133
Title: Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!!
Author: نادية عثمان
Date: 03-23-2006, 06:44 AM
Parent: #132
مشهد:
اسمعى ياابتسام انا ماشة الليلة عندنا عرس احرسى البورد ده لمن اجى
وحايكون معانا تلاتة من البورداب حانتصور ونجى نفتح بوست بالصور
وبالمناسبة الحنة حاتكون شتاااااااااااااات يافردة !!
انتى تعالى اقول ليك مشاهدين تلفزيون السودان اكثر ولا زوار المنبر حق بكرى ده ؟!!
|
Post: #135
Title: Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!!
Author: نجود حسن عبد الرحمن
Date: 03-23-2006, 07:08 AM
Parent: #133
Quote: وحايكون معانا تلاتة من البورداب حانتصور ونجى نفتح بوست بالصور
|
وب على ياندو الحفله دى فاتتنى
سلمى لى على الاتنين المعاك
قلت اخش اثلم عليكى بوستيكى سمح شديد
|
Post: #137
Title: Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!!
Author: نادية عثمان
Date: 03-25-2006, 02:04 PM
Parent: #135
نجوووووووووووووووووووووووود
العسللى
Quote: وب على ياندو الحفله دى فاتتنى
سلمى لى على الاتنين المعاك |
والله كانت سماحة حفلة يافردة .. فاتتك بالجد اقايتو !!!
اها ماسألتينى يعنى الكانوا معاى منو ومنو ومنو ؟!!
|
Post: #138
Title: Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!!
Author: نجود حسن عبد الرحمن
Date: 03-26-2006, 02:18 AM
Parent: #137
Quote: والله كانت سماحة حفلة يافردة .. فاتتك بالجد اقايتو !!!
|
من ناحيه سمحه وفاتتنى دى مافيها اتنين تلاته
| Quote: اها ماسألتينى يعنى الكانوا معاى منو ومنو ومنو ؟!! |
غير وديدى ومعتصم دفع الله فى زول تالت وانا ما اعرفش
|
Post: #134
Title: Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!!
Author: سامي عبد الوهاب إدريس
Date: 03-23-2006, 07:06 AM
Parent: #1
الأخت نادية
لك التحية
أرجو أن يظل هذا البوست مرفوع إلى أن يتعلم منه بعض الذين نصبوا أنفسهم قضاء وحكام وجلادين ومارسو شتى أنواع العنف اللفظي الذي نبع من إنطباعيتهم بل ومن سطحيتهم...
لماذا لا يعرف هؤلاء أن للكل حق التعبير عن رأيه مهما كان هذا الرأي؟؟؟؟
وإنت عارفة في بعض الناس إتعود على الهجوم والنقد الغير مؤسس والتطاول والخلط بين الأمور...
والبعض الآخر عايز يسيس كل شئ...
هل هذا البورد للسياسة والسياسين فقط؟؟؟ إذاً فلابدّ من الرحيل
وإذا الجواب بلا (وهذا ما أعتقد) فدعونا نكتب ما نشاء وأكتبو ما شئتم...
وفي النهاية في خور يا جماعة
وأرجو أن تواصلي أختي نادية
|
Post: #136
Title: Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!!
Author: نادية عثمان
Date: 03-24-2006, 11:47 AM
Parent: #134
الى حين عودة !!
|
Post: #140
Title: Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!!
Author: نادية عثمان
Date: 03-26-2006, 11:17 AM
Parent: #134
الاخ النبيل سامى عبد الوهاب ادريس
| Quote: أرجو أن يظل هذا البوست مرفوع إلى أن يتعلم منه بعض الذين نصبوا أنفسهم قضاء وحكام وجلادين ومارسو شتى أنواع العنف اللفظي الذي نبع من إنطباعيتهم بل ومن سطحيتهم... |
هناك من يريد لهذا البوست تحديدا ان يذهب الى اسفل سافلين لان انطباعهم عنه كان انطباعيا هو الاخر اذ اعتقدوا اننا اقصدهم هم تحديدا دون الاربعة الاف عضوية ..وعجبى !!!
Quote: لماذا لا يعرف هؤلاء أن للكل حق التعبير عن رأيه مهما كان هذا الرأي؟؟؟؟
وإنت عارفة في بعض الناس إتعود على الهجوم والنقد الغير مؤسس والتطاول والخلط بين الأمور...
والبعض الآخر عايز يسيس كل شئ... |
هذه هى الحقيقة الموجعة جدا للاسف !!
Quote: هل هذا البورد للسياسة والسياسين فقط؟؟؟ إذاً فلابدّ من الرحيل
وإذا الجواب بلا (وهذا ما أعتقد) فدعونا نكتب ما نشاء وأكتبو ما شئتم...
