Post: #1
Title: النسيب العكليتة دواهو عندي
Author: بدرالدين شنا
Date: 09-16-2005, 11:24 PM
الصرصور الفوق دا شايفنو؟؟؟ هو من أخرجني من بيت نسابتي كما أخرج إبليس أبوينا آدم وحواء من الجنة
طبعاً في نوع من النسايب من يوم يسير على بيت العروس ويستلم مفتاح (أوضة العريس) من البنات ويدفع الفيها النصيب تاني ما بمرق إلاَّ يصيح حمار الوادي (يمرق يمش وين؟؟؟) دا بمرق مرة واحدة للبحر ويجيب ليهو فرع نخيل ويعلقو في مرق الأوضة حسب العادات ... في بعض العرسان برحل بيتو قبل أن يذبل ذلك الفرع من النخيل أما البعض الآخر وأنا منهم بنركلس لمن فرع النخيل يبقى لونو أسود من عمايل الضبان أو تقع الأوضة ذاتها بسبب الخريف
أها يازول أنا حارس الأوضة دي ما بمرق منها كلو كلو وبتحاشى أقعد مع ناس البيت عشان عارف نوع الونسة كلها (خطوبة أختها وقرب العرس ... أمبارح لقينا دابي في الأوضة ووووو)
أها الناس ديل وكت شافوني عكليتة وما بفهم التلميحات بدو في اللعب الخشن ولقطوا ليهن كمين صرصور من وين ما عارف وأسكنوهم في أدبخانة غير ذي "زرع"
لكن يا جماعة هذه الصرصورات فعلت فيني بشنباتها ما لم يفعله الصبية بعادل إمام وكرهتني "القعدة" ذاتها حتى عجلت برحيلي وهي ترقص وتغني
وعليه فأوصيكم ونفسي إذا أي واحد منكم عندو نسيب عكليتة عليه بالصراصير أبو شنبات كبيرة
|
Post: #2
Title: Re: النسيب العكليتة دواهو عندي
Author: عبدالله
Date: 09-17-2005, 00:21 AM
Parent: #1
بدرالدين سلام
عرفناابوالجندب ده رحلك من بيت نسابتك
طيب الرحلك من السودان ووداك خلا مرمول شنوده
وبعدين يابدر ابو الجندب بعد ربوه في الحتة القلتها ديك
بس قصد اوضتك من دون اوض البيت التانية
اكان كدة اوضدك في شئ بيجذب ابوالجندب
المهم ياخوي لو الصراصير بتطفش
ما تشوف لينا صرصور( مرمولي) يطفش لينا الجماعة الهاردين كبدتنا ديل
|
Post: #3
Title: Re: النسيب العكليتة دواهو عندي
Author: ابو جهينة
Date: 09-17-2005, 00:28 AM
Parent: #2
شقيقي أبو البدور
تحايا نسايبية ماكنة
كدي أتم ضحكي و بجيك راجع.
|
Post: #5
Title: Re: النسيب العكليتة دواهو عندي
Author: بدرالدين شنا
Date: 09-17-2005, 00:53 AM
Parent: #3
شقيقي الأكثر جلال
سلام بحجم الريدة
| Quote: كدي أتم ضحكي و بجيك راجع. |
وأنا في سبيل إنتظارك سأتحمل حركات الصرصور
لك حبي
|
Post: #4
Title: Re: النسيب العكليتة دواهو عندي
Author: بدرالدين شنا
Date: 09-17-2005, 00:53 AM
Parent: #2
عبدالله اللغز
سلامات ياخي
| Quote: طيب الرحلك من السودان ووداك خلا مرمول شنوده |
هم أصلاً أسرة واحدة صرصور ومرمول وفرفور
مشتاقييييييين
|
Post: #6
Title: Re: النسيب العكليتة دواهو عندي
Author: nazar hussien
Date: 09-17-2005, 02:03 AM
Parent: #4
أنا أعرف شخص يا البدر...رحّل نسابتو وقعد في بيوتهم
والقعدة اللي يوم الليله دي...
سألتو ...عملت شنو؟ قال لي بسيطه
أول شيْ عليك الحول بي زول
تانيا...ما تشتري بطاطين لي الشفع...
