Post: #1
Title: المسؤليه التاريخيه على بكري ابوبكر وابناء دارفوروالشرق وشرفاء المنبر؟؟؟؟
Author: Tragie Mustafa
Date: 02-18-2006, 12:10 PM
Parent: #0
اخي بكري ابوبكر
وبالخبر الجميل باختيار موقعك هذا كمصدر للاخبار حول مشكلة دارفور
للكونجرس الامريكي, هل انت مدرك لكل ابعاد المسؤليه التاريخيه الملقاة
على عاتقك ,خاصه وان بلادنا في مفترق طرق رهيب, والقوات الدوليه على الابواب؟؟؟؟
اعتقد
نحتاج منك ان تؤكد لنا بان لا تفصل ايا من الاقلام الوطنيه بالذات الاقلام السياسه.
نلتزم نحن بعدم المهاتره وتناول النقد لاي وجهة نظر بمسؤليه كبيره.
تعلم ونعلم ان بوستات التبريكات و التعزيات واعياد الميلاد
واحب فلان واكره علنتان ليست هي البوستات التي اوصلت هذا المنبر
لهذه المكانه,وبالتالي التمسك بالاقلام الجاده و المثريه حقيقة لهذا المنبر.
التدقيق التام في البوستات التي تذهب لغير صالح للنشر.
ولا تعتب علي في هذا فصدقني دوافعي الصداره لهذا المنبر
والغيره عليه, فاتمنى ان يتسع صدرك لهذا التنبيه.
وكلمه لابناء دارفور والشرق
عليكم الالتزام بالطرح الجاد والتواجد الحقيقي بهذا المنبر
ومناقشة ارائكم بجديه نسبة للمسؤليه التاريخيه الملقاة على
عاتقنا, حيث سيعتبر الكونجرس الامريكي هنا الاستفتاء الحقيقي
لاراء الشعب السوداني.
وكلمة لشرفاء المنبر عموما, فعلوا وجودكم ولا تسمحوا
لخفافيش الظلام ان تسود ويبين صوتها هو الطاغي وكأنهم يمثلون عامة الشعب.
مثلا في الدفاع عن العلمانيه تتركون الاخ عمر علي وحيدا وبعض الاقلام
مثل كمال عباس وصبري الشريف ومرتضى جعفر يقارعون ويصارعون وكأن العلمانيه
فكره لازلت تطرح نفسها بحياء في المجتمعات السودانيه.
ابناء جبال النوبه طرحكم السياسي مغيب تماما لابد من عضويه
تحمل طرح واضح للنوبه,خالد كودي ,شمس الدين السنوسي,نور تاور
يحتاجون مزيد من الدعم منكم.
ابناء الجنوب شارلس دينق,البينوا ابرهام دينق, نحتاج مزيد من
الاقلام منكم, لتوصلوا صوتكم وما حدث في الواقع بعد وفاة قرنق.
الاخوة الجمهورين
انتم متواجدون بموسميه احيانا ,ادعوكم لاخذ ذمام المبادره والمشاركه السياسيه
الفاعله,نحتاج اقلامكم المستنيره.
توقعوا جميعكم هجمه شرسه من الحكومه والامنجيه على المنبر, نرجو من
الاخ بكري ابوبكر ان يتحرى الدقه في العضويه, ليس كل من ذكي باعضاء
قدماء معناه انه زول حقيقي, وياريت لو تسن سنه ان يكتب الجميع باسمائهم الحقيقه.
فصعب على عضو كونجرس ان يدافع عن رأي باسم القلب النابض اوكبويستا او....الخ.
على علمانين السودان والمستنيرين عموما ان يعلموا ان هذا الموقع صار يمثلنا
وبالتالي الاراء المتشنجه حول مثلا رسومات الرسول (ص) وافساح المجال لها
دون التصدي الجاد هي تعني كم الهوس الذي يحكم عقلية السوداني.
الاخ ابراهيم بقال وانت قلما محسوب على دارفور الجريحه ارجوك ان تتأني
بالذات في تبني الطرح الديني مثال بوست عن هدر دم محمد طه محمد احمد,
او الدروع البشريه الكيزانيه التي تصدت لطائرة الوزير النرويجي.....الخ)
لا نحتاج في قضية دارفور للمزيد من هذا
يكفي اهلنا مدى الاستغلال الذى تم لهم باسم الدين.
واخيرا وليس آخرا دعوة الكونجرس الامريكي لتبني عدم انعقاد مؤتمر القمه
العربيه في الخرطوم,ولو نجحنا في هذا تأكدوا فان الثوره ستقوم من هذا المنبر.
اخيرا موضوع اللاجئين ادعو كل المخلصين ان يواصلوا التوثيق للمذبحه
اسماء موظفين مكتب القاهره للامم المتحده حالات الفساد الموثقه ستكون هي
الادله في تقديم هؤلاء القتله للحكم, الصور الصور الصور للمفقودين قبل
الحادث,كل الناشطين الذين خرجوا ولم يعودوا في قاهرة المعز وحسني المذل.
ولن ننسى لاجئين العراق ,ولا عبد المنعم سليمان والاعتداء الغاشم عليه
من قبل سفارة العملاء, ولا احمد ود هشام هباني الحرموه الجنسيه لكتابات
والده بهذا المنبر, فالنواصل التوثيق.
واخيرا التحيه لكل مناضلي الكي بورد والدنكوشتيون الجدد فقد دخلنا
التاريخ ولا عزاء للمتخاذلين عن نصرة بلادهم.
تراجي.
|
Post: #2
Title: Re: المسؤليه التاريخيه على بكري ابوبكر وابناء دارفوروالشرق وشرفاء المنبر؟؟؟؟
Author: Tragie Mustafa
Date: 02-18-2006, 12:12 PM
Parent: #1
اناشد عضو المنبر محمد عثمان دريج للعوده للكتابه
بهذا المنبر, فهو من الاقلام الدارفوريه المميزه
وبهجره لهذا المنبر اختل عندنا التوازن.
تراجي.
|
Post: #3
Title: Re: المسؤليه التاريخيه على بكري ابوبكر وابناء دارفوروالشرق وشرفاء المنبر؟؟؟؟
Author: Tragie Mustafa
Date: 02-18-2006, 12:16 PM
Parent: #2
اناشد الاخ محمدين
ان يعود للكتابه بما عهدناه
الموضوع طلع من يد عبد الواحد ومني اركوي
نحتاج الاقلام الدارفوريه على تنوعها هنا.
خلينا من بوب مارلي ملحوق
نحتاج الآن برؤيتك عن حقيقة الصراع
رؤيتك انت وليس عبد الواحد فهو من سيستمع لك من هنا.
لك الود.
وفي انتظارك.
تراجي.
|
Post: #4
Title: Re: المسؤليه التاريخيه على بكري ابوبكر وابناء دارفوروالشرق وشرفاء المنبر؟؟؟؟
Author: Tragie Mustafa
Date: 02-18-2006, 12:21 PM
Parent: #3
محمد سليمان
اقوى الاقلام الدارفوريه بلا منازع
مباركا عليك اخي هذا التكريم لسودانيز اون لاين
اطالبك بالعوده
رغم انك لم تغادر
ولكني اود ان ارى بوستاتك الخاصه
وطرحك الذى اثق في قوميته وشموله
لاتهتم بالبيناقروك
الجماعه لما حيختوا اسمك في القوقل ما بيجيهم
رد زيد ولا عبيد عليك بجيهم ردك انت بسه
فارجوك لا تتركهم يستهكلونك في البوستات الفارغه
وركز معانا
وعايزين طرحك
لا طرح مني اركوي ولا طرح د. خليل
عايزين حقكك براك لانك راجل ما ساهل
امانه ماك ضؤ,عباره مستلفه من الاخوة الجلابه
والتحيه لكل شرفاء المنبر من ابناء الشمال و الوسط.
تراجي.
|
Post: #8
Title: Re: المسؤليه التاريخيه على بكري ابوبكر وابناء دارفوروالشرق وشرفاء المنبر؟؟؟؟
Author: Tragie Mustafa
Date: 02-18-2006, 12:36 PM
Parent: #4
الاعزاء ادبائنا
انتم لساننا
فالينطلق المارد في داخلكم
وليسطر للتاريخ كلمات الثوره
فضيلي جماع
عاطف عبد الله
محسن خالد
عثمان محمد صالح
ابوعسل السيد احمد
ومعذره لو لم استحضر اسماء البعض
واخيرا شاهين شاهين احدث المنضمين للمنبر
وقد اسميته احمد فؤاد نجم السوداني
السودان ينتظركم يقرأ لكم
فالتصيروا كلكم حميد وكلكم محجوب شريف
واهديكم ابداع شاهين شاهين
ليست لانها لشخصي ولكن لانها تمجيد للمرأه
القويه المنفعله بقضايا الوطن
هي تماضر
هاله الاحمدي
د.ندى علي
عشه بت فاطمه
اشراقه مصطفى
ندى امين
آمنه مختار
سلوى صيام
عزاز الشامي
رجاء العباسي
حليمه 2
سعديه عبد الرحيم
عفاف ابو كشوه
لنا مهدي
نور تاور
ست البنات
عاليه عوض الكريم
منى خوجلي
الهام
انعام
ريهان الريح الشاذلي
عبير خيري
هميمه
مريم بت الحسين
واخيرا ابنة الشرق عائشه حميده
هي لكل اليسار يات و التقدميات بالمنبر
وعذرا لمن سقط اسمها سهوا
وعذرا للناشطات من غير قبائل اليسار او الجندر
ونحن الكنانيه دي بت مهدي محكرنها في وسطنا من باب الاحتواء
بهظر يا لنا مهدي.
Quote: (1)
وزنك كم كيلو ؟
بتكلم جد
وزنك كم ؟
فى زمن الصمت الما راجل
توزنى كم راجل يا بنية ؟
غيرية فى زمن الفردية
زمن التخنيث والزندية
الله ... الله ... ويسارية
توزنى كم راجل يا بنية
سبحان الله .
(2)
وعديلة عديل
زى سكة حديد لا شمال لا يمين
للاعور اعور فى عينه
تسلم عينك .
تسلم يا يسار
بتجيب بنوت زى الانناس
مارقات للناس ... بيحبوا الناس
والناس اشكال
جاى اشرب عندك بكرة الشاى
ما لون شعرك , ما لون عينك
اغراء صوتك , ما مقاس خصرك
مونكير ضفرك
مجنون ب
عقلك , لون فكرك
حبك لبلدك , هم شعبك
قلمك , وعيك
وجعى ووجعك
احساسك بى
ب ناس بيتنا
ناس الجيران
دوغرية فى زمن الزوغان
زى سكة حديد
لا شمال لا يمين
جاى اشرب عندك بكرة الشاى
سبحان الله
(3)
يا بت من وين ؟
شقيش ؟
هل شجرة صيف ؟
والضل بيشيل
الكحيانين ... العدمانيين ... المضطهدين
يا صوت فى زمن السوط الشين
لا هزار فارغ ... لا ضحك مايع
لا كلام فاضى
ورجال حيطة
شنباتم كلها فى الفاضى
داسين الراس كنعام خايف
والبت انثى
هل تتخيلوا انثى بتوزن ؟
فى الكفة بتوزن كم راجل ؟
(4)
يا يسار يا قديم
يا يسار يا جديد
انهض على حيلك
شد حيلك
يا عطبرة وين العمال ؟
يا بيت المال
يا افندية ... يا خريجين
يا صنايعية ... يا عواطلية
يا طلبة بتهتف ضد يونيو
ريحة بومبان
سجن امدرمان
وقطاعنا العام
اطلع يا يسار
ويسار طالع
شغلى مكناتك يا مصانع
سبحان الله
(5)
والبت دوغرية
وغلباوية
دوغرية شديد
زى سكة حديد
ويسارية
ويسارنا حديد
حيدك فى يوم علب الكرتون
انهض يا يسار
راجيك مارثون
وبيوت الطين
حتكون بالطوب
واليوم ما بعيد
اليوم ما بعيد
اليوم ما بعيد
بس شدوا الحيل
يا ناس ... يا ناس
انا بعرف زولة كما المنقة بطعم الانناس
سبحان الله
(6)
جاى اشرب عندك بكرة الشاى
كيسارى اصيل
من ايدك عايز اشرب شاى
ختى القرفة ... زيدى السكر
صفقة نعناع
سبحان الله .
شاهين . |
ولكم الود.
تراجي.
|
Post: #28
Title: Re: المسؤليه التاريخيه على بكري ابوبكر وابناء دارفوروالشرق وشرفاء المنبر؟؟؟؟
Author: محمدين محمد اسحق
Date: 02-18-2006, 02:16 PM
Parent: #3
أختي تراجي مصطفي ..لك التحية ..
