Post: #1
Title: لان السودان كله في ام درمان اذن ام درمان هي السودان
Author: Mutwali Malik
Date: 01-29-2006, 09:46 AM
بالامس وقعت يدي علي كتاب قريبي الاخ شوقي بدري حكاوي ام درمان وكم كنت سعيدا وانت اتصفح تلك الحكاوي ورجعت بي الذاكرة الي تلك الايام وتذكرت اللعبات شلبل وين راح - الرمة والحراس - صفرجت الخ
ام درمان مدينة الفن والجمال والتاريخ والسياسة والرياضة دعونا نكتب عنها ونبادلها وفاء بوفاء دعوة لكل امدرمانيئ البورد للمشاركة
ودمتم
|
Post: #2
Title: Re: لان السودان كله في ام درمان اذن ام درمان هي السودان
Author: على احمد على
Date: 01-29-2006, 10:12 AM
Parent: #1
الاخ متولى
لك التحايا الحارة
الكتابه عن امدرمان تحتاج لمجلدات وصبر وزمن طويل ...
وقبل الكتابه عن امدرمان عليك الله حدد امدرمان زمان ولا امدرمان الان؟
فى اخر زيارة لى للسودان عرفت انه امدرمان امتدت لمناطق بعيده كنا نخاف الوصول اليها زمان ... بالله عليك حددخريطة امدرمان القديمه من كل الاتجاهات ...
وبعدين نواصل
|
Post: #3
Title: Re: لان السودان كله في ام درمان اذن ام درمان هي السودان
Author: Mutwali Malik
Date: 01-30-2006, 07:22 PM
Parent: #2
الاخ علي شكرا علي المرور
امدرمان التي اقصدها هي القديمة والتي غنا لها الاستاذ الراحل العملاق احمد المصطفي انا امدرمان تامل في ربوعي انا السودان تمثل في ضلوعي
امدر امان امدر حنان امدر اهل من علايل ابوروف للمشارق وانا احن واشتاق لها وراجع لها وان طال الزمن
|
Post: #4
Title: Re: لان السودان كله في ام درمان اذن ام درمان هي السودان
Author: منتصر عبد الماجد
Date: 01-30-2006, 08:56 PM
Parent: #3
ود المليك ...
رغم اقامتى فى المنافى ما يقارب عقدا من الزمان ...الا اننى عندما انام تكون كل احلامى فى وعن امدر..امدر متربعة فى القلب ومتمحورة فى الوجدان ومركز تفكيرى
من ينتمى كهذا الانتماْء ....ولى عودة ووقفة فى هذا البوست المدهش ولك تحايامعبقةبحنين مدينتا الرئعة
|
Post: #5
Title: Re: لان السودان كله في ام درمان اذن ام درمان هي السودان
Author: الناظر
Date: 02-02-2006, 05:12 AM
Parent: #1
اخي متولي يكفي حينما قال الشاعر
انا امدرمان انا السودان انا الدر البزين بلدي ان البرعاك سلام و امان وانا البفداك يا وطني
فاصالة السودان تتركز في امدرمان
|
Post: #6
Title: Re: لان السودان كله في ام درمان اذن ام درمان هي السودان
Author: khaleel
Date: 02-02-2006, 06:24 AM
Parent: #5
الله علي من امدرمان
طبعا امدرمان هي السودان
هي كرومة وسرور وابوصلاح وعمر البنا
هي الازهري والميرغني والمهدي
هي القبة والطابية
هي الاذاعة هي التلفاز
هي الهلال والمريخ والموردة
هي السيادة والرياضة
ولما اذكر لقانا في ربوع امدر هناك
في دياري البشتهيها وباركت حبي وهواك
|
Post: #7
Title: Re: لان السودان كله في ام درمان اذن ام درمان هي السودان
Author: ali elhassan
Date: 02-02-2006, 08:00 AM
Parent: #6
كيف انساها واتناسا
طريت ام در حليل ناسا
بجى راجع تانى
|
Post: #8
Title: Re: لان السودان كله في ام درمان اذن ام درمان هي السودان
Author: فرح
Date: 02-02-2006, 08:12 AM
Parent: #7
يا سلام على امدرمان وناس امدرمان
على اخوى تجى راجع ماشى تشرب شاى مش
ياها دى حركاتك
|
Post: #9
Title: Re: لان السودان كله في ام درمان اذن ام درمان هي السودان
Author: خالد
Date: 02-02-2006, 08:52 AM
Parent: #8
جكة يا ابو الخير
حافي حالق
بالطريق
الشاقي الترام
او كما قال
هي امدرمان وهي السودان
وهي الامان والسلام
|
Post: #10
Title: Re: لان السودان كله في ام درمان اذن ام درمان هي السودان
Author: Mutwali Malik
Date: 02-02-2006, 09:58 AM
Parent: #9
الشكر اجزله لكم بعض كوكبة امدرمان منتصر - الناظر اخوي-خليل- علي الحسن لازم ترجع- فرح- خالد
مهما كتبنا عنها فهي في الدواخل باحيائها القديمة والحديثة وتشعر وانت فيها بانك غير غريب اليد واللسان ويلاقيك اهلها بالترحاب وقد يستوقفك احدهم سائلا من انت ولاعجب عند ذكر اسمك يكون قريبك وتبداء موجة من الذكريات وسيل من الاسئلة وعلي قول احد اهلنا الرباطاب حضر للعزاء في امدرمان ومعه ابنه وطلب من ابنه ان يقوم بالاشراف علي غسل ايدي المعزين بعد الغداء وكل مايغسل لاحد يساله السوال المعهود اسمك -عمرك- من وين والولد يجاوب بكل ادب ولكن زهج عند سواله من وين فقال من البلد يقصد الرباطاب فقال له الرجل وجاي امدرمان لشنو فقال له جاي اغسل ليك ايديك وراجع طوالي
امدرمان لها ظرفائها وسوف نفرد لهم مساحة ولها ادبائها ولها سياسيها ولها ولها ولها والباب واسع لكل من يريد الولوج فيه
ودمتم
|
Post: #11
Title: Re: لان السودان كله في ام درمان اذن ام درمان هي السودان
Author: Ahmed El Gasim
Date: 02-02-2006, 04:42 PM
Parent: #10
الحبيب متولي مالك الطيب
التحية لامدرمان
قف: نصفي الاخر امدرماني!!! من
ولي عودة انشاء اللهلكم التحايااهل امدر
احمد علي القاسم
|
Post: #12
Title: Re: لان السودان كله في ام درمان اذن ام درمان هي السودان
Author: خالد
Date: 02-02-2006, 11:04 PM
Parent: #11
ويح قلبي الما انفك خافق
فارق ام درمان باكي شافك
يا ام قبائل ما فيك منافق
سقى أرضك صوب الغمام
في يمين النيل حيث سابق
كنا فوق اعراف السوابق
الضريح الفاح طيبه عابق
السلام يا المهدي الامام
من فتيح للخور للمغالق
من علائل ابروف للمزالق
قدله يا مولاي حافي حالق
بالطريق الشاقي الترام
|
Post: #13
Title: Re: لان السودان كله في ام درمان اذن ام درمان هي السودان
Author: خالد
Date: 02-02-2006, 11:07 PM
Parent: #12
أنا أمدرمان تأمل في نجوعي
أنا السودان تمثل في ربوعي
أنا إبن الشمال سكنتو قلبي
على إبن الجنوب ضميت ضلوعي
أنا أمدرمان
أنا أمدرمان سلوا النيلين عني
و عن عزمات فتاي عند التجني
سلوا الحادي سلوا الشادي المغني
فخير بنيك يا سودان مني
تجيش النفس بالآمال لكن
و لكن هذه لم لا تدعني
أنا أمدرماااااااااااااااان
أنا أمدرمان مضى أمسي بنحسي
غداً و فتاي يحطم قيد حبسي
و أخرج للملا في ثوب عرسي
و أبسم بعدما قد طال حبسي
و أهمس و الفضى يعلن همسي
و أهتف و الورى يعرف حسي
فيا سودان إذ ما النفس هانت
أقدم للفدى روحي بنفسي
|
Post: #15
Title: Re: لان السودان كله في ام درمان اذن ام درمان هي السودان
Author: حيدر حماد
Date: 02-03-2006, 00:19 AM
Parent: #13
الاخ متولى
هذه هى إجابتك على سؤال أى أم أمدرمان تعنى
امدرمان التي اقصدها هي القديمة
فهل أمدرمان الجديدة لا تعنى السودان ؟؟
هل الذين يقطنون أم درمان الجديدة سودانيين ؟؟؟
إذا كانت الإجابة نعم .. فلماذا الإستثناء ؟؟
ألم تقل أن أم درمان هى السودان ؟؟؟ فلماذا التفريق ؟؟
و إذا كانت أم درمان فعلاً تمثل كل السودان كما تقول .. فلماذا قام حمدى بك بضمها لدولته المثلثية فى ورقته الشهيرة و التى شطب فيها دارفور و الشرق و الجنوب ؟؟؟
أليس لأهل دارفور / الشرق / الجنوب حقاً فى هذه المدينة التاريخية ؟؟؟؟
و ماذا تقصد بأم درمان القديمة ؟؟ أم درمان الخليفة التعايشى الذى أسس " لاحظ لى كلمة أسس دى " معظم الأحياء القديمة من بيت مال لى ود نوباوى لى ملازمين و التى كانت تعج بأنصاره الغرابة الذين قام بتهجيرهم من مناطقهم البعيدة لمواجهة حيل و مؤامرات أولاد البحر الرافضين لسلطته لأسباب عرقية ... الخ .. أم أم درمان الإستعمار الإنجليزى وما تبعه من حقب ؟؟؟
الأخ خالد
لو كانت الأشعار تبنى أوطاناً ... لكان السودان دولة عظمى
قلت لى الشاعر قال : ـ
"أنا السودان تمثل في ربوعي
أنا إبن الشمال سكنتو قلبي
على إبن الجنوب ضميت ضلوعي "
العبارة الأولى فوقا شك ... أما الأخيرة دى مسيلمة زاتو بحتار فيها و يكفى حادثة الإثنين الشهيرة فى العام المنصرم
حشوة : فى مذكرات الظريف شوقى بدرى عن أم درمان .. ذكر أن شاعراً يدعى السر قدور قال له متأففاً " ياخى أم درمان إتملت غرابة و عبيد " فرد عليه أخونا شوقى " طيب ما زى ما إنت هاجرت من شماليتك لى هنا , هم برضو هاجروا من مناطقهم " فبهت المتشاعر !!!
|
Post: #14
Title: Re: لان السودان كله في ام درمان اذن ام درمان هي السودان
Author: حسام شبيكه
Date: 02-02-2006, 11:54 PM
Parent: #11
الرباطاب مالم
هسه اكلم لك سجيمان
|
Post: #16
Title: Re: لان السودان كله في ام درمان اذن ام درمان هي السودان
Author: على احمد على
Date: 02-03-2006, 05:31 AM
Parent: #1
[]
يا حليل امدرمان ... زمان
|
Post: #17
Title: Re: لان السودان كله في ام درمان اذن ام درمان هي السودان
Author: najua hussain
Date: 02-03-2006, 06:24 AM
Parent: #16
يكفي أن أقول:
أنا أمدرمان .. أنا السودان .. أنا الدرة البزين بلدي.
