الواضح ما فاضح يا ناس اللجؤ السياسي انتو؟؟

ل دي حكومة الخرطوم سوي ابينا ام رضينا وهكذا يتعامل معها موظفي المفوضية
بمنطق اذا كان دا من الغابة بقي في القصر مافي شي بمنع ناس الاعتصام من العودة للسودان
يا اخونا القصة ما محتاجه لي لف ودوران ونظرية الموامرة ما عندها محل هنا
الكلام دا واضح و قلناه بالبلدي كدا عشان الناس كلها تفهموا والصورة دي بيان بالعمل لزوم الشرح وكدا وبالواضح والواضح ما فاضح المعتصمين ديل في قانون المفوضية ما لاجئين سياسيين ديل ناس ضاقت بيهم العيشة في السودان التعب من الزراعة والقي الوظيفة ما جايبه
همها والماهية ما قضت وبيع السجاير بقي ما بجيب زي زمان والخدمة في البيوت بقت صعبة والتجارة بقت خسرانه والشيكات رجعت RD وشغلت الحنه بقت ببيوتات تجميل وكدا يعني القصة لا سياسة لا بتيخ القصة معايش وبس
ما هو دا نقد حايم في نص الخرطوم وسلفاكير في القصر خالف كراع في كراع وسيدي الميرغني باعة الفيلا في القاهرة وبلم في الشنط ويالسودان جاك زول والرئيس فتحي البحيري لسع مدور في وقاعد في الخرطوم وزهير السراج ناس الامن فكوه وهسع راقد في بيتهم وناس امن المجتمع فاتحين بلاغ في سيد احمد الخليفة والجريده شغالة وانا زاتي فصلوني ورجعوني و والترابي عمل ليه دين جديد وماشي فيه كويس وفاولينو عمل حكومة جو حكومة وعمل ليه محاكم وبرضو شغال مية ميةالموضوع ماشي والحياة ماشة
دحين الصقر لو وقع كتر البتابت عيب
وبعدين عملوه شينه عديل كدا وجابه لينا السمعة الشينه وقالوا الشينه منكورة
علي الايمان الشماسة الحامين في قلب الخرطوم اشرف منك لانه علي الاقل بنوموا في شوارع السودان وبياكله من بقاية اكل السودانين مش قاعدين عالة علي اولاد بمبمة
والتسوي كريت تلقي في جلدها
ياخي الفراعنه ديل معروفين في فض التجمعات دي بالميت كدا بقرضوا خمسة عندهم عادي
ما سمعتو بالقوانين العرفية ؟؟؟ ولا ما قاعدين تتفرجوا سينما .. ولا انتو ثقافتكم اجنبية بتاعين فاندام وكويلا واميتاب
والبزعل بطريقته اقول انا مجنون وما اشتغل بي

Quote: والترابي عمل ليه دين جديد وماشي فيه كويس

حبيب الكل
كل سنة وانت طيب
دائما لماح
لك الشكر والسلام

فالنتقف جزيا انو كلامك فيه جزء من العقلانية في موضوغ الواقع السياسي

لكن هل يعقل ان يسكت الناس علي موت السوداني في اي بقعةعشان الامور في السودان تمام

انا متاكد انك ما مجنون لكن عاوز تميع الصراع . العب غيرها

حبيب الكل

يازول صدقني إنت شايت غلط، واللجؤ السياسي مامعناهو إنك تكون سياسي؟ يعنى لو كنت ساعدت نفسك بشوية قراية ولا درس عصر عن الموضوع كان عرفت إنو الأسباب الإنت قلتها عن الناس ديل هي ذاتا من الأسباب بتاعت اللجؤ
قال سيدنا العارف بأسباب اللجؤ السياسي وقوانين المفوضية حبيب الكل:
المعتصمين ديل في قانون المفوضية ما لاجئين سياسيين ديل ناس ضاقت بيهم العيشة في السودان التعب من الزراعة والقي الوظيفة ما جايبه همها والماهية ما قضت وبيع السجاير بقي ما بجيب زي زمان والخدمة في البيوت بقت صعبة والتجارة بقت خسرانه والشيكات رجعت RD وشغلت الحنه بقت ببيوتات تجميل وكدا يعني القصة لا سياسة لا بتيخ القصة معايش وبس).
أها يا حبيب الكل النقول ليك أنا دا اللاجئ في أمريكا دي، كلامك الفوق دا كلو من أسباب اللجؤ السياسي، لسبب بسيط يا حبيبنا، إنو الكلام دا كلو هو إنعكاس لوضع سياسي، وقصدي هو ضيق المعيشة وربنا ذاتو قال مامعناهو (ألم تكن بلاد الله واسعة وقال مامعناهو فأمشوا في مناكبها وكلو من رزقه، وإنت يا حبيبنا عايز تضيق على الناس ليه يا راجل حرام عليك، يعنى هسة أنا مشيت هنا لناس المكتب بتاع اللجؤ وقلت ليهم والله الحياة في السودان صعبة وانا مالاقي شغل بسبب سياسة الحكومة وبعدين عرضة للإعتقال في اي لحظة ولي كشات الخدمةالإلزامية والمهم هم قاموا أدونى حق اللجؤ السياسي.
فما تعمل لينا فيها حريف ويا هو ديل نحن ناس اللجؤ السياسي بنقول ليك لو كان الاسباب الفوق دي هي الخلتك تكتب الكلام بتاعك فدي ذاتا زي ما قلنا ليك هى من اسباب اللجؤ، والموضوع دا نحن قريناهو هنا في القوانين بتاع اللجؤ، فيا حبيبنا عليك الله نقطنا بسكاتك.

