العيد بالشمالية -كريمة _الكرفاب -فوق جبل أبنعوف

سأقضي عيد الأضحي هذا العام بعد حوالي ربع قرن في قريتي الكرفاب التي تقع بالشمالية ريفي كريمة بالضفة الشرقية للنيل مقابل كورتي وبين قريتي الأراك والبرصة.عندما كنا صغار ويجئ العيد كنا نلبس ملابسنا الجديدة صباحا ونبدأ في جمع العيدية من الكبار قرش وقرشين وشلن ونحن نمر بالبيوت للمعايده ومتوجهين لمكان صلاةالعيدجوار جبل ابعوف الذي كتب عنه د. مختار عجوبة كتابه ابنعوف صالح الجبل.في ذلك المكان كنا نتبادل التهاني بالعيد كبارا وصغارا ثم يرجع الكبار بعد الصلاة لبيوتهم واما الصغار والشباب بنات وأولاد فيصعدون اعلي جبل ابنعوف ويتجمعون هنالك .كنا نشتري الزلابية وحلاوة مص ومعلقةالطحنية بي تعريفة .

كان الشباب والشابات يتبادلون الحب والغزل بالمناديل الموردة ويتبركون عند صالح الجبل ويطلبون منه ان يحقق امنياتهم في الزواج بمن يحبون.

بعد الساعة 11 ص يتوجه الجميع للأراك للمة العيد الكبيرة هنالك عند الفقراء ناس شيخنا ود ابراهيم حيث يحضر الناس من كل المناطق والقري شرق وغرب ويستمر تجمع العيد حتي المغرب حيث نرجع لي بيوتنا .

كمان ساحضر عرس ود عمتي قصورة في ايام العيدبقريتنا الكرفاب .
ان شاء الله اعقد مقارنة بين العيد ايام زمان قبل ربع قرن والأن بعد عودتي

العزيز قدورة

كل العام وانت بالف خير
عيد سعيد مقدما
وانشاءالله ببركة المشية للبلد بعد الغياب حال البلد ينعدل قوووووووووول أمين

سلام عبد القادر


في الاراك أخوال الوالـد آل اليوزباشي وآل سورج,

سلام كتير للبلد, وألف مبروك لك أولا

وللعرسان ثانياً,


سلامـة السـفر والعود ان شاء الله تعالى,


والاخبار الطيبـة,



أحمد الشايقي

كل عام وأنت بخير يا عبدالقادر
وبالله كان عديت البحر ولو عوم أغشى مساوي وزور الموضع ومن هناك الكنيسة قريبة مر على ساقية العوضاب ومنها أطلع لي فوق مر على الجامع الملاصق للبيت وجيب لي أخبار أهلي.

Quote: وآل سورج,

سعادة المستشار إزي سعادتك
سورج ديل حقين التمباك والعماري الممتاز!ّّ!!

كل سنة وإنت والعائلة بخير وإنشاء الله كلنا نعيد العيد الجاي في البلد ونحوم سوا يوم في الكرفاب ويوم في القرير ويم في الأراك، بس يا ربي آسيا ألت الأراك وود الزومة لسه قاعدة....!!

الشايقي

ان شاء الله اعقد مقارنة بين العيد ايام زمان قبل ربع قرن والأن بعد عودتي


اخي عبد القادر ..كل عام وانتم بالف خير .. ربنا يوصلك بالسلامة وتلقا اهلك وجميع مواطني الكرفاب بالف خير ..

25 سنة غياب عن السودان ... دا عندنا هو حكم ( مؤبد ) لكن بصراحة ستذهب وتأتي كا الطرش في الزفة متغيرات كثيرة وعديدة نحو الاحسن ربما ستتفاجأ بها ..

بالله وصية يا عبد القادر يا اخوي .. تذهب سد مروي وتديني ( انطباعاتك بكل امانة ) انه الاعجاز في زمن ....

سلم لي على اهلنا طرفكم ....