|
Post: #18
Title: Re: لان السودان كله في ام درمان اذن ام درمان هي السودان
Author: Shao Dorsheed
Date: 02-03-2006, 08:31 PM
Parent: #1
| Quote: لان السودان كله في ام درمان اذن ام درمان هي السودان |
| Quote: امدرمان التي اقصدها هي القديمة |
جينا توووش قلنا نلقي ليناهته في امدرمان ....تاري الهكايه فيها تبش و بتيخ
سنفره:
هيرتونا
|
Post: #19
Title: Re: لان السودان كله في ام درمان اذن ام درمان هي السودان
Author: Mutwali Malik
Date: 02-05-2006, 09:59 AM
Parent: #18
الشكر موصول لكل من تصفح هذا البوست وكل من شارك بالكتابة
اخوتي احمد القاسم - حيدر حماد - حسام شبيكة- علي احمد علي - نجوي - خالد - شاو
انا في كلامي وجهت دعوة الي كل امدرمانئي البورد للمشاركة
وقلت رجعت بي الذاكرة الي تلك الايام
امدرمان لها ظرفائها وسوف نفرد لهم مساحة ولها ادبائها ولها سياسيئها ولها ولها والباب واسع لكل من يريد الولوج فيه
اخي حسام انا رباطابي ياباني يعني اصلي وسجيمان قريبي
اخي شاو الحكاية لافيها تبش لابتيخ نزلت اهلا وحللت سهلا انت في امدر- امان
اخي حماد انا لابحب السياسة لا بتكلم فيها وهذاالبوست لامكان للسياسة فيه رجاء الموضوع واضح انا اتحدث عن ذكريات امدرمان زمان والايام الجميلة التي عشناه
ودمتم
|
Post: #20
Title: Re: لان السودان كله في ام درمان اذن ام درمان هي السودان
Author: سلمى الشيخ سلامة
Date: 02-05-2006, 11:44 AM
Parent: #1
الابن العزيز متوكل مالك ، تحياتى ،وامدرمان هى ملهمة خليل عبد الله الحاج اول رواية سودانية (انهم بشر ) تحدث فيها عن فريق العمايا ،وكيف كانت الحياة تدار فى اوائل الخمسينيات كتب عنها خالد الكد ، وكذا فعل على المك ، وهما يرحمهما الله من خير البشر الذين انجبتهم المدينة ، اليهم يضاف على عبد القيوم الذى راى فيها بؤرة التلاقح السودانى الاكمل ، وهى من تبنت عبد الخالق محجوب ، وفاروق ابوعيسى ، وهاشم صديق ، وزيدان ابراهيم ، وعمر الشاعر وابراهيم حسين وخدر الحاوى وابنه عبداللطيف خدر ، ابراهيم عوض ، سيف الدسوقى ،وعبد الرحمن الريح ، خرجت منها الحقيبة والمسرح ممثلا فى خالد ابو الروس والعبادى ، انجبت ولم تكل ، خرج منها الكرويون والمؤرخون مكى شبيكة ومنها الهاشماب والابروفيون ، محمد احمد المحجوب وحسن نجيلة انتموا اليها حتى الذين جاءوا من اصقاع اخرى اوتهم والبستهم فيضها ، لانها امدرمان التى (جابت ) العميرى من الابيض والسنى دفع الله من مدنى ،وغيرهم يا صديقى وابنى العزيز فهى شجن لا ينتهى وحب بلا نهاية ، فيها كان يصدح ابراهيم عبد الجليل وسرور والامين برهان ، وغيرهم من عظماء الايام الخوالى فى الغناء والادب شهدت ندوة عبدالله الامين فى الستينات ووحتى رحيل الاستاذ الفذ عبدالله حامد الامين ، شهدت( كشو )اشهر نساء العباسية اسميناها بذلك الاسم لانها كانت تجمع العلب الفارغة من الصلصةوتجول بها فى الانحاء ، حنينة (ست الصحة )اشهر من اشتغل فى الصحة ، كانت تجوب المدينة لابسة (مركوبها وعراقيهاوطرحتها ، وتركب العجلة ، تضع السفة وتدخن البرنجى)وغيرها الطيب ود مهلة اشهر الذين تعلموا فى كلية غردون لكنه انهك ذاته بالخمر ، وهى امدرمان التى قدمت للاذاعة السر محمد عوض، صلاح الفاضل ، ومعتصم فضل،والعديد يا صديقى توفيق صالح جبريل ، وصلاح احمد محمد صالح ،وابنه عبد الرحمن احمد المذيع اللامع ، وكذا علم الدين حامد ، وذو النون بشرى ،والقائمة تطول ففيها صلاح احمد ابراهيم ، واخوته ، والمؤرخ الراحل عصمت حسن زلفو ، وهاشم بدر الدين ووالده اشهر المدرسين فى السودان ، السر دوليب ، وكثيرون منهم فخر الدين محمد الدبلوماسى المعروف ، واول ممثلة سودانية جابت البلاد صحبة الفرقة المشهورة (فرقة السودان للتمثيل )بقيادة ميسرة السراج ، الفنانة سارة محمد التى ماتت فى مستشفى التجانى الماحى فى التسعينات، ومن اضيف ؟ عائشة الفلاتية ، و... القائمة تطول ... هذا ما عن لى من اثر امدرمان
|
Post: #21
Title: Re: لان السودان كله في ام درمان اذن ام درمان هي السودان
Author: على احمد على
Date: 02-05-2006, 12:44 PM
Parent: #1
æÏãÊãاخي حماد انا لابحب السياسة لا بتكلم فيها وهذاالبوست لامكان للسياسة فيه رجاء الموضوع واضح انالا اتحدث عن ذكريات امدرمان زمان والايام الجميلة التي عشناها
اخى متولى
لك التحايا بالرغم من انه البوست جميل وبعيد عن السياسه وقرفها
لكن فى ناس فعلا فى البورد ده مصرين على انه اى شى يكتب هنا لازم تكون فيه سياسه
حاجه غريبه فعلا ... وفى النهايه يطلعوك عنصرى ... وديل طبعا ناس ما من امدرمان
بالله واصل فى البوست
وما تهتم
ودى
|
Post: #22
Title: Re: لان السودان كله في ام درمان اذن ام درمان هي السودان
Author: Mutwali Malik
Date: 02-05-2006, 01:45 PM
Parent: #21
الاخوة الكرام تحياتي
الاستاذة سلمي الشيخ سلامة لكي التحية وانت تورخين لامدرمان وهذا هو السبب الذي دعاني لفتح هذا الموضوع وشاكرا لك كل الاشياء التي ذكرتيها وانا من مواليد حي الامراء يعني معظم الاسماءالتي ذكرتيها باعرفها وترعرت في العباسية وحي العرضة وجدي بابكر بدري رائد التعليم النسؤي وعبد الخالق محجوب متزوج عمتي نعمات مالك رجاء المواصلة يارائعة
اخي علي انا رائ في السياسة كما قال العلامة البروفسور عبدالله الطيب حينما سأل عنها فقال اما السياسة فهذا بحر لااخوض فيه
متولي الطيب مالك
|
Post: #23
Title: Re: لان السودان كله في ام درمان اذن ام درمان هي السودان
Author: khaleel
Date: 02-05-2006, 02:05 PM
Parent: #22
بديك قلبي وما تودرو
وريهو الشباب الحلو
الفي ودارو
الجمال ياناس
سوا لي خلعة
تجيك الواحدة
ماشة منفدعة
العيون كبار
والخشم ودعة
في الركابية
وحي القلعة
التحية لاحياء امدرمان
التحية لظرفاء امدرمان
التحية للهادي نصرالدين
وتحية سرمدية
لروح كمال سينا
وموسي ود نقاش
واحمد داوود
|
Post: #24
Title: Re: لان السودان كله في ام درمان اذن ام درمان هي السودان
Author: حيدر حماد
Date: 02-05-2006, 02:43 PM
Parent: #22
الأخ متولى
إنت قلت فى عنوانك أم درمان هى السودان .. و بما أننى من هذا السودان فلى الحق فى الحديث عن المدينة التى تقول أنها تمثلنى .. سألوك ياتو أم درمان تقصد ؟ جاوبت بأنك تقصد أم درمان القديمة " طبعاً " ... لو كانت إجابتك بقصد أم درمان القديمة و الجديدة و ما قد كانت و ما ستكون لأنها المدينة الوطن التى تحضن الجميع دون فرز .. لو دى كانت إجابتك ما كان عافرنا و إتسايسنا معاك .. عرفت ؟؟ بعدين مداخلات البعض تدفع البوست دفعاً لإقتحام السياسة التى تنفر منها ... أنظر لهذا المثال
Quote: حاجه غريبه فعلا ... وفى النهايه يطلعوك عنصرى ... وديل طبعا ناس ما من امدرمان
|
يا ربى ناس أم درمان ديل عندهم وشم خاص فى وشوشم و لا عندهم بطاقات خاصة بيهم ؟؟
لاحظ أنو العبارة دى طوالى تسفت عنوانك بتاع أنو أمدرمان هى السودان
على أى حال واصل فى سرد ذكرياتك عن مدينتك .. عفواً مدينتنا " مش قلت هى تمثل كل السودان ؟؟ " ... أكتب عن موسى العجلاتى و نصرة و قسمة ودكتور أمين بتاع العباسية وود نفاش و بت قضيم و أبو قبورة و تور الجر و هلم جرا و سمك الموردة و صيرها
رمية أم درمانية :
ما المقصود بالأمراء؟؟
و لماذا سمى بذلك ؟؟
|
Post: #25
Title: Re: لان السودان كله في ام درمان اذن ام درمان هي السودان
Author: خالد
Date: 02-05-2006, 10:25 PM
Parent: #24
Quote: الأخ خالد
لو كانت الأشعار تبنى أوطاناً ... لكان السودان دولة عظمى
قلت لى الشاعر قال : ـ
"أنا السودان تمثل في ربوعي
أنا إبن الشمال سكنتو قلبي
على إبن الجنوب ضميت ضلوعي "
العبارة الأولى فوقا شك ... أما الأخيرة دى مسيلمة زاتو بحتار فيها و يكفى حادثة الإثنين الشهيرة فى العام المنصرم
حشوة : فى مذكرات الظريف شوقى بدرى عن أم درمان .. ذكر أن شاعراً يدعى السر قدور قال له متأففاً " ياخى أم درمان إتملت غرابة و عبيد " فرد عليه أخونا شوقى " طيب ما زى ما إنت هاجرت من شماليتك لى هنا , هم برضو هاجروا من مناطقهم " فبهت المتشاعر !!! |
ياخ اختشي انا اعرف كيف انو الشاعر قاصد شنو بعد داك ياخ القال منو انو الشاعر ده ما من الجنوب ولا من الغرب ولا من الشرق ولا من الشمال بعد داك ياخ تعال الزول ده قال ليك امدرمان كل السودان كل السودان ليه لانو فيها المن الجنوب والشرق والغرب والشمال وحتى الوسط ؟
بعد داك الاشعار ما بتبني الاوطان عشان الناس بتفهما زي فهمك ده ؟
شوقي بدري بن امدرمان ورباطابي ولا يفصل بين السودانيين كما فصلت انت ؟
لو عايز بوستات دارفور ناس دارفور قاعدين يا اخوي وبستاتهم كتيرة وماليه البورد ولو دايرني انزلها ليك بنزلها !
اخر خبر
الشكر للاستاذة سلمى على هذه الكتابة السلسة
|
Post: #26
Title: Re: لان السودان كله في ام درمان اذن ام درمان هي السودان
Author: حيدر حماد
Date: 02-05-2006, 11:32 PM
Parent: #25
Quote: ياخ اختشي انا اعرف كيف انو الشاعر قاصد شنو بعد داك ياخ القال منو انو الشاعر ده ما من الجنوب ولا من الغرب ولا من الشرق ولا من الشمال بعد داك ياخ تعال الزول ده قال ليك امدرمان كل السودان كل السودان ليه لانو فيها المن الجنوب والشرق والغرب والشمال وحتى الوسط ؟
|
أنا ما سألتك من قصد الشاعر يا أبو طاقية.. هل إنت شايف كلامو ده حاصل فى أرض الواقع ؟؟
Quote: بعد داك الاشعار ما بتبني الاوطان عشان الناس بتفهما زي فهمك ده ؟
|
هوووى يا زول هوى ... أنا بفهم الشى الشايفو قدامى , مذابح فى الشرق و الجنوب و جبال النوبة و دارفور .... دايرنى أفهم ليك شعر واحد حلمان و مسطول و ضارب همبريب أبروف جنب البحر ؟؟؟
Quote: شوقي بدري بن امدرمان ورباطابي ولا يفصل بين السودانيين كما فصلت انت ؟
|
إنت لو فهمت القصة بتاعتو مع الشاعر داك ... ما كان كتبت كلامك ده ... كدى أرجع البصر كرتين ... و ليت كل الناس كانوا كشوقى بدرى فى وضوحه و شفافيته و فهمه للآخرين
Quote: لو عايز بوستات دارفور ناس دارفور قاعدين يا اخوي وبستاتهم كتيرة وماليه البورد ولو دايرني انزلها ليك بنزلها !
|
ده الكلام .. قلت لى البورد كله دارفور دارفور دارفور دارفور ... البورد ملان و مدفق بى دارفور ... معليش يا أبو الخلد .. إستحملهم شوية .. ياخى الناس ديل فقدوا حوالى نصف مليون قتيل و عندهم زى إتنين مليون قاعدين فى المخيمات .. فما تزهج منهم .. ديل ناس بشاركوك فى الوطن و الدين و الإنسانية ... معليش .. قطعت ليك حبل الذكريات الجميلة عن مدينتنا التاريخية أم درمان ... واصل فى سرد أشعارك و حكاويك .. بس بالله بدون تجضيم ...
آخر خبر منى أنا ده :
أنا ماشى يا أبو الخلد .. خت عينك فى البوست ده مع أخونا متولى ود الأمراء ... نتمنى ليكم سياحة ممتعة مع الأشعار الجميلة و الذكريات المعبقة ببخور التيمان ... أما أنا ماشى أشوف بوستات إقليم بعيد و جريح و منسى إسمو دارفور و فوقو كارثة إنسانية ما دايرة تدى أولاد المدن الكبيرة نفس .... ودعتك لى الله يا خالد .. حظاً سعيداً
|
Post: #27
Title: Re: لان السودان كله في ام درمان اذن ام درمان هي السودان
Author: محمد الواثق
Date: 02-05-2006, 11:37 PM
Parent: #1
دعـوا أمـدرمان تـغني
مـأمــون الرشيـد نـايــل
أيها الباسط كفّاً للوداع
أسرج مطاياك
وعجّل بالرحيل
أضرب إلى قلبك
أكباد الليالي
وتوشح
ببريق القمر الفاضح
والوجد النبيل
فإذا ما ناحت الريح
على الدرب الطويل
فترنم بحداء العاشقين
دع الدوبيت[1] يسري
في الفلاة بلا دليل
وإذا أبصرت في العتمة لهباً
يتمطى بين عينيك وبين الرمل
في الدرب البعيد
لا تخف!!
