Post: #1
Title: ومازا ازا عادت الديمقراطيه الينا مره اخري؟؟؟؟؟
Author: beko
Date: 04-03-2003, 11:59 PM
Parent: #0
الاخوه الاعزاء
في سؤال اساله لي نفسي كل مره
مازا ازا عادت الديمقراطيه مره اخري
هل سنعود مره اخري ليحكمنا بيت المهدي
او الشق الاخر بيت الميرغني
وهل تسمي تلك ديمقراطيه
مع العلم ليس لدي اي حزب سياسي
بس انا قرات عن مرحلة الديمقراطيه الاولي وعايشت الثانيه
وانا بدوري اسالكم نفس السؤال مازا لو عادت الينا الديمقراطيه مره اخري
|
Post: #2
Title: Re: ومازا ازا عادت الديمقراطيه الينا مره اخري؟؟؟؟؟
Author: korti
Date: 04-04-2003, 01:04 AM
الديمقراطية التالتة حتكون النهائية لان كل الناس قد تهيؤا لها و طالبينها ....و جيتها ما حتكون بسهولة الاتنين السبقوها(برغم صعوبتهم) ..عشان كدة مافي زول حيفرط فيها......و تملا الارض عدلا كما ملئت جورا و ظلما......
و لو شبهت استعداد الناس لها حاقول :
حـــتجي المنبدري جـــات....
|
Post: #3
Title: Re: ومازا ازا عادت الديمقراطيه الينا مره اخري؟؟؟؟؟
Author: beko
Date: 04-04-2003, 09:50 AM
لا اخفي احباطي من الديمقراطيه الثالثه
ازا اتت .لان الاشخاص هم نفس الاشخاص
الزينا قادونا في السابق
وهم نفسهم الزينا حيقودونا في المستقبل
فما الفرق!!!
|
Post: #4
Title: Re: ومازا ازا عادت الديمقراطيه الينا مره اخري؟؟؟؟؟
Author: Bakhaf
Date: 04-04-2003, 09:59 AM
Parent: #3
ديمقراطيه شنو بالله البتحلم بيها
عشان يجوا أل المعدي والميرغني يحكمونا تاني
اخير لينا العسكر ديل بي سجم رمادهم ده والله
|
Post: #5
Title: Re: ومازا ازا عادت الديمقراطيه الينا مره اخري؟؟؟؟؟
Author: beko
Date: 04-04-2003, 10:15 AM
العزيز بخاف
هزا رايك ولكن انا لم احلم بي عودة الديمقراطيه
لان الديمقراطيه اتيه اتيه لا محاله
انا فقط متخوف من الديمقراطيه الثالثه
شعبنا منز الاستقلال يعاني من الانظمه التي تعاقبت عليه
والاحزاب الموجوده في الساحه الان هي نفس الاحزاب
التي كانت في السابق والتي لم نري منها غير التخبط السياسي
والتشتت والهم الاكبر لديهم هو الحفاظ علي الكرسي
وانا لا زلت اتسال مازا ازا عادت الديمقراطيه الينا مره اخري
|
Post: #6
Title: Re: ومازا ازا عادت الديمقراطيه الينا مره اخري؟؟؟؟؟
Author: فتحي البحيري
Date: 04-09-2003, 09:23 AM
Parent: #5
بيكو
لك حق في السؤال
بخاف
والاخرين
انا لا اجيز مجرد مقارنة الذين يحكموننا الان بكائن كان
على الاقل يا اخي
في احترام لارادة العامة المظلومة
انا وانت وامي وابوي وامك وابوك
ولو جوا ناس ما عاجبني أو ماعاجبنك
مفروض نحترم قرار الاغلبية الجابتمو
وعلى الاقل ممكن توعي الناس البصوتوا للناس الما عاجبنك
في الجو الديمقراطي وما ممكن توعيهم في جو زي دا
ودايريييييييييييين
الصراااااااااااااااااحة
انا واحد من الناس
(بخاف)
انه هذه الديمقراطية تتأخر أكثر مما تأخرت
لأنه
الروح خلاص
بقت ما قادرة على هذا الاختناق
يااااه
كم هو مؤلم أن تضطر الى العيش في ظل حكم يبغضك بالسليقة
وتبغضه بالفطرة
تعيش عمراكاملاً
واحدا
هو كل ما لك في الحياة
|
Post: #7
Title: Re: ومازا ازا عادت الديمقراطيه الينا مره اخري؟؟؟؟؟
Author: beko
Date: 04-11-2003, 01:20 AM
اخي بحيري
لكي مني كل التقدير
ولله يا اخوي يا بحيري
نحنا بنحلم بالديمقراطيه انا شايفه بعيده
عنا .الشعوب التي تنعم بالديمقراطيه الان شعوب
مرت بي تجارب كثيره جدا
نحنا ليه ما نجرب فكرة
(الديكتاتور المصلح)
بمعني لمدة 4 سنوات نكون تحت ظل ديكتاتور مصلح
لو عادت الديمقراطيه مره اخري بي نفس الاشخاص الذينا لم نري
منهم غير التخبط السياسي والتشتت
وشعبنا هو الذي يدفع الثمن
هذا مجرد راي
|
|