تالتا ...الببكي عايز حلاوة...تجيبا ليه بعد ما ازعاج البكية
يتمكن من الناس...وتفتن اخوه الاصغر...بي حلاوة أخوه الاكبر
والبتجيه نزله...ترسلو مع خالتو الصغيره الي المستشفي
وتجي مع مواعيد الغدا...
وتطلع الصباح بعد الشاي والجبنه...
وما تنسي العزايم في العشاء...
والكشتينة يوم الجمعة من الصباح لا الغيبه وصينية
طالعة وصينية نازله...وبراد شاي طالع...وعدة جبنه نازله
عليك امان الله...بس أدهم ستة شهور في جنس الحالة دي..
طوالي بشيلو عفشن ويمشوا الخرطوم...
وفي الخرطوم زاتا...بنلحقن...الرسول دحين ما قال عينوا عليهنّّّّّّّّّ
كدي شافع تجيه نزله ساكت...برا حبوبتو بتعالج هو؟؟؟؟
|
Post: #9
Title: Re: النسيب العكليتة دواهو عندي
Author: بدرالدين شنا
Date: 09-17-2005, 05:49 AM
Parent: #6
الشفيف العفيف نزار حسين
سلام بي شنباتو
Quote: أنا أعرف شخص يا البدر...رحّل نسابتو وقعد في بيوتهم
والقعدة اللي يوم الليله دي... |
دا بكون لي ورا كدا جدودو إسرائيلين
Quote: أول شيْ عليك الحول بي زول
تانيا...ما تشتري بطاطين لي الشفع...
تالتا ...الببكي عايز حلاوة...تجيبا ليه بعد ما ازعاج البكية
يتمكن من الناس...وتفتن اخوه الاصغر...بي حلاوة أخوه الاكبر
والبتجيه نزله...ترسلو مع خالتو الصغيره الي المستشفي
وتجي مع مواعيد الغدا...
وتطلع الصباح بعد الشاي والجبنه...
وما تنسي العزايم في العشاء...
والكشتينة يوم الجمعة من الصباح لا الغيبه وصينية
طالعة وصينية نازله...وبراد شاي طالع...وعدة جبنه نازله |
صرصور شنو ياخوي دا عايز ليهو مرفعين عديييييييييل
وبعدين ياخي مصعبها كدا إنت معاي ولا مع النسيب؟؟؟
لك فائق إحترامي
|
Post: #7
Title: Re: النسيب العكليتة دواهو عندي
Author: waleedi399
Date: 09-17-2005, 02:56 AM
Parent: #1
الزول اللذيذ
بدر الدين حـلا .. الاحلى من باسطة سـلا
شكراً للوصفة السحرية في معرفة مخارجة النسيب العكليته ..
والله ابوشنبات دا لو قام لا بعرف نسيب .. لا عدو ولا حبيب يا كافي البلاء..
وغرامو الاكبر مع الرجال ابين شنبات تلقاهو واقف ليهم بالمرصاد
ويحمر ويعاين عينو ما بكسرها لحظة نظام تحدي وكدا ..
والله قال بي قول البزعلوا ..
بدري اقترح طباعة كتيب باسم (اتخاذ الحذر والحيطة في مسالة توزيع النسيب العكليته) 
أحبك جداً إلى حــد الاستغاثـه ..
|
Post: #8
Title: Re: النسيب العكليتة دواهو عندي
Author: ابو جهينة
Date: 09-17-2005, 04:25 AM
Parent: #7
شقيقي الأغر أبو البدور
حليل نسابة زمان يا أبو البدور ..
الحوش حدادي مدادي و كل بت بتعرف بكان ما حيبنوا ليها جوة بطن حوش أبوها .. لا نقة و لا صراصير.
أنا بعرف لي أزواج .. والله مش صراصير ..لو كبوا ليهم ضريسا فوق للمرتبة و الملاية .. برضو متعكلت و قاعد.
