In كرش ment

يا أخوانا الكريشة دي أسوي ليها شنو؟؟؟
والله زهجتني عديل كدا وبقت تدقر لي خاصة لمن اجي البس الشراب ولا اضفِّر أصابعين كرعي ولا الصنقيرة عند قضاء حاجتي بالكتمان
بعدين ياخي أنا بسمع يقول ليك هذا الشئ يجُبْ ما قبله لكن الشفتو في الكرش دي أنها تجب ما بعدها
أقول ليك ما قادر أشوف حتى أصابعين كرعي يا رجل تقول لي شنو؟؟؟
أنا هسع خليت المسلسلات السورية وكل القنوات الفضائية وبقى بس تركيزي على القنوات صاحبة الحلول لهذه المشكلة
وصدقوني أنا محبط جدا وياريت القى منكم (In كرش ment) لتجاوز هذه المحنة

البدرى الحنين .. الشوق غيمه ومطرتين

اها كملت الفسحه وفرحتك بالموبايل وقبلت على كرشك ؟
كرشك دى كرش الليله ولا امس ؟
المهم .. ان جيت لى راى انا .. فى خلاك داك الوسيع وحراية الخلا ديك .. تقوم جارى من دغش الرحمن .. تلف السهله حقتكن الكبيره ديك 3 مرات .. وتقول الجكه دى للكرش ... والكرش دى للخلاء .. اها طوالى بتروح منك فى الخلاء داك ..
اها الوصفه دى ما بستاهل عليها بشاره ؟؟
لك كل المحنه

العفيفة سوما
سلامي وإحترامي
البركة الشفنا حروفك

Quote: اها الوصفه دى ما بستاهل عليها بشاره ؟؟

والله البشارة ماها كتيرة عليك لكن كان لقيتي لي حل أخف من لفة السهلة 3 مرات يكون أحسن
رأيك شنو اقوم أعاين للشمس واقول ليها
ياعين الشمس هاك كرش الفيل وأديني كرش الغزال
لك مودتي وللفاتح والعيال

البدر الضواى

تحايا كتار وغُلاد

ياخى ال "كروش" أقرب حاجة لى ال "قروش"
هسه لاقاك زول مسولب ومعولق زينا كده عنده قروش

وكل ما تشم ريحة القروش تلقى جنبها كروش

عشان كده

آى دونط وانط تو إنكرش يو تو take إت آوت
بط تو cake إت إيزى
وركز على ال cake الإنقليزى

بس خايف شكلك تانى يبقى زى الكابيتال دى
D

وتقعد تغنى

العندى انا ما بدى

تحياتى والمحبة كلها ليك يا بدر

البدري
ســلام


قالوا الراجل
يا قـــرش
يا كـــرش

أحمِد سـيدك أنو عندك كرش
الكحه ولا صمة الخشم

إسماعيل حميم

الحميم إسماعيل حميم
سلام مخضب بالحميمية

Quote: أحمِد سـيدك أنو عندك كرش الكحه ولا صمة الخشم

هو أنا قادر أكح؟؟؟ أنا الكحة بتفتح لي خشوم أنا في غنى عنها
لك خالص مودتي

الكثيف الوريف أبوذر بابكر
سلام على بياض ينتظر القبول وتوقيع شخصكم

Quote: هسه لاقاك زول مسولب ومعولق زينا كده عنده قروش

والله لاك مسولب ولاك معولق بس شغلك دا حرارة قلب ساكت وبالمناسبة كلمة (لاك) تعني فقد الشئ فأنت فاقد السولبة والعولقة ... وهسع شايفني أنا ساكن المنشية؟؟؟ لكن يخيل إلي أنا الكرش التي تقوم في الصحراء تشبه نباتات الصحراء ولا علاقة لها بالقروش فهي كرش قايمة بروس
أحبك حتى تستغيث

الضواى

تانى كمان تحايا حلوين زيك

Quote: فهي كرش قايمة بروس

ما دام كده خلاص يا بدر
يبقى "بروس لك"
و
"بروس لى"

ودى فرصة والله يا بدر عشان برضه الزول يسلم على العزيزة "سوما"
أو "اسماء الجمال الحسنى"

يا بدري ..

Quote: وهسع شايفني أنا ساكن المنشية؟؟؟

والله الكرش دي من علامات القندلـــه..
حسع بعد كم يوم نسمع بيك عندك كم وتلتين برينسه وبهايم في ضهر بيتكم
والواحد يلقي الناس بتتكلم عنك وجايبنك في الجرايد
يقول ليهم والله بدرالدين ده بعرفو من كرشو دي ..
يقولو ليك والله كضاب

Quote: ما دام كده خلاص يا بدر يبقى "بروس لك" و "بروس لى"

يا أبوذر سـلام
هسع عليك الله لو كنت بدل (لك / ولي) ديل
ختيت ليك (تأء) في كلٍ ما كان أحسن؟
ولا رأيك شنو يا لبدري؟


إسماعيل حميم

الشفيف الوارف أبوذر
مني ليك سلام .....

Quote: ما دام كده خلاص يا بدر يبقى "بروس لك" و "بروس لى"

وأنا لو لقيت عنوانك إن شاء الله "بروس لك"
بريدك ساااااااااااااااااااااااااااااي


الحريف الظريف تمبس
سلام وشوق مطلق

Quote: والله الكرش دي من علامات القندلـــه..

ياخ ما تحلف
والغايظني كل ما تسحب الكرش لي قدام تخرت من لحم الضهر والله هسع أنا معسَّم عديل كدي
قال قندلة قال


العزيز سُماعين حميم
رايك شنو في سُماعين دي؟؟؟

Quote: هسع عليك الله لو كنت بدل (لك / ولي) ديل ختيت ليك (تأء) في كلٍ ما كان أحسن؟ ولا رأيك شنو يا لبدري؟

دي بتندرج تحت قائمة (In لفظ ment ) وليس (In كرش ment )
تحياتي وتقديري

Quote: بعدين ياخي أنا بسمع يقول ليك هذا الشئ يجُبْ ما قبله لكن الشفتو في الكرش دي أنها تجب ما بعدها أقول ليك ما قادر أشوف حتى أصابعين كرعي يا رجل تقول لي شنو؟؟؟

انا اخوك ات......ده الخايفين منو يا بدر....

