Post: #1
Title: وزارة الداخلية توافق على منح الجنسية السودانية لداريو وبيـتر ..
Author: luai
Date: 01-04-2006, 02:56 PM
الداخلية توافق على منح الجنسية لداريو وبيتر
1-12-1426 هـ
الموضوع: النيلين
اكد الفريق الطاش نائب رئيس مجلس ادارة نادى الهلال انه تسلم موافقة وزارة الداخلية السودانية نهار السبت على تجنيس الثنائى بيتر جيمس (نيجيري) وداريو كان موزمبيقى ) واضاف ان وزارة الداخلية السودانية مشكورة اوصت بمنح الثنائى الجنسية السودانية وان الامر فى انتظار موافقة رئاسة الجمهورية لاكتمال اجراءات التجنيس
_________________________________________
التعليق :
يعني عشان ديل لعيبة جنسيتهم بقت صعبة كمان ..وكمان عايزة موافقة رئاسة الجمهورية لاكتمال اجراءات التجنيس ...اسه النادي الاشترى اللاعبين ديل ما قادر يدفع ليه مليون جنيه ويجيب الجنسيات دي من مافي ..بتين جنسيتنا كان ليها عظمة وموافقات من عدة جهات ...اها انشاء الله بعد ما تدوهم الجنسية ..يوصلوكم كاس العالم كمان ...
إذا كان مصيبة الرياضة عندنا سيحلها تجنيس لاعب من موزمبيق ولاعب من نيجيريا ...الافضل تجنسوا لينا عشرة من موزمبيق وعشرة من نيجيريا ...
|
Post: #2
Title: Re: وزارة الداخلية توافق على منح الجنسية السودانية لداريو وبيـتر ..
Author: waleed500
Date: 01-04-2006, 03:17 PM
Parent: #1
| Quote: يعني عشان ديل لعيبة جنسيتهم بقت صعبة كمان ..وكمان عايزة موافقة رئاسة الجمهورية لاكتمال اجراءات التجنيس ...اسه النادي الاشترى اللاعبين ديل ما قادر يدفع ليه مليون جنيه ويجيب الجنسيات دي من مافي ..بتين جنسيتنا كان ليها عظمة وموافقات من عدة جهات ...اها انشاء الله بعد ما تدوهم الجنسية ..يوصلوكم كاس العالم كمان |
لك تحياتى اخى لؤى وكل سنة وانت بخير
ويا سيدى انت عايش وين جنسيتنا اصبحت ليها عظمة وموافقات من
عدة جهات ده لو حصلت موافقه اصلا...انت مفتكر الشغلة مفكوكه
مثل زمان جنسيتنا اليوم ولا الجنسية الامريكيه وهنالك قانون تحت
التنفيذ بان لاتمنح الا لى علماء الذرة وكبار المفكرين
|
Post: #3
Title: Re: وزارة الداخلية توافق على منح الجنسية السودانية لداريو وبيـتر ..
Author: Adil Ali
Date: 01-04-2006, 03:45 PM
Parent: #2
| Quote: انت مفتكر الشغلة مفكوكه مثل زمان |
زمان متين؟
| Quote: وهنالك قانون تحت التنفيذ بان لاتمنح الا لى علماء الذرة وكبار المفكرين |
ترى، هل كان راشد الغنوشي، الذي منح جواز سفر دبلوماسي سوداني، عالم ذرة.... أم كان أفراد عصابات الأفغان العرب الذين جاءوا مع اسامة بن لادن للسودان ومنحوا جوازات سفر سودانية من كبار المفكرين؟
|
Post: #4
Title: Re: وزارة الداخلية توافق على منح الجنسية السودانية لداريو وبيـتر ..