أنا بعرف واحد قاعد مع نسابتو .. و هو هناك بنى بيتو .. و قام أجر بيتو بالدولار .. و لسع قاعد في نفس الأوضة الدخل فيها .. و متمترس ..
|
Post: #11
Title: Re: النسيب العكليتة دواهو عندي
Author: بدرالدين شنا
Date: 09-17-2005, 05:50 AM
Parent: #8
شقيقي المتمترس جلال
سلام وحب شديد
| Quote: أنا بعرف واحد قاعد مع نسابتو .. و هو هناك بنى بيتو .. و قام أجر بيتو بالدولار .. و لسع قاعد في نفس الأوضة الدخل فيها .. و متمترس .. |
والله حيرتني عديل كدا .. إنت النسايب الزي ديل بتجيهن من وين؟؟؟
كدي جرب معاهو النوع دا يمكن ينفع
حبي وتقديري
|
Post: #10
Title: Re: النسيب العكليتة دواهو عندي
Author: بدرالدين شنا
Date: 09-17-2005, 05:50 AM
Parent: #7
الفلتة وليد399
تحياتي واشواقي
| Quote: شكراً للوصفة السحرية في معرفة مخارجة النسيب العكليته .. |
أرجو حفظها بها بعيداً عن متناول النسوان الشينات .. لأنو إذا إستخدمتها وأنت غير واثق من جمال أختك أو بنتك ربما تعمل مضاعافات وتطفشو مرة واحدة
خالص معزتي وشوقي لي لقياك
|
Post: #12
Title: Re: النسيب العكليتة دواهو عندي
Author: waleedi399
Date: 09-17-2005, 11:15 AM
Parent: #10
| Quote: أرجو حفظها بها بعيداً عن متناول النسوان الشينات .. لأنو إذا إستخدمتها وأنت غير واثق من جمال أختك أو بنتك ربما تعمل مضاعافات وتطفشو مرة واحدة |
ممكن اي اضافة او تعديل في العبارة يا بدري ولااااااا
خالص محبتـي
|
Post: #13
Title: Re: النسيب العكليتة دواهو عندي
Author: بدرالدين شنا
Date: 09-17-2005, 09:51 PM
Parent: #12
يا بن 399 يا وليد
سلامي وريدي
| Quote: ممكن اي اضافة او تعديل في العبارة يا بدري ولااااااا |
ولاااااا (العبارة مأخودة على نسق (حلوة نسق دي) حفظ الدواء بعيد عن متناول الأطفال)
إذا إنت عايز تضيف أو تعدل فلك ذلك أما أنا فلست (ولد الضايف) أكون يا وليد ما فهمتك والفهم قسم؟؟؟
والله والله برتاح ليك
|
Post: #14
Title: Re: النسيب العكليتة دواهو عندي
Author: أبوذر بابكر
Date: 09-17-2005, 11:15 PM
Parent: #1
يا بدر التمام الهلاَ
صباحك يوم يقاس بدهور
تعرف يا بدر
إنت زول خلاّق بشكل ما عادى والله
Creative
ودى بالمناسبة ملكة فريدة ما بتلقاها بسهولة فى الناس
يعنى من اشياء ما تخطر على بال الإنس والجن
تصنع كون شاسع من الجمال
بعدين الجمال ذاته طبعا أنواع
إنت جمالك جميل
إنشاء الله دائما طيب وسعيد وجميل
|
Post: #16
Title: Re: النسيب العكليتة دواهو عندي
Author: بدرالدين شنا
Date: 09-18-2005, 00:10 AM
Parent: #14
المتفرد صاحب المفردة ابوذر بابكر
سلامي وإعجابي وفخري بك
Quote: إنت زول خلاّق بشكل ما عادى والله
Creative
ودى بالمناسبة ملكة فريدة ما بتلقاها بسهولة فى الناس
يعنى من اشياء ما تخطر على بال الإنس والجن
تصنع كون شاسع من الجمال |
يا إبن العم ما شكرتنا بي حرفك الكبير دا ما تعاين قدامك ....
أشكرك يا سليم الذوق والجمال
|
Post: #15
Title: Re: النسيب العكليتة دواهو عندي
Author: sumah
Date: 09-17-2005, 11:32 PM
Parent: #1
بدر ازيك ..
دى صرصورايت حبنا
|
Post: #17
Title: Re: النسيب العكليتة دواهو عندي
Author: بدرالدين شنا
Date: 09-18-2005, 00:11 AM
Parent: #15
استاذي الكبير إسماعيل محمد الحسن
والله والله عيل صبري وأذداد شوقي لك
دحين الصرصورات دي ما صغيرة على حبنا يا سمعة
لك أفيال حبي وتقديري
|
Post: #18
Title: Re: النسيب العكليتة دواهو عندي
Author: tmbis
Date: 09-18-2005, 00:13 AM
Parent: #15
يا بدري ..