إنّهن بنات الجن
في ثوبٍ من النار
يرتلن تباريح القصيد
قل لهن
يا بنات الجن
أوقدن بخور المسك والصندل
جمراً في الوريد
ثم أرقصن قليلاً
علّ بعض الحزن ينزاح
عن القلب العليل
أيها الباسط كفّاً للوداع
أسرج مطاياك
وعجّل بالرحيل
فإذا جئت إلى وادٍ غريب
ورأيت الأرض تزهو
بخيوطٍ من نضارٍ
تتدّلى من سماوات المغيب
ورأيت الأزرق الداكن والأبيض[2]
في سحر الغروب
ينسجان من السنا درباً
هو الأجمل في كل الدروب
طأطئي الرأس!!
فأنت بحضرة النيل الحبيب!
أغرف من الماء الزلال
بكفك الواهن قطرة
أروي ظمأ العاشقين
خذ من تراب
الشاطئ الحالم زهرة
لقلوب الحالمين
ثم أجلس مطمئناً
بجوار المقرن[3] الخالد
وابعد عن فؤادك
مُرّ الذكريات
وهمّ قال..وقيل
أدر الطرف وأشهد
مولد الروح
عناق الكائنات
وموكب السحر الجميل
فإذا ما رنّ صوتٌ
وسمعت قافيةً
منغمةً بالعشق والنشوة
تضحك للنيل
وتشدو بين أحضان الأصيل
قف وأنصت!!
إنها امدرمان تدعوك
إلى شئٍ من الكسرة[4] والقهوة
في ظل النخيل
أيها الباسط كفّاً للوداع
أسرج مطاياك
وعجّل بالرحيل
عرّج على بعض الذين
توسدوا الأحلام أعواماً
وذابوا في الزحام
سلْهم!! أكان خيارهم
أحلام أهل الصفوة المتنعمين
أم صفوة الأحلام؟؟
وإذا مررت بآخرين
يصادرون
من الشفاه اليابسات
حلاوة الدنيا وطعم الابتسام
قل لهم
إن الحياة قصيرةٌ ومريرةٌ
شيئاً من الرحمة بالقوم الكرام
يا من أضعتم
لذة الفرحة في القلب
ولحظات التمني
دعوا امدرمان للحب تغني
’احرموني ولا تحرموني[5]
سنة الإسلام السلام’
دعوها تشرئب لمطلع النور
وترنو
لشعاع الضوء في الليل الطويل
أيها الباسط كفّاً للوداع
أسرج مطاياك
وعجّل بالرحيل
قد تلتقي بضريح المجد درويشاً[6]
في الجبّة المنسوجة الأطراف
من قوس قُزح
وعلى الجبين مرارة الأعوام
في كفّه السيف الذي
دانت لسطوته جباه الغاصبين
فابدأ بالسلام
قل له
يا من سموت إلى العلا
والمجد في درب الإمام[7]
أيا درويش
في سحّارة[8] الجدّة
لم نجد الوصايا[9]
بعد أن بتنا
نلوم…ولا نُلام
يا من قهرت
ذوي العيون الخُضر[10]
عذراً
إننا صرنا حمامات سلام
ذوو العيون الخُضر
جاءوا في غيابك
وكنا قد نسينا
كيف كان السيف
يعمل في يديك
وكيف كان الحق
يشرق من عذابك
جاءوا ثم ولّوا في الظلام
لم يقنعوا في هذه المرة
بالذهب المُكدس
في ذُرى شنقول[11]
أو ريش النعام
دسوا في حقائبهم
كل الوطن
سهله وجباله
صخره ورماله
شمسه وهلاله
ومجده في غابر الأيام
تركوا لنا شيئاً من الكلمات
عن حُكم الشعوب
وعن حق الشعوب
وعن حرية الكلام
فأمضينا السنين لا نقتات
إلا إرث السادة العظام
وحينما تدافع الأنين
في البطون الخاويات
لجأنا للسيوف المرهفات
وجاد ذوو العيون الخُضر
ما بخلوا
بالراجمات القاذفات الهالكات
ودخلنا
بشعار الاخوة الأعداء
معركةً تواري في رحاها النصر
لا تنتج إلا كل منهزمٍ وخاسر
بعدها صرنا كأشباحٍ
تدب على الثرى
أو عند أهل العالم العلوي
سكان مقابر
كلما ننجب طفلاً
عبقريَ النزعة
تكمن في عينيه
أسرار المفاخر
تلفّت..لم يجد اسماً ولا وطناً
تلفّت لم يجد
غير عيونٍ بائساتٍ..وحناجر
تصرخ يا شريد
إن شئت أن تحيا فهاجر
واكتشفنا آخر الأمر بانّا
قد نقلنا
محن البؤس والفاقة من جيلٍ لجيل
أيها الباسط كفّاً للوداع
أسرج مطاياك
وعجّل بالرحيل
قد أطال الشوق سهدٌ بعد بيْن
فكيف يغفو الليل في ليلٍ
وهذا مضجعي مازال يستجدي
الكرى من فرقدين
قلت للطيف الذي
يحبو على كتفيَ أو
ينساب من عينٍ لعيْن
دعني!!
فلا فرحاً أبعثره عليك
وليس عندي
غير قافيةٍ من الحزن المقيم
ودمعتين
ليس عندي
غير همسٍ من صدى ماضٍ
تمرّغ في ترابكِ يا امدرمان
فاقتربي
الشعر يهتف للهوى
إن يُسفِر الحسـن وضّـاحاً فمـا أرَبي
أو يسـجع الطـير صـدّاحاً فما طرَبي
جـاءت تـزورك امدرمـان باكيـةً
فامسح دموع الأسى عن خـدّها الترِبِ
تـاهت زمـاناً بأفـكـارٍ مسممـةٍ
كانت أمـرّ مـن الطـاعون والجرَب
سلها أتجـزع من طـغيـان عسكرها
أم مـن تكبر بعـض السـادة النُجُـبِ
ومضيت يا امدرمان في ولهٍ
أحذو ’وقلبي مترعٌ بالشوق
حذو فتاك في الزمن الخرافي[12]
أطوف على الديار
والثم الأشجار والأحجار
مشغوفاً حليق الرأس حافي
هل تبت يا مسكين
عن هجرٍ أقام بمقلتيك؟؟
أم هل تراك
على دروب الصبر والسلوان
أدمنت المنافي
فيا امدرمان
في عيْنيَ أنتِ
في حلمي
وفي كبدي
وفي وجع القوافي
أتعلم من سمائك
سيرة الماضي
ومن عينيك…قهر المستحيل
أيها الباسط كفّاً للوداع
أسرج مطاياك
وعجّل بالرحيـــل
|
Post: #28
Title: Re: لان السودان كله في ام درمان اذن ام درمان هي السودان
Author: Mutwali Malik
Date: 02-06-2006, 09:58 PM
Parent: #27
الاخوة جميعا لكم التحايا
اتصل بي عدد من الاخوان بريدون ان يشاركو في سرد بعض الطرائف وظرفاء امدرمان بدا من الهادي نصرالدين وودنفاش وجادكريم ورواد دار الرياضة قسم والد فار وكفتيرة وهرت وخرستو قاري الجريدة وسوف اقوم بكتابتها مع التنويه بذكر اسمائهم
وتحضرني طرفة احد رواد الدار اتي بعد ان مر علي حواء كلاب واخد المعلوم وذهب لحضور المبارة وهو منتشي للاخر ولكن بدل مايقيف في صف دار الرياضة وقف في صف الدايات والغريبة انو نفس الملامح والشبه ونفس السبورة السوداء وعند وصوله للبوابة قراء المكتوب في السبورة التطعيم ضد الجدري وضحك كثيرا وقال ناس الدار ديل جنو ولا شنو دي فرق شنو الجابوه لينا دي
اخي محمد الواثق لك التحية
|
Post: #29
Title: Re: لان السودان كله في ام درمان اذن ام درمان هي السودان
Author: Ridhaa
Date: 02-06-2006, 11:50 PM
Parent: #1
سلام
المحطة الوسطى .. العم المرحوم عبدالكريم الزبير أبوكسكته رئيس نقابة سائقي
التاكسي - ورئيس رابطة مشجعي نادي الهلال
عباس رشوان
الاكسبريس
الحاج نقدالله
سورج
فيتال
سوق الجلود
العدني
أبومرين
التيمان
فندق حمدتو
سوق الدهب - ناس تبيدي
سوق العناقريب - محل ناس عوض كري
فينوس للحلاقة- صالون كان يجتمع فيه شعراء وأدباء أمدر
سعد الشيخ للعطور
عوض الشايقي للمايكرفونات
حلويات الدانوب لصاحبها يعقوب محمد عبدالله
حلويات الطيب سيد مكي
حوش ناس أبوالعلا
برعي المصري - للزبادي والشعير
الصالون الأخضر للحلاقة لصاحبه عطا
طاحونة الملح - لصاحبها العم متوكل - محطة مكي ودعروسة
صينية مكي والجاويش العم أحمد جبريل
بيت الكسرة - صينية مكي
..
.
.
.
ونواصل
|
Post: #30
Title: Re: لان السودان كله في ام درمان اذن ام درمان هي السودان
Author: Ridhaa
Date: 02-07-2006, 01:23 AM
Parent: #1
ميامي
ستوديو الوادي
نعرج على ميدان البوستة :
جورج مشرقي
قهوة يوسف الفكي
المكتبة الوطنية
مطعم وفندق السطح
ستوديو ديراني
سينما الوطنية
راديو وتلفزيون امدرمان
عمارة الحرية
عمارة محمد حسين
سينما امدرمان
مدرسة وادي سيدنا الثانوية
الاميرية الوسطى
.
.
.
.
ونواصل
|
Post: #31
Title: Re: لان السودان كله في ام درمان اذن ام درمان هي السودان
Author: بت امدر
Date: 02-07-2006, 06:43 AM
Parent: #30
امدرمان حبي الابدي
صدقا تحدثت يابن امدر الغالية
انها جميلتنا الغالية
|
Post: #32
Title: Re: لان السودان كله في ام درمان اذن ام درمان هي السودان
Author: الناظر
Date: 02-07-2006, 11:45 AM
Parent: #1
عزيزى ابن امدرمان البار ود حي الامراء
امدرمان الاصاله امدرمان الحضارة امدرمان النطارة امدرمان الاماني و الامل امدرمان الدر امدرمان الروعة
حروفها تحكي عن تريخها
الاف الف الالة , الف الابتداء في اللغه العربية
و الميم ميم المناء و الاماني و الامان
و الدال دال الدر و الديار
و الراء راء الروعه و الرومانسية
و الميم ميم المال و بيت المال
و الالف الف امدرمان زمن زمان
و النون نون النصر و نون النطارة
فكيف لنا ان نتكلم عن امدرمان وامدرمان انجبت و ماذلت تنجب اهل الدين و العلماء و المبدعين . صدرها رحب رحبت بكل اهل السودان من شرقو ال غربو و من جنوبو الي شمالو عاشو في سلام و وئام ذكراياتهم ماذلت تغلغل خلجاتنا.
فحينما يحكي اخوانا بالسياسة فنحنو خارج الفورمة و حينما كانت السياسة في امدرمان فكانت تصبر في نهر معين و ليست سياسة اليوم التي تشيباها شوايب راسخه في عقول بعض الاخوان فنسال اللة ان يزيح هذا الفهم وان نعيش في سلام و امان في امدرمان جديدة و قديمة او قري مجاورة
|
Post: #33
Title: Re: لان السودان كله في ام درمان اذن ام درمان هي السودان
Author: على احمد على
Date: 02-07-2006, 01:46 PM
Parent: #1
((| Quote: فينوس للحلاقة- صالون كان يجتمع فيه شعراء وأدباء أمدر |
))
اها بقى كده انت ... وصلت حلتنا
الله يديك العافيه
|
Post: #34
Title: Re: لان السودان كله في ام درمان اذن ام درمان هي السودان
Author: على احمد على
Date: 02-07-2006, 01:51 PM
Parent: #1
الاخ متولى
تحياتى
يا خى مبروك للاخ خالد الباشا المولود الجديد...
