نجاح المساعيد " تنجح " في تقديمنا للعالم بينما يفشل إعلامنا !!!!!

بغض النظر عن اللغط الذي يثار حول هذه الشخصية وهذه المزيعة والشاعرة التي يقال أنها تنحدر من أصول أردنية إلا أن نجاح المساعيد إستطاعت ومن خلال برنامج " دانات " الذي يقدم عبر قناة ابو ظبي أن تقدم ثقافتنا وشعرنا والحاننا السودانية بصورة نحسدها عليها ...
تختار نجاح المساعيد ضيوفها بعناية ( وإن كنت أتحفظ على إستضافة التجاني حاج موسى) !!!
قدمت لنا نجاح المساعيد حلقة ولا أروع مع الشاعر سيف الدين الدسوقي الذي ترنم وأشجى المشاهدين بتلك المحبوبة " أم درمان " !!!!!!
وتكمن الروعة في الإختيار السليم للأغنيات المصاحبة للبرنامج والتي تقدم بعناية فائقة واداء رائع لا يشبه تلك الألحان التي تقدم في تلفزيوننا السوداني !!!!!!!!!!
الأسئلة وطريقة الحوار تختلف تماااااااااااااااااماً عن تلك التي يقدمها المزيع أو المزيعة السودانية (التقليدية )!!!!!!!!!!!!!!!!!!!!
المزيعة لديها حضور وحلاوة لسان ( إضافة لحلاوة الوجه) تجبر الضيف أن يخرج عن طوره ويبدأ يهضرب بكلمات تفقده وقاره !!!!!
إستمعت لأغنية (رجعنالك) لطيورنا المهاجرة الرائعة (البلابل) وشاعرنا سبدرات كما لم أستمع لها من قبل ..
أخذتني لعوالم بعيييييييييييييييييييدة وزادني حضور كتابة النص المصاحب للأغنية تثير فيك أشجاناً !!!!!!!!
بالأمس إستمعت لأغنية الراحل المقيم محمد احمد عوض (رغم بعدي برسل سلامي) بصوت الرائعة سميرة دنيا ولقطات مصاحبة لسوداننا الحبيب فتعجبت أيما تعجب !!!!!!!
هل يعرض الاخرون ثقافتنا افضل منا ؟؟؟؟؟؟؟؟؟؟؟؟؟؟؟؟؟؟؟؟
هل يفشب تلفزيوننا في تقديمنا بالصورة الجميلة ؟؟؟؟؟؟؟
من يستمع للأغنية والطريقة المقدمة بها ينجزب للكلمات واللحن والاداء ويفهم مخارجنا ويستمتع بمناظر من سوداننا أكثر من أن تتفرج في اه ونص وعايشالك
أغنايتنا جميلةوالحاننا جميلة وشعرنا أجمل ...
فيا نجاح المساعيد نقول لك :
صح لسانك ...

تخريمة:
حين يستضيف مزيع سوداني أو مزيعة سودانية ضيف فيجب أن نتوقع سؤال موقف طريف مر بيك ووجبتك المفضلة شنو ده إذغ ما قال ليهو عندك تالاتة زهرات لمن تهديها ؟؟؟؟!!!!!!!!!!

ازيك يا عمر الفاروق
كيف احوالك

امبارح انا كنت متابع حوارها مع الشاعر سيف الدسوقي
وأثناء الحلقة كتبت في بوست (كرسي جانبي خارج المقهى..)
عن (الزرة التي أدخلت فيها سيف الدسوقي حول (بيع مواهبه)
للتجار في السعودية.
وكما قلت كانت الحلقة جميلة.. للغاية
وكذلك حلقتها مع الشاعر سبدرات..

اتكيفت منك جدا جدا لمن قلت "(وإن كنت أتحفظ على إستضافة التجاني حاج موسى) !!!"
أنا ما حضرت الحلقة دي.. لكين بركة الما حضرتها

شكرا ليك
مع التقدير

اخونا العقيد ..
يا جميل يا راقي إحساسك ..

Quote: امبارح انا كنت متابع حوارها مع الشاعر سيف الدسوقي وأثناء الحلقة كتبت في بوست (كرسي جانبي خارج المقهى..)