يا لذيذ..
سلام شديد..
ما حددت لينا ياتو فصيل من الصراصير نانو الصراصير زاته ( ماوس ) بيوت ومقاسات
إذا بتقصد الحجم اكس اكس اكس لارج .. النوعية دي كان من الساهل تعمل معاها تطبيع
وتبرمجه وتقوم تستعمله سلاح مضاد
يعني بي صورة اوضح
تشوف البيريحه شنو وتعملو ليها .. وبعد داك تعمل ليها تنويم مغنطيسي وتصلطه على ابو النسب ده
لكن إذا طلعوا الجماعة مفتحين وجابو ليهم ( بف باف ) نوعية فتاكة فهنا انا بخلي مسؤوليتي
..
.
تعرف يا بدري
غايتو لو كل الحلوين بيخضعو زيك كدا لي تحرشات النسابه باستجلاب السلاح الشنبي ده
والله عندنا هنا كان البلد دي عدمت نفاخ النار
من ( البعول ) طبعا
|
Post: #20
Title: Re: النسيب العكليتة دواهو عندي
Author: jini
Date: 09-18-2005, 00:47 AM
Parent: #18
البدرى
أكربها(الدكة) وتوكل
بكسر الدال
الصرصور ولا الايجار
البدرى منار ولن ينهار
جنى
|
Post: #26
Title: Re: النسيب العكليتة دواهو عندي
Author: بدرالدين شنا
Date: 09-19-2005, 00:17 AM
Parent: #20
محبوبي الفنان جني
سلام أبو (تكة)
Quote: أكربها(الدكة) وتوكل
بكسر الدال
الصرصور ولا الايجار
البدرى منار ولن ينهار |
أنا غايتو الإيجار ما جربتو لكن الصرصور أخير كونتنامو
وصدق المثل البقول "البضوق قردينة شنب الصرصور يخاف من خيط سرواله"
|
Post: #25
Title: Re: النسيب العكليتة دواهو عندي
Author: بدرالدين شنا
Date: 09-19-2005, 00:17 AM
Parent: #18
Quote: يا بدري ..
يا لذيذ.. |
شايفك دخلتني في عنق اللذاذة والله صدق المثل البقول اللذيذ ما بشوف عـ.... كوميديتو
| Quote: تشوف البيريحه شنو وتعملو ليها .. |
بلااااااااااااي
قال البريحها قال
لك شنبات حبي
|
Post: #19
Title: Re: النسيب العكليتة دواهو عندي
Author: sumah
Date: 09-18-2005, 00:44 AM
Parent: #1
بدر..
مشتاقين نحن بالاكتر..
دة حال الدنيا صراصيرا حمتنا النوم ..
البوست التحت... العريس عثمان مبارك.. خايفين عليه من صراصير الخريف في موسم الشوق الحلو..
دة لو ما الحلو جاب الابريق ..
|
Post: #27
Title: Re: النسيب العكليتة دواهو عندي
Author: بدرالدين شنا
Date: 09-19-2005, 00:17 AM
Parent: #19
أستاذي ومعلمي إسماعيل
مبروووووووووووك للعزيز عثمان مبارك
| Quote: دة لو ما الحلو جاب الابريق .. |
شديييييييييييييدة جد سمعتها قبل كم يوم وعجبتني ههههههههههه
نتلاقى في البوست التحت إن شاء الله
|
Post: #21
Title: Re: النسيب العكليتة دواهو عندي
Author: sumah
Date: 09-18-2005, 11:09 AM
Parent: #1
لازم يابدر ارفع ليك البوست ده علشان ادلك علي البوست التحت..
|
Post: #22
Title: Re: النسيب العكليتة دواهو عندي
Author: عبدالله
Date: 09-18-2005, 02:15 PM
Parent: #21
Quote: صراصير تساعد التلاميذ على الغش
--------------------------------------------------------------------------------
ذكرت صحيفة «برافدا» الروسية ان تلاميذ المدارس في مدينة «بيكاتيرنبورغ» ابتكروا طريقة
جديدة للتلاعب بالعلامات (الدرجات) السيئة في شهاداتهم الدراسية وهي الطريقة التي تعتمد
على استخدام الصراصير بعد تجويعها.
