انا من بورداب الرياض

سعدت كثيرا ولاول مرة باليوم الذي اقامه بورداب الرياض ليلة الخميس الفائته ومع انني من المعمرين من بين بورداب الرياض وهذا بفضل اتصالات والحاح الاستاذ ود الشيخ جزاه الله خيرا وسعدت كثيرا كذلك بالتعرف علي بعض الشخصيات التي لطالما ارتسمت في مخيلتي بغير الصورة التي رايتها بها امثال (ود الباوقة) (ود قاسم ) (حنين ) (دكين ) (ابو جهينه ) وغيرهم قد يكون البعض منهم راني ايضا لكنه لم يربط الاسم بالشخصية ولكن الجايات اكثر انشاء الله
حقيقه انه لمجهود جبار هذا الذي يقوم به الاخوة ود الشيخ وتمبس وود الباوقة الذي قال كلمة رصينه ختمها بتكبيرات تنم عن اشياء قد افهمها في حينها
وكان فاكهة الحفل الشخص المحتفي به (ابو ساطور ) الذي قطع سكون الليل واذاب الموجة الجليدية بالمقطوعات الوردية والانامل الوردية ونحمد الله ان الجو كان باردا لولا ذلك لاصبنا بالسحائي من السخانه التي اطلقها ابو ساطور نتمني له التوفيق في مشواره
بورداب الرياض يوم الخميس اتلموا
في حب الوطن جروها غنوة ونموا
ود الباوقة قال بسم الله ابدو وسموا
خلوها الشتات اتلموا قولنا نتموا

الباقر 000000000000 صباحك عسسسسسسل






ولبورداب الرياض وودالشيخ وودالباوقه وتمبس وشتات والشاركوهم






والحضر والماحضر والاعتذر والالم بيه قدر نعم نعم نعم نعم نعم





شفنا الفرحه فى عيون كل البشر ودا كان الهم الاعـــــــــم



تحياتــــــــــــــــى


ســـــــــــــــــيد

الباقر

Quote: بورداب الرياض يوم الخميس اتلموا في حب الوطن جروها غنوة ونموا ود الباوقة قال بسم الله ابدو وسموا خلوها الشتات اتلموا قولنا نتموا

فوق دربك يا ود الطاهر

سعدنا بشوفتك و نتلاقي إن شاء الله

الاخ الكريم

الباقـر الطاهـر

حبابك ألف ضمن باكورة عناقيد بورداب الرياض,

ونـضـمـك سـمـح بالحيـل,

Quote: بورداب الرياض يوم الخميس اتلموا في حب الوطن جروها غنوة ونموا ود الباوقة قال بسم الله ابدو وسموا خلوها الشتات اتلموا قولنا نتموا

سـعـدت فعلا باحتفائك بالبورداب وانت الشاعر المجيد


كدي شوف دي على الاحتفال وساطور وأبو الباشـا,


بورداب الرياض يوم الخميس مركازهـم

ساطور الحريف في الشكرة صـح نقازهـم

غـنـوهـو الوطـن والباشـا كان هـزازهــم

بنوتنا العــزاز نايـرات تضـوّي عـزازهــم


لك خالص تقديري



ود الشايقي

شكرا الاخوة
محمد صباحك فل يبقالي انت من الذين لم اتعرف عليهم
الاخ ابو جهينة لك التحية وسعدنا جدا بليلتكم تلك
ويا ود الشايقي انت كنت موجود بس ما لقيتلي واحد يقولي داك ود الشايقي لكن يقولوا الجايات كتار ونتقابل
وبتوتنا العزاز نايرات تضوي عزازهم ؟؟؟؟؟؟؟؟؟
وهاك التمامه دي عشانك يا ود الشايقي
ود الباوقة بس الله ابدوا وسمو
خلوها الشتات اتلموا قولنا نتموا
مادايرين نعين كل زول بي اسمو
نبقي اخوان عديل نفعد نبقنا نقسمو
موضوعنا الكبير ان كان غلبنا نلموا
في الغربة السجم كل زول قضيتو تهمو