Author: waleed500
Date: 01-04-2006, 05:02 PM
Parent: #3
الاستاذ عادل
تحياتى
الزمان زمانكم هو البلد اتفكك متين غير فى عهد الديمقراطية
ديمقراطية السيدين
| Quote: ترى، هل كان راشد الغنوشي، الذي منح جواز سفر دبلوماسي سوداني، عالم ذرة.... أم كان أفراد عصابات الأفغان العرب الذين جاءوا مع اسامة بن لادن للسودان ومنحوا جوازات سفر سودانية من كبار المفكرين؟ |
لم يمنحو جنسية سودانية يا عزيزى استضافو افغان استضافو بن لادن نعم بس لم يمنحو الجنسية السودانية.....الجنسية السودانية قسموها ال المهدى لى قبايل افريقيه وليس افراد يتحسبو فى اليد وده لو كان حاصل حتى......
|
Post: #5
Title: Re: وزارة الداخلية توافق على منح الجنسية السودانية لداريو وبيـتر ..
Author: keiga2000
Date: 01-05-2006, 04:46 AM
Parent: #4
انا ماعارف بيتر دا
لكن داريوكان ليهم حق ياخي دا اطلق صارووووووووووووووووووووخ لحدي الان مامعروف وقع وين واهنئ وزير الداخلية على تلك الخطوة وهي تجنيس داريو كان يعني دا معناه عندو رجل شلووت واحد تقع بعيد ينفع بودي قارد الحكاية ماكدا الليله في الهلال وبكره بودي قارد
والله صلاح ادريس دا بعد دا بقروشوا دي ماباقي ليه الا يشتري ليه كاس خارجي ويمشي يلقط ليه مجموعة من الشرذمة ويلعب معاهم دوره خارجية واكيد طبعا حيشيلوا الكاس (ولو ماشالوه تكون مصيبة) ويجوا على طول ويعتبر اول كاس خارجي وممكن الكنج بتاعهم دا ينزاح ولو ماشلوه مع الشرذمة ديل يبقي ياود ادريس الا بعد دا تمشي للشيوخ اصلوا الحكاية بعد دا فيها ااااانه؟؟
|
Post: #6
Title: Re: وزارة الداخلية توافق على منح الجنسية السودانية لداريو وبيـتر ..
Author: مجدى محمد مصطفى
Date: 01-05-2006, 04:53 AM
Parent: #1
من نحيه قانونيه بحته لا يحق لرئيس الجمهوريه منح او اسقاط الجنسيه السودانيه، ده طبعا المكتوب فى الورق ( ورق القانون السوداني).
ينص القانون على ان منح الجنسيه السودانيه يتم عبر البرلمان اى عبر ممثلى الشعب اذا رأوا مصلحه من ذلك.
ولكن....
هنيا للنيجيرى والموزمبيقى السودانيه
وكان سألونى حأقول ليهم دى ممكن تكون غلطه عمركم
وانتوا عارفين ليه؟
؟؟؟؟
مع الود
|
Post: #7
Title: Re: وزارة الداخلية توافق على منح الجنسية السودانية لداريو وبيـتر ..
Author: charles deng
Date: 01-05-2006, 05:16 AM
Parent: #6
So what? This Nigerian and Mozambiquan must be the most desperate individuals on the continent to clamour for a Sudanese Nationality. Who on on earth would want to be a Sudanese?
|
Post: #8
Title: Re: وزارة الداخلية توافق على منح الجنسية السودانية لداريو وبيـتر ..
Author: Adil Ali
Date: 01-05-2006, 06:41 PM
Parent: #7
Quote: الزمان زمانكم هو البلد اتفكك متين غير فى عهد الديمقراطية
ديمقراطية السيدين |
| Quote: لم يمنحو جنسية سودانية يا عزيزى استضافو افغان استضافو بن لادن نعم بس لم يمنحو الجنسية السودانية.....الجنسية السودانية قسموها ال المهدى لى قبايل افريقيه وليس افراد يتحسبو فى اليد وده لو كان حاصل حتى...... |
تعرف يا waleed500 مشكلتك إنك لا تزال من أتباع الجبهة النمطيين الذين يتّبعون التطبيق الأعمى للقيم السلبية والفاسدة التي تربوا عليها تنظيمياً وفكرياًمثل المكابرة ومغالطة الواقع ولي عنق الحقيقة والتبرير الساذج.
السودان لم يتهدده خطر التفكّك والتفتّت في تاريخه القديم والحديث إلا بعد إنقلاب الجبهة في 30 يونيو 1989، وهذه حقيقة لا ينكرها حتى قادة تنظيم الجبهة الفاسد، لكنك تبدو من كيزان أهل الكهف.
