بورداب الرياض .. هنا نلتقي ، وفاء ، عطاء ، محبــة

بتــاريخ الخميس :2/فبراير 2006
وبنفس ملامحنا القديمة ..
سنجتمع لإعادة ترتيب البيت من الداخل ، سنحتفل بتكريم من بادلونا بالعطاء ، والحب ، والوفاء
سنغني ، ونرقص ، ونبتهج ، ونتحاور ...




فهل .. نلتقي ونجعلها ليلة أخرى من ليالينا المشهودة؟
التفاصيل لاحقــاً.. خلال هذا البوست

تمبس يا حبيب:
أحلف ليك بي شنو إني مشتاق ليك ..
وينك يا راجل يا كعب ..ملعون أبو اللحمة الدستك مننا
الزول اللاقيتو قبل العيد داك كان تمبس وعشرين كيلو أها طمني تمبس بعد العيد كيف؟؟؟

جيت ماري بي هنا عشان أسلم عليك وكان للتلفون أصبر لي لحدي اخر الشهر أصلي بقيت محمول(موبايل) وكده ...

تسجيل حضور بإذن الله

Quote: أحلف ليك بي شنو إني مشتاق ليك ..

منعول ابو الحنك البيش الما قاعد يمشي في الواحد بسهولة كدا ..
غايتو من يوم العيد .. تاني لحمة الحمد لله .. وشربوت ذاتو الحمد لله انا طاير لحدي الآن ..
..
وحسع متبع برنامج ( حمية ) .. والكلمة دي طبعا عاجباني ومن زمان بفتش لي مكان اقشطه فيهو
شغال اندومي ، وضابح طماطم طوالي .. عقدوني ياخ .. اقول ليك بصراحة ، بقيت فيل عديل
..
محمول ؟؟ قالو بقيت طوالي شغال ( هزاز )
..
وجودك مهم جدا .. ولحين اشعار آخر وتابع معاي البوست ..

ابو النسب
ومستشاري الفني
تمبا
مسكاقمي
كل سنة وانت طيب
عيد سعيد
دايماً انت صاحب مبادرات رهيبة . . والله العظيم مبادرة حلوه جداً منك
انك تجمعنا عشان نعيش لحظات صفاء جميلة .
تخريمة
حسع يجي جاري دكين الفقري ويقول صفاء دي منو
صفاء دي واحدة شعرها اشقر وكضومها مورمات

ود الفاروق

Quote: أحلف ليك بي شنو إني مشتاق ليك .. وينك يا راجل يا كعب ..ملعون أبو اللحمة الدستك مننا

يا اخوي
لا تلعن اللحمة عشان انت شبعان لحم تقوم تلعن . . يا اخي العن الفول ولا فتت بوش . . ولا اقول لك العن الجوع
نحن مشتاقين للحم وانت تلعن فيه . . حقيقة الريد قسم .

تمبس .. والمطاولات ..
ياخي ما تقول الكلام مرة واحدة ..
شنو حركات ناس الاذاعة دي ..

علي العموم ..
عمر الفاروق دا كان قال ما جاي ..
ما في زول يحنسو عليكم الله ..

والله يا عمر الفاروق،
عزاز شامي دي شقت حالك، مباريها صغيرونة بشرايط
ويافعة أم جضوم!

عمومن،
يا تمبس،
ورونا التفاسيل، وكان الله مد في الاعمار بنجي انا والعائلة الكريمة

تمبس
زول ساكت
عمر الفاروق
حمزاوى
حميـــده
و الحايجو داخلين ....
كل سنه و انتو طيبين و ملمومين ،،
مشتاقين ومنتظرين .

Quote: في إنتظار اللفتة يا عزاز عشان ننفي التهمة أو نثبتها

يا الفاروق
ايه الدخل الابنه عزاز في كلامنا
أرجو أن لا تخلط الاوراق


أنا آسف يا الابنة عزاز
أنا لا اعرف من اين اتى بهذه المعلومة
عمر الفاروق وحشر اسمك

أختنا عزاز وعمنا حمزاوي :
قبل ما نعوس الأري بي الحلو مر ...
معليش شكلكم فهمتوني غلط الغلط والموضوع ما عندو أي علاقة بي البلح ..
مجرد وصف يا عمنا حمزاوي لي الشعر الأشقر قمت جبت ليك صورة البروفايل بتاع عزاز ووالله ما فاهم قصدك شنو بي المعلومة المغلوطة دي شنو !!!!!!!!!
عموماً يا بورداب الرياض شكلكم بقيتو معانا علي الهبشة ونحن زااااااااتنا بقينا معاكم علي الهبشة ويا دار ما دخلك شر !!!!!!!
فقط يا حمزاوي ويا عزاز تأكدوا إنو المداخلة وربنا يعلم كانت لمجرد المزاح !!!!
ويا أختنا عزاز نأسف للشرايط وإنتي صغيرونة أما الجضوم فربنا يعلم لحدي اللحظة ما شفتك وما أظن إتلاقينا ولو إتلاقينا ما أظن أعلق تعليق زي ده لكن كل الموضوع كان هظار في هظار ويبدو إنو المرة دي زي نشنت برة التختة !!!!!!!!!!!

Quote: يا الفاروق ايه الدخل الابنه عزاز في كلامنا أرجو أن لا تخلط الاوراق

اوراق شنو يا حمزاوي ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

تخريمة :
يا حميدة انا ما جاي بس علييييييييييييك الله تلحقنا بي الصور !!!!

حمزاوي حاولتا انزل ليك غنية لي شاكيرا بس فشلتا ..


الدعوة موجهة لي تنقو عشان ينزلا لينا ..


ود الفاروق حاولتا انزل ليك غنية لي قيقم بس مالقيت ليهو مكتبة حايمة ..

قالو لي إلا يحنسوك ..

النبي كان تجي مع حميدة
الود جديد في السواقة وعايز دليل.. حاول ياخ اتستر معاهو يوم واحد..


زي ما قتا الامور هنا تؤخذ بي حساسية شديدة ..نسال الله السلامة
عمك حمزاوي ده بهظر ساي ما تاخد في بالك..

Quote: انا اسف يا الاختة عزاز

عالم جبانات بشكل ..

إر من انجي سندي ؟؟

قبُلا وحدا ووو سندوج ...







عزاز ..

عمر الفاروق منزل ليهو مجلد كامل تبارير لي حمزاوي ..

لقيتك هارشةالكبار والقدرك..

الله مرقنا ساكت ..
دا كان مرقنا..

Quote: بتــاريخ الخميس :2/فبراير 2006

يعنى بعد يوم 1

( سحبت المادة نسبة لانتهاء الغرض منها )

Quote: صلاح غريبة الناطق الرسمي باسم بورداب الرياض - الاصلاح والتجديد

انتو خشيتو الغابة خلاص ..

الإخوة بورداب الرياض

تحياتي لكم جميعاً وكل سنة وانتو طيبين





ما تنسونا لاني بصراحة عايز إتعرف عليكم ( خلاص يا تمبس )

أبو شهد

اخوي حميدة

انت ما قريت ( البيان ) الذي اصدرناه

بخصوص ان بعض بورداب الرياض يستغلون اسم بورداب الرياض والتحدث في الكثير من المنابر بهذا الاسم .
وحيث اننا راقبنا هذه المنابر ووجدناها تنحو نحو انفرادية في التوجه

وحيث ان الرياض به عدة انقسامات وتكتلات و تداخلات
والخروج باسم البورداب الى هذه الانقسامات يعني وصول هذه الانقسامات الى هذا الجسم

فاننا أرتأينا التصدى لهذه الممارسات وذلك باعلان ما يسمى بورداب الرياض ( الاصلاح والتجديد )

و لعلمك فاننا في حالة اجتماعات مستمرة وقريبا سنعلن لجمعية عمومية و لجنة تنفيذية و يبدأ النشاط الثقافي والاجتماعي والرياضي

وستكون مفاجاة الموسم ..... انتظر وسترى

اخوي حميدة

انت ما قريت ( البيان ) الذي اصدرناه

بخصوص ان بعض بورداب الرياض يستغلون اسم بورداب الرياض والتحدث في الكثير من المنابر بهذا الاسم .
وحيث اننا راقبنا هذه المنابر ووجدناها تنحو نحو انفرادية في التوجه

وحيث ان الرياض به عدة انقسامات وتكتلات و تداخلات
والخروج باسم البورداب الى هذه الانقسامات يعني وصول هذه الانقسامات الى هذا الجسم

فاننا أرتأينا التصدى لهذه الممارسات وذلك باعلان ما يسمى بورداب الرياض ( الاصلاح والتجديد )

و لعلمك فاننا في حالة اجتماعات مستمرة وقريبا سنعلن لجمعية عمومية و لجنة تنفيذية و يبدأ النشاط الثقافي والاجتماعي والرياضي

وستكون مفاجاة الموسم ..... انتظر وسترى

اخوي حميدة

انت ما قريت ( البيان ) الذي اصدرناه

بخصوص ان بعض بورداب الرياض يستغلون اسم بورداب الرياض والتحدث في الكثير من المنابر بهذا الاسم .
وحيث اننا راقبنا هذه المنابر ووجدناها تنحو نحو انفرادية في التوجه

وحيث ان الرياض به عدة انقسامات وتكتلات و تداخلات
والخروج باسم البورداب الى هذه الانقسامات يعني وصول هذه الانقسامات الى هذا الجسم

فاننا أرتأينا التصدى لهذه الممارسات وذلك باعلان ما يسمى بورداب الرياض ( الاصلاح والتجديد )

و لعلمك فاننا في حالة اجتماعات مستمرة وقريبا سنعلن لجمعية عمومية و لجنة تنفيذية و يبدأ النشاط الثقافي والاجتماعي والرياضي

وستكون مفاجاة الموسم ..... انتظر وسترى

انتو منو يا صلاح غريبة ..

الاخ تمبس
كل عام وانت بخير وجميع بورداب الرياض
دوما بنسمع ببورداب الرياض ولم يحالفنا الحظ بالتلاقي بهم الا كافراد وفي مناسبات متفرقة
على العموم دعوتك لاقت عندي كل الترحاب وانشاء الله سنكون اول الحاضرين لنلقي بدلونا لنغترف لنا موقعا بينهم ،وكما ذكر الاخ (غريبه) يوجد من يتحدثون باسم البورداب في الرياض فنتمنى ان نقول معهم نعم او لا ونحن نعرف من يتكلم نيابة عنا ولا نكون قراء فقط للاقتراحات ، وبرغم اختلاف مشاربهم لابد ان تكون هنالك نقطة لقاء .
مرحبا بالدعوة ونتمنى ان نكون معكم .

جمال هباني

دعنا نحقق لك حلمك بالعمل في الولايات المتحدة..
سجل وانتهزالفرصة لحياة افضل..


دي اقرب شي قدامي ليقتو

شكرا للردود اعلاهــا ..
..
صلاح غريبه اكرر سؤال حميدة انتو منو بالضبط ؟؟ واصلاح شنو .. ده ؟؟
..
عباس زول ساكت .. تأكيد حضورك اثبات لتواصلك الحميم .. سنلتقي فقط تابع معنا ..
..
حمزاوي ابو النسب .. سنكون عند اللقاء ..

عمر ..
..
البوست .. مشى مكان تاني .. وكنت بتمنى انو تكون المداخلات تكون مسؤولة .. وللاسف الفرصة اتفتحت لي مزايدات كانت متوقعه ..


عزاز شامي
امسحيها في وش اخوك .. وما بيحصل إلا الخير .. ليك الاحترام والتقدير .. وجميل ان تزيني بورداب الرياض أنت وبقية الاخوات والاسر الكريمة .. وستكونون دائما مكان تقديرنا واحترامنا .. وح نشيلكم في راسنا
..




إذن سنلتقى في الزمان والمكان المحددين ..

وأرجو المتابعة

تمبس حبيبنا
بما اني من الناس اللنج ومن سكان الرياض من زمن كان الملز جمب منفوحة مفروض اجي واسلم عليك رسميا وشعبيا وشخصيا انت يا تمبس وعلي كل الاخوة 00 لكن مواعيدك قريبة والبلد زي ما انت عارف اليومين ديل بردا كيف كدي امهلني شوية النشاور الكفيل واجيك لكن وعد رجالا ياتمبس اجيك في التخصصي باذن الله 00 جهز العصاير والذي منو

تمبس سلام
والله يحفظك ياخي (دى ما على وزن حفظك الله الرئاسية ديك)
و ان شاء الله تكون لمتكم عامرة ومثمرة

--------

اللمين اشرب لي معاك عصير عن تامبا ده.

مصدق الفنان ..
حضورك دائما يشرفنا .. ويدعم ترابطنا
..
وليد طه .. السنة دي كبيسة معناته بعد اسبوعين .. جاهز طبعا ..
..
محمد خليل اسماعيل ..
وجودك اضافة جديدة .. وحتما ستلتقي بكامل المجموعة .. وسيستمر التواصل ..
..
جمال هباني ..
التقينا مرة واحده .. علي ما اذكر لكن الفرصة كانت ضيقة ، لكن عند لقاءنا هناك مساحات ضخمة للتعارف بكامل المجموعة وسنتحدث عن الكثير وكل ما يتعلق بالوضع هنا في الرياض وكل الامور التي ظهرت مؤخرا باسم بورداب الرياض .. حضورك يشرفنا كثيرا ..
..
الأمين عثمان الصديق ..
نحن بنفتش على الناس اللنج .. واللقاء بيناتنا قائم .. وخليك حريص انو نتقابل لتتعرف عن قرب بالكثير من بوردابالرياض عن قرب .. وكل من تقرا لهم هنا ستجدهم اكثر روعه وبهاء .. العصير جاهز يازول وفريش بس أنت ابقى مارق ..
..
سعد الدين
ستكون ايضا حضور معنا .. وستحتفل بنا ..
بورداب الرياض جمعت مجموعة ضخمه من الاصدقاء بالبورد ، وكانت كل احتفالياتنا محضورة تلفونيا من اعزاء لنا غيبتهم زحمة هذه المساحة .. اخواتنا العزيزات جدا رجاء العباسي وراوية العباسي ، ام سهي ، خالد الحاج ، حنينه ، هاله قوته ، وكلهم مننا وفينا وشاركونا حضور جميل في الكثير من ملماتنا السابقة لهم التحية ، ولك التحية .. ومن حسع جردل العصير بتاعك بتلقاه عند اخوك .. بالاضافة لي جردل بتاع شاي برضو ..