انا كتبت البوست ده ومتخوف جداً من تكرار الموضوع لأني متأكد لو أي زول حضر الحلقة كان حا يجي يكتب عنها ..
ولأني غير متابع جيد للبورد في هذه الأيام فعملت مسحة سريعة كده وما لاحظت وجود بوست بي الخصوص ده فتوكلت على الحي الدائم وكتبت الموضوع ..
غايتو تعزرنا لو كررنا كلامك أصلو انا جني وجن تكرار المواضيع

Quote: اتكيفت منك جدا جدا لمن قلت "(وإن كنت أتحفظ على إستضافة التجاني حاج موسى) !!!"

يا زول بي الطريقة دي شكلك حا تتكيف مني في حاجات كتيييييييييييييرة

Quote: أنا ما حضرت الحلقة دي.. لكين بركة الما حضرتها

انا كده إتكيفت منك أكتر من تكيفك مني

اخونا الفاروق

لك التحية .. يكفي انها نجاح .... المساعيد


لكن دي بالغت فيها

Quote: تجبر الضيف أن يخرج عن طوره ويبدأ يهضرب بكلمات تفقده وقاره !!!!!

---

Post: #4 Title: Re: نجاح المساعيد " تنجح " في تقديمنا للعالم بينما يفشل إعلامنا !!!!! Author: قرشـــو Date: 02-15-2006, 08:21 AM Parent: #1 أخى عمر الفاروق لك التحية فاتتنى هذه الحلقة ونقصت قعدتى حلقة من برنامج منوعات تبدأه المذيعة بعبارة او كلمة ( آآآآآآآآآآآآآ) وهى تقرا من الورقة وقبل أن افيق من ذلك تنقلنا الكاميرا لمذيع خارجى لاستطلاعات عن الصراحة ليبدأ هو كذلك بذات التاتأة وينفجر بـ ( آآآآآآآآآ ) هذه نماذج من مذيعينا ونحن العوام نعلم ان من ابجديات التقديم الاذاعى عدم التاتأة والتردد وترديد آآآآآآآآ هذه ومثيلاتها ... نجاح المساعيد لها تجاربها ولها حضورها ولها ثقافتها فيكفى انها شاعرة .... ياخى لو يخلوا العيش لخبازينه كان الامور تكون افضل.. ترى الم تلد حواء السودانية مذيعة بذات القدرات الجمالية ( لن اتحدث عن جمال الوجه ) ؟؟؟؟ لك تحياتى

---

Post: #6 Title: Re: نجاح المساعيد " تنجح " في تقديمنا للعالم بينما يفشل إعلامنا !!!!! Author: othman mohmmadien Date: 02-15-2006, 08:56 AM Parent: #4 نجاح المساعيد نجحت بأدائها وقبلت كإعلامية بتخصصها مش بواسطة أو كوزة مبرول مع محبتي لكم ولها بالله البرنامج بيقدم في أي يوم والساعة كم ضروري حتى نعوض ا فاتتا شكرا

---

Post: #7 Title: Re: نجاح المساعيد " تنجح " في تقديمنا للعالم بينما يفشل إعلامنا !!!!! Author: ود المايقوما Date: 02-15-2006, 09:09 AM Parent: #1 الحبيب / عمر الفاروق لك التحية وليك وحشة .. ايضا حضرت الحلقة وكانت من اجمل الحلقات التي احضرها في التلفزيون . وايضا حضرت حلقة التجاني حاج موسى وكانت حلقة رائعة جدا وتالق كثيرا في ( امي الله يسلمك ) وحتى نجاح اتكيفت شديد ونحن ذاتنااتكيفنا شديد .. لك التحية ..