ود الباوقة

ألأخ عبدالقادر
ياخي انت قديم جدا ومعظم عادات العيد السابقة اندثرت الان !!!!
وامشي وتعال احكي لينا وحتشوق الفرق ؟

واوصيك
لاتنسي

المقل والريج لقينا ضري
والقرير حيتنا بالخضره

بالسلامه يا صاحبي

تخيّل يا عبد القادر :
على عثمان محمد طه برضو قرر السنة دي يعيّد في الكرفاب ، وطبعا الناس حا يقدموهو يصلي بيهم إمام ، وسيذبح كبشين أملحين أحدهما عنه وعن عائلته والآخر عن أهل الكرفاب ، وأنت جزء منهم ، فيكبّر أهل الكرفاب ويهللون بالله أكبر الجديدة والقديمة ولكل امرئ ما نوى ،،، وإذا أصريت إنت عبد القادر ود على ود عبد الرحيم على ذبح كبش خاص بك وبأسرتك فستكون من الرافضين لهدية نائب الرئيس ، وبالطبع يعتبر رفض الهدية أمرا غير طيب عى المستوى الاجتماعي والشرعي ، ويعتبر كارثة سياسية وأمنية في حالة أن الهدية المرفوضة تكون أصلا مقدمة من نائب رئيس الإنقاذ ...
وبعدين الناس في الكرفاب يكونوا مقسومين بي فرحتهم بين علي عثمان وعبد القادر ، واحدين يقعدوا معاك في ديوانكم ، والتانين يقعدوا مع علي في ديوانهم ، وكل مجموعة تنظر إلى الأخرى شذرا ، وجبل ابنعوف يظل على الحياد والأطفال فوقه يلعبون ويلهون ويمدون ألسنتهم ...

الأخ محمد يسن شكرا ليك علي المرور

احمد الشايقي

يااخي انت قريبي اذا كان ناس ود الازوباشي قريبنك زعلي الأزباشي كان ناظر المدرسة الأبتدائية وامي كانت تقولنا قولولو نحن اقرباك عشان مايجلدكم في المدرسة.

ياود الباوقة

باقيلك مابنلقي الشربوت مع الشية

ابو عثمان

انت من المقل والله القرير..زتحياتي

ياود قاسم

الدنيا عيد والشيات بتشغلنا من باقي الضرس

عبدالقادر اخوي
سلام وتحية
لمن تصل بالسلامة سلم لي علي شيوخنا في الاراك
علي الشيخ محجوب رحمة الله عليه
والشيخ محمد عثمان الابكراوي
والشيخ السر الابكراوي
وكل احفاد شيخنا الكبير ابراهيم
يا رب يوصلك بالسلامة وترجع لينا بالسلامة
وما تنسى تسلم لي علي ناس البرصة وجلاس والبار وكورتي

الرسول مو قوووود

ياعبد القادر

على عبد الرحيم


ربنا يوصلك بالسلامه وتلقى الاهل بخير

وانت راكب الحافله وعديتو بى غادى وجيتو ماشين ..تفوت حزيمه ..وقت تجى عن كافوته ..تملى عيونك
من البكان ده شديد..مابرضى رايح وودران زيك ياحليلى..تمشى شويه يلاقييك الحجير..قلبك حايضرب انا متأكد... ماتهتم سلم وعاين..حاتقوقيلك كم قمريه اعمل نايم, واعصر على المقعد فى الحافله وعين تانى ..شابه حليوه راكبه حماره ووراها صبى..شوف الخلوه .. وكان جاتك لفته على الجيهه التانيه ..بوس الواطه وجريد التمر ..ولا تنسى البهايم كلها...بعد داك طلبتك بالنبى امرق راسك من شباك الحافله واهتف بى طول حسك........