Quote: اناشد الاخ محمدين
ان يعود للكتابه بما عهدناه
الموضوع طلع من يد عبد الواحد ومني اركوي
نحتاج الاقلام الدارفوريه على تنوعها هنا.
خلينا من بوب مارلي ملحوق |
المشكلة في أنو الزمن والمشاغل اصبحت تؤثر
في تواجدنا في المنبر ..
بوب مارلي مشكلتو سهلة ..بنشيل ونلزق ..
بلا صداع و لا وجع رأس ..
Quote: اناشد عضو المنبر محمد عثمان دريج للعوده للكتابه
بهذا المنبر, فهو من الاقلام الدارفوريه المميزه
وبهجره لهذا المنبر اختل عندنا التوازن. |
وأضم صوتي لك فهو احد عقالنا في هذا المنبر...
واتمني ان تتم بدء صفحة جديدة بين ابناء دارفور
جميعهم عربهم و زرقاهم ..
|
Post: #6
Title: Re: المسؤليه التاريخيه على بكري ابوبكر وابناء دارفوروالشرق وشرفاء المنبر؟؟؟؟
Author: Biraima M Adam
Date: 02-18-2006, 12:28 PM
Parent: #2
تراجى العنصرية القبلية
سويتها شعوب وقبائل: النوبة، الجنوبيين والعلانيين، هنا أسمعك صوتى:
إين أبناء القبائل العربية في المنبر ..
أين أبناء البقارة في المنبر ..
أين أبناء الحوازمة في المنبر ..
أين أبناء الحمر في المنبر ..
أين أبناء الكبابيش في المنبر ..
أين أبناء الجعليين (أمثال سلمى التجانى) في المنبر ..
أين أبناء التعايشة في المنبر ..
أين أبناء الرزيقات في المنبر ..
أين أبناء المسيرية في المنبر ..
أين أبناء البنى هلبه في المنبر ..
أين أبناء الهبانية في المنبر ..
أين أب جلول (موسى هلال) في المنبر ..
أين الشوايقة في المنبر ..
أين أبناء بنى سليم في المنبر ..
أين أبناء أولاد حميد في المنبر ..
أين أبناء خزام في المنبر ..
أين أبناء بنى حسين في المنبر ..
أين أبناء الشنابلة في المنبر ..
أين أبناء الكواهلة في المنبر ..
أين أبناء الترجم في المنبر ..
أين أبناء كنانة في المنبر ..
أين أبناء البديرية في المنبر ..
طالع مشوار ثم نأتى ونواصل العقد الفريد الذى نريد منهم تفعيل دورهم في هذا المنبر ..
قبل أن نذهب أين الأنصار في المنبر ..
أين الكيزان في المنبر ..
أين الختمية في المنبر ..
الأخيرين ديل عشان يسحقوا أحلام ظلوط العلمانية ..
بريمة م أدم
|
Post: #25
Title: Re: المسؤليه التاريخيه على بكري ابوبكر وابناء دارفوروالشرق وشرفاء المنبر؟؟؟؟
Author: ابراهيم بقال سراج
Date: 02-18-2006, 02:03 PM
Parent: #6
Quote: تراجى العنصرية القبلية
سويتها شعوب وقبائل: النوبة، الجنوبيين والعلانيين، هنا أسمعك صوتى:
إين أبناء القبائل العربية في المنبر ..
أين أبناء البقارة في المنبر ..
أين أبناء الحوازمة في المنبر ..
أين أبناء الحمر في المنبر ..
أين أبناء الكبابيش في المنبر ..
أين أبناء الجعليين (أمثال سلمى التجانى) في المنبر ..
أين أبناء التعايشة في المنبر ..
أين أبناء الرزيقات في المنبر ..
أين أبناء المسيرية في المنبر ..
أين أبناء البنى هلبه في المنبر ..
أين أبناء الهبانية في المنبر ..
أين أب جلول (موسى هلال) في المنبر ..
أين الشوايقة في المنبر ..
أين أبناء بنى سليم في المنبر ..
أين أبناء أولاد حميد في المنبر ..
أين أبناء خزام في المنبر ..
أين أبناء بنى حسين في المنبر ..
أين أبناء الشنابلة في المنبر ..
أين أبناء الكواهلة في المنبر ..
أين أبناء الترجم في المنبر ..
أين أبناء كنانة في المنبر ..
أين أبناء البديرية في المنبر ..
طالع مشوار ثم نأتى ونواصل العقد الفريد الذى نريد منهم تفعيل دورهم في هذا المنبر ..
قبل أن نذهب أين الأنصار في المنبر ..
أين الكيزان في المنبر ..
أين الختمية في المنبر ..
الأخيرين ديل عشان يسحقوا أحلام ظلوط العلمانية ..
بريمة م أدم |
بالله شوفوا الزول دا !!! انت العنصري ولا تراجي عنصرية ؟؟ والجواب يكفيك عنوانه
وبعدين لستتك دا جايبوا من وين ؟؟ اكيد من قسم شؤون القبائل
|
Post: #34
Title: Re: المسؤليه التاريخيه على بكري ابوبكر وابناء دارفوروالشرق وشرفاء المنبر؟؟؟؟
Author: Tragie Mustafa
Date: 02-18-2006, 10:05 PM
Parent: #6
العزيز بريمه
اليوم مزاجي رائق وسميتك عزيز كمان
قلت لي :| Quote: أين أبناء الجعليين (أمثال سلمى التجانى) في المنبر .. |
سلمى التجاني بقت حقتنا انت اطلع منها
نسابتي الاردنين عندهم مثل بيقولوا للمرأه بعد الزواج:
(اهلك الاشتروك مش الباعوك)
يعني اهلك هم من دفع المهر اي اهل زوجك
واسرتك لم تعد من قبض المهر وهم اهلك الاصلين.
يعني ببساطه كده
سلمى التجاني الآن زغاويه
يدافع عنها اهل زوجها ولو حصل عملت حادث حركه لاقدر الله
يتشارك اهل زوجها في دفع الديه عنهاوقع لك الكلام يا ود القبائل !!!1
لك الود.
تراجي.
|
Post: #57
Title: Re: المسؤليه التاريخيه على بكري ابوبكر وابناء دارفوروالشرق وشرفاء المنبر؟؟؟؟
Author: Al-Shaygi
Date: 02-19-2006, 03:38 AM
Parent: #34
Quote: نسابتي الاردنين عندهم مثل بيقولوا للمرأه بعد الزواج:
(اهلك الاشتروك مش الباعوك)
يعني اهلك هم من دفع المهر اي اهل زوجك
واسرتك لم تعد من قبض المهر وهم اهلك الاصلين.
يعني ببساطه كده
سلمى التجاني الآن زغاويه
يدافع عنها اهل زوجها ولو حصل عملت حادث حركه لاقدر الله
يتشارك اهل زوجها في دفع الديه عنهاوقع لك الكلام يا ود القبائل !!!1
|
الخاله العزيزه تراجي
طيب لو طبقنا كلام نسابتك ده
إنت تاني شغلتك بدارفور شنو
ما محلك بعد ده غور الأردن ودفع الدية بالدينار الأردني.
الشايقي
|
Post: #58
Title: Re: المسؤليه التاريخيه على بكري ابوبكر وابناء دارفوروالشرق وشرفاء المنبر؟؟؟؟
Author: Tragie Mustafa
Date: 02-19-2006, 03:59 AM
Parent: #57
الشايقي
يا اخوي انت من شويه في بوست عربات جامعة جوبا المحروقه
قلت انتو مظاهراتكم كانت زمن الكومر
معنى الكلام ده انت في الجامعه وانا في الروضه.
وجي تقول لي خاله
غايتو الله يسامحك يا بيان علمتي لينا الرجال الاكبر مننا ديل كلمة خاله.
نرجع لموضوعك
يا سيدي
Quote:
الخاله العزيزه تراجي
طيب لو طبقنا كلام نسابتك ده
إنت تاني شغلتك بدارفور شنو
ما محلك بعد ده غور الأردن ودفع الدية بالدينار الأردني.
|
لو طبقت كلام نسابتي دى
تعرف معناه انه انا لو ضربتك بعربيه لا قدر الله
وله اديتك علقه كاربه نتج عنها اذى جسيم
وكنا في دوله فيها نظام اسلامي او عشائري زي الاردن
انا ادفع ديتك بالجنيه السوداني
لكن لو حصل العكس
انت حتتورط بالدينار الاردني
والكلام لك يا المنطط عنيك.
اما قضية دارفور
بتعامل معاها بنفس المثل الاردني
الدم عمره ما بيبقى ميه.
اما عل سيرة غور الاردن فانا يا سيدي مناسبه ناس اسمهم السلطيه
نسبة لمدينة السلط
وديل رجال بياكلوا النار
عارف وموجودين في الاردن قبل الملك ذاته يعني اصلين.
والسلطيه ما احلاهم
مسيحيهم على مسلميهم حته واحده
ولو اتهبش سلطي
كل قوات مكافحة الشغب ما بتقدر عليهم
الا كبارهم.
وعلى سيرة غور الاردن هو طبعا اكثر منطقه منخفضه في العالم
وانا كنت ساكنه في اعلى منطقه في الاردن يعني بشوف اسرائيل
من شرفة منزلنا لانها هي مرتفعه ايضا وبيننا حوض الغور فقط.
عايزه انثربولوجيا كما اديناك جغرافيا كفايه وله لسه.
تراجي.
|
Post: #63
Title: Re: المسؤليه التاريخيه على بكري ابوبكر وابناء دارفوروالشرق وشرفاء المنبر؟؟؟؟
Author: Al-Shaygi
Date: 02-19-2006, 05:08 AM
Parent: #58
الخاله تراجي
Quote: يا اخوي انت من شويه في بوست عربات جامعة جوبا المحروقه
قلت انتو مظاهراتكم كانت زمن الكومر
معنى الكلام ده انت في الجامعه وانا في الروضه.
وجي تقول لي خاله |
خاله دي يا تراجي من باب الاحترام وليس التكبير فما زلت (نغه) وصباعك في خشمك، وباين من نضالك.
Quote: تعرف معناه انه انا لو ضربتك بعربيه لا قدر الله
وله اديتك علقه كاربه نتج عنها اذى جسيم
وكنا في دوله فيها نظام اسلامي او عشائري زي الاردن
انا ادفع ديتك بالجنيه السوداني |
ما تخافي يا خاله لا بالجنيه ولا بالدينار كان سويتيها عافي ليك لوجه الله تعالي ومن الآن بوصي أولادي يعفو ليك ونحنا أصلاً أهلنا ما قاعدين يقبلوا العوض في خسائرهم.
Quote: لكن لو حصل العكس
انت حتتورط بالدينار الاردني
والكلام لك يا المنطط عنيك. |
الدينار الأردني ولا حتى الجن الأحمر ما ورطة بالنسبة لي يا خالة والحمدد لله.
ولكن الورطة الحقيقية الله لا قدر بتكون في النفس البشرية ومهما أختلفت معك فأنت في النهاية إنسانة سأحزن وأتألم إذا أذيتها والله يسلمك من كل أذى ويهديك ويخليك لي اردنيك وعياله.
وما من طبعي تسوية خلافاتي بالدم.
| Quote: الدم عمره ما بيبقى ميه. |
أهه عاد في دي يا خاله غلبتيني تب وما عندي كلام وإنشاء الله الدم ما يبقى مويه وكمان ما يبقى دم قبيله غير دم القبيلة التانية ويبقى كل الدم سوداني، وبالمناسبة كنت مسجل في بنك الدم بمستشفى الخرطوم كمتبرع أساسي لأن فصيلتي غير متوفرة دائماً كثيراً ما يتصلون بي للتبرع لمحتاج لنقل دم وكانوا دائماً بيحاولوا يعطوني بيانات المريض أو المصاب في الحادث ولكن كنت أرفض معرفتة من يكون ومن أين المهم عندي أنه إنسان في حاجة إلى إنقاذ (طبعاً مش الإنقاذ الحاكمة).
Quote: اما عل سيرة غور الاردن فانا يا سيدي مناسبه ناس اسمهم السلطيه
نسبة لمدينة السلط
وديل رجال بياكلوا النار |
سلطيه ولا سلطه ، يا كلوا النار ولا ياكلوا الزلط ده ما شغلي
بس قولي لي إنت قاعدة تطبخي الملاح بالنار والنار بالملاح ،،، يكونوا حيروك في الحته دي،، بس أوعك النار القاعد ياكلوها دي تقوم تحرقك.
| Quote: عارف وموجودين في الاردن قبل الملك ذاته يعني اصلين. |
بالله
أول مره أعرف لماذا يصر البشير على خلق وظيفة (مستشار لشؤون التأصيل)، وعلى الأصل دور.....
وفي مثل مصري بيقول: المعندوش كبير يدور له ع كبير. وبالمثل الأصل.