دكين ..
المسالة دي خميس وبالليل يعني ممكن تجي وترجع طوالي وبالمرة حرك معاك تنقو ، ودكتور حمد ..

انت انت بتتنسي ما انت
و تمبس اصلو ما بقصر شايفو جهز ليك جردل كيوي
ياخي انت السنة دي ماتجي الرياض عمرة ياخي
غايتو يا ابو السعود انا كان لقيتك في البلد دي كان نسوي لينا خرم في السماء دا

يا تامبا
خليها جمعة وباركوها ..اخوك اسبوعو جاط فوق تحت مؤخرا ..

حمزاوي الجمعةمعاك كيف؟؟
اخوك اجازتو سبت واحد ..


بصراحة لو عملوتها خميس حتفقدوني انا وعمر الفاروق الرعديد..




غريبة

واحد قريبنا نقيب سايق كرولا وما كان لابس كاكي وقفو بتاع شرطة في نفق بري وقال ليهو رخصتك يا معلم؟
قام النقيب عايم ليهو كده قال ليهو : ما عرفتك ياخينا انتا منو؟؟
العكسري قال ليهو : معاك وكيل عريف شرطة الهادي النعيم ..
قريبنا قال ليهو : ياالهادي هو العريف ذاتو شنو لامن يعملو ليهو وكيل ؟؟


اها هسع انا شايفك عملمتا ليها اصلاح وتجديد..
هي شنو العايزة اصلاح وتجديد ؟؟
البورداب ذاتم شنو لامن تصلح وتجدد فيهم ؟؟



ياخوانا ..ما نحن إلا مجموعة متفرقة الاهواء والميول التقينا على ود وطرب وغناء واجواء عائلية ..
مسالة انو البلد وعايزين نغير الحاصل دي خزعبلات ساي وفنجطة سايبر ساي زي قرقرابة بشاشا..

الاحزاب اكزست في معظم افراد البورداباب ..
يعني مسالة يتلمو على قضية واحدة بي تنظير واحد منكم دي ما تحلمو بيها ..

كمثال مثلا :

ود الموج بتحركو مصالح الحركة الشعبية
وراق بتحركو مصالح حزب الامة والصادق المهدي
ود الباوقة مصالح ناس المؤتمر
المحارب بتحركو ندى كودي
تمبس ندى القلعة
غريبة ناس الجبهة
ود قاسم الاتحادي
ساطور الحزب النوبي
ابو جهينة وطني اتحادي
حسن الملك حزب امة
وليد 399 مستقل
وليد طه محمد ابراهيم نقد
حمزاوي ثورة الفاتح من سبتمبر




********************
حاولو صدقو المسالة ياخوانا ..
وخلو البينكم طرب ومودة ..

Quote: وليد طه محمد ابراهيم نقد

دكين والله العظيم ما عارف أقول ليك شنو
نقد مرّة واحدة؟!!
بالغت يا رجل
يعنى البوست الجاى بتاعى حيكون (مذكرات شيوعى إهتدى)؟

ضربك البرد يا صديقى العزيز

تخريمة : مُمكن أبدل مع 399 ؟

كلمنى

نديها عتلة

وليد
والله فقدتك وفقدنا شاي مغربك يا صديقي..

ضربني البرد وايو برد ..


اخوك برد الخليج لفحو لفح شديد ..

هوانا بقى خليجي زي ما قال حمد ..





بكلمك بس تلفونكم مشغول يا حبة ..

العزيز تامبا ....
الاخوة والاخوات بورداب الرياض الاجلاء ...


سنكون حضورا باذن الله تعالى مع الاسرة الكريمة نسأل الله ان يجمع شملنا في الافراح وان ننأى بأنفسنا عن كل ما يعكر صفو العلاقات المتينة التي بنيناها مع بعضنا وان يزيد من ترابطنا مع بعضنا البعض وان نسمو بأنفسنا ونترفع عن الصغائر ..

والله من وراء القصد ...



ود الباوقة

تمبس،
اشكرك لك وقفتك الاخوية، وده العشم فيك ...

العم حمزاوي،
لم تخلط أوراق، بل هي النفوس وما بها ...

عمر الفاروق، دكين ...
جئت لهذا الفضاء الرحب ابحث عن اخوة واخوات لم تلدهم لي امي، ووجدتكم، تبرعون فيما عجز عنه الاعداء لأني أمنت جانبكم...

شكرا جميلا لكلمة حق ولأخوة من القلب
وعفوا جميلا لمن جهل قيم التعامل النقي...

نتلاقى في زمن اجمل!

سلام يا بورداب الرياض
شنو الحكاية ؟ قبال مانصلكم مع نهاية الشهر نجدكم قد قررتم تطبيق القاعدة السودانية في إختلاق الأجنحة وثقافة الإنقسامات ؟أم أنها واحدة من دعابات غريبة وتمبس
عموما حصل خير .. شدة وتزول .. وتلتقون في رحاب الوطن الجميل ، لذلك فنحن كما قلنا من قبل تواقون لرؤية وجوهكم التي تحمل الكثير من خيرات أهل السودان ومزاياه الراسخة في الخيال والحقيقة
بطرفكم مع نهاية هذا الشهر ... يعني جاهزين جاهزين لإضاءة شمعات الإحتفال في الثالث من فبراير برغم برودة الطقس
.. إلا أن دفئ مشاعركم ستخفف عنا الكثير من برودة الصحراء
وإلي اللقاء
صلاح الباشا
الخرطوم بحري
912672762 الهاتف الجوال

عزيزي تمبس علاء منصور

تحايا

دعوة كريمة و مقبولة إن شاء الله ..
طبعا كما تعودنا أن يكون البساط أحمدي ( زى زمان ) قبال هجمة الفُرقة و التشتت..

لذا فإن الدعوة منك أو من أي شخص داخل أو خارج اللجنة مقبولة شكلا و مضمونا ..

و أنا واثق الحصل في الأشهر الفاتت ( برطمة زعل في فنجان ) ..

حقيقة المناسبات كثيرة جدا التي من شأنها أن نلتقي و نتفاكر و نخفف قليلا من هجير هذه الغربة الذي صار يلفح أكثر مما كان من ذي قبل ..

ليكون الموضوع أكثر فاعلية .. نرجو الإتصال بالأعضاء هاتفياً فردا فردا .. فمعظم الأعضاء كما تم الرصد لا يدخلون هذه الأيام في النت لسبب أو آخر.

الأخ صلاح أبوأحمد غريبة .. تحايا و مودة

نحاول جاهدين و مشفقين و مخلصين إطفاء بعض النيران التي شبتْ هنا و هناك .. فأرجو صادقا أن تسعى معنا لرأب ذاك الشرخ و تجنب كل ما من شأنه أن يدلق قليل من الزيت على بقايا اللهب .. حتى و لو كان ذاك الدلق على سبيل المزاح فقد يؤخذ مأخذاً آخر و النفوس لا زالت عالقة بها ما علق مؤخراً ..

نتمنى من الجميع دون فرز تأكيد الحضور .. و ال عندو شيتن في قلبو يجي و يفتو هناك .. وجها لوجه .. و نحن واثقون بأن الوجوه ( مناديل حرير ) .. مش خناجر ..

اللجنة الموقرة ..

فليتم تحديد الإستراحة من الآن .. و أقترح إستراحة العمارية ( يبدو أنها ستكون من أوقاف بورداب الرياض من كثرة ما إستأجرناها ..

من ضمن بنود اللقاء بحوله تعالى :
الإحتفاء بالأعضاء الجدد.
و هناك بنود مفرحة كثيرة سنتركها لحينها ..

ساطور .. خليك قريب ..

دكين : أنا وطني .. لكين ما إتحادي

و الغريب إنو في ناس إتحاديين لكين ما وطنيين ..

واصلو يا شباب

ترهاقــا( ساطور )
وجودك ..من الاساسيات المبني عليها البرنامج .. التنسيق حيتم بيناتنا بشكل اوسع .. خليك قريب جدا .. وأعمل حساب انك ح ترحل معاك الكيبورد ، والاستديو عايزين ندشنهم في الاستراحة هناك ..
..
دكـــين .. غطي معاك المنطقة الشرقية .. والساحل الشرقي والهاف مون زي ما قلت ليك حمد وتنقو امنة في رقبتك .. وجيب معاك سمك ..
..
ود الباوقه والاسرة ..حضورك والاسرة يعني اضافات كتيرة وعودتنا دائما على خلق جو اسري حميم التحية ليك وللاسرة الكريمة ـ الاجتماع التحضيري وكل العمليات الفنية ح تنطلق من بيتكم - فضي لينا الصالون الطرفاني داك ..
..
عزاز ..
فكي الحمبكة دي شويه عليك الله .. وحظك الشال شريحة الموبيايل المرة الفاتت خليهو في البيت وتعالي بدونو ، سمعت تحت تحت انو الجائزة المرة دي عربية .. والنفوس إن شاء الله طيبة جدا ياعزاز .. بالرغم من زنقة امتحاناتك .. لكن حضورك حيكون جميل بيناتنا..
..
استاذنــا ابو الباشا ..
مليون مرحب بي وجودك بيناتنا .. والغربه يا استاذنا ما غريبه عليك ، لكن بنعالج صعوباته بي لماتنا الحميمة ، وبنمارس سودانيتنا المعروفة .. كل الاسقاطات دي يا استاذ من انقسامات وعراك وحرب جزء من عاداتنا وتقاليدنا وما يغرك الشكل الخارجي والنفس الحار ده .. متأكد تمام عند حضورك وتشريفك لينا بتلقى كل الامور في نصابها الطبيعي ..
ونرحب بيك في الرياض ، وفي انتظارك ..
..

آنا جاي يا تامبا بصفتي الخبير ألأجنيي لبورداب الرباض زي ما قال غريبة وممثل واشنطن .. هل من مرحب ???

Quote: آنا جاي يا تامبا بصفتي الخبير ألأجنيي لبورداب الرباض زي ما قال غريبة وممثل واشنطن .. هل من مرحب ???

اخي احمد ود عبد الله .. تجدني أول المرحبين بك كخبير اجنبي لبورداب الرياض بس اوع تكون زي البرادعي

بعدين ليه ما نعطيك يا ابوحميد الدكتوارة الفخرية لبوردابنا .. بجد تستحقها والله ..



ود الباوقة

ابو جهينة الرجل الهادي الرزين

كلامك ريحني

وحاضر ليكم ومعاي والاسرة

دكييييييييييييييييييييين

شنو صنفتني مع ناس الجبهة

خليهم يصلحوا لي سيارتي القديمة دي على الأقل

تتخيل انو انا مع معين والناس ماعارفة ؟

حذر وحأقول ليك في اللقاء الجامع

غريبة
سلامات ومودة

عادي ياخي .. انا لو لقيتها ما باباها ..

والله انتا زول طيب وخلوق وما عندك عوجة..والشينة ما شفتها فيك ..


العالم دي كلها ساكة مصلحتها ..لامن انتا تجي تسك مصلحتك يمرقوك فاشستي..





فاشستي يعني شنو؟؟؟

يا تمبس

حمد ممكن يجيك بس تنقو ده لوجبتو ليهو سلمى بتاعة النيل الازرق ديك في الصالة القدام غرفتو ما يمرق من تحت بطانتيو في البرد ده..

ياخي ده تمشي ليهو البيت تلقاهو ملفلف طواقي وكنزات وشراريب وجونتات تقول مومياء..

الذي شي في تنقو ده شراريبو ..
تبدا بي لون اخدر فاتح وتتدرج اخدر غامد ثم اسود ثم احمر فاتح تم اسود ثم احمر غامد..

ذي عصابة القناع الاسود..



زول مبرمج حياتو كلها على لون شراريبو وبيت الثعلب داك..
كائن بيتي ..
عنكبوت..

في زول ماشي الخرطوم قريب من ناس الرياضاو الشرقية ؟؟

عندي حاجة ماشة هناك وزنها وزن مجلة ميكي ..


المروة ياخوانا..

اخو احمد عبد الله

مرحب بيك وانا اول واحد حاكون في استقابلك

لانك غالي عندي

وطبعا على هامش المناسبة سيكون بيننا لقاء

( لقاء أخوي )


المهم حضورك

نيابة عن بورداب واشنطون دي سي

الريس أبو جهينة ..
البساط بيناتنا أحمدي دائما .. وحبال الود ممدوده إلا من أبت نفسه للتواصل ، ونحمد للمساحة انها خلقت لينا مساحة واقعيه للتواصل حنفضل متمسكين بيها..
..
كل الترتيبات يا استاذ .. تجري بصورة جيدة ، وترتيب كويس جدا باستثناء بعض التفاصيل الصغيرة ح تتحسم في اليومين الجايات ، ومبدئيا الاستراحة القديمة ( أوقاف البورداب ) طبعا ان مصاحب الحارس الهندي اسماعيل . وشكلو كدا ح نقوم نعمل ليهو اشتراك معانا هنا بعدما حفظ اشكالنا واتعود على السلم الخماسي
لاحظت غياب الكثير من الاعضاء .. وعدم الدخول للبورد ، لكن هناك قائمة قديمة سيتم الاتصال بالجميع دون استثناء .. والزمن مناسب قدامنا وبدينا مساحة كويسه للترتيب.. وبنود الاحتفال في تزايد وح يكون يوم اسري جامع لا يقل روعة عن المناسبات السابقة .. فقط أتمنى تأكيد الحضور من الجميع ..
..
أحمد عبد الله .. الخبير الاجنبي
أول حاجه شكلي كدا كان رجعته ما ح اللقي ولا سمكة في البحر القش ليكم الدرب يقشو لينا يارب ..
بعدين صاحبك ده اديهو دفره وقول ليهو كفاك .. وكان جيت معاهو تكون ما قصرت
حنكون منتظرنكم ..
وترحيب حار جدا جدا مني انا ..
..
غريبه ..
مرحب بيك وبي اسرتك الكريمة ، والمكان بيسع الجميع بس المهم النفوس تتطايب ..
..
دكــــين..
بلاي تنقو لسه في حركات ( الشراريب دي ) ؟؟ طيب كان جا الايامات دي بي الزيفه بتاعت الرياض دي يعمل شنو ؟؟
بلاي يادكين حرك معاك الناس ديل ، والله البرنامج مليان شديد جدا ..