قلت لى جبت ما قبلها وما بعدها....يعنى بطنك كرشت جيبك قرش مافى ودقنك حمست وتانى يخربك ما فى شى؟؟

عوجة يا السمح،،،،،

Quote: العزيز سُماعين حميم رايك شنو في سُماعين دي؟؟؟

تعرف يا عم بدر
وحسب علمي هم أربعة
سـمعة
وإسمـاعيل
وإسمـاعين
وسُـماعين
كلهم عاجبني إنت شيل العجباك فيهم

إسماعيل حميم

الغالي سماعين
سلام مدنكل

Quote: كلهم عاجبني إنت شيل العجباك فيهم

كلها حلوة ربنا يبارك ليك فيها فهي أسماءك الحسنى
لك ودي

صديقي صديق الموج
أنا بغير عليك من السحر الفي حروفك
سلامي وإكرامي وإحترامي وإن كرش منتي

Quote: انا اخوك ات......ده الخايفين منو يا بدر....

قتلتني ضحكاً ... مناي في الدنيا قبل الرحيل أشوفك واسالمك واكالمك واضاحكك وإن شاء الله بعد داك نتملي ديون
والله إنت شيطان خلاس ....اييييي

بدر الطريف

"الكرش الأبيض لليوم الأسود"

In كرش من T هى أن تترك لبس الشرابات و خصوصا لو كانت بٍ Stake من فوق


واحد Mon كرش

بدر الطريف

"الكرش الأبيض لليوم الأسود"

In كرش من T هى أن تترك لبس الشرابات و خصوصا لو كانت بٍ Stake من فوق


واحد Mon كرش

قريبي الحلاوي
سلام مورَّم

Quote: "الكرش الأبيض لليوم الأسود"

المكرش ما بكاتل .. يلا شخبطوا في الكراريش
طبعاً أنا برتاح ليك شديييييييييييييد يا حلاوي

Quote: أنا هسع خليت المسلسلات السورية وكل القنوات الفضائية وبقى بس تركيزي على القنوات صاحبة الحلول لهذه المشكلةوصدقوني أنا محبط جدا وياريت القى منكم (In كرش ment) لتجاوز هذه المحنة

ما الك الا هيفا

صديقي الجميل ياسر حنا
والله والله مشتاقين

Quote: ما الك الا هيفا

ممكن تديني (كرش) التلفون بتاعها؟؟؟
تحياتي للمدام والعيال

بدر الدين

يا أخي دي سلامة كبيرة.

مش بقولوا (الجاتك في كرشك سامحتك).

إنت مفروض تضبح ليك تـور كبير وتوزع لحمو على الناس الكملانين من لحم الدنيا وتحتـفظ بـ (الكرشة) تذكار وتـعـويذة.

الحبيب إسماعيل التاج
سلام وحلو كلام

Quote: مش بقولوا (الجاتك في كرشك سامحتك).

أقول ليك أنا ما شايف أي حاجة غير الواطا تقول لي سامحتك
الله يسامحك يا إسماعيل

ال كرشابال

زمـــــــــــــــــــانك ايام الدنيا بي خيرها زمن الموظفين اسياد بلد والوظيفة خشم بيت كانت الكروش مرتبطة بالدرجة الوظيفية وتبدأالكرش من قرووب 7 و لي فوق اما من الراحات و المكاتب المكندشة والعربية الما خمج او من البيرة البـــــــــــــــاردة والكبدة النيه
نوع آخر من الكروش هي كروش المساكين مضروبي الإستسقي والبلهارسيا حمي الله الجميع
واذكرك ايام الجيش كان قاشو حبل اشرب بطنك ربع صدرك نظرك باصي الساعة اتناشر

اوصيك و نفسي بي ال psuh ups علا كان ما واصلت شيل شيلتك

العزيز إبراهيم عدلان
سلام مكرِّش

Quote: اوصيك و نفسي بي ال psuh ups علا كان ما واصلت شيل شيلتك

أنا جربت البرفعوا فيها الكرعين لي فوق لكن لقيتها بتعمل لي مشكلة في الركبة الشمال
رايك شنو أكتِّر من النوافل؟؟؟

الحبيب بدر شكلك جادى فى الموضوع عيونك بتقول كده عشان كده بهديك الوصايا دى وراجعنى بعد شهر وثلاثه ايام وكنت قد اهديتها لواحده دغلوبه كده وفعلت فيها ما فعلت

الوصايا العشر للمصابين بالكرش
1-تناول ثلاث أكواب كبيره من الماء قبل الوجبات الرئيسيه، فالماء ليس له أي
سعرات حراريه ويملأ فراغ المعدة ويقلل بالتالي من تناول الطعام.

2-تناول القريب فروت أو خل التفاح قبل تناولك للطعام فيقلل إحساسك بالجوع
ويحد من تناولك الطعام.

3-إبدأ طعامك بتناول السلطات الخضراء المضاف إليها ملعقتان من الخل، فتقلل من تناولك للأطعمه الأخرى ذات السعرات الحراريه العاليه وتعطيك إحساسا بالشبع لمدة طويله وفي الوقت نفسه سعراتها قليله.

4-احرص على تناول الأطعمه الغنية بالألياف،فهي تأخذ وقتا طويلا في عملية المضغ مما يقلل الإحساس بالجوع وتؤدي إلى الشبع مع أقل كميه من الطعام.

5-تناول وجبتك ببط شديد--أكثر من 20دقيقه -- فتصل إلى مرحلة الشبع بسرعه
دون أن تملأ معدتك بكثير من الأطعمه، وعلى العكس فالأكل بسرعه يملأ المعده
بكثير من الأطعمه قبل أن تصل إلى مرحلة الشبع.