Quote: وعلى سيرة غور الاردن هو طبعا اكثر منطقه منخفضه في العالم
وانا كنت ساكنه في اعلى منطقه في الاردن يعني بشوف اسرائيل
من شرفة منزلنا لانها هي مرتفعه ايضا وبيننا حوض الغور فقط. |
من طلب العلى سكن السلط وطل على اسرائيل...
| Quote: عايزه انثربولوجيا كما اديناك جغرافيا كفايه وله لسه. |
لســـــــــه
كّمّّان
الشايقي
|
Post: #90
Title: Re: المسؤليه التاريخيه على بكري ابوبكر وابناء دارفوروالشرق وشرفاء المنبر؟؟؟؟
Author: عبدالرحمن خلف الله
Date: 02-19-2006, 04:26 PM
Parent: #6
الاخ بريمة
ارجو ان تكون حاضرا دائما للرد على دعاة العنصرية الجدد
انظر كيف يتكالبون على كل ما هو عربى
الحاجة تراجى ارجو ان تفاوضوا بشجاعة على الانفصال
صدقينى سنؤازركم ونؤيدكم على ذلك
لتكن دارفور قسمة بينكم وبين العرب وابنو دولتكم وسنساعدكم ايضا فى ذلك
|
Post: #5
Title: Re: المسؤليه التاريخيه على بكري ابوبكر وابناء دارفوروالشرق وشرفاء المنبر؟؟؟؟
Author: khalid abuahmed
Date: 02-18-2006, 12:24 PM
Parent: #1
الاخ العزيز بكري في البدء نزجي التهنئة الخالصة باختيار وتصنيف هذا الموقع الوطن في هذه الدرجة من العالمية والتميز..
الاخت العزيزة تراجي
من الغلط ان تحدثي باسم اعضاء المنبر لأنه من الواقع اذا انتي وأنا إلتزمنا بأدب الحوار وابتعدنا عن المهاترة فهناك العديد من الاخوة الذين لا يكفون عن المهاترة وليس لهم استعداد للكفء عن الاسلوب المرفوض,,,, ولا أحسب ان التزامك هذا يجعل الذين يعنيهم هذا الامر يلتزمون...
نعم انتي صادقة في حديثك كما عهدناك
وانتي مسئولة عن قراراتك
ولك اهداف سامية من وجودك هنا في المنبر.. ولكن الاخرين..!!
ومن منطلق حديثك أويد اطلاق سراح الاقلام الوطنية ولا ارى ان احدا ما يعارض هذه المطالبة..
|
Post: #11
Title: Re: المسؤليه التاريخيه على بكري ابوبكر وابناء دارفوروالشرق وشرفاء المنبر؟؟؟؟
Author: Tragie Mustafa
Date: 02-18-2006, 12:46 PM
Parent: #5
شكرا خالد ابو احمد
ومعا من اجل منبر مسؤل.
تراجي.
|
Post: #75
Title: Re: المسؤليه التاريخيه على بكري ابوبكر وابناء دارفوروالشرق وشرفاء المنبر؟؟؟؟
Author: Tragie Mustafa
Date: 02-19-2006, 10:33 AM
Parent: #11
الشايقي سلام
وجميل ان اعرف عنك هذا ومصدقاك لانه المؤمن صديق
Quote: أهه عاد في دي يا خاله غلبتيني تب وما عندي كلام وإنشاء الله الدم ما يبقى مويه وكمان ما يبقى دم قبيله غير دم القبيلة التانية ويبقى كل الدم سوداني، وبالمناسبة كنت مسجل في بنك الدم بمستشفى الخرطوم كمتبرع أساسي لأن فصيلتي غير متوفرة دائماً كثيراً ما يتصلون بي للتبرع لمحتاج لنقل دم وكانوا دائماً بيحاولوا يعطوني بيانات المريض أو المصاب في الحادث ولكن كنت أرفض معرفتة من يكون ومن أين المهم عندي أنه إنسان في حاجة إلى إنقاذ (طبعاً مش الإنقاذ الحاكمة).
|
س اكتب لي الفصيله
عشان لو احتجتها اطلبك
شكرا لمرورك
وقاعدين يا اخوي رغم اتهامك بعدم النضج السياسي.
تراجي.
|
Post: #96
Title: Re: المسؤليه التاريخيه على بكري ابوبكر وابناء دارفوروالشرق وشرفاء المنبر؟؟؟؟
Author: Al-Shaygi
Date: 02-20-2006, 01:11 AM
Parent: #75
Quote: س اكتب لي الفصيله
عشان لو احتجتها اطلبك |
وإنشاء الله تتمتعي بالصحة والعافية وما تحتاجي لي دمي (أصله تقيل عليك) .
| Quote: وقاعدين يا اخوي رغم اتهامك بعدم النضج السياسي. |
أنا ما قلت ليك أمشي وينقطع لسان البقول ليك كده وبالعكس الله لا قدر لو مشيتي راح أزعل ، إنت ما بهارات المنبر يا خاله، والمنبر ده بلاك ببقى بمبر في تُكل.
الشايقي
|
Post: #7
Title: Re: المسؤليه التاريخيه على بكري ابوبكر وابناء دارفوروالشرق وشرفاء المنبر؟؟؟؟
Author: abdelfattah mohammed
Date: 02-18-2006, 12:31 PM
Parent: #1
شكراً الأخت تراجي مصطفى على هذا البوست وسأعود للتعقيب
|
Post: #9
Title: Re: المسؤليه التاريخيه على بكري ابوبكر وابناء دارفوروالشرق وشرفاء المنبر؟؟؟؟
Author: Tragie Mustafa
Date: 02-18-2006, 12:41 PM
Parent: #7
يا بريمه انت مالك مشاتر
ناسك ديل كلهم ممكن يكونا مشمولين في كلمة شرفاء المنبر
وفعلا قضية ابيي صعدها زي ما عايز
بس خليك من الطرطشه.
حسه يا بريمه
كلمة دارفور دي ما شامله كل الناس
عرب وزرقه؟؟؟؟
كردفان انت قلت عنهم انه ما عنهم مشكله
اما ناس
كبر
وعزاز
ووابكر آدم اسماعيل
قالوا نحن هامش وبيحلوا في جدلية الهامش و المركز
وهم ممكن يدخلوا ضمن دعوتي لهم باسم شرفاء المنبر
يا زول شوف لك شغله.
تراجي.
|
Post: #10
Title: Re: المسؤليه التاريخيه على بكري ابوبكر وابناء دارفوروالشرق وشرفاء المنبر؟؟؟؟
Author: Tragie Mustafa
Date: 02-18-2006, 12:45 PM
Parent: #7
عبد الفتاح سلام
وشكرا لمرورك
ولاحظت عندك بوست اليوم جيد
هذا ما نوده
ما عايزين بوستات زي شكلك انت وبقال
وصدقني بقال لا ود خالي ولا ود عمي
هو فقط شاب نشيط
وكان بقيتوا اثنين يا فرحتنا بيكم
لك الود وفي انتظار عودتك.
تراجي.
|
Post: #12
Title: Re: المسؤليه التاريخيه على بكري ابوبكر وابناء دارفوروالشرق وشرفاء المنبر؟؟؟؟
Author: Tragie Mustafa
Date: 02-18-2006, 12:53 PM
Parent: #10
الاخ محمد اشرف
نحتاج قلمك
بيننا ارجوك اخرج من صمتك.
تراجي.
|
Post: #13
Title: Re: المسؤليه التاريخيه على بكري ابوبكر وابناء دارفوروالشرق وشرفاء المنبر؟؟؟؟
Author: Tragie Mustafa
Date: 02-18-2006, 12:57 PM
Parent: #12
د. ابو آمنه
ودقنه
وعائشه حميده تقدموا الصفوف
ابو الريش
وهاشم نوريت و التنوع المطلوب للشرق
ناس كسلا لي عوده
لم افرز كيمانكم بعد
ولكننا نحتاج ان نقول كلمتنا لنتعرف على طرح بعضنا.
طارق ابوبكر
سن قلمك اقصد كي بوردك ونحن معاك
نناقش ونفند.
ولكم الود جميعا.
تراجي.
|
Post: #14
Title: Re: المسؤليه التاريخيه على بكري ابوبكر وابناء دارفوروالشرق وشرفاء المنبر؟؟؟؟
Author: Tragie Mustafa
Date: 02-18-2006, 01:00 PM
Parent: #13
حامد حجر
نحتاج قلمك بيننا
انت وعبد العظيم
وعوض الله الفولاني
وبقية مقاتلين بيروت
لا تجعلوا العمل التنظيمي
يبعدكم من القواعد الشعبيه.
لكم الود.
تراجي.
|
Post: #16
Title: Re: المسؤليه التاريخيه على بكري ابوبكر وابناء دارفوروالشرق وشرفاء المنبر؟؟؟؟
Author: Tragie Mustafa
Date: 02-18-2006, 01:05 PM
Parent: #14
ياناس
الحركه الشعبيه
وحركة تحرير السودان جناح(عبد الواحد ومني اركوي)
والعدل و المساواة
حزب الامه
الاتحادين
الشيوعين
البعثين
الناصرين
الجمهورين
انصار السنه
المستقلين
معا من اجل منبر مسؤل
ودعونا نستعد للهجمه الشرسه من اقلام الجبهه.
تراجي.
|
Post: #17
Title: Re: المسؤليه التاريخيه على بكري ابوبكر وابناء دارفوروالشرق وشرفاء المنبر؟؟؟؟
Author: ابراهيم بقال سراج
Date: 02-18-2006, 01:08 PM
Parent: #14
تراجي مصطفي
المراة الحديدية
المراة التي تساوي مليون راجل متخازل ....
لك التحية والاحترام
واصلي في كتاباتك ونحن نقرأء وغيرنا يقراء
ما تنشغلي ببريمة ولا غيره واصلي
|
Post: #15
Title: Re: المسؤليه التاريخيه على بكري ابوبكر وابناء دارفوروالشرق وشرفاء المنبر؟؟؟؟
Author: Abureesh
Date: 02-18-2006, 01:01 PM
Parent: #12
الأخت تراجى،
شكـرا على هـذه اللفتـة وأحب أن أزيـد:
بالإضـافـة إلى المنبـر العـام، فإن صفحـات أخـرى مثل الأخبـار والتحليلات أيضـا ساهمت فى اختيار الموقـع، بالاضافـة إلى شئ أخـر أهـم، وهـو تصميم الموقـع ونظام الأرشفـة وسهـولـة البحث فيـه.
أرجـو من كل البورداب أن يتحلوا بأعلى درجات الوعى الأن أكثـر مما مضى، فى جهـة العبارات واسلوب النقاش، فإن إسـم أى واحـد فينـا على الخط!!!
فقـط نتخيل أننا حين نكتب أو نرد، نعتبـر أنفسنـا مثل من يكتب لباحث جامعى أو سياسى متحيـر أو كاتب كبيـر من جميـع أنحاء العالم، وليس فقـط رد على واحـد شتمك أو أسـاء اليك.
ولى قـدام...
|
Post: #18
Title: Re: المسؤليه التاريخيه على بكري ابوبكر وابناء دارفوروالشرق وشرفاء المنبر؟؟؟؟
Author: bayan
Date: 02-18-2006, 01:13 PM
Parent: #15
يا تراجي
منو الشغال بالكونقرس الامريكي؟
بس... وشايلة موسى.......
خليهم يشوفو مشاكلهم وورطتهم في افغانستان
وبعداك يحلوا مشاكل العراق وكيف يسحبوا جنودهم بكرامة
بعداك
يشوفو امر الاسرى الماعندهم حقوق و قصة ابو غريب
وقصص كثيرة..
لا نحتاج ابدا للكونقرس الامريكي ليحل مشاكلنا...
بالله سيبو حركات تمجيد الامريكان ديل..
بعدين تعرفي لو بكري رفد الاغبياء حتتمحني جنس محنة في بعض رجالات الفيلق حقكم
|
Post: #19
Title: Re: المسؤليه التاريخيه على بكري ابوبكر وابناء دارفوروالشرق وشرفاء المنبر؟؟؟؟
Author: Abureesh
Date: 02-18-2006, 01:46 PM
Parent: #18
بيـان،
الظـاهـر الكيبورد الجديـد بتاعك محتاج تغييــر!
مكتبـة الكنونقرس دى ما عندهـا علاقـة بالبيت الأبيض ولا الأسـود ولا بيوت الأشبـاح.
ما عندهـا علاقـة بالسياسـة ولا الأحزاب ولا سجن أبو غريب..
عندمـا ذهبت هناك لأستخراج بطاقـة وسـألت عن المتطلبـات، قالوا: ما دمت من مواطنى العالم وتسكن الكـرة الأرضيـة فإن من حقك أن تكون عضـوا فى هـذه الكتبـة..