بالله واصل فى البوست وادينا من ظرفاء امدرمان شويه
|
Post: #35
Title: Re: لان السودان كله في ام درمان اذن ام درمان هي السودان
Author: على احمد على
Date: 02-07-2006, 01:55 PM
Parent: #1
| Quote: طاحونة الملح - لصاحبها العم متوكل - محطة مكي ودعروسة |
الاخ رضا
وانا اقول شايفك وين
بالله ده انت ؟
|
Post: #36
Title: Re: لان السودان كله في ام درمان اذن ام درمان هي السودان
Author: Mutwali Malik
Date: 02-08-2006, 09:46 AM
Parent: #35
اوفياء امدرمان سلام يغشاكم من هنا لعندكم
الشكر لكل امدرماني لمس فيه هذا البوست وترا حساسا
اخي رضا واصل وماتحرمنا من ذكرياتك البوست حقك ومتابع لزقاق الصابرين حتي عودة قريبي شوقي بدري
بت امدر شكرا للمرور وواصلي
الناظر كفيت ووفبت وفي انتظار مالذ وطاب من ظرفاء السروراب
اخي وصديقي احمد علي ياراجل اظهر وبان عليك الامان وصالون فبنوس للحلاقة وقهوة الظافر وحلويات الطيب سيدمكي وشريف واصل مع تقديري والف مبروك لود الباشا ابو مصطفي
لناعودة مع الهادي نصرالدين والشهير بالضلالي
|
Post: #37
Title: Re: لان السودان كله في ام درمان اذن ام درمان هي السودان
Author: على احمد على
Date: 02-08-2006, 01:01 PM
Parent: #1
يا متولى
ذكريات( تلودى الثانويه) والزملاء بالله ما تنساها...
|
Post: #38
Title: Re: لان السودان كله في ام درمان اذن ام درمان هي السودان
Author: على احمد على
Date: 02-08-2006, 02:03 PM
Parent: #1
أمدرمان
الاصالة
العاصمة الوطنية
الاذاعة
التلفزيون
المسرح القومي
الاهلية
المؤتمر
وادي سيدنا
محمد حسين
بيت الازهري
الهلال
المريخ
الطابية
بيت الخليفة
الطيب سيد مكي
برعي المصري
اسماعيل مجذوب
اولاد كايرو
عوض عمر الامام
عثمان الديم
مازدا
عثمان الصبي
سينه
عقارب القلعة
المكتبة المركزية
صلاح بريتش
ميدان البيان
الشهداء
قلعة صالح حبريل
حي العرب
المسالمة
حي العمدة
على الله
الموردة
بانت
ناس قدح الدم
خشم الموس
مكي ودعروسة
متوكل أبو الروي
آل السراج
ميدان البحيرة
معهد القرش
آل نقدالله
زقاق اللولوي
النعير
الصادق الجان
ناس كبسور
موسى نفخو
أسامة سكسك
عتوقة
آل الشفيع
بيت المال
ودأرو
بت بتي
|
Post: #39
Title: Re: لان السودان كله في ام درمان اذن ام درمان هي السودان
Author: Mutwali Malik
Date: 02-13-2006, 10:04 AM
Parent: #38
احبائي امدرمانيئ البورد سلامات
سوف نتطرق الي شخصيات امدرمانية وهذه بمثابة دعوة للكل للكتابة عن ظرفاء امدرمان وافوال امدرمان وعتاولة امدرمان ورواد دار الرياضة وسينمات امدرمان وكورة امدرمان وكل شئ عن امدرمان سمك الموردة وصيرا السكي وترنتي وبلة في ابوروف والجان وابوصليب وبرعي واخيرا الواحة واحد واتنين والكوتش في خور ابوعنجة وسماسم في الثورة الحارة السابعة
وظرفاء امدرمان الهادي الضلالي- قريب الله ابوصلعة لاعب الهلال وابوروف واخوه الهادي رمضان - جاد كريم - كفتيرة - خرستو والكثيريين
لنا عودة بالتفصيل
ودمتم
|
Post: #40
Title: Re: لان السودان كله في ام درمان اذن ام درمان هي السودان
Author: الناظر
Date: 02-14-2006, 01:07 AM
Parent: #1
يا متولي نسيت اهم شخصين مدوح جباره و جمال شنطة
|
Post: #41
Title: Re: لان السودان كله في ام درمان اذن ام درمان هي السودان
Author: Ridhaa
Date: 02-14-2006, 03:47 AM
Parent: #1
طلقها
وداعة الديك
عوض طراش
أحمد فونية
المرحوم سعيد خيرالله ( بلبوط )
المرحوم اسماعيل برجل
.
.
.
.
شركة النور
سوق الزلعة
أجزخانة أبونخلة
نادي الخريجين
مغلق الفاتح سلمان - شارع المهاتما غاندي
اجزخانة الام
اجزخانة الحياة
المرحوم الفنان ابراهيم الكاشف مدفون في وسط مقابر أحمد شرفي
مقبرة النصراني - قبل المطبعة العسكرية على يسارك وانت ماشي
الكلية الحربية - مدفون بها بعض قتلى الانجليز زمن الاستعمار .
اسماعيل مجذوب - الطهار
.
.
.
.
العمدة :
مدرسة أسماء فوزي
داموك
ناس تاج السر على الشيخ
ناس عثمان صالح - شرق شارع كرري
عيادة الدكتور علي البدوي المبارك - مؤلف مسرحية الدهباية
.
.
.
.
.
نرجع للثورة بالنص :
الحارة الرابعة- قهوة الجعلي
مستشفى البلك
ليمون الاطرش - مابين الحارة الرابعة والسابعة
محلات سفسفة - الركن الجنوبي الغربي للحارة الثامنة
.
.
ناس عرقلة وعصابة الرومان
|
Post: #42
Title: Re: لان السودان كله في ام درمان اذن ام درمان هي السودان
Author: الناظر
Date: 02-14-2006, 05:36 AM
Parent: #1
سلام يا ناس ادرمان و كمان سلام لي الجيران
اذكر ايام حظر التجول . اتذكر في الكبري مابين السابعه و الرابعه كشك عبدالقادر بتاع الليمون جوه العسكر بسالهو لية فاتح الى الان مع وجود حظر التجول و المسكين ما عارف بقلو في شنو شبكم ليمووووووون شعير
|
Post: #43
Title: Re: لان السودان كله في ام درمان اذن ام درمان هي السودان
Author: khaleel
Date: 02-14-2006, 05:42 AM
Parent: #42
وين
سمك السوكي
وسمك الشيخ
وفاخر الكوتش
وفول ابو صليب والجان
ولبن قاسم
وقهوة الظافر
|
Post: #44
Title: Re: لان السودان كله في ام درمان اذن ام درمان هي السودان
Author: Ridhaa
Date: 02-14-2006, 02:51 PM
Parent: #1
مدرسة الأساس
مدرسة الهجرة - تخرج فيها الرئيس الاسبق المشير جعفر نميري
مدرسة المشاة - الاستاذ القدير معلم الاجيال بشير ابراهيم صالح
مدرسة الرشاد - محطة عشرين
.
.
.
حديقة الجندول
الريفيرا
سمك الموردة
اسبيرات كوجاك
محل تصليح المواتر بالموردة
سوق الموردة
آل سطيح
نادي الضباط
مدرسة الاحفاد
بازار الاحفاد
البرتش كاونسل - أمناء المكتبة جون وعصمت
رواد البرتش المرحوم صلاح برتش - الاخ الوجيه عماد حسين
المحكمة
البلدية
الاوسط
شركة النور
ميدان المولد
جامع الخليفة
بيت الخليفة
مركز شباب امدرمان
دار فلاح
القشلاق
السجن
معهد القرش الصناعي - العم مالك الزاكي
محلات فاربتر
الانجيلية
مستشفى المناطق الحارة بالملازمين
سوق الصور
ميدان البحيرة
آل نديم عدوي
أل المادح
.
.
.
.
.
ونواصل
|
Post: #45
Title: Re: لان السودان كله في ام درمان اذن ام درمان هي السودان
Author: Ridhaa
Date: 02-14-2006, 03:31 PM
Parent: #1
السوق الجديد
العم عثمان كايرو
فول العم أحمد سعد
الفنان صلاح محمد عيسى
العم عثمان أحمد جميل - رئيس وشيخ حي ودنوباوي
موسى ودنفاش
الصادق الجان
الهادي نصرالدين
طيارة الامام
المرحوم قريب الله خليل سواق الهادي
.
.
.
.
.
ونواصل
|
Post: #46
Title: Re: لان السودان كله في ام درمان اذن ام درمان هي السودان
Author: Ridhaa
Date: 02-14-2006, 05:41 PM
Parent: #1
المهندس أحمد دولة
دكتور هاشم عجيب - لاعب فريق ودنوباوي
مجدي ودنوباوي
نقد - لاعب ودنوباوي
.
ونواصل
|
Post: #47
Title: Re: لان السودان كله في ام درمان اذن ام درمان هي السودان
Author: على احمد على
Date: 02-14-2006, 05:47 PM
Parent: #1
| Quote: محل تصليح المواتر بالموردة |
ده محل العم جلال ... وولده محمد
|
Post: #48
Title: Re: لان السودان كله في ام درمان اذن ام درمان هي السودان
Author: على احمد على
Date: 02-14-2006, 05:50 PM
Parent: #1
حى السيد المكى ... من اعرق الاحياء
حى السوق من المحطه الوسطى وانت ماشى ابوروف
ده الشارع الطريق الشاقيه الترام
|
Post: #49
Title: Re: لان السودان كله في ام درمان اذن ام درمان هي السودان
Author: Ridhaa
Date: 02-14-2006, 06:08 PM
Parent: #1
محطة ودأرو
مخبز الشايقي
بت بتي
في الركن الجنوبي الغربي لمحطة ودأرو كان في واحد بيبيع تسالي مقلي في الفرن
وكانت هناك طلمبة بنزين في الركن الشمالي الشرقي .
مكتبة طه الكد في الناحية الشمالية الغربية للمحطة
سوق الشجرة .
اللبخ
معدية أبوروف / شمبات
زريبة الحطب
.
.
.
.
.
ونواصل
|
Post: #50
Title: Re: لان السودان كله في ام درمان اذن ام درمان هي السودان
Author: ali elhassan
Date: 02-14-2006, 06:14 PM
Parent: #49
|
Post: #51
Title: Re: لان السودان كله في ام درمان اذن ام درمان هي السودان
Author: ali elhassan
Date: 02-14-2006, 06:20 PM
Parent: #50
|
Post: #52
Title: Re: لان السودان كله في ام درمان اذن ام درمان هي السودان
Author: ali elhassan
Date: 02-14-2006, 06:32 PM
Parent: #51
|
Post: #53
Title: Re: لان السودان كله في ام درمان اذن ام درمان هي السودان
Author: ali elhassan
Date: 02-14-2006, 06:35 PM
Parent: #52
|
Post: #54
Title: Re: لان السودان كله في ام درمان اذن ام درمان هي السودان
Author: ali elhassan
Date: 02-14-2006, 06:51 PM
Parent: #53
|
Post: #55
Title: Re: لان السودان كله في ام درمان اذن ام درمان هي السودان
Author: Ridhaa
Date: 02-14-2006, 11:49 PM
Parent: #1
كلية المعلمات
امدرمان الثانوية بنات
مدرسة المليك
بوابة عبدالقيوم
جامعة امدرمان الاهلية أنشئت في منزل عادي له باب من السنط
في المنطقة الواقعة جنوب سجن امدرمان .
.
.
.
|
Post: #56
Title: Re: لان السودان كله في ام درمان اذن ام درمان هي السودان
Author: حسام يوسف
Date: 02-17-2006, 03:32 PM
Parent: #55
يا سلام ومليون سلام لي امدرمان
اليها الحنين كله
|
Post: #57
Title: Re: لان السودان كله في ام درمان اذن ام درمان هي السودان
Author: Kostawi
Date: 02-17-2006, 03:44 PM
Parent: #56
| Quote: حى السيد المكى ... من اعرق الاحياء |
برجعلكم
|
Post: #58
Title: Re: لان السودان كله في ام درمان اذن ام درمان هي السودان
Author: الناظر
Date: 02-18-2006, 02:52 PM
Parent: #56
وصلتني هذا الرسالة من اخونا و صديقنا ود امدرمان عبدالرحمن عبدالكريم الامين عبدالرحمن
الأخ / الأمير ود الأمراء
متولى الطيب
السلام عليكم ورحمه الله
اعجبت بفتح لبوست امدرمان فالجنه تحت اقدام وامدرمان هى الأم التى رضعنا من ثديها الاخلاق النبيله الفاضله .
يختلف الناس حول تعريف امدرمان وحدودها هل هى امدرمان القديمه تحد شمالا بالفتيحاب وجنوبا بمقابر احمد شرفى شرقا بالنيل وغربا بالسوق الشعبى واخرون يضمون اليها الثورات وامبدات بمافيها امبده كرور و000000 العرب .
فى راى ان امدرمان ليست حدود جغرافيه وانما مجموعه من القيم الفاضله والعادات والتقاليد التى يتفرد بها الانسان الامدرمانى اينما ما حل واستقر وكانت قديما محصوره فى النطاق الجغرافى الذى حددته وقد ادى توسع الاسر والنمو السكانى الى تمدد المدينه الفاضله فى كل الاتجاهات وكان لهذا التمدد ايجابياته وسلبياته وقد جاءت هجرات كبيره الى امدرمان حتى ان هناك مقوله مشهوره تقول ( امدرمان القامت بجهلها لمت الغريب وابت اهلها ) لذا فان امدرمان هى مجموعه القيم والاخلاق الفاضله التى ذكرتها فمن اعتنقها فهو امدرمانى بالتجنس سواء جاء ممن الغرب او الشرق او الجنوب او الشمال .