6-قطع الطعام إلى قطع صغيره،وكل قطعه قطعه ،فقد وجد أنك تشبع بعد أكل عدد معين من القطع ،وليس بعد كميه معينه من الطعام.. أيأن عدد الطلعات من الطبق إلى الفم أهم من الكميه في إعطائك الإحساس بالشبع.

7-إستعمل أدوات المائدة الخاصة بالأطفال بمعنى أن تكون الأطباق والملاعق والشوك والسكاكين صغيره جدا ،فهذا يقلل من تناولك للطعام وفي الوقت نفسه
يزيد من إحساسك بالشبع.

8-ضع الملعقه أوالشوكه على المنضده بعد كل مره تستعملها فيها ثم امضغ الطعام جيدا ثم عاود على نفسك إستعمال الملعقه أو الشوكه من جديد وهكذا ،
ويمكنك أن تستريح دقائق في وسط تناول الطعام .

9-إجعل الأواني الكبيره المملوءة بالطعام بعيده عن المائده ويتم الغرف في المطبخ ثم ينقل الطعام إلى المائده مع إبعاد النظر بقدر الإمكان عن الطعام بصفة عامعه .

10-لاتقذف في فمك أي طعام جديد قبل أن تبلع تماما ما في فمك من الطعام و
تجنب تناول الطعام واقفا وتناوله في هدوء وإسترخاء.
بالطبع لو انك التزمت بهذه الوصايا في طريقة تناول الطعام فإنها سوف تكون لك حارسا في ألا تملأ بطنك ومعدتك بدون حدود ،ولكنها سوف تساعدك على الشبع بأقل كميه من الطعام.

الجميل وليد500
سلام يحمل كلام مضمونه حبي وتقديري

Quote: الحبيب بدر شكلك جادى فى الموضوع عيونك بتقول كده عشان كده بهديك الوصايا دى

وأنا فعلاً جادي وبالمناسبة بعد إطلاعي على نصائحك وجدت أنني مخالف لأكثرها وصدقني سأحاول بقدر الإمكان إتباعها علها تساعدني لكن برضو عندي سؤال
أنا متعود أشرب لي كم جغمة لبن بعد الأكل عشان أكتل بيها الحيرقان رايك تكون هي السبب؟؟؟
لك حبي ولجميع آل الوليد
وليد500
وليد399
ووليد..

الاخ بدر الدين
سلام.
حلوة لكن حكاية يا الشمش هاك كرش الحمار وادينى كرش الغزال دي.
مشاكلك كترت يا البدر بدت بى الشيب وقدرت غشيت المرة وقلت ليها دا شيب بخت ساكت ورضت مع انه شيب البخت تلاتة ولا اربعة وانت بقيت زى رغوة الصابون. اها المرة ما صدقت اتاقلمت مع حكاية الشيب دى جاتها حكاية الضروس وبعدها الحساسية وبعدها شنو داك ما بعرفوا واخيرا ظهرت حكاية الكرش. والله الله يكون فى عونها.
نحن عكسك المرة غشيناها بى الكرش ورضت بعد شوية تتورط فى الشيب والصلع وهلمجرا.
كان لقيت ليك وصفة ما دايرة ليها تلاتة لفات فى السهلة ورينا معاك.
رسلت ليك نكتة ادينى رايك فيها.
لك الود
والف باقة ورد

قريبنا وعريسنا ومعتمدنا
سلام حلاوين

Quote: نحن عكسك المرة غشيناها بى الكرش ورضت بعد شوية تتورط فى الشيب والصلع وهلمجرا.

برجك بقول ستواجهك مشاكل في بداية حياتك الزوجية ولكنك ستتغلب عليها بمرور الأيام
أما بخصوص النكتة لم تصلني ولا أدري هل أرسلتها للموبايل ولا البريد ولا دكان التعاون ولكني أتشوق لوصولها

الأستاذ بدر الدين ..

ألأستاذة سوما .. قدمت حلا ممتازا .. الرياضة ممتازة ..
وننصح فى حالة وجود " الكرش ".. عمل رياضة تقوية عضلات
البطن .. وهى الاستلقاء على الظهر ثم وضع اليدين وراء الرأس
ثم محاولة ثنى الجزء الأعلى من الجسم مع اعتبار ثبات الرجلين
فى وضع أفقى .. وبالطبع هذا يلزم مساعدة شخصا آخر لمسك
القدمين .. وليكن أحد ألأبناء .. أو زوجكم المصون .. لتكون
بمثابة المشجع .. ان نجحت فى هذه التمارين .. لافتخرت بكم
أمام " نسوان الحلة " والا .. فأنت عارف النتيجة .. فأخير ليك
تنكرب وتشد حيلك .. وما تفضحنا قدام الأجانب ..

أماحل أختنا سوما العزيزة فهو أيضا حل ممتاز ..
وهو العدو أو الجرى .. ولكن المشكلة تكمن فى مكان اقامتك ..
ان كنت مازلت تقطن فى سوداننا الحبيب .. ستواجهك مشكلتين ..أو ثلاثة ..

أولها .. الحراية .. كما ذكرت الأستاذة سوما ..
وثانيها .. الجيران أو المارة .. طبعا فى سودنا الحبيب .. الناس
لما يشوفوا زولا بيجرى .. يقولوا .. دا مالوا بيجرى .. ويقعدوا
يتلفتوا .. دا ساكى منو .. ولما لا يجدوا الآخر .. يتهموك بالجنون ..

أما السبب الثالث والأخير .. فهو كلاب الحلة ..
أنا خايف عليك من كلاب الحلة .. طبعا مبدأ كلاب بلادنا الهملانه والمطلوقة
فى الشوارع .. ماتلاقى واحد بيجرى .. والا تسكو .. وتخيل نفسك جارى ..
والكلاب جارية وراك .. تبقى مشكلة عويصة .. دى كمان دايره حل ..