حتى صـدام حسين إذا استطـاع ودخل حرم هـذه المكتبـة اليوم، فإنهـم يستخرجون له بطاقـة كباحث ويستطيـع المكوث فيهـا الى أن يشـاء الخروج.. هـذا نظامهـا الذى لا تستطيـع الحكومـة الأمريكيـة التدخل فيـه.
|
Post: #29
Title: Re: المسؤليه التاريخيه على بكري ابوبكر وابناء دارفوروالشرق وشرفاء المنبر؟؟؟؟
Author: ابراهيم بقال سراج
Date: 02-18-2006, 02:20 PM
Parent: #18
Quote: يا تراجي
منو الشغال بالكونقرس الامريكي؟ |
نحن شغالين بالكنجرس الامريكي وبالاتحاد الاوربي والامم المتحدة ومجلس الامن
الدولي والمحكمة الجنائية الدولية وكل العالم الغربي فقط لانهم انسانيين
ودعاة حق وهم الذين سعوا وتحركوا بالبوصلة لانقاذ اهلنا من التطهير العرقي
والابادة الجماعية وهم الذين قدموا المساعدات اللوجستية لمتضرري حرب دارفور
وهم الذين يحاكمون مجرمي حرب دارفور الذين ارتكبوا الجرائم فكيف لا ننشغل
بهم ؟؟؟
|
Post: #66
Title: Re: المسؤليه التاريخيه على بكري ابوبكر وابناء دارفوروالشرق وشرفاء المنبر؟؟؟؟
Author: Al-Shaygi
Date: 02-19-2006, 06:58 AM
Parent: #29
Quote: نحن شغالين بالكنجرس الامريكي وبالاتحاد الاوربي والامم المتحدة ومجلس الامن
الدولي والمحكمة الجنائية الدولية وكل العالم الغربي فقط لانهم انسانيين
ودعاة حق وهم الذين سعوا وتحركوا بالبوصلة لانقاذ اهلنا من التطهير العرقي
والابادة الجماعية وهم الذين قدموا المساعدات اللوجستية لمتضرري حرب دارفور
وهم الذين يحاكمون مجرمي حرب دارفور الذين ارتكبوا الجرائم فكيف لا ننشغل
بهم ؟؟؟ |
يا ود إنت مخك تخين كده ماله
قدر ما نفهم فيك ما داير تفهم
| Quote: نحن شغالين بالكنجرس الامريكي |
نحن دي شنو؟؟؟
إنت لا تمثل غير نفسك وضمير المفرد (أنا) فهمت؟
الشايقي
|
Post: #38
Title: Re: المسؤليه التاريخيه على بكري ابوبكر وابناء دارفوروالشرق وشرفاء المنبر؟؟؟؟
Author: Al-Shaygi
Date: 02-19-2006, 00:30 AM
Parent: #18
بت عمي بيان سلامات
Quote: بس... وشايلة موسى.......
|
الشايقي
|
Post: #43
Title: Re: المسؤليه التاريخيه على بكري ابوبكر وابناء دارفوروالشرق وشرفاء المنبر؟؟؟؟
Author: Mohamed E. Seliaman
Date: 02-19-2006, 01:02 AM
Parent: #18
Quote: ناس كسلا لي عوده
لم افرز كيمانكم بعد |
ناس كسلا الذين سحبتم منهم الانتماء للشرق وللبجة؟
وبعدين معاك أختاه من هذا الذي نصبك فارزة للكيمان ووصية
على الناس ؟
------
أنت مطالبة بالاعتذار لكل قبيلة من الشرق شككت في
نسبتها الى الشرق والبجة
والأرشيف موجود.
|
Post: #54
Title: Re: المسؤليه التاريخيه على بكري ابوبكر وابناء دارفوروالشرق وشرفاء المنبر؟؟؟؟
Author: Tragie Mustafa
Date: 02-19-2006, 03:11 AM
Parent: #43
اسمع يا محمد E سليمان
وبعدين معاك
Quote: أنت مطالبة بالاعتذار لكل قبيلة من الشرق شككت في
نسبتها الى الشرق والبجة
والأرشيف موجود. |
انت بالذات مسمي روحك الحبشي
وجاي تقول لي قبائل الشرق!!!!!
بعدين ايه موضة الاعتذارات الطالعين فيها اليومين ديل
تجيب الاقتباس الانت فهمته منه حضرتك انه تشكيك في انتمائها
للشرق ,وبعدين نتفاهم.
تراجي.
|
Post: #77
Title: Re: المسؤليه التاريخيه على بكري ابوبكر وابناء دارفوروالشرق وشرفاء المنبر؟؟؟؟
Author: Tragie Mustafa
Date: 02-19-2006, 10:47 AM
Parent: #18
العزيزه بيان
شكرا لمرورك
Quote: بعدين تعرفي لو بكري رفد الاغبياء حتتمحني جنس محنة في بعض
رجالات الفيلق حقكم
|
اين تحدثت عن فصل يا بيان
بالعكس انا دعيت لعدم الفصل
فارجوك اقرأي بمهل
او احضري الاقتباس.
تراجي.
|
Post: #22
Title: Re: المسؤليه التاريخيه على بكري ابوبكر وابناء دارفوروالشرق وشرفاء المنبر؟؟؟؟
Author: ابراهيم بقال سراج
Date: 02-18-2006, 01:59 PM
Parent: #10
Quote: عبد الفتاح سلام
وشكرا لمرورك
ولاحظت عندك بوست اليوم جيد
هذا ما نوده
ما عايزين بوستات زي شكلك انت وبقال
وصدقني بقال لا ود خالي ولا ود عمي
هو فقط شاب نشيط
وكان بقيتوا اثنين يا فرحتنا بيكم
لك الود وفي انتظار عودتك.
تراجي. |
انتي لسع في ذمن الشكل الزمان داك ,, يأخالتي بالله ما تزكرينا تاني
انا ما شغال بي اي زول بينتقدني وبيشاكلي وينبذني وبعتبر اي زول من
النوع دا ما عندوا موضوع وزول ساكت ما عندو اي هم تجاه اي قضية
واصلي كتاباتك وانا مواصل اما ماذكرته دعه ولا تهتم به كما انا غير
مهتم بذلك وبعتبره زي ما اتلاقينا في محطة مواصلات وافترقنا فأنا ماضي
في طريقي رغم كثرة العثرات والمشاكل التي تواجهني سواء اكان من الزكرته
دا ام من غيره
|
Post: #20
Title: Re: المسؤليه التاريخيه على بكري ابوبكر وابناء دارفوروالشرق وشرفاء المنبر؟؟؟؟
Author: ابراهيم بقال سراج
Date: 02-18-2006, 01:48 PM
Parent: #1
Quote: الاخ ابراهيم بقال وانت قلما محسوب على دارفور الجريحه ارجوك ان تتأني
بالذات في تبني الطرح الديني بوست عن هدر دم محمد طه محمد احمد,
او الدروع البشريه الكيزانيه التي تصدت لطائرة الوزير النرويجي.....الخ) |
تراجي لقد اخطأت في هذه الكلمات وكأنك لا تعرفني من قال لكي انني متبني لطرح
وخطاب ديني ؟؟؟ ولا موقفي وانتمائي لحركة العدل والمساواة جعلك تقولي هذا القول ؟؟
فأذا كان كذلك فأن حركة العدل والمساواة لا علاقة لها بالخطاب الديني السياسي
نعم كلنا مسلمون وكلنا نتبني الخطاب الديني في اطار ما نؤمن به ولكن ان يستقل الدين
ويزج بها في السياسة فنحن براءة منها
وهذا ما كتبته عن اسقلال الدين والزج بها في السياسة
من مسرحيات عثمان كبر تحت ستار الدين والاساءة للرسول الكريم
بقلم / ابراهيم عبدالله بقال سراج
[email protected]
[email protected]
تنبيه لكل العالم والقراء بموضوع مهم جداً في غاية من الاهمية فائتة وغائبة عن اناس كثير نتيجة للاعلام المضلل والمذيف للحقائق وهي الموضوع المثار هذه الايام بمدينة الفاشر والتظاهرة الكاذبة التي خرج بها مواطني مدينة الفاشر والادعاء تحت ستار نصرة الرسول صلي الله عليه وسلم نيجة للاساءات التي لحق بها حيث لا يرضي احد بهذه الاساءة وتم ادنتها من قبل كل العالميين الاسلامي والعربي واستنكروا ماحدث وقاطعوا المنتجات الدنماركية الدولة التي تطاولت علي رسلونا الحبيب محمد صلي الله عليه وسلم ونشرت رسومات وكاركتيرات تسئ للرسول ,, فكلنا ندين ونستنكر ماحدث ولكن ان يتم اسقلالها من قبل بعض الناس الذين يدعون بأنهم مسلمين في غير مقبولة علي الاطلاق مهما يكن من هو ففي مسرحية هزيلة سيئة الاخراج بطله عثمان كبر والي شمال دارفور فبرك مسرحية بالامس واستخدم مواطني مدينة الفاشر كدروع لتنفيذ اجندته الخاصة به والمرضية لحكومة المركز حيث خرج موطني مدينة الفاشر امس في تظاهرة سياسية ادعت بأنها دينية وصلوا الي مطار الفاشر واعتصموا هناك ومنعوا نزول طائرة نائب وزير الدفاع النرويجي الذي زار مدينة الفاشر بغرض الوقوف علي الاوضاع الانسانية واحوال النازحين وزيارة معسكراتهم وزيارة بعثة الاتحاد الافريقي والتفاكر معهم بشأن استبدال القوات الافريقية بقوات اممية ورغم ان زيارة الوزير النرويجي يتعلق بمهمة انسانية تعري الحكومة وتكشف جرائمها وانتهاكاتها لحقوق الانسان الا انه منع من النزول من الطائرة فغادر الفاشر دون ان يقف علي حقيقة الاوضاع هناك وللاسف الشديد ان الموطنيين الذين خرجوا للتظاهرة لا يعلمون الهدف الاساسي منها نسبة لتضليل عثمان كبر لهم في نفس يوم التظاهرة اتصل بي احد اصدقائي بالفاشر وقال لي نحن الان بمطار الفاشر منعنا وزير دنماركي من النزول من طائرته لانهم اساءوا للرسول صلي الله عليه وسلم فقلت له بعفوية شديدة وحينها لم اكن اعلم شيئاً عن فحوي المظاهرة خيراً ما فعلتم نصرة للرسول الكريم وبعدها بساعات اتصلت بعدد من مواطني المدينة مستفسراً عن الحدث فأكدوا لي انهم كانوا مغشوشين وما عارفين الحاصل وبعد خروجهم للتظاهرة اتضحت لهم الرؤية وعرفوا الحاصل فتأسفوا عما حدث .
فحقيقة الامر ان هناك كذبة كبري وتضليل مورست علي مواطني مدينة الفاشر من قبل سلطات حكومة الولاية وعلي راسهم الافاك عثمان كبر تحت ستار الاساءة للرسول والهدف الاساسي هو منع الوزير النرويجي من الوقوف علي حقيقة الاوضاع الانسانية في الفاشر في محاولات يائسة من الحكومة لاخفاء اثار الجرائم البشعة التي ترتكبها ضد مواطني الولاية ولان الوزير الدنماركي اذا نزل من الطائرة وشاهدة المأساة بعينه ستكون ادانة للحكومة وتسجيل وتوثق جرائمه فأستقل عثمان كبر مواطني الولاية واستخدمهم كدروع بشرية لتنفيذ مخططاته واجندته السياسية ,,, اذا كان فعلاً التظاهرة قصد منها الثأر لما لحق برسولنا الكريم لماذا سمحت السلطات الحكومية المركزية للوزير النرويجي العبور من مطار الخرطوم بأستقبال رسمي من المسؤلين في الخارجية ومن ثم مغادرته الي الفاشر ؟؟ لماذا لم يخرج مواطني مدينة الخرطوم بتظارة هنا ويمنعونه من مطار الخرطوم ؟؟ وكيف علم مواطني مدينة الفاشر بأن هناك مسؤول نرويجي قادم اليهم ؟؟ ومن الذي اخبرهم بذلك ؟؟ وكيف تمت التظاهرة بهذه السرعة والدقة ؟؟ سمة اسئلة منطقية تضحض افتراءات عثمان كبر حول المسؤول الزائر للبلاد ثم اذا كان حكومة السودان فعلاً لم يرضيها اساءة الرسول ((ص )) لماذا لم تخرج بمسيرات ضد صحيفة الوفاق التي نشرت مقالاً من صفحتين تسئ للرسول ؟؟ ولماذا لم تحاكم الحكومة رئيس تحرير صحيفة الوفاق محمد طه محمد احمد ؟؟ كعادة الحكومة دائماً الصيد في المياه العكرة وتستخدم الدين الاسلامي كشماعة لتمرير اجندتها وهم لم يمتون بأي صلة بها ويسمون انفسم زيفاً وبهتاناً بالحركة الاسلامية اي اسلام يسمح لك بأبادة جماعية وحرق واغتصاب وحرق مواطنيين احياء بالنار والضرب بالطائرات ؟؟؟ كفي المتاجرة والسمسرة بأسم الدين فللدين رب يحميها (( انا انزلنا الكتاب وانا له لحافظون )) كفاية استخدام مواطني دارفور بأسم دارفور اللوح , دارفور الدواية , دارفور , الدين , والشعارات الذائفة فاذا كانت الحكومة حريصة وكبر حريص علي الدين لمنع طائرة الوزير النرويجي من النزول في مطار الخرطوم وليس مطار الفاشر .ومهما فعلتم فأن جرائمهم موثقة ومعروفة وتحت منضدة المحكمة الجنائية الدولية لاهاي .
|
Post: #23
Title: Re: المسؤليه التاريخيه على بكري ابوبكر وابناء دارفوروالشرق وشرفاء المنبر؟؟؟؟
Author: Sudany Agouz
Date: 02-18-2006, 02:02 PM
Parent: #20
Dear Ustaza Tragie,
We appreciate your concern ..