ياناس كيف حالكم ...طيبين زينين؟ اتمعن جيدفى كل اللوحه بعد ما تقرش حسك باللوعه ..قول
مشتاقيين وحزنانيين ..كيفكم ياناس ان شاء الله تمام ...لا تتوهدب ساكت عاين ..وعاين وعاين

ابقالى بديل ..شوف عنى ..وأسال واحضن من جم ...قول للوالده الابسه التوب المهرود من طرفه

أزيك ياوالده ..والله كلام ..وقولها من عندك أنيين الشوق مابرضك زى


ياعلى قول لى ولدك عبد القادر.. قلبنى أكمل... تم الباقى ..امشى كرفابك

وسلم ...وسلم


لامن تجى تراجع

وبكتبلك

ماتنسى سلم على كل الدروب ..لا تنسى درب الجمل ..درب الترك ...درب العربات قولو.. (كرهك) جابر ..ودرتنا..ضيعتنا ..سفرتنا

وتحياتى


أسف للتعديل ::جننتنى جن

[

Quote: QUOTE] وانت راكب الحافله وعديتو بى غادى وجيتو ماشين ..تفوت حزيمه ..وقت تجى عن كافوته ..تملى عيونك[/QUOTE

اي عليك الله يا عبدالقادر كافوته دي بالذات املي عينك فيها وطبعا حتلقي الشفخانه الزمان شالها السيل بتاع سنة88 وبرضو بيوت المدرسين والمدرسة الابتدائية والنقطه والبوسته كلهن شالن السيل ولحدي هسع ما جانا تعويض من الحيكومه وبرضو دكان الدحمادي الفوق درب الجمل( الدحمادي مات ودكانه شاله السيل وجزارة عمك ادم ودخلف الله ( عمك ادم مات وجزارته شالها السيل )

اخ يا زمن
اخ

لا تنسي كافوته

والوصيه امانه

وأنا لابد بي جاي وأغني :

قووووووولو للشراقة ساقة سيدي شربت وقولوا لي الشراقة ساقة سيدي شربت .

سلام يا الشراقة وكل عام وانتم بخير ، وتحية لي كولنكاكول أبو الصلاح . ولي كل ناس الشرق .

أبو قصي

طبعا يا عبد القادر

أنا صديق قديم لجعفر أخوكم,

وكنت بقابله مع سيداحمـد , هـو صديق لدود لسيداحمد من زمان,


جعفر كان قريب لحرارتنا , رغم فارق العمـر فقد كان بحماستنا (عندما كنا شباباً),

وكان قويا في قول النصـح,

ربما كان هذا هو السبب في أننا لم نناقش مسألة القرابة , هذه لانه ما كنا لاقين ليها زمن مع حرارة القضايا التي كنا نناقشها,


لو تكتب لي هاتفه الجوال في المسنجر تكون ما قصـرت

وعلى الاقل نعيد عليكم,


حقيقة اذا كانت حصيلة عملي في العمل العام التعرف بأمثال الاخ جعفر (شرواكم) , لكفاني ذلك.

لك تحياتي,

خصـمتـك بالنبي عبـد القـادر أخـوي..

تمشي للمعـديـة في مـروي..في راكوبة في اللسـان علي جـانب المعـديـة..
قـاعـدة فيها زولـة شـايقيـة في حـوالي الستين مـن عمـرها..قـاعـدة في عنقريب صـغير يشـبه البنبر..تبيـع شـاي وقـهـوه ومـعاهم ابتسـامـة حنينـة مجـانية..

قـول ليها..في بت شايقية جـاتك هنـا مـن الزومـة قبـال سـنتين اسـما مـني... اتونست معاك..شـربت مـن يـدك الجميلة الطـيبة جـبنة..وبعـدين انتي عـزمتيها تقطـع مـن الـشـمـار المـذروع بـوراكـي ده..'ده كـله عشـان هي تتـذكـرني'

قـول ليها داك كـان أطـعم مـلاح شـمار أكـلته في حـياتي..واني مـاقـدرت أرجـع أوادعـا..لكـن يعلم الله مـاغابت أبـدا عـن بالي..وانو لـو ربنـا أدانـا العمـر برجـع ليها عشـان أقـالـدا..اتونس معاهـا واشـرب قـهـوتا..