انه من السهل جدا معرفه اى شخص امدرمانى اصيل من خلال تصرفه نحو الاخرين والاشياء من حوله او من خلال اعتداده بنفسه وامدرمانيته حتى من دون ان يصرح بها
تامل معى اسماء احياء امدرمان وابداء من حيث اسكن المسالمه ومسلمه مثال حى للتعايش بين الاديان فعلاقاتنا باخوتنا الاقباط والنقاده نعتز بها ونفخر فالكل له حق العباده دون ان يمس حريه الاخرين .
ودنوباوى من اشهر قاده المهديه والعرضه مكان استعراض جيش المهدى ويمكن للاخرين ان يكتب كل عن مكان سكنه فسمح الغناء فى خشم سيدو .
لا اعتقد ان احد فى امدرمان لم يسمع عن خلوه بولس والجد بولس استقطع جزء من منزله لاقامه خلوه فى حى ابوروف والاعجب ما رواه لى اهل ابوروف ان اولاد بولس يشاركوهم فى الماتم والواحد يجيك داخل صيوان العزاء لابس جلابيه ورافع يده الفاتحه .
لامدرمان كثير من الظرفاء وكما قال حسين خوجلى الشغل ى الخرطوم والونسه فى امدرمان والنوم فى بحرى ولكننا نقول الشغل فى الخرطوم مجبورين لكن الونسه والنوم والولاده والدفن كله فى امدرمان .
من اشهر الاسواق فى امدرمان سوق النسوان وكان تباع فيه الطواقى ومن اشهر النساء بنت الهجره (بضم الهاء وتسكين الجيم ) وبت الشاى رحمهن الله جميعا سوق العيش والعم شاخور رحمه الله وزنك اللحم والمرحوم عوض ابوزيد .
رحم الله ظريف امدرمان سينا رحمه واسعه وفى اخر ايامه ناشد الدوله بتخصيص الساحات والميادين للرياضه وقال لو داير تقول لى زول طالعنى الخلاء ما تقدر لانه مافى خلاء هسع !!!!!!! ومره قابل انيس حجار قاال ليهو وين يا سينا ما ظاهر قال ليهو البلمنى معاك شنو انت بتصنعوها حمراء ونحن بنشربها خضراء انت اسمك انيس وانا سينا ( اقراء سينا بالمقلوب )
ظريف امدرمان الاشهر الهادى نصرالدين او الهادى الضلالى سأله واحد عامل كيف مع ناس الانقاذ ديل قال ليهو والله تعبانين وياحليل ابوعاج اخوى ومايو لو ضاقت تمشى تلقى مصطفى نميرى رحمه الله تشكى ليهو يدخل البيت يطلع ليك شوال سكر ما لقيته تمشى المسالمه تلقى عمك عوض ابوزيد تشكى ليهو مامون يطيب خاطرك بباقه زيت لو ما لقيتو تمشى الهاشماب لزين الشباب رحمه الله او ابوالقاسم هاشم بالعدم تمشى المورده بيت ناس خالد حسن عباس لكن مع ناس الانقاذ ديل لو داير نايل ايدام ده تطلع ليهو فى ياتو جبل وطبعا الكلام ده كان فى بيت بكاء والنكته تم تداولها سريعا حتى وصلت نايل ايدام طوالى رسل كومر اعتقل الهادى وقام وفد من ودنوباوى بمقابله البشير ووعدهم خيرا وفى نشره التاسعه كان الخبرالرئيس يستقبل احد اعيان امدرمان وعاد الهادى الضلالى من القصر بعربه رئاسيه .
العم احمد داوؤد رحمه الله ذلك الرجل النحيف الطويل كذب من قال لم يشاهده فى المقابر يدفن مع الناس وقد غالطه احد بانه لم يدفن مع ناس فلان ولما اشتد الغلاط قال ليهو جنازه ما شفتنى فيها معناها الميت انا لا تجده يركب عربه وانما راجلا والعبايه فى كتفه .
اصيب يوما العم احمد داوؤد فى حادث حركه ولزم السرير بمستشفى امدرمان وقد نفذت التذاكر فى تلك الايام .
مع احترامى للاخ عوض بابكر وقوله ان االحقيبه بدات مع ودالفكى من كبوشيه فاقول له ان الحقيبه هى امدرمان وامدرمان هى الحقيبه والبدايه الحقيقيه كانت فى زواج عمنا بشير الشيخ يوم ان اضرب الطنابره وغنى الحاج محمد احمد سرور بدونهم .
الحديث يطول عن الحقيبه وساكتب عنها لاحقا مع خالص تحباتى لكل من سطر حرفا عن امنا امدرمان .
والسلام
اخوك
عبدالرحمن عبدالكريم الامين
|
Post: #59
Title: Re: لان السودان كله في ام درمان اذن ام درمان هي السودان
Author: على احمد على
Date: 02-18-2006, 03:13 PM
Parent: #1
| Quote: لو داير نايل ايدام ده تطلع ليهو فى ياتو جبل ؟؟؟ |
والله ... الهادى الضلالى له حق... ويا حليل اب عاج
شكرا الاخ الامين
امدرمان زاخره بابنائهاالاوفياء
وفى المسالمه ما ننسي عمنا( عوض المسالمه) رحمة الله عليه
وناس عمك حجير وناس عمك محمد حسين والبقية...
|
Post: #60
Title: Re: لان السودان كله في ام درمان اذن ام درمان هي السودان
Author: Mutwali Malik
Date: 02-19-2006, 10:05 PM
Parent: #59
احبتي اخجلتم تواضعنا وهذا غيض من فيض
انا في الفترة السابقة كنت استمتع بان اقراء ماكتب واصلوا
اخي الناظر ممدوح وجمال شنطة من ظرفاء الجيل الحديث
اخي رضا كفيت ووفيت واصل
نرجع للثورة بالنص ودي بقي حتتنا نبداء بقهوة الجعلي كنا نجلس فيها بالساعات عندالعودة من مدرسة تلودي بصحبة الاخوان رفعت الساحر - عصام التيجاني- حبيب الله وعيسي صباح الخير لاعبي المريخ- محمد عبد العظيم المطبعجي كهربة- ويجييك الطباخ حسن باع باع ويقول ليك نكتة كانت ايام
ليمون الاطرش العم عبد القادر وانا الي الان مستغرب انو درجة برودة الليمون والشعير واحدة لاتتغير
محلات سفسفة يكفي الاسم
ناس عرقلة وعصابة الرومان تلك قصة والان عرقلة اصبح لايوخر وقت للصلاة في المسجد
خلي فاخرالكوتش وماادراك مافاخر الكوتش
فول ابوصليب المحل قفل اما الجان فقد توفي الي رحمة الله والمحل يدار عن طريق ابنه
قهوة الظافر تعتبر تجمع جكس الاحفاد والوجهاء وهي تقدم الاكل والشيشة وتتمتع بالنظافة والديكور الجميل
اخي علي الحسن لك الشكر علي الصور واصبت برعشة عند روية سوق السمك بالموردة
اخي حسام يوسف شكرا علي الاغنية الامدرمانية
كوستاوي شكرا علي المرور ورجعنالك وكيف نرفض رجوع القمرة لوطن القماري
اخبار اخوك طارق هجام شنو هو زميل دراسة بالهند
الشكر موصول للناظر علي انزال رسالة اخي وصديقي عبدالرحمن عبدالكريم ولاتعليق
ابوحميد رفيق تلودي واصل وادينا شوية من سوق امدرمان
راجعيين
|
Post: #61
Title: Re: لان السودان كله في ام درمان اذن ام درمان هي السودان
Author: Kostawi
Date: 02-19-2006, 10:25 PM
Parent: #60
Thank u Mr. Mutwakil
Tarig Haggam is doing fine
he is in Holland now with his wife and kids
Please review this post
about Omdurman in Sudaneseonline
2002
عاوزين واحد امدرماني محنك وخبير
and
I will be back
|
Post: #62
Title: Re: لان السودان كله في ام درمان اذن ام درمان هي السودان
Author: Ridhaa
Date: 02-20-2006, 00:30 AM
Parent: #1
مصنع ناس حجير لحلاوة المولد في حي العمدة جوار مدرسة ناس عثمان صالح
مقابل الخور ...
بقالة أم ياسر - أي بقالة حديثة كانت تسمى مؤسسة غذائية - أول
امرأة تدخل نظام المؤسسات الحديثة ... المربوع الثاني وانت متجه غربا
من محطة الكبري -شارع الوادي - مقابل الخور ايضا ...
أمدرمانيات :
عم سرويس : رجل في مقتبل يلبس جلابية بيضاء وطاقية يحمل كرتونة بها
مجموعة سراويس وصحون وكبابي ... يصيح بأعلى صوته
سروييييييس ........كباببببي .... صحووووون
اذا في واحد شاغله كان يرد بافظع الالفاظ النابئه ....
آآآكسر حطبببب : رجل مربوع البنية مفتول العضلات يلبس مجموعة حلقان
( فدوة ) على جانبي أذنيه .. يحمل فاسا سنينا على كتفه بارع في تكسير
الحطب - على مايبدو أنه من منطقة ريفي شمال أمدرمان .
يصيح بأعلى صوته آآآكسر حطبببب
.
.
.
.
.
ونواصل
|
Post: #63
Title: Re: لان السودان كله في ام درمان اذن ام درمان هي السودان
Author: tmbis
Date: 02-20-2006, 03:34 AM
Parent: #62
العزيز متوكل مالك
وكل الاخوة الامدرماناب ..
..
لفترة زمنية قريبه جدا كنت عندما اصل لآخر ( حديدية ) مزروعة على الاسفلت بكري الخرطوم وانا مغادرا امدرمان في طريقي للخرطوم اشعر بغربه دخيله لم اعرف سببها إلا بعد ان عايشتها هنا في الغربة
أمدرمان عشق خرافي لا يحسه إلا من عاشه ..
..
قرأت لفترة طويلة واستمتع كل أمر بهذا النص للدكتور مصطفي مدثر ..
| Quote: و لكن الدوار أتاني من ناحية حضور أم درمان في قلبها بعد أن ظننت أنه خبا، فسقطت مغشيا على أشواقي |
..
رؤى لا تطرف لها عين
طبيعي أن نحمل شوق امدرمان في حنايانا ونطوف به الدنيا ويظل ساكنا فينا ..
|
Post: #64
Title: Re: لان السودان كله في ام درمان اذن ام درمان هي السودان
Author: على احمد على
Date: 02-20-2006, 05:38 AM
Parent: #1
| Quote: محمد عبد العظيم المطبعجي كهربة |
يا متولى
تحياتى للاخ محمد كهربه بالله حيثما كان ...
والتحايا لشقيقه اسماعيل المطبعجى فى سوق الجلود امدرمان
وكل الزملاء والدفع فى تلودى الثانويه
ايام ...
|
Post: #65
Title: Re: لان السودان كله في ام درمان اذن ام درمان هي السودان
Author: على احمد على
Date: 02-20-2006, 05:48 AM
Parent: #1
| Quote: ابوحميد رفيق تلودي واصل وادينا شوية من سوق امدرمان |
يا متولى
تعرف فى اخر اجازة لى للسودان مسكت ليك شارع ابوروف ده من الطيب سيد مكى
وانت ماشى مخبز الافراح والدانوب بتاع الباسطه وقهوة الظافر (الاخ خليل الظافر كان معانا قبل ايام هنا فى لندن ورجع السودان )...وانت ماشى على ابوروف صينية مرور
مكى ود عروسة وبت بتى وود اورو وسوق الشجرة ونازل على بحر ابوروف
فى سوق امدرمان زمان لما تمشى تتعب من السلام على المعارف ...
لكن هسي تعال شوف الاشكال زول بعرفك مافى ...ولا انت بتعرف زول ...
السودان كان زمن مايو ...
ذكريات ... وايام
|
Post: #66
Title: Re: لان السودان كله في ام درمان اذن ام درمان هي السودان
Author: Mutwali Malik
Date: 02-20-2006, 09:46 PM
Parent: #65
اخوتي سلام يغشاكم اين ماكنتم
تمبس شكرا علي المرور واصل
كوستاوي منتظر رجعتك
من الشخصيات الامدرمانية التي سقطت سهوا العم حسن قرشي صاحب اشهر ليمون في سوق امدرمان شارع المكتبات خلف سينما امدرمان
|
Post: #67
Title: Re: لان السودان كله في ام درمان اذن ام درمان هي السودان
Author: Mutwali Malik
Date: 02-21-2006, 10:39 PM
Parent: #66
انطفاء نور من انوار امدرمان الحاجة بت بتي نسال الله لهاالرحمة ولكل السودان في هذا الفقد الجلل
نرجو من الجميع الدعاء لها بقدر ما جبرت كسر او عالجت مريض لها الرحمة والمغفرة
|
Post: #68
Title: Re: لان السودان كله في ام درمان اذن ام درمان هي السودان
Author: Hisham Ibrahim
Date: 02-22-2006, 05:46 AM
Parent: #67
... وطريت ام در أنا وطريت ناسا...
لأمدرمان كل العشق من عاشق بحراوي عشقها هي وجمالها،
ولـ بت بتي الرحمة والمغفرة والجنة انشاء الله.