أها بقى لينا حل عمك وليد500 .. ده كمان .. ما بطال .. يعنى لازم
تستعمل الشوكة والسكين ..
تخيل .. انك الوحيد فى وقت الغدا ماسك ليك شوكة وسكين تكركب بيهم ..
مرة باليمين ومرة بالشمال .. يقولوا عليك شنو .. عامل خواجة .. والخوف
يتهموك .. زى جماعة الشارع اللى شافوك جارى ..
كمان المشكلة .. فى كونو .. كيف تستعمل الشوكة والسكين .. مع كسرتنا
اللذيذة مع ملاح أم رقيقة .. ولا .. عصيدة دخن مدنكلة .. مع ملاح روب ..

والله .. ياخوى بدر .. الشكوى لغير الله مزلة ..
أقوليك .. خلى كرشك مع كرشى .. ونقعد ننكرش .. كده لغاية ما يحلها الحلال ..
يااخى .. وانت زعلان ليه ..
واحد شايل كرشه .. والتانى زعلان ليه ..
سيبك .. الكرش الأيام دى من مظاهر الجاه ..
تمشى فى الشارع .. كل الناس .. تشوفك وتقول ..
ياسلام .. شوفوا .. الزول ده مادى كرشو كيف ..
ياسلام ..
وأخيرا .. يابدر الدين ..
أرجو أن أكون قد أفدتكم ..
وقدمت لكم النصيحة النصوحة ..
والنصيحة الجد .. هى مبدأ س ص ..
سين " سيبك " .. وص " صهين " ..

وألف سلام ..

عمك العجوز
أرنست ..

Quote: عمك العجوز أرنست ..

أرنست وشرَّفت
تحياتي لك أخي أرنست (سوداني عجوز)

Quote: وبالطبع هذا يلزم مساعدة شخصا آخر لمسك القدمين .. وليكن أحد ألأبناء .. أو زوجكم المصون .. لتكون بمثابة المشجع

أنا قاعد لي في صحراء الله ورقبتي إلاَّ من بعض الهنود والبنغال ولا آمن على رجليا لأي منهم ... أخير لي الكلاب
لك عاطر الود وخالصه

الاخ البدري
سلام.
كتبت النكتة وقلت ارسلها بالماسنجر حق سودانيز اون لاين ما لقيته شغال اها دى الا احكيها ليك بالتلفون ان شاء الله اضرب ليك فى اليومين الجايات.
لك الود
والف باقة ورد (بس تتقاسمها مع الهنود والبنغال حقنك ديل)

Quote: اها دى الا احكيها ليك بالتلفون ان شاء الله اضرب ليك فى اليومين الجايات.

ونحن في رجاك أنا والكرش والمساء
0096824386861 (أثناء ساعات الدوام)
والشوق آلاف يا عريس

الأخ العزيز أبو أواب
هذا تضامن أو قل نوع من الإنكرش مينت لمقامكم السامي. وبطنك كرشت

أبو أحمد (ملا عمر) يا أعز عزيز
الغيابك طال أتمنى أن تكون والأسرة بخير

Quote: هذا تضامن أو قل نوع من الإنكرش مينت لمقامكم السامي

هسع إنكرش منتك دا لي أنا ولا للبوست
كرش قدر دي سطر واحد بسوي ليها شنو يا ملا؟؟؟
ما تني سطر أمك يا ود أمي

بدرالدين شنا
يعنى معنى كده اصلو ما بتمشى لبتاع الاونش لوزم الجنصصة
تحياتى

بلدي ياحبوب يا محبوب
سلام دافئ

Quote: يعنى معنى كده اصلو ما بتمشى لبتاع الاونش لوزم الجنصصة

ليالي الأونش لذاذ بالحيل يا حبوب
أنا مرة كنت راكب في حافلة بي شارع الموردة فكان الكمساري يعاين لي ويقول الدايات في نازل؟؟؟
لك أطنان الحب

يا البدري انا قايلك نخلة من ذات عرق ,, لكن طلعت لكن الظاهر حصلت ليك "إصلاحات " كتيرة,,,
ما تقول لي بقيت زول جلاليب كرش leag

القريب جداً نيوبي
سلام قوي

Quote: ما تقول لي بقيت زول جلاليب كرش leag

نيوبي إنت من زمن الكرشليق؟؟؟ دا أنت المحتاج إصلاحات يا حبيبي أما أنا بلبس قمصان كاروهاش .. كرَّشتونا العيشة ذاتها
تسلم يا نيوبي الحرفك بسوي الفرحححححح

علماء بريطانيون يتوصلون إلى علاج للبدانة 26/07/2005

لندن - كونا


الفئات الرئيسية للخبر
صحة وغذاء

أعلن علماء بريطانيون في دراسة نشرت الإثنين ، أنهم توصلوا إلى دواء مستخرج من هرمون موجود في الأمعاء الدقيقة ، يساعد الأشخاص الذين يعانون من البدانة على الشعور بالشبع .

وذكرت الدراسة - التي نشرت في (جورنال ديابيتس) - : " إن هذا العلاج قد يكون إنجازا في عملية تطوير الأدوية لمواجهة البدانة " .
ويأمل العلماء - الذين يقودهم البروفسور ستيف بلوم - " أن تساعد هذه الحقنات على التحفيف من وزن الأشخاص " .

وأوضح العلماء ، أنهم حقنوا المرضى بكميات إضافية من هرمون الأكسجين (تومودولين) الذي تطلقه الأمعاء الدقيقة عادة خلال عملية الهضم ؛ حيث تعمل هذه الكميات الإضافية إلى إرسال إشارات إلى العقل ، مفادها أن الجسم حصل على كفايته من الطعام .

وقد تطوع 26 شخصا لهذه التجارب التي امتدت لأربعة أسابيع ؛ حيث حقن كل شخص نفسه ثلاث مرات يوميا قبل 30 دقيقة من موعد تناول الطعام .
وبعد أربعة أسابيع حققت هذه الحقن تراجعا في الوزن بلغ معدله 2.3 كلج ، كما أن نسبة خسارة السعرات الحرارية يوميا ارتفعت من 170 وحدة عند بداية استخدام الحقن إلى 250 وحدة بعد الأسابيع الأربعة .

