Post: #1
Title: .. لا ..
Author: tmbis
Date: 02-11-2006, 03:43 AM
Parent: #0
..
لا رسالة تجيني منك .. لا خبر طمني عنك
وأنت عارف انو منك
..
لا الزمن يقدر يحول .. قلبي عنك
لا المسافة ولا الخيال ..
ولا اي حاجة في الدنيا
|
Post: #2
Title: Re: .. لا ..
Author: tmbis
Date: 02-11-2006, 03:51 AM
Parent: #1
تنقــو
وخدر..
تعالوا نزلو لي غناء هنــا .. وخليكم جادين شوية
المسالة ما بتستحمل
|
Post: #3
Title: Re: .. لا ..
Author: Muna Khugali
Date: 02-11-2006, 03:53 AM
Parent: #2
تمبس..
فبراير المجـنـون حصـلك?
مـني
|
Post: #5
Title: Re: .. لا ..
Author: tmbis
Date: 02-11-2006, 04:06 AM
Parent: #3
منى ..
عندي مشكلة مع اغسطس .. واكتوبر ( وشباط )
ويوم الجمعة العصرية .. والسبت بالصباح .. لكن فبراير ماجبرتو خالص ..
يمكن تكون دي لعنة الفراعنه..
على كل حال بفتش لي حلول جذرية ..
ياخي اقول ليك حاجة يامنى؟؟
زهجاااااااااااااااااان.
والمشكلة اني ما عارف السبب .
عندك اقتراحات يامنى ؟
|
Post: #8
Title: Re: .. لا ..
Author: Muna Khugali
Date: 02-11-2006, 04:15 AM
Parent: #5
أيـوة تمبس..
تجـي لبوسـتات الفرح وتتخـلص مـن همـك..
تخـلق الفـرح مـن حـولك تلقاهـو رجـع وملاك فرح أكـثر..
مـني
|
Post: #12
Title: Re: .. لا ..
Author: tmbis
Date: 02-11-2006, 04:24 AM
Parent: #8
منى ..
والله بي صراحة .. بوستاتك مليانه فيتمينات فرح وبترد الروح
انا غايتو قاعد ادخله مغمض .. اشيل ( الكوته ) واجي مارق
..
لكن الظاهر لي محتاج لي ( فكي )
|
Post: #4
Title: Re: .. لا ..
Author: محمد خليل إسماعيل
Date: 02-11-2006, 03:55 AM
Parent: #2
أخوي تمبس
كيف الحال
مالك الحاصل عليك شنو
إن شاء الله خير
أبو شهد
|
Post: #7
Title: Re: .. لا ..
Author: tmbis
Date: 02-11-2006, 04:11 AM
Parent: #4
يا ابو شهد ..
والله كويس خالص .. بس فجاة كدا .. عضت
كلما تتناسى الافكار تزاحمك التفاصيل .
بعدين اصعب حاجة تودع ليك زول مسافر مش كدا ؟؟
أو
تبدأ ليك خطوة صغيرة حساباته معقدة .. بتجيب ليك الزهج وحراق الـــروح ..
|
Post: #6
Title: Re: .. لا ..
Author: ودقاسم
Date: 02-11-2006, 04:11 AM
Parent: #1
وأنأ ،،، ما داير اقتراحاتي ، ولا داير ليك منّي غُنا ؟؟؟
|
Post: #17
Title: Re: .. لا ..
Author: tmbis
Date: 02-11-2006, 04:49 AM
Parent: #6
| Quote: وأنأ ،،، ما داير اقتراحاتي ، ولا داير ليك منّي غُنا ؟؟؟ |
..
أول حاجة مسالة الغنا دي .. صوتك فارق قول واحد ..
..
واقتراحاتك ما عملية خالص أول اقتراح كان يوم الخميس ، الواحد ( اكل ) برد وشارب ليهو برميل بتاع شاي سادة..
إذا عايز تديني اختراح من ديوانك .. هواجس الشتات ، ما عايز
..
ممكن اديك رقم الحساب .. يــا....
جلابي ؟
|
Post: #9
Title: Re: .. لا ..
Author: حمزاوي
Date: 02-11-2006, 04:16 AM
Parent: #1
تمبس ابو النسب
مسكاقمي
انتو بتجكسوا من ورانا
نحن هنا
|
Post: #18
Title: Re: .. لا ..
Author: tmbis
Date: 02-11-2006, 04:59 AM
Parent: #9
يا ابو النسب ..
والله الحالة دي بالذات محتاج اوصله ليك ( بالرطانة ) لانو عارفك ( قادي ) عربي
تستلم النسخة المترجمة من ( دكين ) لكن أي اضافات ما في حتته .. انا برهـ
بعدين نجكس وين يا ابو النسب
ياخ أنتو خليتو لينا حاجة ..
|
Post: #10
Title: Re: .. لا ..
Author: esam gabralla
Date: 02-11-2006, 04:19 AM
Parent: #1
يا تنقو و خدر
نزلوا لينا الاغنية الفيها مقطع :
تستاهلى و تستاهلى
|
Post: #20
Title: Re: .. لا ..
Author: tmbis
Date: 02-11-2006, 05:20 AM
Parent: #10
يا عصــام ..
Quote: نزلوا لينا الاغنية الفيها مقطع :
تستاهلى و تستاهلى |
والله الكلام ده بتاباهو بعدين
 
|
Post: #11
Title: Re: .. لا ..
Author: ALGARADABI
Date: 02-11-2006, 04:19 AM
Parent: #1
العزيز تمبس
جاي و جايب ليك هبوية معاى
لزوم ال (COOLING DOWN)وكدة
و الله يطمنك
|
Post: #21
Title: Re: .. لا ..
Author: tmbis
Date: 02-11-2006, 05:28 AM
Parent: #11
ياقرضابي ..
هبوية دي حبيبتي .. والله بالجد بترد الـــروح ..
بعدين امهــا عاملــه فيها مشغولة .. وفاتحه لينا
يـــــــا
امها المشغولة وفاتحة لينا..