وفي النهاية في خور يا جماعة |
عارف ياسامى ؟
انا شغلى هو كتابة الاخبار السياسية ومتابعتها واخبارى وعملى الصحفى مالى الصفحة الاول من الموقع وليس صفحة المنبر واتى الى المنبر لاكون على حريتى اكتب موضوعات مختلفة مابين السياسة نفسها والادب والشعر والاجتماع ولكن بعضهم لا يروق لهم هذه الكتابات ويتمنون نسفها او ذهابها الى الخور حتى لايقرأها احد وعجبى !!
| Quote: وأرجو أن تواصلي أختي نادية |
نعم ساواصل بعون الله وكن دوما فى الجوار اخى النبيل سامى
وكن بالف خير
|
Post: #139
Title: Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!!
Author: عبد المطلب خضر عبد المطلب
Date: 03-26-2006, 04:03 AM
Parent: #1
الاخت الكريمة ناديه
واصلي في كشف اخطائنا...
متابع ...
|
Post: #141
Title: Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!!
Author: نادية عثمان
Date: 03-26-2006, 09:13 PM
Parent: #139
الاخ الاكرم عبد المطلب خضر عبد المطلب
Quote: الاخت الكريمة ناديه
واصلي في كشف اخطائنا...
متابع ... |
يحضرنى دوما قول الشاعر :
لسانك لاتذكر به عورة امرئ فكلك عوارات وللناس السن
وعينك ان ابدت اليك معايبا فدعها وقل ياعين للناس اعين !!
ليس فينا من هو معصوم اخى النبيل ولكن الجميل هو مجرد المحاولة لتشذيب ذواتنا وان فشلنا نحاول مرة اخرى مع الاعتراف بشرف المحاولة فى حد ذاتها !!
تسعدنى متابعتك وكن بالف خير اخى الفاضل
|
Post: #142
Title: Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!!
Author: انعام عبد الحفيظ
Date: 03-27-2006, 06:52 AM
Parent: #141
ندووووووووووووووية الجميلة
عارفه يا نادية انا لما اقول ليك
الجميلة بقصد مضموناً وشكلاً
والجمال جمال النفس من الداخل قبل الشكل
Quote: ليس فينا من هو معصوم اخى النبيل ولكن الجميل هو مجرد المحاولة لتشذيب ذواتنا وان فشلنا نحاول مرة اخرى مع الاعتراف بشرف المحاولة فى حد ذاتها !!
|
يبقى شرف محاولة تشذيب النفس دلالة على
النقاء وليس هنالك انسان معصوم عن الخطأ
اذن فلنحاول التصالح مع انفسنا قبل التصالح
مع الغير حتى نكون صادقين مع غيرنا
مودتي واحترامي
|
Post: #143
Title: Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!!
Author: lana mahdi
Date: 03-27-2006, 07:23 AM
Parent: #142
ندوش
كدي انتحكر في بوستيك دة و أختصر ليكي القصة
أصلاً يا ندو تيمات تعاملنا كمجتمع سوداني (و مش في البورد دة بس) غالباً ما بتكون:
صديق صديقي صديقي
صديق عدوّي عدوّي
عدو صديقي عدوي
عدو عدوّي صديقي
قطيــــــــــــــــــــــــــــــــــــــــــــــــــــع
ومجموعة من ال(كيو يوز)qu,qu,qu,qu
البلهاء
(كيو يو) مصطلح نطلقه و صديقاتي و أصدقاؤنا على التوائم السيامية في العلاقات الإنسانية..
لأن ال(كيو) لا بد أن تأتي من بعدها (يو)
النموذج دة يا نادية البتلقيهم مثلاً صاحبتين
مشاويرهم سوا
أكلهم سوا
شرابهم سوا
أسرارهم سوا
لغاية هنا أوكي مش؟؟
بس الما أوكي
صداقاتهم سوا
عداواتهم سوا
محبتي
|
Post: #145
Title: Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!!
Author: نادية عثمان
Date: 03-28-2006, 04:27 PM
Parent: #143
لنا مهدى الحبيبة
لنوية العسللى
Quote: كيو يو) مصطلح نطلقه و صديقاتي و أصدقاؤنا على التوائم السيامية في العلاقات الإنسانية..
لأن ال(كيو) لا بد أن تأتي من بعدها (يو)
النموذج دة يا نادية البتلقيهم مثلاً صاحبتين
مشاويرهم سوا
أكلهم سوا
شرابهم سوا
أسرارهم سوا |
صدقتى والتشبيه مبالغة طبعا !!!!!!
| Quote: لغاية هنا أوكي مش؟؟ |
اى نعم ..موش !!
Quote: بس الما أوكي
صداقاتهم سوا
عداواتهم سوا |
اها انا النوع ده البيحيرنى خصوصا فى المنبر ده !!
