Post: #1
Title: رسالتى الاخيرة الى من أنزلته من الفردوس !!!
Author: نادية عثمان
Date: 02-13-2006, 08:22 PM
Parent: #0
قايلنى جيت أشكى ؟!!
أبدا وحاة حبك
انا جيت ابارك ليك
وأشرب كمان نخبك
عذبنى ماهماك
انا شاكية لى ربك !!
## ## ##
قايلنى جيت أبكى
وارجوك تسامح جد؟
ابدا وحاة عينيك
مهما الوجع اشتد
انا بابى كان جنة
وهسع خلاص انسد !!
## ## ##
قايلنى بترجاك
واحلف عليك ترجع ؟
ابدا وحاة المر
الكان شراب أنجع
مادايرة منك شئ
وحكم القدر أسرع !!!
|
Post: #2
Title: Re: رسالتى الاخيرة الى من أنزلته من الفردوس !!!
Author: نادية عثمان
Date: 02-13-2006, 09:31 PM
Parent: #1
قلت ليك.. مااظن بتقدر
قلت لى ..بقدر أكيد
قلت ليك ..انا ريدى قاسى
قلت لى .. بهواك شديد
قلت ليك .. حزن الاماسى
قلت لى .. الدنيا عيد
قلت ليك.. وجعى الخرافى
قلت لى .. حظك سعيد
قلت ليك .. سيبنى لحياتى
قلت لى .. حاشا وبعيد
قلت ليك .. يازول بتندم
قلت لى .. حبى الوحيد
قلت ليك... اوعك تغامر
قلت لى .. قلبك حديد
قلت ليك ..يازول بحبك
قلت لى .. هل من جديد ؟!!
|
Post: #3
Title: Re: رسالتى الاخيرة الى من أنزلته من الفردوس !!!
Author: ALGARADABI
Date: 02-13-2006, 11:07 PM
Parent: #2
محجوز لحين ميسرة
|
Post: #4
Title: Re: رسالتى الاخيرة الى من أنزلته من الفردوس !!!
Author: عبدالله وداعه الامين
Date: 02-14-2006, 01:53 AM
Parent: #3
Quote: نادية عثمان مختار"]قايلنى جيت أشكى ؟!!
أبدا وحاة حبك
انا جيت ابارك ليك
وأشرب كمان نخبك
عذبنى ماهماك
انا شاكية لى ربك !!
## ## ##
قايلنى جيت أبكى
وارجوك تسامح جد؟
ابدا وحاة عينيك
مهما الوجع اشتد
انا بابى كان جنة
وهسع خلاص انسد !!
## ## ##
قايلنى بترجاك
واحلف عليك ترجع ؟
ابدا وحاة المر
الكان شراب أنجع
مادايرة منك شئ
وحكم القدر أسرع |
لو جيتي تشكي الريد
بشكيكي لي قلبك
انا حبي ليكي شديد
وريني وين حبك
لو جيتي شايلة العيد
انا عيدي بفخربك
دنيايا تفرح بيك
ومنايا بس قربك
***
لو جيتي تبكي كمان
شوفي الدموع الجد
ببكي مع الانسام
وقتين ازيد الصد
لمن الاقي عنيك
والروح يسوقه المد
والجوه جوه الروح
يكبر علي يشتد
واقراكي في همسي
القى الحروف ترتد
والقاها في نفسي
فاتت مكان الحد
سكنت جزر عينيك
قفلت علي السد
***
انا ما رجيتك يوم
تترجي شان ارجع
لو النهر بقدر
يتمدى غير منبع
يتمدى في عينيك
جوه القلب يركع
انا اصلي ساكن فيك
جواكي ما بطلع
لو قايله غير حبك
دنياي تكون اروع
ابدا وحاتك.. لا
تلقيني... بتوجع
احضن دموعي براي
حزني الكبير امنع
واشده من الصد
والراح وفات ودع
يا ست هواي حلمك
صبرك علي انفع
|
Post: #5
Title: Re: رسالتى الاخيرة الى من أنزلته من الفردوس !!!
Author: خدر
Date: 02-14-2006, 02:11 AM
Parent: #4
قصيده جميلة كالعاده يا ناديه
مذيدا من الالق
سوف اعود و معي موسيقي تناسب روعة كلماتكـ
|
Post: #27
Title: Re: رسالتى الاخيرة الى من أنزلته من الفردوس !!!
Author: نادية عثمان
Date: 02-15-2006, 12:03 PM
Parent: #5
الرائع خدر ابو لقاء
Quote: قصيده جميلة كالعاده يا ناديه
مذيدا من الالق
سوف اعود و معي موسيقي تناسب روعة كلماتكـ |
هات موسيقاك واجلب مزيدا من الالق لكى نجعل من هذه البقعة الاسفيرية دوحة للجمال..
فى انتظار موسيقاك وصوتك الحنون
خارج النص:
لحنت الاغنية ؟
|
Post: #6
Title: Re: رسالتى الاخيرة الى من أنزلته من الفردوس !!!
Author: احمد العربي
Date: 02-14-2006, 02:11 AM
Parent: #4
الجميله ناديه
والشاعره المرهفه
واصلي هذا التدفق
متابعين
ود واحترام
|
Post: #28
Title: Re: رسالتى الاخيرة الى من أنزلته من الفردوس !!!
Author: نادية عثمان
Date: 02-15-2006, 01:39 PM
الاكرم احمد العربى
يسعدنى مرورك من بيوتاتى ايما فرح والله
كن فى الجوار دوما ولاتغب ابدا
|
Post: #15
Title: Re: رسالتى الاخيرة الى من أنزلته من الفردوس !!!
Author: نادية عثمان
Date: 02-14-2006, 08:16 PM
Parent: #4
Quote: لو جيتي تشكي الريد
بشكيكي لي قلبك
انا حبي ليكي شديد
وريني وين حبك
لو جيتي شايلة العيد
انا عيدي بفخربك
دنيايا تفرح بيك
ومنايا بس قربك
***
لو جيتي تبكي كمان
شوفي الدموع الجد
ببكي مع الانسام
وقتين ازيد الصد
لمن الاقي عنيك
والروح يسوقه المد
والجوه جوه الروح
يكبر علي يشتد
واقراكي في همسي
القى الحروف ترتد
والقاها في نفسي
فاتت مكان الحد
سكنت جزر عينيك
قفلت علي السد
***
انا ما رجيتك يوم
تترجي شان ارجع
لو النهر بقدر
يتمدى غير منبع
يتمدى في عينيك
جوه القلب يركع
انا اصلي ساكن فيك
جواكي ما بطلع
لو قايله غير حبك
دنياي تكون اروع
ابدا وحاتك.. لا
تلقيني... بتوجع
احضن دموعي براي
حزني الكبير امنع
واشده من الصد
والراح وفات ودع
يا ست هواي حلمك
صبرك علي انفع |
ياما صبرت عليك
ياقاسى يامغرور
حارقنى بى هجرك
سنوات تمر وشهور
سايبنى للاحزان
وليل الظلم والجور
لاقلت يعنى تطل
لاتحضن العصفور
يازولى سبت العش
خالى الوفاض مهجور
انا قلبى ياملهم
جامح بينط السور
وانا عقلى فيك تائه
وبيك الفؤاد مأسور
الغربة جد لاهياك
بلد الحسان الحور
لمتين عذابى يدوم
وخاطر القليب مكسور ؟!!!
|
Post: #124
Title: Re: رسالتى الاخيرة الى من أنزلته من الفردوس !!!
Author: munswor almophtah
Date: 03-03-2006, 06:58 PM
Parent: #4
حزني الكبير امنع
واشده من الصد
والراح وفات ودع
يا ست هواي حلمك
صبرك علي انفع
|
Post: #13
Title: Re: رسالتى الاخيرة الى من أنزلته من الفردوس !!!
Author: نادية عثمان
Date: 02-14-2006, 03:08 PM
Parent: #3
القرضابى العزيز
طوبة الحجز فى الحفظ والصون بس تعال راجع (وجه منتظر )!!
|
Post: #7
Title: Re: رسالتى الاخيرة الى من أنزلته من الفردوس !!!
Author: فيصل نوبي
Date: 02-14-2006, 02:19 AM
Parent: #1
هنا لن نغامر بكلمات
ندع الوردة وحيدة
و نسقيها حب فقط ...
|
Post: #8
Title: Re: رسالتى الاخيرة الى من أنزلته من الفردوس !!!
Author: ابو جهينة
Date: 02-14-2006, 02:54 AM
Parent: #7
نادية
سلامات
إنسياب باهر و جميل..
تخريمة :
Quote: قايلنى بترجاك
واحلف عليك ترجع ؟ |
في هيك حالات .. مش أحسن ياخدوا فرصة تانية ؟
|
Post: #9
Title: Re: رسالتى الاخيرة الى من أنزلته من الفردوس !!!
Author: Muna Khugali
Date: 02-14-2006, 03:00 AM
Parent: #8
لكـي ولهـم الحـب ..
مـني
|
Post: #22
Title: Re: رسالتى الاخيرة الى من أنزلته من الفردوس !!!
Author: نادية عثمان
Date: 02-15-2006, 08:57 AM
Parent: #9
منى خوجلى الغالية
تحية زى الورد تشبه نضارك
وطيبة قلبك الابيض
كل سنة وانتى بالف خير
وكونى بالف خير
|
Post: #18
Title: Re: رسالتى الاخيرة الى من أنزلته من الفردوس !!!
Author: نادية عثمان
Date: 02-15-2006, 08:14 AM
Parent: #8
الوسيم الروح والدواخل ,,الغالى ابو جهينة
| Quote: في هيك حالات .. مش أحسن ياخدوا فرصة تانية ؟ |
عشان خاطرك بس ..(خليهم يحضروا حالهم اذا بيريدوا)!! (وجه قرداحى)!!
|
Post: #16
Title: Re: رسالتى الاخيرة الى من أنزلته من الفردوس !!!
Author: نادية عثمان
Date: 02-14-2006, 08:44 PM
Parent: #7
الابيض القلب ..الاحمر الوردة ..الغالى فيصل نوبى (ابو احمد)
سلمت على المرور والجمال المتناهى يازول يامبدع ..
كن بالف خير
|
Post: #10
Title: Re: رسالتى الاخيرة الى من أنزلته من الفردوس !!!
Author: bushramk
Date: 02-14-2006, 05:33 AM
Parent: #1
يا ناديةبت عمو عثمان يا غيآآآآآآآآآآآآآآآآآآآآآآآآآآآآآآآآآآآآآظة!
|
Post: #11
Title: Re: رسالتى الاخيرة الى من أنزلته من الفردوس !!!
Author: khaleel
Date: 02-14-2006, 06:43 AM
Parent: #10
نادية
القصيدة فنانة زيك
بس ياريت لو يعود الحبيب
اجمل حاجة في الدنيا
زفاف عاشقين بعد فرقة
سامحته وسالت عن اخباره
وبدون ان ادري تركت له يدي
لتنام كالصفور فوق يديه
حتي فساتيني التي اهملتها
فرحت به رقصت ساعة علي قدميه
|
Post: #25
Title: Re: رسالتى الاخيرة الى من أنزلته من الفردوس !!!
Author: نادية عثمان
Date: 02-15-2006, 11:08 AM
Parent: #11
خليل العزيز
Quote: سامحته وسالت عن اخباره
وبدون ان ادري تركت له يدي
لتنام كالصفور فوق يديه
حتي فساتيني التي اهملتها
فرحت به رقصت ساعة علي قدميه |
ورغم ذلك اهملها وقتلها حزنا ووجعا فى ليلة عيد الحب !!
|
Post: #24
Title: Re: رسالتى الاخيرة الى من أنزلته من الفردوس !!!
Author: نادية عثمان
Date: 02-15-2006, 09:47 AM
Parent: #10
الاكرم bushramk
| Quote: يا ناديةبت عمو عثمان يا غيآآآآآآآآآآآآآآآآآآآآآآآآآآآآآآآآآآآآآظة! |
بحكم عشرتى الممتدة لذلك الولد الغياااااااااااااااااظ فقد اصبحت مثله!!!
|
Post: #12
Title: Re: رسالتى الاخيرة الى من أنزلته من الفردوس !!!
Author: Mohammed Haroun
Date: 02-14-2006, 01:26 PM
Parent: #1
Dear Nadia
That is unbelievable and I will definitley get back to comment when I have access to an Arabic keyboard. My last message to whom I have dropped from Paradise...I hope that's a fair translation.
|
Post: #29
Title: Re: رسالتى الاخيرة الى من أنزلته من الفردوس !!!