وقال البروفسور بلووم : " اكتشاف أن هرمون الأكسجين (تومودولين) يساعد في عملية تخفيض الوزن ، قد تكون خطوة مهمة في مواجهة المعدلات المرتفعة للبدانة في المجتمع " ، وأضاف : " يتميز هذا العلاج بأنه طبيعي وليس له أي أعراض جانبية ، ويمكن للشخص أن يستخدمه بنفسه ، ولكن لا بد لنا من إجراء المزيد من التجارب للتأكد من فعاليته على المدى البعيد " .

يذكر ، أن البريطانيين يدفعون 3.7 مليار جنيه إسترليني سنويا للعلاج من البدانة .

"منقول"
من موقع باب ضط كوم

أخوى بدر الدين

و أنا برضو برتاح ليك أ way أ way


قبال فترة كانت عندى مشكلة طرحتها على أخواننا فى النت ..

Quote: يا نـاس ألحـقونى .. أنا كـشــيت النظـريــة العــامة .. نظـريــة التمـدد والإنكمـاش .. بتقول أنو بنطـلونى إذا بـقى ضـيّق عـلي .. أعـرف أنو أنا شـحـمتا .. و البنطلون لمن يبقى واســع .. دا دليل عـلى أنو حـجـمـى نقص .. وبالعربى الغير فصـيح .. يعنى ضعفتا .. الكلام دا برهن لى أن الزيادة لى زول في عمرى دا .. بتكون أفقيـية .. أو تتناسب طرديا مع كمية الأكل البياكلها .. والراحات النفسية البتعرض ليها أحيانا .. في العطل و الإجازات الرسـمية .. لكن لي كم يوم لاحظت أنو بنطـلونى بقى طـويل .. لدرجـة انـو بقى يكـر بالواطـا .. حتى بعـد مرحـلة الكفكفة الثانيـة .. وهذا ما يثبت أنه .. أنا الفقـير لله .. قـد بدأت الدخول في مرحـلة إنكماش رأسى .. بالعربي الفصيح كـدا .. يعنى بديت أكـش .. القصة دى عقدتني عـديل كـدا .. دا غير الخسائر المادية .. وخصوصـا لو كنتـو متفهمين حكاية أنو الواحد متضـر .. و غــير باغى .. في أن ينهى العمر الإفتراضى لى اربعة وعشرين بنطلونا .. لا يشتكى منـها طـول ولا قـصــر .. وعشان ما أزيد من عقدتى .. ما حا أقول ليكم برضـو يديـن القميص بقـو طوال .. لأنها ما مشكلة ذات أهـمية ما دام لـم أقلق منامـكـم بهـا .. الزرايـر ما بتخـلى أكمامى تشاركنى في صحن الويكـة المفروكـة .. حـاولت أطرح مشكلتى لى معـارفـى وأصـدقائى هنا في بلد المليون إسكود .. لكن ما لقـيت واحـد أدانـى رد مـقنع .. الكـل فـاكرنى بـهـزر .. رغم أنـهم يدركون بـما لا يـدع مجـالا للشــك ..أننى لسـت بأنصارى سـنّة .. ولا ما شـابه ذلـك .. غـايتو .. شـايف لى كـومة دكـاترة في البـورد هـنا .. قـلت أكـيد الناس ديل .. بالـخبرة الأجـنـبـية الإكـتسـبوها .. مـمكـن يـورونا أسـباب الظاهـرة الغريـبــة دى .. كـمــان ولـو في ناس إتعـرضــو لنفس الظـاهــرة .. ممكـن يقـولـو لينا .. عشان الواحــد ما يلقى نفـســو حـالة شــاذة .. أعـوذ بالله من الشـذوذ

تعرف الجماعة نسوا المشكلة الأساسية و بقوا فى أربعة و عشرين بنطلون التقول الكشّن البناطلين مش أنا .. لكن أخوك طلع تفتحية و عرف سبب المشكلة براهو .. السبب كان الكـرش

Quote: وهذا ما يثبت أنه .. أنا الفقـير لله .. قـد بدأت الدخول في مرحـلة إنكماش رأسى .. بالعربي الفصيح كـدا .. يعنى بديت أكـش

ياخوي طالما أنك إكتشفت مؤخراً أنها الكرش فإنت ياحبيبي ما كشيت إنت إنطفقت عديل كدا
بالمناسبة القطعة عجبتني شديد ويبدو أنك نزلتها ايام غيابي عن المنبر وصدقني أستمتعت بها حد الفرح وتاني بقول ليك أنا بريدك وبريد الكوميديا حقتك

البدري حلا

حاولت مرة التخلص منها فعاتبتني

كدة يا قرجة دي اخرة العشرة يخسي عليك يخس

موش كنت بتمرر يدك علي بعد الوجبات الدسمة وتجيك الهامات الشعر والابداع بسببي

بعد ما كنت بفرزك من الناس العاديين وعاملاك زول يشار اليه بالبنان والرجلين تجي تعمل رياضة بوش اب وبوش حاكم وكونداليزا رايز اب.

دي اخرة العشرة ...دي انا البثبت ليك دركسون العربية وبخليك ماشي وانت رافع راسك

خلاس انا بسيبك وبمش للبدري حلا

وتقوم تولوبوت تنزل وتتريب تركب في البدري حلا وهي تقبض يدها اليمين وتمررها على كفها اليبسار المفتوحة ( كيتا ليك )

صديقي قرجة ود العباس
سلام وإشتياقي لي زولك الحايم بي قرجتو داك

Quote: وتقوم تولوبوت تنزل وتتريب تركب في البدري حلا وهي تقبض يدها اليمين وتمررها على كفها اليبسار المفتوحة ( كيتا ليك )

هوي يا تولوبوت وتتريب إنت شيل كرشك دي مني ولا أنا بسوي لي فيها عملية طوحال وارجعا ليك أحسن ليك
لك حبي وتقديري ولونك الأحمر

