ياسرمبيوع انا راجى الفرصة دى من زمان..!!!!!!

ازيك ياود ود جيرانا .....اولا
انا متابعك من بدرى شديد فى المنبر وسمعت ليك كم غنية
برضو فاجاتنى.....
انك بتغنى.....وكدة
وكنت مستنى يجينى الاشتراك واقوم اتواصل معاك وكدة
ازيك ياخ
بس انشاالله تكون عرفتنى

Quote: برضو فاجاتنى..... انك بتغنى.....وكدة

مرحب بيك يا حافظ في المنبر
ياسـر مبيـوع فنان ..فنان
و أفـن فنان
و هو يمتهن طب الأسنان under cover
لكما أطـيب تحية..

الاستاذ الطيب بشير
تشكر على المرور ......
بس لمن لزول دة مرق من مدنى ماسمعتو بغنى

لا حولااااا
ازيك ياحافظ انشاء الله كويس
كيف ماعرفتك هو انتو بتتنسو
ما انتو ناس اصيلين وعشرتكم
اجمل عشره
رحم الله امواتكم وتقبل تعازى الحاره
وسلامى لاسرتكم الكريمه ولكل الاحباب
فى المزاد
قصتى مع الغناء قديمه بس لانك اصغر مننا كتير
كنا بنتغاتت عليكم
اسأل بابكر برت عن قعدات الحديقه الكانت بتفرتقا
حبوبتى لحدى ما سموها كندوره على عربية البوليس
البرفعو فيها الجماعه ايام حظر التجول


هههههه
اتمنى ان يدوم التواصل بيننا حتى لقاء قريب
ان شاء الله
اخوك الكبير
ياسر مبيوع

اهلين ويامراحب باخونا الكبير ياسر
بارك الله فيك ولااراك مكروها فى عزيز لديكم
ايضا تقبل تعازى الحارة فى حبوبتكم (ام الكل)
ياخ زمن طويل شديد......
الواحد بقى يعنى الا يباريكم فى المنتديات......
مابالغتو...ياخ نحن ماعندنا حق عليكم ......
باشرى كيف واختنا امانى بالله اخبارهم شنو
والله الواحد فرحان لمن لقاك ........
طبعا اخر اخبارك معاى (الغنائية)طبعا
لكن ياهو المفروض يكون اولاد مدنى اصلو الفن بجرى فى دمهم

ما اجمل واصفى ذاك الزمان
فلم يكن الهم يردعلى الخواطر الا لماما
ولعله الحزن المقيم فى دواخلنا
والذى رمى بنا فى اصقاع المنافى
فتزداد غربة اجسادنا بغربة ارواحنا
وما اظن هذا الغناء الا اصداء لاخماد روح التمرد
فى دواخلنا
تمرد على انفسنا وعلى ماحولنا
الا ليت الزمان يعود ولكن هيهات
وقد نما الشجن حتى اضحى غابة كثيفه تحتضن بداخلها
كل هوام الارض ومهبطا لغضب السماء
انا بخير ازداد عمرى ثلثا آخر
وباشرى تمام وعندو بت عسل كده
واماى عندها اتنين وما زالت فى القاهره
وانت اخبارك شنو لسه فى مدنى
كن بخير دائما والسلام امانه لكل الاحبه

زمن جميل .....
مع انو ماعشنا معاكم لكن الواحد تقدر تقول حسينا باحساسكم
شكرا كتير على طلتك الجميلة فى البوست
ويبقى بينا العشرة
..........
والتواصل ....
والمنبر الجميل دة
بالمناسبة انا قاعد فى الخرطوم لكن مواصل مدنى طوالى
سلم عليهم اخوانك ,,,,
كن بخير