عضو البورد عبدالاله أبوسن وزيرا للثقافة و الشباب و الرياضة بالقضارف

حملت الأنباء الواردة من السودان نبأ تعيين الأخ عبدالاله أبوسن عضو البورد
و مدير الأعلام بجهاز المغتربين وزيرا للثقافة و الاعلام والشباب و الرياضة
بولاية القضارف...
و الأخ عبداللاه أهل لذلك الأختيار
مع تمنيانى القلبية له بالمزيد من الرفعة و التقدم ....

أخى الوحيد القردابى

الله يجازى محنك ..بتجيب أخبار عجيبة..يعنى عايز تدخلنا فى صراع مابين خوتنا ومعزتنا لعبد الله ورأينا الذى لا يتزحزح فى حكومة السطو على الحريات....
يعنى عندك هوايات فريدة فى نوعها
ياخ إنت ما تجرب التنس الأرضى أخير ليك من نقل الأخبار العجيبة دى البتشبه آدائك كسكرتير إجتماعى لعين شمس

الأخ أسامة
شايفك متألق فى البورد ...و بقيت من النجوم اللامعة يعنى الود ولا تراجى مصطفى...
يعنى أنا ما غلطان لما قلتا انك مكسب كبير للبورد...
فمزيد من النضال ...مع تمنياتى بالتوفيق للمسيرة...
أما أخوانا عبداللاه فياهو ذاتو بتاع أحمد سنان باشا...لا غيرتو الظروف و لا....
مع امنياتنا له بالتوفيق

القردابي

لا اسكت الله لك حسا

وينك يا اخوي في المأساه دي كلها؟؟؟؟؟؟

نرجع للموضع

قلت لي متحمس جدا ومبتهج صحبك بقى وزير!!!!!

انا ما قلت من البدايه قاعد تلم لينا في السدنه

غايتو يا اسامه خلف الله راس الصوت وصلك

الراجل ده متهم ان ظلامي كبير

حسه وضح انه هو الليل بنفسه

غايتو شيل شيلتك

وبوست الترحيب داك امشي امسحه لانه ادانه لك

يا اخي ده رحب بواحد بعد شهر عينوه وزير في حكومة الانقاذ دي!!!!

ما الله يستر عليك.

ويا ود ابو سن والله ماعجبنا لك

وكان في طريقه اتخارج

الناس ديل وحاتك مركتهم بقت بتغرق خلاص

خاصه بعد مذبحة الميدان في القاهره

غايتو اعمل حسابك وسلم لي على ناس (الصباغ)

وسلم لي على المهاريه

وعلى فكره ياناس المنبر

الماهريه هم اشرس بطون الشكريه.

ويبدو ان نفس الاسم يحمله فرعا آخر للرزيقات في دارفور.

تراجي.

الأخت نراجى...
كل سنة و انتى طيبة..
و انا برشحك الوزيرة القادمة من أعضاء البورد بعد نجاح مفاوضات أبوجا
واقتسام الثروة و السلطة...
و انشاالله تكونى وزيرة خارجية بما لك من ثقافة ووجاهة...
بس ما تنسى أخوك حينها...

و نحن نهنئ و نبارك للصديق عبد الإله ذلك المنصب
الرفيع و نتمنى له التوفيق في انطلاقة نهضة شبابية
بقضارفنا الحبيبة و يا عبده أوعك تقول لينا مافي
ميزانية و مافي إمكانيات و الذي منه ... القضارف
منك و ليك و ربنا يعينك و يسلمك من لسان قرض
الطوييييييل !!!!!

الأخ قرض تحياتى
أعتقد اننا ألتقينا فى مكتب الأخ عبداللاه فى جهاز المغتربين.... و عرفنى بيك و انك أخو زميلنا طارق قرض...لك و لهم التحايا..

اخي وعزيزي عبد اله

مبروك المنصب الجديد والذي أنت أهل له
وتواصل معنا المشوار ممن خلال موقعك الجديد

وأكيد سنستفيد من تواجدك الجديد في اثراء ساحات الحوار في المنتدى