التحية أيضا لكل شعراء الراحل المقيم مصطفى سيد أحمد.. أذكروا أسماؤهم

وأيضا لا ننسى شعراء مصطفى سيد أحمد الذين كتبوا أروع النصوص الغنائية المعبرة
والتى تناقش العديد من القضايا ذات الصلة بالوطن والمواطن والهموم والعذابات
والآلام والآمال
التحية لهم وأرجو نذكرهم هنا تكريما لهم ولدورهم أيضا فى مسيرة مصطفى سيد أحمد

محمد طه القدال

الأخ بهاء
تحياتى
من شعراء مصطفى سيد أحمد و فى نفس الوقت أعضاء فى البورد
صديقى العزيز و أخى الأكبر عبدالقادر الكتيابى:
*على بابك نهارات الصبر واقفات
* و لمحتك قلتا بر امن بديت أحلم

و للرائع عضوالبورد بشرى الفاضل:

*نفسى فى داخلك أعاين و أروى روحى و أشوفك منابعك

و هذه من أحب أغانى الأستاذ الى..نرجو أن نسمعها منك
له الرحمة

حلوة عينيك
د.بشرى الفاضل

نفسى فى داخلك أعاين
وأروى روحى وأشوف منابعك
يا سلام
الصحرا فى عينيا تتواثب جناين
ماخدة صوتك من جداول
وما خدة صورتك من كهارب
مولداً ميدانو حافل
كلما يصبـِّح ...
تجيهو الناس جحافلْ
يا سلام .... يا سلام
**********
لمـّا تعبرى فى الشوارع
شوفى كيف الناس تصارع
ناس تطفـِّر .. وناس تدفـِّر
فى البشابى على نجومك
وفى البخبْ .. كايس تخومِك
وكل زول من عِنْ سُلافك ..
لا لا .. قال دايرلُو كاسْ
********
مرّة طربان .. شلت صوتك
شان أغنى..
قلت آه ياليل .. وآه
إنتى أول .. وإنتى تانى ..
وإنتى تالت .. وإنتى رابع
نافرة زى صيد الخلا
وصافية زى نبع المنابع
وقلتى لى غناى .. خلاص
*******
حلوة عينيك زى صحابى
عنيدة كيف ... تشبه شريحتين
من شبابى
حلوة عينيك زى صحابى
وزى عِنب .. طوّل معتـّق
فى الخوابى
وسمحة زى ما تقول ضيوفاً ..
دقـّوا بابى
.. فرحى بيهم سال .. ملا ..
حتى الكبابى

الأخوة الكرام،،
سلامي لكم جميعاً

فيما يلي أسماء بعض الشعراء الذين تعامل معهم
الراحل مصطفى سيد أحمد دون تحديد لاسماء أغنياتهم

محمد الحسن سالم حميد
صلاح حاج سعيد
محمد طه القدال
يحي فضل الله
قاسم أبو زيد
أزهري محمد علي
بشرى الفاضل
عبد القادر الكتيابي
هاشم صديق
عبد العال السيد
مدني يوسف النخلي
عاطف خيري
الصادق الرضي
نجاة عثمان
تجاني حاج موسى
عبد الرحمن مكاوي
محمد المهدي عبد الوهاب
محمد إبراهيم شمو
جمال حسن سعيد
خطاب حسن أحمد
طلال دفع الله
حافظ عباس
قريب الله محمد عبد الواحد
أبو ذر الغفاري
عبد الله شبو
مظفر النواب