هضربـــــــــــه

هضربه
ان وقوفى عارى الجسد مع لفحات البرد
واقول فى نفسى لابد ان الواحد يهتم ببعض الامور الصغيره ,لاتقف فى البرد وظهرك عارى خلى وراك حيطه بس ماتكون مايله او تتمطى وتفلقك بحجر, ونصحونى قالوا لى فى زول فى الزمن دا بيقول للاعور انت اعور فى وشه ؟؟ ياخى الاعور قول ليه عينك التانية كويسه.
شوف الحصل ليك شنو بعد كلامك دا راح فالقك بيوريك انه بيشوف بعينه التانيه كويس خالص
اخ حجر مع لسعات البرد تجعلك تستفيق وتنتبه لنفسك

هضربه حمى

انتهى العام لنبداء عام جديد وعلى ابوابه تنتظر الخراف ليتم توزيعها بين البطون والبنوك وقفت منتشيا بانتصارى امتلاكى واحدا منها وفى غمره هذه النشوه نسيت نفسى وبرد يناير , ووقفت وسط الحوش عارى الجسد فى هذه الليله واتقدل داخل المنزل لارى نشوه انتصارى فى وجه ام العيال واسمع زغروده منخفضه لا ادرى انخفاضها خوف من تجمع الجيران ونحن فى يلاد غربه ام لشىء اخر, وخارجا للباحه الخارجيه للمنزل لاراه بين ايدى اطفالى والجيران وهم يمطرونه بخبطات بحجر اوعصا واقول هنيئا لنا بما كسبنا .
بعدها عدت لاحتسى كوب شاى مع زغروده اخرى من ام العيال وانا ابرم شنبى متكئا فوق المخده التىكورتها بعد ثنيها وواضعا يدى بجانبى جامعا ارجلى تحتى بعد ان وضعت من كيس العمارى واحده معتبره مهندسه مدنكله بعد ان اخذت نفسا عميقا من هذا الكيس الذى لايفارق جيبى , تخدر جسمى وبدات حبيبات عرق تبرز فى اعلى جبهتى تسير وتجمعت لتلتقى من الجانبين تحت انفى , رفعت يدى عاليا وبعضلى المغطى بجلبابى مسحتها ماددا ارجلى لاسمع منها صوت طقطقه وموجه برد عاتيه فى داخل عظامى , سحبت بطانيه موجوده على كرسى فى زاويه الغرفه لاتغطى بعد ان القيت فى سبت النفايات بهذه السفه التى وصلت مرحله التحلل التى يشمئز كل من يرى منظرها .
اخذت نفسا عميقا وانا اسحب البطانيه فوق وجهى صداع بداء يطن فى اعلى جنبه الراس من الناحيه اليسرى
اه اه وتتبعها اهات اخريات
اه الِورده
لابد انها الِورده
انها الحمى
الحمى التى تسبب الهضربه

الحمى التى تسبب الهضربه
(هضربه زول محموم بيقول كلام بره من راسه اهلنا بيقولوا كده (الزول المحموم وبيهضرب بكلام بره راسه زيه زى السكران لكن المحموم معذور عذر شرعى والسكران برضه معذور.وزول يقول لى انت غلطان مافى لانى محموم لامن اصحى وتروح منى الورده).


غفوه

وتستمرالهضربه

وكان ان كتبت لست اللهيج السكرى انت القليب بتسكرى وجوه القليب بتعسكرى
وفهمت انى اقول لها بتسكرى بالخمر وانى اقول لها انتى عسكرى
والعساكر افه , ونسيت تاريخ مضى فى اقاصى النيل بعيدا عن زحمه العوازل وسر المحبوب دايما فى بير
ومسكت خطابى وقالت با اخوى الزول الجبان دا بيتصعلق على ,وجانى اخوها وقال الشارع دا تانى ما اشوفك ماشى بيه .

هبيت مذعورا قلت فى نفسى بسم الله الرحمن الرحيم
اعوز بالله من الشيطان الرجيم
استلقيت على سريرى بعد ان عدلت وضع المخده

غفوه
حمى مرتفعه


والهضربه مستمرة

فعلاً هضـــــربة

سلام من الله عليك وحمدا لله على السلامة

وإذا كان العماري الجيد صناعة دنماركية قاطعه

وعاشت الهضربة شعار الموسم

وعاش المهضربون في الأرض.