واوضحت الصحيفة ان التلاميذ بدأوا في اللجوء الى تلك الطريقة بعد ان لاحظوا ان الصراصير
تلعق الحبر الجاف من على الورق وتزيله من دون ان تترك له اي اثر, ولمحو أي درجة سيئة
من الشهادة الدراسية يضع التلميذ عليها قطرة من عسل النحل قبل ان يطلق لصرصور جائع
العنان كي يلعقها بالكامل ويلعق معها الحبر الجاف المستخدم لتدوين الدرجة دون ان يترك اي
اثر يدل على ان شيئاً كان مكتوباً في تلك الخانة، ثم يكتب التلميذ الدرجة (العلامة) التي تحلو
له قبل ان يسلم الشهادة الى والديه.
ونقلت الصحيفة عن عدد من التلاميذ الذين جربوا طريقة التلاعب الجديدة قولهم انها
طريقة «رائعة وفعالة للغاية».
منقول ،،،،
|
|
Post: #23
Title: Re: النسيب العكليتة دواهو عندي
Author: نادية عثمان
Date: 09-18-2005, 05:47 PM
Parent: #22
بدر الدين حلا
انت نسابتك ديل لو ماناس ساى كانوا يخلوك تمشى منهم ؟!!
والله انت لو راجل بتى ماافرط فيك كلو كلو .. ياخى انت عملة نادرة والله ..
|
Post: #29
Title: Re: النسيب العكليتة دواهو عندي
Author: بدرالدين شنا
Date: 09-19-2005, 00:18 AM
Parent: #23
الأديبة الرائعة نادية
سلام وإرتياح كامل لما يخطه يراعك أنتي وعبدالله وداعة من سجال شعري
| Quote: والله انت لو راجل بتى ماافرط فيك كلو كلو .. ياخى انت عملة نادرة والله .. |
ودي شهادة أعتز بها وقلادة اضعها في جيدي حتى يشهدها الجميع لأنها جاءت من شخص أكن له كل إحترام وود
وصدقيني لو كنت راجل بتك صرصور شنو والله الكوماندوز ما يطلعوني
ودمـ دمـ دمـ دمتم سالمين
|
Post: #28
Title: Re: النسيب العكليتة دواهو عندي
Author: بدرالدين شنا
Date: 09-19-2005, 00:18 AM
Parent: #22
الغالي عبدالله اللغز
تلفوني 24386861 أظهر وبان عليك الأمان
Quote: ولمحو أي درجة سيئة
من الشهادة الدراسية يضع التلميذ عليها قطرة من عسل النحل قبل ان يطلق لصرصور جائع
العنان كي يلعقها بالكامل ويلعق معها الحبر الجاف المستخدم لتدوين الدرجة دون ان يترك اي
اثر يدل على ان شيئاً كان مكتوباً |
شديت محنك فوق الله هسع دا صرصور ولا كاسحة الغام؟؟؟
|
Post: #24
Title: Re: النسيب العكليتة دواهو عندي
Author: saadeldin abdelrahman
Date: 09-18-2005, 06:11 PM
Parent: #1
|
Post: #30
Title: Re: النسيب العكليتة دواهو عندي
Author: بدرالدين شنا
Date: 09-19-2005, 00:19 AM
Parent: #24
العزيز سعدالدين
سلامي وإحترامي وشكري على زيارتك الكريم وطلتك البهية
والتحية للوجوه الطيبة التي زينت بها مداخلتك
حبي وتقديري
|
Post: #31
Title: Re: النسيب العكليتة دواهو عندي
Author: sumah
Date: 09-19-2005, 11:22 AM
Parent: #1
| Quote: نتلاقى في البوست التحت إن شاء الله |
بدر.. بس ماتكلم زول..عشان الصراصير الملاحات ..
|
Post: #37
Title: Re: النسيب العكليتة دواهو عندي
Author: بدرالدين شنا
Date: 09-24-2005, 06:37 AM
Parent: #31
| Quote: بدر.. بس ماتكلم زول..عشان الصراصير الملاحات .. |
ما تخاف يا سمعة "صرك" في بير
|
Post: #32
Title: Re: النسيب العكليتة دواهو عندي
Author: Emad Abdulla
Date: 09-20-2005, 01:48 AM
Parent: #1
بدر السمح ..