Author: نادية عثمان
Date: 02-15-2006, 02:36 PM
Parent: #12
النبيل محمد هارون
تدرى كم يسعدنى وجودك فى بيوتاتى حد الزغردة !!
فى انتظار عودتك على امل ورجاء ..
|
Post: #14
Title: Re: رسالتى الاخيرة الى من أنزلته من الفردوس !!!
Author: عبد الله عقيد
Date: 02-14-2006, 03:17 PM
Parent: #1
أيوة كِدة
أنا لي أجر (التحريض) غايتو
وشكرا.. لهذا
وراجعين بي مهلة
لك التحية
|
Post: #30
Title: Re: رسالتى الاخيرة الى من أنزلته من الفردوس !!!
Author: نادية عثمان
Date: 02-15-2006, 06:16 PM
Parent: #14
المبدع الخلوق عبد الله عقيد
Quote: أيوة كِدة
أنا لي أجر (التحريض) غايتو
وشكرا.. لهذا
Quote: الانسياب الشعري |
حرضتنى ثم مضيت الى حال سبيلك ؟!!
لا مابنفع طبعا !!
لازم تسكن هنا فى البوست ده مع عبدالله وداعة وكل من يعشق العامية السودانية من احبابنا هنا
Quote: وراجعين بي مهلة
لك التحية |
لازم ترجع وانا فى رجاك ياود عقيد
|
Post: #17
Title: Re: رسالتى الاخيرة الى من أنزلته من الفردوس !!!
Author: Mohammed Haroun
Date: 02-15-2006, 04:47 AM
Parent: #1
الليلة اتجمعت السحب والغمــــــــام
وندوية الحلوة أشهرت الخصـــــــــام
وخلتنا واقفين نبحلق في الظـــــــلام
يا ربي ليه بكت البنية وأعلنت الفطــــام
الليلة يوم الإبتسام وعيد الحب والغرام
ياربي ليــــــه
(وجه باسم)
|
Post: #19
Title: Re: رسالتى الاخيرة الى من أنزلته من الفردوس !!!
Author: سجيمان
Date: 02-15-2006, 08:36 AM
Parent: #17
المر دا اخوي
مدخلاهو في مواضيعنا ليه؟
قصيدة رائعة يا نادية..... والبيجي منك كلو رائع
|
Post: #32
Title: Re: رسالتى الاخيرة الى من أنزلته من الفردوس !!!
Author: نادية عثمان
Date: 02-15-2006, 08:30 PM
Parent: #19
سى جى العزيز
Quote: المر دا اخوي
مدخلاهو في مواضيعنا ليه؟ |
كان لازم ادخلو عشان يشوف لينا صرفة فى الحب من طرف واحد ده !!!       
|
Post: #31
Title: Re: رسالتى الاخيرة الى من أنزلته من الفردوس !!!
Author: نادية عثمان
Date: 02-15-2006, 08:07 PM
Parent: #17
Quote: الليلة اتجمعت السحب والغمــــــــام
وندوية الحلوة أشهرت الخصـــــــــام
وخلتنا واقفين نبحلق في الظـــــــلام
يا ربي ليه بكت البنية وأعلنت الفطــــام
الليلة يوم الإبتسام وعيد الحب والغرام
ياربي ليــــــه |
لما قلت العيد مبارك
رد قال ده كلام حرام
قلت ياخ عيد المحبة
فيهو ببقوا الناس احبة
رد قال عاشق الخصام
الفلانتاين بينادى
بيهو يكتمل الوئام
رد قال يوم يعنى عادى
بس بيزيد فيهو الزحام
قلت مابتعشق حمام ؟
رد قال وين السلام ؟
ياخسارة حبى جدا
انت عقلك ماتمام !!!!
|
Post: #20
Title: Re: رسالتى الاخيرة الى من أنزلته من الفردوس !!!
Author: بلدى يا حبوب
Date: 02-15-2006, 08:48 AM
Parent: #1
نادية
يا سلام عليك يا مبدعة
على فكرة ده اجمل قصيدة لكل محب فى عيد الحب
تحياتى
|
Post: #36
Title: Re: رسالتى الاخيرة الى من أنزلته من الفردوس !!!
Author: نادية عثمان
Date: 02-16-2006, 06:01 AM
Parent: #20
العزيز بلدى ياحبوب
Quote: نادية
يا سلام عليك يا مبدعة
على فكرة ده اجمل قصيدة لكل محب فى عيد الحب
تحياتى |
سلمت من كل شر يارب
وكل عيد حب وانت بالف خير ياحبوب جدا
|
Post: #21
Title: Re: رسالتى الاخيرة الى من أنزلته من الفردوس !!!
Author: ايوب عبدالرحيم
Date: 02-15-2006, 08:56 AM
Parent: #1
الشاعرة المرهفة نادية ...
سريناقمندو...
اسمحي لي ان اعبر عن كامل تقديري واحترامي لقلمك الساحر...
وتسلمي ...
مودتي..
|
Post: #23
Title: Re: رسالتى الاخيرة الى من أنزلته من الفردوس !!!
Author: Sahar Abdelrahman
Date: 02-15-2006, 09:13 AM
Parent: #21
الرائعه ناديه..سلام محبه
حروفك نديّه ويانعه...
Quote: قايلنى جيت أبكى
وارجوك تسامح جد؟
ابدا وحاة عينيك
مهما الوجع اشتد
انا بابى كان جنة
وهسع خلاص انسد !! |
مع معزتى
|
Post: #26
Title: Re: رسالتى الاخيرة الى من أنزلته من الفردوس !!!
Author: منتصر حسن محمد
Date: 02-15-2006, 11:57 AM
Parent: #23
سلااااااااااام بت أمي الرائعة
لاتكفي عن الألق فنحن بدونه عطشي .....
( يحفظك الله ويغطيك من عينهم
حتي الولد الغيااااااظ داك شايفاهو
ربي يحفظك منو ...؟ ومن غيرو يااااااارب )
ودزبيدة
|
Post: #33
Title: Re: رسالتى الاخيرة الى من أنزلته من الفردوس !!!
Author: Yassir Tayfour
Date: 02-15-2006, 09:18 PM
Parent: #26
الجميلة
نادية
ما عندنا قلوب تستحمل كلامكم ده
|
Post: #48
Title: Re: رسالتى الاخيرة الى من أنزلته من الفردوس !!!
Author: نادية عثمان
Date: 02-17-2006, 04:39 PM
Parent: #33
الاكرم ياسر طيفور
| Quote: ما عندنا قلوب تستحمل كلامكم ده |
يسلم قلبك الجميل من كل شر يارب
وسعيدة بمرورك الطيب الباهى
كن بالف خير
|
Post: #34
Title: Re: رسالتى الاخيرة الى من أنزلته من الفردوس !!!
Author: malamih
Date: 02-15-2006, 09:31 PM
Parent: #26
ورينى كيف ألقاك
ساعة الشجون تكبر
لاهي راضية تفوت
ولا الخاطر كمان يجبر
شكرا نادية أعتذر للتهريج الشعري ولكن كلماتك الرقيقة أجبرتني
أن أترك شيئا في عيد الحب .. وأحيي عبرك تلك الانسانة الرقيقة المشاعر
والمقاتلة من أجل الحرية السياسية .. منى عوض خوجلى.. فلها أجمل التحايا
في عيد الحب..
|
Post: #51
Title: Re: رسالتى الاخيرة الى من أنزلته من الفردوس !!!
Author: نادية عثمان
Date: 02-17-2006, 06:08 PM
Parent: #34
ملامح
Quote: ورينى كيف ألقاك
ساعة الشجون تكبر
لاهي راضية تفوت
ولا الخاطر كمان يجبر |
تلقانى فى الافراح
باسمة وحياتى وهج
تلقانى لا باكية
لاصارة وشى زهج
تلقانى يامحبوب
فرحانة شان حبيت
قلبى الحنون مملوك
لى حبى واحة وبيت
تلقانى راسمة العين
مكحولة حب وعسل
الزول بريدو شديد
لى قلبى دمو وصل
تلقانى فى الشريان
حايمة ومعاى البوح
اهمسلو فى الرئتين
واشهق هناك فى الروح
تلقانى مجنونة
بكتب حرف سكران
شارب نبيذ الريد
مليان نغم وحنان
بين الفرح والخوف
شتان وكم شتان !!!
|
Post: #55
Title: Re: رسالتى الاخيرة الى من أنزلته من الفردوس !!!
Author: عماد شمت
Date: 02-17-2006, 06:45 PM
Parent: #51
(مليان نغم وحنان)
اتعودنا دائمامنك حلو الكلام.. يديك الصحه والعافيه.
واصلي المشوار.. وياريت يكون في صحبتك البديع عبدالله وداعه واضيف السيد محمد هارون ليكمل
الضلع الثالث وبه تكتمل اللوحه الفنيه الرائعه.. تلبسوا توب العافيه دوما...
|
Post: #63
Title: Re: رسالتى الاخيرة الى من أنزلته من الفردوس !!!
Author: نادية عثمان
Date: 02-17-2006, 08:38 PM
Parent: #55
النبيل عماد شمت
Quote: اتعودنا دائمامنك حلو الكلام.. يديك الصحه والعافيه.
واصلي المشوار.. وياريت يكون في صحبتك البديع عبدالله وداعه واضيف السيد محمد هارون ليكمل
الضلع الثالث وبه تكتمل اللوحه الفنيه الرائعه.. تلبسوا توب العافيه دوما... |
ربنا يديك العافية والخير الفى الدنيا كلو يارب
واتمنى ان يسكب مدادى مايلامس وجدانك المرهف
واتمنى ان لايغيب عبد الله وداعة ومحمد هارون وكل من عشق دوحة الشعر الوريفة ..
|
Post: #47
Title: Re: رسالتى الاخيرة الى من أنزلته من الفردوس !!!
Author: نادية عثمان
Date: 02-17-2006, 12:09 PM
Parent: #26
منتصر العزيز
| Quote: سلااااااااااام بت أمي الرائعة |
سلااااااااااااااام ود امى الرائع
| Quote: لاتكفي عن الألق فنحن بدونه عطشي ..... |
لن يكون للالق بدون وجودكم رونقا ولمعانا وزوهوا فكونوا فى الجوار دوما
Quote: ( يحفظك الله ويغطيك من عينهم
حتي الولد الغيااااااظ داك شايفاهو
ربي يحفظك منو ...؟ ومن غيرو يااااااارب ) |
ربنا يسمع منك ويغطى على ذلك العاشق الغياااااااااااااااظ يارب
|
Post: #44
Title: Re: رسالتى الاخيرة الى من أنزلته من الفردوس !!!
Author: نادية عثمان
Date: 02-17-2006, 11:52 AM
Parent: #23
الرقيقة سحر عبد الرحمن
اسعدنى مرورك الانيق من هذا المكان ايما سعادة والله
| Quote: حروفك نديّه ويانعه... |
سعدت حروفى بجميل وصفك لها سيدتى ..فلك منها ومن ابجديتى عظيم الامتنان ..
|
Post: #43
Title: Re: رسالتى الاخيرة الى من أنزلته من الفردوس !!!
Author: نادية عثمان
Date: 02-17-2006, 09:07 AM
Parent: #21
الاكرم ايوب عبد الرحيم
اى صحة حديد كرى ..ولى سريرى ..الحمد لله
اهلا بيك ود الدناقلة الف مرحب ومنور البوست بوجودك تسلم يارب
|
Post: #35
Title: Re: رسالتى الاخيرة الى من أنزلته من الفردوس !!!
Author: Mohammed Haroun
Date: 02-16-2006, 01:46 AM
Parent: #1
Quote: قلت مابتعشق حمام ؟
رد قال وين السلام ؟
ياخسارة حبى جدا
انت عقلك ماتمام !!!! |
يا سلام عليك يا أجمل حمــــام
في ناس تغرد طول حياتها للسلام
وناس تروح ضحايا في بحور الغرام
وناس جافية مابتعرف الحب والوئام
انت بس أحلى الأنام.. يابدر التمام
الأخت العزيزة نادية
أشعارك حلوة ولها مدلولات عميقة وزي ما شايفه محسوبك جرفه التيار ساكت وقلت عاوز أجاريك لكن شتان ما بين الثرى والثريا.... آمنت بأن الشاعر يولد شاعراً.