دكين

انت ماشي بعيد مالك
انا ظاتي ماشي ( بجد )
فاتصل بي

بالمناسبة انا بشيل لكن بوزن بالاوقية

شوف وزن كم واضربو في 5 ريال للوقية وتعال لي بجاي




فاشستي كما يقول الزمخشري

فا : نوع من انواع الصابون الففاخر
شس : هي باللغة الانجلو سكسونية تعني الارض التي ابتلت بماء المطر ثم نشفت ثم ابتلت مرة أخرى

تي : هي اختاصر لكلمة تتي الجاية من ( تتي يا حلوة انتي )

اتمنى ان تكون فهمت معنى كلمة فاشستي



قرصة :

حبوبتي تقول ليك هي مبسوطة منك وربنا يغطيك

الاخ /
تمبس

كل سنة وانت طيب


*** صلاح غريبة
الناطق الرسمي باسم بورداب الرياض - الاصلاح والتجديد ***

الاخ غريبة بورداب الرياض ليس لجنة شعبية تتحدث بلسان الانقاذ او حزب انما مجموعة من المهاجرين
جمعهم هذا الفضاء الاسفيري وكل واحد يحمل رؤي وافكار مختلفة وليس هنالك ضابط تنيظمي يلزمهم بالتخلي عن انتماءاتهم الفكرية .

كفاكم ياغريبة انت ومن معك سرقة افكار الاخرين الاصلاح والتجديد اسم حزب مبارك الفاضل .

رسالة :***

الاخ ابو جهينة
هل اصبحت تمتلك صكوك الوطنية لتوزعها للاخرين وفق ما تهوي ؟.
ان كانت لك عداءت شخصية مع اتحادي فارجوا ان لا تنفس عنها في البورد لتكسب عداء الاتحاديين وغيرهم . ويجب ان لاتخلط مابين العام والخاص .

رسالة اخيرة *****
اخي تمبس مسعي مقدر لجمع الشمل بالرغم من السهام الطائشة التي وجهت لتقتل الفكرة في مهدها
وتفرز سموم الانشقاق المعد لة سلفا ستجدني اول الحاضرين وبقية الشرفاء .

لك وللمتداخلون الود

ياربي الداخل علينا توش دة منو

وراكب من ياتو محطة

الاخ /
غريبة

.**** ياربي الداخل علينا توش دة منو ****
لم اطرق باب بيتكم .

رسالة ***

شيئ من خواء الفكر بين دهايز اللاوعي يعتلي منصة العقل ليتوج اسفاف القول معركة في غير
معترك .

ودالباوقة

تسلم يا أصيل رغم أنك بقيت تشكر في ناس ألأنقاذ ...وأصابتك عدوى صلاح غريبة نسأل الله أن يعافينا وإياك ,, انتم في جمعكم زينة أهل الرياض بكم نفخر وبكم نعتز

تمبس

تشكر يا غالي على الترحيب فأنتم لوحدكم تاج رأس أهل الرياض ...أفشوا ثقافة الود بينكم فالترابط من جميل خصالكم... صاحبي مازآل هتاك وسط الثلوج وليالي البهرجة وللحقيقة لم أشاهدأبرع من صاحبي في كسير التلج وكب السكر ... غادرت السودان منذ اسبوعين ... أرجوا تكليف من ترونه مناسبالانقاذ صديقي قبل أن يتجمد....

غريبة
تشكر عزيزي للترحاب ..أملي أن أراك يدا واحدة مع أخوانك في الرياض ..وسنلتقي أذا كان في العمر بقية

كل الذي أعرفه عن نفوسنا (نون النحل دي معاي فيها دكين) أن نفوسنا أنقى من جبنة بوك !!

ولو مكضبنا وما مصدقنا أسألو العنبة الرامية في شارع التحلية !!!!!

تمبس أخوي البوست بتاعك ومن ما حسيت فيهو الإنحراف عن المسار(زي سواقة حميدة) وانا عملت نايم وما جيت تاني بس معليش كان لازم نجي تاني !!!!

دكين اللعين ..أشكر لك إخراجي من قائمة المهروشين بتحديدك للكبار والقدرو ..وعليك الله لمن تجي ورينا نلاقيك وين عشان نعرف أخبارك ..

تخريمة :
ما الحنان الفي قلوبنا أصلو نابع من عيونك ..

دكين الفقري جنى دنقل

Quote: حمزاوي ثورة الفاتح من سبتمبر

أنا الفاتح ظاااااااااطو

عمر ود الفاروق
يا اخوي تيك ات ايزي
يا اخوي البساط احمدي بينا

الأخ يوسف
تحياتي

Quote: الاخ ابو جهينة هل اصبحت تمتلك صكوك الوطنية لتوزعها للاخرين وفق ما تهوي ؟. ان كانت لك عداءت شخصية مع اتحادي فارجوا ان لا تنفس عنها في البورد لتكسب عداء الاتحاديين وغيرهم . ويجب ان لاتخلط مابين العام والخاص .

ما هذه الغضبة المضرية يا أخي ؟
أظنك لم تقرأ الجملة جيدا و لم تستوعب قصدي تماماً .
الإتحاديين كحزب ليس لي معهم أي عداء أو ضغينة .. و أجزم تماما بأن لي من الشجاعة لمواجهة خصومي وجها لوجه و ليس هنا في البورد ( رغم أنه حتى هذا العمر لم أكسب عدواً واحداً و لله الحمد ) .
و إذا سردت لك علاقاتي مع زعماء الوطني الإتحادي فلن ترضى بما كتبته لي أنت هنا ..
يكفي أنني جار الشريف زين العابدين الهندي نأكل في صينية واحدة .. و بيننا و بين آل الهندي أجمعين ما بين الجار و جاره من وشائج. أنا لا أعرف توجهك الحزبي .. و الإتحادي الوحيد الذي أعرفه هو ود قاسم .. و الذي بيني و بين ود قاسم هو كالعلاقة بين الفاكهة و قشرتها ..
فأفصح بالله عليك من تقصد بالعداوة المستترة التي أحملها عبر البورد ..
لقد بهتَّني يا رجل .. تماماً.
أما ( الإتحاديين ) الذين قصدتهم أنا فهم الذين يدعون ( الوحدة ) .. أم صارت كلمة الإتحاد حكرا على ذاك الحزب فقط ؟
و كما تلاحظ فإن صكوك الوطنية و النضال صارت مجانية يا أخي يحملها كل من هب و دب و يوزعها من يشاء مجاناً فما الذي يحرمها على شخصي الضعيف رغم أنني أرى نفسي غير مقتنع بصكوك هذه الأيام سواء أن كانت وطنية أو نضالية ..
أما العام و الخاص فأنا أعرف حدودهما الفاصلة تماما و لا أحتاج لأحد كى يشرح لي الفرق بينهما ..

كل عام والجميع بخير
نؤكد الحضور ونتمني ان تكون هناك فقرة تعارف للاعضاء الجدد عشان الاسماء بالاشكال
مانكون ذي يوم الفطور طرش في زفة
شكرا اخي ود الشيخ علي الاتصال والتبليغ
واوكد حضوري مرة اخري في هذا المجمع السوداني الجميل

عضو قديم وجديد وحاضر في اللمة انشاء الله
ياريد تفاصيل أكثر وشاكرين الاهتمام .

.:.


المرة دي لابد ليكم ..

وراكم وراكم حتى حريملا ..

يديك العافية يا أخ تمبس ..

اخى العزيز تمبس


تحياتى الخالصه وشكرا كتير على الدعوه وطبعا نحن من الجدد


وانشاء الله تكون لمه فرح وطرب من خلال المعرفه بالكثيرين والتواصل


بس رجائى من خلال الدعوه قولوا انها بوردابيه وسودانيه بدون الوان


عشان ما يحشر اليابس مع اللين لانوا من خلال المشاركات بدأت احــس


اللمزات وكفانا غربه0


اخوانى المداخلين والله استمتعت بالمرور عليكم كلكم واصبحت متلهف


اللمه وربنا يجمعنا فى الخير دوما0



تمبس كنا عاوزين نعرف التفاصيل عشان نساعد لاننى جديد0



تحياتـــــــــى لكــــــــــم


ســــــــــــــــيد

الاخوة الافاضل تحية طيبة وكل وانتم بخير

الشكر للاخ تمبس لهذه المبادرة الرائعة وبما اني عضو جديد فكنت انتظر دعوة مثل هذه لمزيد من التعارف لذا ان كان في العمر بقية سوف نحضر

دكين اللعين :

Quote: عندي حاجة ماشة هناك وزنها وزن مجلة ميكي ..

لو ميكي جيب أبشر تب حاجاتك وصلت لكن لو مجلة ميكي زاتا فدي صعبة شوية واعفيني ..

اها شن قولك من هنا لحدي الخميس إن ربنا حيانا أصلو الزول قايم الجمعة دغش..

Quote: اها شن قولك من هنا لحدي الخميس إن ربنا حيانا أصلو الزول قايم الجمعة دغش..

ياعمر المحمول اقصد الفاروق
انا لاني كنت متوقعك وماجيت لي غاية ماالتوقع بتاعنا كمل

حقنا عايزنوا عفش ساي

عندنا شنيطة كان بالغة تصل ليها عشرين كيلو ونحنا في درب المطار

مر اخدها وربنا يجعل ليك في كل سفرة سلامة

Quote: اها شن قولك من هنا لحدي الخميس إن ربنا حيانا أصلو الزول قايم الجمعة دغش..

ياعمر المحمول اقصد الفاروق
انا لاني كنت متوقعك وماجيت لي غاية ماالتوقع بتاعنا كمل

حقنا عايزنوا عفش ساي

عندنا شنيطة كان بالغة تصل ليها عشرين كيلو ونحنا في درب المطار

مر اخدها وربنا يجعل ليك في كل سفرة سلامة

تمبس ياخ عليييييييك الله ما تزعل مني بس زولنا الما ساكت ده نحن بنعزو ونقدروا جداً وما ممكن نفوت فيهو (ساكت) كده ..

Quote: انا لاني كنت متوقعك وماجيت لي غاية ماالتوقع بتاعنا كمل

ما هو نحن عشااااااااااان طلع (متوقع) قمنا ما جيناكم بس لو أكدتوهو لينا كنا جينا..

Quote: حقنا عايزنوا عفش ساي

ده المزكر بتاع عفشة ولا شنو ؟؟؟ وبرضو تقول لي أجي ؟؟؟
تجي ولا نجي في مطار أبو ظبي ..

Quote: عندنا شنيطة كان بالغة تصل ليها عشرين كيلو ونحنا في درب المطار

شنطتك دي طلع منها الهبهان والقرنفل والسيجنال تو وصدقني بتبقى كيلو

غايتو انا زولي المسافر ده حدو معاك يشيل ليك الريالات وكان خلااااااااااص عصرتو علي بخليهو يشيل ليكم دوا الكحة للعجايز

Quote: وربنا يجعل ليك في كل سفرة سلامة

امين يا رب..

وربنا يجعل ليك في كل (صفرة) نعيمية

>

Quote: هنا نلتقي ، وفاء ، عطاء ، محبــة

مرة واحدة كده..
إذن..





النقلة نوعية..

وبالمرة..