---

Post: #8 Title: Re: نجاح المساعيد " تنجح " في تقديمنا للعالم بينما يفشل إعلامنا !!!!! Author: عمر الفاروق Date: 02-15-2006, 09:32 AM Parent: #1 الأخ خضر .. لك التحايا .. Quote: لكن دي بالغت فيها Quote: تجبر الضيف أن يخرج عن طوره ويبدأ يهضرب بكلمات تفقده وقاره !!!!! تعرف امبارح من دون الأيامأشوف ليك سيف الدين الدسوقي غالبو الكلام ... والله من الخلعة نسى القصيدة بتاعت " عشان القاك ولاقيتك أريتو لقانا يوم ما كان " .. وفي النهاية قال ليها والله يا نجاح انا ومرتي امبارح كنا في سيرتك

---

Post: #9 Title: Re: نجاح المساعيد " تنجح " في تقديمنا للعالم بينما يفشل إعلامنا !!!!! Author: عمر الفاروق Date: 02-15-2006, 09:37 AM Parent: #1 الأخ قرشو وفي رواية العم عاطر التحايا .. Quote: ونقصت قعدتى حلقة من برنامج منوعات تبدأه المذيعة بعبارة او كلمة ( آآآآآآآآآآآآآ) وهى تقرا من الورقة وقبل أن افيق من ذلك تنقلنا الكاميرا لمذيع خارجى لاستطلاعات عن الصراحة ليبدأ هو كذلك بذات التاتأة وينفجر بـ ( آآآآآآآآآ ) والله انا ماف شي بيحيرني في الدنيا دي غير برنامج المنوعات السوداني البيكون كلو عناء وبعد ده بتلقا في مزيع بيقدمو !!!!!!! ما عارف فايدة المزيع شنو بالضبط غير اللهم إنو بيكون غازي كوعوعو ومتمحن وبيعاين لي شاشة كبيرة جنبو وشلاليفو تردد في الأغنية ورا الفنان !!!!!!!!! اما برامج الإتصالات الهاتفية فحدث ولا حرج !!!!!!!!!!!!!!!!!!

---

Post: #10 Title: Re: نجاح المساعيد " تنجح " في تقديمنا للعالم بينما يفشل إعلامنا !!!!! Author: wadalzain Date: 02-15-2006, 10:00 AM Parent: #9 يا جماعه انا والله استمتعت بهذه الحلقه مع سيف الدين الدسوقى الذى قرأ من اجمل اشعاره وكان التقديم رائع لكنكم تجنيتم على مذيعينا اى نعم كلهم سيئين الا واحد بس هو الدكتور الفهامه النحرير العالم فى مهنته الطب البشرى وفى موهبته وفى وسامته وفى اناقته هو الدكتور حمزه عوض الله الا ترونه كيف يقدم وكيف يستحوذ على انتباه ضيوفه حتى يحيروا ولا ينبسوا ببنت شفه امامه وهو يقدم حلقاته الم ترونه وهو يفتى ويحلل ويقدم المعلومه تلو المعلومه الا ترونه وهو كيف يستعمل اللغه العربيه الا ترونه كيف يضغط على الكلمات .. لماذا تتحاملون عليه انى فكرت فى ان اكتب رساله الى عمر حسن البشير ريسنا ان يعينه وزير للثقافه والاعلام اصلها عايروه واحسن يدوها سوط وفى اسوأ الاحوال يعينو مدير اليئه العامه للاذاعه والتلفزيون اصلها فى البير وقع فيها فيل وان كان ما لقى منصب فى الاماكن دى يعينو لينا وزير صحه الممطوره ما بتبالى من الرشه . ولا شنو رأيكم ؟؟؟؟؟

---

Post: #11 Title: Re: نجاح المساعيد " تنجح " في تقديمنا للعالم بينما يفشل إعلامنا !!!!! Author: عمر الفاروق Date: 02-15-2006, 10:09 AM Parent: #10 الناس الفوق ديل معليش بس النرد ليكم علي ود الزين ده تعرف حمزة عيبو الوحييييييييييييييييد شنو ؟؟ ببيخ ليك الحلقة الأخيرة من المسلسل لأنو بيحكيها ليك أثناء التقديم