لكي كل الود ومزيد من الألق يا مبدعة
|
Post: #58
Title: Re: رسالتى الاخيرة الى من أنزلته من الفردوس !!!
Author: نادية عثمان
Date: 02-17-2006, 07:30 PM
Parent: #35
محمد هارون
Quote: أشعارك حلوة ولها مدلولات عميقة وزي ما شايفه محسوبك جرفه التيار ساكت وقلت عاوز أجاريك لكن شتان ما بين الثرى والثريا.... آمنت بأن الشاعر يولد شاعراً.
لكي كل الود ومزيد من الألق يا مبدعة |
تسلم على هذه الاريحية ..ولست انا الثريا ولاانت الثرى ..ولكننا عشاق فى محراب الدوحة الشعرية نحاول ان نصل الى عاليات نخيلها الباسق..
كن بخير
|
Post: #37
Title: Re: رسالتى الاخيرة الى من أنزلته من الفردوس !!!
Author: Mohammed Haroun
Date: 02-16-2006, 09:36 AM
Parent: #1
آسف لإستخدام كلمة [U]كفيفة فهي خطأ غير مقصود ياصحابي.
|
Post: #64
Title: Re: رسالتى الاخيرة الى من أنزلته من الفردوس !!!
Author: نادية عثمان
Date: 02-18-2006, 07:38 AM
Parent: #38
النبيل عبد الله وداعة الامين
احسن تعال راجع
شوفنى واشوف عينيك
واحشنى من مدة
رسلت شوقى يجيك
خلى العناد وتعال
ومعنى الجحود الفيك
عارفنى جد عاشقة
ضيعت عمرى عليك
عقلى ودماى والروح
انا قلبى جد شاريك
ياغالى يامحبوب
فى الغربة عارفة البيك
ارجع نتم الريد
انا ليك اعز شريك !!!
|
Post: #39
Title: Re: رسالتى الاخيرة الى من أنزلته من الفردوس !!!
Author: Mohammed Haroun
Date: 02-17-2006, 01:26 AM
Parent: #1
الأخت العزيزة نادية
الفردوس قد يكون قلب حبيبة حانية رقيقة أو قرية جميلة عشت فيها أجمل أيام الصبا الحلوة الندية. فمنذ أن أصابني داء الرحيل كما قال كاتبنا الطيب صالح أمد الله في عمره لم أجد في هذه الدنيا فردوساً اطيب من قريتي التي قضيت فيهاأيام طفولتي وصباي ولم أجد فراشة أظلتني بحبها وحنوها غير جدتي الحنونة. إن معاناتي مع الغربة والبعد عن الديار والأهل قد عاشها قبلي الشاعر العظيم أوليفر جولد سميث فجسدها شعراً في قصيدته المعروفة (القرية المهجورة) التي يعن لي أن أذكرك بأبيات منها كما ترجمها الأديب الدكتور زاخر غبريال:
قريتي .. كم تهت في الماضي على الوادي جمالا
وعلى شطيك خصب ونماء
يملآن قلب أهليك سرورا
كم مشى فيك الربيع المزهر
باسماً قبل الأوان
وتأتى الزهر في الصيف طويلا
محجماً قبل الوداع
مرتع اللذات أيام الصبا
كم على أعشابها قد طال لهوي ومراحي
أقطف اللذات من كل جنى
وأرى في كل ركن مرتعا
المروج الخضر والكوخ الصغير
والغدير الهادر الموج صباحاً ومساء
والطواحين أشرأبت للسماء
في عجيج صاخب
وقباب طوقت معبدها
وتعالت تسبق التل إلى قمته
وشجيرات من الشوك استقرت
تحت ظل وارف
هو بالعشاق أولى مربعا
كم حلا لي كل يوم أن أمني
بغدي أمسي ويومي
فغدي يحمل لي شيئاً جديدا
كل يوم كان في القرية لي يوماً سعيدا
حينما كنا جماعات من الجد نفيق
وجماعات إلى اللهو نعود
تحت أغصان وظل وجنى
كلنا فتيان لهو تعبث
أو شيوخ من بعيد ترقب
خفة تنساب قفزاً وصياحا
وفنون من ألاعيب الشباب
كلما فنا مللنا, جدد الفن فنونا
كم ظللنا: كل مثنى في سباق
أينا ينهك في الرقص إلى الأرض الرفيقا
والفتى الريفي يعرو وجهه المغبر شبه الخجل
بينما ضحك خفي شاع كالهمس الرقيق
والعذارى أعجبت ترنو افتتانا
مجفلات خفرات
بينما النسوة عين كلها لوم وعتب
هكذا كانت فتون القرية
|
Post: #40
Title: Re: رسالتى الاخيرة الى من أنزلته من الفردوس !!!
Author: Emad Abdulla
Date: 02-17-2006, 02:45 AM
Parent: #1
( الجميلة .. والوحش ) ..
سلام
( وش مقبل على خلق الله الكتار في حضرة نشيدك ده ) :
آآآآ ناس المهله ..
ح تشربو ما تروو
نادية يا كتّابه .. أدينا
كمان ..
( على قول أحمد بدير )
|
Post: #41
Title: Re: رسالتى الاخيرة الى من أنزلته من الفردوس !!!
Author: waleed500
Date: 02-17-2006, 03:50 AM
Parent: #40
بت خالتى تحياتى
تعرفى يا بت الخالة ما كنت فاكرك بكاية كده
وكما قال ود دفع الله ..مختار
تانى كاتب لى خبارك
انت فاكر انو قلبى لسع تايه
فى مدارك...دى الديار خليتا زاتا
لما ضاقت بى ديارك
جيت تنمق فى اعتذارك
يا جميل الرجعة لا لا لا
كونى ارجع ليك تانى مره
الف مليون استحالة
ده الجرح من ما استمرا
لا حصل طيفك غشانى ولا مرا
فى زاكرتى مرا
|
Post: #68
Title: Re: رسالتى الاخيرة الى من أنزلته من الفردوس !!!
Author: نادية عثمان
Date: 02-18-2006, 11:00 AM
Parent: #41
وليد 500 ود خالتى الغالى
| Quote: تعرفى يا بت الخالة ما كنت فاكرك بكاية كده |
كيف ياخ ده انا الدمعة زاتها تمشى على رجلين (وجه غرقان دموع وببكى بكا شديد خلاس )!!!
|
Post: #67
Title: Re: رسالتى الاخيرة الى من أنزلته من الفردوس !!!
Author: نادية عثمان
Date: 02-18-2006, 08:52 AM
Parent: #40
النبيل عماد عبد الله
Quote: الجميلة .. والوحش ) ..
سلام
( وش مقبل على خلق الله الكتار في حضرة نشيدك ده ) :
آآآآ ناس المهله ..
ح تشربو ما تروو
نادية يا كتّابه .. أدينا
كمان ..
( على قول أحمد بدير ) |
عماد ياملك الاريحية والدم الخفيف ..بوجود امثالك فى المنبر يطيب لنا المقام رغم كل شئ !!!
كن دوما بالف خير ولاتحرمنى اطلالتك البهية من على بيوتاتى الاسفيرية ..سمح ؟
|
Post: #42
Title: Re: رسالتى الاخيرة الى من أنزلته من الفردوس !!!
Author: ayman haroun
Date: 02-17-2006, 08:20 AM
Parent: #1
من البحر اليك
الوريفة نادية عثمان
ياسمراء ياواضحة
Quote: قايلنى جيت أشكى ؟!!
أبدا وحاة حبك
انا جيت ابارك ليك |
تحياتى واماقبل :
احيكى على هذا البوح الشفيف ولكى ماتريدى من الحمى
اهديكى ماقاله سيف الدين الدسوقى :
الشاعر يسمع صوت الحسن ويحسن كل فنون القول ولكن ان يحى فى الانسان احساس او يصنع اعصاب من اللياف لتكون مكان الحس فى الانسان لو كان بالامكان ....
حقا صنعتى فينا هذا الاحساس واحييتى تلك الاعصاب الميتة .... شكرا لكى ايتها الشاعرة الانسانة ..
لك الوفاء ثم الوفاء
ايمن هارون
|
Post: #45
Title: Re: رسالتى الاخيرة الى من أنزلته من الفردوس !!!
Author: عشة بت فاطنة
Date: 02-17-2006, 12:00 PM
Parent: #42
Quote: قلت لى .. قلبك حديد
قلت ليك ..يازول بحبك
قلت لى .. هل من جديد ؟!! |
يا اهل الهوى .. هواكم مخالف
|
Post: #66
Title: Re: رسالتى الاخيرة الى من أنزلته من الفردوس !!!
Author: نادية عثمان
Date: 02-18-2006, 08:17 AM
Parent: #45
العزيزة عشة بت فاطنة
| Quote: يا اهل الهوى .. هواكم مخالف |
شكرا لمرورك على اهل الهوى المخالف ودمتى بالف خير دوما يارب ..
|
Post: #46
Title: Re: رسالتى الاخيرة الى من أنزلته من الفردوس !!!
Author: خدر
Date: 02-17-2006, 12:02 PM
Parent: #42
|
Post: #49
Title: Re: رسالتى الاخيرة الى من أنزلته من الفردوس !!!
Author: khaleel
Date: 02-17-2006, 05:02 PM
Parent: #46
اسماعيل حسن برغم رقته
انتفض وكتب اجمل قصائد الكبرياء
حلفتك يا قلبي
حلفتك بربي
الخانك تخونو
والفايت غرامك
اوعك يوم تصونو
زي ما ابكي عيني
سهر لي عيونو
اوعي تقولي تانيط
ما بنعيش بدونو
ايه في الحب لقينا
غير همو وشجونو
|
Post: #50
Title: Re: رسالتى الاخيرة الى من أنزلته من الفردوس !!!
Author: Munir
Date: 02-17-2006, 06:02 PM
Parent: #49
قمة الروعة يا نادية ـ كلمات مموسقة وسلسة وموزونة وخفيفة تطفو علي بحر من المعاني عميق بلا حدود 
|
Post: #52
Title: Re: رسالتى الاخيرة الى من أنزلته من الفردوس !!!
Author: مدثر محمد ادم
Date: 02-17-2006, 06:25 PM
Parent: #50
الرائعة جميلة الدواخل نادية
قايلنى بترجاك
واحلف عليك ترجع ؟
ابدا وحاة المر
الكان شراب أنجع .
لي كم يوم داير اعلق بس
وحاتك ضاعت مني الكلامات وغلبتني الحرف
عشان اعبر
بس داير اقول في حضرتك يكون الصمت ابلغ
وتحلو القراة
مع حبي مدثر تيف تيف
|
Post: #53
Title: Re: وايه دخلنا نحن ؟؟
Author: shak
Date: 02-17-2006, 06:33 PM
Parent: #52
احترم نادية ككاتبة .. لكن شعرها فيه قولان .. واعتقد ان الانكسارات العاطفية او النفسية تحتاج الى طبيب وليس الى شعر بارد وباهت مثل الذى طرحته نادية عثمان .. واختلاف الراى لا يفسد للود قضية
شاك
|
Post: #54
Title: Re: وايه دخلنا نحن ؟؟
Author: shak
Date: 02-17-2006, 06:37 PM
Parent: #53
لما قلت العيد مبارك
رد قال ده كلام حرام
قلت ياخ عيد المحبة
فيهو ببقوا الناس احبة
رد قال عاشق الخصام
الفلانتاين بينادى
دا كلام مسهوك ومستهلك واى واحد ممكن يكتب زيو .. الاضافة شنو لدفتر الابداع الشعرى السودانى يا نادية .. افيدبنا ..
شاك
|
Post: #57
Title: Re: وايه دخلنا نحن ؟؟
Author: فيصل نوبي
Date: 02-17-2006, 07:19 PM
Parent: #54
Quote: Re: وايه دخلنا نحن ؟؟ (Re: shak)
لما قلت العيد مبارك
رد قال ده كلام حرام
قلت ياخ عيد المحبة
فيهو ببقوا الناس احبة
رد قال عاشق الخصام
الفلانتاين بينادى
دا كلام مسهوك ومستهلك واى واحد ممكن يكتب زيو .. الاضافة شنو لدفتر الابداع الشعرى السودانى يا نادية .. افيدبنا ..
شاك |
shak
ما هكذا يكون النقد !!
الناقد يكتب وجهة نظره ، لان كاتب الحروف لا يري ما فيها من اخطاء ..
ان كانت كل الكتابة في وجهة نظرك لا تعني شيء او اضافة بامكانك تجاهلها بدلا من ان تبخسها ..