وصـيتي دي وقعتلك سـمح?
ان شـالله عـرس خـيك ده يكـون سـمح زي زولتنـا دي..تمشـي وتجـي بالسـلامـة

مـني عـوض خـوجـلي

قدورة صباح الخير وكل سنة وانت طيب
واله انا كمان معيد في السودان
وممكن في الكلاكلة واحتمال في الغابة
وننسق عشان نتفابل
لك الود

الأخوان عمر ادريس وابوعثمان

تحياتي

سلامكم للحجير وكافوتة وصل

طبعا انا درست الثانوي العام في المقل

بعرف ناس علي دقشو وعباس الفراش وشدرة محمد نور

الأخوان ابوقصي وطارق نقد

تحياتي

يااخ ابوقصي انت من وين .اذا كنت من البار تحياتك لي كولونكاكول وصلت

الأخ احمد الشايقي

سلامات

نحن اقارب

موبايلي 0506217424


احي هنا الأستاذ سيد احمد الحسين الأمين العام للحزب الأتحادي الديمقراطي . وهو حقيقة يمثل قلعة من النضال . سنبلغ الأخ جعفر بك

بت القبايل مني

سلامات

اهلا اخت الشهيد

لقد احتفلنا بذكري الشهداء في رمضان الماضي

بمنزل اخوان الشهيد معاوية يسن بالرياض

تحياتك لي ست الشاي فوق المشرع وصلت اذا لقيته ماقفلت محلهابسبب اتاوات ناس الجبهة

الأستاذ/ مصطفي عثمان ابراهيم من ناس الزومة وزوج سيدة عبدالحليم العوني يبلغك تحياته اذا تذكرتيه

الأخ عبد القادر علي عبد الرحيم
هلا فيك
عساك طيب
وكل عام وأنت طيب
الله الله أنت طولت خالص يا حبيب من البلد أنا تقريباً لي سنتين ...
عيد الضحية ده برضو ماشي الشمالية ... نحن قريبين شوية نحن من كريمة ... إن شاء الله نتصادف ونترافق الواحد يكون معاهو بوردابي خوة سودانيز دي سمحة بالحيل ....
بس ورينا أنت جاي متين ... حتى بنجي نستقبلك في المطار ....
تلفوني 0912965267 عشان تورينا جاي متين

مع محبتي

شكرا الأخ عبدالله

مع تحياتي

ان شاء الله نتقابل في العيد ونتعرف بيكم كبورداب

الأخ منصور ابوسوار

من مساوي
شكرا علي الأتصال وان شاء الله نشوف ليك اب قرشين حقك الضاع منك في جبل ابنعوف

الأخت أماني

شكرا علي الأتصال

باسمك سنبلغ التحايا لكل من في بالك

[email protected]

جاى يعيد معاكم هناك البروفيسور أحمد العوض محمد احمد سكينجه قادم من الشرق الامريكى الى مسقط رأسه المقل خصيصا , فهنيئا لكل من نال شرف وبركة العيد وسط دفء الاهل والوطن خاصة العيد الكبير , اكثروا من الشواءات والشربوت الماخمج والسلام على ناس الفريق واحد واحد وناس الحله من جم واكتلوا الحفلات والمناسبات .

غايتو ايامكم ساكبوبيس

سلامات ويابختك والله

وحاسدنك على الشربوت المعتبر ...

والسلامة امانة من أول ما تطلع من البنطون ولاعن مساوي ...