الصادق اسماعيل
خبرة عام في قوانين اللجؤ
لاجئ سياسي في امريكا بسبب ضيق المعيشة في السودان والتى تسببت بها سياسة حكومة الإنقاذ

السيد الصادق اسماعيل يقول

Quote: قال سيدنا العارف بأسباب اللجؤ السياسي وقوانين المفوضية حبيب الكل: المعتصمين ديل في قانون المفوضية ما لاجئين سياسيين ديل ناس ضاقت بيهم العيشة في السودان

ياعزيزي دون مهاترة وبعيدا عن الاسأة دعنا نتناقش بموضوعية
اولا حسب اعتقادي انه حق اللجؤ السياسي في الاصل ياخذ مشروعيته من اتفاقية اللجؤ السياسي لسنه 1951 التابعه لأممة المتحده التي تعرف اللاجي السياسي علي انه كل شخص يجبر علي ترك بيته لخمس اسباب وهي
والعرق
الدين
الجنسية
الانتساب الى مجموعة اجتماعية معينة أو ذات رأي سياسي

بوعلي ضؤ ما تقدم اعتقد ان اي اسباب اخري ولاسيما ما يعرف اعلميا باللجؤ الاقتصادي لاتجعل من الشخص لاجي سياسي وانما يدخل في زمره
اما المعاهدات والاتفاقية التي تتناول حق اللاجي السياسي كثيره جد ولكن دون الولوج في تفاصيلها ان هذه المعاهدات تتحدث عن الأجي السياسي وفقا لمعاهده الامم المتحده لسنه 1951 فيها المرجعية في تعريف الاجي السياسي
فيا عزيزي الصادق قد تكون منحت حق اللجؤ السياسي ضمن الفئة الخامسة من التي وضحتها المعاهده وهذه الفئة تشمل مجموعات مختلفة وهي أولئك الناس الذي يشاركون في خلفية متماثلة عادات أو وضع اجتماعي معين وهذا الصنف غالباً ما يتشارك مع المضطهدين للأسباب الأربعة الأخرى . وينطبق هذا على فئات مثل العائلات الثرية التي تتعرض لاعتداءات من قبل الدولة او افراد الشعب أصحاب الأملاك التي تتعرض لتأميم و ذوي الميول الجنسية لنفس النوع أصحاب المهن التي تحاربها الدولة والعسكريون السابقون الذين يتعرضو لضغوط اجتماعية نتيجة لافعال سابقة.
فقد تكون احد هذه الفئات عزيزي الصادق والذي قال

Quote: فما تعمل لينا فيها حريف ويا هو ديل نحن ناس اللجؤ السياسي بنقول ليك لو كان الاسباب الفوق دي هي الخلتك تكتب الكلام بتاعك فدي ذاتا زي ما قلنا ليك هى من اسباب اللجؤ، والموضوع دا نحن قريناهو هنا في القوانين بتاع اللجؤ، فيا حبيبنا عليك الله نقطنا بسكاتك

عفوا الصادق ارجو ان (تنقطنا) انت بالقوانين التي التي جعلت منك لأجي سياسي

الرائع عبد الله
اشكرك علي المداخلةالعابرة
واتمني ان تعود مرة اخري

يا حبيبنا
شايفك خاشى الملعب بي سياسة
انو ما تتلفت على المساطب الشعبية
وتركز على القون ومشجعين المقصورة الرئيسية.

بس اوع من الهجمات المرتدة دى اكتر حاجة بتعوق.


ودمتم

الرائع علي حسن
المشكلة في الموضوع دا انه الخسران فيه ناس المساطب الشعبية
اما ناس المقصورة قاعدين في الفنادق وبعقدوا مؤتمرات وبدخل الشبكات الانترنت
ولمن القيامة تقوم تلقاهن في صايد ونس المساطب الشعبية في صايد تاني

زكرتني دايمة في الاستاد البمبان بفكو اتجاه المساطب الشعبية
ولك الشكر

يا حبيب الكل

Quote: يعني القصة لا سياسة لا بتيخ القصة معايش وبس

هسي موضوع انك تسرق مني البطيخ بتاعي وتستعملو هنا .. دا براهو حا يخليني أطلب اللجوء السياسي في أمريكا

صنفرة :

عندي شعور إنو البوست بتاعك دا ما حا يعمر كتير !!
غايتو لو جيت بعدين المساء وما لقيتو أمشي كوس ليهو في (غير صالح للنشر)

الاخ عبد الكريم
اشكرك كثير علي اتفقاك معي في جذء من حديثي
اما في تعقيبك الاخير فانا لا اعني ان نسكت ولم اقصد ذلك البته بل قصدت ان يسكت من يتاجر بهذه القضية الخسرانه وسوف اشرح لاحقا لماذا هي خسرانه وذلك في اعتقادي الشخصي
ودمت

الشفت ناذر الخليفة
البتيخ علي قول صديقي مؤتمن صديق مكي كان يطلقه علي الحسان وانا انسب
اليه حق المؤلف
يا مان بكري دا راجل حبوب وانا بعزه شديد ما ظنيته اقص لي
والنصيحة اسمع كلام الببكيك ما تسمع كلام البضحكك
ولك اعجابي يا سيد البتيخ كله انت

*