زول لا بينك لابينو تلاقيهو شايلاو معاك حاااااااااار
بس عشان زول صحبو قال ليهو عنو مجرد انطباع يحتمل الخطأ وكذلك الصواب !!
لكن انا ليه احكم على انسان من خلال عين ورأى انسان تانى غيرى مهما كانت درجة علاقتى بصاحب هذه العين وحبى له ..ده السؤال العارفة انى ماحاالاقى ليهو اجابة لكن برضو بقولو ..لياقة منى كده يالنوية السكرة
|
Post: #144
Title: Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!!
Author: نادية عثمان
Date: 03-28-2006, 01:58 PM
Parent: #142
Quote: ندووووووووووووووية الجميلة
عارفه يا نادية انا لما اقول ليك
الجميلة بقصد مضموناً وشكلاً
والجمال جمال النفس من الداخل قبل الشكل |
وعارفة ياانعام انا بحبك جدا لانك انسانة بسيطة وعفوية وجميلة من جواك
ربنا يخليك ويديم بينا المعروف يااااااااااااارب
Quote: يبقى شرف محاولة تشذيب النفس دلالة على
النقاء وليس هنالك انسان معصوم عن الخطأ
اذن فلنحاول التصالح مع انفسنا قبل التصالح
مع الغير حتى نكون صادقين مع غيرنا |
هذه حكمة مجانية ..تسلمى ياغاليتى والقول ماقلتى ولكن !!!!!!!!!!
|
Post: #146
Title: Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!!
Author: نادية عثمان
Date: 03-29-2006, 05:19 PM
Parent: #144
نور تاور
زولة تخش القلب بدون تأشيرة !!
موضوعية
حقانية
وجميلة شكلا ومضمونا
ربنا يخليها يارب
ده مامجرد انطباع بعدين الزولة دى انا لاقيتها فيس تو فيس فى قاهرة المعز !!
ربنا يحقق امالنا فى وطن يجمعنا زى مانحب يارب
|
Post: #147
Title: Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!!
Author: نادية عثمان
Date: 03-30-2006, 02:37 PM
Parent: #146
لو كان لى ترمومتر لقياس درجة حسن النوايا من خبثها لكنت اذن من (المرتاحين )!!!
|
Post: #149
Title: Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!!
Author: نادية عثمان
Date: 03-30-2006, 08:41 PM
Parent: #147
قد يجمع الله الشتيتين بعدما ..يظنان كل الظن ان لا تلاقيا !!
|
Post: #150
Title: Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!!
Author: adil rahman
Date: 03-31-2006, 03:29 AM
Parent: #1
الأخت نادية
تحياتي مجدداً
الأنطباعية التي نلاحظها أحياناً في الصحف السودانية في مجال الأدب والغناء تبدوا أكثر وضوحاً - وأنت صحفية هذا مجالك - ولكنا نحاول فقط أن نسلط الأضواء عليها من وجهة نظرنا كقراء فقط على سبيل المثال:-
النقد في مجال الشعر يقوم به بعض الكتاب دون أتباع الأسس العلمية للنقد بل بعضهم لا يعرف أن النقد مدارس وأن المنهجية والعلمية فيه مطلوبة.
أستمع لأغاني كثيرة لا أحس بأنها تطربني وأجد نقاداً ينسجون حولها هالة من القدسية الفنية وأحيانا يضيفون عليها كلمات صعبة الفهم عن التوزيع الموسيقي وأبعاد صوت المغني وطبقاته الصوتية ولو لم أستمع للأغنية لصدقت ما رواه الناقد وأكتشف في آخر الأمر أن الناقد لا علاقته له بعلم الموسيقي
يعني في آخر الأمر إنطباعية في إنطباعية
أعتقد أن الأنطباعية يلجأ أليها من لا يريد أن يكلف نفسه مشقة البحث وبذل مجهود للحصول على الحد الأدنى من المعرفة للكتابة ، أعتقد أني لو أردت أن أكتب مقالاً تعريفيا ناجحاً عن الصحفية نادية عثمان مختار مثلاً لا تكفيني البوستات التي كتبتهافي المنبر والبروفايل بل أحتاج لمرجعيات أخرى أضافية مثل أصدقائها وزملائها أو حتى الرجوع إليها شخصياً
ما فعله أحمد ديدات مع القس الأمريكي في المناظرات الشهيرة منها هل الأنجيل كلام الله ، هو أن قام بقراءة كل ما كتبه القس ، ما يزيد عن 10 كتب للقس بالإضافة للمقالات والمحاضرات التي قدمها القس فكان نجاح أحمد ديدات وتفوقه على القس الأمريكي لمعرفته كل نقاط ضعف غريمه وأفكاره.