عاشق أمدر الحبيبة الحنينة الـ....الى &. هشام
|
Post: #69
Title: Re: لان السودان كله في ام درمان اذن ام درمان هي السودان
Author: Mutwali Malik
Date: 02-23-2006, 08:49 AM
Parent: #68
تنويه عبر اتصال تلفوني تم تصحيح معلومة ان محل العم حسن قرشي لليمون كان بالقرب
من البازار وانتقل الي موقعه الحالي
اقتراح بالكتابة عن شخصيات امدرمانية وان نفرد لها صفحة مثلا نكتب عن الشعراء امثال عتيق - خالد ابوالروس - العبادي - البنا والكثيريين ثم نكتب عن لاعبين الكورة ثم ظرفاء امدرمان ثم احياء امدرمان ثم الاسر المعروفة في امدرمان ثم فناني امدرمان ثم وثم والباب واسع
سوف ابداء بالشاعر الكبير محمد بشير عتيق وذلك لانني من المعجبين جدا به
ولد الشاعر في حي ابوروف عام 1909م بعد وفاة والده عام 1926م خلف العب عليه فالتحق محمد بشير عتيق بالمدرسة الصناعية عطبرة وتخرج من قسم البرادة وعمل في السكة حديد من عام 1930م الي ان تقاعد بالمعاش
كان يلذ لسماع اغنيات الشاعر ابوصلاح يقول انها تمتاز بالاوصاف الجمالية والمعاني الحسية والغزل الرقيق والعاطفة المشبوبةوالبديع ولزوم مالايلزم والجناس وقد عرف ابوصلاح اول مرة حين قدمه له الشاعر المغني عمر البنافي حفل عرس في ابوروف
يذكر انه بعث بقصيدة بالله ياشادي الغرام من كسلا الي كرومة بعنوانه بنادي الهلال الرياضي وعلمت انه حين تسلمهابدا يترنم بها حتي ان احد المستمعين اليه طربوا لبدايات اللحن بل ان احدهم قال لكرومة ياخي هو الشاعر ده رسلها ليك ملحنة
لنا عودة مع بعض قصائده
|
Post: #71
Title: Re: لان السودان كله في ام درمان اذن ام درمان هي السودان
Author: Mutwali Malik
Date: 02-24-2006, 10:30 PM
Parent: #70
بمناسبة الحرامية مرة قالوا الهادي الضلالي نط ليهو حرامي وطبعا الهادي يعرف كل ناس امدرمان وكان صاحي لسه مانام واصبح وجها لوجه مع الحرامي فقال ليهو كوكو الجابك من القماير لي بيتي في الوقت دا شنو
|
Post: #72
Title: Re: لان السودان كله في ام درمان اذن ام درمان هي السودان
Author: خالد احمد عبد المنعم
Date: 02-25-2006, 01:02 AM
Parent: #71
قصر الشباب والاطفال
مدرسة الموتمر
خور اب عنجة
الموردة والاسماك
مريم تور
شارع الفيل
فريق ريد
دار الرياضة
عبد الله خليل
المعهد الدولي ( نادي الهلال سابقا)
اجزخانة الحياة
مركز فيصل للادوات الرياضية
الطيب خوجلي
اولاد رشوان
باتا
ميدان الاسكلة
اب شنب بتاع الباسطة قصاد حسن قرشي
صالح بتاع الفول
ترب ابو حبيب
شارع الدومة
مركز صحي عبد المنعم
سوق ام سويقا
الكداوية
ميدان البلدية
اب روف
حوش الكوباني
حوش السراريج
سكسك اللبخ
جاد بتاع السمك وشجرة الملح
بيت احمد سليمان
خالد ابو الروس
الحداديين
بشير عتيق
نادي الزهرة
اب روف الابتدائة حسن سالم
سوق الشجرة
ابراهيم عطا
ود البناء
اسماعيل مجذوب
درمة اخوان
المسالمة
الجزر
زريبه العيش
جامع الشيخ يوسف
مطعم الرياضيين
التيمان
صينيه ازهري
حديفة الملازمين
ناخد نفس ونكمل القدلة
|
Post: #73
Title: Re: لان السودان كله في ام درمان اذن ام درمان هي السودان
Author: الناظر
Date: 02-25-2006, 01:34 AM
Parent: #1
المعروف عن الهادى نصرالدين (الضلالي) انة مجامل لى درجه قف فكان صديقه عصمت يوسف يستمع الى نشرة اخبار الصباح فسمع بوفاة و الد احد اصدقايهم بود مدني و فكر بعد نهاية الدوام ان يتصل على الهادي عشان يمشو مع بعض الى العزاء فاتصل على الهادى .. و فذكر له الاخ الهادي انة دفن مع الجماعه تخيل انسان زى دى
|
Post: #74
Title: Re: لان السودان كله في ام درمان اذن ام درمان هي السودان
Author: Mutwali Malik
Date: 02-27-2006, 08:43 AM
Parent: #73
الشاعر عتيق القي قصيدته في افتتاح السينما الوطنية بامدرمان سنة 1945م
هذا اليوم صحيح يوما سعيد بالذمة تيار السرور اجتاح بلدنا وعم
قام ياصاحي شوف الشعب كيف اتلمه لي صالح الوطن قدر فوائد جمه
في افق السعود ظهرت نجوم لصافه وثمار الجهود ان الاوان لقطافه
دار السينما ظهرت في ثياب شفافة اشبه بي عروس حسناء في يوم زفافه
طبعا غير نزاع داركم جميلة وفاخرة كظمت غيظ حسوده بالعواذل ساخره
بنيانه الفخيم يتلالا انوار زاخره تشهده من بعيدمنظر كانها باخرة
ولنا عودة
|
Post: #75
Title: Re: لان السودان كله في ام درمان اذن ام درمان هي السودان
Author: Mutwali Malik
Date: 03-02-2006, 09:03 AM
Parent: #74
من الشخصيات الامدرمانية التي تستوقفني طويلا العم كردمان وللذين لايعرفونه هو من سكان الثورة الحارة السابعة رجل حاضر البديهه شاعر يرتجل الشعر في لحظته وله صوت عندما يغني لابراهيم عوض يطربك ومن طرائفه مرة كان صديقنا محمد ابو والشهير بالنيتو عندو بنطلون جينز طالع موضة الايام ديك ولم يتم غسله منذ ان اشتراه وقلنا لكردمان ادينا حاجة سريعة في البنطلون فقال
كل مااشوفك صفاي بتعكر وللخوة القديمة بقيت تتنكر
هسي دا بنطلون ولا شوال سكر
ومن العبارات التي يستعملها كثيرا عندما يلتقيك يالمنقنق يالصغير سنك الله لي انا
ولنا عودة
|
Post: #76
Title: Re: لان السودان كله في ام درمان اذن ام درمان هي السودان
Author: khaleel
Date: 03-02-2006, 03:34 PM
Parent: #75
متولي
ازيك يا عذاب الضمير الجوة
مرة نحن في امدرمان في ود نوباوي قاعدين مساهرين مع انور كايرو
الساعة واحدة صباحا صديقك الفنان سامي المغربي من امريكا
وقال عبارة واحدة
يا انور يا انور
امدرمان لسع حلوة
امدرمان حلوة ياخ
|
Post: #77
Title: Re: لان السودان كله في ام درمان اذن ام درمان هي السودان
Author: Sahar Abdelrahman
Date: 03-02-2006, 05:34 PM
Parent: #76
العزيز متولى...تحية عامره بالموده....
أم درمان لديها قدره عجيبه لإحتواء كل من ينتمي أو لا ينتمي إليها...
شكرا لهذا البوست الذى جعلني أعرف الكثير مما كنت أجهله عنها...
مع معزتي
|
Post: #78
Title: Re: لان السودان كله في ام درمان اذن ام درمان هي السودان
Author: Mutwali Malik
Date: 03-04-2006, 08:40 AM
Parent: #77
الشكر موصول لكل من تصفح هذا البوست
اخي خليل ليك وحشة وسامي يغريك السلام يافردة
سحر لااقول شكرا علي المرور ولكن اقول ياضيفنا لو زرتنا لوجدتنا نحن الضيوف وانت رب المنزل ولافض فوك ان امدرمان للكل الذي ينتمي او لاينتمي اليها
كذلك هناك احد الشخصيات الامدرمانية جديرة بالذكر عمنابشري علي شرفي رحمة الله عليه وهو من اسرة ال شرفي المعروفة ويسكن الثورةالحارة السابعة كنا نجلس معه الساعات الطوال لانمل حديثه وذكرياته عن الانجليز واصدقائه الشعراء امثال خالد ابوالروس والعبادي ومن طرائفه مع جيرانه وخاصة العم الطاهر ولنا عودة مفصلة له
|
Post: #79
Title: Re: لان السودان كله في ام درمان اذن ام درمان هي السودان
Author: Mutwali Malik
Date: 03-11-2006, 09:15 AM
Parent: #78
الشاعر الكبير عبدالله محمد زين شاعر قصيدة انا امدرمان طريح الفراش في لندن الدعوات له بالشفاء العاجل
|
Post: #80
Title: Re: لان السودان كله في ام درمان اذن ام درمان هي السودان
Author: Mutwali Malik
Date: 03-17-2006, 12:39 PM
Parent: #79
شباب وشيب امدرمان سلام
نرجع للعم بشري علي شرفي كنا ناتيه في نهار رمضان والجو حار ونجلس معه في ظل شجرته ونبداء في رش الشجر بالخرطوش وهو يحكي لنا عن الانجليز وقد ذكر لنا ان الانجليز قالوا عند خروجهم من السودان سوف ياتي يوم تقولوا ياحليل الانجليز وذكر انو اذا قطعت غصن شجرة يتم وضعك في السجن الي ينمو الغصن مرة اخري وتحسر علي مابحدث الان
كذلك كان يحكي لنا عن الشاعر خالد ابوالروس في مسرحية تاجوج وهو من الناس الشافو تاجوج عيان ويذكر بعض من الابيات
داير اراك لكن عن ثيابك عارية
فتقول ياود محلق يمين جنيت منك بارية مانال الخوديم اهوي ليك انا جارية
ياود محلق يمين حبك تعدي مكانو واملي الفيك ذهب هدمت لي اركانو
وطلبك صار صعب
فقال المحلق لابد من امكانو
لنا عودة
|
Post: #81
Title: Re: لان السودان كله في ام درمان اذن ام درمان هي السودان
Author: khaleel
Date: 03-17-2006, 12:54 PM
Parent: #80
متولي الفردة احيي عبرك اساتذة امدرمان الاجلاء
وتحية خاصة لاستاذي ابوالقاسم عبدالله يابس بسوق الشجرة
وللروح الاستاذ حسن سالم
وكل الشموع
|
Post: #82
Title: Re: لان السودان كله في ام درمان اذن ام درمان هي السودان
Author: Mutwali Malik
Date: 03-18-2006, 10:03 AM
Parent: #81
امدرمان ليك سلام عدد ماناح الطير في هيام
من طرائف العم قريب الله ابوصلعة وهو من مشاهير الثورة وابوروف مرة في صلاة عيد الاضحي وبعد انتهاء الصلاة وقبل خطبة العيد قريب الله شاف عمك الطاهر معلق الخروف فوق قبل بدء الخطبة وقال لي تعرف يامتولي عمك الطاهر دا لو كان سيدنا ابراهيم كان سيدنا اسماعيل راح فيها
ولنا عودة
|
Post: #83
Title: Re: لان السودان كله في ام درمان اذن ام درمان هي السودان
Author: Elmoiz Abunura
Date: 03-18-2006, 11:15 AM
Parent: #82
UP
|
Post: #84
Title: Re: لان السودان كله في ام درمان اذن ام درمان هي السودان
Author: Mutwali Malik
Date: 03-19-2006, 00:54 AM
Parent: #83
وصلتني هذه المشاركة من احد ابناء حي الركاببة بامدرمان الاخ عزالعرب له الشكر ذكر الاخ احمد علي عن عقارب القلعة وعقارب القلعة ديل كانوا ساكنين زمان في حي الركابية في بيت صغير في زقاق امدرماني جد وكانوا ثلاثة اخوات صفر مشهورات بانهم يلبسوا ثياب متشابهة ونادرا مايطلعوا سوا الا لمن يكونوا دايرين يعملوا شكلة قالوا كانوا معزبين شفع الحلة والكبار ودايما يعملوا المشاكل وينبزوا ويقولوا يااب ----- عفن ومعروف عنهم انهم مااتزوجو ويقال انو واحدة او اثنين منهم تزوجوا ولم يحصل النصيب وقالوا بعد ماكبروا شديد في رجل محسن من ناس الركابية اسمو صالح عبد الرحمن يعقوب صاحب شركة لولي للمواد الغذائية وهو معروف عنه حب الخير لاهله واصحابه وناس امدرمان وحي الركابية علي وجه الخصوص قالوا الراجل ده عندو بيت في القلعة زقاق اللالوبة يقع خلف بيت عم احمد وهو من تجار امدرمان القدامي المعروفين بالكرم والتدين وكان عندو برش باسمو يصلي فيالناس بامامته
وصالح عبدالرحمن يعقوب سكنهم في البيت وعين ليهم امراة لمراعتهم وخدمتهم بعد ماوصلوا من العمر ارزله وظل ناس الحلة القراب والبعاد يزورهم ويدوهم قروش والعقارب في سبات عميق ماعارفين الناس ديل منو ولازمان عملوا ليهم شنو الي ان اختارهم الله واحدة تلو الاخري
رحمهم الله ورحم جميع اهل امدرمان
|
Post: #85
Title: Re: لان السودان كله في ام درمان اذن ام درمان هي السودان
Author: Mutwali Malik
Date: 03-20-2006, 08:30 AM
Parent: #84
لك الشكر يابوالنسب المعز ابونورة
رجاء المواصلة وشوية من ذكريات الهاشماب
|
Post: #86
Title: Re: لان السودان كله في ام درمان اذن ام درمان هي السودان
Author: Mutwali Malik
Date: 03-28-2006, 08:05 AM
Parent: #85
لكم التحايا ونعود بعد انقطاع لاسباب خاصة
سوف اتحدث عن قصيدة الشاعر الكبير خليل فرح ماهو عارف قدمو المفارق لانه يصف فيها حاله عندما يغادر امدرمان
كان يجلس في صالون فوز كل من عبيد حاج الامين- صالح عبد القادر- محي الدين جمال ابوسيف - مكاوي يعقوب - توفيق صالح جبريل وتجلس في وسطهم فوز يدخل خليل فرح وهو يكح بصوت عالي كانما اصابه زكام او برد ويدور هذا الحوار