I agree with you 100% ..
Ustaz Bakry should protect the good writers ..
Thanks again and God Bless You +++
Ermest A. Gobran
|
Post: #40
Title: Re: المسؤليه التاريخيه على بكري ابوبكر وابناء دارفوروالشرق وشرفاء المنبر؟؟؟؟
Author: Tragie Mustafa
Date: 02-19-2006, 00:47 AM
Parent: #23
Dear Sundany Agouz
I do value your comments
Thank you.
Tragi.
|
Post: #21
Title: Re: المسؤليه التاريخيه على بكري ابوبكر وابناء دارفوروالشرق وشرفاء المنبر؟؟؟؟
Author: AMNA MUKHTAR
Date: 02-18-2006, 01:55 PM
Parent: #1
| Quote: واخيرا التحيه لكل مناضلي الكي بورد والدنكوشتيون الجدد |
|
Post: #24
Title: Re: المسؤليه التاريخيه على بكري ابوبكر وابناء دارفوروالشرق وشرفاء المنبر؟؟؟؟
Author: AMNA MUKHTAR
Date: 02-18-2006, 02:03 PM
Parent: #21
ملحوظة :
مكتبة الكونغرس مرجع لكثير من الباحثين والسياسييين
والناشطين فى كل أنحاء العالم ...ليس الكونغرس لأمريكى فقط .
|
Post: #37
Title: Re: المسؤليه التاريخيه على بكري ابوبكر وابناء دارفوروالشرق وشرفاء المنبر؟؟؟؟
Author: Tragie Mustafa
Date: 02-19-2006, 00:21 AM
Parent: #24
الاعزاء
محمدين محمد اسحاق
ابراهيم بقال
آمنه مختار
ابو الريش
د. بيان
شكرا لمروكم
وساعود بالتفصيل
لكم الود.
تراجي.
|
Post: #26
Title: Re: المسؤليه التاريخيه على بكري ابوبكر وابناء دارفوروالشرق وشرفاء المنبر؟؟؟؟
Author: الأمين عثمان صديق محمد
Date: 02-18-2006, 02:05 PM
Parent: #1
السيدة المحترمة تراجي
السلام عليكم ورحمة الله وبركاته
اتريك انتي علمانية وان ماني عارف
انا هسه جيت من الشغل ولقيتك مسويه البوست المظاهرة دا
اصبري لي شوية كدا الاتعشى عشاي واجيك بي رواقة كدا
جهزي ناسك وكل العايز يدافع معاك
حوار ديمقراطي راقي
بس قبل ما امشي عايزك تعرفي يا تراجي
السودان دا ما حقك براك ولا المنبر دا حقك
اتكلمي علي قدرك وقدر جماعتك
تمام يا ستي
|
Post: #27
Title: Re: المسؤليه التاريخيه على بكري ابوبكر وابناء دارفوروالشرق وشرفاء المنبر؟؟؟؟
Author: ابراهيم بقال سراج
Date: 02-18-2006, 02:15 PM
Parent: #26
Quote: بس قبل ما امشي عايزك تعرفي يا تراجي
السودان دا ما حقك براك ولا المنبر دا حقك
اتكلمي علي قدرك وقدر جماعتك
تمام يا ستي |
السودان للجميع والمنبر للجميع ,, تراجي لم تقل المنبر خاصتها ولا السودان
|
Post: #30
Title: Re: المسؤليه التاريخيه على بكري ابوبكر وابناء دارفوروالشرق وشرفاء المنبر؟؟؟؟
Author: ابراهيم بقال سراج
Date: 02-18-2006, 02:24 PM
Parent: #27
يا تراجي
لو تتزكري زمان قلت ليكي نحن لا نكتب في المنبر او غيرها من اجل ان يصدق هذا
او ذاك فنحن نكتب ونوثق جرائم المرتزقة والعالم يقراء ,, لقد صدق ما قلته
لك وخصوصاً بعد ان جعل العالم هذا الموقع كمرجعية ومن افضل المواقع في
المكتبات
|
Post: #31
Title: Re: المسؤليه التاريخيه على بكري ابوبكر وابناء دارفوروالشرق وشرفاء المنبر؟؟؟؟
Author: ابراهيم بقال سراج
Date: 02-18-2006, 02:25 PM
Parent: #30
انا حأمسك ليك البوست دا لمن تجي راجعة
|
Post: #32
Title: Re: المسؤليه التاريخيه على بكري ابوبكر وابناء دارفوروالشرق وشرفاء المنبر؟؟؟؟
Author: ابراهيم بقال سراج
Date: 02-18-2006, 02:27 PM
Parent: #31
نحتاج لقلم الاستاذ الوريف الرائع
صاحب المبادات الذي يسعي لوحدتنا
كأبناء لدارفور في هذا المنبر
الاستاذ / ايمن هارون
|
Post: #44
Title: Re: المسؤليه التاريخيه على بكري ابوبكر وابناء دارفوروالشرق وشرفاء المنبر؟؟؟؟
Author: صلاح الدين عبدالله محمد
Date: 02-19-2006, 01:16 AM
Parent: #27
|
Post: #53
Title: Re: المسؤليه التاريخيه على بكري ابوبكر وابناء دارفوروالشرق وشرفاء المنبر؟؟؟؟
Author: Tragie Mustafa
Date: 02-19-2006, 03:03 AM
Parent: #44
| Quote: احد المطبلاتيه الدايشين |
احد الغرقانين في احقادهم.
تراجي.
|
Post: #39
Title: Re: المسؤليه التاريخيه على بكري ابوبكر وابناء دارفوروالشرق وشرفاء المنبر؟؟؟؟
Author: Tragie Mustafa
Date: 02-19-2006, 00:42 AM
Parent: #26
الاخ الفاضل
الامين عثمان
سلام
Quote: بس قبل ما امشي عايزك تعرفي يا تراجي
السودان دا ما حقك براك ولا المنبر دا حقك
اتكلمي علي قدرك وقدر جماعتك
|
اين قلت انه السودان حقي؟؟؟؟؟؟؟؟؟؟؟
او المنبر حقي براي؟؟؟؟؟؟؟؟؟
يا الامين هي دعوة اطلقتها لجماعتي كما اسميتهم
وقد تكون احدهم
لاني لم استثني سوى المؤتمرجيه(الشعبي/الوطني) والامنجيه
فهل انت احدهم؟؟؟؟؟؟؟؟؟؟؟
لقد تحدثت عن انصار السنه
والمستقلين(وهم مجموعه كبيره اصنف نفسي من ضمنهم)
من حقي ان اطلق ما اشاء من دعوات ومن حقك تلبيتها او رفضها
ولكن ليس من حقك مصادرة حقي في الدعوه لما اشاء.
وليس معنى ذلك ان السودان حقي او المنبر حقي.
العلمانيه التي سألتني عنها نعم يا أخي انا اؤمن تماما بفصل الدين عن الدوله
واقبل ان اعيش تحت رئاسة رئيس مسيحي, وارى ان الوطنيه و تجويد المهام لا علاقه لها
بالعقيده,او الدين. اؤمن بحق اخي المسيحي في الوطن مثلي مثله لا اصادر حقه في الدفاع
عن وطنه ولا ارغب في ان اجعله يدفع الجزيه مقابل دفاع المسلمين عنه .
وفيما يخص المرأه اؤمن بحقي في المساواة التامه بيني وبينك ولا اقبل من يقول لي
اني نصفك,وشهادتي نصف شهادتك,ورجاء لا تقل لي الحديث الفلاني او الايه العلانيه
ادري واعي تماما كل ما قاله الدين ولكن هذه انا ببساطه, وهذه علمانيتي.
ولن اقبل تكفيرك لي او منحي صكوك الغفران اصوم واصلي واحب الله ورسوله
ولا ارى ان ديني دعاني لكراهية الغير او تجاهل نعمة العقل.
واعدك الا ارد على اي نقاش ديني, عايز تقول لي المنطق وين بناقشك لكن عشان
تجي تسكتني باسم الحديث الفلاني الممكن بكره يجيئ واحد يقول لك ضعيف و العلاني
الممكن يثبت انه منسوخ المهم هذا جدلا لست فاضيه ليه الآن.
سوداني الذي احلم به يسعني ويسعك, قد تكون انصار سنه وقد اموت فدائا لك في ابداء رأيك
وان تعيش شعائرك ولكن بنفس المستوى اقف لك بالمرصاد وانت تكفر مثلا الجمهوري
او تقيم الحد على الشيعي,هذه انا ببساطه.
تراجي.
|
Post: #33
Title: Re: المسؤليه التاريخيه على بكري ابوبكر وابناء دارفوروالشرق وشرفاء المنبر؟؟؟؟
Author: الأمين عثمان صديق محمد
Date: 02-18-2006, 05:32 PM
Parent: #1
| Quote: السودان للجميع والمنبر للجميع ,, تراجي لم تقل المنبر خاصتها ولا السودان |
اولا يا بقال انا رفعت ليك بوستك العايز ترفع بيهو اسهمك قدام بكري وما لقيت ليك زول شارك معاك فيهو غير عبد الفاتح قلت اشارك معاك منها اتودد لي بكري ومنها احسسك ما براك وما ناس دارفور بس البرفعوا ليك بوستاتك يعني رتق للنسيج الاجتماعي الماخليتو فيهو قطعة بي بوستاتكم الكلها عنصرية ديك 00 الشايقي و ابن الشمال وشبق نساء الشمال ووو
امش شوفو بي هناك الليلة النضم مع خالتو
سمح
اها يا تراجي انا جيتك وبرد عليك من نفسك كلامك الكتبتيهو يعني ما بقطع حاجة من راسي ولا بجيب حاجة ما كتبتيها
| Quote: نحتاج منك ان تؤكد لنا بان لا تفصل ايا من الاقلام الوطنيه بالذات الاقلام السياسه |
انتي خايفة من الفصل مالك ؟
اول حال عايزك تعرفيها يا تراجي المنبر دا ما منظمة تابعة لجهة ما او مؤسسة حكومية
المنبر دا عندو سيد وسيدو دا عامل لي منبرو دا لائحة البمشي بي لائحتو دي ما بسوي لي شي والموقع دا ما حق سياسين بس شوفيهو كويس وشوفي ارشيفو ومكتباتو الناس ديل كلهم سياسين وزمان كان فيهو طلبات زواج عديل كدا
فما تخافي من الفصل وحتى لو فصولك دي ما نهاية المطاف ما مكن توصلي افكارك من خلال عدة منبار زي ماقلتي المرة الفاتت لمن وقفوك في منابر كتيرة قدمت لي عروض
بلاش من المنابر خليك Bolgger وبلوقر دي لو ما عارفاها كلميني عشان اوريك ليها وبلاش من الانترنت ذاتو مش عندك نائب عمدة هاملتون ومدير الداون تاون مش قلتي واحد عن يمينك واحد عن يسارك وانتي تصرحي لي قناة شنو كدا ما عارف اها عندك الواسطة والقنوات كتيرة والفضاء رحب واسع بس وريني يومك الدايرة تصرحي فيهو وانا اظبط الدش وطوالي اسوي ليك بوست فيهو تصريحاتك كلها
| Quote: نلتزم نحن بعدم المهاتره وتناول النقد لاي وجهة نظر بمسؤليه كبيره. |
دي انا اشك فيها شكك كبير لاني مجربها في نفسي دي ، ومن راي ليس كمن سمع
انتي شتمتيني عديل عشان قلت مرا ومعروف يا تراجي مرا تقابل بالفصحى امرأة يعني دي ما عايزه ليها درس عصر
| Quote: واحب فلان واكره علنتان ليست هي البوستات التي اوصلت هذا المنبر |
دي انتي ستها وبوست شاهين الاخير خير دليل مع احترامي وتقديري الشديد للاخ شاهين وباين عليهو ابن حلال وما تقولي لي عشان المراة وكفاح الطلبة وقوى الشعب العاملة والاتحاد الاشتراكي شعارات ناس نميري ديك
بس انا ما بتخم بالساهل واسويك هبباي وتاتشر وسكة حديد والسكة حديد دي في كسلا اتربينا فيها يا تراجي وفلناكت قضيبها البمشي فيها القطر دا ركبانها يعني ما بتمشي علي حكاية القطر والدوغرية ساكت ولو لقينانهو ما عايز يقيف وعايز يتعدى محطاتو طوالي بنفك ليهو باكمو ونقيف ليهو صنفور 00 فهمتي دي
| Quote: التدقيق التام في البوستات التي تذهب لغير صالح للنشر. |
دي شغلة صاحب المنبر او بالاحرى في وظيفة اسمها مدير موقع بتكون دي واحدة من مهامو وهو اليحدد ياتو الصالح للنشر وياتو الماصالح للنشر
وللا عشان كتير من بوستاتك بتمشي هناك
وباقي النضم التحت دا بجيك صادي لو عايزه بس هسه الوقت اتاخر هنا وبكرة عندي شغل وانتي عارفة اخوك بجيبها عرق جبين
هسه كان في جهة بتدفع لي ما كان قعدت اطقطق في الكيبورد دا للصباح ولا شغل ولا مشغلة
ساهرتي بي
تصبحي على خير ياالاخت تراجي
Quote: سيعتبر الكونجرس الامريكي هنا الاستفتاء الحقيقي لاراء الشعب السوداني.