هذه العلمية في التناول والطرح والمعرفة والإحاطة بكافة الجوانب والتي تبعد الناس عن الإنطباعية
مع تحياتي مجدداً
عادل عبدالرحمن إبراهيم
|
Post: #151
Title: Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!!
Author: نادية عثمان
Date: 03-31-2006, 02:58 PM
Parent: #150
الاخ الكريم عادل عبد الرحمن مرحبا بمرورك الثر والموضوعى وسأعود للرد عليه (برواقة) حال الفراغ من بعض المهام الصحفية ..
والى ذلك الوقت
كن بالف الف خير
|
Post: #152
Title: Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!!
Author: نادية عثمان
Date: 04-01-2006, 04:25 PM
Parent: #150
الاخ الكريم ..النبيل عادل عبد الرحمن ابراهيم
اشكرك حزيلا فى البدء على المرور الطيب والمداخلة الهادفة واوفقك القول تماما
وقد قلت :
Quote: أعتقد أن الأنطباعية يلجأ أليها من لا يريد أن يكلف نفسه مشقة البحث وبذل مجهود للحصول على الحد الأدنى من المعرفة للكتابة ، أعتقد أني لو أردت أن أكتب مقالاً تعريفيا ناجحاً عن الصحفية نادية عثمان مختار مثلاً لا تكفيني البوستات التي كتبتهافي المنبر والبروفايل بل أحتاج لمرجعيات أخرى أضافية مثل أصدقائها وزملائها أو حتى الرجوع إليها شخصياً
ما فعله أحمد ديدات مع القس الأمريكي في المناظرات الشهيرة منها هل الأنجيل كلام الله ، هو أن قام بقراءة كل ما كتبه القس ، ما يزيد عن 10 كتب للقس بالإضافة للمقالات والمحاضرات التي قدمها القس فكان نجاح أحمد ديدات وتفوقه على القس الأمريكي لمعرفته كل نقاط ضعف غريمه وأفكاره.
هذه العلمية في التناول والطرح والمعرفة والإحاطة بكافة الجوانب والتي تبعد الناس عن الإنطباعية |
والله ان كلامك هذا طمأننى بأن الدنيا لازالت بخير طالما ان فيها من هم امثالك .. وسيكون من هم امثالى من الذين يرون ان الدنيا لاتسوى ولاتحتمل البغضاء والعراك فى غير معترك فى امان من لعنات الساخطين علينا من مجرد انطباعات ظالمة ..!!
ويبقى ان الرب يرحم كل امرئ يعرف قدر نفسه!
ويبقى الخير والجمال مقيما فى الدنيا وان قذفت بنا رياح الشر العاتية الى لجج الاحزان وغياهب الظلم المقيت فلابد من اشراقات تطل علينا بمثل اطلالتك هذى ايها النبيل
كن بالف اف خير دوما
|
Post: #154
Title: Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!!
Author: نادية عثمان
Date: 04-02-2006, 02:27 PM
Parent: #152
الاستاذ الفاضل ادم خاطر
تحية طيبة
انا بشوف اسمك برة مشارك فى البوست ده ولما ادخل افتش مداخلتك مابلقاها ماعارفة كيف !!!!!!!!!!
(وجه مندهش جدا )!!
|
Post: #155
Title: Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!!
Author: نادية عثمان
Date: 04-02-2006, 11:55 PM
Parent: #154
عبير خيرى
عمدة بورداب الخرطوم
بت جدعة واصيلة وكريمة جدا
التقيتها هناك وكانت بحق نعم الاخت والصديقة
حفظك الله ياجميلة من شرق بلادى الحبيبة
|
Post: #156
Title: Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!!
Author: adam khatir
Date: 04-03-2006, 04:14 AM
Parent: #154
الاستاذة نادية سلامى وتقديرى
انا حقيقة وددت مشاطرتك لاول مرة فيما رفعتى من موضوع رايت بامكانى الاسهام فيه ايجابا ، وعندما وجدتك تردين على الاخرين وتتجاوزيننى بالتعليق ظننت ( وبعض الظن اثم ) ان اكون ممن غيشتهم مقاطعةأهل البورد من اصحاب مشاهد الانطباعية والعدائية غير المبررة ، ولكن هذا التعليق منك يجب ما كان من ظن سيما واننى بالامس قد ارسلت لك برسالة أخرى ولكننى لم اجدها اليوم ربما كان الاخ بكرى والمعنيون بتوزيع كلمة السر هم الادرى بها مكانا وانى لاحسن بهم الظن فى الافادة ... لك الود والشكر مجددا ...آدم
|
Post: #157
Title: Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!!