أخي بد الدين شنا دام ظله
الكرش هي فعلاً مشكلة المشاكل للجنسين ، ودعنا نركز على جنس الرجال فأنت لا تستطيع أن تحشي قميصك داخل البنطلون ولا تستطيع أن تساير الموضوه كما أنه يصعب عليه لبس الشرابات أو ربط رباط الجزمة أو حتى تلميع مقدمة الجزمة وأنت تنتعلها.
والكروش خشم كروش أخي بدر الدين فهناك كرش الراحة وهو الكرش الذي يتقدم إطلالة التجار وأصحاب المال والأثرياء حلاللاً كان ذلك أم حرام ، وهنا كرش الخلعة وهو الكرش الذي يتميز به بعض المغتربين في الأرض وهي عادة لا تعكس حقيقة وضع المغترب. وهناك كرش الفيل وهو أحد أحياء مدينة الخرطوم بحري.
المهم لكي تتخلص من الكرش عليك إتباع الآتي خاصة وأن ركبتك الشمال تعاني من ألم يبدو في ظاهره غضروفاً مما يصعب عليك ممارسة الرياضة. فيجب عليك أن تحضر ملوتين ويكه بشرط أن تكون ويكة العام يعني جديدة وتحضر نصف كيلو من الحبلة وتجيب يا سيدي شوية زعفران تضرب الخليط جيداُ بكنش أو مفركه من النوع البكون زي علامة زائد أها تقوم تشتري تي شيرت أضيق منك بي نمرتين أو ثلاثة بشرط تكون نسبة القطن فيهو بسيطة تقوم يا يسدي تلبخ الخليط ده أى تتمسح به أو تتجربن بيهو لا فرق وتركز أكثر في مكان الكرش وتلبس الفتي شيرت الضيق ده حتى لو تستعين بناس معاك وتبقي عندنا بدر الدين ضبه أى مضبب وتظل على هذا الحال سبعة ليال شكول طوال وبالهنا والشفا

اخوي بدر الدين ,,, وحاتك بس الكرشليق ده معلومات عامة ساي ... انا زي البزعي وعوض بابكر
قبل فترة شفت في التلفزيون قصة دكتور هندي كافح كفاحا كبيرا للذهاب لامريكا واقناع مراكز البحث بقبول نظريته في السمنة ,,, النظرية تتلخص في فيروس او باكتيريا يصيب الدجاج والبشر وحسب تجابه في الهند كانت نسبة التشحيص كبيرة جدا ,,, انا صراحة اقتنعت بكلامه

الحبيب القريب نيوبي
سلام طويل طولاً يجنن

Quote: تتلخص في فيروس او باكتيريا يصيب الدجاج والبشر

كان كدي أنا ما إتهكرت عديل كدي
أنا والدجاج لمانا كون
لك حبي وخالص مودتي

صديقي المتدفق كوميديا ملا عمر
سلامي وإبتسامي وفرحتي بعودتك بحروف مهولة

Quote: تحضر ملوتين ويكه بشرط أن تكون ويكة العام يعني جديدة وتحضر نصف كيلو من الحبلة وتجيب يا سيدي شوية زعفران تضرب الخليط جيداُ بكنش أو مفركه

ياخوي إنت داير تعالجني ولا تشرمطني .. قال ويكة قال والله أنا أتابع خلطاتك دي أبقى سِعِنْ
تسلم يا ابو أحمد

زى كرشك دى عاوزه ليها جكة قوية...يعنى من فجتك دى لحدى مناقزه
ويكون منها تشوف الأهل وتخفف الكرشMENT
يعنى منها مرارة ومنها كمونية

العزيز القرضابي
سلام من فجتي دي لحد عندك

Quote: زى كرشك دى عاوزه ليها جكة قوية...يعنى من فجتك دى لحدى مناقزه ويكون منها تشوف الأهل وتخفف الكرشMENT

هوي يا القرضابي داير تقرضني ولا شنو؟؟؟
فرحت بي طلتك البهية

Quote: ممكن تديني (كرش) التلفون بتاعها؟؟؟

لكده طلعت براءة، لأنه هيفا دي بشوفها ما بكلموها وانا بصراحة كنت بدردق فيك عايز اشوفك الفضائيات دي قعد تمشي وين عشان ابلغ الجماعة هناك لكن يظهر عليك طلعت فقريmental جدا وتفتيحة

تقبل تحياتي وتحيات المدام والعيال

صاحبي ياسر حنا
سلام لك وللعيال والمدام

Quote: لكن يظهر عليك طلعت فقريmental جدا وتفتيحة

دا كلامك والله نحن أسكت ساكت حمدو في كرشو
الف تحية

Quote: ياخوي إنت داير تعالجني ولا تشرمطني .. قال ويكة قال والله أنا أتابع خلطاتك دي أبقى سِعِنْ تسلم يا ابو أحمد

أخي بدر الدين حلا
بالغت يا راجل والله أنا كنت ناوي أساعد في الإنكرشمنت لكين لمن جابت ليها ملاح فخليني أكون داير ألايقك وكلي حنيه بس شوف لي مفراكه.
والله يا البدري يا أخوي حقو يدوك وسام الكرش شين من الطبقة الأولى

Quote: لكين لمن جابت ليها ملاح فخليني أكون داير ألايقك وكلي حنيه بس شوف لي مفراكه.