(قادمون)

الأخ تمبس وبقية الإخــوة الكرام
رغم أني عضــو قديم لكن للأسف لم تتح لي الفرصــة في الالتقاء ببورداب الرياض عبر اجتماعاتهم السابقة. لذلك سوف أحرص على الحضــور لمقابلة هذه الشلة الظريفة..
الحلاوي

الأصدقاء الأعزاء
بورداب الرياض .. وكل من يتابعنا من خارج منظومة سودانيز اون لاين ..
يأتي تجمعنا هذا امتداد طبيعي لما نقوم به هنا من عمل جماعي مشترك يشتمل على العديد من الاهتمامات المختلفة إلا أن الهدف الأساسي تجمعنا كجسم موحد نمارس من خلاله توحيد الصف الاجتماعي ، والمساهمة في العديد من الخدمات الاجتماعية والأنشطة المختلفة ..
قدمت المجموعة العديد من الأعمال المختلفة وتفاعلت مع العديد من القضايا الحيوية المهمة وكانت الدينمو المحرك لعديد من القضايا التي تم طرحها هنا في الموقع وساهمت بشكل فعال في إنجاز مشاريع مختلفة وكانت في مقدمة كل عمل جماعي يهتم بالأفراد والجماعات المختلفة .
يأتي تجمعنا المعلن هذا امتداد لخلق روح التواصل بين أفراد المجموعة والأصدقاء بعد فترة غياب امتدت من شهر رمضان المبارك ،
والجديد في هذه الاحتفالية تكريم أعزاء لنا وفاءاً لما قدموه لنا خلال مسيرتنا التي امتدت سنين وستتواصل بإذن الله كما يجب أن تكون ..
سيتم تكريم الأستاذ أحمد عثمان ( ساطور ) ( ترهاقا ) الموسيقي المعروف باوركسترا الأستاذ محمد وردي وذلك بمناسبة سفره التي ربما تتحدد في غضون الأيام القادمة ، سيتم أيضاً تكريم العديد من الأخوة الموسيقيين الذين قدموا لنا الكثير وما بخلوا علينا بوقتهم وبعض الذين نتمنى أن ينضموا إلينا في مجموعتنا وانصهارهم مع المجموعة ككيان داعم لا ينفصل عن مجتمع المهجر هنا في الرياض .. وسنعلن عن الأسماء في وقت لاحق حيث أن العددية في تزايد مستمر .
نرحب بالعضوية الجديدة التي انضمت لنا مؤخرا ولم يحالفنا الحظ في أن نلتقيهم في أي من تجمعاتنا .. وهذا التجمع أيضاً بمثابة جولة تعريفيه عن العضوية القديمة عن قرب في لقاء اسري نعرف كيف نصنعه .
تم تشكيل لجنة للمتابعة بقيادة الريس ود الباوقة ، والمنسق الاجتماعي الضليع محمد الشيخ .. وتعمل الآن اللجنة في صمت تام من ناحية التنسيق ..
سوف يقوم الأخ محمد الشيخ بالاتصال بكل الأخوة جديدهم وقديمهم وحسب قائمة كانت معدة مسبقاً وسوف اقوم بإدراجها وأتمنى ان كل من سقط اسمه سهواً أن يساعدنا بتأكيده للحضور ومن الأخوة المتابعين القدامي أن يضيفوا لقائمة الأسماء ..
ميدئياً تم تحديد مكان الاحتفالية باستراحة العمارية مكان احتفالياتنا السابقة وسوف نقوم بإدراج مخطط توضيحي حتى يتمكن كل راغب في المشاركة أن يكون معنا ونرحب من هنا بالجميع والدعوة مفتوحة ..
موعدنا مساء الخميس 2/ فبراير 2006
للتنسيق الاتصال :
عمر محمد عبد القادر 0504132372
محمد الشيخ 0509444356
محمد عبد القادر حميده 0500130433
علاء الدين تمبس 0500506332-0568371878


والأعضاء هم :
أبقوته
احمد حنين
احمد ساطور
احمد سعيد
أحمد علاء الدين
أحمد محمود الشايقي
آدم الهلباوي
إسماعيل وراق
الصادق خليفة
الطيب حسن جميل
بشير بوش
جعفر بشير
جلال داوود
جمال هباني
حسن الملك
حسين حسن حسين
حمــــــــزاوي
خالد أحمد عمر
خالد فضل
د. كرار التهامي
ســــــارة عمر
سمـــؤل إبراهيم
سيف كيلي
صديق الموج
صلاح احمد البشير
صلاح أحمد عبد الله
صلاح غريبة
عبــــــــــــــاس
عبد الباقي الجيلي
عبد الرازق الطالب
عبد الرحيم محمد الصادق
عبد السلام أبو شنب
عبد العزيز دكين
عزاز شــــامي
عبد الله عقيد
عصام عيسى رجب
عقيل كرماوي
علاء الدين منصور
عماد بشــــــــــرى
عمار السنوسي
عمر الفاروق شيخ الدين
عمر محمد عبد القادر
عمران حسن صالح
عوض احمد عمر
محمد أبو جودة
محمد الحسن
محمد الشيخ
محمد سليمان ولياب
محمد عبد الباقي الجيلي
محمد عبد الجليل
محمد عبد القادر حميده
محمد مدني
معاوية التوم
مهدي الصادق
ميــــــــــــــادة
نصار الحاج
هاشم همام
هاني عربي
ولياب
وليد ( حبيب بلدو )
وليد طه
يوسف حمد النيل

http://www.sudanhosting.com/cgi-bin/bandwidth.pl?type=pic&name=mapp.JPG

سلام لكل الأصحاب

طالما هربنا (مؤقتاً) من الحوش لدواعي شخصية
فلا تدعونا نهرب من جلساتنا معاكم وتظهر لنا هنا نظرية وهناك نظرية أخرى
دعونا من (ساس يسوس) وتعالوا نتلم في (أرض الغربة السجم ) ونضحك ونسرح ونمرح ...
جايين نحن والسادة محمد عمران (والفردة) هند لنفرح

وجاهزيين بباقي الشربوت والشية يا تامبا

ويا عمر الفاروق الفيك اتعرفت

يا تمبس ..
الزول الاسمه يوسف دا منو ..
شايفه قايم باربعة ..
عليك الله ادرجه في المنافسة ..
وخليهم يجي يمثل لينا البوست بتاع عزاز شامي داك ..
بتاع التخلع اللارادي ..



عمنا غريبة ..
ياخي والله انت زول عسل عديل كدا
احسن زول يعمل زلزال في الشرق الاوسط ..

الاخ/
حميدة
*** الزول الاسمه يوسف دا منو ..
شايفه قايم باربعة ..
عليك الله ادرجه في المنافسة ..
وخليهم يجي يمثل لينا البوست بتاع عزاز شامي داك ..
بتاع التخلع اللارادي .. *****

ان كنت تهتم بالعمل العام في الرياض فلا تحتاج لتسأل عني .
وان كنت تجيد القراءة داخل هذا المنبر فهذا انا .

1- همسة وفاء للشرفاء .
2- خرج ولم يعد .
3- مابين عبدالحميد البرنس وبشاشا هنالك هوية .
4- ليش المصريين عملوا فيكم هيك ؟ .
5 - وثيقة تعاهد .
6- العار كل العارللاحزاب ومنظمات المجتمع المدني الصامتة عن المجزرة .
7 - نداء للبورداب بتكوين لجان لدعم اللاجيئن بالقاهرة .
8 - الجالية السودانية بالرياض حقاً يجب انتزاعة .
9 - حييوا معي قبيلة الابداع المهاجرة ابراهيم اسحق ..د. سميرة الغالي و....
10 - الملتقي الثقافي السوداني يكسو الرياض حلة ابداعية سودانية ...
11 - العقلية التامرية في الشخصية القيادية السودانية .

وابحث تجد المزيد . او اسال كبارك في المنبر تجد الخبر اليقين .

وحتي هذة اللحظة احترمك كانسان ولم اصوب سهام الكلم نحوك احتراما للاخرين وصاحب هذا البوست .

يوسف ..
او المدعو يوسف .. او كما يمكن ان يتفق ..
مرحب بيك مرة تانية .. وحبابك الف ..
وفعلا يا زول ما بعرفك ..
وما عندي كبير عشان اسألوا ..
أما اجادتي للقراءة فأطمئنك من هذه الناحية يا عزيزي ..
بقرأ عربي وانجليزي وفرنسي .. وهسع الايام دي قاعد اتعلم في كلام الطير ..
لكن المشكلة ما بقرأ اي حاجة .. ولي اي زول ..
فعذرا .. مواضيعك السردتها دي تندرج لدي في باب الداير يظهر يلبس اصفر
ما بتدخل راسي بتعريفة ..
وتعتبر في علمنا .. ارهاق للباندوث ..

لكن تعال اكلمك عن فقه المعاملات .. وكيفية التعامل في مجتمع ..
او احدثك .. عن حكاية الزول الجا طاير وفاكي الزراير .. وتداعيات الامر ..
او نقعد في الارض دي .. وأحجيك بقصة الفيل الكبير وعروسته النملة ..


اما اشكالية تحترمني لي هسع .. ولا لي بكرة ..
فما أظن دي من الامور التي تمتلك خيار فيها..
كراعك فوق رقبتك .. حتحترمني ..
ما في جدل في النقطة دي ..
اتمني ان تضيفها الي جدول الثوابت لديك ..
كسبا للزمن ..

ودمت .. اخا كريم " بعد حركاتك دي "

حميدة

**** يوسف ..
او المدعو يوسف .. او كما يمكن ان يتفق ..
مرحب بيك مرة تانية .. وحبابك الف ..
وفعلا يا زول ما بعرفك ..
وما عندي كبير عشان اسألوا ..
أما اجادتي للقراءة فأطمئنك من هذه الناحية يا عزيزي ..
بقرأ عربي وانجليزي وفرنسي .. وهسع الايام دي قاعد اتعلم في كلام الطير ..
لكن المشكلة ما بقرأ اي حاجة .. ولي اي زول ..
فعذرا .. مواضيعك السردتها دي تندرج لدي في باب الداير يظهر يلبس اصفر
ما بتدخل راسي بتعريفة ..
وتعتبر في علمنا .. ارهاق للباندوث ..

لكن تعال اكلمك عن فقه المعاملات .. وكيفية التعامل في مجتمع ..****

اولا شكرا علي الترجيب .
ثانيا : هنالك عيون ساهرة تحرس بورداب الرياض وتمتلك معلومات عن كل من يلج هذا الفضاء الاسفيري
يمكن ان تسأل المخبرين لتجد الخبر اليقين .
ثالثا :. بطل اللقافة مالازم تعرف كل من يدخل البورد .
رابعا :- المعرفة تاتي عبر بوابة التواصل الانساني في لحظة صفاء نفسي تمتدفية وتأتلف القلوب قبل العين فاشعل قناديل الحب لتضئ عتمة السؤال .
خامسا :. الضمير الجمعي الذي تستخدمة في كتابتك يضع علامات استفها حولك .
سادسا :- من يشعر بمركب نقص في شخصيتة يسعي للظهور انا والحمدللة اعرف قدر نفسي جيدا . وقبل
ان ادخل هذا الحوش لي صدقات انسانية مع كثير منهم في انحاء متفرقة من المنافي لا احتاج ان اظهر
لاني لا احمل اجندة نفعية او استرزاقية .
سابعا :- لا اقصد ان لا تجيد القراء ولكن متقوقع داخل بورداب الرياض ولك الحرية في ان تقرا وفق ماتهوي . ولكن حينما تنقد كتابات شخص احشد ادوات المعرفية لتفنيد الفكرة والراي ولاتحكم علية قبل الاطلاع . وحينما عددت لك البوستات التي كتبتها لم يكن في ذهني ان ادعوك لقرائتهاولكن اردت ان اقول لك ان كنت تتفح المنبر ستجد هذا الاسم قد تردد كثيرا .

وصاحبك صلاح غريبة كان من اوائل المرحبين بي حينما دخلت ببوست همسة وفاء وتداخل معي في اكثر من بوست وحينما ادرك انة لايستطيع احتواء المبادي تنكر للمعرفة هل هذة هي العقليات التي
اود الظهور امامها ؟؟؟؟؟؟؟

لك مثل مافي نفسي من صفاء .
لك مثل مافي قلبي من مودة .
والي ان نلتقي لك تحياتي وللجميع

Quote: هنالك عيون ساهرة تحرس بورداب الرياض وتمتلك معلومات عن كل من يلج هذا الفضاء الاسفيري

شاطرين والله ..
طق طق طق طق طق طق ..
الفياقة بتعمل اكتر من كدا ..

Quote: بطل اللقافة مالازم تعرف كل من يدخل البورد

اللقافة دي من باب طويل العمر ..
اتكلم معانا سوداني يا ياللخو

Quote: المعرفة تاتي عبر بوابة التواصل الانساني في لحظة صفاء نفسي تمتدفية وتأتلف القلوب قبل العين فاشعل قناديل الحب لتضئ عتمة السؤال

علي الحرام انت زول براي جد جد

Quote: الضمير الجمعي الذي تستخدمة في كتابتك يضع علامات استفها حولك

لا ياخي لا استفهام ولا حاجة بحاول اعظم في نفسي ..
انا من الناس البحبو نفسهم شديد ..
مرض اجارك الله ..

Quote: من يشعر بمركب نقص في شخصيتة يسعي للظهور انا والحمدللة اعرف قدر نفسي جيدا

ممتاز جدا .. طيب مالك بترازي ..
عندك انفلونزا الطيور ولا شنو ..

Quote: لاني لا احمل اجندة نفعية او استرزاقية

انا نفعي .. واسترزاقي .. للدين
اها رأيك شنو ..

Quote: تنقد كتابات شخص احشد ادوات المعرفية لتفنيد الفكرة والراي ولاتحكم علية قبل الاطلاع

وطيب لمن ما انقد .. اعمل شنو
اساسا انا ما قريت ليك وما بعرفك ..
واعتبر ما تكتبه غير مفيد لي .. ( كل زول ادري بنفسه )
وطبعا ما شرط ايها الكاتب النحرير انه اقرى ليك ..
لكن كان مصر جدا .. ممكن اطلع عليها ( ودي عشان خاطر عيونك بس والله )

Quote: هل هذة هي العقليات التي اود الظهور امامها ؟؟؟؟؟؟؟

ما تظهر يا اخوي ..
وما في زول حيجي يجرك من تحت بطانيتك ( بما انه حال الدنيا شتا )
ويقول ليك تعال .. قابل الناس ..
واساسا ما في سابق معرفة .. يعني ما بتفرق كتير

Quote: لك مثل مافي نفسي من صفاء . لك مثل مافي قلبي من مودة . والي ان نلتقي لك تحياتي وللجميع

يا زول كان درت السمح والزين
تعال يا زول
وكان درت الكعب بالحيل ..
ارح يا زول ..

نقطة نظام .. احترام النفس واجب وطني
مع تحيات بوتيك حنان للملابس والعطور ..

تشكر ..

Quote: جايين نحن والسادة محمد عمران

بالله الاستاذ محسن خالد حيشرفنا ..


طبعا يا جوماعة السيد محمد عمران الخالق الناطق محسن خالد ..
نفس جليطة الشعر ..
بس انشاء الله ما يطلع شيوعي برضو ..