الله بيسالكم من الواحد
|
Post: #13
Title: Re: .. لا ..
Author: ALHALAWI
Date: 02-11-2006, 04:28 AM
Parent: #1
يا تمبس ... يا خي بعد الشر عليك ...
يا أخـوي والله الحالة دي كلنا عندنــا ... دي بيسموها الحالة 18 ...
أمنياتي لك بعاجــل الشفاء
|
Post: #22
Title: Re: .. لا ..
Author: tmbis
Date: 02-11-2006, 05:32 AM
Parent: #13
| Quote: يا أخـوي والله الحالة دي كلنا عندنــا ... دي بيسموها الحالة 18 ... |
الحلاوى الوجيه ..
هنــا عملت 88 طمنطاشر دي كانت زمان ..
احتمال البرد ليهو علاقة بالقصة دي ؟؟
..
| Quote: أمنياتي لك بعاجــل الشفاء |
آمين يارب .. بس ساعدة بي اتنين تلاتة كيلو موز ..
الحالة متأخرة
|
Post: #14
Title: Re: .. لا ..
Author: قرشـــو
Date: 02-11-2006, 04:30 AM
Parent: #1
تمبس
يعنى نحن اتعودنا هنا نلجأ ليك لانزال البهجة والطرب
نلقاك هنا يا عبد المعين تتعان ؟؟؟
|
Post: #23
Title: Re: .. لا ..
Author: tmbis
Date: 02-11-2006, 05:42 AM
Parent: #14
العمــدة .. قرشو ..
تسلم يا ابو الخلد ..
اخشي أنو يكون ... عدي فأت زمن الاشياء الجميلة ..
..
|
Post: #31
Title: Re: .. لا ..
Author: tmbis
Date: 02-11-2006, 06:18 AM
Parent: #15
ياعمك ..
نفسيـــــات .. للطيش ..
جيب معاك اسرار بابكر
واي حاجة
..
بعدين يعني الواحد مايقع ليك في جرح اصلو ؟؟
شكلي كدا ح اجيك طاير ..
|
Post: #16
Title: Re: .. لا ..
Author: Mohamed Abdelgaleel
Date: 02-11-2006, 04:48 AM
Parent: #1
حليل الكان بيهدي الغير .. صبح محتار يكوس هداي
كنت دائماً أغبطك .. مش بحسدك .. الغبط هو أن اكون مثلك .. على ما يبدو عليك من فرح عميق
وأنت يا تمبس نموذج للزول المتصالح مع نفسه والناس .. فمالك داير تقطع آخر خيط في رحم الأمل ..
أطنك دائر تركب موجة الزهج التي تغطى أفق الايام دي .. لكين جواك فراح يكفى مدينة .. مش صاح.. ما تنسى بوست الحقيبة.
|
Post: #48
Title: Re: .. لا ..
Author: tmbis
Date: 02-11-2006, 10:05 AM
Parent: #16
محمد عبد الجليل ..
الزول الهادي جدا جدا .. جدا .
..
موجة الزهج يا بوحميد عاهة زهنية متفشية هنا بي كميات زي ماعارف .. وكلما تزوغ منها بتجبدك لي جوه .. والواحد بيكون قاعد على الهبشة لكن بترجل بي الحميمة الحولينو وبستمد طاقتو من النس القريبين ليهو ..
لكن لما كمان تجيب فراق صعب احتمالو .. بتتورط من غير ما تشعر بالذات البلد دي
إذا ادمنت الصمت والاحتمال المتكرر .. وضرب الهم بالهم احتمال تبقى حجر .. يا تبقى حجر ..
يلالا نخليها مرة كدا ومرة كدا ..
لكن ح تسلك ..
وبوست الحقيبة في انتظار الباقي .. انا جاهز
|
Post: #19
Title: Re: .. لا ..
Author: على احمد على
Date: 02-11-2006, 05:13 AM
Parent: #1
لو تسافر دون رضانا بنشقى نحن الدهر كله
ما بنضوق فى الدنيا متعه
وكل زول غيرك نملو
اقل حاجه تخلى سفرك
حتى لو اسبوع اقلو
وانت عارف نحن بعدك
للصباح دايما نساهر
الله .. يجازى الكان السبب يا تمبس
|
Post: #25
Title: Re: .. لا ..
Author: Elkhawad
Date: 02-11-2006, 05:48 AM
Parent: #19
تبمس والله جننتو افكارنا ذاتو
الواحد يصحي من الصباح مخمرة في راسو
يجي يلقاكم ............... منقطها
لكن اjلتشكيل عيلنا اصلو الحروف الما بتهاتي بيها
بتكون ....................؟
|
Post: #51
Title: Re: .. لا ..
Author: tmbis
Date: 02-11-2006, 10:25 AM
Parent: #25
يا خوووضه ..
والله انا برضو صحيت الصباح الليلة لقيته كابنها لي تحت المخدهـ
قدرما قلبتها بي كل الاتجاهات ما ظبطت
مشيت المكتب .. الوضع مرتب خالص ومافي فرفره ..
جيت داخل البورد .. مشيت على اوضة الناس القاعدين
لقيتهم كلهم مثاليين وبعدين المسالة مستفحلة فوجب اثبات الحالة ..
..
يعني زي دي ما مكن اموت بيها براي .. دي زاته بتكون دناوه مني بس ..
..
يازول شكل اي حاجة .. الليلة اليوم ده مفتوح لي اي شئ
|
Post: #26
Title: Re: .. لا ..
Author: Elkhawad
Date: 02-11-2006, 05:49 AM
Parent: #19
الدبل ده ريدة ساااااااااااااااااااااااااااي
|
Post: #27
Title: Re: .. لا ..
Author: غدى
Date: 02-11-2006, 05:52 AM
Parent: #19
تمبس دى باين عليها  جرسه شديده سافر امشى السودان
|
Post: #54
Title: Re: .. لا ..
Author: tmbis
Date: 02-11-2006, 11:25 AM
Parent: #27
غــدي ..
ياسلالالالالام.. ياخ ..