و لسان حالك يقول
بحثت عن مشاركاتك في المنتدي منذ بداية العام الحالي .. فلم اجد الا الاتي:
Quote: Re: وايه دخلنا نحن ؟؟ 17-02-06, 05:33 م, shak
Re: وايه دخلنا نحن ؟؟ 17-02-06, 05:37 م, shak
Re: جمعـية أصــــدقاء اســرائيل 02-02-06, 02:04 م, shak
Re: عاجل عمليات اعتقال عشوائى للسودانيين بالقاهرة 30-12-05, 11:00 ص, shak
لماذا لا تكتبى عن ابادة اللاجئين فى القاهرة 02-01-06, 11:34 ص, shak
Re: ** مساهماتكم : لرفع دعـوى دستوريــة ضد قانون ضرائب المغتربين** 14-08-05, 12:14 م, shak |
وهذا ارشيف الصف الثاني من 2005 !!!!!
Quote:
أرشيف المنبر العام للنصف الثانى من عام 2005
يا ناس ليفربول افيدونى 16-12-05, 10:04 ص, shak
منو البعرف الحكاية دى ؟ 13-12-05, 04:45 م, shak
Re: لماذا تفاجئنى ؟ 07-11-05, 10:02 ص, shak
الى نفيسة محمد ,رتردام ,هولندا 17-10-05, 11:56 ص, shak
Re: (قذافي السودان) حمد الريح يتبرأ من العروبة ويرتمي في حضن افريقيا 03-10-05, 03:22 م, shak
Re: مــاذا لن يقر ر سلفا كير ذلك .. والمحمية ليست هى المكان المناسب 01-10-05, 04:31 م, shak
اوقات للقلب .. اوقات للمسغبة 27-09-05, 02:44 م, shak
Re: قصــة طيفور من قرية الحضور وسليمان عبد الجليل فى باب المعرفة 03-10-05, 03:44 م, shak
Re: كسير تلج لي ناديه عثمان 18-09-05, 01:01 م, shak
Re: سـودانـيـون في معســكرات الذل !!!!! 06-10-04, 01:41 م, shak
وانا اشتاق اليك 23-05-05, 04:09 م, shak
Re: وانا ... يا نادية عثمان 24-05-05, 10:58 ص, shak
|
ماذا قدمت انت !!!!
الاستاذة نادية قادرة علي الرد عليك و لكن المعجبين بكتابتها و انا احدهم لا اقبل طريقة نقدك...
الاستاذة / نادية عثمان
اسف لخروجي عن صياغ البوست.
|
Post: #60
Title: Re: وايه دخلنا نحن ؟؟
Author: نادية عثمان
Date: 02-17-2006, 08:08 PM
Parent: #54
Quote: دا كلام مسهوك ومستهلك واى واحد ممكن يكتب زيو .. الاضافة شنو لدفتر الابداع الشعرى السودانى يا نادية .. افيدبنا ..
شاك |
وهذا نقد موضوعى ولغة رفيعة ومهذبة جدا يعجز قلمى المتواضع عن الرد عليها ..احترامى لوجهة نظرك مجددا !!
وكن بخير شاك
|
Post: #56
Title: Re: وايه دخلنا نحن ؟؟
Author: نادية عثمان
Date: 02-17-2006, 07:05 PM
Parent: #53
| Quote: احترم نادية ككاتبة |
..
اشكرك ..واحترمك جدا
| Quote: لكن شعرها فيه قولان .. واعتقد ان الانكسارات العاطفية او النفسية تحتاج الى طبيب وليس الى شعر بارد وباهت مثل الذى طرحته نادية عثمان .. |
اشكرك مرة اخرى جزيل الشكر ..واحترم وجهة نظرك !!
| Quote: واختلاف الراى لا يفسد للود قضية |
اختلاف الرأى لايفسد للاحترام واللغة المهذبة والموضوعية بين الناس اى قضية بالطبع ..الف مرحبا بك دوما اخى شاك
نادية
|
Post: #62
Title: Re: وايه دخلنا نحن ؟؟
Author: Yassir Tayfour
Date: 02-17-2006, 08:10 PM
Parent: #56
Quote: لما قلت العيد مبارك
رد قال ده كلام حرام
قلت ياخ عيد المحبة
فيهو ببقوا الناس احبة
رد قال عاشق الخصام
الفلانتاين بينادى
دا كلام مسهوك ومستهلك واى واحد ممكن يكتب زيو .. الاضافة شنو لدفتر الابداع الشعرى السودانى يا نادية .. افيدبنا ..
شاك |
Shak!!
u really shocked me
Don't hate, man, appreciate
everybody has a uique taste, so if u dont like what she wrote, that means it's not written for u
spread luv n' kill hate
|
Post: #81
Title: Re: رسالتى الاخيرة الى من أنزلته من الفردوس !!!
Author: نادية عثمان
Date: 02-19-2006, 09:02 PM
Parent: #52
النبيل مدثر محمد ادم
Quote: لي كم يوم داير اعلق بس
وحاتك ضاعت مني الكلامات وغلبتني الحرف
عشان اعبر
بس داير اقول في حضرتك يكون الصمت ابلغ
وتحلو القراة |
تعليقك ولو عبر المرور الصامت فهو مبعث سعادتى دون شك ايها الرجل النبيل
وحديثك الطيب شهادة اعتز بها ايما اعتزاز ..شكرا بهيجا
وكن بالف خير دوما
|
Post: #59
Title: Re: رسالتى الاخيرة الى من أنزلته من الفردوس !!!
Author: نادية عثمان
Date: 02-17-2006, 07:34 PM
Parent: #50
العزيز منير
| Quote: قمة الروعة يا نادية ـ كلمات مموسقة وسلسة وموزونة وخفيفة تطفو علي بحر من المعاني عميق بلا حدود |
واحة الشعر مرافئ نتكئ عليها ..بحر نخوضه بلا مجداف ..وان غرقنا فحبا فى حروفه الغراء
شكرا لمرورك الباهى وكن بالف خير
|
Post: #61
Title: Re: رسالتى الاخيرة الى من أنزلته من الفردوس !!!
Author: Kostawi
Date: 02-17-2006, 08:10 PM
Parent: #59
.
|
Post: #79
Title: Re: رسالتى الاخيرة الى من أنزلته من الفردوس !!!
Author: نادية عثمان
Date: 02-19-2006, 04:37 PM
Parent: #61
الاكرم كستاوى
شكرا لمرورك ورفعك للبوست (بنقطة)!!!!!
|
Post: #73
Title: Re: رسالتى الاخيرة الى من أنزلته من الفردوس !!!
Author: نادية عثمان
Date: 02-18-2006, 01:50 PM
Parent: #49
الاكرم خليل
Quote: اسماعيل حسن برغم رقته
انتفض وكتب اجمل قصائد الكبرياء
حلفتك يا قلبي
حلفتك بربي
الخانك تخونو
والفايت غرامك
اوعك يوم تصونو
زي ما ابكي عيني
سهر لي عيونو
اوعي تقولي تانيط
ما بنعيش بدونو
ايه في الحب لقينا
غير همو وشجونو |
تسلم ويسلم اسماعيل حسن من كل شر يارب
انها سطوة الحب ياخليل ..ويالها من سطوة !!
|
Post: #65
Title: Re: رسالتى الاخيرة الى من أنزلته من الفردوس !!!
Author: انعام عبد الحفيظ
Date: 02-18-2006, 07:57 AM
Parent: #1
ندوية العزيزة
واصلي هذا الابداع
وشكرا لك لهذا الامتاع
|
Post: #69
Title: Re: رسالتى الاخيرة الى من أنزلته من الفردوس !!!
Author: نادية عثمان
Date: 02-18-2006, 11:48 AM
Parent: #65
العزيز خدر الراقى
شكرا لموسيقاك الساحرة
ودمت ابدا بالف خير ابو لقاء
|
Post: #70
Title: Re: رسالتى الاخيرة الى من أنزلته من الفردوس !!!
Author: نادية عثمان
Date: 02-18-2006, 11:58 AM
Parent: #69
حرف نازف
انا حرفى زول مجروح
نازف وباكى وحيد
محتاج لضمة حب
ولهمسة اعلان ريد
حرفى التعيس ندمان
مأزوم وقع زى صيد
شان قال كليمة حق
بقى حرفى ديمة طريد
سارح وتائه جد
حرفا لقيط وشريد
سجنوهو ماهماه
ختو النقط فى القيد
حرفى المناضل ثار
مابخاف هتاف ووعيد
لو جابو ملك الموت
انا حرفى مارعديد
حرفى العشوق ولهان
بيشبه صباح العيد
لابخاف سلاح لا دم
لابخاف عيون الغيد
انا حرفى ديمة ولوف
مرهف مثالى شديد
بس حاشا مابيخاف
من ضابط اصلو عقيد !!!!
|
Post: #71
Title: Re: رسالتى الاخيرة الى من أنزلته من الفردوس !!!
Author: نادية عثمان
Date: 02-18-2006, 12:41 PM
Parent: #70
حرف غريد
حرفى الولوف وبشوش
زول بعشق الالحان
ماسور جمال الروح
وبيقدّر الانسان
لاعمرو حقّر زول
لا جاب قبيح قولان
حرفا بيشع بالنور
وبالحب دوام تريان
لكنو نغمة نشاز
مالاقى ليهو مكان
ساحة حرب وخصام
وخيول بدون فرسان
تعبان شديد حرفى
مهموم وجد حزنان
ورغم الظلم والجور
مافارق الحبان
جاك الحرف بدموع
عارف حداك حنان
ضمو وكمان داويه
من قسوة الخلان !!!!
|
Post: #72
Title: Re: رسالتى الاخيرة الى من أنزلته من الفردوس !!!
Author: AMNA MUKHTAR
Date: 02-18-2006, 12:56 PM
Parent: #71
Quote: تلقانى فى الافراح
باسمة وحياتى وهج
تلقانى لا باكية
لاصارة وشى زهج
تلقانى يامحبوب
فرحانة شان حبيت
قلبى الحنون مملوك
لى حبى واحة وبيت
تلقانى راسمة العين
مكحولة حب وعسل
الزول بريدو شديد
لى قلبى دمو وصل
تلقانى فى الشريان
حايمة ومعاى البوح
اهمسلو فى الرئتين
واشهق هناك فى الروح
تلقانى مجنونة
بكتب حرف سكران
شارب نبيذ الريد
مليان نغم وحنان
بين الفرح والخوف
شتان وكم شتان !!! |
بين الفرح والخوف
شتان وكم شتان
|
Post: #74
Title: Re: رسالتى الاخيرة الى من أنزلته من الفردوس !!!
Author: نادية عثمان
Date: 02-18-2006, 06:00 PM
Parent: #72
Quote: اهديكى ماقاله سيف الدين الدسوقى :
الشاعر يسمع صوت الحسن ويحسن كل فنون القول ولكن ان يحى فى الانسان احساس او يصنع اعصاب من اللياف لتكون مكان الحس فى الانسان لو كان بالامكان ....
حقا صنعتى فينا هذا الاحساس واحييتى تلك الاعصاب الميتة .... شكرا لكى ايتها الشاعرة الانسانة ..
لك الوفاء ثم الوفاء |
ايمن هارون
لك ولسيف الدين الدسوقى منتهى دهشتى وتقديرى ..ولك من وجدان الشاعرة ملايين القصائد النابضة بكل معانى التقدير والوفاء والامتلاء بالفرح المهيب فى حضرة اطلالتك البهية ..
كن بالف خير دوما
|
Post: #80
Title: Re: رسالتى الاخيرة الى من أنزلته من الفردوس !!!
Author: نادية عثمان
Date: 02-19-2006, 06:17 PM
Parent: #72
الاخت الفضلى امنة مختار
شكرا لمرورك الطيب
وكونى بالف خير
|
Post: #78
Title: Re: رسالتى الاخيرة الى من أنزلته من الفردوس !!!
Author: عبد الله عقيد
Date: 02-19-2006, 02:28 PM
Parent: #71
حرِف ولهان
ليه يا حرف ولهان
مهموم ومتألِّم؟
شايفك قِبيل نديان
لي روحي بتعلّم
نورك يضوّي أمان
ما خلّى شي مضلِّم
ما كنت بتسلِّم
وبي هواك متكلِّّم
شايل المحبة سلاح
بتنادي للأفراح
ناسي القديم الراح
ليه جيتني متظلِّم
يا حرف يا ولهان
أرمي السلاح.. سلِّم
هاك وردة من بستان
وارف ندي ورويان
والوردة نادية كمان
وعبيرا يشفي جراح
ويجدد الأفراح
يا ملهم الأرواح
يا حرف يا ولهان
ما تجيني متظلِّم
|
Post: #77
Title: Re: رسالتى الاخيرة الى من أنزلته من الفردوس !!!