Author: نادية عثمان
Date: 04-03-2006, 02:26 PM
Parent: #156
الاستاذ الفاضل
الاخ الاكرم ادم خاطر
تحية طيبة جدا
Quote: الاستاذة نادية سلامى وتقديرى
انا حقيقة وددت مشاطرتك لاول مرة فيما رفعتى من موضوع رايت بامكانى الاسهام فيه ايجابا ، وعندما وجدتك تردين على الاخرين وتتجاوزيننى بالتعليق ظننت ( وبعض الظن اثم ) ان اكون ممن غيشتهم مقاطعةأهل البورد من اصحاب مشاهد الانطباعية والعدائية غير المبررة ، ولكن هذا التعليق منك يجب ما كان من ظن سيما واننى بالامس قد ارسلت لك برسالة أخرى ولكننى لم اجدها اليوم ربما كان الاخ بكرى والمعنيون بتوزيع كلمة السر هم الادرى بها مكانا وانى لاحسن بهم الظن فى الافادة ... لك الود والشكر مجددا ...آدم |
حاشا لله ان اكون قد تجاوزت مداخلاتك بقصد العداء او الانطباع الخاطئ فانا لم ارى منك اى سؤ كاخ وزميل لى فى هذا الوطن الافتراضى
ولكنى وكما قلت لك ادخل بعد رؤية اسمك خارجا فلا اجد مداخلاتك مما اصابنى بالدهشة الشديدة
وعموما الف الف مرحبا بك اخ كريم ابن اخ كريم
وارجو مثلك ان يفيدنا الخبراء عن اين ذهبت مداخلاتك وان لم تجد الاجابة فليس امامك الا المحاولة مرة اخرى ان احببت
وتأكد بان وجودك هنا من دواعى سرورى كوجود كل الاخوة الافاضل زملاء وزميلات !
|
Post: #158
Title: آدم و نادية
Author: lana mahdi
Date: 04-03-2006, 03:12 PM
Parent: #157
بما انكم الإتنين باين برالمة نت
فآدم كتب مداخلته الأولى هذه بتاريخ 30/3
Quote: الاستاذة نادية سلام
اشكرك كثيرا على هذا التجسيد الموضوعى لواقع الحال فيما عرضتى من مشاهد ولوحات تصويرية تعكس احطتك بما يدور بقصد ودون قصد ، وتكشف عن جهل او ربما سوء فهم لمقاصد المنبر ومراميه وما يطرح من موضوعات وقضايا واخبار وتحليل ، فالجدية مطلوبة وهنالك فسحة للمزاح والدعابة البريئة والمنضبطة بل الترويح مطلوب والتعارف وسيلة للخروج من دائرة الى اخرى اكثر رحابة وسعةبسعة الوطن وقضاياه وسعة الصدر فيها مندوبة فى مثل هذه المنتديات والسمو بالنفس فضيلة والعفو والاعتذار قيم تنافسية لابد منها ، ولكن الخروج عن اللياقة والعرف والتجنى والاسفاف والارجاف يجعلنا فى كثير من الاحايين امام ازمة تحط من قدر المكان وسعته وادب الحوار والخلاف واحترام الاراء والافكار للغير ، ليتك بالمقابل اوجدتى من المشاهد والصور الاخرى ما يضيق هامش الانطباعية والسطحية الجالبة للكراهية والاستعلاء لنجعل الود مكان العداء هو شعار لمن يريد بناء امته ووطنه بالكلمة والحجة كيفما كان طرحه ورؤيته ....مع عاطر الود ...آدم خاطر |
لكنه لم يكتبها بعد آخر مشارك داخل في صفحة 2
بل كتبها بعد أحد الأحباب المداخلين في ص1
لذلك يظهر إسمه كآخر مشارك في صفحة البورد
ولكن عندما تراجع نادية بوستيها لا تجد المداخلة
الموجودة و التي لم تحذف أو يتم تجاهلها
لأنها بديهي تتوقعها ص2 في ترتيب المداخلات
بينما هي قابعة في صفحة 1 تتسلى بسوء التفاهم الحادث الآن
لكما محبتي يا برالمة
|
Post: #159
Title: Re: آدم و نادية
Author: نادية عثمان
Date: 04-03-2006, 03:34 PM
Parent: #158
لنا الحبيبة
يعنى لازم تفضحونا وتعرفوا القراء اننا برالمة نت
Quote: لكنه لم يكتبها بعد آخر مشارك داخل في صفحة 2
بل كتبها بعد أحد الأحباب المداخلين في ص1
لذلك يظهر إسمه كآخر مشارك في صفحة البورد
ولكن عندما تراجع نادية بوستيها لا تجد المداخلة
الموجودة و التي لم تحذف أو يتم تجاهلها
لأنها بديهي تتوقعها ص2 في ترتيب المداخلات
بينما هي قابعة في صفحة 1 تتسلى بسوء التفاهم الحادث الآن
لكما محبتي يا برالمة |
يازولة طمنتينى والله انا قلت البوست ده فيهو عفريت ولايييييييييييه ؟!!