العزيز الباقر الطاهر ..
شكرا لليوم الجميل الجمعنا بيك ، وأتمنى أنو المرة الجاية تكون الفرصة اوسع والزمن نلقى فيهو براح بالرغم من اللحظات البسيطة جدا السرقت فيها نفسي .. إلا انو استمتعت بي دقائق جميلة معاك ومع ضيفك وتحياتي ليهو من خلالك ..
وتبا للكاميرا الخذلتنا ، لكن الجايات اكتر من الرايحات زي ما بقولو
وخليك قريب دائما

والله يا تمبس انا شايف الكاميرا دي خزلتكم من ناحيتنا نحن بس
قدر ما قلبت الصور شمال يمين عشان القي طرف شالي المشتريهو جديد ما لقيتو
وان كلمتك قبلها بي يوم
لكن معليش الجايات نرجهاها نسوي شنو ما عندنا حظ نطلع مع الناس الحلوين ديل
علي العموم شكرا علي اللمة الحلوة الجمعتنا بيكم
الجايات اكتر من الرايحات

الباقر ود عمي .. حقيقة كم كنا سعداء بلقائكم في تلك الليلة الليلاء وصدقني قبل الاتصال بك وانت في طريقك للاستراحة خطرت على بالي صورتك عبر الخيال . قلت في نفسي الباقر دا قطع شك مشلخ اتش وقصير القامة وبه آثار مطبات خلف عنقه من شدة البدانة .. لكن سرعان ما استدركت وقلت اللهم اجعلو خير يا رب عندما سلمت علي بعد ان عرفتني بنفسك .... لك الود يا الباقر..




ود الباوقة

الباقر العزيز 000000000000000 صباح الخير

البورداب دائما عندهم اذا الواحد عمل مداخله وشاف صاحب البوست فى الرد


فطاااااااااه معناها فى سبب والله ما جاب السبب والمحزن انى شفت ناس كتير


بس الاسماء ما اجتمعت واكيد حنتقابل ونتعارف ،


انا خطرت لى فكره خطيره وما اتعلمت اتزاوق ، ياربى الرد على غير المسؤلين


ليه سبب0


عزيزى الباقر لا يكون فى خاطرك شىء ، الفكره انى عاوز ارفع البوست عشان


تتحفنا بقصيده0


تحياتـــــــــــــــــى قدر اشواق اللقاء


اخوك / ســـــــــيد

الاخ سيد محمد لك العتبي حتي ترضي
والله يمكن انت انا اول واحد فرحته بيهومن الاخوة اصحاب المداخلات لانك من الذين لم اتعرف عليهم وغالبية الذين تداخلوا تعرفت عليهم قلته يكون مجاملة لكن حقتك ما مجاملة
واول من عمل مداخلة في البوست ورديت عليك لكن الظاهر اني قدمت واخرت في الاسم
فبدلا من سيد كتبت محمد اولا
كدي اسعي لينا في موضوع ااضرائب والجواز وتاني ما بنساك والله
الاخ ود الباوقة
انا برضو كنت دايما اتخيلك من اصحاب البدل الانيقة الفارهة
لكن لقيتك متعمم ومتجلبب علي طوالي انت كبير ولا مكبر نفسك ما عارف

الاخ سيد محمد لك العتبي حتي ترضي
والله يمكن انت انا اول واحد فرحته بيهومن الاخوة اصحاب المداخلات لانك من الذين لم اتعرف عليهم وغالبية الذين تداخلوا تعرفت عليهم قلته يكون مجاملة لكن حقتك ما مجاملة
واول من عمل مداخلة في البوست ورديت عليك لكن الظاهر اني قدمت واخرت في الاسم
فبدلا من سيد كتبت محمد اولا
كدي اسعي لينا في موضوع ااضرائب والجواز وتاني ما بنساك والله
الاخ ود الباوقة
انا برضو كنت دايما اتخيلك من اصحاب البدل الانيقة الفارهة
لكن لقيتك متعمم ومتجلبب علي طوالي انت كبير ولا مكبر نفسك ما عارف