Author: عبد الله عقيد
Date: 02-19-2006, 02:26 PM
Parent: #70
حرف مجنون
واقف علي رمشك
مستني جنب القيف
خايف خطاه تتوه
والقلبِ فيهو وجيف
في وحدة يتأمّل
سامع وراهو حفيف
جاييهو من همسات
ساحرة ونغيما ظريف
تغريهو بي جنّات
مخبوءة في الوجنات
في ظلِّ هادي وريف
قال ليها هوي يا عيون
أنا حرْفِ هادي حنون
بحرك عميق مسكون
عايز حرِف مجنون
أو حرْف سيدو حريف
|
Post: #75
Title: Re: رسالتى الاخيرة الى من أنزلته من الفردوس !!!
Author: Mohammed Haroun
Date: 02-18-2006, 08:21 PM
Parent: #1
الأخت العزيزة نادية
أنا أهديتك أبيات من قصيدة (القرية المهجورة) وشقيقي أيمن هارون أهداك ما قاله سيف الدين
الدسوقي. شايفة إنت كيف عزيزة على أولاد عمك هارون.
(وجه ضاحك)
|
Post: #76
Title: Re: رسالتى الاخيرة الى من أنزلته من الفردوس !!!
Author: نادية عثمان
Date: 02-19-2006, 02:13 PM
Parent: #75
انعام عبد الحفيظ الحبيبة
كونى دوما عصفور من الجنة مارا من فراديسى ايتها الرقيقة ..والحنونة كضؤ القمر !!
|
Post: #82
Title: Re: رسالتى الاخيرة الى من أنزلته من الفردوس !!!
Author: نادية عثمان
Date: 02-20-2006, 11:25 AM
Parent: #75
محمد هارون الغالى
وشقيقه ايمن هارون الغالى
Quote: وشقيقي أيمن هارون أهداك ما قاله سيف الدين
الدسوقي. شايفة إنت كيف عزيزة على أولاد عمك هارون. |
انتو الاتنين اروع هدية للدنيا من عم هارون والله
وانا سعيدة بيكم وبى الزمان المانى بيكم جدا ياشباب زى الورد
خليكم هنا دائما ..سمح؟
|
Post: #83
Title: Re: رسالتى الاخيرة الى من أنزلته من الفردوس !!!
Author: نادية عثمان
Date: 02-20-2006, 05:56 PM
Parent: #82
Quote: حرف مجنون
واقف علي رمشك
مستني جنب القيف
خايف خطاه تتوه
والقلبِ فيهو وجيف
في وحدة يتأمّل
سامع وراهو حفيف
جاييهو من همسات
ساحرة ونغيما ظريف
تغريهو بي جنّات
مخبوءة في الوجنات
في ظلِّ هادي وريف
قال ليها هوي يا عيون
أنا حرْفِ هادي حنون
بحرك عميق مسكون
عايز حرِف مجنون
أو حرْف سيدو حريف |
حرف مشتاق
حرفى الولوف مشتاق
والشوق حريق فى الجوف
كايس كلام الريد
موجوع سنين بالخوف
حرفا بسوم ضحاك
من حبو ياما تشوف
### ### ###
حرفى العشوق رياد
مليان غنج ودلال
من قلبو بهوى عديل
كم للرياحين مال
حرفى الشموخ بالجد
دهب السبايك سال
حرفا شفوق ملتاع
بينادى زولو تعال
حرفى الوديع وحنون
جاك يجرى فى استعجال
قال ليك نعم ياحبيب
نستكمل الموال !!
|
Post: #90
Title: Re: رسالتى الاخيرة الى من أنزلته من الفردوس !!!
Author: عبد الله عقيد
Date: 02-23-2006, 11:40 AM
Parent: #83
Quote: حرف مشتاق
حرفى الولوف مشتاق
والشوق حريق فى الجوف
كايس كلام الريد
موجوع سنين بالخوف
حرفا بسوم ضحاك
من حبو ياما تشوف
حرفى العشوق رياد
مليان غنج ودلال
من قلبو بهوى عديل
كم للرياحين مال
حرفى الشموخ بالجد
دهب السبايك سال
حرفا شفوق ملتاع
بينادى زولو تعال
حرفى الوديع وحنون
جاك يجرى فى استعجال
قال ليك نعم ياحبيب
نستكمل الموال !! |
حرِف تائه
يا قلبي يا ولهان
في الريد مشيت مشوار
ما شلت هم للموج
سابح مع التيار
والريد دا بحرو عميق
لي نهايتو ما في قرار
في الجوف درر لكين
محفوفه بالأخطار
فيهو الهموم والخوف
وخزاين الأسرار
فيهو الهَنا المنشود
وسعادة واستقرار
بس فيهو عدم النوم
وصعوبة الأسفار
يا قلبي يا ولهان
ما تنسى ما تنسى
حرفك كتبتو دموع
مجروحة تتأسّى
بس حرفك التائه
ما بيبقا ليك مرسى
|
Post: #84
Title: Re: رسالتى الاخيرة الى من أنزلته من الفردوس !!!
Author: Mohammed Haroun
Date: 02-21-2006, 08:41 AM
Parent: #1
Fabulous poetry ya Nadoyah. Keep it up
|
Post: #85
Title: Re: رسالتى الاخيرة الى من أنزلته من الفردوس !!!
Author: نادية عثمان
Date: 02-21-2006, 09:21 AM
Parent: #84
محمد هارون الغالى
عد لى شعرا فقد اشتقت الى حرفك الشعرى الانيق ..
وكن بالف خير
|
Post: #86
Title: Re: رسالتى الاخيرة الى من أنزلته من الفردوس !!!
Author: Mohammed Haroun
Date: 02-22-2006, 00:44 AM
Parent: #1
حرف ملتاع
حرفي الحزين ملتاع
يبكيــك نص الليل
يافل بيــن الورد
منظوم في الإكليل
******
حرفي الجريح وعليل
من هجرك القتــال
ياجدية بين الريم
تزدان نضار وجمال
*******
حرفي المعذب ديمة
يهديك اعـذب فال
ياأرق مـن نسمات
رويانة من النيل
|
Post: #87
Title: Re: رسالتى الاخيرة الى من أنزلته من الفردوس !!!
Author: ودقاسم
Date: 02-22-2006, 01:21 AM
Parent: #1
نادية
سلام
جيت ، استمتعت ، وقلت أسلّم وأقول ليك شكرا ...
|
Post: #88
Title: Re: رسالتى الاخيرة الى من أنزلته من الفردوس !!!
Author: نادية عثمان
Date: 02-22-2006, 08:47 PM
Parent: #87
الغالى ود قاسم
| Quote: جيت ، استمتعت ، وقلت أسلّم وأقول ليك شكرا ... |
شكرا كده حاف ؟!!
بدون لاقصيدة لاوعد بالعودة لا شئ ..لا شئ ؟!!
لاياعزيزى ود قاسم انا فى انتظار رائعات شعرك الجميل وعارفاك كريم ومابتبخل علينا ابدا !!
كن بالف خير وفى انتظارك !
|
Post: #89
Title: Re: رسالتى الاخيرة الى من أنزلته من الفردوس !!!
Author: نادية عثمان
Date: 02-23-2006, 11:34 AM
Parent: #88
Quote: حرف ملتاع
حرفي الحزين ملتاع
يبكيــك نص الليل
يافل بيــن الورد
منظوم في الإكليل
******
حرفي الجريح وعليل
من هجرك القتــال
ياجدية بين الريم
تزدان نضار وجمال
*******
حرفي المعذب ديمة
يهديك اعـذب فال
ياأرق مـن نسمات
رويانة من النيل |
راجعة ليك بمزااااج بعد الانتهاء من خبر انفلونزا الطيور ..معليش ..سمح ؟!
|
Post: #91
Title: Re: رسالتى الاخيرة الى من أنزلته من الفردوس !!!
Author: Dr. Moiz Bakhiet
Date: 02-23-2006, 11:45 AM
Parent: #89
نادية الغالية،
أنت امرأة من وهج الأمنيات السامية
حديقة من شدو جميل
وبحر معتق
وفضاء من طير أبابيل..
|
Post: #92
Title: Re: رسالتى الاخيرة الى من أنزلته من الفردوس !!!
Author: نادية عثمان
Date: 02-23-2006, 07:07 PM
Parent: #91
الطبيب والشاعر المرهف د. معز عمر بخيت
Quote: نادية الغالية،
أنت امرأة من وهج الأمنيات السامية
حديقة من شدو جميل
وبحر معتق
وفضاء من طير أبابيل.. |
حرف مغرور
ياسيدى قول قولك
خلينى فرحة أطير
شدو الكنار بوحك
بعدك حياتى سعير
يازولى قلبى حنون
تاه فى جنانك أسير
*** *** ***
ياغالى قول قولك
خلينى فرحة اموت
روح حواء ياادم
ساترنى ورقة توت
الجنة حتما ليك
اياك تسيبنى تفوت !!
*** *** ***
ياحبى قول قولك
ياسيد روائع القول
حرفك أنيق ورصين
فهمك دوام معدول
مريودى ليك الحب
وشوق فى الفؤاد مشتول !!
|
Post: #93
Title: Re: رسالتى الاخيرة الى من أنزلته من الفردوس !!!
Author: نادية عثمان
Date: 02-25-2006, 07:36 PM
Parent: #92
الحب فى الارض بعض من تخيلنا !!
|
Post: #94
Title: Re: رسالتى الاخيرة الى من أنزلته من الفردوس !!!
Author: Mohammed Haroun
Date: 02-26-2006, 08:32 AM
Parent: #1
الحب في الأرض هو غايــــة كل محب
والأرض لا تتعطر إلا برحيــــق الحب
والمحبين هم بذرة الخير فـي الأرض
فما هي رسالتنا إذن؟؟؟
|
Post: #95
Title: Re: رسالتى الاخيرة الى من أنزلته من الفردوس !!!
Author: نادية عثمان
Date: 02-26-2006, 09:35 PM
Parent: #94
الغالى محمد هارون
| Quote: فما هي رسالتنا إذن؟؟؟ |
جاء الينا الانبياء يسعون لنشر الحب بيننا كبشر .. وحقيقة احزن لاننا لم نساعد الانبياء لنشر ماجاءوا لاجله .. فالكراهية هى السائدة بشكل كبير جدا ..للاسف !!
|
Post: #96
Title: Re: رسالتى الاخيرة الى من أنزلته من الفردوس !!!
Author: Mohammed Haroun
Date: 02-26-2006, 10:01 PM
Parent: #1
إذن أنتظرك أيتها النيلية الحانية على قارب قرب الشاطيء لنجدف معاً إلى شطآن المحبة. أعرف أن الأمواج العالية سترهقنا فتضنينا لكن تذكري إننا نسير على خطى الأنبياء.
دمتي ودام وهجك الأخاذ.
|
Post: #97
Title: Re: رسالتى الاخيرة الى من أنزلته من الفردوس !!!
Author: نادية عثمان
Date: 02-26-2006, 10:16 PM
Parent: #96
| Quote: إذن أنتظرك أيتها النيلية الحانية على قارب قرب الشاطيء لنجدف معاً إلى شطآن المحبة. أعرف أن الأمواج العالية سترهقنا فتضنينا لكن تذكري إننا نسير على خطى الأنبياء. |
نعم ..هى خطى الأنبياء ..ولكن لاتنسى انه حتى الأنبياء لم يسلموا من اذى عشاق الشر المستطير ..فرموا فى طريقهم القاذورات والسنة اللهب ..فهل نستطيع تغيير خارطة الشر فى نفوس الآدميين ؟!!
|
Post: #98
Title: Re: رسالتى الاخيرة الى من أنزلته من الفردوس !!!
Author: Mohammed Haroun
Date: 02-27-2006, 01:41 PM
Parent: #1
لن نستسلم ياعزيزتي لقوى الشر مهما كلف الأمر وصدقيني سوف ينتصر الخير على الشر إن عاجلا أم آجلا.
|
Post: #99
Title: Re: رسالتى الاخيرة الى من أنزلته من الفردوس !!!