ويااستاذ ادم لنا لقت لينا مداخلتك وبرجع ليك للرد بعد ارسل شغلى لانو احمد البلال الطيب مكلفنى تكليف الله يقدرنى عليهو يارب !
|
Post: #160
Title: Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!!
Author: adam khatir
Date: 04-04-2006, 04:18 AM
Parent: #157
الاخت الفضلى نادية
سلامى وتقديرى
وانا بهذه الروح التى عبرتى عناها لاشك اننى كسبت رقما سامقا بالبورد وصحافية عتيقة آمل ان تسعفنا الايام والموضوعات لاثراء ساحته بما ينفع الناس ويعزز التواصلفيما بيننا ، وساحتسب ما ضل طريقه من تعليق متمنيا ان اجد حظا اوفرا فى القادمات من موضوعات ، لك ولزوارك كل الود وعاطر التحايا ...أدم
|
Post: #162
Title: Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!!
Author: نادية عثمان
Date: 04-04-2006, 05:08 PM
Parent: #160
النبيل ادم خاطر
Quote: الاخت الفضلى نادية
سلامى وتقديرى
وانا بهذه الروح التى عبرتى عناها لاشك اننى كسبت رقما سامقا بالبورد وصحافية عتيقة آمل ان تسعفنا الايام والموضوعات لاثراء ساحته بما ينفع الناس ويعزز التواصلفيما بيننا ، وساحتسب ما ضل طريقه من تعليق متمنيا ان اجد حظا اوفرا فى القادمات من موضوعات ، لك ولزوارك كل الود وعاطر التحايا ...أدم |
لك وللغتك الطيبة المهذبة تعظيم سلام اخى ادم
ومن دواعى سرورى ان يكون التواصل المعرفى بيننا قائما عبر هذه المساحة التى اتمنى ان نستثمرها فى كل ماهو هادف وموضوعى وجميل جديد ومرفه عن الذات ايضا..
كن حاضرا دوما فى كل بيوتاتى هنا فلوجودك طعم مميز ايها الاخ النبيل المحترم
ويبقى التقدير وافرا منى لشخصك ..
|
Post: #161
Title: Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!!
Author: saadeldin abdelrahman
Date: 04-04-2006, 04:43 AM
Parent: #1
اختي الزايدة عندي معزة كل يوم
عندي كلام كتير حابي اقولوا لكن ما هسة يا ام ايمان
لما ارجع ان شاء الله.
|
Post: #163
Title: Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!!
Author: نادية عثمان
Date: 04-05-2006, 08:55 PM
Parent: #161
اخوى الغالى سعد الدين سميي استاذى الذى علمنى ان للحرف قداسة !!
Quote: اختي الزايدة عندي معزة كل يوم
عندي كلام كتير حابي اقولوا لكن ما هسة يا ام ايمان
لما ارجع ان شاء الله. |
انا فى انتظارك
وترجع بالسلامة يارب
ايمان بتى بتسلم عليك شدددددددددديد !!
|
Post: #164
Title: Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!!
Author: نادية عثمان
Date: 04-05-2006, 11:31 PM
Parent: #163
لو كان الشر رجلا
لقتلـــــــــــــته !!!!!!!!!!!!!
|
Post: #165
Title: Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!!
Author: showgi idriss
Date: 04-06-2006, 01:07 AM
Parent: #164
ندوية
سري ناقمندو
ممكن أنطبع شوية؟؟؟
مجرد تطبيع.
واحد صاحبي محتاج لطبيب
أنطباعي..
لأنو بطبع صورة لكل واحد في البورد بمجرد يقرأ ليهو..
وما بكون طبيعي..
دا زهجي
دا قليل أدب
دا ما عندو زوق
دي مسترجلة
دا ما عندو موضوع
دي بتاعت مشاكل
دي شلة زفت
داك شوكوشوهو
دا كرهوهو
دي فطسوها
دا بطل
دا جبان
دا عوير
دي هبيلة
ممكن طبيب أنطباعي يشوف لينا حالتو دي ؟؟؟
أنا بقول (هوب لس كيس)..ماركة مطبوعة..
أبوالشوش
|
Post: #166
Title: Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!!
Author: نادية عثمان
Date: 04-06-2006, 01:37 PM
Parent: #165
ابو الشوش يالذيذ جدا
Quote: لأنو بطبع صورة لكل واحد في البورد بمجرد يقرأ ليهو..
وما بكون طبيعي..