الواحد لما يلاقي زول من دفعتو زي السافر السودان إجازة وجا
شكرا ياغدي لي جيتك .. البورد
ولي زيارتك لي بوست الجرسه ده ..
..
اليد بصيرة ياغدي كان ما كدا كان احتلفت بيك بي مزيكا كاربه ..
لكن تكوني طالبانا ..
|
Post: #49
Title: Re: .. لا ..
Author: tmbis
Date: 02-11-2006, 10:16 AM
Parent: #19
تعرف ياعلي ..
توارد خواطر عجيب جدا
امس بالليل كنت بسمع في الاغنية دي ..
او بالاصح انا قاعد اسمعه كل يوم بالليل خالص .. من ما جيت البلد دي وما حصل كملتها لحدي الآن كلما اصل للصولو بتاع الكمان .. بقفل الجهاز وبقول لي محمد الأمين خلاص .. شبعت
والغريبه .. قبل سنوات ظروف عمل جمعتني بي واحد مصري كان بيقاسمني السكن ..
بيصحى المصري من الصباح وبيخت البشكير في كتفو وطالع على الحمام انا بكون صاحي ( نص كم )
المصري بيكون مجهز قلنا ما ممكن تسافر ( وبيصطبح ) بي محمد الأمين . تخيل ؟؟
لما يصل لي المناطق الحساسة دي .. بيقوم بيضرب الجهاز بالبشكير طااااااخ ويصرف كلام كتير جدا لي محمد الامين ..
انا عملتلك ايه يا محمد من الصبح .. انا الاقيها منك والا من الست
اها انا في البرنامج ده يومي .. وكنت مقدر للزول ده حاجتين زعلتوز البتفشاها في جهاز الاستيريو .. واحساسو بي سخونة السفر .. طبعا المنظر مضحك لكن انسانيا كدا كنت بتضامن معاهو
..
علشان كدا فكرة السفر دي حارة جدا ..
غايتو
الله يجازي الكان السبب ....ويصبرنا
|
Post: #24
Title: Re: .. لا ..
Author: Soumeta
Date: 02-11-2006, 05:45 AM
Parent: #1
يا الله يا رحمن،،
تنبس مالو؟
زهجان،،!!!
خلطة سحرية،،
معروفة،،
غني،،!!
|
Post: #56
Title: Re: .. لا ..
Author: tmbis
Date: 02-12-2006, 01:33 AM
سو .. مي تـــــــــا..
..
ياخي الواحد اليومين دي بقى عامل زي الكمنجة الفاقة في نص الاوركسترا
أو
الزول الاشتر في نص الرقيص الناس في جهة وهو في جهة ..
الغريبة كنت بغني لي نفسي زي الترتيب .. ومقتنع ب اني محمد وردي
بقيت فارق عديل كدا ..
فارق ياسمسم
|
Post: #28
Title: Re: .. لا ..
Author: JAD
Date: 02-11-2006, 06:01 AM
Parent: #1
لا وحبك ..
يا ظريف .. وين باقي الصور .. ما لقيت لي إلا الصورة المعمشة دي
بس ما تقول لي أعمل ليك شنو؟ دي خلقة ربك
سلم لي على الوجيهة منى بنت خوجلي ..
لو الصور شينة رسل لي بالمسنجر .. قسمتنا نعمل شنو ()
جاد
|
Post: #58
Title: Re: .. لا ..
Author: tmbis
Date: 02-12-2006, 02:58 AM
Parent: #28
يا جـــاد ..
ياخ اكتر حاجة مزعلاني .. صورتك وأنت منشرح وفاكي آخرك طبعا دي ما بتكون شفتها
لانو اللحظة الكنت فيها محلق على انغام ساطور وصلاح الباشا كانت الكاميرا راصداك .. حرضت عليك لحظته عمران وقلت ليهو امسك لي الزول ده ، شان ما ينكر بعدين .. وإذا لقيتو في اي ( دواس ) ( ظلامي ) انزل افرقع ليهو الدواس بي صورة مساحته اتنين وعشرين كيلو بايت..
الجايات اكتر من الرايحات .. طالما عرفنا ليك درب وطلعناك وشتتنا ليك موية السكر ..
واحد من الجماعة الساخرين قال لي يا تمبس .. جاد طلع ما جاد نهائي
..
والله ياجاد من أجمل التفاصيل يوم الحفلة ، لمتك أنت والعزيز شدو بعد معارك طاحنة وحرب النجوم الكنتو شاننها ..
تحياتي للامورة صاحبتي ( مها ) واكيد التحايا واصلك من اختنا العزيزة منى خوجلي ..
للاسف ياجاد صورة واحده هي الطلعت من بين كل الصور واجتهدت فيها شديد علشان تطلع بالشكل دا..
|
Post: #29
Title: Re: .. لا ..
Author: DKEEN
Date: 02-11-2006, 06:07 AM
Parent: #1
يبدو ان البرد نزل في التخصصي...
|
Post: #30
Title: Re: .. لا ..
Author: ابو جهينة
Date: 02-11-2006, 06:16 AM
Parent: #29
دكين
| Quote: يبدو ان البرد نزل في التخصصي... |
لا تظلم التخصصي .. فقد نزل في أصقاع أخرى يعرفها تامبا
تمبس :
قدامك حل من إتنين :
يا إما تراجع ساطور فهو خبير في هيك مسائل ..
إما تستعمل بخور تيمان عند مغيب الشمس.
أها
راجعت ساطور No Problem
إستعملت بخور تيمان .. قدامك حل من إتنين
إما تدمن البخور
إما تمسكك دساتير حبشية
أدمنت : No Problem
مسكتك دساتير حبشية : إتلبَّش و لا يهمك .. بكلم ليك قبري مسكل بعرف ليهو حلقة في الناصرية
|
Post: #72
Title: Re: .. لا ..
Author: tmbis
Date: 02-13-2006, 02:41 AM
Parent: #30
..
الحلول الاتنين يا ابوجهينة .. ضاربات ..
ساطور لما يحتل ، اجدع غطاس ما بلقاهووو ..