الله يجازي محنك
حدثني صديق الموج قال : عن جده الموج الكبير قال : قال جدي ( حين ام درمان أزقة بين غرف طينية منخفضة سقوفها و النفاجات طرقات كمتاهة ( كولن ويلسون ) .. حدثني قال : جيء بجدهم الشيخ من ديارهم الفوق .. مريضا .. يعاني من ( عدم قطعه للجمار جمعتين ) .. ما نفعته البصيرة ولا الحكيم .. جيء به إلى البقعة.. وقيل انه اعطى ما يساعد على ان يقطع قطعا قاطعا ذاك الجمار.. حينها كانت هناك ( أدبخانتك تلك ) .. حفرة واحده ببابين : حريمية بابها قبلي .. و الباب الآخر بحري للرجال .
قال ( صديق الموج ) : جدتنا كانت دلالية .. مرهاء و سمحه و لها ( مفحضة ) مخضوبة بالللون الأحمر و بها شراشف . جيوب و جيوب تليها جيووووووب .. وكانت تتدلي من عنقها ممتلئة بالريالات اب عشرة و أب خمسة .. ثقيلة تلك ( المفحضة ) كانت .. تتباهى بها جدتي المرهاء السمحه ـ قال صديق - و تكشكشها حين (تسوى ) بها ( الكيه ) لمن لا تستلطفها من نساء الحي .
.. أحس شيخنا الجد بدنو ( العمايل ) .. فهرول مسرعا إلي الباب الرجالي البحري لـ ( أدبخانتك تلك ) يا بدر الدين .. و في لحظتها نفسها كانت جدة ( صديق الموج ) المرهاء السمحة تدخل الباب القبلي لأدبخانة الحريم ..
( قنت ) شيخنا الأسد .. و قنت .. و قنت ( جمعتين لم يقطع فيهما المسكين جمارا ) .. ثم : دددل ددل دددددددل دودول .. دوللللللللل .. ( كان لللدوي صوت وصدى ورجع ) - جمعتين لم يقطع فيهما المسكين جمارا - حينها ..كانت جدة ( صديق الموج ) المرهاء السمحه في الجانب الآخر من ( أدبخانتك تلك ) يا بدر الدين تقضي حاجتها .. انتفضت واقفة و هي تخبط على صدرها ناظرة إلي أسفل .. إلى حفرة الأدبخانة تحتها .. صائحة : قماح أمي .. مفحضتي ؟؟؟؟؟؟؟؟؟
- العهدة على صديق الموج -
......
بدر الدين .. هل تذكر ميدان البقر وسوق الديم ؟ .. الليق ؟... ميدان الهلال .. النيلين ؟
لك الحب
|
Post: #38
Title: Re: النسيب العكليتة دواهو عندي
Author: بدرالدين شنا
Date: 09-24-2005, 06:39 AM
Parent: #32
الجميل عماد عبدالله
سلام معتق
| Quote: حدثني صديق الموج قال |
أوع يكون أفشى ليك بقصة الحب البيناتنا لأنو نحن داسنها من الناس لعمقها وخايفين عليها من العين
| Quote: ( قنت ) شيخنا الأسد .. و قنت .. و قنت ( جمعتين لم يقطع فيهما المسكين جمارا ) .. ثم : دددل ددل دددددددل دودول .. دوللللللللل .. |
دددددل دلدل دا ياخوي ما قطع جمار دا رمي جمار هو جد صديق دا قايل الشيطان جو (أدبخانات تلك)
| Quote: كانت جدة ( صديق الموج ) المرهاء السمحه في الجانب الآخر من ( أدبخانتك تلك ) يا بدر الدين تقضي حاجتها .. انتفضت واقفة و هي تخبط على صدرها ناظرة إلي أسفل .. إلى حفرة الأدبخانة تحتها .. صائحة : قماح أمي .. مفحضتي ؟؟؟؟؟؟؟؟؟ |
هههههههههه
حسبك يا أخي مصاريني
| Quote: بدر الدين .. هل تذكر ميدان البقر وسوق الديم ؟ .. الليق ؟... ميدان الهلال .. النيلين ؟ |
قالوا الزول ذاكرتو كان ضعفت الصرصور بياكل ....