والوصية التانية عند ناس ود الفكي إبراهيم.. أربط لأخيتك (سعيفة)

عليك الله آ قدورة مابْ تلقالك شيتاً يوديك القرير بي غادي؟
ناس العِروس ديَل كانوا عَدْ يسووا رحلاتُم في القرير زمان ..ايامنا الشُفّع ....
مكسب ....فٌرجة ولحمة وغٌنا..أصِلنا جننا وجن الغُنا ...
غايتو اكّان ما قدرت
امش وين ما يعجْبَك ، الزومة ، مقاشي ، حزيمة ...لا عند الحجير
واقيف فوق القيفة وكورك بي طول حسك
آ الغرّابة ..آ اهل القرير ....
عوافي
.....
غايتو...
نقول شنو..
احييييييييييي أنا
وما الناس إلا هالك وأبن هالك *** وذو نسب في الهالكين عريق

التحية لكم ابناء الوطن الغالي عموما ...وابناء الشمال خصوصا ..تقاطع كليماتكم ..هزّت اوتار وحبال الذاكرة ..وحرّكت الاشجان...
وامقستي رحل تلوت الليل...
وكل عام ...والمزيد من الالفة

الفاتح عبد الله طه/القرير

الأخ العزيز

عبدالقادر

يا اخينا انت لا أسع تتحاوم بى هنى مالك ....الحكايى شنو

معليش يا اخى انا المره الفاتت ..جيت دافر كده ساكت لاسلام لا تحيه ..كلامك عمانى ضمه ..وكيلك

الله وقت شفت الشماليه وكريمه والكرفاب و العجب جبل ابنعوف فى العنوان..سافرت خليتك وراى

تب ..وقت رفعت راسى ..استغفرتك يامالك روحى.

دحين يا اخى مره تانيه رحله موفقه ان شاء الله .. تشوف الاهل وتلقاهم طيبين وسالمين وتستمتع

بوقتك , وتعيد الماضى على اروع مايكون.. تنقز فى المديح وتحضر الأعراس وتسمع الطنابير

وتجينا راجع بخير

وفى أمانة الله رافقتك السلامه

Quote: بت القبايل مني سلامات اهلا اخت الشهيد لقد احتفلنا بذكري الشهداء في رمضان الماضي بمنزل اخوان الشهيد معاوية يسن بالرياض تحياتك لي ست الشاي فوق المشرع وصلت اذا لقيته ماقفلت محلهابسبب اتاوات ناس الجبهة الأستاذ/ مصطفي عثمان ابراهيم من ناس الزومة وزوج سيدة عبدالحليم العوني يبلغك تحياته اذا تذكرتيه

واحـالالي بي أهـلي

سـلم علي أولاد خـالي ديـل ورسـل لي نمـرة تلفـونهم في المسنجـر عشـان اتصـلبهم..
أقـولك كـلام? إن كـان مشيت وما لقيت الحـاجـة هنـاك...تعـال راجـع وغشـني وقـوللي لقيتها وسـلمت عليها وعـرفتـك وبتسـلم عليك
اهـا النوادعـك ونتمنالك أيـام سـعيـدة زي مـاقـالوا خيـاني مـع الطـنبور وغنـانـا الحـنين ..

خـيتك مـني

الأخ ود الذين

تحياتي
البروفسير احمد العوض اخو خليفة العوض وزوجته د. نفيسة جيرانا في جبرة

قدورة ..
هنيالك ياعم ..
وربنا يوصلك بالسلامة .. ويطمنك عليهم ..
وتضرب ( السواكني ) من بلد المنشأ.. وتدلى على المشرع تشرب من موية النيل..
..
انا عارف كان قلت ليك جيب لينا معاك ( البركاوي ) بتقول لينا ( سنون ) ما عندكم ليهو .. علشان كدا البركاوي خليناهو . ( اخمش ) لينا معاك من طين البحر .. ليل المشرع وعبيهو لينا في كيس

وربنا يوصلك بالسلامة وتحياتي للاهل ..

