السودان أكبر سر في طي الكتمان (موضوع اقتصادي)

للممثل السوري الشهير دريد لحام مقولة شهيرة في مسرحيته الاشهر ضيعة تشرين
فهو يقول " افتح الراديو على لندن فشان (عشان) نسمع إخبار بلدنا "
ويبدو انه علينا الاتصال بلندن لمعرفة سر السودان الباتع في مجال الاستثمار
مناسبة الحديث ان هنالك إعلاناً تحت عنوان
السودان أكبر سر في طي الكتمان
ثم تفاصيل سطحية عن برنامج تنمية السودان Sudan Development Program (SDP)
البرنامج عبارة عن لقاءات بين وزراء ورجال اعمال .... سودانيين بنظرائهم تحت عنوان
قادة القطاعين العام والخاص وصناع القرار بالسودان سيأتون الى دبي .....
وين في دبي ؟؟ لا يشير الاعلان الى موقع الفعاليات
اذا أردت ان تعرف يمكنك الاتصال بارقام في دبي
ولكن هواتف دبي المنشورة لا ترد (جربت ارقام دبي ما ردت )
والخيار قد يكون الاتصال بموبايل في لندن
الاغرب ان البرنامج ليومين(12و13/2) وحسب متابعتي(وكذلك وبما ان أخونا الأستاذ سبيل لم يكتب عن هذا البرنامج الي صديقه المهندس المجمر) فإعلان اليوم بجريدة الخليج يمثل اول اعلان عن هذا البرنامج . لا برنامج تلفزيوني لا دعاية لا تنوير حتى للسودانيين الطرش (والبلد فيها مستشار اقتصادي واعلامي ..وجمعية لإعلامي السودان.)
في آخر مؤتمر ترويجي عن الاستثمار في السودان تم عرض شريط فديو عن النهضة الاقتصادية في عصر الانقاذ وفي الجزء الخاص بالمصارف عينك ما تشوف الا النور صفوف طويلة ً امام صراف البنك وكمان شوالات الفلوس ، والفلوس مربطة بالدبارة البلاستيك قدام الصراف في بلد تستطيع ان تستخدم فيه الفيزا كارد حتى في شراء زجاجة ببسي .
ارحو الا يكون الأمر كذلك للمعرض المصاحب
ولكن وكما يقال
الجواب باين من عنوانه

Quote: الجواب باين من عنوانه

آخر الاخبار
تأخرت الطائرة السودانية فتأخر افتتاح المؤتمر من الامس الي اليوم(نحن كده دايماً)
حضر أكثر من 300 شخص ( جزء منه على حساب الشعب السوداني الفضل)والباقي سيدات الاعمال ورجال الاعمال
عدد الحضور في الندوة الاولي وهي المتعلقة بعرض مجالات الاستثمار في السودان لم يتعدى الثلاثون شخص ( يعنى ساكت الناس الجو في الطيارة كان ممكن يملو القاعة (للتصاوير على الاقل)
الندوة الثانية عند الرابعة والنصف عن الاستثمار في مجال البترول
ونواصل غذا إذا شاء الكريم

ياخي دي مهزلة
اولا المتلقي تنسيقه تم عن طريق شركة بريطانية جاية من لندن . بي :كم ؟؟؟؟؟؟؟؟؟؟؟؟؟؟؟؟؟؟؟
الملتقي يمؤمه كمية من الرسميين وزراء دولة نواب وكلاء مدراء ادارات الخخخخخخخخخخخخخخخ
دايرن فنادق اكل عربات تذاكر نثريات الخخخخخخخخخخخخخخ . بي كمممممممممممممم
الملتقي ما فيهو ورق بيوزع عن الاستثمار غير قانون الاستثمار . جايين لي شنو ؟؟؟؟؟؟؟؟؟؟
الموتمر الناس الجو من السودان قيل طيارة و قيل اكتر . القاعة بعد الجلسة الافتاحيية ما فيها غير بضع عشرات
الناس الجابتهم الحكومة و علي حساب الخزينة العامة مشو وين ؟؟؟؟؟؟؟؟؟؟؟؟؟؟؟؟؟؟
اهم من كده
الناس ديل بي شركتهم البريطانية دي ماشين
لندن
مسقط
الصين
جنوب افريقيا
اها اقول ليكم حاجة الناس ديل بالعربي الفصيح ماقدروا يتكلمو صاح و ده عمل مشكلة للزلميات ( لفظ يطلق في الخليج للجنسيات اللبانية و السورية و الفلسطنية و الاردنية و المذكر زلمي ) اها يمشوا لندن يتكلمو ابلانجليزي كيف
و الله الناس ديل معرضهم معظم الاجنحة فاضية تلقي اليافضة و ما تلقي زول
اها يا جماعة علشان ما تقولو الثورة مستهفة اي واحد في دبي يمشي جناح رقم 4 في معارض دبي الجنب المركز التجاري و يورينا الحاصل
للي الشايفو انا بكرة دي زول واحد بيجهم مافي
بعدين عندي اقتراح
بدل الناس ديل امشوا دول تانية و علشان نضاري البلاء بالبليلية احسن الحكمومة تديهم مخصصاتهم و تخليهم في السودان علشان المستثمرين ديل بتحكمهم مصالحهم و بجوكم لي السودان و ما محتاجين تجوهم و اكان هم محتاجين تجوهم ودي طريقتكم لجذب الاستثمارات و الله بي طريقتكم دي مستثمر واحد يجي السودان مافي
انعل ابو الاستثمار ذاتو