لك خالص معزتي وآسف في تأخر ردي بسبب سفري للعاصمة في رحلة علاجية
|
Post: #33
Title: Re: النسيب العكليتة دواهو عندي
Author: Yassir7anna
Date: 09-20-2005, 04:03 AM
Parent: #1
بدري عالي سماه
صرصور زي ده؟
صرور دي لذيذة مش كده؟؟؟
|
Post: #35
Title: Re: النسيب العكليتة دواهو عندي
Author: بدرالدين شنا
Date: 09-20-2005, 10:25 PM
Parent: #33
صديقي القريب ياسر حنَّا
سلام لك وللعائلة الكريمة
 زي دا شنو دياهو ذاتو عليك الله اسألوا قول ليهو بتعرف بدرالدين شنا أو "جزء" منه لأنو هو ما شاف وجهي في حياتو
مشتاقيييييييييين واليوم في طريقي إلى مسقط أتمنى أن نلتقي
وللجميع سأعود لهذا البوست يوم الأحد إذا كان هنا متداخلين
حبي وودي للكل
|
Post: #34
Title: Re: النسيب العكليتة دواهو عندي
Author: صديق الموج
Date: 09-20-2005, 09:40 PM
Parent: #1
بدر الدين ودعشة امى
ما تفكها فى روحك قالوا هو الصرصور الحرد البيت وقال جابوا لينا جنس ثقالة
نسيب اليوم كلو شايل السفنجة فى ايدو وشابكنا طاخ طراخ لما خلينا ليه
البيت وبيت الجيران كمان.احب صراصيركم المدوعلات ديل يا اخى،،،
|
Post: #36
Title: Re: النسيب العكليتة دواهو عندي
Author: سجيمان
Date: 09-20-2005, 10:39 PM
Parent: #34
بدر البدور
الجنن الصرصور
انت صراصيرك دي ارض جو؟...وبي تريك بالقلبة كمان؟...... تعرف دي قمة التكنلوجيا.....
|
Post: #40
Title: Re: النسيب العكليتة دواهو عندي
Author: بدرالدين شنا
Date: 09-24-2005, 07:08 AM
Parent: #36
صديقي الأكبر سجيمان
مشتاقييييييين ليك ولي إبداعك
| Quote: انت صراصيرك دي ارض جو؟...وبي تريك بالقلبة كمان؟...... تعرف دي قمة التكنلوجيا..... |
لأنو الصرصور جبان وبخاف المواجهة وجه لوجه فدائما تلقاهو يفضل الأسلوب الجبان اسلوب "القردنة" و "القرصنة" والضرب من الخلف لكن هيهات هيهات ...
تحياتي لك أيها المبدع
|
Post: #39
Title: Re: النسيب العكليتة دواهو عندي
Author: بدرالدين شنا
Date: 09-24-2005, 07:06 AM
Parent: #34
حبيبي الأولاني صديق الموج
| Quote: بدر الدين ودعشة امى |
ود عشة أمي إنت دا
| Quote: ما تفكها فى روحك قالوا هو الصرصور الحرد البيت وقال جابوا لينا جنس ثقالة |
حرام عليك يا صديق يمين عشاهو من لحم اردافي
مشتاقييييييييييييين وعليك الله شوف لينا أي طريقة نتقابل فيها لأنني لم اعد استحمل
|
Post: #41
Title: Re: النسيب العكليتة دواهو عندي
Author: almulaomar
Date: 12-29-2005, 04:48 AM
Parent: #1
يا بدرين الدين يا أخوي الزمن غير ملامحنا وحلل ملاحنا – جمع حلة ألمونيوم أو طلس لافرق - فصرصور شنو البطير ليهو زول في بيت لو بالغ يكون مشارك في فاتورة الجمرة الخبيثة فيهو والمطبخ ما مشكلة والحمام كان علي البلاعة بشيل ليهو جردل جردلين في اليوم وبرضو ممكن يطنش كم يوم كده وما شغال ليك بي حق الصيانة إن شاء الله يتهد فوق رؤوس ساكنيه ومرتب نص رطل لبن بالدين كل يوم ويدفع آخر الشهر وحتى التمباك ممكن يختف من حقة الحبوبة و إذا إفترضنا جدلاً وجا حرامي بالليل برضو ما بيقوم ولا بكشكر ساكت يقول عكازي وينو ؟ والله يا البدري يا أخوي في ناس لا ينفع فيهم الصرصور لا صرة الوش لا صرة مفخخة.