وبخور التيمان المجربين المحنكين قالو بيحتاج يتكسر بي ( بخرات ).. وهنا ( البروبليم ) لانو لما تحول من صنف لي صنف كارثة .. من فترة مدمنين على صنف محدد
..
قبري ( مسكول ) يا ابوجهينة كان شبكت فيهو .. صدقني بيفتح لي الحلقة دي وبدق خروج نهائي .. نحن صعبين
|
Post: #59
Title: Re: .. لا ..
Author: tmbis
Date: 02-12-2006, 03:10 AM
Parent: #29
| Quote: يبدو ان البرد نزل في التخصصي... |
يا دكينز..
مرقت قبل شوية برهـ .. بتكلم مع واحد وشابف كلامي بطلع ( بوخ ) .. بوووخ
حقو تغتنم الفرصة دي وتجي.. وعيش حالم .. افتكر نفسك في ( زغرب )
مشيت ( زغرب ) قبل كدا ؟؟
|
Post: #32
Title: Re: .. لا ..
Author: ايهاب نميري
Date: 02-11-2006, 06:22 AM
Parent: #1
و الله يا تمبس يا اخوي حالتك صعبه شديد بتذكرني بزول هناك قولت سلام تبقالوا روح
وحالتك وحده من 2
1- يا مكسر ودي العوجه زاتا
2- مفلس ودي اي كبر عوجه
يا زول تعيش وتخد غيرا
|
Post: #76
Title: Re: .. لا ..
Author: tmbis
Date: 02-14-2006, 02:43 AM
Parent: #32
ايهاب ( ابعــاج )..
المراحل دي اتجاوزناها وبقت ( دقة ) قديمة
الدشدشه حاصلة:
وقعت من راس البيت قبل كدا وكسرت ايدي ، وعندي اربعة ( قرز ) بي ربطة المعلم في نص الراس تقريباً ما ليها علاقة بي الدشدشه الفي بالك ..
اما ( الفلسكاب ) حسع كان قلت ليك ( ارقعنا ) بي عشرة الف دولار بتعمل لي مجنون
صاح ؟؟
وقس على ذلك..
اي اقتراحات بخصوص بندك الأول ؟؟
والا برضو ح تقول لي مفلس ؟؟
|
Post: #33
Title: Re: .. لا ..
Author: فيصل نوبي
Date: 02-11-2006, 06:24 AM
Parent: #1
تامبا
الكاميرا بتحل مشكلة !!!
كان بتحل مشكلة نسافر ليها
|
Post: #39
Title: Re: .. لا ..
Author: humida
Date: 02-11-2006, 07:10 AM
Parent: #33
ربما سيدنا عبد الله الكسعي يفسر هواجسك ..
كما كان في حديثه الطويل والشيق مع فاطنة بت جارعودي ..
عندما جاءها في المنام سيد الدكان .. ورمى عليها الطلاق ..
فضربت ( سدرها ) وقالت وووب علي يا بت امي شفتي جنس الشبك دي ..
ذكر لها اللواء الكسعي بأن سيد الدكان مفعول به منصوب ..
ولازم تديهو قروشو بتاع جركانة الزيت ( الحنكتو ) ليها ..
ونصحها أن تبطل ( كتل ) الرموش .. وجديع ما يلزم جديعو قدام سيد الدكان ..
وبأن هذا الشخص ( حيديها ) شلوت المرة الجاية .. والطلاق في الحلم يعني شلوت ..
وفي احسن الظروف .. كفين وبونية ..
وربما اللون الاحمر في كتاباتك ( ينم ) وركز معاي علي ( ينم ) دي ..
لانه مصدرها ( نمة ) ..
و( نمة ) و ( نمة ) بتعمل نيمة ..
ينم عن خطر من ( درجة عالية ) .. اعلي من برج التجارة الدولي ..
لانه وكت الضربة كانت درجة الخطر في ( البرتقالي ) ..
وفي أحسن الاحوال .. احساس بالحوجة الماسة لعصير روزانا ( يكون معمول في جردل زنك )
ويا حبذا اذا كانت هذه الروزانا علي الضفاف النيل .. في العتبة السبعتاشر من المخرج الشرقي
لمسجد النيلين ( علي مشاهدينا في الاقاليم مراعاة فروق المعرفة )
او كباية كركدي .. في المحطة الوسطي بحري .. مقابل سورج للعماري الممتاز ..
و أيضا علي مشاهدينا في الاقاليم ألتزام المسار الايمن .. ( صورة شاحنة وسهم لفوق ) ..
ولا ياربي الترزي الناصية .. يكون انتهى من الفستان .. !!!!
|
Post: #79
Title: Re: .. لا ..
Author: tmbis
Date: 02-14-2006, 04:28 AM
Parent: #39
الإبن حميدة..
وجاء في الاثر الرجعي برضو أن اللون الاحمر ( مبالغة ) لما تكتب بيهو بدون ماتتخنو.. وان الكثير من العواطف الجياشة في لحظة انفراطها بتعمل زهول لحظي مما يؤدي بدوره إلى عدم الثقة في النفس ..
عندك مثلا ( جابر ) ، لما كان برلوم في الجامعة لحدي سنة تانية كان احسن واحد ( بيبرم ) شعرو وبلبس قمصان بيضاء ( بي كم طويل ) ( ولا مؤاخذه ) مركوب جنينة يا ( شدة ) سوداء بيطقم بيها مع القميص الابيض
ولذلك
انتهت حقبة زمنية محددة من الصراعات انتصر فيها ( سواق اللوري ) علي ( سيد الكارو )ودنقر السهم ( لا تحت ) وعمل فيها ( تفتيحه )..
..
بعدين انا شاكي أنو كلامك الفوق ده منقول
|
Post: #77
Title: Re: .. لا ..
Author: tmbis
Date: 02-14-2006, 03:43 AM
Parent: #33
| Quote: الكاميرا بتحل مشكلة !!! |
والله يانوبي إلا الكاميرا الخفية
عملت لي شنو؟
( وش زهجان منك شديد )
|
Post: #34
Title: Re: .. لا ..