---

Post: #12 Title: Re: نجاح المساعيد " تنجح " في تقديمنا للعالم بينما يفشل إعلامنا !!!!! Author: الطيب بشير Date: 02-15-2006, 10:51 AM Parent: #1 يا فاروق يا عمر سلام.. أنا ما شاهـدت الحلقات دي، لكن رضاكم يؤكد (نجاح) البنية.. أيام الديمقراطية تم اختيار ثلاث مذيعين و أربعة مذيعات من بين عشرات المتقدمين، و كنت منهم، تم تدريبنا شهرين في الأستوديوهات دون أن نـظهر على الهـواء..أذكر أول يوم أقدم فيه فقرة على الهـواء تم تعيين المذيع عبد الرحـمن فـؤاد مراقبآ لي، يعني جابوهو من البيت بالترحيل ع شان يسمعني من داخل الأسـتوديو و أنا بقدم فقرة ربـط طول زمنها ثلاثين ثانية.. الفاتح الصباغ عـلـق ساخرآ على كثرة و خيبة مذيعي الواسطة بقوله: أنا مرة ماشي آخر اليوم جنب سـجن أمدرمان لاقتني واحدة قالت لي: التلفزيون بـي وين؟ وصـفتـو ليها..وصلت البيت..لقيتها على الهواء مذيعة الفترة المسائـيـة !!

---

Post: #13 Title: Re: نجاح المساعيد " تنجح " في تقديمنا للعالم بينما يفشل إعلامنا !!!!! Author: hatim Date: 02-15-2006, 11:22 AM Parent: #12 Quote: هل يعرض الاخرون ثقافتنا افضل منا ؟؟؟؟؟؟؟؟؟؟؟؟؟؟؟؟؟؟؟؟ هل يفشل تلفزيوننا في تقديمنا بالصورة الجميلة ؟؟؟؟؟؟؟ يا ربي ناس التلفزيون القومي ..أو قل الفضائية السودانية كما يحلو لأهله.. بكونو شافوالحلقة دي...؟؟؟ أهـــــــا ..لو شافوا .. يا ربي بحسو بشنو ..؟؟؟ هل بحسو إنهم مقصرين شوية مع نفسهم ..؟؟؟؟ يمكن يحسو شوية..!!!!!! القصة الطريفة... قبل مباراة مصر وساحل العاج في كاس الامم الافريقية مقدم برنامج الرياضة في التلفزيون السوداني قال في نهاية البرنامج..أها يامشاهدين مع السلامة نشوفكم في القناة المحلية (قناة الخرطوم) بعد ساعتين.. يعني أنت زاتك حتجي تاني بعد ساعتين تمرضنا وتمرض المشاهدين تاني في شاشة غير الشاشة دي........ ياخي يمكن السودان مافي غيرو يقدر يقدم البرنامج الرياضي ... لله في خلقه شئون............

---

Post: #14 Title: Re: نجاح المساعيد " تنجح " في تقديمنا للعالم بينما يفشل إعلامنا !!!!! Author: فيصل نوبي Date: 02-15-2006, 01:29 PM Parent: #1 عمر الفاروق الزولة دي براها و تلفزيون السودان براو شن جاب لي جاب يا زول مالك واجع قلبك و قلبنا !!!

---

Post: #15 Title: Re: نجاح المساعيد " تنجح " في تقديمنا للعالم بينما يفشل إعلامنا !!!!! Author: محمد عبدالرحمن Date: 02-15-2006, 03:42 PM Parent: #14 يا(درفة ) اخبارك وامورك ... الكلام ده وين ؟ والله انا فى القنوات دى عندى زى اربعة كده .. مابشوف غيرن ..الجزيرة وبكون كايس فيها الاخبار ..روتانا سينما (رايح لى فلم وكده ) ...وتلفزيون السودان (مجبرا ) ..والقناة الرابعة مابتصدق لو قلت ليك قناة (ارتريا ) اى والله ارتريا .. انت لو عايز تحس بأنو فنك ده ليهو قيمة وفى ناس من غير السودانيين بعرفوهو شاهد تلفزيون ارتريا ..وغير كده اغانيهم ورقصاتهم تشبه لحد بعيد جدا اغانيننا ..وهم يعجبوك فى الحاجات دى ... لكن (نجاح ) الكسرتك دى ورينا بجيبوها متين ؟ ...مالو نضيف قناة خامسة كمان (نحن ورانا حاقة ) .. ودى