والمادة التي تعني بالسكن ممكن تتعدل في عقد الزواج فتقرأ هكذا:
يتم دفع مبلغ نقدي يعادل …..دينار سنوياً للزوج للسكن وبالتالي يكون أهل الزوجة في حل من توفير السكن المؤثث أو غير المؤثث.
لا يحق للزوج الجمع بين السكن والبدل النقدي
صدر هذا العقد من نسختين بيد كل طرف نسخة
|
Post: #42
Title: Re: النسيب العكليتة دواهو عندي
Author: بدرالدين شنا
Date: 01-02-2006, 01:48 AM
Parent: #41
Quote: والمادة التي تعني بالسكن ممكن تتعدل في عقد الزواج فتقرأ هكذا:
يتم دفع مبلغ نقدي يعادل …..دينار سنوياً للزوج للسكن وبالتالي يكون أهل الزوجة في حل من توفير السكن المؤثث أو غير المؤثث.
لا يحق للزوج الجمع بين السكن والبدل النقدي |
لا لا لا ... دا طلعت إنت العكليتة
|
Post: #43
Title: Re: النسيب العكليتة دواهو عندي
Author: محمد سنى دفع الله
Date: 01-02-2006, 04:06 AM
Parent: #42
بدر الدين حلا يا حلو مرحبا
ياخوي يابدر تلقى جابوليك صراصير عندها مناعه ضد كل المبيدات الفي الدنيا ولاماكانوا قدروا عليك وشكرا ليك عندي مسرحيه بكتب فيها اديتني ليها ماده صرصورية تمام
|
Post: #44
Title: Re: النسيب العكليتة دواهو عندي
Author: ود الباوقة
Date: 01-02-2006, 04:33 AM
Parent: #43
اخوي بد الدين ... صدقني انا متوجس وخايف من ان يدخل بيتي ( صرصور ) او صريصير صغير وتاني ما يمرق من البيت عشان كدا وبما انك خبير صراصير اي واحد يهوب ناحيتي سأحيله لك لتحديد مدي الصرصرة في دمه ... يعني تحت مسئوليتك ...وبالذات يا بدر الدين الايام دي ( صراصير البلد زادت )
كل عام انت بالف الف خير
ود الباوقة
|
Post: #48
Title: Re: النسيب العكليتة دواهو عندي
Author: بدرالدين شنا
Date: 01-03-2006, 00:53 AM
Parent: #44
حبيبي ود الباوقة
سلام عاتي
أنا عندي أصدقاء تعرفت عليهم في عمان هنا من الباوقة واحد إسمو معتز أحمد وهسع رجع السودان والتاني إسمو هيثم الخليفة
| Quote: وبما انك خبير صراصير اي واحد يهوب ناحيتي سأحيله لك لتحديد مدي الصرصرة في دمه ... يعني تحت مسئوليتك |
ليه؟؟؟ قالوا ليك أنا من عائلة صريرون الشين صريرون؟؟؟
يلا علينا جاي
أصلِّح الصراير
|
Post: #45
Title: Re: النسيب العكليتة دواهو عندي
Author: بدرالدين شنا
Date: 01-02-2006, 05:17 AM
Parent: #43
صديقي وحبيب زماني السني
سلام وإبتسامة عريضة
| Quote: عندي مسرحيه بكتب فيها اديتني ليها ماده صرصورية تمام |
كدا أكون طالبك 3 مرات
1 - طالبك يوم أوحى لك شكلي بإسكتش الفنان السمح والفنان الشين
2 - وطالبك يوم أوحيت لك بالمادة الصرصورية
3 - و(طالبك) كونك كنت أستاذي ودرستني في المعهد
لك خالص معزتي
أتمنى أن ترى مسرحيتك النور قريباً
|
Post: #46
Title: Re: النسيب العكليتة دواهو عندي
Author: ALHALAWI
Date: 01-02-2006, 05:33 AM
Parent: #1
اليلــــــة !!!! بـكلم عليك !!!
|
Post: #47
Title: Re: النسيب العكليتة دواهو عندي
Author: بدرالدين شنا
Date: 01-03-2006, 00:53 AM
Parent: #46
| Quote: اليلــــــة !!!! بـكلم عليك !!! |
أفو آلحلاوي
|
|