Author: Emad Abdulla
Date: 02-11-2006, 06:41 AM
Parent: #1
الللللللللللللللللله ..
الحكاية خستكت ..
ما قلتو ( نوبه ) !!!!!
تمبس ..
يا زول شيل نفس طوييييييييييييييييل و اكتمو ..
طوالي .. قققنننننننن ..
شفت بسيطة كيف ؟؟؟؟؟
و بعدين الحنكشة دي ولا بتشبهك ولا حاجة ..
عامل حساس ؟؟؟ يااااي
حب حبك ساكت و انكرب .. ما تفضحنا
|
Post: #37
Title: Re: .. لا ..
Author: tmbis
Date: 02-11-2006, 06:52 AM
Parent: #34
ياجماعة عن اذنكم انا ماشي اعمل لياقات وبجي بعدين ..
كان فكت كان بها بجي اعمل معاكم حفلة هنــا ..
وكان ما فكت ياني المنشبك لي في واحد فيكم ..
ارشح عماد عبد الله
| Quote: حب حبك ساكت و انكرب .. ما تفضحنا |
كدي لما اجي بعدين بوريك الحاصل شنو
|
Post: #35
Title: Re: .. لا ..
Author: Gaafar Ismail
Date: 02-11-2006, 06:47 AM
Parent: #1
الأخ العزيز تمبس
كفارة البيك يا زول ، وما تشوف شر
تحياتي
جعفر
|
Post: #36
Title: Re: .. لا ..
Author: ahmed haneen
Date: 02-11-2006, 06:47 AM
Parent: #1
| Quote: لا رسالة تجيني منك .. لا خبر طمني عنك |
تمبس بطل الجرسة
وقوم امشي مشوار لي ترهاقا،، ومن هناك ادونا سلك
وبعدين يا تامبا انت من زمن الرسالة
الحكاية بقت ماسنجرات وكمرات وخلافو وانت سيد العارفين
ولا اقول ليك اسال خبير الماسنجرات الود السفيف معتصم
|
Post: #38
Title: Re: .. لا ..
Author: saif massad ali
Date: 02-11-2006, 06:59 AM
Parent: #36
قول يالطيف
يازول الزهج شنو وده شهر الحب , كلو اعراس بس تعال لي بي جاي ونولعها سيرة
|
Post: #40
Title: Re: .. لا ..
Author: DKEEN
Date: 02-11-2006, 07:19 AM
Parent: #1
| Quote: المسالة ما بتستحمل |
امشي الحمام يا تامبا..
انا حاسي بيك
|
Post: #41
Title: Re: .. لا ..
Author: humida
Date: 02-11-2006, 07:31 AM
Parent: #40
| Quote: الحكاية بقت ماسنجرات وكمرات |
والله حننتني يا حنين ..
انت ناسك الخاتين بنبرهم في حنانك ديل
عشان تشوفهم في الماسنجر ..
الا تجيب كاميرا هوستن .. ولا ZY ..
|
Post: #42
Title: Re: .. لا ..
Author: esam gabralla
Date: 02-11-2006, 07:40 AM
Parent: #1
عليك بام فتفت او كبدة ابل
تعرف حالتك دى ذكرتنى قصة الولادة فى السودان,يقال انو و النسوان فى عز الضيق و" الله لى " الدايات بيقولن ليهن "لمن عملتوا ما عارفنو حار و صعب كده"
انت لمن عملتوا كنت قايلو شنو
يا اخونا اركز و كتر لينا من "الله لى الله لى "
| Quote: امشي الحمام يا تامبا.. |
الولد ده دايما ملافظو عجيبة كيف كيف
فعلا صاحب خدر
|
Post: #43
Title: Re: .. لا ..
Author: يوسف السماني يوسف
Date: 02-11-2006, 07:58 AM
Parent: #1
تمبس النقي
سلامات
***** لا الزمن يقدر يحول .. قلبي عنك ****
****لا المسافة ولا الخيال .. *****
ياراجل اركز وطالما الزمن والمسافة والخيال مابحولو قلبك البكاء شنو .
|
Post: #44
Title: Re: .. لا ..
Author: Soumeta
Date: 02-11-2006, 08:10 AM
Parent: #1
تنبس،،
بسسس لقيتها،،
فرحة ملطووووووشة،،
|
Post: #46
Title: Re: .. لا ..
Author: الملك
Date: 02-11-2006, 08:49 AM
Parent: #44
تمبس
...
...
لا بتكون
بتحب
...
...
دى تبقى مصيبة
ـــــــــــ
كلام حساد وشمات ساى
|
Post: #45
Title: Re: .. لا ..
Author: بلدى يا حبوب
Date: 02-11-2006, 08:16 AM
Parent: #1
تمبس
يالله ده لحظات صفاء والله تنفيس معذب
تحياتى
|
Post: #47
Title: Re: .. لا ..
Author: يوسف الولى
Date: 02-11-2006, 09:08 AM
Parent: #1
فهمته انك ودعته ناس سافرو.......
بسيطه يا عزيزى.................
قوم ألحقم ....او خليهم يرجعو....
وبس
شفتها بسيطه كيف
مع خالص تحياتى
|
Post: #50
Title: Re: .. لا ..
Author: humida
Date: 02-11-2006, 10:17 AM
Parent: #47
ممكن تلف لينا منه .. بتعريفة ..
|
Post: #52
Title: Re: .. لا ..
Author: انعام عبد الحفيظ
Date: 02-11-2006, 10:25 AM
Parent: #1
Quote: لا رسالة تجيني منك .. لا خبر طمني عنك
وأنت عارف انو منك
..
لا الزمن يقدر يحول .. قلبي عنك
لا المسافة ولا الخيال ..
ولا اي حاجة في الدنيا |
تمبس
عارف احلى حاجه شنو ( ولا اي حاجه في الدنيا )
|
Post: #53
Title: Re: .. لا ..