الاخ علاء يونس - تمبس
سلام مربع على قول اختنا شيري وكل عام وبورداب الرياض بخير وعامرين كما كنا ومتوحيدين وشنوا يعنى مسحتونا خلاص وصرتم لا تضيفون اسمائنا غربتنا طالت ولا ايه ، وهو الواحد فى مامورية بالامارات لفترة استكشاف ويمكن نعود ى اى لحظة طول سريان تاشيرة الخروج والعودة ، يعنى لا زلنا معتمدين معكم ونحن من المؤسسين لتجمعكم الرائد ولك محبتي وسلامي للجميع واتمنى ان تتصاى النفوس وترجعوا حلوين مثل الاول وهذه مناشدة خاصة لللاخوان الاعزة الحبيب اسماعيل وراق وم . صلاح غريبة ولك ودى ومحبتى .
والأعضاء هم :
أبقوته
احمد حنين
احمد ساطور
احمد سعيد
أحمد علاء الدين
أحمد محمود الشايقي
آدم الهلباوي
إسماعيل وراق
الصادق خليفة
الطيب حسن جميل
بشير بوش
جعفر بشير
جلال داوود
جمال هباني
حسن الملك
حسين حسن حسين
حمــــــــزاوي
خالد أحمد عمر
خالد فضل
د. كرار التهامي
ســــــارة عمر
سمـــؤل إبراهيم
سيف كيلي
صديق الموج
صلاح احمد البشير
صلاح أحمد عبد الله
صلاح غريبة
عبــــــــــــــاس
عبد الباقي الجيلي
عبد الرازق الطالب
عبد الرحيم محمد الصادق
عبد السلام أبو شنب
عبد العزيز دكين
عزاز شــــامي
عبد الله عقيد
عصام عيسى رجب
عقيل كرماوي
علاء الدين منصور
عماد بشــــــــــرى
عمار السنوسي
عمر الفاروق شيخ الدين
عمر محمد عبد القادر
عمران حسن صالح
عوض احمد عمر
محمد أبو جودة
محمد الحسن
محمد الشيخ
محمد سليمان ولياب
محمد عبد الباقي الجيلي
محمد عبد الجليل
محمد عبد القادر حميده
محمد مدني
معاوية التوم
مهدي الصادق
ميــــــــــــــادة
نصار الحاج
هاشم همام
هاني عربي
ولياب
وليد ( حبيب بلدو )
وليد طه
يوسف حمد النيل

الجميل تمبس

تحيه وسلام

سجل اسمي

محبتي واحترامي

سؤال استفساري ..
وين المقاتل أحمد حنين ..
وبقية اعضاء جمعية المستنرين فرع الرياض ..



نتمني حضور جميع اعضاء سودانيزاونلاين بالرياض ..
ونشدد علي الاعضاء الجديد ..
والناس الزعلانة والحردانة .. والناس الطارت ليها ..
فرصة جميلة انه الناس تجي تقول العندها وجها لوجه ..
وتصفية النفوس .. واللوم والعتاب ..

دكين .. تعال مردف .. !!

Quote: سؤال استفساري .. وين المقاتل أحمد حنين

يا حميدة انت درست عربي وين اسمو ( المكاتل )


ان شاء الله امرعليهو واجيبو معاي .. يا سايق البوباي الاشارة جاي ولا جاي ...

يا سايق يا ريق وقف وقف وسوقني معاك ... خلاص يا حميدة ارتحت ...


ود الباوقة

ايوه عليك الله ..
دايرين نعمل ليهو لجنة تفتيش منشآت ..
بعد جولته الميمونة بين الخرطوم ودبي ..

ووجع .. وجع .. نميري رجع ..

ياتمبس


ما قلنا جدد ادونا شويه تفاصيل



عشان يكون الاستعداد قدر الاحتفال



ولا انا غلطان؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟



شكرى وتقديرى 0


ســــــيد

Quote: عشان يكون الاستعداد قدر الاحتفال

عندك بدلة ..

الشكر كل الشكر للأخ تمبس , الرجل الغيور على المصلحة العامة , والشكر للإخوة الأعزاء بورداب الرياض , وأكيد بعون الله تعالى سنلتقي لنرسم البسمة على شفاه الحضور ودمتم ,.
احمد علاء / السكرتير الاعلامي لمجموعة حسم النوبية و السكرتير الاعلامي للمؤتمر النوبي الجامع .

تمبس

تحياتي

من اجل الصفحة الجديدة

والنيو لوك

حميدة

عشان عيونك الحلوين جاييين ،،

وكيتا لأعداء الدين ،، جاهزين جاهزين

حاولت الأتصال بك ، لم يرد جوالك ،، كنت غاطس وين؟؟

ود الباوقة

اوعك تجي غاشيني والله العكاز في راسك
والخوسة في صفحتك

بعدما هددتني وجها لوجه
وقلت ماشي تشتكي

وعشان خاطر تمبس
ما حنقول ليك انت ريس فشنك

بنقطعوا في مصارينا لحدما نلتقي

تخريمة
يا ناس التجهيزات والدعوات ما تنسوا
الأخوان علي بدري ووليد محمود (ابو لينا)

وبرضو،، كل سنةوانتو طيبين

مكرر

ونكرر

جاهزين جاهزين

للشية والتركين

والشربوت ودكين

Quote: السكرتير الاعلامي لمجموعة حسم النوبية

انتو خلاص قررتو تحسموهم ..
نحن برضو قلنا كدا .. احسن ..



ما يدهشني في الرياض ..
كل زول عامل ليهو جميعة ..



محمد حميده
عضو مرن - جمعية انسى بس التقدمية
جناح بعوضة

بأذن الله سنكون ضمن زمرة الحضور

بس يا جماعة الخير .. اعتقد هنالك حاجة لتنسيق أكثر في جمع المساهمات
ياريت (يا ليت )حد يزودنا برقم حساب عشان ندفع المساهمة من بدري .. ونفتك

ولياب .. والاخوة الكرام

Quote: ياريت (يا ليت )حد يزودنا برقم حساب عشان ندفع المساهمة من بدري

سيقوم الاخ محمد الشيخ بالاتصال تلفونيا بجميع الاعضاء ..
والتنسيق معهم في هذا الامر ...
نرجو كتابة ارقام التلفونات .. في هذا البوست
او ارسالها بالبرايفت لاحد اعضاء اللجنة ..

يا حميدى


جاهزين جاهزين والبدله اخر موديل



لزوم الاتكيت ومقابله الطيبين0



تحياتــى


ســـيد

Quote: وكيتا لأعداء الدين ،، جاهزين جاهزين

ما قلنا ليك كدا من الاول ..
في داعي تعمل لينا فيها تقدومي ..

عليك الله ناس نداء الجهاد ديل مالهم ..
ولا سفر ولا طيارات تتطاقش ..



عازمينك جولة نقاهة ..
في ربوع غبيرة اليانعة ..

سيدنا ..
في البرد دا البدلة بتكون مريحة ..
المهم يا زول انت تجي ونقابلك ونشوفك ..

الاخ/
حميدة

الطفولة العقلية مرحلة من مراحل الكبت النفسي تنمو عبر مدارات الزمن لتشكل الشخصية الادعائية.

Quote: الاخ/ حميدة الطفولة العقلية مرحلة من مراحل الكبت النفسي تنمو عبر مدارات الزمن لتشكل الشخصية الادعائية.

سمح يا يوسف ..

Quote: والأعضاء هم : أبقوته احمد حنين احمد ساطور احمد سعيد أحمد علاء الدين أحمد محمود الشايقي آدم الهلباوي إسماعيل وراق الصادق خليفة الطيب حسن جميل بشير بوش جعفر بشير جلال داوود جمال هباني حسن الملك حسين حسن حسين حمــــــــزاوي خالد أحمد عمر خالد فضل د. كرار التهامي ســــــارة عمر سمـــؤل إبراهيم سيف كيلي صديق الموج صلاح احمد البشير صلاح أحمد عبد الله صلاح غريبة عبــــــــــــــاس عبد الباقي الجيلي عبد الرازق الطالب عبد الرحيم محمد الصادق عبد السلام أبو شنب عبد العزيز دكين عزاز شــــامي عبد الله عقيد عصام عيسى رجب عقيل كرماوي علاء الدين منصور عماد بشــــــــــرى عمار السنوسي عمر الفاروق شيخ الدين عمر محمد عبد القادر عمران حسن صالح عوض احمد عمر محمد أبو جودة محمد الحسن محمد الشيخ محمد سليمان ولياب محمد عبد الباقي الجيلي محمد عبد الجليل محمد عبد القادر حميده محمد مدني معاوية التوم مهدي الصادق ميــــــــــــــادة نصار الحاج هاشم همام هاني عربي ولياب وليد ( حبيب بلدو ) وليد طه يوسف حمد النيل

دي غايتو جلينا منا .. ننتظر قائمة الانتساب ..

Quote: غايتو دي جلينا منا .. ننتظر قائمة الانتسا ب.

جاد يا اخوي انتظر قائمة الناضجين ....



ود الباوقة

tmbis
عمر الفاروق
زول ساكت
حمزاوي
humida
مصدق مصطفى حسين
DKEEN
walid taha
ghariba
محمد خليل إسماعيل
جمال هباني
الأمين عثمان صديق محمد
saadeldin abdelrahman
ترهاقا
ود الباوقة
Abulbasha
ابو جهينة
Ahmed Abdallah
albagir altahir
عبد الصمد محمد
JAD
سيد محمد احمد سيدنا
محمود بكر
A.Razek Althalib
ALHALAWI
عمران حسن صالح
democracy
ادريس خليفة علم الهدي
سيد محمد احمد سيدنا
أحمد علاء الدين
ahmed haneen
welyab

http://www.sudanhosting.com/cgi-bin/bandwidth.pl?type=pic&name=mapp.JPG

الأمين عثمان صديق محمد
saadeldin abdelrahman
ترهاقا
ود الباوقة
Abulbasha
ابو جهينة
Ahmed Abdallah
albagir altahir


humida

ABOVE UNDERLINED ARE EXECLUDED
OTHERWISE SEND THE AIRLINE TICKETS

TASLAM YA MAN

بعون الله

بورداب الرياض الحلوين كل عام وأنتم بخير
إن شاء الله سأكون حاضراً وكلي شوق لرؤيتكم والالتقاء بكم
وفرصة أرحب بالأستاذ الأديب صلاح الباشا
وسوف نسعد كثيراً بلقائه

الاعزاء ..
- يوسف السماني
- الباقر الطاهر
- عبد الصمد محمد
- جــاد
- سيد محمد أحمد سيدنا
- محمود بكر
- عبد الرازق الطالب
- ALHALAWI
- عمران حسن صالح
- مهدي ( ديموقراسي)
- إدريس خليفة علم الهدى
- أحمد علاء الدين
- المقاتل حنين
- وليــاب
- اسماعيل وراق ..
..
لكم التحية جميعــا دخولكم لهذا البوست تشريف لنا .. ووجودكم حقا سوف يكون أجمل
الشكر لكل من اتصل وأكد حضوره لعدم تمكنه من الدخول لاسباب مختلفة .. نطمع في المزيد
مجددا اعتذاري لكل من سقط اسمه سهواً في هذا البوست حتى من العضوية القديمة جدا ، ومن المؤسسين كما اشرت سابقاً هناك عدة قوائم كانت تسجل اثناء حضور الاجتماعات والمشاركات المختلفة..
ما زلت اطمع في المزيد من تأكيد الحضور عبر الهاتف ، او هذا البوست
الزميل محمد الشيخ يقوم بمجهود ضخم في التواصل بيننا رغم انشغاله هذه الايام بمامورية عمل صغيرة خارج الرياض ..
أنه مقامكم يا اصدقاء .. أجعلوها فرصة للتلاقي ، أجعلوها فرصة للم الشمل والتواصل الاخوي بيننا ولندع كل ما يعكر صفونــا جانبا ، فلندع كل ما يتعلق بالنفوس من حساسيات افتراضية جانباً ونجعل منها لحظات لإعادة صياغة فقه الاختلاف .. ونكتسب روح مرنه نتعاطى بها اختلافاتنا الصغيرة وحساسيتنا المفرطة ..
كونوا اكثر حرصاً على أن نلتقي بروح جديدة ..
صدقوني
نحن أجمل ان يفسد ودنــا سوء الفهم ..
..


حاجة غريبه
بعدما كتبت الكلام ده وراجعتو حسيت بي نفسي زي المذيعين بتاعين قناة الجزيرة .. قربت اشطبو ..



ياخي طلعوني من الحته دي وخلوني اتكلم زي الناس الساكت

يا ود الباوقة :
طالما فيها إنتساب وناضجين فعليك الله طلب بسيييييط كده ممكن ؟؟
عايزينك تجمد لينا إسم الطالب ده لحدي السنة الجاية لأنو ما جاهز لي إمتحاناتكم دي وعندو أورنيك :

Quote: عمر الفاروق شيخ الدين

ويا حميدة انا بقدم ليك إقتراح جميل جداً جداً ...
يا ريت لو تعمل ليك إتنين كروكي ..واحد توزعوا لي بوردابكم بتاعين الرياض وواحد تاني تديهو لي أحمد حنين على أن يكون كروكي أحمد حنين إستراحة في وادي الدواسر !!!!!
ومن أسة انا أبييخ ليك الجلسة دي وأوريك الحا يحصل فيها شنو ؟
حا يكون فيها غنا شديد وغالباً مرزوق والمبدع عمار السنوسي حضور ..
يقوم عمارالسنوسي يغني ليهو أغنية سيرة حماسية شدييييييييييييد ..
يقوم أحمد حنين يتنفش ويتحمبك وفي وجود حواء السودانية ويحلف طلاق إلا يتجلد بي سوط العنج في نص ضهرو وحررررررررم إلا أقلع الجلابية ولكن وبقدرة قادر حا يكتفي بي تلميس على الضهر من قطعة قماش من إسماعيل وراق !!!!!!!!!
ينتهي الفاصل يتفرزع الناس ما بين متحدث في الجوال ومقهقه لسماع شمار ومدخن لسيجارة وتاكلاً لسفة التمباك ومن ثم يعود الجميع مع سماع صوت الأورغن ويقووووووووم كده مرزوق يغني ليهو أغنية بي الرطانة(غالباً ما ستكون أغنية يا شباب الله) وحينها فقط حا يظهر ليكم حمزاوي في الساحة وربما دكين وإن كان معتصم موجود فغالباً ما سيكون ممسك بالكاميرا لتصوير هذا المشهد البديع !!!!!!!!!!!!!!!!!
كنت متمني إني أكون موجود عشان أشوف حميدة بيعمل شنو في التجمعات فهو الشخص الوحيد الذي لم أشاهده فما أن دخل على بورداب الرياض من الباب خرجت انا من الشباك ولكن والظاااااااااااااهر كده إنو حميدة عامل زي عثمان ضيق وعلوبة والخوف كل الخوف يكون زي الجماعة الفي العرس تلقاهم متحركين ولا هم تبع العروس ولا هم تبع العريس !!!!!!!!!!
غايتو حا نضييع علينا شوفة محمد عمران وأبوهو عمران لكن رمضان قرب يا عمران !!!!!!