دا زهجي
دا قليل أدب
دا ما عندو زوق
دي مسترجلة
دا ما عندو موضوع
دي بتاعت مشاكل
دي شلة زفت
داك شوكوشوهو
دا كرهوهو
دي فطسوها
دا بطل
دا جبان
دا عوير
دي هبيلة
ممكن طبيب أنطباعي يشوف لينا حالتو دي ؟؟؟
أنا بقول (هوب لس كيس)..ماركة مطبوعة.. |
صحبك الطبيب حالتو زى الفل وكويس جدا
المحتاج لى طبيب الدنيا العجيبة دى وخلينا نعيب زماننا وان كان العيب فينا ياجدع !!!! (وجه كاتلاهو الحسرة)!!
|
Post: #167
Title: Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!!
Author: نادية عثمان
Date: 04-06-2006, 04:33 PM
Parent: #166
ياربى الحال ده حايستمر لحدى متين ؟!!
(ذات الوجه الذى تحسر منذ قليل يضرب كفا بكف هذه المرة ويقول فى الم لاحولا ولاقوة الا بالله )!!!
|
Post: #168
Title: Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!!
Author: نادية عثمان
Date: 04-06-2006, 07:12 PM
Parent: #167
قيل ان :
أهم المحادثات وأصدقها هو الحوار مع الذات !!
|
Post: #169
Title: Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!!
Author: حسن الجيلى سعيد
Date: 04-07-2006, 03:08 AM
Parent: #1
العزيزة نادية عثمان
كتبت بالامس فى احدى البوستات الاتى
Quote: من وجهة نظرى بان الاسلوب التى نتعاطى به الامور انما ينم عن قصور لفهم الامور وحب لخبطة الاوراق ,فنحن من جانب ندعو الى حرية التعبير وتحليل الامور علميا,ومن جانب اخر ندعو الى اقصاء الاخر وننتهك حرية التعبير.
نحن شعب نهتف للديمقراطية ونجهل ادابها .نحن اذا كرهنا احدا من الناس خسفنا به الارض وكتبنا سيئاتة على جداران المدينة واذا استلطفنا احدهم بجلناة وجعلناه اله.نكره بعضنا لمجرد اختلاف افكارنا سحناتنا وعقائدنا ومشاربنا السياسية.
بئس القوم نحن فلا كبيرا لدينا نحترمه ولامصلح بيننا نستمع اليه ولا زعيم لدينا نستلهم منه الطريق .نرمى بعضنا بالخيانة وليس بيننا خائن وبالجبن وليس بيننا جبان وبالخبث وليس بيننا خبيث.تربينا فى نفس البيئة وشربنا من نفس النيل وانشدنا نفس الاناشيد فى مدارسنا.
ان عارضنا عارضنا لكره وليس لحب الوطن وان ايدنا ايدنا لشخص وليس للوطن لذلك بئس القوم نحن.
كتابتى هذة ليست للدفاع عن شخص ولاكنها كلمات مراره احسستها بداخلى ,تنم عن ذلك الزيف الذى يتملقنى فى تمجيد الشخصية السودانية.لعل الغربة حجبت اعيننا عن ذلك التغير الذى حدث للشخصية السودانية,اصبحت اكره الدخول الى بعض المداخلات فهى فقط لاشانة السمعة وتحريف الكلم عن مواضعة .
بالله ان اخطائت فقومونى وان سببت احدكم فنبهونى وان اشنت سمعة احدا منكم فدعواتى الى ربى بالمغفرة والثبات يوم الحساب.
تحابوا واسقطوا الضغائن تراصوا وكونوا صفا واحدا فنحن امة واحدة وشعب واحد اذا تفرقنا ضعفنا وهان الوطن علينا,واذا توحدنا تركنا لابنائنا وطن واعد يتربون فى احضانة ويعيشون بخيراته.
السودان ليس ملكا لاى شمالى او جنوبى او غرباوى,السودان ليس حكرا على الاسلاميين او الحركة الشعبية او الحزب الشيوعى والامة و الاتحادى,انه ملكنا جميعا يهتف داخلنا وينتظر وحدتنا.
فلنعد الى صوابنا ولنكن كما كان اجدادننا فقد ورثنا منهم الكثير فلنكن الابناء الابرار ولنتحمل مسؤوليتنا كما القوها على اكتفنا.
اعذرونى ان اطلت او خرجت من حدود اللياقة والادب ولكن حالنا لايبشر بخير.
دمتم ذخرا للسودان ودام السودان بكم جميعا..... |
اعتقد بانى حديثى هذا يوئيد سؤالك
الانطباعية والعدائية بغير سابق معرفة عميقة فى المنبر أو خارجه .. لماذا ؟!!
اديك العافية
|
Post: #170
Title: Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!!