Author: محمد خليل إسماعيل
Date: 02-11-2006, 10:42 AM
Parent: #52
ألحقووووووووووو يا جماعة
تمبس نافورة الحب وموزع الفرح بهذا المنبر يحترق ..... بنار الحب
أخوي تمبس سلامات الظاهر إنك اليومين ديل فاقد حنان
الله يكون في عونك
على العموم شد حبل الصبر وأوعك تفكو
سلامي وتحياتي يا رائع
ابو شهد
|
Post: #55
Title: Re: .. لا ..
Author: عبدالرحمن عزّاز
Date: 02-11-2006, 11:35 AM
Parent: #53
لا..
تنكأ الجرح القديم فإننى ودعت ليلاً مظلماً
و ثقيلا
و حملت..
روحى فى فؤاد نازف مازال يحمل نصفه
مشلولا
الأخ تمبس
من مصيدة الفراش، لهنا
أوصيك بفكى كارب بياضه نملة عرجاء، وديك أطرش
الفكى إسمه أبوعصاية الشرب السادة و خلى اللبن فى الكباية
ما خترى بالله!
سألوه الحيران دا شنو يا شيخنا ، قال لحظة رفع الكباية
جاه إحساس إنه البقرة الحلبو منها اللبن مسروقة.عشان كدا
شفط الشاى الأحمر براه(فلتر وكده)
ربنا يزيل الغمة يازول
و لك المعزات،،
|
Post: #57
Title: Re: .. لا ..
Author: صلاح الدين عبدالله محمد
Date: 02-12-2006, 02:49 AM
Parent: #55
مشهد:ــــ
(لساتك جوار عمود واحد كدة مدنكل سفه كبيره وبيقول (القون ماصيح اللاعب سارق)واثنين جالسين على الارضكل فوق شبشبه
بجوارهم تمبس جالس وهو يرتدى سفنجه (وجه سارح بعيد بيعاين للدكان فى الركن المقابل لجلستهم)
|
Post: #60
Title: Re: .. لا ..
Author: محمود بكر
Date: 02-12-2006, 04:05 AM
Parent: #1
الفاضل/ تمبس
يبدو ان الحكاية جد جد عشان كدا اسلك سؤال واحد وبعد داك اوعدك وعد صادق باني سوف اعطيك الوصفة الشافية عمك زمان كان قاضي الـ....
... من هي ؟؟؟؟
الرد عاجل وما تزوق
|
Post: #61
Title: Re: .. لا ..
Author: tmbis
Date: 02-12-2006, 04:41 AM
Parent: #60
يا جماعة عن اذنكم
يا عموو محمود بكر ..
انا ح افطفط الناس دي كلها وبرجع ليهم تاني ..
عارف ليه ؟؟
علشان حاجتين ، أول حاجة من ما شفتك بتعرض في اكتوبريات صلاح الباشا مع ساطور في اليوم داك طوالي عرفت انك خبرة ومن النوع الممكن الواحد يتكلم معاك في حاجات كتيرة ..
الحاجة التانية .. عرضك مغري جدا .. مع انك عايز تجرجرني
ولذلك
ح اتوكل على الله واقول ليك أنو . التكتيكات اختلفت .. والباب بقا يتفتح بالروموت كنترول
غايتو انت وخبرتك ..
ياورطني .. يا ورطني زيادة
وبدون زوغان ..كــدا ..
خليني افكر في الموضوع ده تاني
|
Post: #62
Title: Re: .. لا ..
Author: Emad Abdulla
Date: 02-12-2006, 05:46 AM
Parent: #61
أُمـــــــــــككككك ..
جابت ليها كمان ( يا عمو محمود ) .. و ( عرفت إنك خبره ) .. و ( الواحد يتكلم معاك في حاجات كتيره ) ..
أيواااااااااااا ..
دقيقة بسسسسس ...
أربعة وستين زايد تلاتة يساوي تمنية واربعين على ستة يكووووون تسعة ناقص ممممممممممم يساوي ههاهمممم .. على أربعتاشر يكووووون
تمبس ..
الييييييييله والليييييله
ياربي ده يكون ( عمو ) محمود
ولاّ ( حمو ) محمود ؟؟؟؟؟؟؟؟؟؟؟
أها .. أنا بره لمن تقع على قدومك و تعال بعد داك اتشبك فيني ..
خليها الـتـ ( تِم )( بَسْ )
|
Post: #63
Title: Re: .. لا ..
Author: محمود بكر
Date: 02-12-2006, 06:14 AM
Parent: #1
الفاضل/ تمبس
في انتظارك
الفاضل / عماد تحياتي لك ولبنت اختي والعيال
في انتظار مكالمة منك
|
Post: #64
Title: Re: .. لا ..
Author: نادية عثمان
Date: 02-12-2006, 06:45 AM
Parent: #63
تمبس
الظاهر الحالة عامة ياود أمى !!!
اقول ليك ؟
لو تعرف تنوم بتنسى قطع شك !!
|
Post: #65
Title: Re: .. لا ..
Author: Emad Abdulla
Date: 02-12-2006, 06:49 AM
Parent: #63
؟؟؟
تمبس .. دقيقه بس
.........
العزيز محمود بكر
يا زول إنت قصدك محمود بكر محمود بكر !!!!!!! .. ولا زول تاني ؟؟؟
طبعا البروفايل أصلو ما عندو علاقة بيك .. عشان كده اتلخبطت فيك ..
على أي حال كتر خير تمبس ..
يااااااااه يا محمود ..
كأنها عشر سنوات من فارقت ناس الرياض .. شوق شديد شديد .. وتحياتي لكل البسأل
تلفوني : 5686403 974 +
وبت أختك تمام .. لكن كبرت طبعا ههههههههههههه .. و العيال بألف خير .
........
تمبس ..
مع محمود ده .. غمض واقع ..
.. وبرضو
أنا بررررررررره
|
Post: #66
Title: Re: .. لا ..
Author: ابوعسل السيد احمد
Date: 02-12-2006, 09:37 AM
Parent: #65
برضو في نفس ركن الشارع و تحت نفس عمود النور.