Author: نادية عثمان
Date: 02-27-2006, 03:22 PM
Parent: #98
| Quote: لن نستسلم ياعزيزتي لقوى الشر مهما كلف الأمر وصدقيني سوف ينتصر الخير على الشر إن عاجلا أم آجلا. |
ارهقنا الخيول ركضا وراء سراب الخير المهزوم دوما ياعزيزى !!
|
Post: #100
Title: Re: رسالتى الاخيرة الى من أنزلته من الفردوس !!!
Author: نادية عثمان
Date: 02-27-2006, 05:15 PM
Parent: #99
الى اين تأخذ الكراهية العالم ؟!!
|
Post: #108
Title: Re: رسالتى الاخيرة الى من أنزلته من الفردوس !!!
Author: munswor almophtah
Date: 03-01-2006, 11:18 AM
Parent: #100
بعد الجنان للنار
ظالمنى وين قربك
ظالمنى ليه يا جميل
حارمنى ليه ودك
ماكنت دافئ حنون
ورينى إيه صدك
ما إنت غالى شديد
سالينى بى حبك
سالبنى نوم عينى
شاقينى بى بعدك
ما بتبكى عارفك جد
يا السمحه فايته الحد
عارفك قنعتى خلاص
وأنا حلمى جبلو أنهد
بابك قفلتى على
لحظك خطانى أرتد
فردوسك المثمر
وافر الظلال ممتد
وأنا ليهو أهاتى سنين
والشوق سبانى أشتد
أرجوك تشوف حالى
راعى الوداد أرجع
راعى الخصال والريد
إنت الدوام أشجع
أنا ليك كم مفتون
وأنا بيك كم بفجع
زحفا بجيك آسف
أرفعنى ما تجدع
أشرع سرايتك لى
إنت الغزال وأبدع
كالقرى مارس 1 ـ006
منصور
|
Post: #101
Title: Re: رسالتى الاخيرة الى من أنزلته من الفردوس !!!
Author: nashaat elemam
Date: 02-28-2006, 03:27 AM
Parent: #1
ندو
يا سلام عليك لما تدفقي..
|
Post: #102
Title: Re: رسالتى الاخيرة الى من أنزلته من الفردوس !!!
Author: عبدالله وداعه الامين
Date: 02-28-2006, 07:57 AM
Parent: #101
سكة فرح منك بدات
روعة وسماحة وانبهار
لو بيها شقينا الطريق
وفتحنا لي النسمة المدار
ماكنا ضايعين من زمن
في سكة مليانة انتظار
لا فيها لاقينا الشقى
لا فيها لاقينا النهار
وعرفنا انو الدنيا بيك
يابنية بتزيد اخضرار
والضحكة تشرق في الوريد
ويخالف الدم المسار
يستوطن الجوف العشق
والروح يصافيها المزار
سكة فرح مختومة بيك
منك بدات سكت النعاس
صحت الغيوم ردت عليك
فتحت مدار روح الجناس
شكت الارض منك وليك
فرحت فرح قالت خلاس
انك فرض موية و ورد
وانك كمان جواي اساس
لي كون جميل وبيشبهك
ومحنة تدهش لي الحواس
وحبيبة تسكن في الضلوع
لو عزّه في الدنيا الخلاص
وانك براك اصل الاصل
و اميرة في الزمن اليباس
عبدالله وداعه الامين
لندن 25.02.2006
|
Post: #104
Title: Re: رسالتى الاخيرة الى من أنزلته من الفردوس !!!
Author: نادية عثمان
Date: 02-28-2006, 06:08 PM
Parent: #102
Quote: سكة فرح منك بدات
روعة وسماحة وانبهار
لو بيها شقينا الطريق
وفتحنا لي النسمة المدار
ماكنا ضايعين من زمن
في سكة مليانة انتظار
لا فيها لاقينا الشقى
لا فيها لاقينا النهار
وعرفنا انو الدنيا بيك
يابنية بتزيد اخضرار
والضحكة تشرق في الوريد
ويخالف الدم المسار
يستوطن الجوف العشق
والروح يصافيها المزار
سكة فرح مختومة بيك
منك بدات سكت النعاس
صحت الغيوم ردت عليك
فتحت مدار روح الجناس
شكت الارض منك وليك
فرحت فرح قالت خلاس
انك فرض موية و ورد
وانك كمان جواي اساس
لي كون جميل وبيشبهك
ومحنة تدهش لي الحواس
وحبيبة تسكن في الضلوع
لو عزّه في الدنيا الخلاص
وانك براك اصل الاصل
و اميرة في الزمن اليباس
عبدالله وداعه الامين
لندن 25.02.2006 |
عارف؟
لازم تكون عارف
انو الفرح فارق دروب الحب زمان
عارف ؟
لازم تكون عارف
انو القلوب استنزفت منى الحنان
قسوة وشقاوة ونار شجون
وضيق فى النفس وكتمة مكان
صخب الحسادة الفى العيون
تحلف تكرّهك الزمان !!
لاتلقى راحة الروح هناك
لا القى فى بعدك امان !
عارف ؟
لازم تكون عارف
انو القليب الفى الضلوع
مابرضى يوم الانهزام
شايل الجراح دافق نزيف
خائض الحروب علشان سلام
عارف ؟
بالجد اكيد عارف
انو اعترافى غرامى ليك
حقيقة جد موش بس كلام !
حتما اكون اخترتا صاح
ماعندى ذرة انفصام
يازولى حبك جد اكيد
مهما نعيش حالة خصام !!
وعايزاك تكون عارف !!!!!!!!!!
نادية القاهرة ..هسة دى ** 29ــ فبراير
|
Post: #103
Title: Re: رسالتى الاخيرة الى من أنزلته من الفردوس !!!
Author: نادية عثمان
Date: 02-28-2006, 11:45 AM
Parent: #101
الغالى نشأت ود الامااااااااااااااااااااااام
اين انت ايها الشفيف ؟!!
والله ليك وحشة شديييييييييييدة يازول ياجميل
Quote: ندو
يا سلام عليك لما تدفقي.. |
انت زاااااااااااااااتك تعال اتدفق معاى ..واحشنى شعرك الجمييييييييييل
يلا قول وخلينى اتدفق ..سمح ؟!!
|
Post: #105
Title: Re: رسالتى الاخيرة الى من أنزلته من الفردوس !!!
Author: نادية عثمان
Date: 02-28-2006, 09:05 PM
Parent: #103
حبك للناس
خلانى احبك تاااااااااااااااااااااانى !!
(يسلم الكابلى يارب)
|
Post: #106
Title: Re: رسالتى الاخيرة الى من أنزلته من الفردوس !!!
Author: عبدالله وداعه الامين
Date: 02-28-2006, 11:24 PM
Parent: #105
Quote: عارف؟
لازم تكون عارف
انو الفرح فارق دروب الحب زمان
عارف ؟
لازم تكون عارف
انو القلوب استنزفت منى الحنان
قسوة وشقاوة ونار شجون
وضيق فى النفس وكتمة مكان
صخب الحسادة الفى العيون
تحلف تكرّهك الزمان !!
لاتلقى راحة الروح هناك
لا القى فى بعدك امان !
عارف ؟
لازم تكون عارف
انو القليب الفى الضلوع
مابرضى يوم الانهزام
شايل الجراح دافق نزيف
خائض الحروب علشان سلام
عارف ؟
بالجد اكيد عارف
انو اعترافى غرامى ليك
حقيقة جد موش بس كلام !
حتما اكون اخترتا صاح
ماعندى ذرة انفصام
يازولى حبك جد اكيد
مهما نعيش حالة خصام !!
وعايزاك تكون عارف !!!!!!!!!!
نادية القاهرة ..هسة دى ** 29ــ فبراير |
منو الجرح مساس الشوق
وانتي مداين الذكرى
ومنو الصحى الفجر زعلان
وخاصم يبقى لي بكره
ولو حزن الزمن وارتاح
وختى لحافو في الفكره
بدس اشواقي في عينيك
لانك انتي ما نكره
وقاسم ببقى في جواي
بيحلم لسه بالستره
وصباحك خير
وكيف قيلتا يالمريود
ونسال لينا كم فتره
ومحتاجن نفتش ليك
لانك تحفظ العشرة
وتحب الناس قدر عينيك
وما بتخونك القدرة
موسد في حشى الامات
وفي الصدفة البقت شتره
وساقت كل خطاوي هواك
وفينا هواكا بالفطرة
عبدالله وداعه الامين
01.03.2006
|
Post: #107
Title: Re: رسالتى الاخيرة الى من أنزلته من الفردوس !!!
Author: نادية عثمان
Date: 02-28-2006, 11:47 PM
Parent: #106
Quote: منو الجرح مساس الشوق
وانتي مداين الذكرى
ومنو الصحى الفجر زعلان
وخاصم يبقى لي بكره
ولو حزن الزمن وارتاح
وختى لحافو في الفكره
بدس اشواقي في عينيك
لانك انتي ما نكره
وقاسم ببقى في جواي
بيحلم لسه بالستره
وصباحك خير
وكيف قيلتا يالمريود
ونسال لينا كم فتره
ومحتاجن نفتش ليك
لانك تحفظ العشرة
وتحب الناس قدر عينيك
وما بتخونك القدرة
موسد في حشى الامات
وفي الصدفة البقت شتره
وساقت كل خطاوي هواك
وفينا هواكا بالفطرة
عبدالله وداعه الامين
01.03.2006 |
سبتنى لى جفاف الروح
وللعطش الابا المطرة
افتش ليك بالبلدان
فى الغربة البقت خطرة
اقول العن شتات الناس
تعال للدونكى والمترا
تعال قشقش دموع قلبى
نارو لهيبها مستعرة
حنانك ياخى واحشنى
وبرضو البسمة والكشرا
خلاص انهى العذاب يازول
بعادك لى حشايا هرى
شقانى اشيل غرامك سر
والروح الفراق قهرا
شيل الباقى من عمرك
ضمو على عميرى جرى
لو بتدور سعادتى اكيد
بى جيتك بكون شهرا
تعال وكفاك حراق الروح
وتبرى من العذاب تبرى !!
القاهرة .. هسى دى .. برضو 1-مارس - 2006م
|
Post: #109
Title: Re: رسالتى الاخيرة الى من أنزلته من الفردوس !!!
Author: munswor almophtah
Date: 03-01-2006, 11:29 AM
Parent: #107
بعد الجنان للنار
ظالمنى وين قربك
ظالمنى ليه يا جميل
حارمنى ليه ودك
ماكنت دافئ حنون
ورينى إيه صدك
ما إنت غالى شديد
سالينى بى حبك
سالبنى نوم عينى
شاقينى بى بعدك
ما بتبكى عارفك جد
يا السمحه فايته الحد
عارفك قنعتى خلاص
وأنا حلمى جبلو أنهد
بابك قفلتى على
لحظك خطانى أرتد
فردوسك المثمر
وافر الظلال ممتد
وأنا ليهو أهاتى سنين
والشوق سبانى أشتد
أرجوك تشوف حالى
راعى الوداد أرجع
راعى الخصال والريد
إنت الدوام أشجع
أنا ليك كم مفتون
وأنا بيك كم بفجع
زحفا بجيك آسف
أرفعنى ما تجدع
أشرع سرايتك لى
إنت الغزال وأبدع
كالقرى مارس 1 ـ006
منصور
|
Post: #110
Title: Re: رسالتى الاخيرة الى من أنزلته من الفردوس !!!
Author: نادية عثمان
Date: 03-01-2006, 12:09 PM
Parent: #109
Quote: بعد الجنان للنار
ظالمنى وين قربك
ظالمنى ليه يا جميل
حارمنى ليه ودك
ماكنت دافئ حنون
ورينى إيه صدك
ما إنت غالى شديد
سالينى بى حبك
سالبنى نوم عينى
شاقينى بى بعدك
ما بتبكى عارفك جد
يا السمحه فايته الحد
عارفك قنعتى خلاص
وأنا حلمى جبلو أنهد
بابك قفلتى على
لحظك خطانى أرتد
فردوسك المثمر
وافر الظلال ممتد
وأنا ليهو أهاتى سنين
والشوق سبانى أشتد
أرجوك تشوف حالى
راعى الوداد أرجع
راعى الخصال والريد
إنت الدوام أشجع
أنا ليك كم مفتون
وأنا بيك كم بفجع
زحفا بجيك آسف
أرفعنى ما تجدع
أشرع سرايتك لى
إنت الغزال وأبدع
كالقرى مارس 1 ـ006
منصور |
جيتك افتش ليك
انده وانادى عليك
يرتد صدى صوتى
ياسيدى وين واديك ؟
حضن الوطن ضماك
ياريتنى اقدر اجيك
الوجعة ساكنة الروح
مرض الشتات بعديك !!