داير تفركني أكتر من كدي والله صحي المفارك ويكتو قوية
ياخي قلمك دا يسوط في بوستات المنبر زي فتاشت العيش وبعد دا داير ليك مفراكة
ما فركت يا ناس أحمد
مابتفرك يا ناس سامي
لك حبي الكبير

أها في الحالة دي يا بدر الدين يا أخوي
ما إيلك إلا هيفا
مع ضرورة التركيز على التمارين

Quote: أها في الحالة دي يا بدر الدين يا أخوي ما إيلك إلا هيفا

قلت لي هيفاء؟؟؟
طيب ممكن لنك الحفظ عفواً طريقة الإستعمال
لك حبي

بدر الحلو الكمنجلو
هو ياخوي يادوب قامت ليك كرش ده معناهو حتدخل كرش الفيل وانت مقرش ورى وقدام ماتفهمني غلط ورى بي ضهر البيت مقرش العربية ولي قدام مقرش انت ده كان ماقاموا قرشوك انت ذاتك
وماتشيل هم الكرشة نعمة صرفت عليها الوراك والقدامك ودلوقت الناس لازم تشوف النعمة الانت فيها يادوب انت في المرحلة الشرابية لسة ماوصلت المرحلة الشورتيه لمن تكون راقد على ضهرك وتعاين لي رجليك وكرشك تلقاها ساده مدى الشوف وهنا لاتشوف أصابيع رجليك ولاشورتيك وهنا مربط الكرش لازم تشوف ليك حل ولو لقيتو كلم أخوك لاني فت المرحلة الشورتية والفنيليةوماشي على الدايات

Quote: لمن تكون راقد على ضهرك وتعاين لي رجليك وكرشك تلقاها ساده مدى الشوف وهنا لاتشوف أصابيع رجليك ولاشورتيك وهنا مربط الكرش

يا السني ياخوي زي حالتك دي ما بقولوا عليها In كرش ment
دي يقولوا عليها
In فرِش ment
In فتِق ment
In فقِع ment
In بزِق ment
In بطِح ment

بحبك يا سني وبحب عالمك الجميل

بدر الدين
جنكم وعرفناه
الجنن العزابه شنو (أم كركابه ولا أم روابه)
والجنن عبد القادر شنو
والبعدو يجنن ده منو (أوعك تقول لي القربو يحنن ولا الهين ولين)
والقلبو من جسمو فر وراح يكون جن ولا قرب يجن
والجن وقال هوو ده يكون فقد من الحب ولا أصيب بجنون الكلاب
وجنكيز خان ليهو علاقة بهذه الجنون ولا يكون من ناس جنون العظمه

نسيت يا بدر الدين شنا
ناس قريتنا مرة مشيت أحضر عندهم عرس الفنان يغني والناس قاعدة ما في ولا حركة تقول حصة تاريخ ، أها فجأة كده الفنان يقوم يغعني ليهو أغنية عرضه وكان مطلعها جننتينا يا آمنه ، وحاتك يا البدري يا أخوي تقول الهدف الذهبي ، العالم دي كلها قامت تعرض والعكاكيز الإترفعت في الهوا تعمل راكوبة عديل كده لمن قربو يجننوني ، قلت ليهم دي آمنه عملت فيكم كده ومال لو جاتكم واحده من ستار أكاديمي تعملوا شنو جن بالجملة دي آمنه دي ولا أنفلونزا.

Quote: أها فجأة كده الفنان يقوم يغعني ليهو أغنية عرضه وكان مطلعها جننتينا يا آمنه ، وحاتك يا البدري يا أخوي تقول الهدف الذهبي ،

هههههههههه
معناها حلتكم دي غير (آمنة) وناسكم ديل يوم بفطسوا ليهم جاهل
ياسلام يا ملا دا الريف وحلاة الريف الوريف

بدري سامي علاهو
تحية ريدة


قالو في علاج الكرِش

أول حاجة تنـكرِش
وعلي بطنك تنبرِش
وترقد بلا فرِش
وحبذا لو فوق يِرِش
وتتشعلق فوق العرِش
وتدرش نفسك درِش
ولي غيرك ما تنهرِش
وتفارق درب القِرِش

البدرى لسلام والرحمه والله العظيم بلغت سلامك لحساس وقال إبراهيم الصديق الآن بالسودان والحمدلله....طيب يا البدرى رأيك شنو فى التموين
أفتح تموين يا شاب.............


الجماعه ناس حساس قالوا

ناس تنكرش ناس تندرش
ناس فاتحه للتموين كرش
تلفون هلو دكان عديل
حدو العرش
قول يا لطيف


وكدا تكون جمعت بين الأختين الكرش والتلفون او الكرش والموبايل من غير ماسلف......................



منصور

Quote: البدرى لسلام والرحمه والله العظيم بلغت سلامك لحساس وقال إبراهيم الصديق الآن بالسودان والحمدلله....طيب يا البدرى

اشكرك يا منصور حتى تستغيث وتطلب النجدة على هذه الأخبار الجميلة فأنا والله أحمل بين حناياي حب عاصف لأهل السروراب

Quote: ناس تنكرش ناس تندرش ناس فاتحه للتموين كرش تلفون هلو دكان عديل حدو العرش قول يا لطيف

يا لطيف
كلام جميل يا منصور
لك التحايا والجمال

الغالي عبدالله جني عقيد
سلام وإشتياقي

Quote: أول حاجة تنـكرِش وعلي بطنك تنبرِش وترقد بلا فرِش

يا زول إنت متأكد دي روشتة رجال؟؟؟

بدراً بدراً ..دنقر كرشك أرفع راسك !!!!
دعاء الدخول لمنزل بدر الدين شنا ...

كروشي ..شي..شي.. كوروشي...
ما يطلبه المستمعون ..

كرشاً ما كرشك جر فيها الرز ..
مثل صيني قديم ..

الكروش عند بعضيها ..
قول مأثور..


دخل الكرش .. وما قال كش؟؟؟
مسابقة العدد ..

هرشك ...لحم كرشك ...
للحماية من عين الحاسد والشناف وربنا قدر ربنا شاف ..

ونصيحتي لك بدر الدين حلا هي أن :
تحوش ليك " كرشين " ينفعوك للزمن

مع تحاتي..
عمر الفاروق في حالة " إنكراشة"

البدر فى الشنا

هى الشنا من الكرش أم الكرش من الشنا

الغالي بدرالدين الأمير
سلام وإحترام وترحيب وفرحة بالطلة

Quote: هى الشنا من الكرش أم الكرش من الشنا

أنا غايتو شناتي دي كان سببها نطحني كرش الضحية

الصديق عمر الفاروق (رشاشة)
سلام كبير

Quote: دخل الكرش .. وما قال كش؟؟؟ مسابقة العدد ..