تخريمة:
يا حميدة عليييييك الله ركز لي علي موضوع وادي الدواسر ده !!!!!

حميدة اخوي
شكرا على الدعوة وانشاء الله جيانكم بس البرد دا لو استمر بي طريقتو دي الا اجيكم بي فروة السعودين ديك 00 دبل بشت 00 والله الواحد مشتاق يقابلك وناس صديق الموج ودكين وعمر الفاروق والحلاوي وكل الناس الحلوين الفوق انا الناس ديل وترتهم قاعدة تجي معاي 00 وترتهم دي يا حميدة اخوي جمع وترا والوترا طبعا اكيد مرت عليك لاني شايفك اليومين ديل داخل كورس مكثف في لغة الطير
يا تمبس انا رسلت ليك بالمسنجر صورة من شهادة الميلاد والاقامة والجواز وكل الاوراق اللازمة واستراحة العمارية دي على حسب وصف حميدة باقي لي جيهة اسواق بن دايل 00 غايتو لو بقت هناك انا لو ادردقت با########## ساكت بكون في باب الاستراحة مع الحارس اسماعيل
احمد عبد الله يا رفيق رفيق السلاح
شوفتك منى 00 ياخي مالك مسكلد نفسك مع ابو السعود الراجل دا وعدني يجي عمرة للحفلة الجاية
يا جماعة انتو عارفين الحكاية دي ناقصة منو ؟ ناقصة ناذر بس 00 ما يسلفونا ليهو ناس الخرطوم ديل

Quote: عايزينك تجمد لينا إسم الطالب ده لحدي السنة الجاية لأنو ما جاهز لي إمتحاناتكم دي وعندو أورنيك :

عمر الفاروق .. اوع يكون اورنيك 8 بس ( وجه مكفهر )


يا حلال الشبك .....



ود الباوقة

الغالي الراقي جدا / تمبس الف تحية

وكل الاحترام للإخوة الكرام بورداب الرياض

تمنايتى ان يتخلل الود كل مساحات التلاقى
وانت تجتمعون على حب وبحب ...

احترامى

up

تحياتي لكل البورداب
تبس ضروري تتصل علي
مع تحياتي الي كل الاخوة بالتوفيق

0503012221
0501377723

يابورداب الرياض شغلتونا بموضوع اللقاء وجلست احسب كم نفر


حنشوفهم ونتعرف عليهم والماشفناهم من زمان ويمكن عندهم اسماء


اتماسفيريه لزوم الزوقه لكن الحمد لله طلعت بعرف البعض وهم حيكونوا


جسر التواصل بينا والباقين احمدك يارب0


احمد ساطور

احمد علاء الدين

جلال داؤد

حسين حسن حسين

محمد سليمان ولياب

الصادق خليفه( اذا كان ابن المرحوم الشاعر خليفه الصادق)

اسماعيل وراق (بدون ترتيب والمعرفه جات بظروفها)

ود الباوقه ( من خلال بوست الامتداد)

صلاح غريبه ( من خلال بوست الامتداد)

غايتوا شعرت انى محظوظ بالعدد دا واكيد بلم فى ناس


من ايام زمان قبل الخرف0


والله ومن جو قلبى مبسوط وجالس على جمر، وشكر كتتتتتتتتر

للمفكرين والقائمين وربنا يساعد0


تحياتـــــــــى

ســـــــــيد

الخميس :2/فبراير 2006


أأكد حضوري بإذن الله تعالى ..


جاد

يا فيلة ..

يا خائنيييييييييييييين ..



ما تنفعكم ..

يا ديناصور..
ضارب همبريب درافين الخرطوم..
وزعلك ناطي القارات..
ومالي حسك..
قال..

Quote: ما تنفعكم ..

قال..
شوف..


بعد ما تشيل لناس الرياض..
حتت...


بعد داك تعال نحتو قرض...

وأبقي سلم لي..


الجماعة بتوع..
المعادي..

ليك وحشة يا وبش..

يا فيل كيفك ؟..

الشوق غابات بدون أفيال ..

ياخي قول حاجة طلع لسانك دا أدينا ألو ..

التليفون عند تمبس وشتات وكل الشباب ..
آخر مره رسلت ليك منه عيدية ..
فيها شطة ودكوة وحاجات العيد خالية من الشربوت ..

سلام يا مان ..

الاخوة الاعزاء
كل سنة طيبين ومتلمين ومبسوطين
مررنا للتحية /خاصة معتصم دفع الله /الطالب
وتأكيد الحضور باذن الله
وتحت رهن اشارة الريس ودالباوقة 0
بدء من لقيط الكراسي /وتحضير الاباريق / والفي النصيب

شكراً محمد الحسن ..

تحيتك وصلت ..

Quote: يا فيلة .. يا خائنيييييييييييييين .. ما تنفعكم ..

نان يا اللخو عايز ( تكاوش ) هناك وهنا .. فعلا عالم طماعة .. ان شاء الله الكاوشتوه هناك ما ينفعكم انت وسجيمان ... ( وجه مكفهر )


معتصم اه الجية متين ..شوف لو جيت بدون عرس قيامتك قامت .. ولكم في شتات اسوة ( سيئة )



ود الباوقة

العزيز تمبس
ونبصليك يا صبح الخلاص حاضر ..

وأنا إن خُيرت ما بين أثنتين
أن أصلى جائعاً خلف الحسين
أو أصلي مترفاً عند يزيد
سأصلي جائعاً خلف الحسين

ثم يا تمبس يا أخي
عملت بوست لرابطة الصحافة عشان أنزل فيهو تكريم أعمدة الحقيبة .. لكين وحاتك لم ينفتح .. فآمل أن تقوم بمعالجته وإن لم فستساعدنا لعمل إنزال جديد والترتيب سيكون مع الاخ حميدة .. ولا بد أنك ستفزع حتى لا يساء بنا الظن.. تسلم

تمبس
يا حليل معتصم و(كمرتو)
ما خلاها معاك؟

ودا بص ناس الكلاكلة
سايقو كبويتا ..

http://www.drmoiz.com/phpBB2/viewtopic.php?t=13957&sid=...4bdb1eed0d17ab4d64c9

من ناحيتي عندي كاميرا جايبه معاي

كاميرا تعجبكم

طبعا كاميرا ديجتال

وبحاول اجيب معاي كاميرا فيديو سوني ديجتال كمان ( جاهزة )

( بس الشرايط على اللجنة المنظمة )

لاني مفللللللللللللللللللللللللللللللس الايام دي

أقترح أن يدرج أي عضو أي فكرة أو موضوع أو أي شيء يريد تقديمه في الحفل حتى إذا جاء يوم الإحتفال تستطيع اللجنة المنظمة أن ترتب كل البنود المطروحة و بنودها الموضوعة سلفا بطريقة جيدة ..

واصلوا

حميدة

دعوتك مرفوضة لأي طرف اخر

ما عدا اعضاء منبر سودانيز اونلاين


،،

وخلينا نسمع راي اللجنة

يا حميدة :

Quote: دعوتك مرفوضة لأي طرف اخر ما عدا اعضاء منبر سودانيز اونلاين

الزول ده علييييييييك الله أعزم ليهو ناس الصالحية ديلك عشان يجو الإستراحة !!!!!!
أصلو ناس الصالحية ديل أعضاء في سودانيز أون لاين !!!!!!!!!!!!!!
شفت كيف يا حميدة العجايز ديل دايرين يمشوا الناس علي مزاجهم ؟؟؟؟
انا لو محلك يا حميدة أبدا من مخرج 10 الدائري الصق الدعوات وما أقيف إلا في طريق الحائر!!!!!!!!!!!!
وبعدين انا زعلان منك يا حميدة والله !!!! ياخ حنين ده ما قلنا ليكم خلوهو يمشي وادي الدواسر !!!!!!!!!!!!!!!!!!!!!

ابو جهينة :

Quote: أقترح أن يدرج أي عضو أي فكرة أو موضوع أو أي شيء يريد تقديمه في الحفل حتى إذا جاء يوم الإحتفال تستطيع اللجنة المنظمة أن ترتب كل البنود المطروحة و بنودها الموضوعة سلفا بطريقة جيدة ..

بالرغم من إني زعلان منك لأنك طلعتني متصفح أبان فترتك الرئاسية إلا أن الحق يقال فترتك الرئاسية كانت فترة الإنجاز والإعجاز لبورداب الرياض فمنهم من شال بركة سيدي الصادق المهدي وإنجعص وإتكلم مع السيد زي التقول ود حلتو وفيهم من إستفاد من لقاء القنصل فأصبح يدخل السفارة كما السفير لقضاء الحاجة( أقصد الضرائب والزكاة) ..
فترتك الرئاسية يا زعيم تزكرني بفترة ثوار الدهب إستلمها بهدوء و سلمها في هدوء فكان نموذجاً للزهد وككانت فترة الديموقراطية وكان الإنجاز وكانت الديبلوماسية وكان الهدوء وكان وكان وكان (شفت كيف يا ريس ده حالتو زعلان منك !!!)

Quote: بالرغم من إني زعلان منك لأنك طلعتني متصفح أبان فترتك الرئاسية

وكمان انا في فترة رئاستي دي اطلعك ( مطفح )


الفاروق جيب الاولاد وتعال بلاش حركات وبركات .. في انتظاركم ..

يا حلال الشبك ....




ود الباوقة

الزول السمح عمر الفاروق ( الفات الكبار و ال قدرو .. ناس حميدة و تمبس ... )
أكمل الباقي ..

Quote: بالرغم من إني زعلان منك لأنك طلعتني متصفح أبان فترتك الرئاسية

رغم أني لا أذكر حيثيات تصنيفك كمتصفح .. إلا أنها تبدو ( برضو ) كانت دقسة من دقسات الغربة ..
سماح يا زول ..

Quote: إلا أن الحق يقال فترتك الرئاسية كانت فترة الإنجاز والإعجاز لبورداب الرياض فمنهم من شال بركة سيدي الصادق المهدي وإنجعص وإتكلم مع السيد زي التقول ود حلتو وفيهم من إستفاد من لقاء القنصل فأصبح يدخل السفارة كما السفير لقضاء الحاجة( أقصد الضرائب والزكاة) ..

Quote: فترتك الرئاسية يا زعيم تزكرني بفترة ثوار الدهب إستلمها بهدوء و سلمها في هدوء فكان نموذجاً للزهد وكانت فترة الديموقراطية وكان الإنجاز وكانت الديبلوماسية وكان الهدوء وكان وكان وكان

ياخي شهيتنا الرئاسة تاني ..
ود الباوقة .. تنسحب ولا نعزلك زى أمير الكويت سعد

Quote: (شفت كيف يا ريس ده حالتو زعلان منك !!!)

عشان كدة من فترة لأخرى حأزعلك .. لأنو لو دة كلامك و إنت زعلان .. فمعناتا لو راضي عني حتكتلني من الإندهاش ..

واصلوا

الأخ تمبس

كل عام وأنت بخير .. وكل بورداب الرياض بألف خير ..

رغم أن اسمي سقط (أعتقد أنه سقط سهواً) من قائمة الأعضاء .. لكن الشكر موصول للأخ/ محمد الشيخ الذي قام بأداء سجود السهو باتصاله الهاتفي .. وسأكون من الحاضرين بإذن الله ..

ولك العتبى حتى ترضى ..



نجم الدين علي حسن

Quote: ياخي شهيتنا الرئاسة تاني .. ود الباوقة .. تنسحب ولا نعزلك زى أمير الكويت سعد

والله كمان انتو يا ابوجهينة ( ما مضمونين ) منكم خوف .. لكن واحت شيخي امحمد الرئاسة دي تاني يفكها مني الجليل القوي .. يعني ممكن استشهد في سبيلا ..او ان استعين باخوي احمد عبد الله من واشنطون يمكن يكون عندو معرفة في الكونجرس .. يظهر ولايتي التانية حا تجيكم من فوق .. يالله يا ود عبد الله ما تخيب ظني ...

ود الباوقة

الأخوة الكرام: طبعا لااعتب على احد لأنى جديد ومامعروف ولكن اود ان اشكر الأخ محمد الشيخ

الذى قام مشكورا بالأتصال بى ورغم انى لاأعرفه ولكن من نبرات صوتوا الظاهر عليهو اخو اخوان كتر خيروا واتمنى ان نلتقى دوما فى رحاب المودة والحب والأخاء ولى سؤال هل يمكن

اصطحاب الوليدات ؟ سلام للجميع واكرر الشكر للأخ محمد الشيخ ودمتم """"

الحبيب تمبس حتى وان لم تسعفنا الظروف نحن معكم فى كل ما
يفيد المجموعة
دمتم ودامت محبتكم

Quote: ولى سؤال هل يمكن اصطحاب الوليدات

اخوي الحاث ممكن ونص .. وكمان بالمرة يتعرفوا على اجدادهم واعمامهم ... في انتظاركم اخي الكريم



ود الباوقة

Quote: حميدة دعوتك مرفوضة لأي طرف اخر ما عدا اعضاء منبر سودانيز اونلاين

جرى سحب الدعوة ..