** ** **
الجنة بابها انسد
لكن معاى مفتاح !
بمنع دخول الجن
وشيطان عشق تفاح !
فردوسى للمنصور
شيخى ودروبو صلاح
سيدى الحبيب بالحيل
زول فى القلوب سواح
بس من تلا الازمان
غير قلبى مابرتاح !!
|
Post: #111
Title: Re: رسالتى الاخيرة الى من أنزلته من الفردوس !!!
Author: نادية عثمان
Date: 03-01-2006, 02:54 PM
Parent: #110
غريبة !!!
|
Post: #112
Title: Re: رسالتى الاخيرة الى من أنزلته من الفردوس !!!
Author: munswor almophtah
Date: 03-01-2006, 05:11 PM
Parent: #111
أنا فى الجوار موجود
من البلد صديت
لاقانى طيفك فوق
وجذبنى ليك هديت
ضمخنى ريح عطرك
دوخنى شاف وكليت
خضبنى لون رسمك
بهدلنى ماسميت
جاييك أشوف ذاتى
من ذاتى سال الزيت
دروش خلاس مزهول
غرقان مناه خويت
غرقان حتل ممكون
بى قشه كنت نجيت
بشويش بشوف وشك
شايف هلالك لاح
شايف نبض قلبك
ضمانى ليهو الراح
طاف بى مداين فوق
وأشجانى ليل صباح
صحيان بدور قربك
دايرك تكون لى رواح
دايرك واهاتيبيك
طيفك خرقنى إجتاح
إنت الأصيل يازول
ماك الخيال أشباح
إنت الملاك فى علاك
لازمنى منك رباح
لازمنى ليك وصول
يا صندل الأرواح
مارس 1 006
منصور
|
Post: #113
Title: Re: رسالتى الاخيرة الى من أنزلته من الفردوس !!!
Author: نادية عثمان
Date: 03-01-2006, 06:22 PM
Parent: #112
Quote: أنا فى الجوار موجود
من البلد صديت
لاقانى طيفك فوق
وجذبنى ليك هديت
ضمخنى ريح عطرك
دوخنى شاف وكليت
خضبنى لون رسمك
بهدلنى ماسميت
جاييك أشوف ذاتى
من ذاتى سال الزيت
دروش خلاس مزهول
غرقان مناه خويت
غرقان حتل ممكون
بى قشه كنت نجيت
بشويش بشوف وشك
شايف هلالك لاح
شايف نبض قلبك
ضمانى ليهو الراح
طاف بى مداين فوق
وأشجانى ليل صباح
صحيان بدور قربك
دايرك تكون لى رواح
دايرك واهاتيبيك
طيفك خرقنى إجتاح
إنت الأصيل يازول
ماك الخيال أشباح
إنت الملاك فى علاك
لازمنى منك رباح
لازمنى ليك وصول
يا صندل الأرواح
مارس 1 006
منصور |
لو جيت بلد فرعون
تلقى الهرم مشتاق
حتى الحجر والنار
حاملين اليك أشواق
ياشافى جرح الروح
يامرضى والترياق
وكتين رجعت خلاص
ضوق الهوى الحراق
*** *** ***
فى الليل بزور طيفك
يقلب مسايا نهار
تلقانى اجرى عليك
تجرى الدموع انهار
طيفك يسيبنى يفوت
ويعصرنى وجعك حار
ارجع اعود للنوم
القاهو شتت طار
جننى حبك صاح
لا كجور نفع لازار
انا اصلى بعشق جد
لاحب ضحك لاهزار
احذر دموع الروح
ودمى الدفق مدرار
انا لو تفوتنى فى يوم
لابد حااخد التار !!!
القاهرة ..فى هذا اليوم ..الثانى من مارس الفين وستة
|
Post: #114
Title: Re: رسالتى الاخيرة الى من أنزلته من الفردوس !!!
Author: munswor almophtah
Date: 03-01-2006, 08:35 PM
Parent: #113
من غير أزور فرعون
أنا للهرم مشتاق
مشتاق أزور النيل
مشتاق أضمه عناق
مشتاق أشوف النار
من الحجر ترياق
يا روح وشافيه الجرح
أنا شوقى ليك دفاق
من الروكى المغروز
فى الأرض شب وفاق
فاق الجبال عليان
كالحلم للعشاق
كل الوقت موجود
زى الفراش فى أزهار
سابقانى دايما ليك
أشواقى حامله بهار
ساكنى طيفك طب
زى الرياض لهزار
والنوم مرق زعلان
أضناهو صوفى الغار
أنا فى الغرام مربوط
زى الحقول لكنار
من غير تسنى سلاح
أو غير معارك ثار
أنا بيك دوام مبهور
وأنا ليك أكيد مختار
كالقرى مارس 1ـ006
منصور
|
Post: #118
Title: Re: رسالتى الاخيرة الى من أنزلته من الفردوس !!!
Author: نادية عثمان
Date: 03-02-2006, 05:45 PM
Parent: #114
Quote: من غير أزور فرعون
أنا للهرم مشتاق
مشتاق أزور النيل
مشتاق أضمه عناق
مشتاق أشوف النار
من الحجر ترياق
يا روح وشافيه الجرح
أنا شوقى ليك دفاق
من الروكى المغروز
فى الأرض شب وفاق
فاق الجبال عليان
كالحلم للعشاق
كل الوقت موجود
زى الفراش فى أزهار
سابقانى دايما ليك
أشواقى حامله بهار
ساكنى طيفك طب
زى الرياض لهزار
والنوم مرق زعلان
أضناهو صوفى الغار
أنا فى الغرام مربوط
زى الحقول لكنار
من غير تسنى سلاح
أو غير معارك ثار
أنا بيك دوام مبهور
وأنا ليك أكيد مختار
كالقرى مارس 1ـ006
منصور |
وليك الهرم مشتاق
والاولياء الصالحين
الازهر المبروك
اهل التقى الطيبين
من قهوة البستان
وقلعة صلاح الدين
*** *** **
فرعون مصر ناداك
لى بلدو مرة تزور
الدقى والتحرير
سكن الحسان الحور
عين شمس فيها قليب
لو جيت بكون مسرور
*** *** ***
أرض الكنانة امان
مزكورة فى القرآن
بس عشقى سيد روحى
بلد اسمها السودان
مفتاح سعادتى معاك
منصور وسيد فرسان !!
|
Post: #115
Title: Re: رسالتى الاخيرة الى من أنزلته من الفردوس !!!
Author: nashaat elemam
Date: 03-02-2006, 04:10 AM
Parent: #1
يا نادية شوقي شديد فاردلو مني جناح
لو يوم يطل طيفك ويغمرني بالأفراح
مشتاق اشوف عينيك
او لو اسالم ايديك
شيليني مره عليك
وخليني في دنياك انجم هناك ارتاح
ضوايه بسماتك
تبرق تضويني
وهاجه قسماتك
شوقا شاويني
دعاش نسيماتك
ياريت يلاقيني
ويطوِف بي واسرح في البلاد سواح
يا ناديه حرفي عليل
ما برقي ليك وصفك
وما لاقي لي من حيل
اضاهي بيو حرفك
ما انتي شعرك سيل
وغرقني في جرفك
وانا من فراقك ليل فاقد دوام إصباح
|
Post: #116
Title: Re: رسالتى الاخيرة الى من أنزلته من الفردوس !!!
Author: نادية عثمان
Date: 03-02-2006, 04:28 PM
Parent: #115
راجعة !!
|
Post: #117
Title: Re: رسالتى الاخيرة الى من أنزلته من الفردوس !!!
Author: munswor almophtah
Date: 03-02-2006, 04:35 PM
Parent: #116
بكون صندل عيون الشعر بتخمر
عشان مايفوح ويملأ السوح وتتعطر
ملايكة الشعر معطونه جوا حوايا تتدثر
وهسع تقدل المعدوم وفوق فشفاشنا تتبختر
منصور
|
Post: #120
Title: Re: رسالتى الاخيرة الى من أنزلته من الفردوس !!!
Author: نادية عثمان
Date: 03-03-2006, 01:34 PM
Parent: #117
حذف لانه اتلخبط شوية ..بصلحو هسة !!
|
Post: #123
Title: Re: رسالتى الاخيرة الى من أنزلته من الفردوس !!!
Author: نادية عثمان
Date: 03-03-2006, 06:34 PM
Parent: #120
منصور
حروفى الصادقة يا المنصور جوّة حشايا ليها شهر
انوم واقوم وامش بيها وفى خطواتى تتبعثر
حروف زى طفلة تتشاقى حلوة وطاعمة زى سكر
ومرات الحروف توجع تنزّف للقلوب خنجر !!
|
Post: #119
Title: Re: رسالتى الاخيرة الى من أنزلته من الفردوس !!!
Author: نادية عثمان
Date: 03-03-2006, 11:21 AM
Parent: #115
Quote: يا نادية شوقي شديد فاردلو مني جناح
لو يوم يطل طيفك ويغمرني بالأفراح
مشتاق اشوف عينيك
او لو اسالم ايديك
شيليني مره عليك
وخليني في دنياك انجم هناك ارتاح
ضوايه بسماتك
تبرق تضويني
وهاجه قسماتك
شوقا شاويني
دعاش نسيماتك
ياريت يلاقيني
ويطوِف بي واسرح في البلاد سواح
يا ناديه حرفي عليل
ما برقي ليك وصفك
وما لاقي لي من حيل
اضاهي بيو حرفك
ما انتي شعرك سيل
وغرقني في جرفك
وانا من فراقك ليل فاقد دوام إصباح |
يازول وسيم الروح
والخلقة والاخلاق
ود الشيوخ صالحين
عارفة الفراق حراق
ليك منى الف سلام
وليك منتهى الاشواق
*** *** ***
طال الغياب بالحيل
واشتقت للاحباب
ناس البخارى الزوق
وضياء الانيق جذاب
عثمان فضل وسمعة
وسلمى الجميلة حباب
مريم واميرة كمان
وكمال جنا الارباب
اشتقت رايا عام
والشوق صلانى عذاب
*** *** ***
يازول وسيم ماتغيب
اصلو الغياب وجعين
وجع العقل فى الرأس
ووجع الدموع فى العين
ووكتين رجعت نقول
ياغالى مشتااااااااااااااااقين !!
|
Post: #121
Title: Re: رسالتى الاخيرة الى من أنزلته من الفردوس !!!
Author: munswor almophtah
Date: 03-03-2006, 06:23 PM
Parent: #119
Quote: وليك الهرم مشتاق
والاولياء الصالحين
الازهر المبروك
اهل التقى الطيبين
من قهوة البستان
وقلعة صلاح الدين
*** *** **
فرعون مصر ناداك
لى بلدو مرة تزور
الدقى والتحرير
سكن الحسان الحور
عين شمس فيها قليب
لو جيت بكون مسرور
*** *** ***
أرض الكنانة امان
مزكورة فى القرآن
بس عشقى سيد روحى
بلد اسمها السودان
مفتاح سعادتى معاك
منصور وسيد فرسان !! |
بإسم الغراق فى الدين
البدلاء والناجبين
أقطاب ربوعا جميع
ناس حفنى ديك واصلين
البدوى سيفو سنين
واضح ضريحو مبين
أما السيوطى أمين
وأتباعوا ملتحمين
رب الجميع عابدين
فى الفرد هم ماسكين
بيومى شيخ الدين
نوباتو ليها رطين
منوفى بالتمكين
ناضح العطور فى الطين
أهل الصلاح لامين
بيكم كنانه أمين
تجلبنى ليكم حين
أقطف ثمار التين
ست فاطمه ليها أزور
ناقى الصفاء بحضور
والأزهر المشهور
لا أسيب رواق لا دور
فى حرمو لازم أدور
فى الهيبه ليهو سرور
رهبه ومواقد نور
وأخرج صحيح مسرور
والدقى ست الزور
من عرق سوسا بدور
فى العتبه بالطابور
لازمنى ضمه بخور
سيدى الحسين مدخور
بمشيلو ما مأجور
فى عين شمس مأمور
ملك الملوك فى قصور
بدر السبوع فى الدور
إكفيه ربى شرور
عارف الكنانه أمان
مطموره مره حسان
فيها النخيل والبان
والمنقه والرومان
فيها الودود وإنسان
والثعلب الشيطان
ماضيها طب ما كان
متل الجنان الآن
أم للمداين حان
حافظه الأبو السودان
لابسه الجلال تيجان
ناضحه الخصال ريحان
عاليه المقام والشان
من سابق الأزمان
يا ناديا شوفك حان
يا حانيه نازفه حنان
راسمه البديع أشجان
عازفه الظرف ألحان
منصور
|
Post: #122
Title: Re: رسالتى الاخيرة الى من أنزلته من الفردوس !!!