الوقت يا هو زاتو. دقلش بيتكلم عن لوري الحطب و حطب
الدخان و إنه بكرة ما حيمشي الخلا. بالعكس حيقعد يشوف
الحاصل شنو في السوق الشعبي.. طبعا دي جدعة كدة من قريب
عشان اليومين ديل ود بولاد بعد ما يصحى متأخر كعادته و يفطر
يدقش السوق الشعبي بعد ما يمر على أشرف الحلبي.. يقرو الجرايد
و محتلين بنابر ست الشاي الما بتغبا دقلش بتاع لوري الحطب و حطب
الدخان.
جكي بان شايل فوطتو و يتمر في هيثم مصطفى كالعادة"قوم كدة بالله! ده البرنس
دا سيدا". و لسه الجيو بيصلح في الفول من عند الساحر ماحي الزين مقطاع الشارع. أنا
قلت فول؟ دي فتة. و ما همانا تكون كيفن. جكي بان بيكورك للجيو"خلي الماحي يكتر ليك موية
الجبنة و الزيت، يا مبارك" و أقول ليه بعد ما أشاورك يا تمبس"خلي البصلة تكون كبيرة و ما تقطعا صغارة
شديد"بولاد يشيل و يقرقر ساكت و الجماعة بيسألوه عن الامتداد و الإدارة و المباريات الجاية. ما بينسى
يشيد بالكاهن ود الحبوب الشايفنو جاي يلحق الفتة. يقرقر و يسلم عليك. لا حولا ! الشايقي دا ظهر من وين كمان؟
قبال ما يقعد كويس جكي بان يقول ليهو" جيت في وقتك يا حاقد" أشرف يعاين ليهو و يقول كلمة واحدة بس"حقد!"
"أخبار كنانة شنو يا ود أبيض؟" سؤال طابش من منو و لا منو. و"بكرة يا جماعة خاشين السنما"ما تغشك حكاية السينما
دي يا تمبس. بنمشي نتونس جوة و ما عارفين الحاصل شنو في الفلم الهندي لحد ما الجلو يبدا " دق ال..دا . أيوة كسر لي
ال...دا" و الناس يلتفتو علينا بحقد لأن الخاين كان بيدق في البطل. و بعد كدة نرجع لي ونستنا و أستاذ حسن يحكي لينا عن
أيامو في الهند.
يا تمبس بعد الفتة بنلمها و نلتقا عشان نتم قروش الفتة. و ما حيخلوك تدفع عشان إنت ضيف الدكتور. بعد دة ما شين مظلة المرحوم صلاح عرموط في لفة ميدان النسر. حتموت من الضحك لأن فلاغش"الفاتح كبسور" حيسلم و يقول "ديشاااااك يا لموق!" بعد دا يقول لي ود أبيض" ما تفكسسا يا حاقد" في إشارة إلى السجارة لزوم التخميس و كدة.
مالك يا تمبس مهيج علينا الأوجاع دي؟
ما براك يا أنيق
بوعسل أبوعسل
|
Post: #67
Title: Re: .. لا ..
Author: humida
Date: 02-12-2006, 10:10 AM
Parent: #66
زاوية منفرجة ..
في حلة تانية .. اب روف جنب الفرن ..
عشان ما تجي تقول لي دي حلتنا ..
عمود ناصية .. ( كاشف شارعين )
وشارع ممتد حتي التقاطع ..
بعض الشفع جايين من مدرسة الهجرة .. وجكس ثانوي وعالي ( في الترحيل )
نسوان الحلة .. ينتظرن مواصلات الشهداء .. ماشين عزا ناس عبد المحمود ..
سيد الدكان وعمك حسن وصلاح الجب .. وضمنة توشك علي القفلة .. للمرة الستين ( كيشنة وبلادة )
بحر بلون قمر الدين .. وناظر المدرسة يحذر من السباحة النهرية وصيد الصير ..
توب امك ( بضيع شمار في مرقة ) ..
غمزة من هنا .. عضة شلوفة من هناك .. احي انا تنهيدة .. ( سوسن جات ) ..
أموت ركن .. وووب انا ..
بُكلوم .. بُكلوم ... بُكلوم
الجنن قلبي .. ذاد عقلي طمسة
فستانو البمبي .. وزرايرو الخمسة
والتش تش .. تش تش تش تش تش
|
Post: #68
Title: Re: .. لا ..
Author: خدر
Date: 02-12-2006, 11:12 AM
Parent: #67
| Quote: المسالة ما بتستحمل |
الحل في ايدكـ يا تمبس
اتوكل علي الله و ماتكلم زول
|
Post: #69
Title: Re: .. لا ..
Author: AlRa7mabi
Date: 02-12-2006, 01:09 PM
Parent: #1
..
حليل الكان بهدي ( الغير )
صبح محتااار يكوس هداي
|
Post: #70
Title: Re: .. لا ..
Author: tmbis
Date: 02-13-2006, 01:53 AM
Parent: #69
ربمــا..
مع مرور الزمن نصبح مثل الالة .. أو كذلك
( تجم ) عبارة ( حبوبتي ) الذكية لمصطلح التبلد او الاحساس المتاخر ،
آلة في شكل كومة اسلاك ودوائر الكترونية بداخل صندوق حديدي ، مصدر تغذيتها قابس ، لاتعمل إلا بعد إجادة توصيلها بمصدر الطاقة وكبس زر التشغيل .. لمراجعة سعتها التخزينية ، وهاردسكها بشكل دوري ، وكل حزمات ضرورية لمواكبتها.
( ثم أين انت .. يا طاقة ( روحية ) يا ( محركة ) السعة التشغيلية ) يا ( كهرباء ) ؟؟
مشتاق ليك بين ( قوسين )
..
أو اكتشاف محض صدفة يقنعني بانني اصبحت اشبه باي آلة أخرى مصدر للصوت العالي جدا .. لكن اصبحت دون علمها ( الآلة ) ترسل ضجيجها ( كاتم صوت ).. تراقب ، تكتم الاحساس وتؤجله ، لتتفاعل معه في غير موضع ، غير زمان ، غير ( مناسب )
( تفيد بأيه ..أيه يا ندم .. يا ندم وتعمل أيه يا عتــاب طالت ليالي الآلم .... )
..