---

Post: #16 Title: Re: نجاح المساعيد " تنجح " في تقديمنا للعالم بينما يفشل إعلامنا !!!!! Author: على احمد على Date: 02-15-2006, 03:55 PM Parent: #1 Quote: Quote: اتكيفت منك جدا جدا لمن قلت "(وإن كنت أتحفظ على إستضافة التجاني حاج موسى) !!!" عمر الفاروق يا خى انا ما عارف ليه كل حاجه بتكتبها انت ...بتعجبنى ما عارف ليه ؟؟ الله يديك العافيه ... وسيف الدين الدسوقى لما يكون حاضر فى اى مكان ... تشم ريحة امدرمان

---

Post: #17 Title: Re: نجاح المساعيد " تنجح " في تقديمنا للعالم بينما يفشل إعلامنا !!!!! Author: خضر الطيب Date: 02-15-2006, 04:25 PM Parent: #1 ] ياحاتم .... لوشافوها ناس التلفزيون بحسو انهم خارج التغطية [ Quote: أهـــــــا ..لو شافوا .. يا ربي بحسو بشنو ..؟؟؟ B Post: #18 Title: Re: نجاح المساعيد " تنجح " في تقديمنا للعالم بينما يفشل إعلامنا !!!!! Author: luai Date: 02-16-2006, 03:38 AM Parent: #1 عمر الفاروق تحياتي .. كيفك واخبارك ووينك يا حبيب ... والله انا حضرت حلقة التجاني حاج موسى وشاهدت الاعلان بتاع حلقة سيف الدين الدسوقي وهم الاثنين شعراء متمكنين ..غايتو كان ما كتبوا قصيدة في الشاعرة دي يكونوا طلعوا ساكت ياااخ انا بحضر حلقة التجاني قربت اكتب قصيدة . وصراحة كده انحنا مستعدين ندفع العشرين ريال الزمان حقت الفضائية عشان يجيبوها لينا في التلفزيون بتاعنا لو وافقت تقدم لينا الاخبار والاشعار والاسفار والنشرة الجوية ومن الامس وفي الواجهة وصحتك وطبق اليوم .. وتفكنا من ناس حماميزوا وناجي الكرهونا التلفزيون .. ياخي اسه انا كان بتعمل معي لقاء مستعد ابقى شاعر واكتب نبطي كمان وهاك المحاولة دي: ياليت هالنفط جالنا من بعد قله .. وسوالنا الدنيا ربيع لنشرب الدله ... وياليت ... تحياتي ،،، Post: #21 Title: Re: نجاح المساعيد " تنجح " في تقديمنا للعالم بينما يفشل إعلامنا !!!!! Author: عمر الفاروق Date: 02-18-2006, 01:45 AM Parent: #18 كل الشباب الحلوين .. صباحات الله بي خيرا .. ومعليش طولنا منكم نظام والوييك إند وكده وعايزين نحاكي امريكييييا وكده .. ود المايقوما : كيفنك يا حبيب .. التجاني الحاج موسى من وجهة نظري ليس بالمستوى الذي يعكس شعراء السودان.. هو كاتب أغنية أكثر من كونه شاعر .. لديه أعمال غنائية ممتازة لا أحد ينكر ولكن عندما نتحدث عن الشعراء فنحن نتحدث عن مصطفى سند ومحمد عبد الحي وإدريس جماع وووووووووووو في إعتقادي الشخصي أن التجاني متهجم على الشعر ولا يكتب بإحساس وأحس فيه كتابة الشعر التفكيرية البتخلي الزول يقعد ينجر ليهو قصيدة بي الراجااااااااااااااااالة .. أمي الله يسلمك واحدة من الكلمات الرائعة والمؤثرة جدا ... تحياتي .. Post: #19 Title: Re: نجاح المساعيد " تنجح " في تقديمنا للعالم بينما يفشل إعلامنا !!!!! Author: قرشـــو Date: 02-16-2006, 03:46 AM Parent: #1 Quote: الدكتور الفهامه النحرير العالم فى مهنته الطب البشرى وفى موهبته وفى وسامته وفى اناقته هو الدكتور حمزه عوض الله الا ترونه كيف يقدم وكيف يستحوذ على انتباه ضيوفه حتى يحيروا ولا ينبسوا ببنت شفه امامه وهو يقدم حلقاته الم ترونه وهو يفتى ويحلل ويقدم المعلومه تلو المعلومه الا ترونه وهو كيف يستعمل اللغه العربيه الا ترونه كيف يضغط على الكلمات Quote: ايه رايك التلفزيون يعيره لمدة مفتوحة لتلفزيون الصومال الشقيق ؟؟؟ Post: #20 Title: Re: نجاح المساعيد " تنجح " في تقديمنا للعالم بينما يفشل إعلامنا !!!!! Author: ابو ساجدة Date: 02-16-2006, 08:28 AM Parent: #19 شكرا اخى عمر والزملاء استمعت واستمتعت بحلقة سيف الدين الدسوقى لكن كنت عايز قصيدة بيع المواهب للتجار فى السعودية لانها واقعة لى فوق جرح بالله العارف القصيدة دى يكتبها لينا مع خالص الشكر Post: #22 Title: Re: نجاح المساعيد " تنجح " في تقديمنا للعالم بينما يفشل إعلامنا !!!!! Author: Hussein Mallasi Date: 02-18-2006, 02:16 AM Parent: #19 اوعك يا عمر يكون الدسوقي شبك المساعيد حي العرب و ما حي العرب!! Post: #23 Title: Re: نجاح المساعيد " تنجح " في تقديمنا للعالم بينما يفشل إعلامنا !!!!! Author: عمر الفاروق Date: 02-18-2006, 02:24 AM Parent: #19 محاولة للصيانة Post: #24 Title: Re: نجاح المساعيد " تنجح " في تقديمنا للعالم بينما يفشل إعلامنا !!!!! Author: wadalzain Date: 02-18-2006, 04:45 AM Parent: #19 أنا اقترح انو الديكتور حمزه عوض الله ينتدبوه غوانتنامو عشان يقدم حلقات للمعتقلين هناك او لمسجونى ابوغريب برضه فايده لمدة خمسه سنوات قابله للتجديد ثم بعد ذلك ينقل لتورا بورا لمدة خمسه سنوات قابله للتجديد ثم بعد ذلك يعار لمدة خمسه سنوات للتوتى والهوتسى قابله للتجديد ثم بعد ذلك ينتدب لتايوان لمدة خمسه سنوات قابله للتجديد ثم بعد ذلك خمسه سنوات لشعوب سيبيريا قابله للتجديد ثم بعد ذلك خمسه سنوات فى المكسيك للشغعوب الهنديه الاصليه قابله للتجديد ثم بعد ذلك خمسه سنوات لشعوب صحراء كلهارى قابله للتجديد ثم بعد ذلك خمسه سنوات لشعوب التبت قابله للتجديد . ده كله عشان هو ثروه عالميه مايصح برضه نحتكرها فى تلفويوننا ياناس التلفزيون . Post: #25 Title: Re: نجاح المساعيد " تنجح " في تقديمنا للعالم بينما يفشل إعلامنا !!!!! Author: عمر الفاروق Date: 02-18-2006, 10:39 AM Parent: #19 يا جماعة معليش ما قادر أرد عليكم من بعد مداخلة الأخ قرشو دي : Quote: Quote: الدكتور الفهامه النحرير العالم فى مهنته الطب البشرى وفى موهبته وفى وسامته وفى اناقته هو الدكتور حمزه عوض الله الا ترونه كيف يقدم وكيف يستحوذ على انتباه ضيوفه حتى يحيروا ولا ينبسوا ببنت شفه امامه وهو يقدم حلقاته الم ترونه وهو يفتى ويحلل ويقدم المعلومه تلو المعلومه الا ترونه وهو كيف يستعمل اللغه العربيه الا ترونه كيف يضغط على الكلمات Quote: ايه رايك التلفزيون يعيره لمدة مفتوحة لتلفزيون الصومال الشقيق ؟؟؟ والظاهر كده قرشو زي لخبط في عملية الQuote فما بيظهر عندي أي زر للرد فيا ريت يا قرشو لو تقدر تعدل فيها ويا ريت لو أي زول عندو فكرة يورينا كيف نحل المشكلة دي مع العلم بي أنو ما بقدر أشوف المداخلات التي تلت المداخلة دي في شكل ردود مستقيمة وإلا أتحايل عليها وأمشي أعرضها في صورة سلسلة !!!!