فعلوا وجودكم ولا تسمحوا لخفافيش الظلام ان تسود ويبين صوتها هو الطاغي وكأنهم يمثلون عامة الشعب.
ابناء جبال النوبه طرحكم السياسي مغيب تماما لابد من عضويه
ابناء الجنوب
الاخوة الجمهورين
توقوعوا جميعكم هجمه شرسه من الحكومه والامنجيه على المنبر, نرجو من الاخه بكري ابوبكر ان يتحرى الدقه في العضويه, ليس كل من ذكي باعضاء قدماء معناه وانه زول حقيقي, وياريت لو تسن سنه ان يكتب الجميع باسمائهم الحقيقه. فصعب على عضو كونجرس ان يدافع عن رأي باسم القلب النابض اوكبويستا او....الخ.
واخيرا وليس آخرا دعوة الكونجرس الامريكي لتبني عدم انعقاد مؤتمر القمه العربيه في الخرطوم,ولو نجحنا في هذا تأكدوا فان الثوره ستقوم من هذا المنبر.
واخيرا التحيه لكل مناضلي الكي بورد والدنكوشتيون الجدد فقد دخلنا التاريخ ولا عزاء للمتخاذلين عن نصرة بلادهم.
|
|
Post: #35
Title: Re: المسؤليه التاريخيه على بكري ابوبكر وابناء دارفوروالشرق وشرفاء المنبر؟؟؟؟
Author: bayan
Date: 02-18-2006, 10:52 PM
Parent: #33
ابو الريش صاحبي وعرضة خارج الدارة كالعادة
هاك الشبال دا.
اقرأ كلام تراجي
ويا حبة انت ما بتوريني مكتبة الكونقرس فيها شنو
امريكا العاملنها حقتكم دي قعدنا فيها قبل تصلوها حين كان
فقط يوجد في فلادلفيا وما جاورها 7مبعوثين من جامعة الخرطوم و جوباوالجزيرة
وزارة الطاقة...
شوف كلام تراجي
وعليك الله ركز حبة..
تحياتي
باقال انا حاكتب ليكم بوست كامل لكل مناضلين الكي بورد العنصرين الجهوين من دارفور بس
خلي اليوم دا يعدي والقى يدي من سلق البيض دا.. اتمنى لباكر ما يحصل عرس ولآ ماتم في حركة نضالكم العطيمةز تنشغلوا بيها وكدا..
الناس في شنو والحسانية في شنو.. ثوار دارفور نموذجا
|
Post: #36
Title: Re: المسؤليه التاريخيه على بكري ابوبكر وابناء دارفوروالشرق وشرفاء المنبر؟؟؟؟
Author: خالد العبيد
Date: 02-18-2006, 11:35 PM
Parent: #1
العزيزة تراجي
تحايا الورد
أوافقك الرأي تماما في ان يتناسى أصحاب قضية دارفور والشرق جراحاتهم وأختلافاتهم في هذا البورد ، والتي ساهم في تأجيجها كيزان هذا البورد بفعالية .
المهم الآن الالتفات للقضايا الحقيقية لهزيمتهم وأخراس السنتهم هنا ، وهذا يتأتى بالبعد عن مسايرتهم في اساليبهم المعروفهم .
بدوري وعدت الاخ بكري وأعدك ايضا برفد المنبر بالمزيد من وثائق الادانة لنظام البشير الترابي وما ارتكبوه من جرائم في دارفور والشرق .
لن اجاري بالطبع الاخ بريمة ولكن اقول له يأخي انا خالد العبيد .. جعلي من شندي وكبوشية عديييل كده ( اهل الطاغية البشير ) لكن برنامجي وبرنامج حزبي يجعلني ان اضعع يدي بقوة مع قضية دارفور والشرق والوقوف مع المناضليين الحقيقيين .
وبأختصار برنامجك ومواقفك السياسية هي التي تحدد قربك او بعدك من قضايا الناس ونصرة المظلومين ، اما قبيلتك ولونك فهذا أمر ثانوي لا مكان له عندي من الاعراب .
انت وين واقف اطرح برنامجك عشان نعرف مويتك ؟
تحياتي
|
Post: #41
Title: Re: المسؤليه التاريخيه على بكري ابوبكر وابناء دارفوروالشرق وشرفاء المنبر؟؟؟؟
Author: صلاح الدين عبدالله محمد
Date: 02-19-2006, 00:53 AM
Parent: #1
| Quote: نلتزم نحن بعدم المهاتره وتناول النقد لاي وجهة نظر بمسؤليه كبيره. |
ذلك واضح جدا
(لاحظ تاريخ كتابه البوستات المنيه)
Quote: Quote: صلاح الدين عبدالله محمد
ايها الجبان
من يتحدث مع امثالك
تراجي. |
Re: محمد آدم لتكن بداية جديده......(اعتذار)
انتى بالله يعملوا معاك شنو ؟؟؟
اوووووووووووووووووووووع
|
Post: #42
Title: Re: المسؤليه التاريخيه على بكري ابوبكر وابناء دارفوروالشرق وشرفاء المنبر؟؟؟؟
Author: Kostawi
Date: 02-19-2006, 01:02 AM
Parent: #41
| Quote: اطرح برنامجك عشان نعرف مويتك |
Thank u
|
Post: #45
Title: Re: المسؤليه التاريخيه على بكري ابوبكر وابناء دارفوروالشرق وشرفاء المنبر؟؟؟؟
Author: عمر الفاروق
Date: 02-19-2006, 01:21 AM
Parent: #1
تراجي الشترة :
مبدئياً كده وعشان أوريك إنو كتاب دارفور غير اللخبطة والخرمجة ما عندهم شي هاك تده :
Quote: اخي بكري ابوبكر
وبالخبر الجميل باختيار موقعك هذا كمصدر للاخبار حول مشكلة دارفور
للكونجرس الامريكي, هل انت مدرك لكل ابعاد المسؤليه التاريخيه الملغاة
على عاتقك ,خاصه وان بلادنا في مفترق طرق رهيب, والقوات الدوليه على الابواب؟؟؟؟ |
شفتي الكلمة التحتها خط دي ؟؟؟؟؟؟؟؟؟؟؟؟؟؟
أدتني المعنى الصحيح لي جملتك دي وإنو فعلاً تم إلغاء المسئولية !!!!!
ياخ الأخطاء دي خلوها لينا نحن ناس كشى مشى ديل لكن إنتو أصحاب الرسالات والدفاع عن الحق مفروض ما تخرمجوا قدر ده !!!!!!
تخريمة :
بجيك لي موضوع القبلية وابناء دارفور الفرحانة بيهم ديل بي رواقة !!!!
|
Post: #46
Title: Re: المسؤليه التاريخيه على بكري ابوبكر وابناء دارفوروالشرق وشرفاء المنبر؟؟؟؟
Author: Al-Shaygi
Date: 02-19-2006, 01:59 AM
Parent: #45
عمر القاروق
شويه شويه على الوليه
الشايقي
|
Post: #59
Title: Re: المسؤليه التاريخيه على بكري ابوبكر وابناء دارفوروالشرق وشرفاء المنبر؟؟؟؟
Author: Tragie Mustafa
Date: 02-19-2006, 04:16 AM
Parent: #45
عمر الفاروق( الفتى المتظارف)
يا اخي انت زعلان ليه
يا اخي الزيكم دي ياكلوا عيش كيف
خلينا نخرمج بس لما نصل للسلطه بنعين الزيك
وزي ملاسي يجوا يكتبوا لينا الخطابات ونحن نقرأها لكم.
وبعدين ما تنسى لسانا اغلف كمان
و ين نحن منكم يا احفاد العباس
عمر تعال احكي لك النكته دي
عندنا واحد صاحبنا متمرد على لصيق السودانين في العرب
قال يا جماعه كل زول يقول انا من احفاد العباس
وما عارف ايه,انتو احفاد بلال وينهم؟؟؟؟؟
اها انا من الليله احفاد بلال
و القال عنه (ص) (ان شينه سينا عند الله)
هل تعرف القصه بتاعت الحديث ده وله احكيها لك؟؟؟؟؟؟؟؟؟
راجياك بالباقي
ومنور البوست.
تراجي.
|
Post: #47
Title: Re: المسؤليه التاريخيه على بكري ابوبكر وابناء دارفوروالشرق وشرفاء المنبر؟؟؟؟
Author: ود المايقوما
Date: 02-19-2006, 02:21 AM
Parent: #1
وشوف وتعجب بانجليزي المناضلة الكرتونية تراجي
Quote: Dear Nadi
Sorry to right in English
I can't right in Arabic now
It is not me who bring you name here it is Osman |
ولا ياربي انجليزي كندا غير ..
مناضلة وابيض في الانجليزي .. استغفرك ياملك روحي
|
Post: #48
Title: Re: المسؤليه التاريخيه على بكري ابوبكر وابناء دارفوروالشرق وشرفاء المنبر؟؟؟؟
Author: محمد خليل إسماعيل
Date: 02-19-2006, 02:24 AM
Parent: #1
هبوبة تراجي .......
Quote: وبالخبر الجميل باختيار موقعك هذا كمصدر للاخبار حول مشكلة دارفور
للكونجرس الامريكي, هل انت مدرك لكل ابعاد المسؤليه التاريخيه الملغاة
على عاتقك ,خاصه وان بلادنا في مفترق طرق رهيب, والقوات الدوليه على الابواب؟؟؟؟ |
فعلا إختيار الموقع كمصدر للأخبار عن السودان هو فخر لكل أعضاء الموقع
ولكن هل نحن قدر المسئولية ؟؟؟
هل نحن بطريقتنا هذه قادرون على أن نعكس الوجه المشرق للوطن؟؟؟؟
هل سياستنا هذه تودي بنا لبر الأمان أم تدس رؤوسنا في الوحل ؟؟؟؟
أنا أرى أن طريقتكم وأسلوب معارضتكم ( للوطن ) بهذه الطريقة سيجلب
لنا ما جلبته المعارضة العراقية للعراق من إحتلال وتدمير وضياع ...
فعلا بلادنا في مفترق طرق أنتم من صنعها وللأسف الطريقان يوديان
للعراق ..... مفهومة دي طبعاً
Quote: وبالتالي التمسك بالاقلام الجاده و المثريه حقيقة لهذا المنبر.
التدقيق التام في البوستات التي تذهب لغير صالح للنشر. |
نعم لابد من التمسك بالأقلام الجادة والمثرية حقيقة
يعني الإبتعاد عن الأقلام العنصرية والقبلية والصراعات
التي لا تقدم ولا تؤخر
أما بخصوص بوستات غير قابل للنشر فأنا أقترح على الأستاذ
الفاضل بكري أبوبكر أن يقوم بقرأة كل البوستات مجرد نزولها
وسحب كل البوستات التي تنشر ويري أنها لا تأتي بالنفع والمصلحة
للبلاد ( دعكم من النظام الحاكم ) المصلحة الوطنية هو الأهم
يعني المواضيع التي تضر بمصلحة الوطن وتدخلنا نطاق الدول المحتلة
أبعدو عنها .