Author: Gafar Bashir
Date: 03-03-2006, 06:30 PM
Parent: #121
الكان طالع في الكفر ده منو؟
|
Post: #125
Title: Re: رسالتى الاخيرة الى من أنزلته من الفردوس !!!
Author: نادية عثمان
Date: 03-03-2006, 07:27 PM
Parent: #121
Quote: بإسم الغراق فى الدين
البدلاء والناجبين
أقطاب ربوعا جميع
ناس حفنى ديك واصلين
البدوى سيفو سنين
واضح ضريحو مبين
أما السيوطى أمين
وأتباعوا ملتحمين
رب الجميع عابدين
فى الفرد هم ماسكين
بيومى شيخ الدين
نوباتو ليها رطين
منوفى بالتمكين
ناضح العطور فى الطين
أهل الصلاح لامين
بيكم كنانه أمين
تجلبنى ليكم حين
أقطف ثمار التين
ست فاطمه ليها أزور
ناقى الصفاء بحضور
والأزهر المشهور
لا أسيب رواق لا دور
فى حرمو لازم أدور
فى الهيبه ليهو سرور
رهبه ومواقد نور
وأخرج صحيح مسرور
والدقى ست الزور
من عرق سوسا بدور
فى العتبه بالطابور
لازمنى ضمه بخور
سيدى الحسين مدخور
بمشيلو ما مأجور
فى عين شمس مأمور
ملك الملوك فى قصور
بدر السبوع فى الدور
إكفيه ربى شرور
عارف الكنانه أمان
مطموره مره حسان
فيها النخيل والبان
والمنقه والرومان
فيها الودود وإنسان
والثعلب الشيطان
ماضيها طب ما كان
متل الجنان الآن
أم للمداين حان
حافظه الأبو السودان
لابسه الجلال تيجان
ناضحه الخصال ريحان
عاليه المقام والشان
من سابق الأزمان
يا ناديا شوفك حان
يا حانيه نازفه حنان
راسمه البديع أشجان
عازفه الظرف ألحان
منصور |
راجياك تطل بالجد
تسعد قليب مسكين
لو جيتنا بس فد يوم
البهجة تبقى سنين
لو مابتشيلك ارض
حاضرين بننى العين !!
** ** **
ارض الكنانة سلام
شان اسمها المذكور
مليون ضريح وضريح
اهل المقام والنور
ابناء خضر ومسيح
انجيل وئام وزبور
** ** **
راجين تطل منصور
فارس بنى السودان
مجبول كرم وجمال
ماشافتو الازمان
فى الدولى برجاك يوم
وافرش مصر ريحان !!
القاهرة فى هذا اليوم اربعة مارس 2006
|
Post: #126
Title: Re: رسالتى الاخيرة الى من أنزلته من الفردوس !!!
Author: munswor almophtah
Date: 03-04-2006, 06:21 PM
Parent: #125
ساعل الكريم بالحيل
بى سرو فى يس
تفتح أمامى شراع
وبساط رياح وأمين
يحملنى ليك أجيك
قبال ترمشى العين
عارف مناخا جميل
عارف مساها مريح
عارف وداد ناسا
ما فيها مره شحيح
فيها المسيحى وزير
والمسلم اللميح
زى البرق بنطل
ونشوف ربوعا ضمان
فيها العراقى حصيف
وأميره حلمى كمان
دايما شقيقه عديل
لى خيها السودان
العراقى هو عاطف العراقى أستاذ كرسى الفلسفة الإسلاميه وأحد شراح إبن رشد
وأميره حلمى هى الدكتوره أميره حلمى مطر مؤلفة أغلب المكتبة الفلسفيه......
منصور
|
Post: #127
Title: Re: رسالتى الاخيرة الى من أنزلته من الفردوس !!!
Author: نادية عثمان
Date: 03-04-2006, 10:39 PM
Parent: #126
Quote: ساعل الكريم بالحيل
بى سرو فى يس
تفتح أمامى شراع
وبساط رياح وأمين
يحملنى ليك أجيك
قبال ترمشى العين
عارف مناخا جميل
عارف مساها مريح
عارف وداد ناسا
ما فيها مره شحيح
فيها المسيحى وزير
والمسلم اللميح
زى البرق بنطل
ونشوف ربوعا ضمان
فيها العراقى حصيف
وأميره حلمى كمان
دايما شقيقه عديل
لى خيها السودان |
وكتين سألت الرب
بتجينا ياخى أكيد
وياعينى داك اليوم
قسما بكون يوم عيد
شان انت زول ود ناس
فارس عشوق الصيد
سيب الضباب وشتات
الفى الكنانة سعيد !
** ** **
يومك تطل منصور
نضبح عجل واتنين
حرّم تلاتة كمان
يازول لقيناك وين ؟!!
جايينا من جنات
شان انت اصلو حنين
سودانى قلبو الحار
مابشبهوك اتنين !
حقانى مو مغرور
مابدور ذميم او شين
مفتاح جنان الروض
ياغالى مشتاقين
جنب المطار فى الليل
طيارة بس راجيين !!!
نادية
القاهرة 5 مارس 2006
|
Post: #128
Title: Re: رسالتى الاخيرة الى من أنزلته من الفردوس !!!
Author: munswor almophtah
Date: 03-05-2006, 05:02 PM
Parent: #127
مصر الجلال والصول
بمشيلا وأبقى سعيد
وأسمع نكات كل يوم
ما فيها قلب عنيد
فيها الورود والفل
فيها القديم وجديد
بى فلس أكون مسرور
كان كشرى كان تبريد
من قهوة وسط السوق
بنجدنى ساعى بريد
وإشرح لى بالتفصيل
بى روقه دون تشديد
المسجد الموجود
عنوانو بالثحديد
والمكتبه الشعبيه
فى دارها در فريد
وأركب أزور عين شمس
فى ربوعا ناديا تقيم
شافيه العليل باللمس
والسحر فى الترنيم
بعد الشراب والهمس
تتحفنا بالتقديم
بى لطف لابسو حدس
تطربنا شعر عظيم
تقرأ العيون بالصف
زى عالم التنجيم
تسمعنا ثم طرب
يشجينا بالتنغيم
من شوقا شوقنا شرب
دن حادق التطعيم
منصور
|
Post: #129
Title: Re: رسالتى الاخيرة الى من أنزلته من الفردوس !!!
Author: نادية عثمان
Date: 03-10-2006, 11:41 PM
Parent: #128
Quote: مصر الجلال والصول
بمشيلا وأبقى سعيد
وأسمع نكات كل يوم
ما فيها قلب عنيد
فيها الورود والفل
فيها القديم وجديد
بى فلس أكون مسرور
كان كشرى كان تبريد
من قهوة وسط السوق
بنجدنى ساعى بريد
وإشرح لى بالتفصيل
بى روقه دون تشديد
المسجد الموجود
عنوانو بالثحديد
والمكتبه الشعبيه
فى دارها در فريد
وأركب أزور عين شمس
فى ربوعا ناديا تقيم
شافيه العليل باللمس
والسحر فى الترنيم
بعد الشراب والهمس
تتحفنا بالتقديم
بى لطف لابسو حدس
تطربنا شعر عظيم
تقرأ العيون بالصف
زى عالم التنجيم
تسمعنا ثم طرب
يشجينا بالتنغيم
من شوقا شوقنا شرب
دن حادق التطعيم
منصور |
حتما ازورك يوم
فى العالم الأول
ايمكن اماسى الحزن
فى عيونى تتحول
وفرح الزمان الفات
فى روحى يتجوّل !!
** **
قلبى الحزين حيران
لو جيت بيبقى بسوم
مرحب تعال ياعزيز
ان شاء الله بس فد يوم
راجياك تلاتة شهور
داخل معاى فى اللوم !!
** **
بدعو الاله ربى
نتلاقى قبل نموت
العمر اصلو قصير
لمح البصر ويفوت
انا حلمى جد مسكين
كم مرة اكلو الحوت !!!
|
Post: #130
Title: Re: رسالتى الاخيرة الى من أنزلته من الفردوس !!!
Author: munswor almophtah
Date: 03-11-2006, 05:02 PM
Parent: #129
مصارع الدنيا فتحوها
وليك ديك الروكى بترحل
وتضحك ليك نياجارا
وتصفق ليك يوم توصل
وأطلس شرقها المشتاق
برارى سفوحا ما تزعل
ولوجيت الجليد حايذوب
وتبتسم المروج تخضر
وتصغر تانى عشره سنين
شتول بريها ليك تثمر
ولازم تمشى فانكوفر
وكرما ليك تظل تمطر
حلمك داك كبير بالحيل
وأكبر من مطالب الحوت
وعمرك لسع بضعه سنين
وبدرى عليه شان ماتفوت
ونسأل تانى رب الناس
إتم اللقيا قبل الموت
منصور
|
Post: #131
Title: Re: رسالتى الاخيرة الى من أنزلته من الفردوس !!!
Author: نادية عثمان
Date: 03-11-2006, 05:34 PM
Parent: #130
Quote: مصارع الدنيا فتحوها
وليك ديك الروكى بترحل
وتضحك ليك نياجارا
وتصفق ليك يوم توصل
وأطلس شرقها المشتاق
برارى سفوحا ما تزعل
ولوجيت الجليد حايذوب
وتبتسم المروج تخضر
وتصغر تانى عشره سنين
شتول بريها ليك تثمر
ولازم تمشى فانكوفر
وكرما ليك تظل تمطر
حلمك داك كبير بالحيل
وأكبر من مطالب الحوت
وعمرك لسع بضعه سنين
وبدرى عليه شان ماتفوت
ونسأل تانى رب الناس
إتم اللقيا قبل الموت
منصور |
ايا منصور تعال نحكى
عن السودان بلدنا جميل
وردة جميلة ريحانة
تفخر بى حبيبها النيل
بلدنا السونكى والدونكى
مافيها الفسل وعويل
فيها التارة والمردوم
بلد عازة واخوها خليل
بلد حدادى مدادى
مشتول بالقمح ونخيل
بلد لو جبنا زكراهو
دموعنا تكب دمانا تسيل
ارض ومطر وحب دافق
تمام مليون مربع ميل
بلد ياسيدى كم بهواه
وفؤادى اليهو يهفو يميل
تعال لاقينى فى السودان
بلا السودان فقدنا دليل !!
|
Post: #132
Title: Re: رسالتى الاخيرة الى من أنزلته من الفردوس !!!
Author: munswor almophtah
Date: 03-11-2006, 06:55 PM
Parent: #131
حليل سودانا حق وشليل
وصندل فوق ضريره إنكب
حليل نخلاتو فوق القيف
وباص بالسيره جاها طلب
وجده تهاتى طول الليل
تحاحى القمره كم ترغب
وتسأل وين فلان فى السوق
وجوا حشاها نار ولهب
وجنوت فى الفريق كيمان
بفتلو من الأحاجى طرب
وواحدين فى الجروف دافقين
ومن نخلاتا عزقو رطب
وفوق سيالا سمبر راك
ووز فى حوضا عام وشرب
وصوت البو بجيك بالليل
وإلهث فوق تلاهو كلب
ومركب شارفه فوق النيل
قريب بحداها غزو هلب
وبى أطراف هجايع الليل
تجيك علاله ماسكه درب
جمال بالحرجل المعروف
وجردقه فوق رحلها تلب
وتسمع فى المقيل قوقاى
وبالا همو فات وذهب
وتقدل بالكبور عبران
وفوح روح المسك بتهب
وتسمع بدرى للآذان
وبتشوف للدروب بتدب
وديمه شغفنا بالسودان
ودايما ليهو نحن نحب
وفيهو إن شاء الله يوم بنكون
وليهو دوام نتوق ونشب
منصور
|
Post: #133
Title: Re: رسالتى الاخيرة الى من أنزلته من الفردوس !!!
Author: نادية عثمان
Date: 03-15-2006, 12:30 PM
Parent: #132
بجيك راجعة للوجع ده !!
|
|
