Post: #1
Title: للعام الرابع من عمرها ، رابطة الجالية السودانية بجمهورية كوريا ، مجتمع سوداني في الشرق العالم
Author: AnwarKing
Date: 12-12-2005, 01:26 PM
الأخوة والأخوات...
السلام عليكم...
إنشأت رابطة الجالية السودانية بجمهورية كوريا (كوريا الجنوبية وعاصمتها سيئول) ، في العام 2003 على يد نفر كريم من ابناء السودان بكوريا، هادفة الى تنظيم نشاط إجتماعي للمجتمع السوداني المتنامي في كوريا، فكرة الرابطة قديمة قدم الوجود السوداني في كوريا ، الا ان صاحب فكرة مبعثها مجدداً هو سعادة السفير د.بابكر علي خليفة.
إنجزت خلال ثلاث سنوات العديد من البرامج والإنشطة كان لها كبير الأثر في تماسك المجتمع السوداني هنا وإبراز وجه مشرق للوطن.
رئيسها للدورات الثلاث الماضية ، السيد الصادق عثمان عبد الكريم ، المكرّم من قبل عمدة سيئول وحائز على المواطنة الفخرية للعاصمة الكورية سيئول ، كرّس الكثير من وقته وجهده وماله من أجل المجتمع السوداني هنا ، وقد تنحى طائعاً (رغم إصرار معظم الاعضاء ) من الترشح لإنتخابات هذه السنة وذلك لاتاحة الفرصة امام دماء جديدة وأفكار جديدة (رغم ثقتنا الكبيرة في دمائه المتجددة وعطاءه الذي لا ينضب بإذن الله)....
وفي يوم الأحد الماضي 11-12-2005 في مطعم العثمانية في سيئول، تم إنتخاب مكتب تنفيذي جديد لرابطة الجالية السودانية بجمهورية كوريا...خلال حفل بهيج صاحبه وجبة غداء دسمة...
الفائزون من مجمل المرشحين العشرة هم : (حسب ترتيب الأصوات):-
1- إبراهيم مصطفى أحمد (رئيس الرابطة)
2- أنور فتح الرحمن دفع الله (نائب الرئيس)
3- عماد الدين ميرغني أحمد ( السكرتير العام)
4- بكري عثمان عبد الكريم (السكرتير المالي)
5- حسن مصطفى محمد (سكرتير الإعلام والإنشطة )
تقوم الرابطة بعمل برامج سنوية مثل :-
* رحلة سنوية خلال موسم الصيف
* إفطار رمضان السنوي بالمسجد المركزي في سيئول
* مناشط رياضية أهمها الكرة الطائرة
* إحتفالات أعياد الفطر والأضحى المباركين
* حفلات إستقبال ووداع لاعضاء رابطة الجالية وأسرهم
والعديد من البرامج الأخرى متى ما كان ممكناً...
يتم توثيق الكثير من مناسبات الرابطة ونشرها عبر موقع الرابطة في الإنترنت وعنوانه:-
http://www.sudhan.org
وعنوان الموقع عبارة عن إختصار لكلمتي : Sud- Sudan & han- Hankok
وهانكوك تعني كوريا في اللغة الكورية.
ونواصل...
أنور
...
...
|
Post: #2
Title: Re: للعام الرابع من عمرها ، رابطة الجالية السودانية بجمهورية كوريا ، مجتمع سوداني في الشرق العا
Author: AnwarKing
Date: 12-18-2005, 08:04 AM
Parent: #1
علي باليمين في برد في البلد دي...ينسي الأسم!
|
Post: #3
Title: Re: للعام الرابع من عمرها ، رابطة الجالية السودانية بجمهورية كوريا ، مجتمع سوداني في الشرق العا
Author: AnwarKing
Date: 12-18-2005, 08:08 AM
Parent: #2
أكثر ما يميّز مجتمع السودانيين في كوريا الجنوبية ، خلوه من مجالس ومغالطات السياسة السودانية ، والكورة برضو!
أقل من مئة شخص مقيم في البلد ذات الفصول الأربعة ، صيف -شتاء- خريف وربيع (ما أجمله).
|
Post: #4
Title: Re: للعام الرابع من عمرها ، رابطة الجالية السودانية بجمهورية كوريا ، مجتمع سوداني في الشرق العا
Author: AnwarKing
Date: 12-18-2005, 08:15 AM
Parent: #3
يمكن تقسيم مجتمع السودانيين في كوريا الجنوبية الى :-
- أصحاب أعمال (تجار)
- موظفين
- زوار عابرين
|
Post: #5
Title: Re: للعام الرابع من عمرها ، رابطة الجالية السودانية بجمهورية كوريا ، مجتمع سوداني في الشرق العا
Author: Abureesh
Date: 12-18-2005, 08:16 AM
Parent: #2
Quote: * رحلة سنوية خلال موسم الصيف
* إفطار رمضان السنوي بالمسجد المركزي في سيئول
* مناشط رياضية أهمها الكرة الطائرة
* إحتفالات أعياد الفطر والأضحى المباركين
* حفلات إستقبال ووداع لاعضاء رابطة الجالية وأسرهم
|
الله يديكـم العافيـة..