Quote: توقوعوا جميعكم هجمه شرسه من الحكومه والامنجيه على المنبر, نرجو من
الاخه بكري ابوبكر ان يتحرى الدقه في العضويه, ليس كل من ذكي باعضاء
قدماء معناه وانه زول حقيقي, وياريت لو تسن سنه ان يكتب الجميع باسمائهم الحقيقه.
فصعب على عضو كونجرس ان يدافع عن رأي باسم القلب النابض اوكبويستا او....الخ. |
لا أدري كيف تتحدثون عن الديمقراطية والحرية وتتطلبون من بكري التحري والدقة
في العضوية , وتتحدثون عن علمانينن وشيوعيون وجمهوريون وناس دارفور ... الخ
وتتحدثون عن هجمة شرسة من الحكومة والأمنجية (بصراحة قمة الدكتاتورية ).
هبوبة تراجي :
شوفي بصراحة الموقع دا حقنا كلنا , وحقنا قبل صاحبو الأستاذ بكري لانو
إحنا البنكتب في الموقع وبكري له الشكر على سماحه لنا بالكتابة ولكن
ما يكتب هنا ليس من مسئولية بكري بل من مسئولية صاحبة ( دي زي العفش داخل البص على مسئولية صاحبه ) طبعا الهاء راجعة لصاحب البص .
Quote: على علمانين السودان والمستنيرين عموما ان يعلموا ان هذا الموقع صار يمثلنا
وبالتالي الاراء المتشنجه حول مثلا رسومات الرسول (ص) وافساح المجال لها
دون التصدي الجاد هي تعني كم الهوس الذي يحكم عقلية السوداني. |
والله يا هبوبة عيب عليكي الكلام دا
أتاريك علمانية , وإحنا الماعارفنك
وبعدين أسمعي خليك من إنك علمانية ولا ألمانية
إنت القاليك أنو الموقع بيمثلكم منو, ليه الموقع دا
كلووووووو المسجلين فيهو علمانين والله دي بالغتي فيها
وبعدين الأفظع من كدة هل الدفاع عن الرسول صلي الله عليه وسلم
تشنج وهوس ( إنت قلت في واحدة من ردودك إنك ما علمانية وإنك
بتصلي وبتصومي ... هل هذا هو الإسلام يا علمانية )
Quote: واخيرا وليس آخرا دعوة الكونجرس الامريكي لتبني عدم انعقاد مؤتمر القمه
العربيه في الخرطوم,ولو نجحنا في هذا تأكدوا فان الثوره ستقوم من هذا المنبر. |
ياتو ثورة ( ثورة الكيبوردات ) وبعدين إنت مالك ثورة الثورة دي خلوها للغلابة
هنالك في الخرطوم مش معارضة الفنادق من أوربا وأمريكا وكندا ( كده قولي لي الثورة
حتحركوها بالرموت والله شنو ) قومي عليك الله شوفي ليك شغلة أعملبها
| Quote: واخيرا التحيه لكل مناضلي الكي بورد والدنكوشتيون الجدد فقد دخلنا |
فعلا مناضلي الكيبورد والفنادق الجدد
وذى ما قلتي لي قبل كدة في بوستي خاص بدارفور وبكاء الجاني على الضحية
أقوليك بجيك صادي
شهدن تفـــــــاب
|
Post: #49
Title: Re: المسؤليه التاريخيه على بكري ابوبكر وابناء دارفوروالشرق وشرفاء المنبر؟؟؟؟
Author: الأمين عثمان صديق محمد
Date: 02-19-2006, 02:37 AM
Parent: #1
تراجي
تاني السلام عليكم ورحمة الله وبركاته
وكيف اصبحتي
الحمد لله الذي احيانا بعد اماتنا واليه النشور ( دا دعاء الصباح اوعا تفتكريني بدعي عليك وللا حاجة )
| Quote: يا الامين هي دعوة اطلقتها لجماعتي كما اسميتهم وقد تكون احدهم |
والله يا تراجي لحدي ما تقوم الساعة ما بكون من جماعتك العلمانيين ديل اما احترمك واعزك واقدرك رغم ما حصل منك تجاهي دا فوق راسي لاسباب كتيرة اقلها الشرق الحبيب والمنبر الذي يجمعنا
اما ديقراطيتك وتقبلك للراي الاخر بالحيل عاجباني وياريت ما تكون كلام في البوستات بس
| Quote: لاني لم استثني سوى المؤتمرجيه(الشعبي/الوطني) والامنجيه فهل انت احدهم؟؟؟؟؟؟؟؟؟؟؟ |
عندك الاسم الرباعي الكامل دا وبيتنا في كسلا معروف خلي واحد يجي يقول ليك الامين دا في المؤتمر الوطني وللا في الامن وللا كان عسكري ساكت وللا منضم لي أي حزب
عايزك تثبتي النقطة المهمة دي عشان ما كلما تختلف مع واحد في الراي طوالي يطلعك جبهجي او بتاع امن
وبالمناسبة دي اتمنى من بكري يسوي شرط اساسي للكتابة في المنبر دا أي واحد يكتب اسمو رباعي كامل وتاريخ ومكان ميلادو وعنوانو وصورته تكون حديثة وواضحة يبقى زي التقديم للوتري ما الحكاية بقت مراجع وكونجرسات بس والله خايفها تبقى جرسات لمن نبقى للجد
والله يا تراجي جنس اقنعة تسقط
الشين وخجلان من شكلو يمرقو برا والقاشر بي صورة قديمة يغيرها ويظهر زي ما هو والعندو اسم حقيقي ومعروف بيهو يمرقو والخايف من ناس الامن يبقى قدر كلامو او يتعدل ويكتب كلام مسئول
هسه الله عليك الله وريني الفرق بين محمد سليمان وعلي عبد الرحمن الزين مثلا منو البعرف محمد سليمان دا هو منو ومنو البعرف علي عبد الرحمن الزين القصة ماتبقى اسامي تتكتب والسلام عليكم
فالحين بس على القلب ولا عشان القلب قاعدة تمرق الحقائق
تسلمي يا تراجي ولنا عودة هنا او في بوستات اخرى لانو لسه نضمي كتر (بضم الكاف والتاء )
شايف الكفيل جاي
تخريمة للاخت المحترمة بيان
كيفنك يا بيان
احس فيك ريحة اهلي القدام
عافي منك وراضي عنك
|
Post: #50
Title: Re: المسؤليه التاريخيه على بكري ابوبكر وابناء دارفوروالشرق وشرفاء المنبر؟؟؟؟
Author: ود المايقوما
Date: 02-19-2006, 02:39 AM
Parent: #1
Quote: تراجي مصطفي
المراة الحديدية
المراة التي تساوي مليون راجل متخازل .... |
أكيد مليون من امثالك يابغال ..
|
Post: #51
Title: Re: المسؤليه التاريخيه على بكري ابوبكر وابناء دارفوروالشرق وشرفاء المنبر؟؟؟؟
Author: Tragie Mustafa
Date: 02-19-2006, 03:01 AM
Parent: #50
ود المايقوما
عمر بشيرك ده ما بعرف
right من write
وحكمك كم سنه
بس شفته انا جاياك بي اخطائي دي كان عجبك:
| Quote: أكيد مليون من امثالك يابغال .. |
المهم ما يكونوا من امثالك
لانه منك كفانا واحد في السودان هو نحن ناقصين.
تراجي.
|
Post: #65
Title: Re: المسؤليه التاريخيه على بكري ابوبكر وابناء دارفوروالشرق وشرفاء المنبر؟؟؟؟
Author: ابراهيم بقال سراج
Date: 02-19-2006, 06:18 AM
Parent: #50
| Quote: أكيد مليون من امثالك يابغال .. |
تساوي مليارات الرجال امثالك
تراجي مصطفي
المراة الحديدية
المراة التي تساوي مليون راجل متخازل ....
|
Post: #52
Title: Re: المسؤليه التاريخيه على بكري ابوبكر وابناء دارفوروالشرق وشرفاء المنبر؟؟؟؟
Author: عمر الفاروق
Date: 02-19-2006, 03:03 AM
Parent: #1
Quote: جاى اشرب عندك بكرة الشاى
ما لون شعرك , ما لون عينك
اغراء صوتك , ما مقاس خصرك
مونكير ضفرك |
اجي يااااااااااااااااااااااااااااااااااابري !!!!!
النضال ما عندكم لكن !!!!!!!!!!!!!!!!!!!!
هو شي مغتس حجركم غير جنس قعداتكم مع البنات والضحك وقرقرقر وهيهيهيهي وههاهاي ويا علوية إزييك ويا ماجدولين حا نعمل معسكر إسبوع في بيت ناس فلان عشان نناقش قضايا الوطن فكلمي ناس بيتكم إنك حا تبيتي برة ويا سلافة بكرة تعالي لابسة بنطلون جينز وفنيلة كت عشان عندنا مظاهرات ويا تقوى لكن ما بالغتي عديييييييييل كده خشي خشي خشي تعالي سلام بي الأحضان !!!!!!!!!!
تخريمة :
اللون خليهو كدي ركز في الخامة ..
خضراء .
زولي هووووووي زولي اللخدر إن شفتو بخدر ...
ري هوااااااا ريييييي همبري رييييييهوا ري همبري..
واحدين قالوا ضامر هافا .. ماشفتوها يا خلاني ..
واحدين قالوا شفنا الشافا.. ما شفتوها يا خلاني ..
أستون وكده ...
|
Post: #101
Title: Re: المسؤليه التاريخيه على بكري ابوبكر وابناء دارفوروالشرق وشرفاء المنبر؟؟؟؟
Author: Tragie Mustafa
Date: 02-23-2006, 00:38 AM
Parent: #52
عمر الفاروق الله يعينك
على نفسك.
تراجي.
|
Post: #55
Title: Re: المسؤليه التاريخيه على بكري ابوبكر وابناء دارفوروالشرق وشرفاء المنبر؟؟؟؟
Author: ود المايقوما
Date: 02-19-2006, 03:20 AM
Parent: #1
Quote: ود المايقوما
عمر بشيرك ده ما بعرف
right من write
وحكمك كم سنه |
قالت حكمكم ... وانتي بر الميس .( وكمان لسه حيكمنا 20 سنة حتمشي وين بس )
المابعرف الفرق بين اليمين والكتابة شخص واحد في الدنيا دي هي الكرتونية
تراجي . خلاص وروكي الفرق ولا دخلتي الروضة .
استغفرك ياملك روحي
|
Post: #56
Title: Re: المسؤليه التاريخيه على بكري ابوبكر وابناء دارفوروالشرق وشرفاء المنبر؟؟؟؟
Author: ود المايقوما
Date: 02-19-2006, 03:34 AM
Parent: #1
Quote: وبالخبر الجميل باختيار موقعك هذا كمصدر للاخبار حول مشكلة دارفور
للكونجرس الامريكي, هل انت مدرك لكل ابعاد المسؤليه التاريخيه الملغاة
على عاتقك ,خاصه وان بلادنا في مفترق طرق رهيب, والقوات الدوليه على الابواب؟؟؟؟ |
اهاا ... ادخلي هنا وشوفي الكونجرس بتاعك .
إلـى السـاقطـين فـي وحـل الديمقـراطيـة الغربيـة .. أنـظ...ا لصـور الجـريمـة ..
|
Post: #60
Title: Re: المسؤليه التاريخيه على بكري ابوبكر وابناء دارفوروالشرق وشرفاء المنبر؟؟؟؟
Author: انتصار محمد صالخ بشير
Date: 02-19-2006, 04:23 AM
Parent: #1
الاخت الفاضلة تراجى
السلام عليكم ورحمة الله تعالى وبركاته
نعم اختيار موقع سودانيز اولاين من قبل اكبر مكتبة تعتبر مرجع لكثير من الباحثيين
والدارسين ومرجع لكثير من الدوريات . وبها اهم المراجع لان بها اكبر دار نشر عالمية
يضعنا اما مسؤلية الكتابة فى داخل هذا الموقع فالنكن قدرها
وشكرا لك
انتصار
|
Post: #61
Title: Re: المسؤليه التاريخيه على بكري ابوبكر وابناء دارفوروالشرق وشرفاء المنبر؟؟؟؟
Author: إسماعيل التاج
Date: 02-19-2006, 04:38 AM
Parent: #1
تـراجــي
المسئولية سودانية في المقام الأول وفي أحيان كثيرة يقع عبء القيام بها على عاتـق البعض. طرح بعض الناس ربمـا يضر بقضيتهم أكثر من نفـعـها.
وتحياتي ليك ولكل قلم يكتب من أجل السودان ومن أجل دارفور والشرق والمهمشين.