عرفتو كلتش

أخي بدر الدين قد تكون أنت في مرحلة بطنك كرشت وأخشي ما أخشاه عليك أخي أن تضرب خروف العيد وتدخل في مرحلة كرشك بطنت وهي أخطر المراحل كما تعلم أو لا تعلم.

الحبيب ملا عمر
سلااااااااااام

Quote: وأخشي ما أخشاه عليك أخي أن تضرب خروف العيد وتدخل في مرحلة كرشك بطنت وهي أخطر المراحل كما تعلم أو لا تعلم.

وبعد داك يقولوا يظهر خلاف ما يكرش

بدر السبوع الداير
ياخي انتا ما عندك علاقة بالشنا كلو كلو لا من قريب ولا من بعيد..
لا بتجيك ولا بتمشي ليها ولا بتمرق منك..
الكريشه هينه.. كعبه كرش الفيل.

صديقي سعد الدين
سلام وإشتياق

Quote: ياخي انتا ما عندك علاقة بالشنا كلو كلو لا من قريب ولا من بعيد.. لا بتجيك ولا بتمشي ليها ولا بتمرق منك..

سعد يخسي عليك ما تغشني

العزيز بدر سلامات ياخى

Quote: وبقى بس تركيزي على القنوات صاحبة الحلول لهذه المشكلة

عليك ب Dr.Phil
العنوان mbc4


كل سنة وانت طيب يا زول

العزيز جداً وليد طه
سلامي وإكرام

Quote: عليك ب Dr.Phil

الرسول ما تخسمني يا وليد

في بعض الحكايات و العبارات عاوز تفسير ليها من خلال مقالكم الكرشي هذا
لماذا يسمي مكان الزراير في الجلابية بالكرشليق
ولماذا يقال للشخص المنبوذ أو المطرود مكروش
ولماذا تسمى الحكة بالكاروشة
وهل وزير داخليةالهند السابق لال كرشينا عندو كريشة
ولماذ سميت المنطقة الفاصلة بين المزاد جنوب والختمية بكرش الفيل

المله
تحياتي
الرابط : .net انتفاخ + احتكاك .www

الحبيب ملا عمر أبو أحمد
سلام ليهو كرش

Quote: في بعض الحكايات و العبارات عاوز تفسير ليها من خلال مقالكم الكرشي هذا لماذا يسمي مكان الزراير في الجلابية بالكرشليق ولماذا يقال للشخص المنبوذ أو المطرود مكروش ولماذا تسمى الحكة بالكاروشة وهل وزير داخليةالهند السابق لال كرشينا عندو كريشة ولماذ سميت المنطقة الفاصلة بين المزاد جنوب والختمية بكرش الفيل

وإنت (مكرِّش) وقتك وجهدك كلو للأسئلة الصعبة دي؟؟؟

أولاً البركة بي الشوفه
وتاني هام كل سنة وأنت وناس المنبر بخير ومعزومين معانا تاني يوم في الضحية وتوجد مواصلات عقب المأدبة لكين ما في أى طريقة لي take away يعني حمدو في بطنو خاصة والبوست يتعلق بالكرش أها تالت هام أنا خلاص فترت من بوستك ده أعافر براي لامن قربت تجيني كرش والحمد لله إنك ظهرت في الوقت المناسب لأنك قبل فترة كده فكيت فينا محمد السني دفع الله ، الراجل ده أنا شفتو مرتين مرة في الإرهاب والكباب شغال ليك في أوروبا والدول المتقدمة والمرة التانية شفتو سايق ليهو ركشة كان ما أخاف الكضب خضراء زرعي لونها ودخاخينها لي رب السما ما عارف الركشة مبوشة ولا المشهد كان يتطلب كل هذه الدخاخين ولا خايف من الملاريا.

الرهيب العجيب ملا عمر
سلام أبوكريشة

Quote: أها تالت هام أنا خلاص فترت من بوستك ده أعافر براي لامن قربت تجيني كرش والحمد لله إنك ظهرت في الوقت المناسب

يعني إنت المعافر وأنا المعفور له بإذن الله
أشكرك أخي على المعافرة
ياخي كان عينك وقعت في أهل العوض سللللللللللللللللللللللللللم عليهو

طلع"البدرى" علينابكرشه الكبيرة
يطلب النصح منا حتى تغدو صغيرة
أبتعد عن اللحوم وأدمن الجرجيرا
وأكثر الترَيض فى الصباح والظهيرة
لا تترك الرَياضة وإن صيروك وزيراَ
******

و ما دام ود البدرى سمين!فمابالك بأبيه؟؟

أسمع...السمانى لوال بيسلم عليك كتير

الحبيب عبدالله الحبيب
وفي معرض الحب والحبيب أهديك سلامي

Quote: و ما دام ود البدرى سمين!فمابالك بأبيه؟؟ أسمع...السمانى لوال بيسلم عليك كتير

واشكرك على هذه المداخلة خفيفة الظل كبيرة الكرش وعبرك أرسل أجمل تحية لصديقي الجميل السماني لوال ارو
تحياتي

أقول ليك حاجة

ماتباصر ليها طريقة ضبَاب
يعني ضببا يابدر بي ضنب فيل
يمكن ينفع




ياخي العيد مبارك عليك في بوستك

بدر الدين شنا
أتاك زول ساكت بالخبر اليقين كدي تأمل في صورة زول ساكت دي شديد وشوف بطن الزول ده ما بتشبه كلب الصيد عليك بضنب الفيل وعلي أنا بضل الفيل لمحاربة كرش الفيل إنتخو ا بدر الدين شنا رمز الفيل.

حبيبي الملا عمر

Quote: أتاك زول ساكت بالخبر اليقين كدي تأمل في صورة زول ساكت دي شديد وشوف بطن الزول ده

هي لكن دا ما inكرشment
دا إنكرش بس

صديقي زول ساكت
سلام شحمان

Quote: ماتباصر ليها طريقة ضبَاب يعني ضببا يابدر بي ضنب فيل يمكن ينفع

أها وبعداك البس ليها فنلة ولا لباس؟؟؟