خليل السلام عليكم معليش امكن اتاخرت عليكم
فوز حباب الخليل - اهلا بيك لااتاخرت ولاحاجة - تعال اقعد جنبي
محي الدين ابوسيف اهلا خليل انشاءالله خير مالو صوتك فيهو بحة وبتكح
خليل والله تعبان شاعر ماكويس - كحة بتطلع دم
فوز بريا يالخليل تعال نبخرك - دي عين
خليل جنبك شفاي ودواي يافوز -يقرب منها اكثر وتاخذ المبخر ثم تاخذ العود وتمده لخليل
يغني عازة في هواك الا ان يقول وعازة في الفؤاد دواء يشفي الوبال ينتهي من الاغنية وهو يكح ويقول وربنا يشفي الوبال المسكني دا
خليل انا قلت اسافر مصر اكشف هناك
مكاوي يعقوب مسافر بتين عشان اقوم معاك
خليل مسافر باكر وانا جيت اودعكم الليلة مخصوص
فوز مسافر باكر كيف مالك شففتنا عليك
خليل اهو يافوز لازم اسافر امكن القي علاج هناك
توفيق صالح جبريل سافر ياخليل عشان تطمئن واهي برضها فسحة واجازة وكمان ا نشاء الله ترجع لينا بالسلامة
خليل انشاءالله ياتوفيق لكن انا ماشاعر كدا ربنا يستر يمسك العود وينظر للجميع نظرة حانية ويقول كدي نسمعكم اغنية الوداع قبل مااسافر عملتهااودعكم واودع البلد الحبيب ثم بداء يغني
ماهو عارف قدمو المفارق يامحط امالي السلام
ياجميل يانور الشقايق املا كاسك واصبر دقائق
مجلسك مفهوم شوفو رايق عقده ناقص زول ولا تام
يابريد الجو فوقي حالق ميل علي الروح ليها خالق
قل كيف امسيت انت عالق مقرن البحرين كيلو كام
ويح قلبي الما انفك خافق
فارق ام درمان باكي شافك
يا ام قبائل ما فيك منافق
سقى أرضك صوب الغمام
في يمين النيل حيث سابق
كنا فوق اعراف السوابق
الضريح الفاح طيبه عابق
السلام يا المهدي الامام
من فتيح للخور للمغالق
من علائل ابروف للمزالق
قدله يا مولاي حافي حالق
بالطريق الشاقي الترام
في الضريح الفاح طيبو عابق السلام يالمهدي الامام
يواصل خليل فرح ويردد السلام يالمهدي الامام ومع نهاية الاغنية يخرج خليل فرح ومن خلفه المجلس وتبقي فوز وحيدة تبكي الخليل
|
Post: #87
Title: Re: لان السودان كله في ام درمان اذن ام درمان هي السودان
Author: Mutwali Malik
Date: 03-30-2006, 09:57 AM
Parent: #86
مثلما تحدثت عن خليل فرح اود ان اتحدث عن الفنان ابو الحقيبة كرومة
كان يحكي عن كرومة مايشبه الاساطير من ذلك انه كان يلحن القصيدة في يوم واحد يتسلمها من الشاعر في الصباح او الضحي اوالنهار فاذا هي نابضة بلحنها في المساء وربما يشهد اليوم الواحد ميلاد اكثر من قصيدة
يقولون ان شباب امدرمان كان يمضي الي حيث يكون كرومة جالسا في المساء بالقهوة يرتدي القفطان الشاهيه وعلي الراس تلتف عمامة بعناية فائقة رجل نظيف البدن والهندام لايكاد يجاري اناقته احد كان شباب المدينة يرقبونه معجبين وحوله افراد جوقته من الشيالين وحينئذ يسال الشباب عن مكان الحفل ويكون في امدرمان او الخرطوم او بحري او اي مكان يدبر الشباب حالهم ويتبعونه اني سار مثلما هو زمار هاملين يسير الناس خلفه نشاوي ثم يبداء الحفل وكل مكان يصله الصوت يحرك العشاق فيتجهون صوبه
انه هبة السماء لهذا الوطن جاء واقام في رجائه قليل مكوث بمعيار الزمن كانه موتسارت زمانه ظل يصنف الالحان تلو الالحان الي يوم ان مات كان يلحن ومات بعد ان اتم رسالته زمان بدا في منتصف العشرين واستمر الي مطلع الثلث الاخير من الاربعين
غني لصالح عبدالسيد ابوصلاح - غزال الروض - جوهر صدر المحافل- يامن فاح طيب رياه - ياليل ابقي لي شاهد
غني لعمر البنا جناين اسيا - نسايم الليل زيديني - امتي ارجع لامدر واعودا
غني لعتيق الكثير غير شادن الارام- ياناعس الاجفان - ارجوك يانسيم روح ليهو - مابنسي ليلة كنا تائهين في سمر
|
Post: #88
Title: Re: لان السودان كله في ام درمان اذن ام درمان هي السودان
Author: Ahmed El Gasim
Date: 03-30-2006, 04:28 PM
Parent: #87
Quote: ت عرف يامتولي عمك الطاهر دا لو كان سيدنا ابراهيم كان سيدنا اسماعيل راح فيها |
|
Post: #89
Title: Re: لان السودان كله في ام درمان اذن ام درمان هي السودان
Author: Mutwali Malik
Date: 03-31-2006, 09:23 AM
Parent: #88
سوف نفرد هذه المساحة للكتابة عن احياءامدرمان وفرقانها حيث تضم في الجهات الاربعة اعرق الاحياء
1- حي الموردة
هو حي عريق وقديم ولعله بدا مع نشؤ بقعةالمهدي الذي اتخذ من قرية امدرمان الصغيرة مقرا لحكومة المهدية وبدا في بناء هذه المدينة وجات المراكب الشراعية تحمل الاخشاب والحطب والمواد الغذائية من الشمال والشرق والجنوب لترد امدرمان في شاطئ النيل شمال بيت المهدي والخليفة ولذلك اطلق علي هذا المرسي الموردة واتخذ الحي اسمه من هذا المرسي
حي الموردة يبدا من كبري خورابوعنجة حيث جات المباني جنوب خور ابوعنجة حديثا مثل مدرسة المؤتمر التي اقيمت اوائل الخمسينات
وبعد كبري ابوعنجة من الجهة الشرقية توجد حديقة ولس سميت باسم المستر ولس احد المديرين الانجليز تحول الاسم الي حديقة الجندول الحالية بعد الاستقلال والان ضمت لجامعة القران الكريم
وبعد حديقة الجندول يبدا سوق الموردة الذي يعتبر من اعرق الاسواق
|
Post: #90
Title: Re: لان السودان كله في ام درمان اذن ام درمان هي السودان
Author: Mutwali Malik
Date: 04-01-2006, 07:53 PM
Parent: #89
2- فريق ريد
شرق شارع الموردة وشمال حديقة الموردة الحالية ويقال ان المستر ريدREED كان من المفتشين الانجليز واطلق هذالاسم علي هذاالحي حتي ان البعض يعتقدان الاسم جاء من الريد والمحبة ويمتد حتي دار الرياضة امدرمان شمالا وحتي حديقة الريفيرا شرقا وكان اسم هذا الحديقة حديقة برمبل علي اسم مفتش امدرمان الانجليزي برمبل
وقبالة فريق ريد من الناحية الغربية يوجد قصر قديم يقال انه يوما كان دار فوز حيث يجتمع قادة اللواء الابيض ويغني الخليل اغانيه الخالدة
وخلف الزقاق يقع جامع الادارسة حيث ضريح الشيخ الحسن الادريسي وكانت تقام الذكري السنوية للعارف بالله السيد الحسن الادريسي وهي حولية ينتظرها سكان الموردة لاقامة السهرات والنوبات والذكر وبيع الحلويات وبالنسبة لهم اكبر من ايام المولد في امدرمان
|
Post: #91
Title: Re: لان السودان كله في ام درمان اذن ام درمان هي السودان
Author: خالد احمد عبد المنعم
Date: 04-01-2006, 10:55 PM
Parent: #90
العزيز متوكل لك التحية وانت تخلد تلك الساحرة بالنسبة لفريق ريد والتسمية سمعتا رواية من احد ابناء امدرمان حول سبب التسمية وهي مركز شباب امدرمان حيث كان الشباب بطعوا بعد البروفات او الحفلات بحبوا في الشوارع حول المركز وفي شوارع ريد بي حدوده التي زكرتها ومن هنا جات التسمية
لك الود وللحبيبة امدر
|
Post: #92
Title: Re: لان السودان كله في ام درمان اذن ام درمان هي السودان
Author: Mutwali Malik
Date: 04-02-2006, 08:31 AM
Parent: #91
الشكر لك اخي خالد وكلامك في محلو والريد الريد يااهل متين لامدر نصل
3- شارع الفيل
غرب الادارسة يقع هذا الشارع العريق ويسكن في هذا الشارع ال الفيل واسرة محمد الامين حامد جنوب خلوة قدح الدم في الركن الجنوبي الشرقي من فريق فنقر في اتجاه الخور القادم من قبة الشيخ البدوي مخترق حي الامراء وفريق السروجية الذي يقع جنوب الهاشماب مخترقا سوق ام سويقو ومارا بطاحونة اسكندر الي الغرب من خلوة قدح الدم وامام منزل محمد الامين حامد ليخترق شارع الفيل عند القصر بداخل الموردة غرب جامع الادارسة الي الشمال من سوق الموردة الي نهر النيل بين حديقة الموردة ودار اتحاد الفنانين
شارع الفيل حقيقة يفصل بين الموردة من جهة والهشماب وفريق فنقر وفريق العتالة الذي يقع في الجزء الجنوبي الشرقي من فريق فنقر علي مشارف خور ابوعنجة من الناحية الشمالية
وفي هذا الشارع كان يوجد نادي الموردة الرياضي التي تاسس عام 1929م وكان اول فريق سوداني يتم تسجيله بصفة رسمية من السلطات البريطانية انذاك
|
Post: #93
Title: Re: لان السودان كله في ام درمان اذن ام درمان هي السودان
Author: khaleel
Date: 04-03-2006, 01:30 PM
Parent: #92
متولي
وجع القصيدة ازيك
عمك الهادي نصرالدين
كان في حفلة باحدي الفرق الغنائية
بعد الفاصل الهادي مشي اسلم علي شباب الفرقة
وكان شايل شيكولاتة في جيبه
وزع الشيكولاتة علي اعضاء الفرقة
وكان معاهم واحد شين
الهادي قال ليهو معليش يا ولدي ما عندي بلح في جيبي
|
Post: #94
Title: Re: لان السودان كله في ام درمان اذن ام درمان هي السودان
Author: Mutwali Malik
Date: 04-03-2006, 06:22 PM
Parent: #93
خليل ماتطول الغيبة
الهادي الضلالي مرة نائم وصحي المغرب امو قالت ليه جاك واحد اسمو لؤي ومعاهو حمادة وقلت ليهم نائم قال ليها انا انشاء الله انوم السهر ياامي لؤي وحمادة حتة واحدة وتقولي ليهم نائم
|
Post: #95
Title: Re: لان السودان كله في ام درمان اذن ام درمان هي السودان
Author: Mutwali Malik
Date: 04-06-2006, 10:08 PM
Parent: #94
4- حي الهاشماب
وشمال شارع الفيل وحي الموردة وغرب فريق ريد يقع حي الهاشماب والذي اتخذ الاسم من من جد الاسرة الشيخ ابوالقاسم هاشم احد مشايخ الاسلام في امدرمان والسودان
كما يضم مجموعات اخري رات ان تعيش بين هذه الاسرة العريقة وعملا بالمثل القائل الجار قبل الدار وقد ظل جدنا رحمة الله عليه خضر بدري يردده في الكثير من المناسبات
من ابرز معالم الحي انه يضم دارالرياضة بامدرمان- مدرسة الدايات ومستشفي الولادة - بوابة عبدالقيوم - كلية المعلمات اول معهد لتعليم المراة رسميا بالسودان
وفي شمال شرق حي الهاشماب اختار الشيخ بابكر بدري موقعا للاحفاد في الثلاثينات ليكون معهده جوار صديقه الشيخ ابوالقاسم هاشم
والهاشماب تذخر بالشخصيات الهامة في جميع المجالات مثال ذلك محمد احمد المحجوب الذي شهد داره الصلح الشهير بين الملك فيصل وجمال عبدالناصر
ومن الهاشماب جاء الدكتور عبدالحليم محمد النطاسي البارع والاديب المقتدر والرياضي الاصيل والسياسي الكبير الذي نال عضوية مجلس السيادة بجدارة
ومن الهاشماب جاء ابوالصحف الاستاذ احمد يوسف هاشم صاحب القلم النزيه وصاحب جريدة السودان الجديد التي كان لها الدور الكبير في النضال ضد الاستعمار
وهكذا يكتمل عقد الفرسان الثلاثة كما كانو يسمونهم المحجوب وحليم واحمد يوسف
وفي حي الهاشماب لعب الامير صديق منزول كرة الشراب مع حو كرندو الشابة التي كانت ترتدي الفانلة والردي وكانت كابتن لفريق الجهة الغربية من حي الهاشماب
|
Post: #96
Title: Re: لان السودان كله في ام درمان اذن ام درمان هي السودان
Author: Basheer abusalif
Date: 04-07-2006, 06:36 AM
Parent: #1
المحطة الوسطى .. العم المرحوم عبدالكريم الزبير أبوكسكته رئيس نقابة سائقي
التاكسي - ورئيس رابطة مشجعي نادي الهلال
عباس رشوان
الاكسبريس
الحاج نقدالله
سورج
فيتال
سوق الجلود
العدني
أبومرين
التيمان
فندق حمدتو
سوق الدهب - ناس تبيدي
سوق العناقريب - محل ناس عوض كري
فينوس للحلاقة- صالون كان يجتمع فيه شعراء وأدباء أمدر
سعد الشيخ للعطور
عوض الشايقي للمايكرفونات
حلويات الدانوب لصاحبها يعقوب محمد عبدالله
حلويات الطيب سيد مكي
حوش ناس أبوالعلا
برعي المصري - للزبادي والشعير
الصالون الأخضر للحلاقة لصاحبه عطا
طاحونة الملح - لصاحبها العم متوكل - محطة مكي ودعروسة
صينية مكي والجاويش العم أحمد جبريل
بيت الكسرة - صينية مكي
..