وبعدين هل سمعت في حياتك بشخص يمنح جواز سفر دولة ولا يحمل جنسيتها؟ راشد الغنوشي تقدم بطلب للحصول على حق اللجوء السياسي في بريطانيا وهو يحمل جواز سفر سوداني "دبلوماسي"، كما كان يستخدم الظواهري بعد خروجه من السودان عام 1996 جواز سفر سوداني حتى عام 1997.... ومنح كثير من أفراد عصابات الأفغان العرب الذين قدموا الى السودان مع بن لادن جوازات سفر سودانية مثل مساعد لأسامة بن لادن، يحمل إسم ممدوح محمود سالم، جواز سفر سوداني... هذا المجرم ألقي عليه القبض في ألمانيا في سبتمبر 1998 وسلم الى الولايات المتحدة وأدين بالارهاب والتورط في مخطط تفجير سفارتي الولايات المتحدة في كينيا وتنزانيا في أغسطس من نفس العام وحكم عليه بالسجن المؤبد.
وبعدين يا شاطر القوانين لا تعرف شيء اسمه "يتحسبو في اليد"-على حد تعبيرك-.... مخالفة القانون تبقى مخالفة إذا حدثت مرة واحدة او مليون مرة. نظام الجبهة (الرسالي) الفاشي الفاسد منح المئات من أفراد عصابات الأفغان العرب وقادتهم جوازات سفر سودانية... جواز السفر ليس رخصة قيادة سيارة، الحصول على رخصة قيادة سيارة في بلد لا يتطلب الحصول على جنسيته، ولكن الحصول على جواز سفر هذا البلد يعني الحصول على جنسيته تلقائيا.
| Quote: استضافو افغان استضافو بن لادن نعم |
"استضافوا" دي حلوة!!! (وتاني ما تنسى الألف بعد واو الجماعة).... منح عصابات من المجرمين جوازات سفر بلد وإيوائهم وإقامة معسكرات لتدريبهم عسكرياً والسماح لهم بأن يعيثوا في السودان فساداً وإرهاباً، إلى حد قتل المصلين في المساجد،.... هل تسمي هذه "استضافة"؟
إختشي!
|
Post: #9
Title: Re: وزارة الداخلية توافق على منح الجنسية السودانية لداريو وبيـتر ..
Author: waleed500
Date: 01-05-2006, 07:35 PM
Parent: #8
صباح الخير اخى عادل
Quote: تعرف يا waleed500 مشكلتك إنك لا تزال من أتباع الجبهة النمطيين الذين يتّبعون التطبيق الأعمى للقيم السلبية والفاسدة التي تربوا عليها تنظيمياً وفكرياًمثل المكابرة ومغالطة الواقع ولي عنق الحقيقة والتبرير الساذج.
|
بتشرف كتير اننى من اتباع الجبهة....لكن قول لى انت من ياتو اتباع واى
واقع ذلك الذى تتحدث عنه؟؟؟
تعرف يا عزيزى عادل انتم عايشين فى وهمة خطيره جدا جدا...التفكك حصل ما قبل 89 بثلاثة سنوات والانقاذ لمن استلمت الحكومة استلمتها جنازة بحر وانت
عارف كده تماما ولو ما حصلت ثورة 89 الانقاذية لكنت تحت وطاة الحكم النيجيرى ولا التشادى ولا اى حكم اخر نتيجة توطين قبايل افريقية ومنحهم الجنسية السودانية بقول قبايل يا عزيزى وليس افراد وشايفك اتعديت الامر واخترت
ما يعجبك فقط ونسيت او اتناسيت امر القبايل الافريقية التى منحت الجنسية السودانية والتى اظنها السبب الرئيسى فى حرب اليوم الدارفوريه.....تعرف يا استاذ عادل عجبتنى كلمة اختشى دى واننى احسب لو انك لبستها طوق لكنت محتاج لعشرات الاطواق.........لك حبى وكل سنة انت ومن معك بالف عافية
|
|