Quote: بدء من لقيط الكراسي /وتحضير الاباريق / والفي النصيب

الحمدلله لقيت لى مساعد و نشيط كمان
شكرا يا محمد الحسن ... أصلو الموضوع ده كانوا هارينى بيهو براى .

Quote: الحمدلله لقيت لى مساعد و نشيط كمان شكرا يا محمد الحسن ... أصلو الموضوع ده كانوا هارينى بيهو براى

اخوي مصدق خلاص اقسموا الشغلانة بينكم ومحمد الحسن انت داير لقيط الكراسي ولا تجهيز الاباريق عشان نكون على بينة ...

لكن بيني وبينك احسن ليك الكراسي لانو عارف اخونا محمد الحسن زول اباريق ....


ود الباوقة

ربنا يجمعكم كلكم في ساعات الخير ..

أها يا خوانا ..

من حسع قولوا للناس دي تدفع كم و قسموا الأعضاء لمجموعات حسب مكان العمل أو السكن و لموا قريشاتكم .. الحساب ولد ..

أها كمان لو إنجمعت قريشات بسيطة و تميتوها و لميتوا الباقي يوم الحفل برضو ممكن زى مرات سابقة ..

واصلوا

ود الباوقه كتر خيرك ياخوى وندعو الى مزيد من التواصل بين جميع اعضاء المنبر (بالرياض ) والى ان نلتقيكم اشكركم جميعا والشكر للمنظمين الشايلين الشيله وربنا يعينكم الهدف نبيل وانتم على قدر المسئوليه ودمتم

الأخوة الأعزاء ..
أرحب أولاً .. بالأخوة
وليد ( حبيب بلدو )
الحاضر رغم الغياب معتصم دفع الله
عبد الرازق الطالب
محمد الحسن
محمد عبد الجليل ( وانتظر مني تلفون بخصوص بوست رابطة الصحافة )
وليد طه ..
وأخونا الأستاذ الشاعر نجم الدين حسن بعد غياب
واخونا الحارث سر الختم ترحيب شديد
واستاذنا مهدي الصادق
والفنان مصدق حسين ( والكراسي محمداك ) ( وجه ضاحك شديد وزول ماسك بطنو من الضحك )
.. وكل المتابعين للبوست في همه عالية جدا ومسؤولية ..
...
تسير الترتيبات كما متفق .. وتحية منكم ومني للمجهود الجبار لمحمد الشيخ والعمل خلف الكواليس بتجرد في الاتصال والتنسيق الخارجي .. وللحقيقة قمنا امس مساء بزيارة لتأكيد موقع احتفالنا في استراحتنا القديمة المرفقه في الكروكي ( ويا ابوجهينة اسماعيل طلع اسمو ( سليمان ) ( وجه خجلان ) وانا شابك ليك الزول اسماعيل .. اسماعيل ..
اعتمدنا المكان كالعادة ..
لكن
هناك اقتراح طرا نتيجة للتغيرات الجديدة وحجم الحضور وبعض الضيوف ( من الشخصيات المهمه جدا بمجتمع الرياض ) الذين ستوجه لهم الدعوة ايضا لمشاركتنا ترسيخا للعمل الإجتماعي وترسيخا للتواصل ، وبعض الأخوة من المنتديات الأخرى عرفانا لتواصلهم معنا .. إذا سوف تكون هذه الاحتفالية كما اشرنامختلفة وتحمل نكهة أخرى غير التي تعودنا عليها مسبقاً ..
أرجع لموضوع الاستراحة .. توجهنا لإستراحة أخرى اكثر اناقة تليق بعظمة وجودنا معاً وبضيوفنا وتحتوينا ف هدوء .. ومافيها برد كتير .. قمنا بالمباحثات الأولية ، واختلاف السعر بعض الشي من ( استراحتنا ) كان العائق الاساسي لكن تم اعتمادها مبدئياً ..
ولذلك
الاستاذ ابوجهينة كعادته عملياً فتح الباب على مصراعيه للدخول في النواحي المادية .. وكعادتنا لا نقوم بمناقشتها هنا لكن نسبة للمشغوليات الحالية ، والحوجة الماسه حالياً للترتيبات الأولية اقترح تسديد المساهمات بالسرعة الممكنة لكل من يستطيع ، عادة لا نحدد مبالغ أو حتى إذا حددنا لانتمسك فيها ..
لكن الالتزامات هذه المرة اكبر من قبل ..
عليه المبلغ الافتراضي 100 ريال - إلى 50 ريال مية لأعضاء اللجنة وبعض الاعضاء القدامى ، و50 ريال لباقي الاعضاء ، والمساهمه مفتوحة ..
كل من تتوفر له امكانية التسديد خلال اليوم وغدا الخميس والسبت والأحد ارجو الاتصال بي أو بمحمد الشيخ او بحميده في ارقام التلفونات الواضحه في البوست للتنسيق السريع والعاجل .. وكل من لم تتوفر له امكانية التسديد خلال الايام القادمه مافي مشكلة .. عند الحضور يمكن التسديد - مع مراعاة أن الحضور اهم من كل ( تسديدات ) الدنيا - ..
في انتظار اقتراحاتكم السريعة جدا جدا فيما يتعلق بالمساهمات المبلغ المحدد - وامكانية الدفع -
والتحية لكل حادب على ان نكون يد واحده ( نصفق ) بها ونمدهــا مبسوطة عند الحاجة ..
واصلو في دعمكم لها البوست بوجودكم الأنيق ، كلكم دون استثناء ..

ما لم اقله من قبل ..

( احبكم ملمومين )

تمبس
سلام
عليكم حصر التكاليف
ما أعلمه..
سعر الإستراحة 250 إلى 300 ريال
تكاليف الساوند سيستم 200 - 250 ريال
هل هناك وجبات أم لا توجد..
أرى أن الحضور سيكون كبير من خلال تأكيد بعض الأخوة اي سوف يصل إلى 50 عضو رغم ان عضوية الرياض تفوق الـ 100 عضو..
أقترح أن تكون مساهمة العضو 50 ريال.. وإذا نقص المبلغ عن تغطية التكاليف فسوف يسدد كالعادة..
.
.

روابط سابقة ..
متعلقة ببورداب الرياض
..
بشرى لبورداب الرياض بتواجد الفنان احمد ساطور بينكم
أمسية أسطورية جمعت بورداب الرياض واللقاء القادم على نغمات "أحمد ساطور"
** مافي داعي ...يا احـــمد ساطور ***
هام وعاجل جدا الى بورداب الرياض!!؟؟
بورداب الرياض ينقلون علاج الأخ زهير إلى مراحل عملية ..
بورداب الرياض في أمسية رمضانية رائعة
الإفطار السنوي لبورداب الرياض ..
"بورداب الرياض" شكراً لأن الوعد أن نبقى ونجتاز المحن
الموج أغرق بورداب الرياض ..
حفل بـورداب الريـاض لتكريم الرائع صديـق المـوج
صديق المـــوج في الرياض ..
عـيد آخر لبـورداب الريــاض ..
بورداب الرياض.... شكرا لكل جميل اهديتمونا له

Quote: تمنايتى ان يتخلل الود كل مساحات التلاقى وانت تجتمعون على حب وبحب ...

عبد المجيد محمود
يا خي ما قلت ليك بطل ( الكياشة ) بتاعتك دي
خاتي لي الرد في ( التمنيات ) ؟؟ حقو تدفع لي بدل ترحيل ..
خليك جاهز وكلم معاك الاستاذ شايفو عامل نايم
..
وراق ابو اسيل الامورة
..
جاري حصر التكاليف .. والعددية الحمد لله في زياده ملحوظة . لذلك كان اقتراحنا توسيع المساحة بالاستراحة المقترحة مبدئياً.. أما ما يتعلق بالاستراحة القديمة فمبلغ الإيجار 350 ريال قبل المفاوضات..( يحليلك يا وليد الكنت 399 - وبقيت وليد 400 - كنت خفيف جدا حسع بقيت تجليها ثابته .. )
تكاليف الساوند سستم بالإضافة لي أخرى متعلقة بالأورغ والفنانين 500 ريال ..
..
الوجبات لابد منها ..
الدنيا برد ، وانا عندي قرحة وكان جعته ليكم هناك ( فيل ) ممكن اكلو ليكم ..عادي جدا اسال مني شتات ومحمد الشيخ وحميدة.. اها علشان كدا ما ممكن نكون قاعدين بدون عشاء ..
صديق المووج ، وحرمه المصون بعد التنسيق بجيهو القصة دي ..
ولسه الاقتراحات مفتوحه ..
وسمعنا صوتك يا وراق في حاجات كتيرة مفتقداك

أنا مع اقتراح اخونا اسماعيل وراق
وفي كل الاحوال جاهزين وتحت امركم يا ابو النسب
نتلاقى في الرمله الدقاقة ( الاستراحة )
شكراً يا الكاردينال علي الاتصال
على فكرة نحن حاضرين بدون اتصال

يا معتصم يا ود دفع الله
كملت الحلو كلو

Quote: وسمعنا صوتك يا وراق في حاجات كتيرة مفتقداك

تعرف يا حبة..
خوفاً من الإتهام بالتكويش حأجي لابس العلى الله وشايل بسطونتي وقاعد في آخر صف طبعاً دا بعد ما أقول رأي في حاجات كتيرة...
جاهزين لأي خدمات لوجستية..

تخريمة:
البسطونة دي فقط أهش بها ولي فيها مآرب أخرى.

تمبس



جنا فيل .. نحجزو ؟؟؟؟.. مين عارف يمكن كلنا نجوع مع السقط دة ..

الشاى على مسئولية العوائل ...
دكين : في باقي شربوت غتيت .. ينفع ؟

بصفتي المسؤول عن الدورة الحالية لبورداب الرياض عليه قررنا الآتي نصه :-

منح الأستاذ ابو جهينة لقب ( العمدة ) وذلك تقديرا للخدمات الجليلة التي قدمها وما زال يقدمها لبورداب الرياض بشكل خاص ولبقية السودانيين بشكل عام بتجرد وتفاني قل ان نجد له مثيلا في الوقت الراهن . وهو ايضا احد مراجعنا الاساسية في تقديم المشورة لناعند الشدائد والابتلاءات ..كذلك هو من اكترنا حرصا على وحدة صف بورداب الرياض ورأب الصدع . يتصدى لكل ما من شأنه ان يعكر صفو العلاقات بيننا بحكمة وراي سديد وهو بحق يستحق لقب عمدة بورداب الرياض ..
وعليه نناشد اخوتنا بورداب الرياض وما جاورهم باصباغ لقب العمدة للاستاذ ابو جهينة اعتبارا من اليوم ..


والله من وراء القصد ....




ود الباوقة

أخوي JAD

سلام

نحن قائمة المنتسبين جلينا منها شوف لي لو في تسجيل لفصول الناضجين بالله ما تنسونا

محي الدين الريس
الرياض

Quote: خوفاً من الإتهام بالتكويش حأجي لابس العلى الله وشايل بسطونتي وقاعد في آخر صف طبعاً دا بعد ما أقول رأي في حاجات كتيرة... جاهزين لأي خدمات لوجستية..

تعرف ياوراق . مسالة التكويش دي الظاهر لي متفقين فيها وحق مشروع .. وبعدين تكويش لي تكويش بيفرق ،
البسطونة دي حاول ساعده بي ( سيخة ) ممكن تطلب مساعدة من ( صديق ) انا غايتو بضمن ليك ( البمبان )
..

يا ابو جهينة .. ياخي زي فيلك ده بنقزقز بيهو في شكل ساندوتشات علشان كدا اقترح ( مراح ) من النوعية دي .. ( للتسخينة ) طبعا قبال عشاكم..
..
اقتراحك التاني مقبول ، وفي انتظار التنسيق ليهو
دكين .. ضارب الهواء ( وشبورة ) الشرقية وشربوت تنقو تاني البجيبو شنو؟
..
يا ود الباوقة ..
اثني الاقتراح وابوجهينة اهل لذلك ، وهو الآن يقوم بتنسيق كامل خلف الكواليس لإنجاح هذا اليوم وما بخل علينا بالتوجيهات والدعم عن بعد .. ولسه منتظرين الكتير ..
..
العزيز محي الدين الريس ..
يا مليون مرحب بيك ، واعتبر نفسك في أول لوحة الشرف وفي انتظار طلتك مع البقية ، وقطعا سوف نكون سعداء جدا بتواجدك بيننا..

تم مساء امس اعتماد الاستراحة المقترحة بطريق القصيم بعد مخرج العمارية بواسطة محمد الشيخ ..
وعليه سوف يكون اللقاء بالاستراحة المشار إليها بدلاً من استراحتنا المعروفة ، وجاء تعديل الموقع نتيجة للعديدة الكبيرة التي تم حصرهــا بعد تأكيد حضور الجميع ..
قمنا بزيارة للموج انا وحميدة فيما يتعلق بموضوع العشاء والتنسيق مع الفنانين ، وايضا الاتصال بمهدي الصادق فيما يتعلق باللوحات ، والشهادات التذكارية ..
تسير الأمور بشكل جيد كما نخطط لها .. والحمد لله كل التوفيق ملازم لنا في كل خطواتنا ..
..

ملحوظة:
الكروكي الخاص بالاستراحة القديمة سوف نقوم بإدراجه لاحقاً .. والمرجو عدم اعتماد الكروكي القديم المدرج بالصفحة الأولى بواسطة حميدة.. وسوف يقوم حميدة لاحقاً بإدراج الكرووكي الجديد ، والاستراحة بعد مسافة ليست ببعيدة عن موقعنا القديم ..
..