Author: نادية عثمان
Date: 04-07-2006, 02:43 PM
Parent: #169
الاخ النبيل حسن الجيلى سعيد
تحية الاخاء والاحترام والتقدير الوافر
جاءت مداخلاتك ثرة وهامة وفى الصميم واوفقك على كل حرف فيها اخى حسن واتمنى من الله ان يهدئ النفوس يارب العالمين
| Quote: بئس القوم نحن فلا كبيرا لدينا نحترمه ولامصلح بيننا نستمع اليه ولا زعيم لدينا نستلهم منه الطريق .نرمى بعضنا بالخيانة وليس بيننا خائن وبالجبن وليس بيننا جبان وبالخبث وليس بيننا خبيث.تربينا فى نفس البيئة وشربنا من نفس النيل وانشدنا نفس الاناشيد فى مدارسنا. |
هنا وفى حديثك الصادق هذا طفرت دمعة حرى من عينى حسرة والم على ما ال اليه حالنا البائس اليوم ..فلك الله ياوطن ان كان هذا هو حال فلذات اكبادك !!
|
Post: #171
Title: فاوضنى بلا زعل !!
Author: نادية عثمان
Date: 04-10-2006, 08:00 PM
Parent: #170
النعام أدم
قالها كأروع مايكون القول
فاوضنى بلا زعل
طمنى أنا عندى ظن !!
وكان حسن الظن !!
له الرحمة الواسعة !!
|
Post: #172
Title: Re: فاوضنى بلا زعل !!
Author: نادية عثمان
Date: 04-22-2006, 12:57 PM
Parent: #171
حيرة !!!
والم !!!
وحسرة!!
وغصة فى الحلق !!
ومحاولة للابتسام فى وجه القسوة !!
هذه هى الدنيا ام اننا نظلمها ونتجنى عليها ونعيبها والعيب فينا ياترى ؟!!
مزيد من التساؤل يؤدى الى مزيد من الوجع !!!
|
Post: #173
Title: Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!!
Author: فيصل محمد الطيب
Date: 04-23-2006, 00:15 AM
Parent: #1
اللهى ادو باريكريو يالهى
|
Post: #174
Title: Re: الانطباعية والعدائية بغير سابق معرفة عميقة فى المنبر أو خارجه .. لماذا ؟!!
Author: bayan
Date: 04-23-2006, 00:56 AM
Parent: #173
| Quote: ان عارضنا عارضنا لكره وليس لحب الوطن وان ايدنا ايدنا لشخص وليس للوطن لذلك بئس القوم نحن. |
كلام ذي الدهب يا اخوي
كمان تاليف قصة كاملة شاملة بعدها اتخاذ قرارات
خطيرة.
قصص ان نمت انا تنم على الخبل والجنون لكاتبها
والمضحك ان تشترك مرأة في هذا الخبال
وتكتب كلام غبي واهبل...
وهي تعرف الحقيقة الكاملة
ولكن ترفضها..
ترفضها لآنها تنظر الى ذاتها الفاشلة
والعمر مروح وتظن هكذا ستخرب بيت..
وتجد انتقام لشي لم يحدث
الا في خيالها البائس..المنابر السودانية
والشخصية المريضة ..
|
Post: #175
Title: الانطباعية والعدائية بغير سابق معرفة عميقة فى المنبر أو خارجه .. لماذا ؟!!
Author: Mirghani Ali AlAmin
Date: 04-23-2006, 03:29 AM
Parent: #1
الرقيقة نادية عثمان
يانسمة رقيقة تعطر البورد وتغسل نفوس الأعضاء مما يعلق بها من أدران بعض أصحاب العلل شفاهم الله .
ياوردة يضوع عبيرها على الأعضاء والرواد شذىً وياسميناً وجمالاً ونورا . فمساهماتك دومًا تجيء ضمن الواحة التي نتفيأ ظلالها بعد كدر المكدرين الذين كدرت إنطباعيتهم وعدائيتهم صفو نفوس أهل البورد ، والذين هم من السودانيين والذين عرف عنهم دوماً التصافي والتسامح والتكافل والترابط ، وكل الصفات الطيبة .
إليك أقول إلى الأمام دوماً .
أما عن الإنطباعية والعدائية ، فقد صدقت القول ، وصورت مشاهدك الحالة تصويراً مسرحياً ينم عن روح فنية عالية .
وقد حدثت معي تلك الإنطباعية والعدائية . وظللت زمناً مكدراً من تلك الانطباعية والعدائية، وتوقفت بعدها ردحاً من الزمن عن المشاركة ، إلا فيما ندر ، حينما تأتي مساهمة شفيفة تحرك مكامن النفس الشفيفة وتهيج أشجناها ، حينها لا أستطيع إلا التفاعل معها دفعاً للروح المعطاءة المحفزة المتفائلة .
وفي الختام أقول لك كل ميسر لما خلق له . فلا تبتئسي ، واصلي العطاء ، ونثر الورود والرياحين ، وسوف نتنسم عبيرها دوماً .
|
|