توضيح ... واعتذار للسيد بكري ابوبكر

..
الأخ العزيز بكري ابو بكر ...
بشأن البوستات التي يمكن مطالعتها الآن بالصفحة الخاصة بالمواضيع الغير صالحة للنشر وهي بوستات تم ارسالها في الساعات الأولى من صباح هذا اليوم ..
لم يكن الغرض منها التحدي لشخصك كما ذكرت ولا استعمال الاسلوب البربري .. كلما هناك كنت اطالب باعادة البوست المعني حيث أنني طرحت فيه عدة تساؤلات ولم اتجاوز فيه الحد القانوني الذي يحكم وجودنــا في هذه المساحة .. ( وأشكرك لتفهم ذلك ) وإعادة البوست
ما تم توصيله من وجهة نظر بيننا أتمنى ان تجد مكانها لديك حيث تفهمت وجهة نظرك في ذلك ..

ما دفعني لكتابة هذا البوست الاسلوب الحاد الذي كان ناتج طبيعي لما حسيته في لحظتها وانا صاحب حق وليس متجني على أحد ..
والشي الثاني لتوضيح حقيقة تلك البوستات لمعظم الذين اتطلعوا عليها بعد تحويلها لتلك الصفحة وحتى يتم فهما بالشكل السليم، وأتمنى ان نلتزم جميعنا بالحد الأدنى من الاحترام بيننا كأعضاء وجهة تقوم بإدارة هذا الموقع حسب رؤيتها حتى توفر المساحة المطلوبة لكل الاطروحات..
اكرر اعتذاري مجددا.. لك ولكل مهتم بهذه العبارات التي اكتبها الآن .. وشكري للعزيز ثابت محمد ، والعزيزة تماضر شيخ الدين
اصدقائي الذين يراسلونني عبر الماسينجر الداخلي .. اتمنى ان تتم مراسلتي عبر بريدي ويمكن أن تجدوه في العديد من البوستات هنــا ..

يا تمبس يا عزيزي ..
بدون الدخول في تفاصيل حديثك ..
الامر هنا ..
تراجي .. كوستاوي .. خالد كودي .. ومن اتبع ملتهم ..
لهم حق الاساءة لاي عضو في المنبر ..
بمباركة السيد ( بكري ابوبكر ) ..
وما يجي يتازوغ ليك من الكلام ..
ويشبكك لوائح وديمقراطية ..
بنعرف بكري كويس .. وبنعلم مواقفه في كثير من المواقف ..
وباب غير صالح للنشر ..
باب آخر في وجه كل من يحاول ان يكشف حقيقة هؤلاء ..

ولكن ..
في الاول والاخير ( كررت الكلام دا مية مرة ) ..
الموقع دا بتاعو .. يفعل فيه ما يشاء ..
اذا عجبك بهذا الحال .. اقعد ..
اذا ما عجبك .. اتخارج ..

لكن ان يوقف بكري ما يفعله هؤلاء ..
دا موضوع اكبر منه ..
ما تحمل الرجل فوق طاقته ..

Quote: تراجي .. كوستاوي .. خالد كودي .. ومن اتبع ملتهم .. لهم حق الاساءة لاي عضو في المنبر ..

والله يا حميدة انت قاعد تدي في السوادة على طول
الديمقراطية البتجيب حماس ما ديمقراطية والديمقراطية البتجيب شارون ياها ذاتها الديمقراطية الله خلقها
قول أي حاجة عايز تقولها يا زول واجرك على الله
والرهيفة التتقد اريتا ما تتلتق

الأمين عثمان ..
يا زول انا جاي سودانيزانولاين دي ..
ارفه عن نفسي .. ما اكتر ..
لو كانت المواضيع بتعالج بالطريقة دي ..
يبقى فعلا نحن ناس وهم ..
سودانيزاونلاين منبر اعلامي ..
بقروه كتير من الناس ..
ودي من حظ صاحب الموقع ( بكري مرزق جدا ) ..
لكن لا بحل لا بربط ..
لانه بفقد المصداقية .. فأي عمل بجي منه مشكوك في امره ..
وعندك كثير من المشاريع .. ( راجع الارشيف ) ..
ضاعت بسبب .. واحد من شلة ( بص شوف بيبو بيعمل ايه ) ..
ولو في واحد داير يغالط ...
ممكن نفتح موضوع كتاب الخاتم عدلان .. نموذج ..

وكان السودان راجي حاجة من ذي ديل ..
يبقى السودان دا زاتو .. بلد وهم ..

ياخي روق ..!!