ياتى صاحب اخوها مره اخرى واصلوا زول كلامه كتير ويقول ياخى الجماعه حكوا لى قصه الخطاب ياخى قصه الريد القديمه هى ماحقتك . داير بيها شنو والريد هنا قصته ماحب وغرام , الريد حاجه تانيه, ويقول نعم اخوها صاحبى ولكنها بماضيها انت مالك ومالها انشاءالله تكون فارشه فى السوق انت داير منها شنو؟؟ الما عاوز يشترى يتفرض؟؟؟ وانا سامع كل الحله بتتكلم عنها بتاع البوكس البوصلها كل يوم من الجامعه ينزلها فى اول الشارع ما دا ود ناس هناى داك قال عاوز يعرسها وهى عندها نهم قروش مع انه اهلها شكلهم شايفه كريمين ,
هى قاعده تستكرته وعامله صندوق مع بنات الحله ولو تتذكر صفيه الصحفيه اتكلمت عنه فى الجريده حقتم عنها كلام مغتغت كدا وهى فرحت جدا البومه مافهمت الفوله وفرحانه انه نشروا صورتها فى الجريده .

اه الصورة الفى الجريده ايوه اتذكرت صادف جنب الموضوع موضوع تانى فيه صورة بتشبهها قالت دى صورتى انا واهلى والصورة الجماعه البيقعدوا جنب العمود يقروا الجرايد ويتاقشوا فى الهلال والمريخ وفلانه جكست والسمسار باع الواطه بعد ماخم الجماعه فى السعر قالوا الصورة دا ماصورتها دى صورى واحده هسع ماتت بحسرتها على حالتها اها قامت ست اللهيج السكرى عملت شمطه وموبايل يرن جاى وجاى بتقنع الجماعه انو دى صورتها قام الود اب تفه داك لمت فوقه قالت ليه عامل تفتك دى غير قعاد جنب العمود ماعندك شغله قام حلق شعره كويس وركب الهدفون بتاعه ودق منها الطناش الا هى زوله لسانها متبرى منها .

شكرا ايها القلب النابض حيويه

Quote: سلام من الله عليك وحمدا لله على السلامة

ولك الف تحيه

Quote: وإذا كان العماري الجيد صناعة دنماركية قاطعه

اصلو عمارى كل الغرب ما عمارى
المهم (عمارينا)

Quote: وعاش المهضربون في الأرض.

وعاش(المتشعبطون) على كلام ود وراق

استرخاء

غفوه
وحشرجه كلام

بدايه هضربه

جديده

غفوه
استرخاء
الحمى مرتفعه
ام العيال قالت لازم الزول دا نوديها لدكتور وضربت لاخوها توريه الحاصل قام زعل شديد
وقال ياخى انت يازول دقست شديد فى زول يجرى وراء الخروف عريان ياخى انت ماعارف الصقط شديد وهو متربص بكل ظهر مكشوف تجيه عديل كده ملقم نفسك مالازم يوصلك الحاله دى
بت الذين يا الحمى عندى ليك دواء ناجع
خذ اشرب الدواء داء
دواء مر
بكره بتبقى كويس
بكره جاء ولاحياة لمن تنادى

والحراره مرتفعه

والهضربه مستمرة

Quote: بدايه هضربه

يا لطيف ألطف !

وتستمر الهضربه
ــــــــ
الحلبى قاعد يعاين ليها تسوط فى مريستها وهو جالس على بنبره فى زاويه الراكوبه ضربت فى راسه لازم ينوم هنا فى احضان جركن المريسه ويعبى بالمجان وكان الزواج الذى وقف اهله ضده كيف تعرس بتاعت المريسه وقاطعه اهله وما اشتغل بكلام زول جاء اخوان العروس مبسوطين بالعريس واستمرت الحفله
وتستمر الهضربه

وتستمر الحفله

والفنان ناذر بصلعته بيغنى
الزمان زمانك
اهدى لى عبار من جردلك

والحفله مستمره

والغبار فى السماء

اخى / محمد E سليمان


ونقول يا لطيف
يالطيف


وحسبنا الله ونعم الوكيل

الحلبى الذى جاء اهله زمن التركيه لهذه الديار ورجعوا الا ان اباه رفض العوده وجلس هنا وخلف عدد من البنين والبنات واستقر فى هذه المدينه الصغيره .ثم تحولت الى مدينه بعيده تانيه
بعد الزواج استمرت الايام وخلف من الزريه مارزقه الله وبعضهم عاد الله واخذ بعضهم مره اخرى والزريه الموجوده التفت حول اخوالها واستمر الحال وتعلم الصغار الذين صاروا بلا هويه اين موطننا الاصلى لمن يجوا الناس ويسالوهم انتو من وين مره يقولوا ناس تركين ساكت ومره ناس كجيك ومره يقولا نحن ناس عصيده وكول ومرس .وحنوا للنيل وكبروا العيال وتفرقوا فى الاصقاع على طول