يا أبـو الريش
لاحــظت أنَّ البعض لا يعجـبهم ما تحقق لسودانيز أونلاين من انجاز ويحاولون تبخيس تصنيفه من ضمن مصادر المعلومات بمكتبة الكونجرس الأمريكي. ولو لاحـظت أنَّ بعض هـؤلاء لم يـدخل حتى في بوست ألأخ بكري الذي أفرده لهـذا الأمر (آخر مشارك اليوم هـو محمد أمين مبروك). وهـؤلاء صارت مواقـفهم معروفـة من قضايا السودان الملحة (وحتى من هذا الموقع).
|
Post: #62
Title: Re: المسؤليه التاريخيه على بكري ابوبكر وابناء دارفوروالشرق وشرفاء المنبر؟؟؟؟
Author: AMNA MUKHTAR
Date: 02-19-2006, 04:52 AM
Parent: #1
Quote: العلمانيه التي سألتني عنها نعم يا أخي انا اؤمن تماما بفصل الدين عن الدوله
واقبل ان اعيش تحت رئاسة رئيس مسيحي, وارى ان الوطنيه و تجويد المهام لا علاقه لها
بالعقيده,او الدين. اؤمن بحق اخي المسيحي في الوطن مثلي مثله لا اصادر حقه في الدفاع
عن وطنه ولا ارغب في ان اجعله يدفع الجزيه مقابل دفاع المسلمين عنه .
وفيما يخص المرأه اؤمن بحقي في المساواة التامه بيني وبينك ولا اقبل من يقول لي
اني نصفك,وشهادتي نصف شهادتك,ورجاء لا تقل لي الحديث الفلاني او الايه العلانيه
ادري واعي تماما كل ما قاله الدين ولكن هذه انا ببساطه, وهذه علمانيتي.
ولن اقبل تكفيرك لي او منحي صكوك الغفران اصوم واصلي واحب الله ورسوله
ولا ارى ان ديني دعاني لكراهية الغير او تجاهل نعمة العقل.
واعدك الا ارد على اي نقاش ديني, عايز تقول لي المنطق وين بناقشك لكن عشان
تجي تسكتني باسم الحديث الفلاني الممكن بكره يجيئ واحد يقول لك ضعيف و العلاني
الممكن يثبت انه منسوخ المهم هذا جدلا لست فاضيه ليه الآن.
سوداني الذي احلم به يسعني ويسعك, قد تكون انصار سنه وقد اموت فدائا لك في ابداء رأيك
وان تعيش شعائرك ولكن بنفس المستوى اقف لك بالمرصاد وانت تكفر مثلا الجمهوري
او تقيم الحد على الشيعي,هذه انا ببساطه.
تراجي. |
|
Post: #64
Title: Re: المسؤليه التاريخيه على بكري ابوبكر وابناء دارفوروالشرق وشرفاء المنبر؟؟؟؟
Author: مهاجر
Date: 02-19-2006, 05:17 AM
Parent: #62
فصعب على عضو كونجرس ان يدافع عن رأي باسم القلب النابض اوكبويستا او....الخ.
على علمانين السودان والمستنيرين عموما ان يعلموا ان هذا الموقع صار يمثلنا
وبالتالي الاراء المتشنجه حول مثلا رسومات الرسول (ص) وافساح المجال لها
دون التصدي الجاد هي تعني كم الهوس الذي يحكم عقلية السوداني.
ماذا تقصدين بالجملة الاولي
ارجو ان تحترمي اراء الاخرين ...وهذا منبر عام لم يوضع لكم ابواق الامباريالية
جهد هذا المنبر لم ياتي منكم انتم
بل اتي من عظماء بلادي ...كتاب لهم وزنهم الادبي والتاريخي قبل انتمائهم السياسي
وكنا قبل سنوات طوال ..لا نسمي احد بانتمائه السياسي ...بل الجميع وطنيين
دعك من هذه الرائحة النتنة وقدمي لوطنك ...من ذاتك وعملك وليس من مكتبة للكونقرس
لا يهمنا هنا امريكا انما يهمنا بلدنا السودان
نحن لا نريد نستعين باكثر من ذلك ...كفانا ما نقله السودانيين الي الغرب ...ومنه وضعوا عقوبات ...كانت كالخنجر علي كاهل شعبنا ولا اثر لها علي النظام
ارجو منك ان تبعدي النعرات العنصرية في حديثك
العلمانية واهلها ... انتي فاكره التصريح بهذه الصورة يرهب اي جهة في خيالك.
الوطنية بقت خشم بيوت
|
Post: #70
Title: Re: المسؤليه التاريخيه على بكري ابوبكر وابناء دارفوروالشرق وشرفاء المنبر؟؟؟؟
Author: mohamed elshiekh
Date: 02-19-2006, 09:32 AM
Parent: #64
اتساءل..
متى تتحدث السيده الفاضله تراجى مصطفى عن هم سودانى واحد؟ بعيدا عن
الجهويات والعصبيات ...... متى ياترى ؟؟
|
Post: #73
Title: Re: المسؤليه التاريخيه على بكري ابوبكر وابناء دارفوروالشرق وشرفاء المنبر؟؟؟؟
Author: Tragie Mustafa
Date: 02-19-2006, 10:15 AM
Parent: #70
الاخ محمد الشيخ
Quote:
اتساءل..
متى تتحدث السيده الفاضله تراجى مصطفى عن هم سودانى واحد؟ بعيدا عن
الجهويات والعصبيات ...... متى ياترى ؟؟ |
اذا كان فهمك لما اطرح انه جهوي وعنصري
اذن ساظل هكذا الي يوم الدين
تراجي.
|
Post: #67
Title: Re: المسؤليه التاريخيه على بكري ابوبكر وابناء دارفوروالشرق وشرفاء المنبر؟؟؟؟
Author: على احمد على
Date: 02-19-2006, 08:46 AM
Parent: #1
ابراهيم بقال سراج
| Quote: وبعدين لستتك دا جايبوا من وين ؟؟ |
بالله هسي ناس الكونغرس ديل ح يترجمو دى كيف
امشو اتعلمو بعدين افتحو نفسكم للكتابه
استغفر الله
|
Post: #68
Title: Re: المسؤليه التاريخيه على بكري ابوبكر وابناء دارفوروالشرق وشرفاء المنبر؟؟؟؟
Author: ود المايقوما
Date: 02-19-2006, 09:11 AM
Parent: #1
| Quote: تساوي مليارات الرجال امثالك |
خالتك عرفناها( ابيض ) في الانجليزي .. وانت كيف في الرياضيات ؟
اكتب لي الرقم مليار هنا وانتظر مني هدية كبيرة .. يلا سريع وممكن جدا تستعيني بخالتك .
حتى الاعتزارات ورثتها لخالتك ..
استغفرك يامالك روحي
|
Post: #69
Title: Re: المسؤليه التاريخيه على بكري ابوبكر وابناء دارفوروالشرق وشرفاء المنبر؟؟؟؟
Author: othman mohmmadien
Date: 02-19-2006, 09:28 AM
Parent: #68
كدي يا جماعة صلوا على رسول الله
اللهم صلي وسلم وبارك على أفضل الخلق أجمعين سيدنا محمد وعلىآله وصحبه أجمعين
آمين،،،،
|
Post: #71
Title: Re: المسؤليه التاريخيه على بكري ابوبكر وابناء دارفوروالشرق وشرفاء المنبر؟؟؟؟
Author: Biraima M Adam
Date: 02-19-2006, 09:39 AM
Parent: #68
الأخ خالد العبيد
Quote: لن اجاري بالطبع الاخ بريمة ولكن اقول له يأخي انا خالد العبيد .. جعلي من شندي وكبوشية عديييل كده ( اهل الطاغية البشير ) لكن برنامجي وبرنامج حزبي يجعلني ان اضعع يدي بقوة مع قضية دارفور والشرق والوقوف مع المناضليين الحقيقيين .
وبأختصار برنامجك ومواقفك السياسية هي التي تحدد قربك او بعدك من قضايا الناس ونصرة المظلومين ، اما قبيلتك ولونك فهذا أمر ثانوي لا مكان له عندي من الاعراب .
انت وين واقف اطرح برنامجك عشان نعرف مويتك ؟
|
أخى خالد، لحكمة يعلمها الله أوجدنا شعوباً وقبائل وعلل الحكمة لتعارفوا، وليس لتتقاتلوا، فإذا أنتفت حكمة التعارف التى تعنى التعايش سليماً يبقى ليس هناك إلا الأقتتال قبلياً وهذا ما تقوده تراجى، يأ أنباء النوبة، وأبناء الزغاوة في بوستها الذى تقول فيه الزغاوى الذى أحببت، هل لاحظت الخطاب العنصرى ضد أبناء القبائل العربية في هذا البوست فقط من جانب تراجى، لماذا تم طرد تراجى من رابطة دارفور الكبرى، أليس بسبب التلفيق وشق عصى دارفور قبلياً؟
هذا هو برنامجى وموقفى: تجريم القبائل العربية في دارفور لا يمكن السكوت عليه وتقديم حلول لا ترضى طموحات أبناء القبائل العربية ضمن أخرين في أرض الهامش تعتبر قنبلة إثنية موقوته .. مواقف الأدارات الأهلية للقبائل العربية في الهامش واضحه، ليس في حرب ضد أى جهة ويجب أن تحترم حقوقهم في الأمن والعيش بسلام .. وإذا تراجى في حربها تستجدى القبائل الأفريقية فهنا أنا أذكرها بأن القبائل عربية في السودان كثيرة لدرجة أن يطفح كيلها بها ..
وسوف أواصل نداء أبناء القبائل العربية حتى يتم تفعليهم في المنبر (وفي السر عرض قوة لتخاف تراجى) ..
بريمة
|
Post: #72
Title: Re: المسؤليه التاريخيه على بكري ابوبكر وابناء دارفوروالشرق وشرفاء المنبر؟؟؟؟
Author: محمد خليل إسماعيل
Date: 02-19-2006, 10:13 AM
Parent: #68
يا ود يا بقال :
Quote: نحن شغالين بالكنجرس الامريكي وبالاتحاد الاوربي والامم المتحدة ومجلس الامن
الدولي والمحكمة الجنائية الدولية وكل العالم الغربي فقط لانهم انسانيين
ودعاة حق وهم الذين سعوا وتحركوا بالبوصلة لانقاذ اهلنا من التطهير العرقي
والابادة الجماعية وهم الذين قدموا المساعدات اللوجستية لمتضرري حرب دارفور
وهم الذين يحاكمون مجرمي حرب دارفور الذين ارتكبوا الجرائم فكيف لا ننشغل
بهم ؟؟؟ |
نحن شغالين بالكنجرس الامريكي وبالاتحاد الاوربي والامم المتحدة ومجلس الامن
الدولي والمحكمة الجنائية الدولية وكل العالم الغربي فقط لانهم انسانيين
ودعاة حق
بقال : لاتنسي أن أمريكا بخيلها وركبها هي من تحتل الأن أفغانستان
وتحتل العراق وبطريقتكم دي حتحتل السودان .....
بقال : لا تنسي أن من تدعي أنهم إنسانين ودعاة حق هم من قتلو شعب
العراق وأفغانستان , هم أول من إستعملو القنبلة النووية ضد البشر
بقال : لا تنسي إخوانك المسلمين المعتقلين بسجون أمريكا الإنسانية بخليج
غوانتنامو والسجون السرية بأروبا وغيرها ....
بقال : لا تنسي أن امريكا مدعية الحرية والديمقراطية هي من رفضت الديمقراطية
في فلسطين حين فازت حماس بالسلطة ...
بقال : امريكا هي الان تمرق رؤوس العرب وحكامهم بالتراب , وتتدخل بكل كبيرة وصغيرة
في أمور الدول لدرجة أنها تتدخل في أجندة مؤتمرات عالمية إقليمية
هل هذه هي الديمقراطية
وهم الذين يحاكمون مجرمي حرب دارفور الذين ارتكبوا الجرائم فكيف لا ننشغل
بهم ؟؟؟ |
أمريكا تحاكم من تخالف سياساتها فقط وليست من أجل عيون أبناء دارفور
كما تظن بل لمصالحها الخاصة وأنتم مطيطها للوصول لمصالحها .
كم من مجازر حدثت في بلاد المسلمين ( في أندونسيا , في الفلبين , مجازر في
بقاع من أفريقيا ( التوتسي والهوتو ) مجازر البوسنة والهرسك , الشيشان ,
فلسطين , ما يفعله المجرمون اليهود بأهلنا في فلسطين ألا يعتبر مجازر
إغتصاب الرجال قبل النساء في العراق أليست مجازر وإنتهاك لحرمة البشر
بعد كل هذا تتمرغ أنت وأمثالك مدعي النضال العملاء الصغار بأمريكا وغيرهم من
لصوص العالم
إتقو الله يا عملاء أمريكا
برجع ليك تاني يا بغباغ .......
سلم لي على خالتك ........................... أمريكا
شـــهــدن تفــــاب
|