Quote: يا ابو جهينة .. ياخي زي فيلك ده بنقزقز بيهو في شكل ساندوتشات علشان كدا اقترح ( مراح ) من النوعية دي .. ( للتسخينة ) طبعا قبال عشاكم..

أقترح نحـر زرافة

@@@@@

ماتنسو عضو مهم

الفاضل هواري

Quote: آخر مره رسلت ليك منه عيدية .. فيها شطة ودكوة وحاجات العيد خالية من الشربوت .. سلام يا مان ..

معتصم..
وصلت الرسالة.. بس..
ومساخة طعم العيد..
لامن ما قدرنا نكحل عيونا بنظرة من دلك شوية..
كتير كتير رزم الأشواق من الأشواق نهديها..




سلام لكل الأهل والأحباب..
والشوق رزم..

محي الدين الريس

الرياض




والطاهر هواري ..



مرحبا بكما اخوة اجلاء وفي انتظار لقائكما بلهفة وشوق ....



ود الباوقة

Quote: والطاهر هواري ..

دا منو دا

Quote: والطاهر هواري .. دا منو دا

عفوا اخي احمد .. قصدي الفاضل هواري .... اللهم لا تؤاخذنا ان نسينا أو أخطأنا ....



ود الباوقة

العمدة ابو جهينة .. مبرووووووووووووووووووووك وعقبال ان شاء الله عمدة كلي .. قولوا آمين ..




ود الباوقة

وين صديق الموج ياناس

الأخ تمبـــــــــس وبقية العقد الفريد

ترحيبك وصلنى وليك شاكر كتير ولكل الأخوان بورداب الرياض وحقيقة لاأخفى عليكم ذلك
القدر من السعادة والأحساس بالأنتماء بعد سنوات طويله من الغربه شاكر لكم جميعا ودمتم .

Quote: عند الحضور يمكن التسديد - مع مراعاة أن الحضور اهم من كل ( تسديدات ) الدنيا - ..

حنك بييييييييييييييش ...

تخريمة :
وبدل الصورة ترسل شنطة وطيري يا طيارة طيييييييييييييييري..

العزيز الحارث ..
ونتشرف بك وبوجودك بيننا ، وسوف يكون اللقاء أجمل عندما نلتقي ..
..
يا عباس ..
صديق الموج جاهز جدا ، وبيخلص في الحاجات والترتيبات برضو من خلف الكواليس
..
عمر ..
والله تتخيل فعلا بيش ، لانو اتضح أنو الكنجالات عصب اي حاجه

ياتمبس

ما قلنا زماااااااان عاوزززززززين نشارك ونساااااااااااعد


مالكم ما رديتوا علينا ولامكتفين مساعده برضوا المهم نحنا فى



الخدمه وممكن تعرف عنى من ابوجهينه ولا ختيتنا لليوم الحار0


تحياتــى لك وكل العاملين فى الكواليس


اخوكم/ ســـــــــــــيد

يا سيدنــا ..
والله بعد كلام ابوجهينة امس بالليل عنك
فعلا خاتنك لليوم الحار
..
على العموم .. الحمد لله الترتيبات كلها في مرحلة التشطيبات .. الليلة وبكره بالكتير إن شاء الله بننهيها
بس اعمل لياقات تمام لي يوم الخميس ..

Quote: أقترح أن يدرج أي عضو أي فكرة أو موضوع أو أي شيء يريد تقديمه في الحفل حتى إذا جاء يوم الإحتفال تستطيع اللجنة المنظمة أن ترتب كل البنود المطروحة و بنودها الموضوعة سلفا بطريقة جيدة

انا المرة دى جاى اعمل مظاهرة(سلمية غير سلميه) ما فارقة..المهم مظاهرة والسلام
السمع يكلم الما سمع!!!!

Quote: السمع يكلم الما سمع!!!!

سمعاً وطاعة

الهتافات شنو هشان نحفظ

Quote: سمعاً وطاعة الهتافات شنو هشان نحفظ

زول ساكت حبابك..

انت احفظ داون داون والباقى بتمه ليك فى الاستراحه،،

الرسم التوضيحي لموقع ااستراحة الواحــة :

اها يا تمبس بالله عليك سرييييييييع كده نزل لي أحمد حنين الكروكي بتاعو ..

يا عمر ..
ياخي حنين ده VIP ..
وعندو فقرة خاصة جدا .. خاتنها مفاجاة كدا أنت دردقتنا وضيعت عنصر المفاجاة

ساطور ..
حاولت الاتصال عليك عدة مرات ..
..
إذا مريت من هنا ..
حاول تتصل علي .. ضروري جدا
0568371878

تمبس إزيك

إستراحة الواحة عرفناها لكن 1،2،3 دى شنو؟











تخريمة:
كان تخليها (السلام)
ذكرتنى حبيبى ذكرتنى

..

Quote: (السلام)

وليد أنت قاصد( السلام ) بتاعت غزوة أحد والا السلام عليكم
..
الحفلة في الاستراحة رقم واحد .. لكن انت تعال في رقم تلاتة عاملين ليك حاجة خاصة

اسمع ..
استراليا كيف ؟
( وش جادي جدا )

Quote: اسمع .. استراليا كيف ؟ ( وش جادي جدا )

جليتا
(وش ينعل قفاه)

Quote: زول ساكت حبابك.. انت احفظ داون داون والباقى بتمه ليك فى الاستراحه،،

الموج الهادر آآآآآآآآآآآآآآآت

داون داون دي والله نحنا ماقدرها ولا حاجة والخواف ربى عيالو

اقترح عليك هتاف قديم لاهلنا

دايرين بوسطه ومدرسه وسطى وبيت للناظر

Quote: دايرين بوسطه ومدرسه وسطى وبيت للناظر

وتقول لي صغيير !!!!!!!!!!!!!!!!
ياخ ده هتاف جيل الستينيات ..
لو كنت صغيير بي الجد كنت هتفت زيينا نحن :
غيروا لينا الراجل ده ..ما دايرين الراجل ده ..الراجل ده غلا البيبسي ..الراجل ده زاد الجيرسي..

أها طبعاً الراجل ده قاصدين بيها ناظر المدرسة ..
وتقول لي صغيير!!!

الاخوه الاعزاء بورداب الرياض:
لكم التحيه والود وانتم تسعون لهذا المنحي الجميل في جمع شمل كتاب الكلمه في هذا الملتقي الاسفيري...لظروف ازدواج اقامتي بين بروكسل والرياض لم اتمكن من لقائكم او التعرف بكم ...فقط التقيت ببعضكم عبر لحظه عابره بمبني السفاره وكانت لها ظروفها...وهاهي الان الفرصه مواتيه للقياكم والتعرف اليكم بالرغم من معرفتي لاغلبكم عبر التلاقي الاسفيري...سأبذل غاية جهدي لاتمام ذلك بالحضور لملتقاكم الجميل .. واذا لم نصل تبقي النيه وصلت.
{بس ارجو شاكرا وصف المكان بدقة اكبر لعدم معرفتي الكبيره بمدينة الرياض}.
..ولكم عميق تقديري
اخوكم:
د. ياسر عبدالقادر

عبد الرحيم أبو حراز
وينك أنت ؟؟
كنت مع بوش قبل يومين بس كنت على عجاله .. ح اتصل عليك وحاول نسق معاهو
..
د. ياسر ..
تحياتي ومرحب بيك معانا ، ويمكن الاتصال بينا في اي لحظة على التلفونات الموضحه في اول البوست
ورقمي ..
0568371878

فوق عشان خاطر الخال خالد..مع التحية للجميع

Quote: أخوي JAD سلام نحن قائمة المنتسبين جلينا منها شوف لي لو في تسجيل لفصول الناضجين بالله ما تنسونا محي الدين الريس الرياض

حبابك أخي ود الريس ..

المسكين ضقل .. بالله ما في زول عبرنا ..

قدر ما قعدنا في الطريق عشان نعتر ليهم برضو مافي فائدة ..

لكن أبشرك عند واسطة كويسة بشوف ليك معاي طريقة مع الريس ود الباوقة (وجه مكرمش) .

تسلم يا حبيب .. خلينا نشوفك هناك ..

جاد

البعيو ..
مشتاقين وفي الانتظار يوم الخميس
وفووق تاني برضو للخال خالد..

..
جــاد..

Quote: المسكين ضقل .. بالله ما في زول عبرنا .. قدر ما قعدنا في الطريق عشان نعتر ليهم برضو مافي فائدة ..

والله ياجاد اتلومو معاك تب .. حقو ما تعتر ليهم ( شنكل ) من طرف .. واخلص حقك بي ( رجلك ) ( وش متكيف منك ) ..
..
أنت وود الريس غالبا حتنضمو لي قائمة جديدة لم يفصح عنها بعد ( وش مستنكح )

الو الو

بالمناسبة انا مجهز نفسي علشان القى محاضرة بعنوان

التنظير والتنظيم واثرهما على شعوب العالم الثالث
( بورداب الرياض كحالة خاصة )

مدة المحاضرة ساعة ويتبعها عرض بوربوينت على جهاز البروجكتر فاتمنى من لجنة الاعداد ضم محاضرتي هذه ضمن البرنامج العام .

Salam 4 all collegues
Sorry .... Cause this kee board doesnt type Arabic
I arrived Riyadh yesterday & wl attend the Party of sdb members , will call anyone of Riyadh friends to lift me at week end evening
Thanx & Am happy to see all of U
Salah Elbasha
Mobile 0501313832

استاذنا صلاح الباشا مرحب بك بالرياض
وفي انتظار أن نلتقيك ..
ومن معك من الضيوف

هل تصدق ياغريب انا جاى عشانك مخصوص ومعاى
قصائدكوم من شاعرنا الفحل الذى طبل لنا عشان تعرف
قدر الرجال ارجو ان تجى بدرى عشان نخلص بدرى ونشوف باقى
الحفل ضرررررررررررررررررررورى حضورك

مهدي الصادق
وصلاح غريبه .. تعالوا تموها هناك .. الاستراحة كبيرة جدا وما فيها برد كتير

يا تمبس يا اخوي انا جاي وزي ما يقولو ما بعرف زول غيرك انت وود الشيخ وود الشيخ زاتو بعرف صوتو بس صورتو ما شفتها ما شايفو داخل معاكم
اها انا في رقبتك وانا زول طبعي كعب الزول لو ما عرفني انا مبقدر اعرفو عشان كده عليك تعرفقنا بالاخوة الافاضل ونطلع علي تفاصيل الباقية
والشي التاني
تصورني وتجيبني في اول عرض للصور عشان اطلع صورتي الشينه الابت تطلع في مكان اسمي قدر ما حاولته انشاء الله تكتب عليها خرج ولم يعد عشان انا عندي جماعة قاشر بيهم
والتحية للجميع الي حين اللقاء غدا

فى عضه ولا نجيب معانا ساندوتشات...لول
انا جاى بعد صلاة المغرب واهيب بالجمبع الحضور من بدرى لزوم الونسه والشمارات

البعيو .. المهم ان تحضر معك فطور الجمعة ممكن الشغلانة تجر ... عضة العشاء متوفرة ان شاء الله..

في انتطار حضورك .. المشكلة ناس الشمارات حقننا بجو متاخرين لكن برضو تعال المغرب ..



ود الباوقة

البعيو ..
أعمل لي حساب معاك في مشروع الساندوتشات دي .. انا مستهدف من لجنة الامداد والتموين وعاملين لي حظر اقتصادي..

الباقر الطاهر ..
أول حاجه طبعك الكعب دا بقدر ليك عليهو .. وجيهك تب من الناحية دي ما عليك ..
ود الشيخ يعمل دائما في الخفاء بهمة عاليه ، وإذا كتب الله لنا النجاح اعتقد أن محمد الشيخ اول اسبابه لاتصاله بالجميع ، بالاضافة إلى إدارة بعض الامور المتعلقة باليوم بدرجة عالية من الحنكة
..
الجماعة القاشر بيهم ديل كمان خليهم علي .. انا عندي كاميرتين واحده ح اصور بيها الناس والتانية دي بربطه ليك قدامك ..
سعيدين يا الباقر أنو تتوسع المساحة بيننا ، ونطمع في يوم جميل ملي بالاشياء الجميلة ..

سلااااااااااااااام طويل
وشوق كتير
ومرحبا بالاعضاء الجدد
وصلاح الباشا الف مرحب وتحية

ومعكم يا تمبس ومحمد الشيخ وبقية المحاربين
وعذراً لحضوري المتأخر في هذا البوست الحافل

نصار الحاج

أخخخخخخخخخخخ ..
يا تامبا دقت في العراضة المفروض أكون معاكم في اليوم دا ..
لكن ..
تقول شنو حظي الشين الزي وشي دا ..

أتمنى ليكم يوم جميل وطيب وحضور مشرف ..

أسألكم بالله الخال ودقاسم كان راقد في سريرة تشيليهو تجيبهو الحفلة دي ..

أها أنا زاتي اليوم كاتل لي حفلة كاربة كان وريتك فنانه بتقع من كرسيك دا ..

أبقوا شمس لا تغيب ..

محبتي ..

نصار الحــاج ..
منور والله .. وخطوة عديلة ..
قبل شوية في اتصال مع .. نجم الدين ، وبيأكد حضورو ، بالاضافة لي باقي الكلمات الجميلة ، محمد مدني عصام عيسي رجب ويوسف حمد النيل ..
اكيد يومنا ح يكون شكلو مختلف ونكهتو غير ..
منتظرنكم يا نصار ..


موووووووو..
كل المؤشرات بتقول أنك ما جاي ..
ما عندك مشكلة أخوك رقبتو سدادهـ ..

بس اسرق لي اللعب بي هناك ..

Quote: بس اسرق لي اللعب بي هناك ..

" وش منطط من الضحك "..

رده حب للجميع