الأخ الزول

تحياتي

القرير لاقتنا بالخدرة وين وين ياتري دي الزومة منارة الفقرا

هووووووووي ياناس كافوتة عمرادريس وابو عثمان مالكم عملتو البوست لكافوتة
فعلاص هي بلد الحسان والمتعلمين واهل الحكم والنوادر ومادام الاخ عبد القادر بيعرف على دقشو عوجة مافي تب بس ياريت يتعرف على العم على الآخر اقصد على الجوكر وكمان على ودمحمد
كافوتة بها اربعه اعراس هذا العيد بقيادة ود الفكي وود نورة جلالة وود الفتح وهاتفني كمال حسن الشاعر المجنون وقال ان البيوت اتملت بالشربوت وكذلك نازحي جنوب السودان مركبين بي تحت

القرير والفاتح

تحياتي لكم

الأخ عمر ادريس

تحياتي

مرة عندما كان المرحوم عبدالرحيم عبده كاشف متعهد المدرسة العيش(الخبز) كان ماكويس طلعنا مظاهرة وهتفنا لا انشاء ولا موضوع شيخ كافوتة ادانه الجوع . كافوتة كافوتة الجن اليسوطه

الأخت مني

تحياتي

تلفون مصطفي 00966500236685 وهو مسافر يوم 8/1/2006 عشان يعرس لابنته وداد والعرس بنادي الزومةبالخرطوميوم 19/1/2006 الخميس .ماشاء الله بنيتو دكتورة.

اذا مالقيت الحاجة سابلغ تحياتك لي عمتي قصورة والدة العريس اظنها بتشبها

الاخ/ عبد القادر
والله بختك واحلالي بيك
بالله وانت جاي بعربات بعيد سلم لي علي الزومة ونخيلها ايقظت فينا حاجات كثيرة حيث هناك الفرحة من جوف الجوف
وتنبعث التهاني الصادقة من الحبوبات والحبان
العيد مبارك ان شاء الله ترجوه دائر
القابلة علي مني
الله يخليليك وليداتك الله يعرسليكي يابنيتي 0( نماذج تهاني الحبوبات)
ياراحل كفاك رحيل تعال راجع كان شفت البلد بوراك تبكي متل طفل ضائع تعال
كان شفت الرمال حزناني لارنت طنابير فوقها ولاجاها القمر طالع تعال 0
تمشي وتجي بالسلامة
معى تحياتي لللاخ/ماجد أبو زيدزواجه أيام العيد بالكرفاب 0

طـلبـاتي كـترن..

سـلملي علي أهـلي كـلهم..البتلقاه في نـادي الزومـة ..و البتلقاه في معـديتـنـا في الشـمالية..وعلي أهلك وخـاصـة عمتـك قصـورة... والعـوناب كـلهم في بيت العرس..وعلي وليـد عمتي..أخـوي هاشـم خـلف الله تلقـا محكـر في نـادي الزومـة
واشـربلك مـوية سـمـحـة مـن تلاجـة الخليفـة عـوض خـوجـلي في نـادي الزومـة وحـلفتك... ماتنسـي تـدعـيلو بالرحمـة..

دايرلك اجـازة لوصـياتي الكـتيري دي مـو يا?

ودعتـك الله.. يـديك العافيـة وتجـينـا فـرحـان وراضـي بركة سـيـدي الحسـن,

خيتك مـني

ود عمي محمد ود الحسن

اب بطاقتن خدره ذي حقت ود الباوقة والله مو كدي

ان شاء الله من العيدين

بت القبايل مني

تحياتي
ساحضر زواج بت مصطفي بنادي الزومة

ووصاياك علي العين والراس

بركة ست مريم ترجعي من غربتك سالمة مغانمة

ودعتك لي الله وان شاء الله من العايدين

عبدالقادر علي عبدالرحيم
النبي فوقك لمن تمر بي البركل في قرية صغيرة كدي تابعة للبركل اسمها شبا تملالي منها عيونك زين وان بقيت شفت زول من ناس شبا خصوصا سيد احمد القروني جمب نادي شبا تقولهم عندكم ولد في المغرب الغربة كتلتو... وفي العرس كان بي صديق احمد وغنالكم اجمل الحلوين اتخيلني شلتلي عكازا سمح وبديت ارقص انا ذاتي وادي في الناس الشبال...
وفي الكرفاب اترحملي على دكتور كمال الدين الياس سليمان كان بيقرأ في بيطرة معاي في مصر رحمة الله علي..
وان بقيت مريت على الكرو اتذكر عمي الطيب وكلماته:
ود قرنين في عولو
يا خلايق الله خلو
عندي صيدا في الكرو
خيف العين لا تحصلوا