امتداد النيل من اوله لاخره
والحلبى جاه ضغط والسكرى
......
وصار يكورك
ويد تشده بشده اصحى يا ابو حليب اصحى انت سكرت ولا شنو

واستيقظت انا على صوت ام العيال
ياراجل قول بسم الله
اه الحمى
الصداع

كدى ادينى بندول
ـــ

بلعت حبه البندول
ورفضت كوب ليمون
ما قادر اشرب

استلقيت قليلا
والعرق يتصب



واستلقيت

وتستمر الهضربه

..
صــلاح ..
كان في امكانية هضرب لي معاك ..لانو هضربتي كعبه الايامات دي .. امس جابوني من شارع الظلط كان شايلني حمار النوم ..
بعدين لي فترة قاعد افتش لي كتابتك لما تبعد من الاتجاه المعاكس ..
..

ياخى الاعور قول ليه عينك التانية كويسه.

ولا قـول ليـهـو عنـدك عـين واحـدة بايظـة!

واستيقظت انا على صوت ام العيال
ياراجل قول بسم الله
اه الحمى
الصداع


يبقي عنـدك وجـع حـلق لمـن جـابلك الوردي ..
أشـربلك كـركـدي حـار وخـتلك قـرض تحت لسانك..
الله يـديك العافيـة

مـني خـوجـلي

Quote: ولا قـول ليـهـو عنـدك عـين واحـدة بايظـة!

المشكله يقول ليك بتعاين لعيونى ليه
ويجى وراها نبذ
(انت صعلوك وجبان )
وعييييك حلك..


قايتو القرض دا زمن الواحد ماسمع اسمه ولا شافه
وصعب يجيبه واحد يكون راكب ثلاث طيارات
ولكى الاحترام والتقدير

تمبس ياحبيب
لك التحيه

والله يكفيك شرها

Quote: فترة قاعد افتش لي كتابتك

انشاءالله لميت فيها
وبجيك راجع بعد تلقى

غفوه

جمع من الناس طاوله كراسى البعض جلوس والاخر وقوف كراسى ملقاه على الارض اصوات احتجاج (ليه يدونى كده انا اكثر واحد متحرك, واحدين ياكلوها بارده وهم نايمين ونحن نتعب ونشقى ونشيل الفتافيت)

:ـ(ياخوانا لازم من التضحيات انتو تعبتم شنو يعنى اهم حاجه كيف تطلع الشيكات ودا نحن نعمله انتو عليكم اظهار العمل )
:ـ(شوفوا الزول دا بيقوم يجرى ومكرفونه طوالى معلق خالى بيته واولاده, يندد ويشجب ويطالب بردم الحفر عشان مايقعوا فيها الماره)
:ـ
(الزول دا ماحقه بيروح لحسابه دون ان يسال , وبعدين الحفر دى سواها منو , ماهو بيصلح فى بيته وهو الحفرها بيشيل منها التراب )

الزول صامت غير مهتم ويقول فى نفسه (عندنا مهمه اكبر (شيك اكبر)لازم الواحد يتحرك بشكل كويس يا اخوانا الحمار القاعد هناك داك بيسوط ساكت قدر ماكلمناه لما يلتزم بكلامنا بيعمل كويس ولكن فجاءه يسوطها براه )
يسحب (ترطيبه) نفسا عميقا من سجارته ويقول (انا نزلت لى كم حاجه كده شجب وادانه ما دخل حسابنا اى حاجه , قلنا نصبر مافى زول عبرنا , ورونا الحاصل شنو )

:ــ (يا شباب انا مقدر ظروفكم ولكن الجماعه قالوا عاوزين عمل بقوه فى المنابر المختلفه , ما تهتموا لكل من يقف ضدكم ردوا باى شكل , ختوا فى بالكم ان تراخيتم يعنى انكم تراخيتم فى اكل عيشكم )