حسبنا الله ونعم الوكيل

وشكرا للأخوة بدبي
ونرجو أن يعلموا ما وسعهم لإنجاح هذا الأمر
من أجل السودان (فقط)

ولكما كل الشكر
وكذلك العزاء
في هذه المأساة

المشكلة الكبيرة الناس ديل
لا عندهم تخطيط طويل المدي
لا عندهم ربط بين التنمية الاقتصادية ( البنية التحتية , القطاع الزراعي , القطاع الصناعي الخخخخ ) و تنمية خاصة قطاع الصحة و التعليم
الحكاية جايطة
راس المال الاجنبي يجي ليه
اول حاجة قروش البترول وين
ما هديها كترت الدولارات لمن الدولار ضرب ا########## عديل كده
لامنو زي قروش الحبوبات البدفنوها في ا########## لمن تأكلها الارضة
ما واحد يقول لي القروش يجيبو بيها من وين
و الله العظيم الناس ديل يلمو في القروش ما عارف خاتنها وين ماليزيا و لا الجن الاحمر بكرة يسلط عليها همباتي دولي يشيلها زي قروش موبوتو و سنكوح و صدام حسين
يا جماعوة الساكتين ليهو شنو
وين ناس الحركة
وين ناس التجمع في المجلس الوطني
و ين رايات النضال البيضاء و خضراء و حمراء

التحية مجددا للأخوين آل سوندا ودومدوم

احزنني فعلا هذا الوصف الحي لواحدة من مهازل
السودان وحكومته التي تتكرر كل مرة في مثل
هذه الفعاليات..
ويأتي المردود سلبيا بالطبع
ومثل ما قلتم.. إذا كان الأمر كذلك
فلتدع حكومتنا المستثمرين يأتون بأنفسهم
ولا داعي لهذه البهدلة وكشف الحال في مؤتمرات
وملتقيات لا يحضرها من أتو بهم لحضورها والمشاركة فيها
هذا كله يحدث بسبب غياب المختصين وذوي الخبرة
عن هذه المجالات.. وتسليمها لمن هم بعيدين كل
البعد عنها..
يجب أن تنتبه الحكومة وتتذكر وعودها بعد السلام
باستيعاب ذوي الخبرة وإعادة المفصولين إلى عملهم

لو استعان الوفد القادم من الخرطوم بأبناء السودان
في دبي.. حتى لو وضع (ملصق) فقط في النادي السوداني
لحضر من السودانيين المتعطشين لرؤية كل ما يصلح الوطن
ولملؤا القاعة عن آخرها..

Quote: تلقي اليافضة و ما تلقي زول

وكان لقيت الزول واستفسرت عن اي شيء
يقول ليك والله الحقيقة وفي الحتة دي نحن جايين كايسين تمويل ؟؟؟؟
والاغرب كمية البنوك العارضة في الجناح رقم (4) كويتي ، مصري ، امدرمان الوطني ...... الخ وما عارفين ديل جايين لاكتتابات ولا عايزين يدونا(كمغتربين ) قروض ؟؟؟؟؟
والاغرب من ذلك حجم الوفد الحكومي؟؟؟؟؟؟
غايتو الله آداكم الفسحة
شكرا الاخ عقيد على المداخلة
ولكن يبقى الحال على ما هو عليه في ظل اوهام حكومة الوهم على الدعوة للاستثمار وقد اصبحنا وفق التقارير الدولية في مقدمة دول الفساد

الأخ / عبدالله عقيد
نعم هناك مشكلة فى وجود أهل الكفاءة والدراية للترويج بالأستثمار فى السودان وهناك جهل تام بالمؤسسات القائمة بامر الإستثمار فى الإمارات أو كيفية التعامل معها أو تمليك الحقائق لها أو طريقة عرض المشاريع المراد الإستثمار فيها وفعلا تاخد الوفود او المؤتمرات الطابع الإعلامى فقط وللأسف عايشنا تجربيتين أدركنا فيها تماما جهل الجهات القائمة بهذا الأمر نعم تحتاج الملحقية الإقتصادية دعم بشرى من ذوى الكفاءة وحبذا لو كان من أولئك النفر اللذين عملو بالأمارات لما لهذا الأمر من طابع للعلاقات العامة وقد تلعب بعض الشخيات السودانية ذات التأثير دورا فى دفع ذلك
السفارة السودانية ينبغى أن يكون لها ملف خاص لهذا الأمر يحوى حتى أسماء كل أولئلك الذين لهم علاقة بأمر الإستثمار فى السودان وأن تمتلك المعلومة الكاملة التى إن طلبت وجدت فى الحال
نعم السودان غنى بموارده فقير فى نظر الأخرين ونحتاج تغيير هذه النظره
نعم يحاول القائمون فى الملحقية والسفارة بذل نوع من الجهد نحس أنه لا يرقى لما يحظى به غيرنا رغم ما لنا من كم هائل من الفرص الإستثمارية

Quote: فى الملحقية والسفارة بذل نوع من الجهد نحس أنه لا يرقى لما يحظى به غيرنا

ورغم ذلك يتم التجديد للملحق الاقتصادي الذي قضى أكثر من 5 سنوات دون تقييم لفترته وقد يتم التعين لملحق قادم على اساس اهل الثقة وليس اهل الخبرة ،،،،، وتلك هي القضية
لا خبراء ولا فنيين
المطلوب اهل الثقة
المطلوب مستشار يعمل لفئة معينة
بإفتراض انو دي حكومتنا ونحن والحكومة واحد