برضـو حقو تعملوا وظيفـة لسكرتيـر ثقافى.. وتعملوا برامج ثقافيـة لهـا أولويـة وما تكون تحت بند (برامج اخرى).. وأيضـا برامج لإغاثة المنكوبين فى السـودان.. طعموها ببرامج مفيـدة زى دى..
|
Post: #7
Title: Re: للعام الرابع من عمرها ، رابطة الجالية السودانية بجمهورية كوريا ، مجتمع سوداني في الشرق العا
Author: AnwarKing
Date: 12-18-2005, 08:45 AM
Parent: #5
ويديك العافية أيضاً...
| Quote: برضـو حقو تعملوا وظيفـة لسكرتيـر ثقافى.. |
وظيفة عديل كده يا أبو أحميد  ، تطوع ساكت شغالين... مع فهمي وإحترامي لمقصدك
الحقيقة ان هناك برامج ومقترحات كتيرة لتطوير شكل وعمل برامج الرابطة ، الا انني أحكي عن الحاصل حتى الآن...
كل الشكر على المرور وأتمنى ان تواصل معي في محاولة شرح طبيعة حياة السودانيين في هذا البلد البعيد، بالجد.
أنور
|
Post: #10
Title: Re: للعام الرابع من عمرها ، رابطة الجالية السودانية بجمهورية كوريا ، مجتمع سوداني في الشرق العا
Author: Abd Alla Elhabib
Date: 12-19-2005, 04:18 AM
Parent: #2
Anwar King
سلام وشوق والله...
أتابع أخبارك بين الحين والأخر
مبارك لك الانجاز العلمى...مزيدا من النجاح.
شنو حكاية البرد دى؟..كوريا ما فيها دفّايات؟؟
عرفتنى؟...
BSugar
|
Post: #11
Title: Re: للعام الرابع من عمرها ، رابطة الجالية السودانية بجمهورية كوريا ، مجتمع سوداني في الشرق العا
Author: AnwarKing
Date: 12-21-2005, 12:08 PM
Parent: #10
الله أكبر...
عبد الله الحبيب ، ياهو زاتو بي شوقر!
والله زمان يا بال توك....
الله يبارك فيك وفي أيامك...وصحي ما نتكلم على البرد ومالك في المدينة أقصد في كندا وكده...
الدفايات في...على كلاب الحرّ البيخليها تقعد في البيت شنو؟
كل الحنان والريدة والأشواق من هنا لا عندك....
أنور
|
Post: #6
Title: Re: للعام الرابع من عمرها ، رابطة الجالية السودانية بجمهورية كوريا ، مجتمع سوداني في الشرق العا
Author: AnwarKing
Date: 12-18-2005, 08:36 AM
Parent: #1
يتركز وجود السودانيين في مدينتي سيئول ومدينة إنشون التي يوجد بها المطار الدولي الأول في كوريا وكذلك ميناء إنشون....
|
Post: #8
Title: Re: للعام الرابع من عمرها ، رابطة الجالية السودانية بجمهورية كوريا ، مجتمع سوداني في الشرق العا
Author: AnwarKing
Date: 12-18-2005, 08:56 AM
Parent: #6
لكل من يريد القرأة عن المجتمع الكوري وعاداته وتقاليده بمنظار سوداني، أهديكم موضوعات شيقة يكتبها أحد أعضاء رابطة الجالية الأستاذ محمد آدم عثمان ، الدبلوماسي السابق والمستشار السياسي الحالي للسفارة القطرية في سيئول ،يطلق عليه لقب ( أبو الثقافة العربية في سيئول) و تنشر جميع كتاباته في صفحة خاصة بموقع راديو كوريا الدولي في الإنترنت على الرابط التالي:-
الخواطر والتأملات محمد آدم عثمان
وسأقوم بإنزال بعض الموضوعات لاحقاً لاثراء البوست....التي تبدأ ب" حوليات" ، حول كذا وكذا...
مثلاً:-
حول الكوريين والنظرة الجديدة للكلاب
و نتابع...
|
Post: #9
Title: Re: للعام الرابع من عمرها ، رابطة الجالية السودانية بجمهورية كوريا ، مجتمع سوداني في الشرق العا
Author: معتز تروتسكى
Date: 12-18-2005, 09:09 AM
Parent: #6
خالص التحايا
العزيز
AnwarKing
يارفيق المطارات والسفر...
تعرف مفكر فى بوست زى بتاعك ده بس وين القى المساحة..
لكن شكلو حيكون دسم اكثر من بتاعك ده..
نظام تحدى وكده. .
عموما واصل جميل و. .
|
Post: #12
Title: Re: للعام الرابع من عمرها ، رابطة الجالية السودانية بجمهورية كوريا ، مجتمع سوداني في الشرق العا
Author: AnwarKing
Date: 12-21-2005, 12:11 PM
Parent: #9
خالص التحايا
العزيز
معتز
ياخي أردمنا ببوست كده عن الصين يا راجل...ورينا الحاصل وثم كيف...
صديقي الصيني لي شو أوو  ..."لي سنة بحاول أنطق أسمو صاح ، وفشلتا 
قلت ليهو داير أجي الصين...قال لي ياتو مدينة؟ بعد وصف كتير ولخبطة في الاسماء "طبعاً بنجوط الاسماء الآسيوية دي صاح الصاح " ...طلعت أقرب أرجع كوريا بدل ما أمشي ليهو زيارة...مدينة لمدينة، موضوع مختلف.
يلا التحدي قائم وانا بوستي ماشي ان شاء المولى السنة الجديدة...بكون انا زاتي بقيت جديد يا تزو...
كل الود يا صديقي...
أنور
|
|