................................................................................
والله ما ذكرته يا Ridha فى القائمة وما تلتها من قوائم بتخلى الواد زى الحائم الان فى امدرمان وشوارعها وازقتها.. بس ما تنسى سوق الموية من الزمن القديم ..وسوق الشمس من الزمن المتوسط.
شكرا لبك يا متولى على البوست الجميل
|
Post: #97
Title: Re: لان السودان كله في ام درمان اذن ام درمان هي السودان
Author: Mutwali Malik
Date: 04-07-2006, 10:02 AM
Parent: #96
اخي بشير ابوسالف لك كل التحايا ونزولا لرغبتك في التحدث عن سوق الموية وناس امدرمان طلباتهم اوامر لذلك سوف افرد هذه المساحة للتحدث عنه
سوق الموية يقال ان اول من اطلق هذا الاسم هما اللواء حمد النيل ضيف الله والاستاذ خالدابوالروس وكانا من رواد محلات جورج مشرقي الذي كان يضع جرادل ماء مثلج ويوزعه علي المارين الذين لايستطيعون الجلوس وتناول المرطبات فلما رايا منظر الماء المثلج وهما جالسان في الفرندا قالا لجورج مشرقي كمان بقيت تبيع الموية خلاص نسميه سوق الموية
يقع سوق الموية في المنطقةالواقعة في شارع الموردة القادم من كبري النيل الابيض الي المحطة الوسطي بامدرمان في المنطقة التي تبداء بدار حزب الامة مكان محطة موبيل اويل الان وتنتهي بمحل ارونت قبل المحطة الوسطي مكان عمارة البرير الان شمال جامع امدرمان مع اضافة الزقاق شرق شارع الموردة الذي ينتهي بقهوة شديد وبنك الخرطوم الان ويضم ايضا الزقاق المتفرع من قهوة ودالاغا واجزخانة امدرمان حتي نادي الخريجين ويضم غربا سينما برمبل وقهوة الزيبق حتي مباني بوستة امدرمان
وسوق الموية يتكون من عدة مقاهي ومطاعم تبداء جنوبا من مقهي يوسف الفكي غرب السينما الوطنية وبالقرب من المقهي يقع دكان حمزة الحلاق حيث تقصده مجموعة من رواد سوق الموية للحلاقة وحمزة الحلاق كان هلالابي وفي دكانه وضع العدبد من صور لاعبي الهلال وبعد دكان حمزة هناك محلات نيوبازار لصاحبها علي عبدالله الملقب بعلي سكرة وبعد محل نيوبازار كانت توجد مقهي العم احمد خير وهو مقهي عريق وقديم كانت له اربعة ضلف تفتح شرقا علي شارع الموردة الرئيسي واربعة ضلف تفتح شمالا علي ميدان سينما برمبل وكان عندما ينتصر الهلال علي نده المريخ تصدح مكروفانات الفونوغراف باغنية الفنان الكبير ولاعب الهلال السابق كروان السودان كرومة
هل الهلال والايام صفنلوا وضع تاريخ في السودان بفنه
ولنا عودة لسوق الموية
|
Post: #98
Title: Re: لان السودان كله في ام درمان اذن ام درمان هي السودان
Author: Mutwali Malik
Date: 04-08-2006, 08:56 AM
Parent: #97
بالعودة الي سوق الموية اود ان اتحدث عن الرائد عليه رحمة الله جورج مشرقي وهو من اعلام سوق امدرمان
جاءته فكرة بيع المرطبات والعصائر بعد ان لاحظ ان الناس تاتي الي سينما برمبل باعداد كبيرة ويخرجون عطشي ولم تكن هناك خدمات طعام او شراب في المنطقة
القهوة جمعت كل انواع الناس ومشاربهم واتجاهاتهم واهتماماتهم وكان من رواد السينما الزعيم المصري جمال عبدالناصر وعبد الحكيم عامر اللذان كان ضابطان صغيران بالسودان وكانو عندما يخرجون من السينما يجلسون في المقهي ويطلبون المشروبات
رواد القهوة كانو من الطبقة العليا في المجتمع - الادباء - موظفي الدولة- القوات النظامية- الفنانبن- السفراء والسياسيين
من الفنانين ابراهيم الكاشف - عبدالمنعم حسيب - عثمان الشفيع - ابوداؤود - احمد المصطفي وغيرهم
من الشعراء ودالقرشي- عبدالرحمن الريح- ابوصلاح- البنا- سيدعبدالعزيز ومعظم اغاني الحقيبة ولدت في هذه القهوة
من السياسيين الذين كانو يرتادون القهوة الازهري - مبارك زروق - يحي ومحمود الفضلي -احمد يوسف هاشم - محمد نورالدين - حسن عوض الله وغيرهم
كانت تسمي قهوة الرؤساء لان كل من حكم السودان مر بها عبدالله خليل والنميري
المحل الان تحول الي بقالة كبيرة ويدار بواسطة ابنائه
|
Post: #99
Title: Re: لان السودان كله في ام درمان اذن ام درمان هي السودان
Author: khaleel
Date: 04-08-2006, 11:37 AM
Parent: #98
متولي
ورينا ليه سموهو سوق الموية
بعدين عاجبني اسم لذيذ في سوق امدرمان
عزت مجلي بسادة
|
Post: #100
Title: Re: لان السودان كله في ام درمان اذن ام درمان هي السودان
Author: Muhib
Date: 04-08-2006, 12:46 PM
Parent: #99
Quote: مدرسة الأساس
مدرسة الهجرة - تخرج فيها الرئيس الاسبق المشير جعفر نميري |
Now ,this is my school ..Thanks for putting this up ..
|
Post: #101
Title: Re: لان السودان كله في ام درمان اذن ام درمان هي السودان
Author: Mutwali Malik
Date: 04-09-2006, 12:20 PM
Parent: #100
لكم الشكر خليل- محب
بالنسبة لسوق الموية اختلف في التسمية والارحج ماذكره المرحوم جورج مشرقي ان اللواء حمد النيل ضيف الله وخالد ابوالروس هما من اطلق هذاالاسم وهنالك مقولتان بان هذا المكان كان يسمي في المهدية بسوق الموية لان البهائم كانت تسقي في هذا المكان نظير مبلغ معين من المال والراي الثاني يقول ان اول من اطلق هذا الاسم هو المرحوم طيب الذكر احمد ابراهيم خلوطي
والله اعلم
|
Post: #102
Title: Re: لان السودان كله في ام درمان اذن ام درمان هي السودان
Author: munswor almophtah
Date: 04-09-2006, 12:31 PM
Parent: #101
متوكل ياخ السلام والرحمه إنت أخ صلاح مالك المتواجد الآن فى المتجمد الشمالى الرباطابى الأمدرمانى الأصيل وملك الأنس والمرح تحياتى لك وللأستاذه هدى الأمين (الضرائب)
صلاح من النوادر وهو ملك ملك نوادر
منصور
|
Post: #103
Title: Re: لان السودان كله في ام درمان اذن ام درمان هي السودان
Author: الناظر
Date: 04-10-2006, 02:52 AM
Parent: #1
اخى المنصور عبداللة تحياتى و اشواقى متولى الطيب مالك ابن امدرمان اخ صديق تتلمذ على يد الاستاذ محمد البلة عثمان وقضي باقى ايامة مع المناضل امام الزين بالدوحة فيعرف عن ديرتنا الكثير و يعرف عن الشخصيات الخرافية هناك فلة منا كل التحايا و الاشواق
|
Post: #104
Title: Re: لان السودان كله في ام درمان اذن ام درمان هي السودان
Author: Mutwali Malik
Date: 04-10-2006, 08:56 AM
Parent: #103
عاشقي امدرمان والسروراب منصور وصديق الناظر لكم كل الود
لندع اهل السروراب يحكون عن حيهم العامر وانا كنت ماشي عليهم حسب تسلسل احياء امدرمان ولكن طالما اسعدتمونا بوجودكم فلا مفر لكم البحر خلفكم وامدرمان امامكم
اخي منصور اخي صلاح مالك يغريك السلام وهو ذاتو بتاع المحيط المتجمد الشمالي
الناظر صداقة اهلكم لن ننساه امام الزين - ودالبلة - عبدالعظيم ود عجبت- ابواليسر -ال ابوشامة والكثيريين
لنا عودة
|
Post: #105
Title: Re: لان السودان كله في ام درمان اذن ام درمان هي السودان
Author: Mutwali Malik
Date: 04-11-2006, 07:29 AM
Parent: #104
نرجع مرة اخري للكتابة عن احياء امدرمان
- حي بانت واسمها الكامل الرجال بانت لان المنطقة جنوب خور ابوعنجة كانت منطقة فضاء يتواجد فيها قطاع الطرق من بعد مغيب الشمس وعبور تلك المنطقة يعد مقياس وبيان للرجالة في ذلك الزمان واختصر الاسم الي بانت
ومن اهم معالمها سينما بانت- مركز الضو حجوج - مقابر حمد النيل - الجامعة الاهلية
ومن اهم الشخصيات التي سكنت بانت الدكتورالباقر ابراهيم الذي اطلق علي منزله دار الارقم ويضم كذلك منزل الفنان الكبير برعي محمد دفع الله -المحافظ مناع والكثيريين
|
Post: #106
Title: Re: لان السودان كله في ام درمان اذن ام درمان هي السودان
Author: Mutwali Malik
Date: 04-15-2006, 08:46 AM
Parent: #105
يقع حي العباسية شمال بانت وبعد كبري ابوعنجة في شارع الاربعين وهو من الاحياء القديمة في امدرمان ويقال انه اخذ اسمه من حي العباسية في مصر
وحي العباسية الذي يمتد حتي شارع العرضة شمالا وشارع الموردة شرقا ومابعد ميدان الربيع غربا ويشقه شارع الاربعين
يتكون حي العباسية من جزئين العباسية غرب والعباسية شرق يفصل بينهم الجزء الشمالي من شارع الاربعين وينقسم الحي الي اربعة احياء رئيسية كل منها يضم فرقا صغيرة
العباسية غرب تضم الجزء الغربي من حي الامراء - فريق العمايا- حي الصقور- حي الربيع- حي الضباط- الجزء الغربي لفريق فنقر
العباسية شرق تقع شرق شارع الاربعين وتمتد الي شارع الموردة وتضم فريق الشروحية والجزء الشرقي من فريق فنقر والذي يمتد شرقا الي فريق العتالة عند نهاية شارع الفيل جنوبا علي مشارف خور ابوعنجة
|
|