اصله رحمة الله عليه كان مكسرلو في وحيدتا هناك

الاخ عبدالقادر على عبدالرحيم

ربما انت تقصد احمد العوض آخر امادكتور احمد عوض محمداحمد سكينجه فهو استاذ باحدى الجامعات الامريكيه ومازال يعمل هناك ومسقط رأسه واهله مازالوا بالمقل وهو حضر خصيصا لكى يعيد مع اهله بالمقل.

ولامن تجي البركل تمر بي شبا اقيف فيها وحييها

ودكان ود الجاز, ودكان ود تميم سلملي عليهم

وراكوبة اليمني سيد الباصات الله يرحموا

والسبيل بتاعوا

والدوداب فوق في الحجر أمل عينك منهن ديل بيوت ناس حبوبة

بحر الساموري لا تحت

كووورك بي طول حسك ولادك يمة في بلد السجم ورماد

ود الزين قـول لي احـمـد ود عمـي عـوض سـكنجـة..الشي شـنو ..فـاطـع أخـيـارك مـالك?!

تسـلم

مـني

الجميع هنا كل عام وانتم بخير

ويا عبد القادر عوداً حميدا والنوصيك أصلو أهلنا بقلوا الوصاة بي المهلة , إن عديت بي مورة أبقي شيل الفاتحة عند الشيخ ودبليل وفي أم درق عن خلوة الشيخ العبيد أخدلك وقفة وما تنسي دايرة ود عجيمي وفي الكرفاب سلملي علي الخالة ست الريد التي كانت كلما تزورنا في البركل يكون معاها قزازة سمن بلدي, وإن كمان عديت بي مروي سلم عليها بلد بلد وفي الاراك أخدلك وقفة قصاد قبة الفكي ود إبراهيم وقبل ده وإنت في البنطون أملأ عينك من جبل البركل وإترحم علي ود الكرسني ...

وإن في العيد جيت البركل حبابك ألف ونحنا إن الله رفع القدم وجينا الكرفاب بنسأل منك

أها فتناك عافي ...
لا تنسي تسلملي علي أحمد عطا المنان وولاد طمبل إن بقي فيهم زول جا عيّد في البلد

Quote: كافوتة كافوتة الجن اليسوطه

بى بنوتها


كيتا فى ..ابو عثمان .. وابو يسرى

الأخ طارق جبريل

تحياتي

وصيتك وصلت

نعم المرحوم كمال شقيق صديقي د.محمد الياس وقد تزوج في نوفمبر الماضي

الأخ ود الزين

تحياتي

ربما اكون مخطئ

لكن عندكم واحد اسمو احمد العوض كان بيقدم برامج في الاذاعة وهو اخ د.خليفة العوض مدير مركز الكلي وهم من المقل

القلب النابض
تحياتي

وصيتك وصلت

هل تعرف ذكريا حمزة من ناس البركل صديقا لينا

الأخ بشري الطيب
تحياتي

وصيتك وصلت

ست الريد بت منو تعرفها

الأخت مني شكرا علي المرور مع التحية

الأخ عمر ادريس
تحياتي مع الشكر

السلام عليكم
إت آزول.... لا هسع مندهده بى هِني تكابس في البوردات..
غايتو أكان ما عندك عربيةً... مقرَّشة... ومغتغتة... راجاك ف الخرتوم...حمالتك علي كان ما عيدت في السوق الشعبي أليل امدرمان...
ما تقولّي ضربت لي فلان والا علان عشان يحجزلك..
ماك طالبني حليفة ..اليومين ديل.. الكمسنجية مقعد أمهم الوالداهم عِلِ يبيعوه
أمِش آ زول...الشوكي ما تعتر لك
......
.........

وما الناس إلا هالك وأبن هالك *** وذو نسب في الهالكين عريق