في كل حال من الأحوال ( في ) الحالة الأولى .. ربما حان وقت ( الابديت ) ومراجعة ( الرامات ) أو الفرمطة الكاملة من دون الدخول إلى ( لوحة التحكم )..
..
أو
في الحالة الثانية الاحساس بطبيعة الاشياء لحظياً .. دون مؤاربة حيث لا يحتمل التأجيل إلى الغد..
الاحتمالات مفتوحة .. ( فالقابس ) في وضعه الصحيح .. ملفات في طريقها إلى الحفظ وأخرى تم ترحيلها انسانيا إلى سلة المهملات ..
|
Post: #71
Title: Re: .. لا ..
Author: Emad Abdulla
Date: 02-13-2006, 01:57 AM
Parent: #70
...
هو في شنو ؟؟؟؟
|
Post: #73
Title: Re: .. لا ..
Author: خدر
Date: 02-13-2006, 03:31 AM
Parent: #71
عماد
تمبس متضايق شوية
وخجلان من الحل
|
Post: #74
Title: Re: .. لا ..
Author: DKEEN
Date: 02-13-2006, 06:04 AM
Parent: #1
| Quote: الحل في ايدكـ يا تمبس |
اسمع كلام اخوك خدر ..
غيرك حاول يحلها بغير يده..
هسع مبارى البامبرز والدكاترة وكواريك النسوان..
مالك مال الدقو وشالو قروشو..
|
Post: #75
Title: Re: .. لا ..
Author: نادية عثمان
Date: 02-13-2006, 08:24 AM
Parent: #74
تمبس
اقول ليك حاجة ؟؟
اسمع اغنية زاد الشجون بتبقى حلو وفى امان الله
وصفة مجربة !!
|
Post: #78
Title: Re: .. لا ..
Author: زول ساكت
Date: 02-14-2006, 03:51 AM
Parent: #75
ياتمبس
عندي ليك حل بس طلع لي دكين دا بره البوست
|
Post: #80
Title: Re: .. لا ..
Author: humida
Date: 05-07-2006, 08:21 AM
Parent: #78
up
|
Post: #81
Title: Re: .. لا ..
Author: Rasha Hatim
Date: 05-07-2006, 03:34 PM
Parent: #80
كر علي يا تمبس,, الجاتك في ..... سامحتك. والله عقدتوني عديل انت ونوبي!!! واحد يكسر ايد والتاني قلب.
كدي وريني الكلام القلتو ليك بعملو كيف؟؟ والله ح تنبسط شدييييد.
اسمع البت دي ما عندها نظر, وانت "سيد الرجالة" ولا يهمك تعال بديك بتي "رغم اني ما عارفاها تحوق في منو ولا منو؟؟؟" لكن الاولوية لجرستك دي.
|
Post: #82
Title: Re: .. لا ..
Author: عمران حسن صالح
Date: 05-08-2006, 02:03 AM
Parent: #81
Quote: غيرك حاول يحلها بغير يده..
هسع مبارى البامبرز والدكاترة وكواريك النسوان..
|
(الشخة) بريال
3 شخات يومياً × 30 يوم = 90 ريال
غير الخميس والجمعات والإجازات وطلعات الإستراحات
|
Post: #83
Title: Re: .. لا ..
Author: أبوذر بابكر
Date: 05-08-2006, 02:34 AM
Parent: #1
وين يا علاء
تعرف أقول ليك حاجة
أنا لى فترة قررت إنى ما أشوف نوعين من البوستات
واحد
بتاعة ناس السياسة، الما فارزين السياسة
لأنها بتعمل لى وجع روح
اتنين
بتاعة تمبس
لأنها بتشيل الروح نهائيا
هسه الصباحية دى شفت ال "لا" الزى عنوان كتاب كده بتاع مصطفى أمين
الصحفى المصرى الوهم داك، الله يرحمه ويسامحه بس
قام روحى أكلتنى قلت يا زول
تمبس تمبس حياة حياة
لكين بينى وبينك كده، كنت سامع لى ريحة غنا سمح
وإنت عارفنى ضعيف جدا قدام الغنا السمح وبرضه قدام ال -- السمح
أكان القى ليك احمد شاويش
شاويش ده انا ما داير اشوفه اصلا
عارف ليه؟
لأنه ما قنعان من روحى
شفت شاويش وعلى السقيد ديل
أنا بسألن من حقى يوم الموقف العظيم
اتخيل لى جابتو "سوميته"
عشان كده هى برضه مشاركه فى الذنب
قال شنو
أنا ما جاييك شايل افراح تملا الدنيا
بالله
العب غيرها يا ابو حميد
يعنى عايزنى اتم الأغنية لحد الآخر عشان
تخ أموت
شفت العود كيف يا علاء
عواره عديل كده
المهم دى مناسبة عشان اشحد لى منك تانى حبة موت يا علاء
عليك الله وعليك نقط نقط
بس آخر طلب وخلاص
"أجمل ايامى"
حاولت اديك من روحى شويه
من أدبى وفنى
ونهار عينى
حاولت كتير
"عثمان حسن"
ده كمان زول مهلك خلاص
والله يا تمبس هسه عندى خمسة البومات، غير الفى السودان
وكلها مافيها الأغنية دى
اها
ما داير الأجر
|
Post: #84
Title: Re: .. لا ..
Author: محمود بكر
Date: 05-08-2006, 05:38 AM
Parent: #1
الفاضل تمبس
تحياتي الحقيقة بوستك هذا اجبرني على التعليق بعد غيبة طويلة كنت فيها اكتفي بالمطالعة فقط
على كل من خلال بوستاتك بعد رجعتك اتضح انك مصاب بمرض خطير جدا هو(مرض حامد) وحتى اشرك الجميع في هذا الامر
سافرد بوست خاص لهذا المرض يشمل ماهو ,اعراضه ومن يصيب واهم حاجة من المصابين به في هذا البورد
علما انه يصيب الجنسين على قدم المساواة ..... انتظروني
|
|
